"حسبت أشواقنا غابت .. وأثاري الشوق تو ما فاق
واثاري بقلبي الساهي .. حنينٍ لك بعد باقي

انا ما كنت احسب ان الـ .. قلوب الساهية تشتاق
ولا كنت احسبك في يوم .. تجي وتحرّك أشواقي

سهيت بصفحة كتابي .. لقيتك بأول الأوراق
انا لاهي مع كتابي .. لقيتك كلك أوراقي

هلا يا حبي الأول .. هلا يا غايتي مشتاق
هقيتك ما انت في قلبي .. وأثرك داخل أعماقي

من أشواقي أهلّي بك .. حياتي والغلا سرّاق
نعم لاجلك سهى فكري .. حياتي ودمت لي باقي

أهلّي بك من الفرحة .. وأهلّي بك من الأعماق
حسبتك ما انت لي باقي .. وأثرك مالك أشواقي"