شوقي ليك كي شوق الوطا
لنقطة الماء من قلب السما
شوق يتيم لحن ودفا
شوق عقيم لجيب الضنا
شوقي ليك كي شوق الخلا
لزحمة ناس يلتموا سوا
شوق الصيف لنسمة هوا

وشوقي ليك مايوازيه شوق
حتى انكان في لحظه انتوق
حتى بلمح كي ضي البروق
معاك انغيب والخاطر ايروق
اتسر القلب يرتاح في هنا
شوقي ليك كي شوق الوطا
لنقطة الماء من قلب السما

مرات ودّي أصير ابتسامه
واضم من هو في حياته تكدّر

لا تعذر لي ترا الاعذار مسكينه،
تلجألها الناس اذا مافادت اخطاها!

شيعت نشبح للطريق بعيني
بالك حبيبي قلت توا ايجيني

شيعت نشبح للطريق انرجي
نرجا دوا نفسي ونرجا علاجي
وهي عادتي كل يوم في منهاجي
نرجاه في الميعاد طول اسنيني

شيعت نشبح للطريق ابطوله
محدد مسافاتي و وقت وصوله
نعطش ونروا وين نشبح زوله
كاس الغلا منه ايجي يسقيني

شيعت نشبح للطريق ماقابل
انخافه حبيب القلب مني جافل
ويمكن غلايا ايكون عني غافل
لا مش عادته درب الجفاء ايكافيني