ارجوك غير افهمها
ب لمسه وهمسه ع الشفاه نرسمها
كلمة حبيبي...ارجوك غير افهمها

ارجوك حالي قدر
قولت انحبك كافيه وتعبر
تحمل معاني والقلوب اتصبر
وتمسح ارياف كبودنا ساحنها

ارجوك غير افهمني
كلمة انحبك حسها وارحمني
وبالصبر ربي انفوسنا يلهمها

ارجوك غير اسمعني
واشعر بنار الحب لاتلوعني
عندك غلا في الروح بيك جمعني
ولو بدلاتك م الحياة نحرمها

ارجوك حالي شوف
موتي ف حبك بالخطأ م اتفسر
عاطيك مانملك وماني امقصر
ولو كان بيدي الروح لك نقسمها

ارجوك غير اصغيلي
وافهم احساس الحب شن يعنيلي
بلسم اجروحي وفي دروب دليلي
وفرحت اعيوني وبسمتي يرسمها

ارجوك غير افهمها ....كلمة حبيبي

‏وكم مَرَّ بي سائلٌ مُشفِقًا
‏فأهمس أني على ما يُرامُ
‏فقلب الغريبِ أتى سائلًا
‏وقلبكَ مَرَّ مرورَ الكرامُ

حاولت مايخطر عليا وخطر
طيفه يراود كل وقت يجيه

حاولت مايكبر معاي كبر
زايد غلاه وانا خذيت عليه

وحاولت مانعبرا وعبرت
القيت دمعي وخاطري يبيه

حاولت نذكر وما اذكرت
الا حنانه حلم هايم فيه

حاولت نبعد عالغلا ماقدرت
وحاولت ننسى صوبه ونطويه

اللقيت كل شي ايقولي شن درت
وحتى عيوني عاتبوني فيه

ود العين اتشوفك طشه
واجد ياغالي واحشها

تسهر معي ذكراك في تالي الليل
واسهر انا والليل ونجيب طاريك