كيف المطر متقاوي
غلاك في سما قلبي سحابه ناوي
ايهيل بالغلا

كيف المطر وغيومه
وكيف من زها بالخير بعد همومه

غلاك في سما قلبي غرس بسهومه
سيل حبهن داير معاي فجاوي

غلاك ع الغلا قلبي معلي سومه
غلاك ما غلا كيفه غلا مساوي

غلاك دنيتي غلاك عيشتي المقسومه
غلاك نبض روحي ونا لغرامك غاوي

ود العين وحد الغايه
راك معايا
من شوفك لعيون ملايا

ود العين وحد الغاية
راك معايا
ظلي لين ادير عزايا

راك قريبي
ود العين تكون نصيبي
ماغيرك في الكون حبيبي
راك العون اللي يالايا

رانك منه
ظلي كيف بتهرب منه
راك الحن راك فراشي
وراك غطايا

حد مناها
ديما يالعزيز معاها
تدعي والعالم مولاها
بين الجبهة والصلايا

مايخون الحب لو طال الغياب
و القلوب الي تحن تبقى تحن .

هاك الروح...وهاك نفسها
وهاك القلب....وهاك حنينه
هاك العين اللي تمسا في ذكراك وتصبح بينا

هاك اجذور غلا غارسها
في جوفي تغريس اجنينا
هاك العقل بحنك لفه
هاك بحر شوقي والمينا

هاك مراسينا والمرفأ
هاك القارب والسفينه
هاك العمر وهاك ملفه
هاك اسرار معاه دفينه
هاك الدم اللي لك يصفى
وادهور بين شرايينه

تَرَحَّل مِنَ الدُنيا بِزادٍ مِنَ التُقى
فَعُمرُكَ أَيّامٌ تُعَدُّ قَلائِلُ
وَدَع عَنكَ ما تَجري بِهِ لُجَجُ الهَوى
إِلى غَمَراتٍ لَيسَ فيهِنَّ عاقِلُ