اللي على صدري بصدري مايحتاج سرد
أحياناً اوراقنا أكبر من ادراجها

لو انك بتدرس هموم البشر فرد فرد
تلقى اكثر هموم هالعالم من انتاجها

اللي يبيع الورود .. شلون تهديه ورد
لاتعطي الناس حاجه وهي ما تحتاجها

ليِت الأماني كل ماجّت على البال
يضحك لها الحظ الجميل وتحقق

جرهد وأنا مالي سحابة ولا نوّ
كن العطش واقف بدرب ارتحالي

لا زلت أحس إن المفارق بدا توّ
وإني رغم زحمة شعوري لحالي

ما ودي أطلق حسرتي في مدى: لو
ويسري التوجّد فيك يا هملالي

شبيت في صدر القصيدة معك ضوّ
وطرفت باب الشوق وأنتِ تعالي

إما فتحت ضلوعي لمجلسك أو:
أصادق القمرا وأسامر ظلالي

جرب تعيش من دوني
بتعرف إنّ للألم أغاني
وللجرح .. معاني!
مايفهمه أيّ شخص ثاني
جرب تهديه بليل اليأس شمعة
وتبتسم له .. وتمسح على جرحه
جرب .. وبتذّكر وقتها إن كل هالمدى .. أنا
وإنّ كل اللي اهداك الحُبّ .. أنا
وأني انا ..؟
مرّة بالعُمرّ أنا

ليت مالي عين تدمع ولا قلب (ن) رهيف
ودي أن الزين والشين ف عيوني سواه