الحزن لو هو يعلّك عادي، اللي يعلّ:
ضحكٍ يمرّك على حلّه ولا تضحكه

لوامة النفس واخطائي كثيرة جعل
ربّي يسامحني فـ شيءٍ ماعاد أملكه

جرّبت كل المشاعر من رضا لا زعل
وانمسحت خطوط كفي من كثر مـ افركه

ماعاد عندي على الأيام ردة فعل
اللي تبي: تاخذه، واللي تبي: تتركه

.

جعلني لا رحلت ارحل مع الصالحين
‏لا اشرق الصبح والعمر انقضى وانتهى
‏،
‏في مكانً مع الاخيار والمؤمنين
‏بين نهر الحليب وسدرة المنتهى !

.

الشغف كان اول العمر مثل الريهجان
وآخر ايامه توفى عسى الله يرحمه
ليت عمري ست ولا سبع ولا ثمان
ودي اذوق الشغف زين ضيعت طعمه

.


كل الامور بخاطري مستتبه
‏يرتاح من يختار راحة ضميره

‏انا الفقير اللي على باب ربه
‏ماني الفقير اللي على باب غيره


.