انت ورد الحب .. وانفاسك شذا
لاتغلا شفني.. مشتاق احتريك

معك وضعي لاكذا ولا كذا
والسبب معروف .. الله يهديك

ترى التغلي يقطع مواصيل الاحباب
ولا خير في ناسن ,, تجافي بعضھا

مكان ما نرتاح فيه ما نمشيله
واللي مايحس بداك مانشكيله

مكان مايريح بالي
مانجيه له قلت الجي اولالي
ولانشتكي لكل حد بحالي
كان غير من قاتل جراير سيله
وعارفه يحس وعارفه يصغالي
انجيه في جنينه قاصده وانشيله
هداك من ضيقة يباد احبالي
يمكن بما في خاطري نحكيله
وسري اللي ماينعطي لعيالي
عليه نمنه كيف الوطا التقيله
صاحب اولي من خوي قدره عالي
علي احترامه فرض بمفاعيله

مكان فيه ما انتهني
مانجيه لين ينوضوني منه
وصبري علي دايا دواء نلقنه
خير من انشاكي بيه ناس رديله
ولا انصاحب اللي كانهو واتنه
ليام ينسي قبل ما صاريله
يكره الماضي والتحدت عنه
وينكر اصحابه من عدم الاصيله
لو انموت ما نقبلش قوت اتني
علي ولا يمكن انشيل جميله
نفسي ورفع الشوف عندي هنه
اساس الحياه ماغيرهن نرعيله
شديد عزم والعازات ماهزنه
كياني حيل رغم الزمان وميله
صدق منو قايل متل يقعد سنه
اللي يشبحك بالعين لاتوميله
بلا شرح تفسير الكلام انضنه
واضح ولالي خوف من تاويله

مكان نكرها من لول
مانجيه لاعنه يقولواحول
مجرب وناظر شوق هول مهول
علي صغر سني ذايق
جايل ومتحدت مع متجول
وسامع محاكي من سنين طويله
رفيق يوم عمرك ماعليه تعول
ولااتقول صاحب بين يوم وليله
ولاقولت صاحب ساهله اتاول
الصاحب مع الصاحب تغيرن خيله
يموت بينهم ويريح مهما طول
ولا سر ميتهم ايبان دليله

مكان فيه ينقص قدري
مانجيه لو يبدا اضناي البدري
ولاكل حد نحكي اللي في صدري
ولا لمنو يكرهني انبين كدري
لين في يشفي باللسان غليله
نصبر وخالقي بحالي يدري
والضيق الفرج من غير شك بديله

مكان باينات عيوبه
له ماانجي مالي وما ل اقروبه
مراعي بداي وعارفه المكتوبه
علي الحي قطع الشك بتجريله
كان قلت كلمه كلمتي محسوبه
بلا حكم كتر الشعر من يصغيله

‏ماكرهتك بس بـرحل في سكات
الكلام … أحيان تعبيره سكوت

ليش مـستغرب لأنـه الحب مات
كل شي به ، روح , يالغالي يموت

تصبـح وتمسـي والغـلا لگ لـ حالك
وتحضر وتغيـب وأنت سيد المخاليـق