‏وش الجديد ؟..
‏في كونك الليلة وحيد ..
‏ماانت العمُر كلّه قضيته ..
‏من بديته ..
‏تشوف هالدنيا قصيدة ..
‏فيها الليال أبيات ..
‏والعابرين حروف ..
‏وتشوف نفسك وسْطَها :
‏بيت القصيد !.
‏ما به جديد .

صدك نصيب وغيبتي شي مقسوم
انا خذيتك عمر و العمر يمضي !

ومع إن حظي ما صفالي .. ولا يوم
ابعتبر فرقاك من حسن حظي

‏والحال ياصاحب :
‏إني عجزت أنسى
‏توديعك الشاحب !
‏لكن على كل حال
‏فرْحي انا الرحال
‏لا تقلق افـ بُعدك
‏جاني الحزن صاحب !

اغلب ملامحنا تجي مالها شـرح
لا حــزن يكسيهـا ولا فـرح ظاهـر

من جملة الموضوع او جملة الطرح
الضحــك مبهر لكن الضيق باهــر

لاطار عنك النوم وش حيلتك فيه
تمضي الليالي وأنت عينك سهيره

لاصار ليلك موحشٍ وأنت ساريه
تضيق في عـينك من الهم ديره