عزّاه يا قلبٍ شفوقٍ ومشتاق
متولّعٍ في حبّ زين الوصايف
عليه قلبي دايم الدوم خفّاق
وينوح له في كل عالي ونايف

خلّي عليه امن التّواصيف ما فاق
ومن الغزال اللّي يربّ الجفايف
عين العديم اللّي على الكفّ توّاق
نادر وصقاره عشاه الخفايف

قالولي تضحك شكلك ما عندك هموم .. كل شي عندك مكمل بالتمام
مادروا اني على همي كتوم .. مادرو بالصمت ابلغ من الكلام

الكبير إن طاح مايقدر يقوم .. ماعنده إلا يقول ياوقتي حرام
عشت وافي بحب ناس ٍ ماتدوم .. تمكنوا مني وقالولي سلام

مسلم واصلي الفرض واتصدق واصوم .. وارجي حلاله واتعوذ من الحرام
والحظ ما يعرف مباديي او سلوم .. ان ما عطيت الشمس يعطيني ظلام

لا امال ولا طموح ولا عزوم .. من جاه ما جاني بعذره ما يلام
والعلم جاك وباقي في الخاطر علوم .. وفوق صدري من عنا وقتي وسام

يا صاحبي لو قلت خاب العشم فيك
ما طاوعت معزتك في المحاني
أقرأ سطورك زين وأفهم معانيك
و أعرف ورا خافي المعاني معاني
ما قول زالت من كياني حسانيك
أقول من هو غيرك شكل ثاني

الوسم