غالي علي ونريدك
يلي ملكت الروح صارت فيك
ولو اتريد ثاني ياعزيز انزيدك
ود وغلا من خاطري نهديلك
حال غايتي نبقى غلاك وريدك
ونكون شمعه ضاوية في ليلك

انريدك روحي
وليا انريدك ياعزيز بروحي
نريدك دوا شافي لكل جروحي
في وسط عيني ياعزيز انشيلك
ولو اتغيب يكبر يالغالي نوحي
ونبقى شريد الفكر مانحكيلك

من يعدك في هوامش اهتمامه
في فسيح الكون هـذا لا تعده

قيمة الانسان تحسب فـ الكرامه
طـرّف عينك فـ المقفي ، لا تلده

فالمنام ايجيني
ايمسي عليا ...بالدفا يرويني
عزيز صوب عندي
فالمنام ايجيني

اوقات منامي
واوقات هايم في غريق احلامي
ايجيني الغالي
نسرح معاه...اتزيد زهوة عيني
ايزيد الغلا وانزيد في انسجامي
وكل المواجع وقتها اينسيني

وجايب معايا من غرام اسنيني
وطارح ورود لجيته قدامي
عزيز طول المنام معاي مايرخيني

قوي اعياره
عزيز صوب واخذني معا تياره
وفي كل مره جيني بأدباره
في عز المنام بطلته يحييني
نسرح معاه انهيم وسط ادياره
عزيز وحبيب انقولها يعنيني
عطاني الامان وحطني فاسراره
ودرته طبيب في مرضتي يساعدني
عزيز وعزيز ان كان راح خسارة
ومافيش غيره في الحياة يغريني
عاشق اطروحه وكل قسوة ناره
انريده انريده.....والله

غاب عزيز نهار شغلنا
لو كان ايفارق يقتلنا