خذْ نفس يمكن تِحس اني نسيت ,
ما تعبْ صدر الغرام ... : يضمنا ! ​

فقت باكر , مِن سُباتي ما دريتْ ,
إن ( باكر ) ! ما بعد ..جاء يمنا !​

صحت وينه.؟ ما سمعني مالقيتْ
غير وجه ٍ ( في إنتظاره ) , هَمنا

للضي للإحساس الوفا لدمعة البوح ــ ،
............للشوق و آخر ما ارتبك فيه ( كفي ) !

للشرهة اللي حسّها صاح مفضوح ؟!
............للحزن وآخر ما أشتعل فيه نزفي ..!

مدري غدينا أغراب ما تضمنا روح ــ ،
............مدري ولكن ضقت من فقد ( نصفي ) ؟!

مجروح من فعلتك مجروح مجروح ــ ،
............مجروح حتى الحبر من ضيق " حرفي " !

حاولت أعديّها وحاولت أنا أروح ــ ،
............من غير لا أخفف من هموم كتفي ؟!

ما كانت النيّة أزوّد بك / جروح ــ ،
............تعبان أدري ! بس أنا ذقت ( حتفي ) ..!

والغيبة اللي شفتها تخفي فروح ــ ،
............خلتني اشعر كيف الأشواق تنفي ؟!

خلتني أشوف الجفا يبني صروح ــ ،
............ويحيل كل اللي بقى لركن " مجفي "

ماعاد باقي قلب للوصل / مفتوح ــ ،
............وما عاد باقي ود يحتاج عطفي ؟!

والحزن و إحساس الجفا و دمعة البوح ــ ،
............و الضيق و آخر ما همى فوق كفي ..!

ما كانت إلا صدق ٍ يهادي / الروح ــ ،
............" وماكنت أنا نصفك ولا كنت نصفي