مرات اشوفك بنفس الوقت واتخيلك
وانشد كفوفي عن اخر سالفة من ايديك

اعن لك لو تصب الموت واتهيلك
واجوع لك واتمنى خنجرك واشتهيك

ماقلت لك عمر سيف العشق مايقتلك
ماتشوفني حي قدامك وانا اموت فيك

اشتقت لك قبل اجيك وجيت واشتقت لك
البارحة طول ليلي بين هاذي وذيك

من روائع الشاعر مساعد الرشيدي رحمة الله عليه

مستغربة ..؟
اني قدرت .. اتجاهلك ..
وتمرني طيوفك ولا اشتاق لك ..

لا ياسبب كل الجروح
اللي معي وعيت تروح
معاد باقي لك معي الا القليل
ذكرى وليل بعد الرحيل
اللي عجزت استوعبه

تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني

احبك والمحبه جت من الله ومالها اسباب
لقيتك تجري في دمي وتسكن في شراييني