اشتاق الخاطر ليك بجد
انريد اتشد...الهاتف عن حالي تنشد

اشتاق الخاطر يالبعيد
بجد انريد....ارقامك ننظر بالتحديد
عليك انرد...اخباري لك جمله نسرد
ونبدا بقول مسائك سعيد انت ياريد.....غيابك طالق في صهيد

ومانرقد ولا هو رايم عقلي حد...امكبد انا راني تكبيد
عليك انزيد...علي من غالي درتك سيد
ولك نشهد....بلاك ايامي ماتسعد
اشتاق الخاطر ليك بجد

‏لو بتُّ ليلي مع نهاري حامدًا
‏لك يا إلهي لم أكن لك مُوفِيًا

واطي قلبي طي على طي
طي الجرايد في مطابع الصحافة

مايشكي المخلوق ياكود من شيء
اما وجع ولا محبة ولافه

تغلى علينا تحسب ان التغلي زين
يا كم واحدٍ همّل رفيقه وهو غالي

شن تفسيرك
ما دق قلبي ياعزيز لغيرك
نا انقول وانت قول شن تفسيرك

شن تحليلك
واخذ معاك العقل حيلك حيلك
وانرايف عليك ارياف مانحكيلك
عطشان مانشرب إلا من بيرك

لو كان نلقى دنيتي نهديلك
هي واضحة وانت بينك وبين ضميرك
بالله عليك قولي شن تفسيرك
ما دق قلبي ياعزيز لغيرك

ليل وعيون وسهر
اللهم لاحنين ولاغيره