بالمختصر شي يقال و شي و الله ما يقال
لكن على الله اتكل و يحلها حلالها

يعيش جمهور النصر و يعيش جمهور الهلال
حتى لو الكورة ما هيب لنا و لا حنا لها

أحسن نروح سويسرا و إلا نروح البرتغال
و إلا نسير لديرة البنغال مع بنغآلها

الشرق الأوسط في خطر و الغرب وضعه عال عال
و القدس له خمسين عآم و حآلته يرثى لها !

و بغداد مسرح للدمار و للجريمة و القتآل
الله من الاعداء يحررها و يصلح حالها

و اللي يحبون الحرام و لا يحبون الحلال
حسيبهم من يجزي الحسنة بعشر أمثالها

لو من يقول يطول قالوا قبلنا من قال طال
لكن هذي غلطة الشآطر و ذي موآلها

و ميزات عصر العولمة تساوى البنات مع العيال
مآ نقص حقوق الولد و البنت ريح بآلها

كنا بعصر العولمة و صرنا بعصر افتح مجال
مآباقي إلا يشاركه فال الله و لا فالها

و ليه ضغطي مرتفع ؟ و انا سريع الانفعال ؟
من كثر ما شافت عيوني شي ما يحلى لها

كيف انبسط و اضحك و انا ضايق صدر مشغول بال
و أبسط حقوقي دلتي غيري شرب فنجالها

و الشعر ديوآن العرب منذ القدم و لا يزال
يحكي عن امة عن مسيرتها و مجد أبطآلها

فعلا يا لجنة شاعر المليون ميزآن العدال
النآس ما تحكم عليها أصوآتها و أشكالها

و إن كآنها في الشعر انا في الشعر ما عندي إشكال
اسبح بحورك كلها من جآلها لجآلها

إما كتبته من عقل و إلا كتبته من هبال
هذي تراني عمها و هذي ترآني خآلها

و أنا ادري اني مآني بكآمل فلله الكمال
لكن شآعر ! و أتخير في البيوت جزآلها

يالعيطموس آلفاتنة يآ أم الدلع يآ أم الدلال
النآر من شبابهآ و الخيل من خيآلهأ

يآ سارقة عين الصقر يا سارقة عنق الغزال
يآ سآرقة كل الوصوف , دقاقها و إجلالها

‏انا شخص سيء ومذنب الى الاخر
‏حبوا قصيدي و لكن " لا تحبوني ".

‏لا هاج موج البحر واحتار مجدافي
‏من لي عوينٍ على الشدات غير الله

‏ولو شلت همٍ ثقيل وحطم اكتافي
‏نصيت من يفرج الضيقات عز الله

صدورنا فيها .. مفاتيح وقفول
صعبه على بعض الأوادم تجيها "