لو تاهت دروب العنا

مكل ماتمناه تدركه

;


فيني بكى لكن دموعي قليله
‏الحزن فيني قد وصل آخر الكون
‏-
‏فيني عتب عيّت عيوني تشيله
‏ماعادها نعسى مثل ما تحبون
‏-
‏مافيه دربٍ مستقيم و أميله
‏مافيه عاذل أعتبر ضحكته عون
‏-
‏كلي ملام وخوف من اشتكي له؟
‏من هو ينسيني بأكون ممنون
‏-
‏أمشي وأحس الأرض هذي ثقيله
‏كن الأوادم فوق قلبي يتمشون .


;

لا تخلي في رقبتك لخلق الله جميل
الجمايل في رقاب الرجال مكلفه

والرفيق اللي ظروف الزمن صوبه تميل
لا عطيته شي لا تعتبرك مسلفه

خلها فزعه ورفقه ومن هذا القبيل
لا تحده يشرح الوضع لك وتحلفه

القبول الزين والجود لو حتى قليل
قيمته قيمه وعذر الكرام يغلفه