اشوف النوم عيا لايجيني
حرب عيني ولا ادري وش علامه

خذاه اللي خذاني يوم شفته
مابين خزام واطراف الثمامه

شبيه الريم مابالناس مثله
جميل وزاد حسنه في كلامه

تربى في طرف وادي حنيفه
رفيع الشان مصيون الكرامه

طلع من قلب نجد بكل زينه
وبالطعس الحمر بنا خيامه

شروق الشمس بالروض يتمشى
وبعد العصر في راس العدامه

ولا اخضرالربيع وزان جوه
وفي هاك الوطى ما احلى منامه

عسى الوسمي الى هلت مزونه
تملّى كل وديان اليمامه

ياللي علينا تشتكي طول ليلك
ياما سهرنا ماشكينا لك الليل
ياما تحملنا عذابك وميلك
وياما زرعنا مارجينا محاصيل

يا صاحبي مـا للفقـارى بنـي عـمْ
يوم الغنـي كـلٍ يجيـك ابـن عمـه

محدٍ طمع بالمـدح فـي ديـرة الـذم
كل يبي المخـراج مـن كبـر همّـه

‏أنا لستُ في الحُجّاجِ يا ربّ الورى
‏لكنّ قلبِي بالمحبّةِ كبّرا
‏.
‏لبّيكَ ما نبَضَ الفؤادُ و ما دعا
‏داعٍ و ما دمْعٌ بعينٍ قد جرى
‏.
‏لبّيكَ أعلِنُها بكُلٍّ تذَلُّلٍ
‏لبيكَ ما امتلأتْ بها أمُّ القُرى
‏لبّيكَ يا ذاالجودِ ما قلبٌ هفَا
‏للعفوِ منكَ و بالخضوعِ تدثَّرا