وجهـآن لعملـة وآحـدة
 

ܓܨوجهـآن لعملـة وآحـدةܓܨ
♥ وسقـطـت الـ / أقنعـه ♥



~ المقدمة ~

{ عندما يظلم القانون ويساهم في أدخل روح طيبه بريئه خلف القبضان هادماً بذلك أسره مازالت في بداية طريقها

مشتتاً أمرأه تحاول أن تـسـد مكان زوجها السجيـن وتربيـة أبناً صغير.. وطفل قد أنتزعوهـ من بين أحضان أبيـه في ليله لم ولن ينساها

عندما يصبح الأنتقام رغبة تخالط الدماء بالعروق .. وتكسو العيون غشوه من الصعب أزاحتها ....

عندما يرى المظلوم ظالمه يقف أمامه ويتمنى أن ينتهز الفرصـه لـيأخذ ماعجز القانون عن أخذهـ

حينهـا فقط ... تبــدأ خيوط روايتي الجديدة ... لنبحر ألى عالم أطلت النظر أليــه والآن فقط أحببت دخولـه

هنـا .. وبيـن ثنايا هذه الصفحه ... سوف نعايش جميـع المشاعر من حقد وكراهية وبغض .... ألى ... حب ومودة ورومانسيـه

فألى كل من يــرد مشاركتي هذه الروايـه الصعود الأن الى متـن السفيـنـه

فـ هانحن نشارف على الأبحار .......... !!

وها قد بدأت الرحـلـة !!!! }

محبكم فالله « حسين سلطان»

.......-------البداية------- .......

قبل مرور 20 سنـه

كان قاعد في صالة بيته وعلى يمينه مرته اللي كانت مشغولـة بالتلفزيون وبحظـنـه ولده اللي مسند راسـه على صدر أبوه بعد ماتعب من اللعب والضحك طول اليوم وشكله شارف ينام
مرر يـده على راس ولدهـ بحنان وهو يقول : فديت قلبـه .. شكله ناام من التعب
ألتفتت عليه وهي تبعد خصله من خصال شعرها البني المتموج بنعومه : أي فديته طول اليوم لعب وصرااخ .. وأنت بعد ماتقصر ترجع من دوامك تزيدهـ أينون ( جنون )
قامت وقفت وهي تقول : هاتـه خل أوديه دارهـ يناام هناك ... " تراجعت وهي تقول " وله تدري .. بروح الحمام ( وأنتوا بكرامة ) دقايق وراجعه علشان بالمرهـ أتم معاهـ ليـن أتطمن أنه نام
قام وقف هو الثاني ومازال ولده بأحضانه : شنو طايح من عينج أنا .. أنا بوديـه دارهـ وأقعد معاهـ حتى لو يطلع علينا الصبح ....
رفعت كتوفها بلا مبالاه وهي تقول : كيفك ... بس بعد بجي أخرب عليكم ..
مشى عنها وهو يقول : حيااج ...
أبتسمت بحب وطافتــه وهي رايحه فوق
بينما هو يمشي بحرص وخطوات محسوبه علشان لا يصحي الولد .... وأول ماأقترب من الدري ألا صوت الجرس ينطق بطريقـة مزعجه متتاليـه وصوت الطق ع البــاب واصل ليـن عندهـ ..
أنقبض قلبـه وألتفت وراهـ وعانقت عينه باب الصاله وقال : من جاينا هالحزهـ ؟؟..... الله يستـر ..
هالمرهـ زادت خطواته ورجع للكرسي اللي كان قاعد عليه مساع وحط ولدهـ اللي على طول فتح عينه بسبـب الجرس المزعج وهم لأنه فارق صدر أبوهـ ...
ماأنتبه له .. لأنه حطه وأتجه لباب الصاله على طول.. فتحه وراح بسرعه لباب الشارع وهو يقول : زيييييـن زيييييـن ,, والله نسمــــع ....
فتح البــاب وتفاجأ لما شاف ريال واقف جدامه بزي الشرطه ووراهـ كم واحد ملامحهم ماتبشر بخييير ... قال بعد ما حس بخطر .. بدون مايدري ليش : خيرر أخوي ؟ أقدر أساعدك بشي
الشرطي بلهجه عسكريـه : فلان بن فلان موجود ؟
قرب نبض قلبه يتوقف لما سمع أسمه قال : آآيـه ... أنــا فلان ....
الشرطي : عندنا أمر بتفتيش البيـت ...
فتح عينه على كبرها من الصدمه وكأنه سمع شي غلط : نــعــــم .....؟؟؟؟
الشرطي : اللي سمعـته ...
+: وليش ؟؟ شالسبب ...
الشرطي : مخــدرات ....
أنصعق من الكلام : مخــدرااات ؟؟؟؟؟ وشجاب المخدرات فـ بيتي !!!
الشرطي ماحب يطول الكلام معاهـ فقال : أخووي .. ممكن تسمح لنا نشوف شغلنا ....
حاول يجمع كلمتيـن على بعض وقال : زيــن شللي يثبت كلامكم ....؟؟
الشرطي طلع ورقـه ومدهـا له وهو يقول : هذا أمر من المحكمه بتفتيش البيــت ... واللحيـن نقدر ندش !
تمعن بالورقـه وطلع كلامهم صج ...أرتبك وتلخبطت علومه وقال بعد تردد: آكيد .. بس لحظة شوي ....
دخل داخل ودخلوا وراهـ الشرطه كان عددهم كبير وتوزعوا بالحوش
بينما هو دخل داخل وهو ينادي بأعلى صوته على مرتــه .. نزلت بسرعه من صوت صراخه : كااااني جيييـت شفيييك تصارخ ...
قال وهو يحس الهوى نقص بالمكان : روحي لبسي عباتج ,,, بيفتشون البيــت
كانت تنزل الدري لما كان يكلمهـا وأول ماوطت ريلهـا رخام الصاله قالت بستغراب : يفتشون البيــت ؟؟ من ؟
قال بغضب : الشرطه بعد من ....
ضربت على صدرهـا من الخرعه : الشرطه ؟؟ ليييييش شسالفه ...
قال بتنرفز وهو مب قادر يضبط أعصابـه اللي امتزجت مابيـن غضب وأرتباك : مااادري مااادري ,,, رووحي لبسي عباتج ...
هزت راسهـا بالايجاب وراحت فوق تجيب عبايتهـا ,,,
بينما هو ألتفت لولده اللي قاعد على الكرسي وعينه على أبوهـ وكأنه يبي يسأل ...بس مب عارف شيقول
راح له وشالـه وكأنه يبي يحسسه بالأمان وماهي الا دقايق ألا تنزل زوجته وتوقف أحذاهـ ويدخلون الشرطه البيــت يفتشون بكل ركن وبكل زاويـه ...
كانت واقفه أحذاهـ وهي ترجف من الخوف ... قلبهـا ناغزهـا حاسـه بيصير شي اليوم ... بس شنو ماتدري طوقت ذراعه ولزقت فيـه تبيـه يحسسها بالأمان مثل كل مرهـ لكن ملامح ويهـا المشدودهـ واللي كان كاسيهـا
الأرتباك وعدم الفهم للي يصير حوله كانت مخليتهـا تحس بأنه هو نفسه يبي حد يحسسه بالأمان ...
لما حس بيدهـا تطوق ذراعهـ .. طوقهـا بكبرهـا وقربهـا منه وقال بصوت يحاول يطمنهـا فيه : مابيصير شي أن شالله ... مابيصير شي ...آآكيد مغلطيـن بالبيــت .....
دقايق طوال مرت عليهم وهم على هالحال ... كانوا حاسينهـا تمر ببطء وكأنهـا قرون ... وولدهـ اللي كان يراقب الناس اللي حولـه بعدم فهم للي يصيــر ..كان لازق بصدر أبوهـ من الخوف
طالع أبوهـ وسأله ببرائـه وصوت وااطي : بابا .. منو هذي ؟
رد عليه بجواب مختصر جداً وقال : نــاس ...!
أقترب منه واحد من الشرطه وطلب منه سويج السياره لأنه لازم يفتشونهـا هي بعد .. عطاهـ المفتاح بعد ماطلعه من جييب ثوبـه وهو يدعي بقلبـه أنه تعدي هالليله على خييــر
وبعد فتــرهـ طووووييلــه بالنسبـه لهم
دخل واحد من الشرطه اللي تكلفوا بتفتيش الميلس والحوش والحديقـه وقال وهو بيدهـ كيس شفافـه بهـا بودرة بيضــه بالاضـافه لكيس ثانيـه زرقـه بهـا أبــر وشغلات ماقدر يستوعبهـا لما شافهـا من هول الصدمة
وقال لرئيسهم أنهم لقوا كميـه كبيرهـ منها بالميلس مخبـأهـ بأماكن متفرقـه فيه بسبب كبرهـ .....
تحنطت مرته من اللي شافته أبتعدت عنه شوي علشان تشوف ويها وقالت بخوف وهي خلاص بتصيح : شنوو هذاا ؟
ماكان قادر يرد من الصدمة ؟؟؟ مو مصدق اللي قاعد يشوفـــه ... شجابهم لبيته ؟ ..... شلووون دخلوا بيتـه !
أمر رئيسهم بألقاء القبض عليــه بعد مالقوا الدليل اللي يدينه
بس هو كان يعارض وبشــدهـ : لحظة ,,,,!!!! شساااالفــه .... شنووو تاخذوني معاااكم .. !!! شدخلني أأنـــا ....؟؟ شمسووووووي ..... والله أني أول مرهـ أأشوووف هالمخدراات بحياااااااااااااااااااااتي والله العظيييم .. شلون أجيبهم بيتي ؟؟؟ شلوون ؟؟
لحد ماجا واحد وأنتزع ولدهـ من صدرهـ اللي قام يصيح لما حس بخوف أبوهـ
حطووهـ ع الارض وسحبوا الأبو بكل وحشيـه من البيــت وسط صيااح ولدهـ وصراااخ مرتهـ اللي تحاول تخليهم يهدوون ريلهـا بدون جدوى

.

وبعد كم يوم ثبتت التهمـه عليــه بأنه تـاجر مخدرات بعد مالقوا الدليـــل المتوزع ببيـتــه
و3 شهــوود .. شــهـــدوا أنـــه تــااجــــر ... وكبير بعد !!!!!!
.
.
.
.
.
.
.
.
.
.

?

Prt " 1 "

كانت قـاعده بالحديقـه ومتربعه فوق أحدى كراسي الطاولات وحاطه بحظنها كتابها وعلى الطاولة اللي جدامهـا الدفتر .. وبيدهـا اليسـار ماسكه قلم أسود سائل حاطه طرفه بحلجها علامة على التفكير وكل شوي تعدل نظارتها الطبيـه دليل على قمة التركيز عندهـا ..... كانت تراجع لمادة الكيميا وخاصـه أنه أخر أمتحان لها راح يكون يوم الأحد هذا ولأزم تقدم عدل ..
لأنه لو جابت أقل من 97 أحتمال تنتحر من القهـر على أيام الوناسه اللي ضيعتهـا طول هالفتره علشان تدرس ....
قطع عليها جوها الدراسي صوت السياره وهي تدخل البيــت ... تنهـدت بضيق لما تذكرت أنهم توهـم راجعيـن من اللاند بعد ماتغـدوا هناك وتونسوا اخر وناســــه ورجعوا لها ....
ثواني ألا تجيها أختهـا الصغيرهـ تركض من بعييد وبيدها كيس كبيــره ماتدري شداخلهـا وقالت وهي تصرخ من بعييد : نووووووووري .... نوووورررري ...!
ألتفتت نوره وراها وقالت : هاا ؟
جات وقفت أحذاها وقالت وهي تطلع اللعبـه : شووفي شريت ... باربي ..
نوره خذت اللعبه وهي تساير أختهـا الصغيره : اللااهـ .. حلووووووهـ .... من شراها لج ..
ريم ببرائـه : نوووواف ..... نزلنا السوق وقال أشتروا كل اللي بخاطركم ... حتى ماما أشترت ...
نوره عقدت ملامحها لأنها فاهمه قصده من هالحركه قالت : ويييـنه الخاايس ؟
ريم تأشر بيدهـا على الفراغ اللي وراهـا : هناااااك بسيارهـ ... يمكن ينزل يمكن لوء ..
نوره هزت راسها بتفهم : زين روحي لعبي دااخل .. خليني أدرس
ريم : زيـن ...
خذت لعبتها من يد أختهـا وراحت دااخل تركض ... وبعد دقايق ألا صوت أمهـا وأخوها الصغير جايـن صوبهـا ...
أم نواف وهي بايـنه على ويهـا الوناسه : ووي يانوير .. طافج نص عمرج .... تونسنا وناسـه مابعدها وناســه ..
نوره تلف على أمها وتقول : ماأبي أتونس خلوني بيـن أربع طووف أكرف عمري ,, لا جبت الـ 97 .. ذيج الساعه بونس عمري سنه كااامله قبل لا أأدش الجاامـعــه ....
أم نواف وهي تقرب صوبهـا وتسحب لها كرسي من كراسي الطاوله وتقعد : تتوقعيـن من شفنـا هنــاك ؟؟
نوره وعينهـا بكتابهـا تتصنع اللامبالاه وهي داخلها بتموت وتعرف من : مـــن ؟
أم نواف : أنتي قولي من ؟؟ ...
نوره وهي تحط بعض الخطوط على التعاريف المهمه بهلـ صفحه : ماادري !...
أم نواف : شفنــا وضوح ..
نوره ضغطت على القلم بقوهـ زيـن ماأنكسر " هيـن ياوضييح .. هذي اللي مابتشبر برى البيـت وبتدرس !! أوريج تتونسيـن وأنا اتعذب نفسياً هني " قالت وهي مازالت لابسه قناع اللامبالاه : زيـن !!
جا أخوها الصغير واللي بـ أول أعدادي .. وقال بعد ماقعد بدفاشه على الكرسي المجاور لها : نواف يقول لج .. أذا تبيـن ياخذ فيج لفـه جدام البيت عن خااطرج لبسي عباتج وطلعي لــه ..
نوره : شنو يتصدق علي هو وويها العفن ... ماأبي ياخذ فيني لفه ولا لفتيــن ...... الله لا يحوجني له ..
أم نواف : يايمه مايصير اللي تسوينه بنفسج .. عنبو حتى أكبر عالم بهلـ كيميا ماسواهـا ....
نوره وعينها بكتابهـا : عادي بصير أحسن منه ...!!
أخوها الصغير " غانم " بضحكه ترفع الضغط ويرتشف رشفه عن خاطرهـ من قوطي البيبسي المحطوط ع الطاوله : والله أنج مشكله مالهـا أدنى حل .. مصدقه بتجيـب 97 .. حدج 70 ويخب عليج بعد
نورهـ صفقته بالكـتــاب على كتفه وقالت : موو أستانسـت وغازلت بنات سادس و خامس .. قووم فارج عن ويهي لا أطلع حرت الكيميا ووضوح ونواف فييييك ... فااارج أشوف
غانم وهو يقوم : زيــن بفاارج .. من حلات ويهج ...
حط البيبسي ع الطاوله ومر من جدام أخته لعانه وهو رايح
ولسوء حظـه أنه حرك البيبسي وأنكت على دفتر الكيميا اللي ملخصه فيـه نوره الدروس اللي درستهم كلهم
شهقت من قمة راسها وصرخت بقهر وهي شوي وتصيح بعد مارفعت القوطي : غنوووووووووووووووووووووووووووووووووووووووووووووووو وووووووووووم !
غانم وصل قلبـه لمخه من الخرعه وقال بصرقعه : والله آآسف .. قسما بالله ماقصدتهـا .... والللللله ...
نوره ألتفتت عليه وقالت : يالخاااااااايس ... يالحماااااااااااار ..... كل اللي درسته رااااح ..
غانم وهو يرجع خطوهـ للورى علشان يشرد لأنه شكلهـا قربت تنفجر : يمدحون الكمبيوتر اللي عندج هني " وأشر على راسـه "
نوره قامت وقفت وحطت الكتاب على كرسيهـا وقالت ودمعتهـا بطرف عينهـا : والله مااااأهــــدكـ ....
ركضت وراهـ تبي تتوطـى ببطنه .... وهو مشالله عليــه .. مركب تواير بريلـه وبسرعــة ألا هو فوق بدارهـ قافل عليــه غرفته
نوره وهي صوتها راح من الصراخ ودمعتهـا على خدهـا من القهـر : غنوم والله ماأنساهـا لك ... صدقني بردهـا ... والله وهذاني حلفت ..... وبتشووووووف يالياااهل
غانم بأسلوب يتسفز : آآيـه زيـن ... يصير خير ...
نوره رفست باب غرفته من الحرهـ وأبتعدت عنه تنزل الدري مقهورهـ وهي تمسح هالقطرات المالحه اللي عانقـت خدهـا ... من يوم الخميس ليـن اليوم اللي هو السبت وهي تدرس وتكرف وهالكه نفسهـا وكل مافهمت شي لخصته بهلـ دفتر والحين يجي هالبزر باردة مبردهـ يمحي لها كل تعبهـا ببيبسي ...!!
قعدت تتحلف فيـه وتتوعد بـه .. وهي متجهه لباب الصاله بتطلع ع الحديقـه وأول مافتح البـاب ألا بواحد طويل واقف جدامهـا
وقال بأسلوبهـ اللي تكرهه : آآهـ ياقلبي .. مو معقوله القمر فاتح لي البـاب .. ويـن يجيني نووم اللحيـن .....
نوره وهي في قمة غضبها : نووووااااف مب متفيجه لك اللحيـن ... كافيني اللي فيني ..
نواف : أفا أفا أفا ... النور يصيح ؟؟ ليش ؟
نوره بصراخ : لأنه أخووك الخاااايس ضيع علي شقـا هالثلاث أيااام ... وبرجع أكرف ليـن الله يشوف لي علشان أرجع نص اللي راح علي ... عرفت ليش النور على قولتك يصيح ؟؟؟؟
نواف بجديه : من صجج ..؟
نوره : لا أتغشمر معاااك .. " تدفعه عن طريجهـا " ووخر واللي يعافييك بس ....
طلعت من الصاله ورجعت الحديقه مالقـت امهـا ... الظاهـر دخلت البيـت من باب المطبخ !!
رجعت قعدت على الكرسي ومسكت الدفتر من الطرف وهي تنفضه بخفه علشان تزيح قطرات البيبسي .. وقعدت تشوف أذا اللي مكتوب ينقرى وله لا .... كان جزء كبير وااضح وينقــرى والباقي ذهب مع الريح !!!
قامت وقفت ورجعت دشت دااخل وسيدهـ على غرفتهـا ركبت الأستشوار وشغلته تنشف به الدفتـــر على أمل أنه الكلام ماايختفـــي .... لأنهـا صج صج بتنتهـي لو أنمسح شقاهـا كله


بينما عند أم نواف دخلت دارهـا وبيدهـا الاغراض اللي شرتهـا لقـت بو نواف نايم بعمق ماحبت تزعجه وتصحيــه اللهم حطت الاغرض على جنب وفصخت عبايتهـا ,,,
وخذت لها ثياب ودشت الحمام تاخذ لها دش داافي يرخي أعصابهـا عقب التنقل من محل لمحل .........
ولما خلصت تروش .. طلعت وشعرهـا مبلل لقـت بو نواف قاعد على طرف السرير شكله توهـ قايم ... قالت وهي تحرك الفوطه بخفه على شعرها الأسود : صح النوم ! ...وأخيراً قمــت
بو نواف وهو يتثاوب بخمول : هلا ... هلا ! ... متى جيتوا ..؟
أم نواف : توونـا من شوي ... بس صج صج الطلعه مع ولدك وناســه .. لها طعم غيير
بو نواف : زيــن عيل غيرتوا جوو شوي بدل حكرت البيــت .... ونوره جات معاكم ؟ وله كالعادة منحبسه بجحرها !
ضحكت ام نواف بالخفيف وهي توقف جدام المنظره وتحط الفوطه ع التسريحه : حراام عليك .. تبي ترفع راسنـــا ...
بو نواف : هي رافعته بدون شي ...
أم نواف : بنتي وأعرفهـا عدل لا جابت ذيج النسبـه العاليــه وفرحتنــا ودخلت حدى هالجامعات ... ساعتها بس راح ترتاااح وتريحنا معاهـا ...
بو نواف وهو يلبس ساعـة يدهـ وقال بثقه : قصدج لا دخلت جامعـة قطــر ...
أم نواف تمد يدهـا وتاخذ الكريم الخاص بالشعر وتقول : وأنت للحيــن ؟؟؟
بو نواف : وليـن بكرهـ ...
أم نواف : الدنيا تطوررررت يابو نواف .. محـنـا على أيام يدك ويدتي !!!
بو نواف : تطورت ولـه غييررهـ .. ماأرضـى بنتي تدرس بجامعات مختلطه ..... تبي تدخل الجامعه عندهـا جامعة قطر ماتبي تقعد بالبيـــت تجابلج
أم نواف تسكر السالفـه لأنهـا عارفه نهاية هالنقاش : عااد ساعتهـا يحلهـا ألف حلال .... أنت قووم اللحيـن صل المغرب .. ترى أذن .....
بونواف وهو يقوم : أن شالله ...

مر صوبهـا وهو داش الحمام بينما هي تطالعه من منظـرة التسريحه وتوزع الكريم بشعرهـا ... ببتسامه صافيــه ....
.
.


في مكان بعيــد وآيد عن هالبيــت

كان الجو هـادي عندهم ومافي أي حس .. وهو واقف بالمطبخ يمرر السجيـن اللي ملاها جبـن فوق التوست بضجــر وببالـه أفكار رايحه ورادهـ ...
ولما خلص منهـا حطها بصحن وأبتدى بالتوست الثـالث .... لحد ماخلــص .. حطه بالصحن .. وألتفت وراهـ يصخن الماي علشان يسوي له شــاي وبينما هو على هالحال دخلت عليـه أمه اللي كانت توهـا قايمه
وقالت : زايد ... أنت هنــي ؟؟
ألتفت زايد عليها وأرتسمت شبح أبتسامه على شفاته وقال : مابغيتي تقوميــن ...
أم زايد : ووي يايبـه .. أنهلكت اليوم .... ماغير اكل بهلـ دوى .. السكر مغربلني وأنا أمك
زايد ألتفت هالمرهـ بجسمه كامل عليها وقال : وليش مادقيتي لي !!
أم زايد : شنو ماعندي سالفه أدق لك .... السكر يرتفع وينزل وأنا تعودت عليــه عشرة عمرررر ..
زايد بجديه : يمه لا تتهاونيـن بصحتج جذي .. ثاني مرهـ لا حسيتي بأقل تعب دقي علي ماني متعيز عنج .... وخل تروح الجامعـة بستيـن ألف داهيــه .. صحتج عندي بالدنيا
أم زايد : أدري أنك مابتقصرر .. من يومك ياهل وأنت قايم فيني .... " تنهدت وكأنها تذكرت هموم كانت تتناساهـا " الله عوضني فيييك
زايد نزل نظره لتحت لما حس بحزن أمه .. مايحب يشوف هالنظره بعيونهـا يحس مليون سيف ينغـرز بصدرهـ وبكل برود ينتف قلبـــه ويقطع عرووقـه.......
ألتفت على الغوري اللي سخن الماي وبنــده وراح طلع كوب يصبه فيـه
فتح الكبت وطلع له لبـتـن وحط قفشتيـن سكر بالكوب ...وبعدهـا حطه بالصينيـه جنب الصحن وقال وهو يتحاشى يشوف أمه : بيحطون فلمج المفضل ع أم بي سي 2 اللحيـن
أم زايد ماردت لأنها سبحت بأفكارها لبعييد بعيييد وآآيــــد !!!
زايد وهو طالع الصاله رفع صوته علشان يرجعها لأرض الواقع .. الماضي ماراح يفيدهـا بشي غير النكد والضيق : أأنــطـــــررج ..
أم زايد ألتفتت لصوت ولدهـا لقته أختفـى عن نظرهـا مسحت دمعه متعلقه برمش عينها وطلعت الصاله وراهـ وقالت بعتب : كم مرهـ قلت لك ... ماتتمشـى بالبيت بدون قميص !!
زايد وهو يحط الصينيه جدامه ع الطاوله ويقعد ع الكرسي : يمـه متعـوووود ! وبعديـن البيت كله مافيه ألا أنا وأنتي ... أستحي من منه مثلاً ...
أم زايد : ولو .. ماتقعد لي جذي ... بالله لفحك الهوى وطحت علي مريض .. من بيفيدني ؟؟؟ ولـه حد جانا وشافك ماخذ راحتك بزياادهـ شبيكون موقفك ....
زايد وهو يحط طرف التوست داخل الشاي : عاادي .. واحد فـ بيته راح يحاسبوني شلبس وشنو ماألبس !! وبعديـن هالناس ماراح يعجبها العجب ولا حتى الصيام برجب ... واللي ماأعجبه يطق راسـه بالطوفــه ..
أم زايد تقعد أحذاه وتشغل التلفزيـون بالريموت كنترول بعد مايأست منه : الله يهديييكـ ...
زايد بعد ماأكل له شوي من التوست قال وهو يغمس طرف التوست بالشاي ويمدهـ لأمه : آآميـــن .... أجوووف فتحي حلجج ...
أم زاايد تبعد ويها : لا لا يبــه ... والله ماأأبي مالي نفس ...
زايد يتمسكن : ترديـن يدي !!! ترديـن يد زاايد حبيبج ؟؟
أم زايد : ماعاش اللي يردك ... بس والله طفحانهـ أكل ....
زايد : عشان خااطري زيــن ....
أم زايد كلت شوي عن خاطرهـ وقالت : هاا ! مستانس اللحيــن ...
زايد وهو يقط اللي بقـى من التوست بحلجه ويشرب وراهـ رشفة شاي : ألا بمووووووت وناسـه ...
أم زايد : أموت وأعرف وييــن يرووح الأكل اللي تاكله أربع وعشريـن سااااعــه ....؟
زايد بضحكه خفيفه : لا آله الا الله ... بعد أحسديني على هالكم لقمه اللي اكلهـا باليوم ....
أم زايد طالعته بنص عيـن : كم لقمه ؟ ... آآآي وااضح !!!...
زايد وهو يتربع فوق الكرسي : ماعليج فيني دودهـ متكفله بأكل كل شي أأطرشه لهــا .. ههههههـ
أم زايد تدزهـ بالخفيف : تنكت مع هالوووي ....
زايد ضحك بدون مايعلق وعينه على التلفزيـون جدامه .. بينما أم زايد حاولت تبعد شبح الماضي عن بالهـا وتندمج بفلمهـا المفضل على قولـت زاايـــــد ....... بدون أمل !

.
.

بيت بو نواف


بنــدت الأستشوار بعد مانشف الدفتــر .. وراحت تتصفحه تحاول تقــرى شي وأرتاحت نسبياً لما لقت شي ينقـــرى .. حطت الدفتر على جنب وراحت تدور بالدروج على دفتر فاضي ترجع تنقل فيـه كل اللي راح عليهـا ...
وبعد طلعت الروح لقــت ..... مسكت قلمهـا وقعدت تكتب وتوهـا ماوصلت لنص الصفحه ألا نغمة جوالها تحشر الغرفــــه طنشــت لأنهـا مب فاضيـــه والجوال نفسـه ماطول بالرنيــــن
ورجعت دفنت روحها بالدفتر تكتب بحرص وبالمرهـ تراجع من يديد ... لكن صوت جوالها اللي رجع رن عكر عليها جوهـا ...
نوره : آآووووووف ...!
قامت من على مكتبها وراحت صوب سريرها خذت الجوال وردت بعد ماشافت المتصل : هااا يالأذيـه شتبيـن ؟ الوحده ماتعرف تدرس بجو هاادي ؟؟
وضحى تنعم صوتها : هاااي دلـبي ... " بلهجه لبنانيه " شو أخبارك .. لك أشتـئـتلك موت ؟
نوره وهي ترجع تقعد على كرسي مكتبها وتقول بعد ماحطت جوالها جنب الدفتر ع السبيكر : يشتاق لعدوج النكد قولي أميــن ... تراني متنرفزهـ منج ..
وضحى ضحكت من قلب وقالت : أأدري أأدري ... عارفه ردت فعلج أساساً ... بس شسوي ياأختي مليــت طقت جبدي من مجابل الكيميا فقلت أخذ فترة نقاها ....
نوره : ع الاقل عطيني خبر أنج بتطلعيـن تهيتيــن ... مب مخليتني على عماي .....
وضحى : شدراني ... قلت أكيد لو عطيتج خبر بتفتحيـن لي قاموس نصايح وأنا مب ناقصه عوار راااس
نوره : صج جليلة حياا .... أنا أعور الراس يعل راسج العواار اللي مايفارقهـ ...... هيـن ياوضييح .. الوعد يوم الاحد أن ماندمتي
وضحى بمرح : زيـن فكينا من دعاوييج ... " تدلع علشان تغيضها " توني طالعه من اللاند .. واللحيـن أنا بفيلاجيو... تبيـن أجيب لج شي ماشيات .... لا يردج الا لساانج ..
نوره : لا مشكورهـ ماأبي منج لا شي ولا ماشيات ... أأبي أأدرس بجوو هادي ممكن
وضحى : لا مب ممكن ... بسج رحمي حالج .... طول الوقت تدرسيـــن ماتصدعيـن أنتي ..؟
نوره تتنهد بضجر وملل وصوت هادي : وضووح تعبت والله ... أأبي أجيب نسبه عدلللــه ماأبي أتخرج من 3 بحيالله نسبـــه ...
وضحى : زيـن كلنا نبي نجيب نسب بس ماسوينا بروحنا جذي ... اللي يشوفج يقول ذي ناويـه تدخـــل أحسـن جامعــة بالولايات المتحده ... مب جنج داشـه جامعة قطر !!
نوره عقدت ملامحها وقالت : وشفيهـا جامعـة قطر .... شحلاتهـا وشزينهـا وأحسن البنات متخرجيـن منهــا .... عيل عاجبج شغل الصياعه اللي ببعض الجامعات المختلطه ..
وضحى : والله المتربيـه عدل ماراح تضيع بيوم وليله ....
نوره : آآكييد فديتج ,, مب مستعيله البنت تضيع من أول يوووم ... لااحـقـه !
وضحى : زيـن جب جب يالمعقدهـ ..... والله أنا ماعلي منج بدخل فرجينيا وأنتى بألف طقاق يطق راسج هاليابس ..
نوره : ويرضج معاااي .. يلا أشوف سكري ... متصله تنكديني ؟؟
وضحى : لا ...! أصلا أنا داشـه محل بضاعته تذبح .... قلت بشتري لج معااي علشان نطقم بيوم .... بس مايبيـن بعينج ......
نوره : لا تشتريـن لي ,,, ليــن قعدت سنه كامله بالبيت أريح قبل الجامعه بخم مجمعات الدوحه كلهــا ....
وضحى : زيـن يمه .. خمي المجمعااات .... يلا باي أبي أتنقى على رااحتي بدون سندارهـ ..
نوره بتسأل : طالعه برووحج ؟؟؟
وضحى بنغزهـ : لا جايبـه البيت كله معااي ؟؟
نوره : تطنزيــن ...
وضحى : لا أستخف دمي .... أأكيد جايـه برووحي من متى أطلع من البيـت ومعاااي حد .. لا أمي متفرغه ولا أبوي ... وماعندي أخووو كبييير ..!!!
نوره : زيـن علـ الأقل حد كبير يكون معاااج ..
وضحى بسرعه : وييييييـه واللي يرحم والدييييج .. لا تشغليـن لي أسطوانتج .... أعرف شلون أصون نفسي وأحافظ عليهـا .. مب محتاجه أبو ولا أم يحموني ..... شقالولج نوره !!؟
نوره : بل بل كلتيني .. مايسوى علي فتحت حلجي ..... زيـن بااااي خليني أدرس
وضحى : آوكي .. بكلمج بعديـن
نوره : أووكيه .. يلا بااي ..
وضحى : بايات ....

نوره ضغطت على الزر الاحمر تنهي الاتصال وهي تقول : ماتـغيـر !
دخل عليها غانم وقال : ياافديت صوت خطيبتي والله
نوره طالعته بنظرات حقد وقالت : خييير شتبي ؟؟؟
غانم بتسأل : هذي وضحى ؟؟
نوره عادت سؤالها : شتبي ؟
غانم وهو يقرب منها ويمرر صبعه بالفراغ اللي بمكتبهـا : جاي أتأسف ...
نوره : زيــن والله صحى ضميييرك !!
غانم طالعها وقال : ماعلينــا .. تبيني ألخص لج الكتاب تعويض عن اللي محيــتــه ؟
نوره كانت بترفض بس قالت دامه يعرض خدماته خل تستغله : أصلا مب بهوااك هو .. غصباً ورى خشمك رااح تعيييييدهـ .....
غانم : مع أنه أسلوبج زفت مثلج .. بس بعد تمونيـن اختي العوودة شسوي ؟؟
نوره قامت وقفت وحطت القلم فوق الدفتر اليديد وقالت : أشوف أنثبر ... وعييد اللي بالدفتر القديم هني ..... أأنقل عدل مو تزيييد وله تنقص شي .. بنحرك !
غانم وهو يقعد : أن شالله عمتتي .....
نوره تنفخ : آآووووف ... هذا حمل وأنزاااح ... باقي لي أأدرس اخر درس وبجذي بكوون خلصت الكيميا عدل وباجر أراجع ع السريع وأن شالله أجيب علامه كامله ..
غانم طنشها وقعد ينقل اللي بالدفتر القبلي بالدفتر اليديد ... بينما هي راحت صوب سريرهـا
قعدت وفتحت كتاب الكيميا على اخر درس وأبتدت تراااجع
مادري متى ناويـه ترحم روحها هالبنت !!!!!؟

.
.

اليوم التالي وخصيصاً في أحدى المدارس الثانويـه

كانت تمشي مع وضحى وهي تحاتي الأمتحان اللي راح يبدأ بعد شوي : تصدقيـن خايفـه أزفــت ....
وضحى : أقص أيدي لو زفتي ... ماكله الكتاب وتقوليـن بتزفتيـن ؟؟ عيل أنا اللي بعتهـا أمس وطنشت حق الكيميا شقول .... يلا الله يكتب اللي فيه الخير
نوره بطنازهـ وهي تضحك : ههههه رايحه تخطبيـن ؟ شنو الله يكتب اللي فيه الخير !!! سكتي واللي يرحم والديج ماأبي أضحك
وضحى أبتسمت ببـلاهه وقالت : آآيه عيل شيقولون .....؟
نوره ترفع يدها لفوق وتقول : الله يوفقج يانووره يابنت حنان ويخليج الأولى على بنات الدووحه ...
وضحى تدفعها بالخفيف : يلا منااك ... واايد ماخذهـ مقلب بعمرج ...
نوره بغرور مصطنع : من حقي ....
وضحى بتسأل : أقول نواري ... مب جنه البنات قاموا ينقصون ؟؟؟
نوره بلا مبالاه : تلاقينهم طقت براسهم يراجعون شوي قبل الأمتحان ....
وضحى : عبالج الكل حمص مثلج ... " توقف وتلتفت وراهـا " نويررر ... الساحه مافيها ألا كم بنت ... أمشي أمشي خل نروح الصف لا يكون بدى الأمتحان ؟؟
نوره : شدعووه يبدأ قبل الجرس .... لا لا ماأظــن ..
وضحى تطالع ساعة يدها وفتحت عينها على كبرهـا : يالعنززز ... بدى الأمتحاااان .....
نوره بغباء الدنيا : واللله ؟؟؟ بس مارنوا الجرررس !
وضحى : تلاقيـن الجرس كالعاده خرباااان مايعدلونه ألا كم يوم بالاسبوع ....... " تمسك نوره من معصمهـا " أمشي بس أمشي لا نرسب بالكيميا وقعدي صيحي دم ع الايام اللي راحت وأنتي تدرسيـن
نوره عقدت ملامحها وهي تاركه جسمها يسير بقيادة وضحى : فال الله ولا فاااالج .... ناجحه أن شالله وجايبه نسبــه تصدمج ...
وضحى بلعانه : آآكيد بنصدم أذا 50 ....
نوره ضربتهـا بقوهـ على ظهــرهــا بغت ترجع البنت قلبها : ووووووووووووعمــى ... أفتك من غنووم تجيني أنتي ..
وضحى تركت معصمهـا وألتفتت عليهـا بغضب وكأنهـا تألمت وهي تقول : يالخااااااااااااايســه ... يعووووور ضربتيني مكاان الطيييحـــه !
نوره حطت يدها على حلجها بعد ماأنتبهت على اللي سوته : آوهـ !! سووووري نسييييييت
وضحى : يعل ياخذج هالسوووري قولي أميـن .....
نوره بنص أبتسامه بسبب الغضب اللي أرتسم بوي رفيجتهـا : آآميــن ...!!
وضحى تمشي عنهـا وتتركهـا وراهـا وتسرع نورهـ بخطواتها وتتعلق بذراع رفيجتهـا : خلاص عاااد قلنالج أسفيييـن لا تعصبيــن ...
وضحى : زييين رضيينــااا ...هديني ..
نوره تحط راسها على كتف رفيجتها ومازالت متعلقه بذراعها وتتدلع : موووبي موووبي ...كيفي رفيجتي !! عندج أعتراض ؟؟؟
وضحى طالعتها وأبتسمت توهـا بتنطق الا يجيهـم ذاك الصوت المليان دفاشـة الدنيا : أنتوووووا اللي هنااااااك !!
أنقزت نوره وطالعت مكان هالصوت اللي عرفت صاحبته : نعم مس !
المس بغضب : بدل سوالف الحب والغرام اللي مسوينهـا هني روووح ألحقوا على الأمتحان لأني لو شفت رقعت وحدهـ فيكم عندي بالمكتب لا تلومون الا نفسكم ....
وضحى : مس مارن الجرررس ؟
المس : يعني ماسمعتوا مس ريم وهي تقول كل وحدهـ على صفهــا ...
نوره : لا ماكنـا حولهـا ... صلحوا المايك علشان نسمع كلنــا ؟؟؟
المس بصرخه : على لجاانكم أأشووووووووووف !
مشوا نوره ووضحى بسرعه على لجانهم وهم يضحكون

دخلوا اللجنه اللي هم فيهـا وكل وحدة قعدت على طاولتهـا المذكور عليها أسمهـا كانت نوره بأول الصف بينما وضحى بأخرهـ ...
.
.
.
درة الاحساء غير متواجد حالياً رد مع اقتباس

بعد الأمتحان طلعوا مستانسين لأنهم قدموا زيــن وبالأخص نوره كانت واثقه أنها بتجيب العلامه الكامله بهلـ ماده
بينما وضحى مغلطه بسؤاليـن ثلاث ... بس ضـامنه النجاااح بالكيميا ....
لبسوا عبيهم وراحوا صوب بوابـة المدرسـه ينطرون أهلهم يجون ياخذونهـم .... وقعدوا ع الكراسي اللي داخل المدرسـه وكل ماسمعوا هرن طلعت وحده منهم تشوف أذا السيارهـ لهم وله لا ..
نوره بيجيهـا أبوهـا أو نوااف ... بينما وضحى بدون تفكير السايق ...
نوره وهي تقترب صوب وضحى بعد ماراحت تجوف السيارهـ أذا لهم وله لا وقالت : وضحى .. في واحد كل يووووم أجوفـه صاف سيارته جدام المدرسـه ويطالع البوابــه ؟؟ توقعيـن أخو وحدهـ من البنات ؟؟
وضحى : أذا مب أخو وحده من البنات أأكيييد مغازلجي .. ماعليج منه طنشيييــه .....
نوره : المشكله مايوقف ألا بمكان قريب من اللي يجي نواف أو أبوي يصف به سيارته ... يعني لأزم أمر صووبــه كل يووووم علشان أركب سيارتنا..
وضحى بلا مبالاه : تلاقينه ولا داري عن هوى دارج ... ينطر أخته وله الحب تطلع له .....
نوره ضحكت : حلوووهـ الحب ... صراحه هالبنات ميانيــن شلون ينقص عليهم بهلـ سرعه
وضحى بنفس الأسلوب : قلتيهـا بنفسج ميانيـن .... كل من قال لهم أحبج صدقوه !! الله لا يبلانا بس
نوره بزلة لسان : كلش أنتي مب منهم ؟
وضحى ألتفتت عليها وقالت : شقصدج ؟؟
نوره : نسينا حب الطفوله
وضحى : ووووووي مالت .... تزووج وجااب عيال وكل ماشافني قعد يضحك على خرابيطــه .. كنا يهاااال !! كبري مخج ياماما ....

" صوووووووت هـــرررن حاشر المكان برى "

وضحى قامت تنهي هالموضوع وهي تقول : يااااااااارب يكون محمود رأف بحالي وجاااا ... بذبحه لو يتأخر زيادهـ ..
نوره قامت وقفت وقالت : خل أجي معاج ... يمكن يكون نوووااااف لأنه يموت على هالأزعاج ..
وضحى بغشمره وطيب نيه : أأخووووج فلله ....
نوره بعبط : لا بيت شعبي ...
وضحى ضحكت من قلبها : ههههههههههه والله وتطورنا وقمنا ننكت يانويييير ...
ماعلقت نوره أكتفت بأنهـا تبادلهـا الضحك
طلعوا يجوفون من ... طلع السايق الخاص بوضحى اللي رفعت يدها لسما وهي تقول : أأشكرك يااارب .. " تلتفت على نوره تسلم عليها بالخد" أأشووفج اليوووم العصـــر...
نوره ببتسامه : آآوكي أنطــرج ... والعاشق الهيمان ينطرج بعد
وضحى بغشمرهـ : الله يخسه أخووج هذا .. بوسي لي أياااهـ ..
نوره تضحك : صج مافيج ذرة حيا ... عييييب أستحي ..
وضحى : حلفي عاد !! ... مابقـى ألا أستحي من أعدادي ... " تقرب صوبهـا وتهمس بأذنها مغيرهـ الموضوع " ألا أقول تقصديـن ذااك اللي عند السياره السووودهـ ؟؟
نوره : أأيــه ... بس لا تطالعينه علشان لا يحسبنـا نتكلم عنه ..
وضحى : أن شالله عمتي .. يلا سي يو ...
نوره : سي يو تو ...

وضحى أبتعدت عنهـا وركبت من الباب الخلفي لسيارتهـا وفتحت الدريشه وطرشت لها بوسه بالهوى وأشرت لها بمعنى " باي "
تحركت سيارتهـا مبتعدهـ عن المدرســه ...
بينما نوره توهـا بترجع داخل ألا صوت سياره حشرهـا بالهرن ألتفتت ألا بنواف " أأخيراااااااااا ! "
رااحت له بســرعه وركبت أحذاهـ وسكرت الباب وهي تنافخ : كااان تأاخرت زياااادهـ ...
نواف : ووودي .. بس الهوى ضدي ....
نوره تمد يدهـا وتبند المسجل اللي ازعجهـا وتقول : مررني على مطعم ... أأبي أونس عمررري
نواف وهو يعدل نظارته الشمسيـه : خلاص راحت عليج .. أأمس طرشت لج غنوووم .. قلتي له ماتبيـن ومادري شنوو ..... اليوم مالي مزااج وعندي محاضرتيـن ورى بعض بعد ساعـه ونص
نوره بلمحة رجآ: عااد نويف ...!!! أمس كنت أدرس وأنت تدري أني ماراح أطلع فـمن جذي طرشته .. أعرف نذالتك أنا .... واليوم لما أرتاح بالي تقول مالك مزااج وعندكـ محاضرات ؟؟؟
نواف : زيييـن خلاص أشتغلت بس بالحنـه ... بوديج معصرهـ ماعندي أدفع حق مطاعم .. أمس أعلنت أفلاسي
نوره ماعجبها الكلام : لا والله .. أنا أكل من معصرهـ .... باأحلااااااامك
نواف يتكلم بنفس طريقة كلام أخته : لا يطييييح نصج بس .... " يعدل صوته " بشتري لج سندويج بيض بفلفل مع عصير برتقال وونسي رووحج فيهم
نوره : غلطانه أنا اللي طلبت منك توديني مطعم ... أنت وي مطاعم أنت .... حــدك مـ.....
قاطعهـا وهو يشغل المسجل من يديد ويدندن معاهـ مطنشهـا .. وهذي الحركه يسويهـا أذا مايبي يسمع كلام مايعجبـه ...
نوره بقهر : ترااااااااك بليييييد !
نواف : وأنتي أبلد ......
نوره صدت عنه ... ماتحب برووووودهـ ولا أسلووووبـه ولا حركااااته ... بس للأسف أنهـا تحبه..!!! معادلـة سهله موجودهـ بيـن بعض الأخوان !

.
.
فـ بيت أم زايد

كانت قاعده تنظف غرفـة زايد بعد ماتركها الصبح متجه للجامعـة وتشيل هالثياب المنثره يميـن ويســار : الله يـهـداك بس ...! مادري ليش مايحط الثياب المحتاجه غسيل على جنب والنظااف بمكانهـا ؟؟ لأزم يتهاوش مع الكبت كل يوم ؟؟
قامت تلقط الثياب المحتاجه غسيل وتحطهم على معصمهـا واللي مب محتاجيـن غسيل جمعتهم على جنب علشان لما ترجع تصففهم من يديـد داخل الكبت
طلعت من غرفته وهي تنزل الدري بخطوات موزونه لحد مانزلت تحت .... وسيـده راحت للحمام " الله يعزكم " اللي تحت...شغلت الغساله وبعد ماحطت الثياب ورشـت فوقهم صابون طلعت من الحمام وسكرت الباب وراهـا وخلت الغساله تشوف شغلهـا ..!! رجعت مرهـ ثانيـه تركب الدري راجعه لغرفة وحيدهـا ... وأبتدت تصفط الثياب بأهتمام وهي تستنشق ريحة عطرهـ مع كل ثيــاب تعدلهـا ... ببتسامه منورهـ ويها اللي هده الحزن : الله يخليك لي ويحفظك ....
قطع عليها شغلها صوت الجرس عقدت ملامحها بستغراب وتسأل .. تركت اللي بيدهـا وطلعت من غرفة ولدها وهي نازله الدري وسحبت الشيله تتغطـى فيهــا ولما وصلت عند باب البيــت قالت بصوت عالي علشان يسمعها اللي خلف الباب : مــــن ؟
ماجالها جواب !!!
أم زايد بستغراب وهي تعيد السؤال : مـــــــــن ؟؟؟
رجع الجرس يـرن ...
أم زايد بصوت واطي بالغصب ينسمع : أستغفر الله ....
فتحت الباب وطلت وتمـنـت أنهـا ماأستعجلت بفتح البــاب ألا بعد ماتاخذ القدر الكافي من الأكسجين لأنهـا أأأنـــــــصــــــــــدمـــــــــــــــــــت بالشخص اللي كان واااقف جدامهـا لدرجـة حسـت كل شي حولهـا توقف حتى نبض قلبهـا توقف عن ضخ الدم !!! ... سنيـن مرت ! لكن ملامحه ماتغيــررررت
أبتسم لها بحب وقال : شدعوه .. رحتي لأخر الدنيا ولا حتى زرتيني مرهـ ؟
حطت يدها الثنتيـن على حلجها من هول الصدمه بعد ماتركت الباب ...,.. دخل هو وسكر الباب وراهـ وهو يطالعها بشوق كبيييييييير ياما وياما أعترى قلبـه طول هالـ 20 ســنه وبصوت هادي قال : مشتاق لكم ..
صاحت وأذرفت دموع لا أرادياً .. بدون ماتحس لقت دموعهـا تنزل وكأنهـا شلالات ... مستحيل يكون هوو ... مب معقوله يكون طللع ...؟؟؟؟
بدون ماتحس لقت روحها هاجمـه عليه بكل شوق حاظنته بكل قوتهـا .. حاظنته بشوووق .. بوله ... بحب ... وهي تبكي من قلبها على السنيـن اللي راحت وهو بعيييد عنهـا .. وعن ولدهـا
غمض عينه ونزلت دمعه على خدهـ ... دمعه شوق ... دمعـة وله .. ودمعــه ألم ... دمعه مافارقته بكل ذيج السنيـن اللي راحت من عمرهـ بتهمه كان بريئ منــها بسبب وااحد ماخااف ربــه ولا تذكر أنه كما يديـن يدان !
ماتدري كم دقيقه مرت وهي حاظنته بقوهـ ... لأنها ماأنتبهت على روحها ألا وهي بالصاله معاهـ وهو قاعد أحذاهـا يتأملها ويدهـ مافارقـت يدهـا
سألته بعد ماهدت : متى طلعت ؟
بو زايد : صار لي 4 أيام من طلعت .. واليوم الخامس ..
أم زايد وصوتها شبه مختفي من الصياح ويدهـا مافارقـت يد بو زايد : وليش ماجيتنا على طوول ..." بألم " ليش تأخرت !
بو زايد : وأنا أعرف مكانكم أصلا علشان أجيكم على طوول ... رحت البيت القبلي مالقيتكم .... ولما سالت عنكم بطلعت الروووح لقيت حد يعرف عنوانكم .... وجيت ..!
أم زايد نزلت عينها بالأرض وهي تقول : غصبوني أطلع منه ... علشان أبتعد عنك وعن كل شي يربطني فيك .... وكانوا بيغصوبني أطلب الطلاق بس والله مااارضييييت ..
بو زايد وهو يرفع راسها : مثل ماغصبوج أنج ماتزوريني ... ولا تجيبيـن زايد لي !!!
أم زايـد صاحت من يديد : والله كنت أبي أجي .... بس .. " راح صوتها بالصياح من يديد "
بو زايد يحظنها من يديد وهو يقول : أدري ....أدري .... خلاص لا تصيحيـن .. نسيتي أني ماأحب دموعج ؟
أم زايد تبتعد عنه شوي وهي تقول : والله مانسيت ولا شي ,,, للحيـن أذكر كل شي يخصك .... كل شي ..
بو زايد بحب وعينه مليانه دموع لكنه حابسهم : تغيرتي .... شكلج أختلف شوي !
أم زايد أبتسمت له وهي تقول : شكلي من برى يمكن تغير .. بس من دااخل مازلت مثل ماأنــا ... ضعيفه ودووم محتاجه حد يساندني .. ومن بعدكـ الله عوضني بولدكـ
بو زايد سألهـا بلهفه لما طرت ولدهـ : ويــن زااايد !!؟ ماأشوفــه
ام زايد : زاايد بالجامعـه ... مب موجود ..
بو زايد حس بفرح لما سمع هالشي ... ولدهـ كبـــر ! ولا ودخل الجامعـه بعد ؟؟
لكنه بنفس الوقت حس بألم فضيييييع لما تذكر أنه كبر وعاش وتربى بعييد عن عينه قال وهو يحاول يخفي الصراع اللي داخله : متى يرجع ...؟
أم زايد وهي تتذكر ولدها ببتسامه : فديت قلبـه اليوم ماعندهـ محاضرات وايد ... راح يرجع مبجر علشاان يتغــدى معاااي مثل ماوعدني...
بو زايد بألم قالها : يدري أنـــي ........
قاطعته أم زايد وهي تقول : أأيـه يدري ... ويتذكر كل شي .. وعارف عدل أنك مظلووووم ....حتى يتذكر وبالتفصيل يوم سحبوهـ منك بالقوهـ ..... وماتدري شكثر يحبك ..
بصيص من الأمل أقتحم قلب بو زايد.. كان متوقع يرجع يلاقي ولدهـ كارهه ومفتشل منه قال : يدري بالقضيـه اللي أنسجنت فيهـا ,, وله بس يعرف أني مسجون مظلووم !!؟
أم زايد : يعرف القضيه اللي أنسجنت فيهـا ويعرف عدل الظااالم اللي دخلك السجــن مظلووم ..
بو زايد أنصدم من هالشي ٍسألها : شعرفه ؟؟ من قاله ....
أم زايد ضحكت بسخريه : مايحتاي حد يقوله ... قالها الظالم جدامه لأنه عارف ماراح نمسك عليه دليل
بو زايد تغيرت ملامحه... كساها الضييم والحقــد والكرهـ قال من كل قلبـه : حسبي الله ونعم الوكيل ......
أم زايد تبتسم له : ولا تهتم ... أهم شي أنك رجعت لنا .... رجعت لي وماراح تهدنا من يديد ...... وهو الله فووقــه .. الله ماينسـى عبيييدهـ
بو زايد بألم : ماتدريـن شكثر ودي أأذبـــحــه .. بس لما أتذكر نجاســتـــه أتعــوذ من أبليس ..... مب كفو أضيع السنيـن الباقيـه بعمري بالسجن من يديد ... مب كفو !!

.
.

كان قاعد بمكتبـه كاسيـه الأرتباك وصل له الخبر اليوم أنه اللي مايتسمى طلع من السجن ! شلون طلع ... معقولة الـ 20 سنه مرت بسرعة البرق بدون لا يحس .....
أخر مرهـ زار أم زايد كانت من 5 سنين ... من 5 سنيـن لحد هاليوم ماشافهم ,,, يمكن تهديد زايد لــه زرع بقلبـه شويـت خوف ...
للحيـن يذكر صوته الرجولي وهو يصرخ فيـه ..... ولو ماأمسكته أمه كان عادي يضربــه ويطحن أعضامهـ ... رغم أنه بالنهايـه راح يشارك أبوهـ السجن ...
كان يحبهـا ... ألا كان مجنون فيهـا .... ولما طلبت الطلاق منه وبعد عدتهـا على طول خذت أعز ربـعه .. حقد عليهـا وعليـه ..
كرهم أثنينهم ..... كـرهـ أبد ماينوصف .. حس روحه أنطعن بالظهــر !!! مايدري ليش ..... يمكن لأنه أعز ربـعه أخذ اللي كان يعشقهـا ويتمنى التراب اللي تمشي عليـه ؟
حب يدمر حياتهـا مثل ماجرحتــه .... والأهم من هذا ..... حب يضرب عصفوريـن بحجر
يهدم حياتهـا ويحرم اللي مايتسمى من ولدهـ ومرتـه ....
صحيح أم زايد لما خذتـه ... خذته مجبورهـ ,, وكانت عايفـه العيشـه معاهـ بسبب عصبيته الزايدهـ .. وتقلب مزاجه اللي مايعجبهـا
بس كان ممكن تاخذ أي واحد ... ألا سعود ..؟؟؟؟ ليش هم قلوا الريايل ...مالقت ألا سعوووووود !! سعود اللي كان رفيجــه وأغلى ربـعـه ..
جا لـه ذاك اليوم وطلب منه يبات عندهـ بالميلس يابلفيـت أنه زعلان مع أهله وفهمه أنه مب زعلان عليـه ولا شي وأنه هذا شي رب العباد كاتبـه ونصيبـهـا مع سعود مب معاهـ..
ولما تطمن سعود أنه رفيج عمرهـ رضـى عليـه .. وطاح الحطب مثل مايقولون ... ترك له الميلس بعد ماقضـى تقريبا الليل كله عندهـ .. وتركه ع الـساعه 2 ونص رايح يرتاح
هني أستغل الفرصـه وطلع جاب كل المـخـدرات اللي بسيـارته ووزعهـا بالميلس بكل مكــان بحيث أنه ماينوصل لهـا ألا أذا مشطوا الميلس تمشييييط !!!
ومن طلع النهـار ترك بيت رفيجه " السابق " وعلى أذان الظهـر راح بلغ عليــه .....و .....
قطع عليـه سلسلـة أفكارهـ الـكئيبـه دخول السكرتيرهـ عليـه وبيدها ملف به أوراق محتاجه توقيـعه .. زفر بأرتياح بعد ماصحتـه من ماضي رهيييب .. خايف من نتايجـه ....
رغم أنه بينه وبيـن نفسـه متأكد أنه ماغلط بشي ... كل اللي سواهـ كان رد أعتبــــار .. !!


في آحدى الجامعـات

كان قاعد في الكافتيريا يرتشف كوب قهـوه دافي ... وعينه مانزلت عن الشـاب اللي قاعد بالطاولـة اللي تبعد عنه شوي .... كان يضحك من كل قلبــه وبايـن أنه بالـه خالي وماعندهـ شي يعكر عليـه جووهـ !!
حط كوب القهوه على الطاولـة ومرر صبعه بطريقـه دائريـه حول حواف الكوب وكأنه بالـه أنشغل بشي ... شي محد عارفـه غيييــرهـ ..!
سمع صوت خطوات جايـه من وراهـ وعلى طول حط كتبـه على طاولـه وقعد مجابله وقال : آووووفـ ... مابغـى يفرج عنـا !....
رفع نظره وطالـعه بدون ماينطق
فهد بتسأل : أقول زيود .. خلصت محاضراتك وله للحيـن ؟
زايد ببرود : أيـه مخلص من زمان ..
فهد وهو يوقف ويشيل كتبـه : عيل قووم ... عازمك فـ ستار بكس
زايد بنفس البرود وهو ينزل عينه بقهوته ويرجع يمرر صبعه على حواف الكوب : لا بكس ولا سطـار ... قاعد أنطر ناس تطلع .. بعدهـا راح أطلع !
فهد بستفسار : ومن هم هالنـاس .. ماخبر جامعتنـا فيهـا بنات علشان تنطرهـا تطلع !!وتوصلهـا سالمه غانمه لباب البيـت ؟؟
زايد طالعه وقال : عندي اللي أهم من البنــات ...واللي يهمني أكثر منهم بعد
فهد رفع واحد من حواجبه وقال : لا تقول لي تنطر الحبيب اللي معلقك ومب مخليك تنام ؟!! ترى صج صج بطيح من عيني ’’
زايد : جربت هذا بويهك ؟ " يأشر على كوب القهوه "
فهد ضحك وقال : أتغشمر الله يهداكـ .. محشوم وتكرم عنهـم ..... " يأشر له براسـه " يلا قووم ع الساعه 2 لأزم أكون بالبيـت الوالد بعفسني لو أتأخر ثانيـه ..
كلمة الوالد تمت تتردد ببال زايد ... ! ليته مثل باقي الشباب ... لو رجع متأخر لقى أبوهـ يحاسبه ويهاوشه على تأخيرهـ ويحاتيـه من كل قلبــه !!!
... صحيح أمه ماتقصر من هالناحيـه أبد ! بس بعد هو شـاب .. ومحتاج لريال يفهمه
مهما تفهمته أمه ماراح تقــدر تحس فيـه كثر أبوهـ !!! " عقد ملامحه بدون لا يحس لما تذكر السبب الرئيسي باللي وصل له ابوهـ وضغط ع الكوب بقوهـ "
فهد أستغرب من حركة زايد اللي ساعات يضحك ويسولف .. وساعات يسكت ويصير بالعافيـه يقول كلمة ..... غررريب هالأدمي .. رغم صداقتهم اللي دامة من أيام الثانويـه .. ألا انه مازال مايفهمه عدل !!
ترك الكوب وقام وقف وهو يشيل هالكم كتاب وقال : مشيـنـا ...
تعـدى فهـد اللي أرتسمت على ويهـا علامة أستفهام كبيرهـ !! من تصرفـات زايد ... توه يقول مايبي يطلع ...!!!!
مر زايد على ذاك الشاب اللي كان يراقبـه وعطاهـ نظرات معناهـا أبداً مب مفهوم وهو ماشي ..... !! يكررررهـه .. ويكررررره اللي جاابـه ... ويكره كل أسم يرتبط بذاك الحقيير
فهد شال كتبه ولحق زايد وهو يقول : صبببر صبببر .. مسرع ماغيرت رايك !
زايد وهو يطلع نظارته الشمسيـه من جيب قميصـه : ليش منت ناوي ترجع مبجر ؟
فهد وهو يمشي أحذاهـ : بلا .. بس ع الأقل قول أنك بتجي معاي ... مب تشيل قشك وأنت رايح !
زايد بعد مالبس نظارته قال ببرود : آوكي ولا تزعل .. " طالعه " أنا جاي معاك !!
فهد بأسلوب سخريـه : والله ! أحلللف ... قول قسم !!
.
.

طلعوا من الجامعة وتفرقوا عند سيايرهم كلـن ركب سيارته متجهيـن لـ ستار بكس
زايد أول ماركب سيارته وحرك من عند جامعته طلع جواله يتطمن على أمه لأنها الوحيده اللي طول الوقت منشغل باله فيها .. رن وايد لكن ماحصل رد
زايد وهو يطالع ساعة يدهـ اللي تشير لـ 10 ونص . : مب معقولة نايمه للحيــن ؟ دومها تقعد مبجر مع أذان الفير !!
تذكر حوارهـ أمس معاهـا ولما قالت له أنهـا السكر مغربلهـا ... معقوله يكون نزلـ معاهـا هالمرهـ وهي علشان ماتزعجه مادقت لـه ؟!!! معقوله تكون مرميـه بغرفتهـا تنطر دخلته عليــها علشان يعطيهـا أي شي بـه سكر ,, معقولة لو يتأخر عليهـا زياادهـ راح يفقدهـا ..... !!
وصل عند الدوار وبدل ماياخذهـ وهو رايح يســار ... خذاهـ ورااح يميــن متجهه لبيـتـــه وهو يدعي من كل قلبــه أنهـا تكون بخيير !!
بينما عند فهد اللي كان يدندن مع المسجل أنتبـه على سيارة زايد وهي تغير مسارهـا .. رفع واحد من حواجبـه بغرابه : ها !! ويــن رايح هذا ؟
طلع جوالـه وأتصل على زايد لقاهـ مشغول ... رجع أتصل مرهـ ثانيـه هم مشغول !! لأنه من الصوب الثاني كان قاعد يتصل ع البيـت على أمل أنه يلاقي رد
كتب له مسج وطرشـــه وأنتظــر ردهـ لكنه ماحصل رد ...
فهد وهو يزفر من قلب : آووووووووووف .. الله يعيني على طبعك !! " بنفاذ صبر وهو يضرب السكان " ياأخي قول أنك غيرت رايك !!

الطريج رغم طولـه ألا أنه زايد وصل بسرعه .. صف سيارته عند باب البيــت ودقاته قلبـه تضرب ألف بالثانيــه عمرهـا ماطنشت تلفون البيـت ألا أذا كانت تعبانهـ وتعبانه واايد بعد !
وأذا جات تطلع تزور أهلهـا تعطيـه خبر ... لكن هالمرهـ ماعطتـه خبر ولا ردت ع التلفون .... مافي ألا جواب واحد لكل الأسئله اللي تزاااحم ببالـــه
آآآكيييد نازل معاهـا السكر ...!!! آآآكيييد
نزل من سيارته وبخطوات سريعه توجه للجرس وحط صبعه عليــه بدون لا يشيله ... وباليد الثانيــه قعد يطق الباب بخووووف أكتسـى قلبــه ...
حس أنه طول وهو يطق البــاب رغم انه ماكمل الـثانيـتيـن
نزل نظره لمخبى بنطلونه ودخل يدهـ يدور المفتاح ... وهو على هالحال أنفتح البــــاب
رفع راسـه بسرعه وأنذهل من هالرياال الغريب اللي فتح لـــه ؟؟؟؟؟؟


نهـاية البـارت الأول

" Prt 2 "

نزلت وضحى من السياره داشـه المجمع ... مالها خلق ترجع البيـت بتتغـدى هني وبالمرهـ بتمر تتشرى لها كم شغله أحتفال بأنهـا خلصت أخر أمتحان
أتجهت للأصنصير وضغطت علشان يفتح دقايق مرت وأنفتح البـاب كان فاضي مافيـه حد ... دخلت وهي تعدل شيلتهـا اللي كاشفه أكثر من ماهي ساترهـ ولما صارت داخل جات بتسكر الباب ألا أثنيـن يدشون معاهـا ماعبرتهم وتمت صادهـ عنهم تطالع الناس من الأصنصير وهو يرتفع لفوق لـ دور اللي طلبته .... كانوا يقطون نغزات ويبلفيت يكلمون بعضهم .... وهي متأكدهـ أنهم يقصدونهـا
حاولت ماتعطيهم أهتمامهـا ولا حتى سمعهـا واول ماتوقف الأصنصير مرت من بينهم طالعه وطلعوا وراهـا .... طلعت جوالهـا ودقت على امها تعطيها خبر أنهـا بتتغدى برى
رن شوي بعدها جالها صوت أمها : ألوو ...
وضحى ببتسامه : ألو هلا يمــه ... أنتي بالبيـت ؟
أم وضحى : لا ببيـت خالتج ... عندهـا ناس .....
وضحى : أها ... زيـن تراني بتغدى برى مب راجعه البيت اللحيـن ...
أم وضحى : على راحتج ... بس حطي بالج على روحج ..
وضحى : لا تحاتيــني .... بس قولي لأبوي .. لأني أدري ماراح يرد على رقمي لا شافــه ..
أم وضحى : آآووكي ... بقوله .. وأنتي دقي على البيت وقولي للخدامه تحط الغدى ... علشان أخوانج ياكلون ماينطرونج
وضحى : أن شالله ... يلا باي ...
أم وضحى : باي ...

سكرت وضحى ورجعت تضغط رقم بيتها وأول ماشالته الخدامه قالت لها تحط الغدى وتخلي أخوانها يتغدون لأنها مابترجع اللحيـن ولما تأكدت أنهـا راح تنفذ اللي طلبته منهـا سكرت وهي تدخل مطعمها المفضل وتاخذ لها طاولـه لشخصيـن وتقعد فيــها .... لما قعدت رفعت عينها تشوف الأثنين اللي طلعوا وراهـا بالأصنصير للحيـن موجوديـن وله لا .... بس مالقتهم
شكلهم لقـوا ضحيه ثانيـه تعبرهم وتعبر سخافـة عقولهم !!!!
نادت الجرسون وطلبـت غداهـا اللي كان عباره عن شوربـة دياي .. وعصيـر كوكتيل .. يبلفيت تبي تحافظ على رجيمها ولايقتهـا الجسديـه
ماطول الطلب ليـن وصل ... وبعد ماسمـت بلشـت أكل
.
.

بينما بـ بيت رفيجتها
كانت قاعدهـ بالصاله تكلم المطعم " كنتاكي " وتقول له بالضبط شتبي .. وبما أنه ريم أختها احذاهـا ومسندرتهـا تبي وجبـة اطفال رئفـت بحالهـا وطلبت لهـا ووصـته يجيب سلطة الفواكه أهم شي
وأول ماخلصـت ألا بدخلـت غانم عليها : هاا خلصتي أمتحانج ؟؟
نوره وهي تحط السماعه : يب وأفتكيـت ... وقاعدهـ احتفل
غانم بستغراب : تحتفليييـن ؟؟
نوره : آآي أتصلت على كنتاكي وطلبت مطااافي " طلع صوت بطنهـا من اليوع وقالت بعد ماأستقرت يدهـا على بطنهـا " ماتتخيل شقد مستانســــــه .. لو لي أجنحه جاان طرت من زماان !
غانم وهو يقعد على الكرسي : وأن شالله من بيطلع يجيبـه ؟
نوره بتلقائيه : أنت ؟
غانم طالعها : لا والله ..؟ أشوفج تعودتي علي ... أمس كاتب لج واليوم أجيب بلعتج ....!!
نوره : تبيني أنا أطلع أأجيبببـه ؟؟ آووكي بطلع بس أأذاا هاوشني نواااف وله أبوي بقول له غنوووم معاند
غانم بدون أهتمام : آآووكيه !
طلعت أم نواف من المطبخ وهي تقول : يمه نواري تعاااالي سوي السلطه ....
نوره فزت وراحت لها بدون ماتجادل وهذي أول مرهـ ... وهي تسمع رنيـن التلفون بالصالـه
دخلت المطبخ وسيدهـ صوب الطاولـه ..
أمها وهي تروح تشرف ع الجدر : شعندج مستانسـه اليوم ... شكلج مبيضه الـوي
نوره وهي تقعد على الطاوله وجدامها الخضـرهـ : آآكيييد ... الأمتحان كان سهل موووووووت مايبيله شي وأستغربت أنه ماجابوا شي من الدرس الأخير
أم نواف : يلا .. الله يوفقج يايمــه ..
نوره وهي تقطع الخيار : وأجيييييب الـ 97 يااارب .....
دش غانم عليهم المطبخ وهو يقول : نورووهـ ... سلووى تبيج ؟
نوره ألتفتت عليه وهي تقول بغرابه : سلووي ! ويـن ؟
غانم : بالتلفون بعد ويـن ... قومي حاجيهـا
أم نواف : ماتجوفهـا تسوي السلطه .. قول لها تسكر ... بدق لها نوييييير بعديـن
غانم بعد تردد يطلع وله مايطلع من المطبخ قال : لا .. لا ! فشله .. توني قلت لها صبري شوي ,, مب حلوه بحقي أرجع أقول لها مشغوله نوره دقي لها وقت ثاني
نوره وهي تقطع الخيار بأندماج : والله هذي مشكلتك ماني طالعه من هني ألا بعد ماأكمل اللي بيدي
غانم : حرام عليج البنت تنطررر ...
نوره : خل تنطر ,, شنو بتموت أذا ماسمعت صوووتي ؟
غانم : والله بطقاق يطقج أنتي وبنت خالتج ,, أنـا رايح داااري وخليها تتنقع ع التلفون ليـن تحس على دمها وتسكرر زيييـن ..
عطاها ظهره وطلــع ,,,
نوره وهي تناديـه : غنووووووووم ,, والله لو تسويهـا مايحصل لك طيييييب .... عيييييب ياللي ماتستحي
غانم طل عليها وهو يقول : مخلي الحيا لج ,,, " يأشر لها بيدهـ " بااي !
رجع طلع وهو هالمره متجهه فوق لدارهـ وتارك وراه نوره تصارخ من قمة راسها
نوره وهي تقوم : أأووووريييك يالخااايس ,,, تصيمخ .. تصييمخ يعلك الصمخ
أم نواف ألتفتت عليها وعطتهـا نظره لأنـها ماتحب تسمع هالدعااوي !
نوره : زيييـن أأسفييـن ,, بس ولدج ييييعل ويرفع الضغغط ,,,,
أم نواف وهي مازالت مجابله الجدر : بدل هالهذره روحي كلمي البنت ..أخوج معلقها ع الخط !!
نوره : أأووووووف ,,,
طلعت من المطبخ وهي تحلطم على غانم لحد ماوصلت لتلفون شالته وقالت على طول : يعني ماتدريـن هالحزه حزززت غدى ؟ شله تدقيــن
سلوى : صج أنج قليلة أأدب وذوووق.. اللحيـن بنت خالتج العزيزه تتصل لج تقوليـن لي هالحجي ,,, آآووكي يانوير خل أجوفج جاايـه تلزقيــن فيني تبيـن تعرفيـن النتاايج والله ماأأأقووولهـا لج لو على قص رقبتي
نوره قلبت الموجه لما سمعت التهديد : وه يافديتج ويافديت اللي يابتج ,,, أتغشمر معاج يالدبببــه .. صج منتي وي تغشمررر
سلوى بغرور مصطنع : ززيييـن أمي تقول بنجيكم العصر ,, علشان تروح مع خالتي المستشفى
نوره : حيااكم ,, تعالوا حد قال لكم لا .... بس يكون بعلمج .. وضيح بعد قلب قلبي راح تجيني العصر بعد
سلوى عقدت ملامحها على هالطاري : وضيح الهايته الضايعه ذييييج ؟؟ أم لساان طقاقه ؟؟
نوره بجديه : سليييو .. ماأسمح لج ترى .. مثل ماأنتي بنت خالتي تراها رفيجتي الروح بروووح
سلوى : والله محد بيضيعج غيرررهـا ,, هذي مالها واااالي ...... تصدقيــن سمعت أنهـا واايد فرررري يعني عاادي تكلم شباااب على قولتهـا مجرد صداقـه
نوره بعصبيه : سلوووى !!!!! لا تطلعيـن حجي عليهـا ساامعــه ... وضحى أأشرررف من اللي يقولون عنها جذي .. ومستحيل تسويهـا ... بس جفتوا البنت متحرره شوي قمتوا تطلعون عليها حجي وكلام ماصااار
سلوى بأستغراب وهي عاقده ملامحها : شدخلني أنا ... مب أنا اللي قايله هالحجي ..... سمعته !
نوره : لا تنقليـن حجي منتي واثقه فيــه .... واللحيـن يلا باااي وراي شغل مب متفرغه لج
سلوى : شبلاج عصبتي .. لهدرجه كلمة الحق تززعـــل ....
نوره بتنرفز : باااااي !
سكرت بويهـا بقوهـ وقامت متنرفزهـ ودشت المطبخ ...
قعدت على الكرسي ومسكت السجيـن بعد ماحطت الخيار اللي خلصت تقطيعه بالمله العوده اللي أحذاهـا
وأبتدت تقطع الطمااط وهي معصبــه وحالتهـا حالـه ..
أم نواف بدون ماتلتفت عليها : شكانت تبي منج ؟
نوره بعصبيه خفيفه : تقول بيجون العصر علشان تروحيـن مع خالتي المستشفـى
أم نواف : ووووي تصدقيـن نسسسيت سالفة المستشفــى ,, زيــن ذكرتني سلوى ...." غطت الجدر " ... يلا بعد شوي بيخلص الغــدى
ألتفتت على بنتها وهي تقول : هااا خلصتي !!؟
نوره هزت راسها بالنفي ..
أم نواف وهي تجي تقعد بالكرسي المجاور لبنتهآ : هاتي هاتي ,, مامنكم فايده بنات هالأيام ,,,
عطت أمها السكيـن بدون أي تردد وقامت طلعت من المطبخ وهي متنرفزهـ من سلوى وطريقة كلامها عن أعز ربعهـا
قعدت بالصاله وأنسدحت على الكرسي شغلت التلفزيون وطولت عليه بطريقه مزعجه وهالحركه تسويهـا تلقائياً أذا كانت معصبـه
جنهـا ماتبي تسمع الأفكار اللي تدور ببالهـا !!


,
,
,

كان واقف مصدوم من هاللي فتح له البــاب ...!! والغريب أنه يشبهه .. ويشبهه وايد بعد ... اللهم اللي جدامه كاسي شعرهـ الشيب المختلط باللون الأسود.. بينما هو بعـــز شبابــه !!! ....... دقايق و ......... و أستوعب !!!!!!
دفع الباب برفق ودخل الحوش وعينه معانقه وي أبوهـ .... ولما سكر الباب شاف أمه اللي لزقت بذراع هاللي يشابهه وقالت بحب وفرح : أبوكـ رجع يازايد .... ! رجع ؟
زايد ماكان عارف شيسوي ... يصرخ من الفرحه ولـه يصيح من القهـر على الأيام اللي أنحرم فيها منه .... وله يسأل أمه ليش ماردت عليـه وهو حارق تلفون البيـت من الأتصال !! ليش خرعته عليهـا هالكثر ؟
وله يقول لهـريال اللي يشابـه أبوهـ .. ! شكثر أحتاج له قبل ... و شكثر هو مستانس لشوفته اللحيـن...؟؟؟؟

أو يقترب منه ويطيح بأحضانه ويتعلق به بأقوى ماعندهـ علشان مايقدر أي مخلوق ينتزعهـ من صدرهـ من يديد !!!!
ولــه يترك لهم الحوش ويدخل داااخل محاوله بأنه يقنع روحه أنه هذا مجرد حلم جميل يداعب مخيلته ....!وبعد ساعه أو أقل راح يصحى وينصدم بالواقع المر

ماكان عارف شيقول أو شيسوي أو شلون يتصرف... كان واقف بكل غباء العالم يطالع بأبوهـ ..... وكأنه الزمن توقف عند هاللحظه
بو زايد اللي حس الدنيا كلها فرحانه لفرحه أقترب منه وهو يقول بعد ماحط يدهـ على كتف ولدهـ : كبرت يازايد !! ... صرت طولي .....
مافكر أنه يحظـنه خايف من ردة فعلــه .. خايف يحظـنـه وينصدم بـه يدفـعه بشراســه وهو يرفض وجووووودهـ ...... من 20 سنه وهو خايف من هاللقـى .... وهذا هو وصل هاليوم
بينما زايد نزل نظره لعند يد أبوهـ اللي محطوطه على كتفه وحس بالدموع أبتدت تحارب علشان تطلع لنور ورجع طالع وي أبوهـ بملامح خاليـه من أي تعبيييير يذكر ....!!
بو زايد وهو يضغط على كتف ولدهـ : زايد تكلم ..!! أبي أسمع حسك .... 20 سنه محرررروم منه ..
زايد غمض عينه بقوهـ لما نبش أبوهـ الماضي .. 20 سنه !!! 20 سنه من عمرهـ عاشهـا بدون مايقول كلمة يبـــه ..... وعقب كل هالوقت يبيـه ينطق ؟
فتح عينه بعد مازحفت دمعه على خدهـ غصباً عليه وقال وهو يطالع امه : يمـــه ...!!؟ .. أأكييد أحلم .... تكفيـن قوميني ماأبي أعيش بوهم
أم زايد بحب وهي تحط يدها على خد ولدها : مب حلم ياولدي ,,, هذا أبوووكـ ... أبوك اللي دومك تحن تبيييــه ...... كاهو جااك !!
زايد نزل نظره لتحت يحاول يخفي الحرب اللي أعلنت عن أبتداءهـا بملامح ويهـا اللي أكتساهـا الحزن بكل وحشيـه .. وأبتدى يذرف دموع بدون مايدري لييش ... يحس الطفل اللي داخله رجع صحى من يديد وحس بالألم اللي حسه لما كان صغييير بعد ماأنحرم من أأغلى الناس له
بو زايد أقترب منه وأنتهز الفرصـه وحظــنــه .. قال وهو يطبطب على ظهره ويقول بحنان : لا يازايد ... لا ياولدي ...... ماأبيك تصييح !!!
زايد حظن أبوه بقوه وهو يقول : لــ ـ ـ ـ ـيـ ـ ـ ـ ـش يبــه ... ليـ ـ ـ ـ ـ ـش !!
بو زايد تنهد وهو يقول : مقدر ومكتوب ... ماعندنا أعتراض على قسمته .....
زايد : يبـه أحتجت لك ...!! 20 سنه وأنا محتاج لك ...... 20 سنه وأأنـــا أنكووي من القهــر والحقد علييييــه ..
بو زايد : اللي أخذ حق ملايـيـن قبلي وقبلك ... ماراح ينساانــا ... قول بس حسبي الله ونعم الوكييييييل
زايد وهو يصيح من قلب وجنه يااهل مب ريال بالـ 24 من عمرهـ ....ويقول بألم وصوت مب عالي بس نبرته مسموعه وبوضوح : حسبي الله ونعم الوكيييييييل ... حسبي الله ونعم الوكيييييييل !!
أم زايد أمسحت دموع أستقرت على خدهـا وهي تشوف أسرتهـا بعد كل هالسنيـن تلتم من يديد ....
زايد وراسه مازال على كتف أبوه وهو يصيح من كل أنحاء قلبه : يبـه تدري .. كل يوم يمر أأأكررره ذاك الحقيير أكثررر ... وهالـ 20 سنه كلها مرت وأنا أخطط شلون أأهدم حياته مثل ماهدم حياتي وشتتني حتى قبل لا أأوعى على الدنيا عدل !!
بو زايد وهو مازال حاظن ولده بقوه لصدره وحابس دموع تقاوم تبي تطلع لكن بدون فايده : مايستاهل توسخ يدك فيـه ... والله مايستااهل
زايد أبتعد عن أبوه وقال بأنفعال : بلا يستاااهل ... يستاهل ونص ..... " يأشر على نفسه " اللي عشته طول هالسنيـن والله لا أأدفعه ثمنه غاااااااالي وغااالي وايد ..
أم زايد تمسك ولدها من ذراعه وهي تقول محاولة منها أنهـا تقلل أنفعاله وتسكر هالموضوع وهالطاري : أمش يبـه .. أمش خل ندخل دااخل ....
تحركت خطاه وهو مازال متعلق بيد أبوهـ لحد ماوصلوا الصاله .. قعد زايد على الكرسي ونزل راسه بالأرض بعد ماأستقرت أصابع يدهـ الثنيـن براســه وسط خصال شعرهـ وكمل صيااح
بو زايد أقترب من ولدهـ ورجع حظنه من يديد يحاول قد مايقدر يخليه يهدى .... لكن مافي أمل .. بايـن أنه الجروح اللي بصدرهـ رجعت أنفتحت وتوسعت لما شاف أبوهـ وماراح تتسكر ألا لما ياخذ بثارهـ
ماراح تتسكر ألا لما يشوف اللي كان السبب بضياع شباب أبوهـ ..منهزم جدامه وذليل مثل ماصار فيهم ... معقولة ينسى الذل اللي عاشته أمه بذيج السـنيــن
مب سهله أنه يتناسى صوت أمه المكسور ودموعهـا الذليله وهي تترجااهـ يطلع ريلها من السـجـن وتحاول تليـن قلبـه بذاك الولد الصغير اللي كان متعلق بـعـبـايتهـا بينما هو يقول وبكل بساطه
" تبيـنـه يطلع ... ترجعيـن لي !! "
آآي ذل وأي أهانه ذاقتهـا منه ساعتهـا,,, تترك اللي صانها وصان كرامتهـا وحبها وأحترمهـا من كل قلبــه .. وترجع للي حبها وبجنون لكن أبد ماأحترمهـا ولا حط لها قدر !!!
شلون ؟؟؟؟
يذكر وبوضوح لمـا نزل لمستواه وهو ماتعدى الـ 4 سنيـن .. وقال بعد مامسك ذقنه " زيوود يبـه .. تبي تشوف بابا !!؟ "
هز راسـه بالأيجاب ولمحة اليتم لمعـة بعينه رغم أنه أبوه عايش
أجابه ببتسامه صفرهـ خبيثه " قول لماما ترجعه ... تراهـا تقدر بس ماتبيـه .. وتبي تحرمك منه !!! "
ألتفت زايد ساعتها لأمه يطالعها بنظرات وكأنها يسألها " صج يمه ؟؟ تقدريـن ترجعيـنه !! زيـن رجعيـه "
سمع صوت امه وهي تقول من كل قلبها " حسسسبي الله ونعععععم الوكيل فيييك يافايـــز ,,, حسبيي الله ونعم الوكيل فيييك "
ثار غضبه مثل ماكان دايماً يثور ومسكها من معصمها بطريقه تـعور وهو يقول " لا تتحسبيـن علي ... كل اللي سويته تستاهلونه أنتي وياهـ وأذا مفكره راح تليـنيـن قلبي بهلـ ولد فأنسـي ,, مردهـ بيكبر وبينسى أبوهـ وسنيـن أبوهـ ,, وأنتي الله العالم أذا راح تقدريـن تربينه عدل بروحج وله لا ! أذا هامتج مصلحته رجعي لي وأنا مستعد أتكفل بتربيته وأعتبرهـ ولدي اللي بالغلط جبتيـه من هالخااايس سعووود ....وأذا مازلتي معاندهـ... خلج ....!! ليـن نزل اللي براسج تعالي لي ... ووقت ماتحبيـن راح نملج !!.. "
سحبت يدهـا من يده بكل قوتهـا وهي تمسك ولدهـا وتقربه صوبهـا " لو أشوفك تموت جداامي ماأرجع لك ,,, مستحيل أخلي الجنه وأجي لجهنم الحمرى بنفسي.. وسعوود اللي مب عاجبك أشرف منك ,, وأذا في حد تاجر فمحد غيييييرك راعي المخدرات عشـت معاك 7 شهور من عمري عرفتني بكل صفااااتك الخايسـه مثلك .... بس ماأقول ألا روووح الله لا يووووفقك .. والله يرويييييك يووووووم أشوفك فيــه ميت ذل جداامي "
مسكت ولدهـا وطلعت من قصرهـ على بيتهـا ,,,,, وتركته وراهـا
تركت وراها الأنسان الوحيد اللي بيده يطلع ريلها من السجن مثل مادخله

هالذكرى المره كانت تحووم حول راس زااايد اللي مازال على وضعه
وكل ماله يضغط على راسـه باأقوى ماعندهـ


.
.

في الشركه

الساعه 12 ونص

بعد ماوقع ع الأوراق قام شال روحه وطلع من مكتبـه وعطى السكرتيره خبر أنه رايح البيت وأي حـد يتصل يسئل عليه تعطيه خبر أنه مشغول ومب فاضي
ركب سيارته وهو طالع من الشركه متجه للبيـت رغم أنه جاته فكره مينونه راح تخليـه يوصل لبيـت أم زايد .... علشان يشوف سعود .. يمكن كان ودهـ يتشمت !!! آو كان وده يشوف رفيجه السابق ؟
لكن شي داخله أمنعــه وخلاهـ يقصر الشـر ويروح لبيـتـه عند أهلــه ... ويحاول يطوي صفحه من الماضـي الله العالم أذا راح تنتثر أوراقهـا من يديد جدامه ولـه لآآ ...
أقل من ساعه وكانت سيارته تستقر داخل فلته .... سكر الباب ونزل من السياره .. توهـ بيدخل داخل ألا صوت هرن برى !!
ألتفت وراهـ على الباب الكبير لقـى واحد نازل من السياره وبيدهـ كنتاكي !! تأكد أنه في حد مشتهي خساير فلووس وطلب من برى
أتجه له وحاسبه وأخذ الأكل ... ودش دااخل لقـى نوره قاعدهـ مع التلفزيون ومطوله عليه بطريقه تسندر ,, أبصم ع العشره أنه أأخر بيت بالفريج يسمع !....
بو نواف : السلام عليكم ...
نوره شافت أبوهـا داش مع أكلها قامت فزت رايحه له: وعليكم السلام والرحمه ... " تاخذ الأكياس " عنك عنك يبــه ...
بو نواف بتسأل : أأنتي طالبـه هالخرابيط ؟؟
نوره بغنج بعد ماخفت نوبـة غضبهـا : أأيــه أأنــا ,,, تجي تحتفل معاي !!
بو نواف : ومن متى أنا اكل هالسموم ... روحي قولي لأمج تحط الغدى ...
نوره بعد ماخذت الأكياس وطلت فيهم تتأكد من اللي طلبته : للحيـن ماجهز الغدى ,,, " تطالع أبوهـا " أنت جاي مبجر !! ....
بو نواف : آوكي عيل ... لين خلص الغدى عطوني خبر ... ميت يووع
نوره : آووكي ...
بو نواف وهو يأشر على التلفزيون : وقصروا على هالأذيـــه ,,, أنـا بالحوش وأأسمـع صووتــه ,,,,
نوره بأحراج : آآن شالله يبـــه ,,,,


تركهـا وراح صوب الدري .. أصعده وأتجه فوق لغرفته وأول ماصار داخلهـا سكر البـاب وراهـ وشال الغتره من على راسـه وحذفهـا على الجلسـه الصغيره اللي مسويهـا بغرفته
وفتح كم أزرار من عند الرقبـه وأطلق زفيير حاااد .. سعود مب راضي يفارق بالـه ... من درى بالخبر وهالأسم يتردد بأذنه
مفكر يروح لـه مب علشان يستسمح منه ,, لا ,,,
ودهـ يطلب منه ينسى اللي صار وينساه هو نفسـه بكبرهـ ...
,,, سعود أخذ أغلى شي عندهـ وبالمقابل ردهـا له وأخذ أغلى شي عند أي أنسان ... الحريـه !!
ومثل ماخلاهـ يصيح دم على خسارته لـحبيبته ... وأحساسه أنه أنطعن بالظهر من رفيجه
خلاهـ يصيح دم على فراقه لزوجته وولدهـ !!
مافكر ياخذ حقـه لما كان زايد توهـ بالمهااد ... لآ ... لما كبر وصار يفهم ولو أقل من القليل دمر حياتــه
وخلاهـ ينسحب من بيتـه جدام ولدهـ بكل ذل !!! وهالحركه عندهـ قمة الأنتقام
تدرون ليــش ... لأنه كانت متوقع وشبـه متأكد أنه لو شافـ زايد أبوهـ بهلـ منظر وعرف سبب أخذ الشرطه لــه ,, راح يكرهه ,,, ويكرهه موووتـ
علشـان لما يطلع سعود من السجـن ... يلاقي ولده كارهه ومفتشل منه بعد !!
.
.

بالجامعه

الساعه 2 الظهـر

نواف وهو يشوف ساعة يده وينصعق من الوقت : آوووووف !! تأخرت وآآيد ع البيــت ... المفروض أتغـدى هناك
واحد من ربعه : ياأخي مب لازم ترجع اللحيـن قولهم عندكـ محاضرات
نواف : مو يالذكي أنا قايل لهم الصبح ماعندي غير محاضرتيـن ,,, وكاني خلصتهم .. المفروض اللحيـن أكون بالبيت أزحـــر
رد عليه الثاني : زيــن وسعد !! بطوفها له جذي بالساهل ؟؟؟؟
نواف وهو يلقط أغراضه المنثره ع الطاوله : يعني شتبيني أسوي له ,,, هذا واحد عقله بجييبـه مب محتاااج له !! وأنا عن نفسي مب راعي مشاكل وهواش
الأول بستهزاء : أقول ياولد الهاي باي ... ترى اللي قلته له ذاك اليوووم ماراح يعدي بالساهـــل ودامك مب راعي مشاكل على قولتك جهز مفااصلك لأني حاسهم بينطحنون ومن قلب بعد !
نواف بغرور : يخسي ألا هو ,,, لو يمسك شعره مني أوديه ورى الشمس .... مو ناقصني الا عيال شوارع يتطاولون علي !!
الثاني رفع واحد من حواجبه وقال : عيل ياحبيبي روح تفاهم معاهـ على روااق لا تصير فضيحتك ببيزهـ اليوم أو باجر !!!!
نواف وهو يقوم بعد ماشال كتبـه : تعرفون تاكلون تبـن .... تراكم تعلوووون على أخر الدواااام ... يلا يلا بااااااي ....
الأول : بااااي !! ... نشوفك بالطواري
نواف عطاهـ نظره وهو مبتعد عنه ..... مب ناقص ألا سعد يمد يدهـ .. صحيح هو ماعمرهـ تهاوش باليد ألا على أيام الأبتدائي وأول أعدادي!! ... بس بعد ماراح يسمح له يضربـه .. شنو الدنيا فوضى !!
ماقال شي غلط ,, هو صج عفـن وتربيته تربيـة شوااااارررع !!!
راح لسيارته الفخمه المصفوفه برى وركبهـا وتحركـ من جدام جامـعـته للبيـــت ...
توقفت سيارته عند أشاره مروريـه ,, فطلع جواله ع السريع وأتصل على البيـت
شوي ألا صوت غانم يجيـه : هاا !
نواف : هووى ينفخك .... الناس تسلم !
غانم وهو مشغول باللي بيده : زيـن شتبي ؟؟ أخلص وراي غدى أنا !!
نواف يوطي صوته لا شعورياُ : أبوي وصل وله للحيـن ؟؟
غانم : خبرك عتيييج اليوم راجع مبجر ,, وأول واحد قاعد ع طاولة الطعام هو .... ولا وينطرك بعد
نواف حس أنه راح ياخذ محاضره طويله عريضه آول مايـوصل فقال : زيـن سأل عني ؟؟ جاب طاريي !!
غانم : لحد الحيـن لا ,, بس شكله راح يسأل لأنه ميت يوع وأمي مو مخليته ياكل لا هو ولا أحنا ألا لما توصل سعادتك
نواف : أوكي أوكي كاني قربـت بس شارعيــن ودواار وأكون عندكم ..
غانم بلا مبالاه : اوكيـه !
نواف بعد ماولعت الأشاره الخضره : آآووكي غنييم أخليك اللحيـن ,, باي
غانم : باي !

سكر ورجع لطاوله وأول ماقعد سألته أمه : هذا أخوك ؟
غانم : آيـه ,, يقول شارعيـن ودوار ويكون عند البيـت ,,,
أم نواف : يعني نموت جوع علشان خااطرهـ ....
غانم : والله أذا مافيج صبر أكلي وخلينا ناكل ... وهو أذا رجع يروح ياكل اللي بقـى بالجدر
أم نواف : هو قال مابيتأخر ... مافيها شي لو ننطرهـ 10 دقايق زياده ..
غانم وهو يتسند على الكرسي ويقول بتحسر : ياحظج يانوييييير كلت وشبعت ومسحت يدها بالطوووفـه ,, وأنا هني أنطر الفرج .. شكلي برووح أسحب لي كم قطعه من عند ريمووهـ أسد بهم اليوع
أم نواف عطته نظره لأنه يسويها
غانم ألتفت على ابوه وهو يقول : يبـه تكفى فهمها ... ميت يوع أنــا ... مب ماكل شي من الصبح !!
بونواف كان يسمع غانم بس بدون مايرد عليـه لأنه باله منشغل بشي أهم من سالفـة غانم !!
غانم : يبـه ....! يــبــه ؟ يايبــــه !!!!! " بصوت عالي " يبـآآآآآآآآآآآآآآآآآآآآآآآآآآهـ ...
بو نواف صرخ فيـه بعد ماطالعه بغضب : وحطبـــه !!!! شتبي
غانم بصوت واطي : يوعان .. ومرتك ميوعتني زيادهـ
بو نواف بعصبيه: و جوع ينهش بطنك,, أصبببر ليـن يوصل أخووكـ مابيصير فيك شي لو نطرت 10 .. 15 دقيقه زياادهـ ,,,
غانم نقز : شنو 15 !! توهم كانوا 10 ....
بو نواف : والله لو يصيرون 20 .. بتنثبر مكانك تنطر أخوك الكبير يوصل ...
غانم وهو يتكتف : والله مايسوى علينا هالأخوو ,,,

عم الصمت بالصاله قاعديـن ينطرون نواف يشرف وبعد أقل من 10 دقايق ألا باب الصاله ينفتح ويدش نواف مع كتبـه وهو يقول : سلااااااااااام عليكم
غانم : وعليكم السلام ,,, كاهو سعادة الشيخ نواف وصل ,, يصيييير أأكل اللحيـن ..؟
بو نواف : اكل اكل لا تموت علينــا ...
نواف أقترب منهم وقال : هااا شطابخيـن لنـا اليوم ...
أم نواف : مجبووووس من اللي يحبه قلبك ...
نواف : آوكي عيل أبدل وأنزل ...
توهـ بيترك المكان رايح فوق ألا بو نواف يوقفه : تعال تعال تعال !!!
نواف كان ناوي يشررد ويخلي أبوهـ ينسى السالفه لكن لما سمعه يناديـه توقف وألتفت عليه وهو عارف بالضبط شراح يقول له
بو نواف : كل ذولا محاضرتيـن بس ؟؟ عيل لو أربع وله خمس ؟ متى بتوصل أن شالله ؟؟ ..12 فليل !!
نواف يحاول يشرح الموضوع : ماهو أنا بعد محاضرتي الأولى طلعت من الجامعه وجبت نوير البيـت وبالرجعه للجامعة كان الطريج زحمه مووووووت ,, وعلى ماوصلت كانت طايفتني نص المحاضره الثانيـه فقلت ماله داعي أحضر واأأفشل عمرررري ... قعدت ليـن خلصت المحاضره وقمت انقلها من واحد من الربع وعـ.........
بو نواف يقاطعه: بس بس واللي يرحم والديك ... ماأبي أسمع قصة حياتك .. ثاني مرهـ ليـن ماكان عندك محاضرات وايد ماله داعي تهييييت ... تتغدى بالبيـت وعقب الغدى تطلع تهيت بكيفك فاهم ,,
نواف بأحترام وطاعه : أن شالله يبـه ,,,
بو نواف : يلا أشوف روح بدل وتعال ... ذبحتنا يووع ..
ترك الصاله وأتجه فوق وهو يغلي من داخله
" شنو أنا ياهل علشان يحدد لي متى أجي ومتى اروووح ... والله فشله كل يوووم ماأأتغدى مع ربعي بحجـة أني لآزم اتغدى بالبيييـت .. نوير وهي نويييير عايشه حياتهـا أأحسن مني
وأنـــا يالريال يتأمرون علي سو جذي لا تسوي جذاااااك .. كلم هذا لا تكلم هذااك ,,,, هذا من مستواك وذاك أقل منك ,,,,, لا تماشي عيال الفقررر أنت ولد عزز,,,, عيال الفقر بيشفطوون فلوسك وبيقطونك ع الحديدهـ !!! عيال الفلوس ماراح تهمهم فلوسك ...راح يرافجونك لذاتك مب لمخباتك ...آآووووووووف من هالقوانيـن اللي تعل القلب ,,,, !! "
وصل غرفته وهو يتحلطم دااخلــه وبدل ثيابه ولبس بلوزه سبورتيه كات مع شورت ورجع نزل تحت علشان يتغدى
لقـى غانم الوحيد اللي قاعد ياكل بينما أمه وأبوهـ كل واحد سرحان بشي !!
أنظم للجلسه وأبتدوا الكل ياكلون بهدوء كالعادة

,
,

فوق بغرفة نوره اللي تغدت قبل الكل مثل ماتعرفون ..
كانت توها طالعه من الحمام بعد ماأسترخت كل مفاصل جسمها من بعد التعب الجسدي والنفسي اللي سببته الدراسـه
وشعرها الأسود اللي يوصل لفوق نص ظهرها بشوي كان مستلقي على أكتافها بشقاوه
خذت الفوطه ونشفت شعرها ع السريع وهي تنثر قطرات الماي المتعلقه فيه بعشوائيـه بالغرفـه
ولما نشف وصارت كل خصله من خصال شعرها مفترقه عن الثانيه بطريقه مموجه ناعمه طلعت لها ثلاث مشابيص ورفعت شعرها لفوق وثبته بهم
وصار مرفوع بطريقه غير مرتبـه وخصال وايد نازله منه ورغم هذا كان طالع عليها كيوت
كانت لابسـه بنطلون جينز ضيق يوصل لتحت الركبـه مع بودي وردي هم ضيق .. بنص كم ... ومكتوب عليه بالوسط باللون الأبيض " 88 " وحزام وردي يزيـن خصرهـا
وحطت لها كحل خفيف بعينها وقلوس وردي ... ولما خلصت كشختها ... طلعت من غرفتها على الصاله اللي فوق والعاده مايكون فيها آحدى ألا أذا جالهم حد ومعاهم بنات تمتلي الصاله اللي تحت بالحريم وهذي تكون للبنـات ...
تربـعـت فوق الكرسي بعد ماحذفت المخاد تحت ع الأرض وسحبت الريموت وأبتدت تفرفر تتنقل من قناه لقناه ....
رن التلفون المجاور لها وبنفس الوقت رن التلفون اللي بالصاله تحت لأنهم نفس الخط
شالته قبل لا يتليقف غنووم تحت ويشيله ذبحته التلفونات : ألووو ..
وضحى : يافديت راعية أحلى ألووو ..
نوره أبتسمت وقالت : مروقـه أشوفج ....
وضحى : أأكييييد ....! " تعدد لهـا " تغديــت برى وخميت لي كم محل وتمشيـــت وغيرررت جووو .. وتوني داشـه البيــت شبي أكثر من جذي دلال
نوره : مدلعه روحج ع الأخر أشووووف
وضحى : من حقي يافديتني .... أقوول نوروهـ شرايج بدل ماأأجييج البيـت ونجابل بعض .. أمرج ونطلع نتمشــى اليوم ماودي أقعد بالبيـت دقيقـه وحده ... خاطري الدنيا كلها تدري أني خلاص بودع أيام الثانويــه
نوره بنذاله : وشله هالثقـه ,, يمكن ترجعيـن تجابليـن وي مس ريم السنه اليايـه
وضحى : يعلللج يالبووومـه ,, عن النذاله عااااد ... ترى والله ماأحب هالطاااااري ... بمووت لو أعييد السنه تدريـن شنو بموووت ....
نوره : أتغشمررر يبـــه ,,,
وضحى : لا تتغشمريـن معاي جذي ,,, " تنافخ " أووف ... تعلق بررريلي يامال الويعه .. لحظة لحظة نويير شوي " أختفى صوت وضحى "
نوره أبتسمت على خبال هالبنت وشوي ألا صوتها يرجع : ألوو
نوره : ويـن ذلفتي ...
وضحى : فلافي العنزز تعلق برييييييل .. شمخني
نوره ضحكت : وانتي للحيـن ماغيرتي هالأسم ,,,
وضحى : ولا بغيييييرررهـ كيفي عاجبني ...
نوره بطنازه : والله جنج تقوليـن فلافل ..... هههههههههه من أسمع أسمه أيوووع
وضحى : جبب يالخايسـه ماأرضى على فلافي
نوره : وي مالت عليج وعلى هالقطو العفن فووقج ....
وضحى : تاج رااسج ساامعــه .... " تغير الموضوع " زيـن ها شقلتي ؟ أأمررج نطلع نتمشى وله لا !
نوره تذكرت سلوى وتنكدت قالت : لا ماأقدر أطلع اليوم ,, تعالي لي أنتي ..
وضحى : وليش أن شالله ؟ لا تقوليـن مسوين لج منع تجول !
نوره وهي تلعب بطرف البودي : لا شدخل !... بس خالتي وعيالها بيجونـا اليــوم .. ومب حلوه أطلع وهم جاينـا ..
وضحى ببساطه : آوكي عيييل ,, بجيج أنـا ..... دام خالتج وعيالها بيجون أأكييد بتكون القعده ونااســه ... أحب لمة البنات
نوره بقلبها " لو تدريـن أنه سلوى ماتطييقج !! " : زييييـــن .. متى بتوصليــن !!
وضحى : أممممم شووفي اليوم بكنسل غفوتي علشان خااطرج بس ... وبعد مااأريح جسمي شوي راح أأجيييج .. شقلتي ؟
نوره : أووكيـه أنطـــرج ,, مو تطنشيـني
وضحى : ماعاش اللي يطنشج .. يابعد روح روحي ....
نوره تتنهد : آآووكي !
وضحى بحمااس : نووووري ...
نوره : نعم !
وضحى : أتوقعيـن أشريـت اليوووم ...
نوره : ثياب عطورات أكسسوارات جواتي نعل " الله يعزكم " ...!!
وضحى : لا لا ,, غيييير ذولا كلــهم ؟؟
نوره بنغزهـ وبلمحة طنازه : كتــب ؟!!!
وضحى : هيهيهيهيه ياخف دمج ... لا أشتريت أأأحلى فللللللم لأحللللللى هيييرررتك
نوره نقزت بوناسه : شلااااااااااااااااااااااااااخــه .... شريتيييييييــه !
وضحى بوناسـه هي الثانيـه : آآآآييييه شريييييته ... الغلاف بس يذوووووووب ... الله يستر من الأحداااث شكلي بنتهي
نوره بحب غزى قلبها : يافديته وفديت قلبـه وفديت أمه النحل اللي جابت عسسسسل مثله .. " على هالجمله كان نواف جااي فوق وسمعها أتفـدى " أأحبببببه أأعشششششققههه آمووووووووووت فيييييــه
يافديت كل شعببببببــه دااامـه منهم
وضحى بعبط : ترى راعي الدكان من شعبــه ؟ آآكييييد تعشقيييـن
نوره : وووع !! شجاب لجاااب ..... ذاك قمرر وهذا اللهم لا شماته ...." تتنهد بحالمة " آآآآآآهـ متى يجي ياخذني ويحطني ع الجيكره اللي ماخذهـا ... متى يارب متى
وضحى : يلا منااك ,, أذا جا ياخذ وحدهـ مابياخذ غير وضيييييح بنت أبوهـا
نوره : بأحلامج ... لو شافني بيذوووووب من جماااااالي .... يحصل له نويير بنت فايييز تعشقــه .. آآآآآآآآآهـ .... قلبي يعورني من يجي طاريـه .....
نواف دش الصاله وهو عاقد ملامحه وقال : منووو هذااا ؟؟
نوره أنقزت من دخول نواف المفاجأ عليها : بسم الله .... مافي كح كح ... أأحممم .. دستووووور !! داش لي على غفله
نواف بتجاهل لكل كلامها : منووو هذا اللي تفديييــنـــه ...
نوره متعمده تغييضه : ريلي .... شلك خص أنت ؟
نواف يقرب منها بجديه : نويير من صجي أتكلم ماأتغشمر معاااج أنا ,,,, منو هذاااااا ؟
نوره تصرقعت منه لما قرب منها ..عادي يلخها بكف يطير السماعه من يدهـا فقالت : ممثل .. مممممممثللل ! وه ... كلاني ... حرااام بعد أتفدى ممثلي المفضل ..؟
نواف طالعها من فوق لتحت بعد مارخت أعصابـه وقال : عبالي بعد !
نوره تنزل السماعه من على أذنها وتتخصر : شعلى بالك أن شالله ؟؟؟ ... لا عيووووني ماني من البنات اللي ببالك
نواف يسكتهـا : زين زيـن .. ماأبي أسمع محاضرتج ..... رايح أنــام .. قصري على هالتبـن " يقصد التلفزيـون " ووطي حسسسسج ...
نوره تتكتف : أن شالله عمي نوااف ,, أي أواامر ثانيــه ؟
نواف : بفكر وبرد عليييج ....
عطاهـا ظهره وهو رايح لدارهـ اللي تعتبر الأقرب لهلـ صاله ....
نوره ترجع تحط السماعه على أذنهـا وماتسمع غير ضحك وضحى اللي ميته ع التلفون : ضحكتي من سرررج بلا ,,
وضحى وهي ميته ضحك : والله أخووووج فله ,,,,
نوره : ألا عله من علل الزمااااان ,,,, ماخلاني أتونس بحبيب قلبي
وضحى وهي تمسح دموعهـا : زيـن زيـن .. سكري اللحيـن بروح أطلع الفلم من كووومـة الأفلام اللي شريتهـا علشان لا أنساهـ
نوره بفضول : أشريتي بعد ؟ هندي وله أجنبي
وضحى : عربي و هندي وأجنبي ,, كل فلم عجبني خذته
نوره : ياااااي أبي أشوووف معاج ...
وضحى : ماراح أشوف ولا فلم ألا معااج ,, الأجازهـ طوويييـله تعالي وخلينا نشوفهم مع بعض
نوره بحماس : آآوووكي بكلم أبوي اليوم أجييس النبض أذا رضى عطيتج خببببر وأكون من باجر الصبح عندج ههه
وضحى : حياااج ع الأقل تونسيني بدل قعدتي مع يهاااال !!
نوره : آآووكي ....
وضحى : يلا بااااااااي
نوره : باياااااااات ...

سكرت وقامت فلت تنزل تحت الصاله لقت أبوها قاعد يسولف مع امهـا وغانم توهـ يقوم من ع الطاوله بعد مالحس صحنه ونص الصحن اللي جدامه : يبــه يبــه !
بو نواف التفت عليها : هلا ؟
نوره : يبــه وضووح رفيجتي قاعده متملله برووحها بالبيـت خلني أرووح لهـا اونسهـا ,,,
بو نواف : اليوم جايه خالتج ,, ويـن تروحيـن ؟؟
نوره تجي تقعد ع الكرسي أحذاه : مب اليوم ,, باااجر !
بو نواف : آوكي ,, بس ماأتأخريييييــن ..
نوره تبوس راسه من كل قلبها : آآآآآآآآآآن شالله ياأحلى أبووو بالدنيااا ...
أم نواف : بس باجر ورااج غسيل الثييياب ... عبالج بغسل كل ذولا برووووحي
نوره تلوي بوزها : يمه ! .... توني مأجزهـ حراام عليج ......
أم نواف : والله كييفج ,,, الثيياااب شكثرهـا ,,, ماني مغسلتهـم برووووحي ...
نوره تلف ع الطاوله متجها صوب أمهـا وتحظنهـا برجى : تكفييييييييييييييييييييييييييييييييييييييييييييييي ين !
أم نواف تتغلى : مافي ...
نوره : أرجووووووووووج ... طلبتتتتج ... تكفييييـن وترى كلمة تكفى تهززز حرييييييم
بو نواف أبتسم على جملتهـا !!
أم نواف وهي تبعد نوره عنهـا : ووه .. هديني خنقتيني ,,,,, زيـن بتروحيـن ..
نوره أنقزت من الوناااسـه : يسسسسسسسسسسس
أم نواف : بس بشرط
نوره : تشرطي يابعد كل اللي يتشرطووون ....
أم نواف : يااالمصلحه .. لو اللحيـن قلت لج لا .. جان عفستي البيت علي
نوره بدلع : ماأسويهـا ...
أم نواف : زيـن سمعي ,, روحي حطي ثيابج وثيااب ريمووهـ بالغسااله .. خليهم ينغسلوووون .... وبااجر كييفيج أذا بتروحيــن ,, بس لو ماأنغسلوا مافي رووحه
نوره بسرعه : من عيوووووني كمم حنان عندي أنــــــا !! ووووحـــده تسوى كل سمياتهـا ...
تركت الصاله تركب الدري طيرااان وسيده دشت غرفـة ريم اللي كان ديكورهـا طفولي بحت .. ولقطت الثياب المحتاجه غسيل وراااحت غرفتهـا وسوت نفس الشي وطلعت من الغرفه تركض ونزلت الدري سيده للحمام اللي تحت " وأنتوا بكرامه " وحذفت الثياب دفعه وحده دااخل وحطت عليهم صابون ولما شغلت الغساله طلعت وهي راجعه الصاله مالقت أبوهـا
مافي ألا أمهـا تشيل الصحون
قالت نوره بحماس واصل التوب عندهـا : هاااا ! حطيتهم بالغساالــه .... أأروووح أجهز روووحي
أم نواف : عنبوو ؟ من اللحيــن !!
نوره تروح تتمسكن على امها : .... لأنه يمـه .. خااطري ...... آمممم ..! أأ......
أم نواف : شفيج تقطعيـن بالحجي ؟ شتبيـن !! روحه وبتروحيـن ؟ جايـه تتلزقين شله بعد ؟
نوره : آبي أبات عند وضحى
أم نواف : أحلمي أبوووج يرضــى ,,,
نوره : زيييـن لييييش ,, ماعندهـا أخووان كبـار كلهم يهااال ,,, وأبوهـا مايجي ألا تالي الليل وماتشوفه كلش .... يخاف علي شحقـه ..
أم نواف : هو بيت خالتج مايخليج تباتيـن هالدور تناميـن ببيت رفيجتج ,,؟ أحلمي " أتجهت للمطبخ وهي شايله بيدهـا كم صحن ولحقتهـا نوره وهي تحن "
نوره : مايرضى أنام ببيت خالتي علشااااان ريل خالتي اربع وعشرين ساعه بالبيت ,,, بس بيــت وضحى ماعندهـ عذر !!!
أم نواف وهي تحط الصحون بالمغسله : والله هذا أبوج عندج روحي كلميــه ,, أنا مالي شغل .... رغم أني متأكده مليون بالميه أنه بيسكر باب الغرفه بويهج
نوره تتكتف : آوووووووووف .... كله لا لا لا لا ,, مافي أأيه !
أم نواف ترجع تطلع من المطبخ تجيب باقي الصحون ووراهـا نوره : لا تحنيـن على راسي ... روحه وبتروحيـن خلاص بلا طمـــع
نوره غسلت يدهـأ من موضوع الرقدهـ ببيت وضحى فرجعت ركبت الدري متجهه فوق لدارهـا تريح وترتاح
.
.

بيت وضحى


كانت حاطه " فلافي القطو " بسريرهـ الخاص فيه وتقول له بصوت واطي : يلا نـام .. مو أشوفك جايني فووق لسريري .. ساامــع ..!! " مررت يدهـا بحرص على شعرهـ الأبيض الناعم وأبتدت عيونه تسكر لحد ماغمض وأستسلم لنوم " تركتـه بعد ماوقفت على طولـها ...
وراحت صوب الكيس اللي حاطتهـا على جنب والمليانه أفلام ..
طلعتهـا وأبتدت تنبش فيها عن الفلم اللي وعدت بـه نوره أنهـا بتجييبـه وبعد أقل من دقيقه لقته .. طالعت الغلاف شوي وهي تتمعن بملامح البطل وبعدهـا حطتهـا جنبها ع السرير وهي تقول : يازيييـنك بس ....

.
.
العصر بـ بيت بو زايد

كان فوق بداره يقـرى قرآن وهو على سيــادتـه بعد ماحمد ربـه مليون مره أنه طلــع من الســجن ولقـى أهله مازالوا يحبونــه !!
ومازالوا يغلونه مثل أول ,,, وبالأخص زااايد اللي توقع أنه راح يرجع يلاقيـه عاييفــه وكارهه ويطالعه بكل نظرات الأحتقــــار ..
على صوت طقت البــاب سكر المصحف بو زايد بعد ماباســه وشــاف زايد داش وعلى ويها أبتسامه : تقــبــل الله ...
بو زايد وهو يقوم ويحط السياده على طرف السرير : منا ومنك ياولدي ... تعال يبه أقعد معاي .....
زايد ببتسامه عريضه : أأمي مطرشتني أنــاديك ... مسويـه كيك تحتفل بطلعتــك
بو زايد بحب : وهذي أمك ماتيووز عن حركاتهـا ....
زايد : ماتنلام !
بو زايد وهو يتجه صوب ولده ويحوطه من كتفـه وكانوا تقريبا بنفس الطول رغم أنه بو زايد أطول بشوي من زايد ولده : طباخهـا للحيـن حلوو ؟ ولــه صار مر من تركتكم ..
زايد بصدق : والله كل لقمه ناكلها مالها طعم بدووونك يبــه ....
بو زايد يطبطب على كتف ولده : ولا تزعل ,, بيصير لها طعم من اليوم ورايـــح ....
زايد أبتسم وكمل مشي وهو نازل مع أبوهـ لتحت ووصل قبله
أم زايد وهي تحط الصحون أحذى بعضها وتقول بصوت شوي عالي علشان يسمعها بو زايد : تو مانورت الصالــه فيييييكم ..
بو زايد : منوووره فييييج ....
أم زايد تلتفت له وتطالع بنفس النظره المعتاده : سوويـت لك كيكتك اللي تحبهــا ..
بو زايد أقترب منهـا ووقف مجابلها وقال بصوت شوي واطي مليان حب : للحيـن تذكريـن ؟
أم زايد بلمحة خجل بسبب نظرات بو زايد لهـا ,, ووجود ولدهـا معاهم : معقوله أنســى ,, " تضحك بالخفيف " بس هالمره حطييت سكر مب ملـــح ...
بو زايد وهو يبعد خصلـة شعرها اللي مازال بني مموج مع أمتزاج خصل خفيفـه رصاصيـه : ملح ولـه سكر ...مب مهم ..!! آهم شي .. يكون من تحت يدج ,,,
أم زايد وهي ترجع تبعد الخصله من التوتر والأحراج وتقول وهي تأشر على الكيكه بعينها : مااتبي تجررربهـا ؟؟
بو زايد كان ساكت يتأملها .. ماجاوبهـا ... نظراته كانت تفضح الشوق اللي بقلبـه
بينما زايد واقف على جنب حاس أنه ماله لزمه وأحراج أمه مخليه ينحرج هو بــعــد ....
رن تلفون الصاله وأنقذهـ ,, راح سيده لتلفون بدل وقفته اللي مامنهـا لزمه وشاله : ألووو ...
صوت ريال خشن وقاسي قال : ألوو .. زيووود !!!
زايد تنهد لما عرف صاحب الصوت : آآيـه زاايد ... شلونك يـدي !
الجد بغضب : ماني بخييييير ؟؟ وويـن أمك !!
زايد : كااهي هنــي ,,, " يرص ع الكلمه " مع أبوووي
الجد ولع : يعني صج الكلام اللي يقولونه الخلللق ؟؟؟؟ مسود الوي رجع لكم !!
زايد تركزت عليـه نظرات أبوهـ وأمه فقال وهو يحاول يرسم أبتسامه على ويها : أأووكي يدي بوصل له سلااامـــك
الجد بنفس العصبيه : الله لا يسلللمــه ,,, عطني أأمـــــك خل أتفاهم معاااهــا ,,
زايد : آآووووكي يـــدي ,, حط بالك على روووحــك ... أهم شي صحتك ....
الجد صرخ من قمة راســه : زيووووووود !! أقولك عطني امك ماتفهم عرربي !! عطني أياهـا ....
زايد : آآوكي بااااي .. " سكر التلفون "

بو زايد بتسأل : هذا يدك ؟
زايد بأرتباك مب واضح لأبوهـ لكنهـ مبيـن كوضوح الشمس لأمه : أأيـه يدي ,,, يسلم عليييييك واااايييــــد
بو زايد بلمحة أبتسامه : الله يسلمــه ,,,
طالعت أم زايد ولدهـا وعرفت من نظرته أنه ولا حرف من اللي قاله زايد ... نطق به أبوهــا ,,!!
زايد يغير الموضوع علشان لا يتكهرب الجو : زيييييــن ,, مابنااااكل يعني !! ترااااني مييييت يوووع !
بو زايد : قول لأمك ,,, ننطرهـا تتصدق علينا بكم لقمــه ..
أم زايد تلتفت على الكيكه وتقطع بصمت وهي مبتسمه أبتسامه من ورى قلبهـا طااري أبوهـا خلاهـا تحس بخوف خفيف شكله ماراح يسكت
سكت طول ذيج السنيـن على أمل أنه ماراح يطلع ويمكن يموت بالسجن وياخذ وياهـ فضيحتــه لكنه طلللـــع ورجع لبنتــه
وهو مايأمن بنته مع تاجر مخدرااات !
.
.

صوووت الجرس حاشر البيييت وهو طالع ركض يبي يفتح البــاب
أقل من دقيقه ألا هو عند باب الحوش فتحه وهو يلهث وقال : سووووري نقعناااج
وضحى تدش معصبه : فطسسسست حررر ,, والله بغييت أركب سيارتي وأأرووح بيتنـا أبرك لي
غانم يرز نفسه : لا بس خبرج محد يفتح الباب غيري ,, وأنا كنت مشغول شوي دااخل مع شويـت معجبااات .....
وضحى بدون ماتعطيـه وي : آآي زييـن ,,, نوروه وينهـا ....؟
غانم : ببيت الجيران ؟ ويـن يعني دااااخل ...
وضحى طنشته وهي رايحه دااخل وصوت كعبها له أيقاع مميز ع الأرض
غانم رفع واحد من حواجبه على حركتها : صج مغروره !!! مالت عليج وعلي اللى يعطيج وي ...
دشت الصاله وتفاجأت بالحريم الموجوديـن قالت : السلام عليكم ...
ثلاثتهم قالوا : وعليكم السلام ..
راحت سلمت عليهم ولما وصلت حق أم نواف سألتهـا بأحترام : خالتي ,, نوره وين ؟
أم نواف : نووره فووق مع البنــات ,,,
وضحى : آهـا ,, آوكي أأخلييكم ..." أبتسمت "
وتركت لهم الصاله متجهه لصاله اللي فوق وهي تركب الدري كانت تسمع صوت حشره فوق وصرااخ يهاااال وحاله وأول ماوصلت لقت ثلاث بنات صغاار قاعديـن ع الأرض منثريـن الألعاب
وبنت بعمرها قاعدهـ أحذى نوره ولا وحدة تكلم الثانيــه ... نوره تطالع أظافرهـا ,, والثانيـه عينهـا على اليهــال
وضحى بصوت واطي : نوير وعله تعل عدووووج .. خست عند بابكم .... تعرفيـن شنو خسسست
نوره لما شافتهـا شقت حلجهـا من عقب الكئابـه اللي كانت فيها وقامت تسلم عليها : ويييينج تأخرتي ...
وضحى وهي تسلم على رفيجتهـا : أنا اللي تأخرت وله أنتي اللي ناسيتني عند باب البيييت ؟
نوره : والله غنووم مادري شبلاهـ مافتح ,, شكله لاهي مع ولد خالتي ...
وضحى وهي تعدي نوره علشان تسلم ع البنت : زيـن زييـن ماعلينـا ,, خل أأسلللم ... " سلمت وهي تسأل " شلوونج ؟
سلوى وهي تتصنع الأبتسامه : الحمدالله بخيير ,, وأنتي شلوونج !
وضحى بروح حلوه : كنت بخييير ,, بس لو مانقعتني بنت خالتج ذي ... !
سلوى أبتسمت بدون لا تعلق وعينهـا بتاكل وضحى وهي تتفحصهـا من خصل شعرهـا السودهـ الطالعه من تحت الشيله .. لحد العبايه اللي راسمه جسمها رسم
وضحى تلتفت على نوره : جبببت الفلم ,,, هاا نشووفـه ... ولــه نقــعد نسولف سوالف بايخه ...
نوره : لا لا نشوف الفلم ,, قاعدهـ أنطرج عشانه ....
وضحى بتسأل وهي تشوف الصاله المعفوسـه وصوت اليهال اللي شايل المكان : بنشوف الفلم هني !!!!
نوره وهي تمسكها من ذراعها : آآآكيييييد لا ! .. أمشي .. أمشي بدااري " تلتفت على بنت خالتهـا " أأمشي سليووو بنشوف فلم هندي ..
سلوى مشت معاهم بدون ماتجادل وعينهـا ماأنزلت عن وضحى ... كانت تطالعهـا بنظرات احتقاااااار
" ماجذبت يوم قلت ضاااايـــعــه ؟؟ "

دخلوا غــرفـة نوره الواسـعــه واللي مختاره نوره بنفسها كل قطعة أثاث فيهـا وكل أكسسوارات الغرفـه بعد
وأتجهوا صوب التـلـفزيون
وضحى وهي تطلع الفلم من شنطـة يدها : هااااج .. شغليـه على ماأفصخ عبايتي
نوره خذت الفلم ويـنت ع الغلاف ... راحت بسرعه لـ d v d ودخلت الفــلم وسلوى عند راسها وتهمس : من صجكم بتشوفون فلم هندي ؟؟
نوره ببتسامه عريضـه وهي تتعبث بالريموت : والله بيعجبج الفلم وخاصـه الممثل ...
سلوى : ليش من متى أنا أشوف هندي ؟ هذا اللي ناقص بعد !! ...
نوره وهي تشغل الفلم : تبيـن تشوفيـنه حيااج ,, ماتبيــن الصاله اللي برى وااســعــه ..
سلوى تتخصر : طرده ؟
نوره تلتفت عليها : شدراني عننــج ؟ أقولج بيعجبج تقوليـن لي ماتبيـن تشوفيــن ,,
سلوى بتنرفز وبصوت واطي : يعني ليش أنه رفيجتج جااات صرت ماأهمج ...أشوف وله ماأشووف كله وااحد !! زيــن يانويــر خل تنفعج .... " عطتهـا ظهـرهـا وطلعت من غرفتهـا وهي مسكره الباب وراهـا "
وضحى بعد مافصخت عبايتهـا وطوتهـا عدل فوق سرير نوره الكبير ...: ووي شبلاها بنت خالتج طلعت ؟
نوره بدون أهتمام : زعلت !
وضحى وهي تقترب صوبهـا : زعلتت ؟؟ من شنووو !!
نوره : شدراني عنهـا ,,, أصلاُ أنا متنرفزهـ عليهـا من الظهـــر ومن جااات وهي نفسها بخشمهـا !! شسوي لها يعني ؟ بتزعل بتزعل وبترضى
وضحى بلقافه : وليش متزاعليـن ؟
نوره كانت بتزل بلسانهـا وتقول " بسبتج " لكنهـا غيرت السالفـه لما أبتدى الفلم : كااهــوو بـــدى ,,
وضحى تطالع التلفزيـون بعد ماقـعـدت ع الأرض مجابلته : قعدي قععـــــــــدي ,,, لا يطوفنـا شي ..
قعدت نوره جنب رفيجتهـا ومن أبتــدى الفلم عم الهـدوء عندهم ...!

طلعت من الغرفـه وهي معصبه كانت متوقعه تلحقها نوره وتستسمح منهـا لكن كل هذا ماصـار
نزلت تحت الصاله وهي تتصنع الهدوء لأنه أمهـا مع خالتهـا وأختهـا العوده تحت وماتبيهم يحسون بشي ,, لأنهم أكيد بيسألونهـا شفيج !! شراح تقول لهم ساعتهـا
رفيجـة نوروهـ مب عاجبتني !!؟
أول ماوصلت لقتهم بعبيهم وتوهـا بيطلعون
سألت : بتروحون اللحيـن ؟
أمهـا : آي يمــه ,, حطي بالج على أخوانــج ...
سلوى بضجر : آآوكي ..
أم نواف : روحي قعدي فوق مع نورهـ وضحى بتتملييـن هني برووحــج ..
سلوى ترسم الأبتسامه بالغصب : لا ماأبي ,, قاعديـن يشوفون فلم هندي ... وأنــا ماأأأطيييق الهنوود !
أختها " هنادي " : وووي عيل ربي يعيـنج ...
سلوى بعد مالمعـت فكره ببالها : شرايكم تاخذوني معاكم ؟
أم هنادي : لا مافي ,, توج تحنيـن أبي أروح بيت خالتي وأبي أروح ولما جبتج .. تبيـن تهديـن البنات وتجيـن معانا !!
سلوى تمد بوزهـا : بتملل !!
أم هنادي : قعد بالصاله عييل شوفي التلفزيـون ,, الله مكثر المسلسلات هالحزهـ
سلوى وهي تطالع تحت بيأس : آنزيـن ,,
أم هنادي : يلا عيل نخليج ...
سلوى : الله معاكم

طلعوا الحريم الثلاثه وخلوا سلوى بالصاله بروحهـا متملله والصاله هذي هاديـه عكس الأزعاج اللي مسوينه خواتهـا الصغار فوق ,,
وأبراهيم أخوهـا ماتدري وين ذلف .. من دش وشاف غنووم وهو مختفــي ,,,!!!
مشت بخطواتهـا لصاله وهي تعدل شيلتهـا وقعدت ع الكرسي ...وبدون ماتغير القناه كان محطوط مسلسل خليجي على قناة الرأي قعدت تشوف بملل وهي شايله بقلبهـا على نوره ..

.
.
فـ غرفه فوق بالطابق الثاني

كانت ظلام مافيها ألا نور خفيف باهت اللي يتسلل من الدريشــه ودرجة الحراره واصلـه لتجمد !!!
كان منسدح بسريرهـ ويتقلب يميـن ويسـار من الأزعاج اللي برى بسبب صوت صراخ اليهال اللي شايليـن البيـت على راسهم
لحد ما وصل حدهـ ويأس أنهم يسكـتـون قام قعد وبعد اللحاف عنه بكل قوته لدرجة أنه طااح نصه من الصوب الثاني ,,, وطلع من غرفته وهو معفس تعفس محترم !!
صرخ فالبنات الثلاث اللي قاعديــن يصارخون ويطقون بعض بالألعاب يبلفيت يلعبوون : بسسسسسسس !! مححد نااايم هنــي ؟؟
أنكتمت أنفاسهم مرهـ وحده !! وهدت الصاله .. ماغير صوت أغاني هنديـه منبعثـه من غرفة نوره
نواف وهو يقرب منهم خطوه : شيلوا خرابيطكم ونزلوا تحت أأشووووف ... وأن سمعت حس وحده منكم لا أأقطعه فاهميييــن ,, يلا أشوف بسرررعه
قاموا وكل وحده خذت لعبتها ونزلوا تحت وريم تطالع أخوهـا بنظرات حققد لأنه فشلهـا جدامهم ...
أول مانزلوا البنات تحت ..
ألتفت متجه لغرفة نوره اللي مطوله ع التلفزيــون حدهـ ومصدعه راســه علشان يحط حدهـ لسخافتهـا
فتح البـــاب بقوه لدرجة أنه صوت رضختــه أنسمعت وسمع صوت صرررخـــه حاااده طلعت تلقائياً وبايـن أنهـا صرخت خوف
قال وهو واصل حده : صمخــــه أنتي صــمخه ماااااعندج حـــــد نـــايـ ......
هدت اعصابه فجأه لما أأنصعق بأنه اللي كان ناوي يهزئها مب اخته مالقـى نفسـه ألا وهو طااالــع بــــرررى بسرعه من الأحرااج
بينما وضحى اللي تصرقعت من دخووولــه ورضخت البــااب وصوته الرجولي الخشـن ..
قامت بسرعه وراحت لباب الحمام وهي تطقه بقوه على نوره : نووووووورروووه فتحي ,,,
نوره بعد أقل من ثانيـه فتحت وهي طالعه : هااااا شتبيــن ؟؟؟
وضحى تتخصر : شلون يسمح لنفسـه أخوووج يدش علي الغرفـه بدون استأذان ؟
نوره : غنوووم دوومــه جذي ..
وضحى بعصبيه : مب غااانــم ,, الثاااني نواااف !!!
نوره بغرابه : نوااااف ؟؟
وضحى : أأيــه نواف ,, شنو الدنيا فوضى يدش ويصارخ عليييي ,,,,
نوره بأحراج : سوري وضحى ,, أكيد مايقصــد .....
وضحى تقاطعهـا: يقصد وله غيرهـ ... علمووهـ شلون يطق البــاب قبل لا يدرعم ... مايدري أنه رفيجتج عندج ....
نوره : لا مايدري مااعطيته خبررر
وضحى وهي تحرك يدهـا بعصبيه : زيـن نقول مايدري أني موجودهـ ..!! مايعرف يعني أنه خالتج جايتكم ,, يمكن تكون سلوى معاااج مب أنــا .... ولـه عادي الحبيب يدش وهي موجودهـ ,,,
نوره تحاول تهديـها : خلاص وضحـى .. هدي أعصابج برووح أكلمه أنــا ...
وضحى تتكتف وتصد عنهـا : كلمييـه وفهميـه أنه من الأدب والأخلاق يطق البــاب قبل ,,, وأذا مايعررف عااادي أعلمه .. " بصوت واطي " جليل حيا !
نوره طلعت من غرفتها وكان نواف واقف قريب من البـاب برى وسمع كل كلامهـا قال بغضب حتى قبل لا تبدأ نوره بالكلام : قولي لهـا ,, أنا متعلم الحيا قبل لا أأشوووفهـا وخل تحترم نفسهـا !! ماكنت أأدري أنه سعادة جنابها دااخل ,,, والله لو أأدري جان مادخلت وطحت بلساانهـا الطووويـــل
نوره طول كلامهـ وهي تأشر له يوطي صوته لأنه وضحى عادي تطلع له وتكمل سلسلة الصراخ ..قالت بصوت واطي : معللليييش نواااف ,, هي معصبـه بس
نواف بغضب : تعصب على غيري مب علييييي ,,,,
نوره تحاول تخليـه يبتعد عن الغرفه علشان لا تسمع وضحى كلامه : زيييــــن خلااص روووح غرفتك ,, ماأأبيــهـا تتنرفز
نواف : خل تتنرفز شسوي لهـا .. ناقصني بعد وحده مثلهـا تغلط علي " يغير الحوار " وأأنتي أأشوووف قصير على التلفزيوووون لأني أأبييي أنــاااااام !!!
نوره : زيــن زيييين والله بقصر بس روووح فضحتني جدااامهــا ,,,
نواف تراجع خطوهـ وتوهـ بيروح ألا تطلع له وضحى بعد مالبست عبايتهـا ولفت شيلتهـا على راسهـا : تعاال تعاال ,,, من أنت علشان تعلي صووتك ؟؟ وتصـارخ جذي .... غلطاااان وتزفر بعد ؟؟
نواف طالعهـا بقهر ووجهه الكلام لأخته بعد مانزل نظره لهـا : نورووهـ قولي لهـا تقصر الشر وتدش دااخل ,,
وضحى بقوه : ليش أن شالله شبتسوي ؟؟ بتضربني مثلاً ....
نواف لنوره : نووروه اخذي رفيجتج ودشي دااخل ,, ماأأأبي أأغلللللط عليهـا ,,,
طالع وضحى من فوق لتحت وأتجه لغرفته ,,,,, دخلهـا ورضخ الباب وراااهـ

وضحى وهي رافعه واحد من حواجبهـا بعصبيه : شفييـه هذا !!!!
نوره تهديهـا : ماعليج منه ,, توهـ قايم من النووم ومعصب ... بعد شوي بيجيني وبيقول لي أستسمح منج
وضحى وهي تدش الغرفه بعد ماسحبت شيلتهـا من على راسهـا : مااأبيـه يستسمح ,, خل سماحه له .... مالت عليــه
نوره : هذا الفله اللي حاشرتنـا عليـــه ... أخوج فله وأخوج فله ...
وضحى : يامال العله أن شالله ,,,
نوره : زيـن خلاص ترى ماصار شي ,, وأنتوا مكبريـن السالفه على ولا شي
وضحى تلتفت عليها وتقول بأنفعال : ماصار شي ؟؟ داااش لا أحم ولا دستور وتقوليـن ماصار شي ,,, ليش عيوني .. مو شايفه لبسي ؟؟؟؟
نوره طالعت لبسهـا ع السريع اللي كان عبارهـ عن بلوزه بدون أكمام اللهم خيطيـن واحد على كتفها اليميـن والثاني ع اليسار ..ممتزجه بدرجات التركوازي وبرمودا أبيض يوصل لنص ساقهـا : زيـن شتبيني أسوي ,, أروووح أأطقــه ؟ أنـا عارفه أنه ماكان يقصـــد لأنه مايسويهـا ,,, فخلاص !! أنسي ,,
وضحى : والله لو أنتي مكاني جان سويتي لي سالفه .. وقلبتي الدنيا على راسي .... !! ومارضيتيهـا على نفسج ! بس ليش أنه أنــا اللي بهلـ موقف السخيييف فعاادي عندج !!!
نوره وهي تحط يدهـا على صدرهـا : آنـا ؟ .. الله يسامحج
وضحى وهي تقعد على طرف السرير بحيث أنهـا مجابله التلفزيـون اللي راح ثلث الفلم بدون لا يشوفونه وأزفرت بقوهـ : آوووف ,, سوررري نوره ماأقصد..... بس أخوج !
نوره وهي توخر قذلتهـا عن ويهـا : حصل خيير ....
وضحى تمت ساكته وهي شايحه بنظرهـا بعييد تحاول تهدي أعصابهـا
بينما نوره ماتدري شتسوي وتعذرت بأنهـا بتروح تجيب قلاص ماي وماحاولت تمنعهـا وضحى
طلعت من الغرفه وسكرت الباب وراهـا .. وهي منحرجه ..!
نزلت تحت الصاله لقت البنات محتليـن جزء بسيط من الصاله بينما سلوى قاعد مجابله التلفزيون وعلامات الملل مبينه عليها
نوره غيرت طريجها بدل المطبخ راحت لسلوى وقالت : ماتبيـن للحيـن تجين معانا ؟
سلوى طالعتها وقالت بسخريه : زيـن والله ذكرتيني ؟ عبالي نسيتي أني موجوده تحت !!!
نوره تقعد أحذاها : آآووووف .. زيـن أسفـه .... مع أني ماغلطت ..
سلوى : أي أنتي ماتغلطيـن ,, أنــا بس اللي الغلط راكبني من راسي لساسي
نوره يبلفيت تبي تنكت : زيييـن أنج تدريــن ..
سلوى طالعتهـا بنص عيـن وصدت عنهـا
نوره برجى : سلوى بلييز .. خلاص عاد ,,,
سلوى تلتفت عليها وتقول : ياختي أنا غاويـه زعل ,, معلقه روحج فيني ليش ؟؟ خلاص ... خليني بحاالي ... وقت ماترجع أأمي من المستشـفـى بروح بيتنـا ..... !!
نوره تدفعهـا بدفاشه : مابتروحيــن ,,
سلوى توخر يدهـا : لا برووح ... مالي قعده هني أصلاً ,,,, ولا تسويـن روحج مهتمه فيني وايد وبزعلي آآدري ماهميتج !
نوره تفتح عينهـا على كبرهـا ببتسامه عابره : ترااج حساسـه وااايـــــد !!
سلوى تصد عنها : مب شغلج !
نوره تطل بويها : عـــن الــدلــع ...! يلالالا عاااد .. والله وضحى حبووبــه لا يغرج شكلهـا
سلوى : : حبوبه لنفسهــا ,,, تربيتي ماتسمح لي أرافج وحده مثلها
نوره عقدت ملامحها : شقصدج ؟ أنــا مو متربيـه ؟!!
سلوى : والله أنا ماقلت جذي ,,, كيفج أذا بتحللين كلامي على هواااج .....
نوره قامت وقفت وقالت : جووفي تدريـن أني ماأحب دلعج ,, فلما يليـن راسج تدليـن غرفتي .... مابترجاج أأكثثثرر !
سلوى : آآآي ! أوكي ...
نوره أبتعدت عنها وراحت المطبخ خذت لها قلاص مااي وشربته دفعه وحــده من القهـر
ورجعت طلعت من المطبخ ومرت على سلوى وهي رايحه فوق ,, ومن الدري سيده على غرفتهـا فتحت البــاب ودشت لقت وضحى رايحه راده بالغرفه
نوره : ريلاكسسسسس !! ريلاااااااكسسس !! راسج دااار
وضحى تطالعها ببتسامه : أأنطـــرررج !
نوره : جاان نزلتي لي ...؟ تراج مب غريبه عشان تستحيـن
وضحى : ماادري .... بس أبي أطلــع !
نوره بستفسار : والفلم ؟
وضحى : رااح نصه ماشفنــاه ...
نوره : عاادي نعييييده ...
وضحى : ماني بمزاااج يسمح لي أكمله !!!
نوره : علشـ...
وضحى قاطعتهـا : آآآييــه ...أأيــه ...." تقترح " شرايج تجين معاي
نوره : كم مره أقولج ,,, سلوى عندي ماأقدر أأطلــع
وضحى : زيـن ناخذهـا معانا !!!!!
نوره : ماأظنهـا بترضــى ,,
وضحى : وليش ماترضى ؟
نوره : ببساطه لأنها ماقالت لأهلهـا أنهـا بتطلع ,, ولو سووتهـا بدون شورهم بتنزففففففف
وضحى : آآففففف يالتعقيييد اللي أنتوا فيــه ...
نوره تقعد ع الأرض ماجابله التلفزيون : قعدي قعدي خل نكمل الفلم ,,,
وضحى وهي متجهه للباب وتقفله مرتيـن وترجع لنوره : اللحيــن أحسـن ,, علشان أظـمـن أنه محد يدرعم علينا مثل الباشا مطيور
نوره بضحكه خفيفه : ههههههـ ياهلـ نواف ,, كل يوم مطلعه له أسم
وضحى : خلينا من طاريـه تراني للحيـن متنرفزه منه ,,,,, شغلي الفلم خل نجووف
نوره وهي تعيد الفلم من يديد : عند شنو وقفتي !
وضحى تحاول تتذكر : ممممممممم ... لمـــا تهاوش مع يدته
.
.
.

اليوم التالي


نزل من سيارته وسكر البــاب وراه بعد ماجيك ع الكشخه بدريشة سيارته اللي عاكسه صورته
ومشى دااش الجامعه ,, بخطوات شبــه سريعه لأنه متأخر .... لكن سرعة خطواته توقفت لما أصطدم بواحد خلى خطواته تتوقف غصب
كانت ملامحه ماتبشر بالخير لا هو ولا شلة السفاحيـن اللي وراهـ كانوا 4 ومع اللي دعمه صاروا 5 !!
عقد ملامحه وحاول يطوفـه لكنه رجع وقف جدامه .. حاول مرهـ ثانيـه ونفس الشي
نواف وهو يصد لليسار بتملل : ياليييييل مااأطووووولك !! " يطالعه " ياعمي فج !!
يقرب صوبـه خطوه : أظــن في حساب بيني وبينك لأزم نصفييـه على روااق ...
نواف بثقه : والله ياحبيبي مابيني وبين ولا واااحد بهلـ جامعه حساب ... وأأذا براسك شي طلعه على غيري..... " يغير الموضوع " اللحيـن ممكن تفج أنت وشلة القرود اللي ورااك ... عندي محااضرة مبتديـه من سنة يدك
سعد وهو يسحب هالكم كتاب اللي كانوا بيد نواف ويحذفهم على واحد من شلته : للأسف أنه لك حساااب معااااي ,, وأأذا ماتذكر .. عادي ياروح أمك أذكرك
وبحركه سريعه منه عــطى نواف بكس خلاهـ يرجع أأميااااااااال ورى ,,
وبعــدهـا ماحس بنفسـه نواف ألا وهم يتحاذفونه جنه كووره اللي يرفس من صوب واللي يضرب من الصوب الثاني
وهو ماغير يحاول يداافع عن نفســـه بدون فاايـــده كانوا 5 ,, بينما هو وااحد !!
بعد أقل من 5 دقايق ألا وشباب يتجمعون حولهم يشجعون ومن بينهم كانوا ربع نواف ,, !!!!
كانوا يطالعونه ببتسامه على جنب ,, وكأنهم مستانسيـن بمنظره وهو ماسحيـن بكرامته الأرض
.
.
بينما من الصوب الثاني كان من وصل الجامعه وهو شبه متوتر رغم أنه كان مستانس .. ومن أطلعوا من المحاضرة وفهد ماغير يحن عليه يبي يعرف شفيــه وزايد مب راضي يقول
فهد بنفاذ صبر : ياخي ليش مو عادني مثل أخوك ..!! ليش تخش عني وأنـا عمري ماخشيت عليك
زايد : تدري أني ماأحب أتكلم عن حياتي الشخصيه مع اي أحد .. فلا تتعب نفسك
فهد : اللحيـن صرت أأي أأحـــد ..ماأقول ألا الله يسامحك بس .. صج لا قالوا من لقـى أحبابه نسى أصحابـه
زايد طالعه وهو رافع واحد من حواجبه لأنه كان يقصد بهلـ جمله أبوه
فهد صد عنه بدون مايجادل وقال : أمش خل نروح الكافتيريا خل نـشرب لنـا شي ,, رفعت ضغطي
زايد رسم شبح أبتسامه على شفاته وهو ماشي متجه للكافتيريا وأحذاه فهد اللي يمشي وهو مكشر يبلفيت زعلان !
زايد وهو يمدد ذراعه على كتف فهد : تراك مب شي لا زعلت
فهد : أنــا حررر !
زايد بضحكه خفيفه : بلا حركات التغلي هاا .. تراني كاشفك
فهد يزفر ببتسامه خفيفه : يعني الواحد مايقدر يمثل أنه زعلان عشان يجرجرك بالحجي !!!
زايد هز راسه بالنفي : لا !!
فهد طالعه وهو يقول : زيـن يازيوود ياولد سعود !! هذا ويهي أأذاا صارحتك بشي مره ثانيه .....
زايد يغمز له : أنت حر على قولتك ! اذا تبي تقول أنـا موجود وأذا ماتبي كيفك! ماني ميت على أسرارك !!
فهد يدفعه بقوه : ياملغك !
زايد ضحك من قلبه على شكل فهد بينما فهد بادله الأبتسامه وهـو مستغرب من حال هالريال !! اللحيـن يضحك عادي بعد دقايق يكشششر !

كانت خطواتهم تقودهم لصوب الكافتيريا بس صوت الصراخ والتشجيع اللي صاير بالجهه المعاكسه للكافتيريا جذبهم
زايد توقف وهو يقول : الظاهـر صايره هوشــه !!
فهد بحماس : أأمش أمش خلـ نطمشش !!!
زايد : ياحبك لشماته ....
فهد ببتسامه كلها بلاهه : تلميذك ...
راحوا لصوب الهوشـه وكانوا في شباب وايد متجمعيـن ومايسمعون غير كلمات سب بذيئه تطلع على لسان سعد وربعه اللي طايح طق بواحد أنقلب لون ثوبه الأبيض ألى رصاصي وغبره
زايد وفهد أحشروا روحهم بيـن هالحشد علشان يشوفون الهوشـه من قرريب
وأول مالمح زايد اللي ينطق تسلل لقلبه شعور غريب !! هو بروحه اللي يعرف معناهـ
حاول يخترق الحشود علشان يدش بالهوشه لكن يد فهد اللي مسكته من معصمه خلته يوقف ويلتفت عليه بستغراب !
فهد : موقعنا هني أوكيييه ,, ليـن قربت زياده يمكن تاكل حصتك من الطق .... وبدل ماتطمش ع الهوشـة تنطق معاهـ
زايد : ومن قال لك أني داااش أأتفررررج مثل هالعالم !
فهد بغرابه : عيييل !!
زايد بأسلوب غامض : بداافـع عنه !
فهد وهو يقوي قبضته : من صجك أنت ,, أقول أنثبر بمكانك مانبي مشااااكل
زايد طنش له وسحب يده بقوه منه ودش بـ حلبة المصارعه اللي صايرهـ !!!
وبعد جهد جهييد وهو يبعد هالأجساام اللي تتناوب على نواف ,,, قدر يوقف فاصل بين نواف وبينهم
سعد بعد مارجع خطوه للورى بغضب وأنفعال ويلهث من قلب .. قال : شتبي أأنت داااااش عرررررض !! ودك تنرض وياااه ؟ ماعندنا مانع تررررررى
زايد بقوه : مو لعنتوا والد والديـه ! خلااااااص هدووهـ
واحد من ربعه وهو يدفع زايد بدفاااشـه بغى يطيحه : هديناه وله ماهديناهـ ,, مببب شغللك هذااااا
زايد التفت عليه بعصبيه وبنبرة تهديد قال : جوووف لا عاااد تجيسني وله والله مايحصل لك طييييب !!!
قرب صوبه زياده وهو يقول : شبتسوي !!! شبتسوي ؟
زايد يقرب صوبه بعد مالزق فيه : مابيسرك اللي بسويــه ,, أظــنك عارف سمعتي بالجامعه !!
بصوت رجولي خشن : لا يابو سمعه ,,, مااأأأعرررفهــا ... وأأذاا مصر تحافظ على كرامتك أحسن لك توخرررر
زايد وهو مازال على وضعه بكامل ثقته : آآسفــ ,,, ماني متحرررك من هني ,,, واللي ماتطوله بأيدك وصله بريولك
فهد وهو يصارخ علشان يسمعه زايد : زيووووود لا تدخل رووحك بمشااااكل معاهم !!
زايد كان معطيه الاذن الصمخه وبعينه نظرة شريه كلها تحدي
بينما سعد طنش لزايد ورجع طااح طق بنواف اللي كان يحاول يوقف..!! ..وهالمره أضطر يتهاوش مع زااايد علشان يكمل ضرب بنوااف
فتجمعوا الخمسه على زاايد وكان راح يصير فيـه نفس اللي صار بنواف لولا تدخل فهد لما شاف رفيجه بينرض وكم وااحد يعزون زاايد
لحد ماكبرت السالفه وصارت هوشة بين حزبيـن ناس مع زايد وناس مع سعد
بينما نواف قام وقف بمساندة بعض الطلاب وهو يتنفس بصعوبـه عقب الضرب المحترم اللي خذاهـ وحاولوا يبعدونه ولو شوي عن مكان الهوشــه علشان لا يرجع ينرض من يديد !!
وأنتهت السالفه بأدارة الجامعه وأساس المشكلة متجمعيـن هنـاك
" سعد والأربع اللي معاه + زايد + فهد + ونواف المتكسر تكسير ! "

المدير وهو يطالعهم بأحتقار بعد ماعرف السالفه : أحنا بجامعه محترمه ,, مب بالسكه علشان تتهاوشون بهلـ وحشييييــه .. " يوجه الكلام لسعد " لا بعد .. ليش خليته حي للحيـن " يقصد نواف " جااان ذبحته وأفتكيييت ؟؟؟؟ .. تدروون أنتوا الـثمانيـه تستحقون الطرد ومحد راح يلومني لو طردتكم !!!! وبالأخص أنت ياسعد .. هذي ولا المره المليون اللي أشووف ويهك عندي هني انت وهلـ شله اللي وراااك كم مررره كتبناااكم تعهد وفصلناكم 3 أيام أو أسبووع !!! هااا ؟ كم مررررره ؟
سعد ماكان يرد .. كان مكتفي بأنه يتكتف ويصد عن المدير وكأنه مب عاجبه الكلام
المدير بحزم : أنـا أهم شي عندي سمعة الجامعه ,, وأذا لقيت أنه فيها نااس يحاولون يشوهون سمعتهـا بأي طريقه ماراح أتردد في فصلهم ,,, واللحيـن أنتوا الخمسه اليوم تاخذون ملفاتكم ومن بكره ماأبي أشوف ويهكم هني ,,,,
سعد اللي كان واصل حده : آآآآحسسسسسسن .... يوووم عيييييد فرقاكم .. ليش الدوحه مافيهـا غيركم يعني ,,,؟ بدل هالجامعه أأألللللللف !
طلع من مكتب المدير وهو معصب ورضخ البـاب وراهـ بكل قوته بينما باقي شلته مازالوا واقفيــن ,,,
المدير وهو مازال معصب : لحقوه أشووف ؟ شتنطروون !! ... ومن باجر ماأبي أشوفكم هني !! سامعيني !
هزوا راسهم بالأيجاب وكلن يحمل بعينه نظرة كره للثلاث اللي قاعديـن هني ومعاهم المدير بعد ,,, وأبتدوا واحد ورى الثاني يتركون المكتب
بينما زايد وفهد ونواف مازالوا بأماكنهم .. والوحيد اللي كان قاعد هو نواف وأنتوا أدرى ليش ..
المدير وهو يطلع أوراق ويمدهـا لهم وهو مازال عاقد ملامحه : كلن يوقع أأشوووف ,, هذا تعهد أنكم ماتعيدون هالتصرف الهمجي مره ثانيــه ,,, لأنه لو تكرر راح تنفصلون حالكم حال سعد !!! محد أحسن من حد هني

أول واحد وقع .. زاايــد .. ولما خلص ترك المكتب وطلع بدون ماينتظر يسمع كلمة زيادة ولحقه فهد لما خلص وتم نواف هناك ..
فهد بتنرفز : شفتت ,, هذي أخرت فزعتك ... كان ممكن ننطررد مع شلة الززززفت سعد ... بسبب تهوورررررك !!
زايد بصرخة كلها عصبيه : فهد واللي يعافيك مااالي خلللللللق عتاااااب !!! سويت اللي يريحني وماجبرتك تدخل معااااااي !
فهد يوقف ويطالعه بغضب :ماجبرتني ؟؟.. هذا جزاااااي داش اداافع عننننك ,, " بأسلوب سخريه ممزووج بغضبه " يالشهممممم!
زايد : جزاااااك الله ألف خيررر وكثر الله خييرررك ,, بس ثاني مرهـ لا شفتني ودي بمشكله لا تحشر روحك معااي وتجي تعاتبني بالاخيييير !!
فهد : زيييين ياأستاذ زاايييد ,, اللحيـن طلعت أنـا الغلطان... علشاني للحظة فكرت أداافع عنك !!!! والله لو هااادك ومخليهم يطحنونك معاااه أأحسن لي
زايد بنفس نبرة الصوت : ماني مستعد أوقف أتفررج مثل غيري وهو ينطق بهلـ طرريقــه .. تدري لو محد فينا تدخل وتركنااهـ جاااااان مااااااات
فهد : وخييير ياطيييييير ,, ماااات ولـه بالطقاق .... شلنا خص أحنـــا أأهله وله اخواااانــه ؟ هو دخل نفسه بهلـ مشكلة ويتحمل نتايجهـا ......!!
زايد : عيل أعذرني يافهد ... أنــا مو نفسسسســــك !
فهد : ومن متى كنت نفسي أصلاً ,,,, ! شوف زااايد أأحسن شي لا أكلمك ولا تكلمني اللحيــن ... لأنه لا أنـا ولا انت بمزاااج رايق وأاحتماااال كبير نخسر بعضنا بسبب كلمة نقولهـا بلحظة غضب !!
زايد جنه ماصدق على الله : عيل .... بــااااي !

مشى عنه زايد وتركه وراااهـ وبعد خطوات عديده اختفى عن نظره
نزل نظرة بالأرض ورفس أقرب طوفـه لــه من القهــر !! ... كان متوقع ينقلب مزااج زاايد .. بس مو بهلـ سرررعــه
قطع حبل أفكااره القصييير خروج نواف من غرفة المدير وغترته على كتفـه مر صوبه وهو متجه لبوابة الجامعة اللي دخل منها
وشكله رايح بيتـــه ومطقع لكل محاضراته اللي للحيـن ماحضر ولا وحدة منهم .......
.
.
.

بيت بو نواف


: كل اللي حاب أقولك أيــاه ,, أنـه ذنبي برقبتك ...وأني ماراح أنساهـا لك ! صدقني يافايز ماراح أنساهـا
بو نواف يوقف بشموخه وهو يقول : كيفك أذا ماتبي تنسى ,, بس ترى بالأول والأخير أنت اللي بتتعب .... لو تتكلم من اليوم ليـن بكرة ماراح تغير شي ,, واللي راااح مابتقدر ترجعــه بالساهل ياسعود
بو زايد وهو يوقف ويطالعه بنظرات تحمل الحقد : آآبي أأفـــهم شي وااحد ... طول هالسنيـن ودي أعرف جوواابــه ..... شلووون هنت عليك تسوي فيني جذي !!
بو نواف : مثل ماهنت عليييييك يومك أأخذذت أأغلى النـاس لي ,,
بو زايد : أنت أأكثر واااحد تدري أنــي ماخذتهـا ألا بعد فترة من طلاقكم !! ومو ذنبي أأذاا نصيبي كان معاهـا ,,,,
بو نواف يغير الموضوع : شوف شوف,, هالموضوع أنا دفنته من سنيـن معاااك ,,,, وماأبي أأرجع أفتحه ...
بو زايد : ولا انـا حاب أفتحه ,,, لا حباً فيك وبصداقتك اللي حرام ينقال لها صداقه أصلا .. ولا حباً بالسنيـن اللي قضيتهـا بتهمه أنـا بري منهـا ,,,, وكان المفروض تكون أنت مكااني !!! بذمتك راضي عن نفسك وأنت تعمر بيتك وتأكل عيالك ومرتك فلوس حراااام على حساب شباب يموتون كل يوم !!
بو نواف بغضب : موو شغلك هذااااا .. حراام وله حلال ... أأنـت أأخرر واحد يتكلم عن هالأشيــاء يالـ " بسخريـه " يالتااجر !
بو زايد رسم أبتسامة سخريـه وهو يقول : تجذب الجذبه وتصدقهـا ,,,,
بو نواف : سالفة مررت عليها سنيـن لا تجي تنبش فيهـا اللحيـن ,, كنت ناوي أجيلك لبيتك وأقولك تنساني وتشيلني من بالك نهائيا ... وتشيل من بالك أني بيوم عرفتك أو عرفتني !!! حتى السلام ماابيه منك لكنك وفرت علي مسافة الطريج وجيتني بنفسك !! .... واللحيـن بس ارتحت لأنه وصل لك الحجي اللي بغيت أقوله ,,, !!!!
بو زايد طالعه من فوق لتحت وقال : صج لا قالوا العشررررة ماتهون ألا على ولد الحراااام ...!!!!!!!! ع العموم أنــا طالع ... بس تأكد أأنــي فيوم راح أأخذ حقي منك .. أذا مب اليوم بااجر !! أذا مب بااجر اللي بعدهـ ,,,,
اللي خلقني ماراح ينساانــي ,,, وبكل ركعة بصلاتي بدعي عليييك ..... وياليت أأشوووف فيييك يووووم يافااايــــــز !!
بو نواف وهو يمشي بكل ثقـه صوب باب الميلس ويفتحه : أأوكي ! الله معااك
بو زايد تحرك طالع من الميلس وعينه على بو نواف .... لحد ماترك له الميلس وبعد خطوات واسعه طويله شوي ترك له البيت كله وركب سيارته مبتعد عن هالبيت

سبحان اللي يغير ولا يتغير .. بالأمس كانوا أأعز ربــع وكل لحظة حلوه ومره مرت عليهم مع بعضهم
واليووم صاروا أأأألـــد أعداااااء ,, وكل واحد فيهم يتمنى يشوف الثاني طاااايييييح علشان يشفي غليله .. ويتشمت فيـه
بو زايد عض على شفته السفليه وهو يسوق بقهر ...
" ماعليـه ياسعود ,, ماعليـه .. أصبــر ..... الظالم مهما طااالت ساعات وناسـته لأازم يطيييح وطيييحه قويـه بعد ..! وفاييييز ماراح يطوول آآكيييد .....
لأزم أأسسكت وأأدوس على جرحي وأأكتم .... علشان بس ماأحسس زايد بالكره اللي بقلبي على هالفايز ,,,, كفايـه حاول فيني اليوم الصبح ومنعني مليون مرهـ من هالرووحــه خايف علي من اللي كان رفيجي ....
ومن حقــه ,,, اللي دخلني بتهمه مثل هذي السجن 20 سنه ,, يقدر يسوي ألف شغله غيرررهــا ,,,,, مااافي شي يدووووم .. اليوم أنـت مستانس ياافــااايز
بااااااجر راح تصييييح دم .................................................. .......................! "

هالجملة ,, كانت أأخرررر جملة يقولهــا بو زايد بحياااتـــــه !!

نهاية البارت الثاني

Prt " 3"
وقف سيارته داخل البيت وبندها بقهـر .. تلثم بغترته وهو نازل ودش سيده البيت
مالقى حد كمل مشيـه وأتجه لغرفته دخلها وجا بيسكر الباب ألا صوت يجيه من وراه : مسررررع مارجعت !
ألتفت وراهـ لقى نورة عقد ملامحه وقال : شمدخلج غرفتي !!
نوره : امي قالت لي أنظفهـا !!
نواف : زيـن .. يلا برررى !!
نوره بفضول : شبلاك متلثم ؟ مب من عادتك
نواف بحده : مب شغلج وأأشووووف طلعي تراني مب طاايق رووحي
نوره بتخميـن : متهاوش صح !!!!
نواف بغضب : أقولج مب شغلج ماتفهمين عربي أنتـي ,,,
نوره عقدت ملامحها لما صرخ عليها وقالت : زيـن زيـن لا تزف ... شلي خص أنـا تهاوشت وله غيرررهـ ..

وصلهم صوت أم نواف وهي تقول : هاا نوره خلصتي ترتيب الغرفه " دشت وبيدها المدخن " بـ....... " سكتت لما شافت نواف " هووو ! أمدااك خلصت محاضراتك
نواف وهو ينفخ من قلبه : آآوووووووووف !! ممكن تطلعون برى وتخلوني برووحي !!!
أم نواف وهي تحط المدخن ع التسريحه بعد ماأنتبهت على ثوبه الوصخ وأزرته المقطعه واللثمه اللي خاشه ملامحه قالت بصوت هادي بملامح معقوده : متــهــاوش ؟؟
نواف يصد عنها بنفاذ صبر : آآآيـــه ,,, !!
أم نواف بغضب وهي تقرب صوبه وتشيل اللثمه اللي تخفي ملامحه وأنصعقت لما شافت ويها المنقلب أحمر باهت وينزف من طرف شفايفـه دم متخثر وجرح مستقر بأعلى يبهته قالت بصدمة : نوااااااااف !! شنو هذااا ؟؟؟؟؟
نواف وهو يبعد يد أمه : قلتيها بنفسج ,, متهااااوش ...!! يعني بكون مسوي نيو لوك !!! ... يصير أأقعد برووحي اللحيـن ؟؟
أم نواف بغضب وصوت حااد : ومن متى أنــت تتهاااااوش ؟ ولـه تعررف طرييج الهواش ؟؟ هذذي تربيتي لك يانواف ... كان قلبي حااس ..خربووووك ربع السو ,,,,
نواف بعصبيه : تربيتج لي هي اللي سوت فيني جذي ,,, " يأشر لهـا بيده " خمسسسسسـه رضووووني جداااام كل شباب الجاامعــة .... وأنــا مب قادر أداافع عن نفسي ... تدريـن ليييييش ! لأني ماأأأعرف أساساً أأدااافع عن نفسي ,,,,,,
أم نواف : وليييش يرضونك ألا أذا أنــت مقرب صوب هالمصبنه !! راعيـن المشاااكل
نواف بصراخ : مو كفايــة ماأعرف أداافع عن نفسي ,, بعد تبيني أأأسكت عن حقييي لما يتحرش واحد منهم فيني .. ويقط حجي زززفت !
أم نواف صرخت عليه : لا تعلييي صوتك علي .. أنــا أمك ماني بزر عندك وله وااحد من ربعك !!! " بنظرات بركانيـه " ... مابيني وبينك حجي اللحيـن ,,لا جا أبوك لي كلام ثاني معاك ...
تركت له الغرفه وهي معصبه عليـــه ,,
بينما نورة واقفه تتأمل ملامح أخوهـا بخوف عليـه ,,, أقتربت منه وقالت بصوت واطي: تبي أأجيب لك شي
نواف ألتفت عليه وصرخ : أأبي فرقااااااااااااااج ,,, !ممكن !
نوره نقزت من صرخته ,, وطلعت على طول برى قبل لا يطلع رجولته فيهـا ويكسر ضلووعهــا ,,
ومن حطت ريلها برى الغرفة رضخ الباب وراهـا بكل قوته وقفله ...
نوره بعد ماغمضت عينها بقوه من قوة الصوت : أأأستغفرررر الله ... " فتحت عينها وهي تقول " أأوووف اللحيـن شلون برووح بيــت وضحى ؟ أأمي معصبــه ومب بعيدة تقولي مافي روحــه ...
.
.
راحت غرفتها وهي حاطه ببالها بتلبس وتتكشخ وتنزل لأمها تحطها جدام الأمر الواقع وعساهـا ماتغير رايهـا بسبة نوااف اللي ماحلى له موضوع الهواش ألا اليـوم
فتحت كبتهـا وقعدت تدور على ملابس حلوة تكشخ بهـا وبعد ماتعبت من التدوير لقت اللي يعجبهـا
دشت خذت لها دش دافي سريع وطلعـت لبست ثيابها وأضافة عليه الأكسسوارات المناسـبـة وأكتفت أنها تحط قلوس وكحــل خفيف
أمـا شعرهـا فسوته ذيل حصان ومن جدام قذلتهـا مزينه ويهـا المدور .... وأول ماخلصــت
راحت صوب جوالهـا وأتصلت على وضحى دقايق ألا صوت وضحى يجيهـا بالأضافة لصوت ضجه وأزعاج : ألووو !!
وضحى : هلا وغلا ,,,
نوره بأنزعاج : شهلـ ضجه اللي عنـــدج ؟؟
وضحى بضحكه خفيفه : أأستشور شعــري ,, ومشغلـه المسجل .....
نوره : آآهـاااا ,,,, زيـن سمعي ...
وضحى : آآمرري ؟
نوره : مايامر عليج عدو ,, ترى أحتمال ماأأجييييج
أنقطع صوت الأستشوار فجأه وسمعت وضحى تقول بصدمة : خيييييير !!؟
نوره : قلت أأحتمااال مب أأكيييييد
وضحى : لا عيوني مب بكييفج ,, كاني مصفصفه الأفلام والبوب كورن والعصاير هنـي ,, علشان لا جيتي نشووف مع بعض وأأخر شي تقوليـن مابتجيـن ؟ لعب يهااال هو! ...
نوره تحاول تدارك الوضع:.. أنتي سمعي السبب بالأول بعديـن زفي,, كلتيني بقشوري!!
وضحى : مافي سبب يمنعج من الجيـه ...
نوره : أصلا لا بغييت أأجيج لآزم نوااف يجيبـنـي لج ... و..
وضحى قاطعتهـا : وليش أن شالله الشيخ نواف مايبي يجيبج ؟؟ على راسـه ريشـه ولـه حاط حنــه بريله ؟
نوره ضحكت بالخفيف .. مبين من أسلوب وضحى أنهـا للحيـن حاقده عليـه قالت : لا هذي ولا ذيج .. توهـ راجع من الجامعه وواصله معاهـ وحالته حالــه ,,,, متهاوش بالجامعه والظــاهـر طقوهـ طق سنه بيوم
وضحى أبتسمت بشماته : آآحسسسـن ,, عسااااااهـ .. هذي حووووبتـــي
نوره : هييييه ترى ماأأرضى أخوي هذا ...
وضحى : الله والأخوو عااد .. المهم .. أذا مفاصله معورته ومب قادر يسوق من الطق اللي جالـه ... عادي أطرش لج الدريول
نوره : لو على الدريول عااادي .. جان جيتج مع دريولنــا ... بس خبرج ممنوع أركب معاه بروحي
وضحى : آآووف .. زيـن خلاص أنــا بمرج وباخذج .......
نوره بوناسة : آآووووووكي جذي ماراح يقولون شي ...
وضحى ترجع تشغل الأستشوار : زيـن يلا باي خليني أأكملل شغلي .. وأول ماأخلص بمرج على طول خلج جااهزه
نورة : آوكيـه باي
وضحى : باااي
سكرت منــهـا وكمــلت أستشوار خصل شعرهـا ..
,
,

بيت أم زايد

كانت قاعدة بالصاله بعد ما خلصـت تنظيييــف البيــت وتنـطــر بو زايد يوصـــل , قلبها ناغزهـا من يوم ماقال لهـا أمس أنه ناوي يرووح بيـت فايـــز
وده يلاقي أجوبــه لبعض الأسئلة اللي تحووم بقلبـه مب لاقي لهـا جواااب ..... حاولت فيــه أنه مايروح لكنه مصـــــر ..
حتى زاايد اللي لزم على أبوه مايروووح ماقدر يطيح اللي براســـه كان مصر على كلامه ومحد يقدر يغيرهـ ...
كان زايد راح يطنش للجامعة اليوم ويروح معاهـ من زووود خوفـه على أبوهـ ... لكن بو زايد رفض .. وبشدة لأنـه بهلـ طريقـة بيحسسه أنه صغير ومب قادر يتصرف !!
وبعد ماأستسلم زايد راح الجامعة وباله مشغول بأبوهـ واللي ممكن يصير حط كل الأحتمالات السلبيه قبل الأيجابيــه ......!! وهو ماغير يدعي أنه يرجع يلاقي أبوه بالبيــت ...

أم زايد تطالع ساعة يدهـا اللي تشيــر لـ 11 ونـص ... وبو زايد طالع من الساعه 7 ألا ربع ....
معقولة حلت له القعدة ؟ ولـه يمكن تصالحوا وطاح الحطب !!! ونسوا كل اللي صار رغم أنهـا ماتظن ؟
ولـه يمكن بو نواف سوى شي بسعود !!
قامت وقفت على هالفكرة اللي خطرت ببالها حطت يدهـا على قلبهـا تحاول تخفف سرعة دقاته ...
أتجهـت صوب التلفون وأتصلت على جوال ريلهـا .. نطرت تسمع صوت الرنيــن لكنهـا ماسمعت غير
" أن الشخص المطلوب غير موجود حالياً الرجاء المحاولة لآحقاً "
أنقبض قلبهـا أكثر " شفيـه سكر جوالـه ؟ وليش سكره !!! ... يمكن هو مسكرة من زمــان ؟ آوو... آو ......"
نفضت من بالها الأفكار الشيـنــه اللي كانت راح تطري على بالهـا وتخليهـا ماغير توسوس وتحاتي وتخاف
فكرت للحظة تتصل على فايز تشوف لو ريلها للحيـن عنده ولـه لا ... بس خافت من ردة فعل بو زايد !!! آآكييد راح يعصب ويمكن يزعل عليهـا بعد
وخافت أكثر من سالفة أنهـا تكلم فايز !! أخر مره شافته فيهـا من 5 سنيـن ,, ولولا زايد ! ماكانت عارفة شكان راح يصير لها ذاك اليوم !!!! اللي ماتحب تذكره أساساً

رفعت السماعة ناوية تتصل على زايد تخليه يطمن على أبوه ,, بس شي داخلها خلاها ترجع تحط السماعة بمكانهـا وتتعوذ من أبليس
ماتبي تخبصه على أبوه ... مو كفـاية حالة الأرتباك اللي ترك فيهـا البيت اليوم ! بعد تزيده خوف ؟
بقلبهـا " لا أن شالله مافي شي ,, يمكن مر على حد من ربعه القدام قبل لا يجيني ... أو يمــكـن صادفه أي شي خلاهـ يتأخر ,, أأن شالله بيكون بخييير !! أن شالله "
تثبتت بهلـ الأمل وكأنه طوق نجاه راح ينجيهـا من بحر وساوسهـا ومخاوفهـا ,, وعســاه يوصلهـا للمكـان الآمن ويريح قلبهـا !! ومب العكس

.
.
بالجامعة

كان قاعد بمحاضرته الأخيره يتصنع الأنصــات لكنه بوادي والمحاضره باللي فيهـا بوادي
شكل نواف وهو ينطــق جدامه مب مفارقــه ,, كان ماسك ذقنه بيده ويفــكــر .... ســارح لبعــيــد .. بعييييييد وآآيــــــد
لحد ماقطع عليـه هدوءهـ الغـامض نغزة واحد أحذاه يسأله عن الخبر اللي وصله : صج صارت هوشة اليوم مع نواف الـ " ..... " وسعد الـ "....." وأنــت دخلت فيـهــا !!!
زايــد طالعــه بنظرة ماقدر يستوعــب معناهـا وقال بهدوءهـ المعتاد : صج ..
بحماس : من اللي أنطـــق فيــهم ,,؟ نوااف ولـه سعد !! آآكيييييد نوااااف لأنـه خديييييــه ..؟ صح
زايـد رفع واحد من حواجبـة بأستنكاار : دامك عارف السالفه من أولهـا ليـن أخرهـا ليش تسأل !
يغمز له : بس جذي حب أستطلاع ..... ألا تعـال ... ليش دافعت عنه ؟ لهدرجة شكله وهو ينطق يعور القلب !!!
زايـد يغير الموضوع : أقول .. سكر هالموضوع ..... وأنــتــبــه احسن ! " صد عنه يسوي روحه منتبـه "
يرجع يكمل كلامة ولا كأنه سمع حرف من اللي قاله زايد : تتوقع بيداوم باجر !! ولــه بيغييب من الفشيــله
زايد طالعه وقال بأختصار : داوم وله ماداوم هذا شي مايخصني ... طقاق يطقـه .... !!
عقد ملامحه وقال : دامك مب مهتم له !! شلـه مدافع عنه ؟ ولــه تبي تستعرض عضلاتك بس
زايد بنغــزة حاده : والله تصدق للحيـن ودي أستعرضهم ,, وخوفي أأجربهم بأول واحد يكلمني !!
تسند بكرسيـه وقال : لا يبــه لا تجربهم ولا شي ,, خلك محتفظ فيــهم لليوم الأسود ,,,, " سكـت وهو يطالع الدكتور اللي قاعد يتكلم بأندماج "
زايد طالعه وصد عنــه بعد ماأفتك من أسئلته اللي تغث

بعد 3 دقايق بالضبط خلصـت المحاضرة وأخر من طلع من القاعه كان زايــد اللي شايل كتبـه بيده اليميـن ويــده اليسرى مستقرة بمخبـى بنطلونــه وهو يمشي بثقـه تجاه سيارته
ركـبــها وتوهـ بيحرك ألا يطق عليـه الدريشـة فهد
زايد ألتفت له ونزل الدريشــه
فهد بشبح أبتسامة : بترجع البيـت وأنت شايل بقلبك علي !
زايد : ماني شايل بقلبي على آحــد ,, أنت اللي قلبتهـا هواش ولـه أنــا عاادي ! مازعلت
فهد : زييـن أســف ,, وحقك علي !!!
زايد بلمحة أبتسامة : وآسفك مقبول ...
فهد بتسأل : زيــن مشغول ولـه فاضي ..
زايد : أنــا فاضي ,, بس مضطر أرجع البيــت ... أبوي أمس واصلنـا وأبي أقضي اليوم كلــه معاهـ
فهد بعد ماكنسل العزيمة اللي كان ناوي يعرضها على زايد : آوكي عيل ... الله معاك
زايد وهو يشغل السياره : تامرني على شي ؟
فهد : سلامتك ...
زايد يطالعه : آآووكي عيـــل ... فمان الله
فهد يبتعد خطوهـ للورى عن السياره وهو يقول : فمـان الكريم ....

زايد سكر الدريشـة وحرك تارك وراهـ رفيجــه


بيــت بو نواف

كان صوت الصراخ مشتعل بغرفة نواف من بعد ماأقتحم عليـه الجو أبوهـ أول مادرى بالموضوع وهزئـه تهزيئه محترمة وجنه هو اللي بادي الهوشــة مب جنه هو اللي أنرض
وكل ماجا يتكلم ولـه يدافع عن نفسـه سكته أبوهـ اللي أعصابـه فالته بعد ماشاف ولده مكسر تكسير اليهــد
وبعد سلسلة من الهواش طلع من الغرفة ورضخ الباب وراه معصب ....
وأنســدت نفسـه عن الغـــدى ,,, بينما نـواف طيــح كرررسي التسريحه من القــهـــــررر ...

بغرفة نورة اللي لابسه عبايتها وقاعدة تنطر دريول وضحى يوصل
من سمعت الصراخ برى حست انه طلعتهـا راح أتكنسل ... وقاعده تدعي بقلبهـا أنه لا أبوهـا ولا امهـا يغيرون رايهم بسبب غضبهم على أخوهـا
شوي ألا جوالهـا رنه وسكر ,, ولما شافت المتصل عرفت انه وضحى عند البـاب
ضبطت الشيله على راسهـا بعد ماأخفت كل خصلات شعرهـا تحتهـا وطلعت تمشي بخطوات سريعه من غرفتهـا ونزلت الدري بطريقـة أسرع
لقــت غانم ماسك السلطه بيده وقاعد ياكل بالصاله بما أنه الجو مايساعد أنه يتغـدى والنـاس حولـة متكهربـه ..وأمهـا حاطه ريل على ريل وتهزهـا بتوتر ..
نوره تتجه صوب امهـا : يلا يمــه أنــا رايــحــه ,, تبيـن مني شي !!
أم نواف بستغراب بعد ماشافت بنتهـا لابسه عبايتهـا وبتطلع : على ويــن أن شالله ؟
نوره أتسعت فتحت عينهـا بذهول وقالت : بروح لوضحى ؟ نسسسيتي !!
أم نواف اللي توهـا متذكره : آهـااا ,, زيـن الله معاج .. بس لا تتأخريــن بنفسـه أبووج معــصــــب
نوره : أن شالله.... يلا باي
طلعت من البيــت بعد ماودعت أمها وأخوهـا وأتجهت لباب الحوش وطلعت منه لقــت سيارة وضحى
فتحت البــاب اللي ورى وركبت لقت وضحى قاعدة تقــرى بمجلة وأول ماشافتهـا سكرتهـا وسلمت عليهـا بالخد
نوره بحرة خفيفه : وينج تأخرتي ؟
وضحى : خالي طرش الدريول جنقل زون علشان يودي اليهـال وأول مارجع جيتج
نوره : لا تقوليـــن أهلج عندكم ؟؟
وضحى : ومن متى يفضى بيتنـا يعني ؟؟
نوره : بس أأنــــا ماأتأقلم معاهم ....
وضحى : لا تتأقلميـن أصلا مافي بنات كبرنــا ياصغاار ياكبار ومتزوجات وعندهم درزن عياال ...
نوره : وعيال خوالج جايـن بعد ؟؟
وضحى : قصدج الشباب !
نوره : آآيــه ؟
وضحى : آآكيييد ..بس أحنا شعلينا منهم .. بنقعد فوق بدااري وبنقفل علينا البــاب وهم تحت ! ولـه بالميلس
نوره هزت راسهـا بتفهم
وضحى لسايق : محمود طووول ع المسجـــل " تكلم نوره " سمعي هالأغنيـة تيـــنن ,,

.
.

جدام بيت بو زايد

السـاعه 1ونـص

وقف سيارته جدام باب البيـت .. وبعد مابند المسجل وبند السياره معاهـ نزل منها وهو شايل كتب
جيك على ثيابه لقاهـأ مرتبة وأوكيـه ومافيها شي يدل على أنه متهاوش !!.. لآزم مايبيـن لهم أنــه دش بهوشــة لأنه هالشي راح يربك أمه ويضايقهـا
ويمكن يضايق أبوه ؟ ...
طلع مفتاحه وفتح البــاب ودش سيـــده لباب الصاله وفتحه ..مايمــده يحط ريله داخل البيــت ألا يشوف آمـه جايته فلت من بعيد وتقول : سـعـود ويـنـ...... " سكتت لما شافت ولدهـا "
زايد ببتسامة : ياهلـ سعود .. مسرع ماأخذ مكاني ؟
أم زايد بشبة أبتسامة : هلا يمــه زاايـــد ... شلونك ؟
زايد وهو يسكر باب الصاله وراه : الحمدالله ,,, " يطالعهـا ويقول بأهتمام " أبوي رجع؟
أم زايد زادت حدت التوتر بملامحها : لا ... من مساع وأنـا أتصل له ألاقي تلفونه مغلق ..... مادري ويــنه فيـه وليش تأخر
زايد بجدية وأهتمام أكثر : ومن الصبح للحيـن ماأأتصل علييييج ,,,
أم زايد : لا ,,,!! خاييفــه يكون صار له شي هناااك
زايد عقد ملامحه بحقد : فايز هالحقييير ! .. والله لو يكون صار بأبوي شي لا أأأشرررب من دمــــه ,,,, " حط أغراضه على الطاولة الأقرب له وقال " برووح لـه
أم زايد مسكته من ذراعه : ويـــن ترووح ؟
زايد : برووح بيـــت هالـ فايز .... أسئله عن أبوي ..
أم زايد برجى : لا يمــه لا تروح .. يمكن يدش علينا أبوك بأي لحظة .... ماتدري !!
زايد : يعني نقعد هني حاطيـن يدنــا على خدنـا ماندري وينــه فيــه ؟؟
أم زايد بعذر غبي : يمكن راح لواحد من ربعه القدام ؟؟
زايد : يايمه واللي يعافيج .. أي ربع قدااام ... ومن أساساً راح يهتم له وله يعبرهـ بعد كل هالـفتره اللي مرتـ...!!!!وشلون راح يدل بيوتهم ؟ عبالج الدوحة هي نفسهـا قبل 20 سنه !!!!!!
الدنيا تغيرت يايمــه ,, وأبوي زيــن لو وصل بيــت فايييييز بدون مايضييـع البيت مليون مره !
أم زايد غرقت عيونهـا بدموع : عيل ويــنه فيـــه ,,
زايد : آآكييييد عند فيّييووز ! ويـن بيكون فيـه يعني !!
أم زايد بلمحة رجى غلفت ملامحها : زيـن يمه لا تروح ... أصبر شوي يمكن يجي اللحيــن .... ماأبيك تروح لــه وماترجع لي أنت بعد ,,
زايد تنهد بضيق وقال : آوكي ! على أمررج ... عشانج بس رااح أأصببر ,,,, بس منه ليــن 2 مارجع أنــا طالع أأأدوورره وأول مكان بروح له هو بيييت فايز ....
قطع كلامه الصارم صوت رنة تلفون البيــت
ترك أمــه وراح رد ع التلفون بلهفه يخفيهـا : ألوو ,,,!! آآي نعــم هذا بيــتــه ؟ من معـاااي ...؟" تـغيرت ملامحه من الحده الى الصدمة " شنو ....؟؟؟ زيييــن زييييــن اللحيـن جاين
سكر وألتفت لأمه اللي جاته بسرعة : من ؟؟؟؟
زايد يرجع خصل شعره لورى بقوه : المستشفــى ,, يقولون أبوي عندهم ..........." يغمض عيونه بقهر " مسوي حاادث
ضربت على صدرها بقوه من اللي سمعته : يااااااحسررررررتي علييييييييك ياسعوووووود ....!!
زايد وهو لابس قناع الهدوء ويتصنع أنه مسيطر على اعصابه بينما بينه وبين نفسه أنهــأأر : يمه روحي جيبي عباتج بسرعه ,, لآزم نرووح لـــه ....
آم زايد بدون ماتجاوبـه تركت الصاله وراحت تجيب عبايتهـا وشيلتهـا وأول مالقتهم نزلت على طول لقته واقف منزل راسـه جدام باب الصاله وأول ماشافهـا طلع علشان تلحقهـ
ركبوا السياره وأتجهوا صوب المستشفـى وهـــم في قمــة خوفهـم,,
آم زايد بايـن عليهـا ,,, لــكن زايد محد راح يعرف أنه خايف وأأكثر من خوف أمه عليــه ألا أذا عرفوا شلون يقرون ملامحه الغامضه !!
.
.

توقفت السيــاره البيضـه الكبيره داخل بيــت وضحى الفخــم
ونزلوا منها هي ويا نوره ...
نوره وهي تمشي جنب رفيجتهـا وعينهـا على واحد واقف بالحديقـة وشكله يسقي الزرع : منو هذا ؟؟
وضحى طالعته وأنصدمت صدمة خفيفه وطالعت نوره وهي تحاول تخفي هالشي: راشـد ....ولد خالتي
أبتسمت نورة ببتسامة عريضـه وقالت : حب الطفولة ؟؟
وضحى طالعتهـا وقالت بضروس ضاغطـه عليهـا : بتجيج اللحين الشنطــه على ويهج !
نوره بضحكه خفيف : زييـن أاسفييييــن ,,,,,
وضحى : أمشي بس أمشي .......
دشوا الصاله وكان صوت الضحك والسوالف أول شي سمعته نوره لما دشت البييـت اللي كان فخــم بطريـقــة تييــنن صحيح بيتها حلو وفخم وراقي بس بعد مايجي نص هالنعيم اللي عايشه فيـه رفيجتهـا وضحى
أستغربت من وضحى اللي مسكتهـا من معصمهـا ومشت فيهـا متعديـه الشلة القاعديـن تحت ورااحت معاهـا فوق على طول بدون ماتطلب منهـا تسلم عليهم
وبعد خطوات طويلة شوي وصلوا جناح وضحى دشوا وسكرت وضحى الباب وراهـا وهي تقفله : آآووووووفـ .. زيــن مرينهـ من عندهم بدون مايلمحونـا
نوره : زيييييـن فشلة ماسلمت عليهم ؟؟ شيقولون عني اللحيـن ... ماتعرف الأصول ؟
وضحى تفصخ شيلتها : ووي عادي ,, ذولا من أمس عندنا ,, ولو شافوج ماراح يهدوونــــج ... وبتروح زيارتج لي معااااهـــم ,, ولا بنشوف لا فلم ولا بطيخ
نوره : حتى ولو ,, والله فشلة ... مب حلوة بحقي
وضحى : تراج تكبريـن السالفه ,,, ترى والله عاادي ... أهلي وأعرفهم أأكثر منج ماتهمهم هالأمور البسيطــه ...... سلمتي وله ماسلمتي كله وااحد .. " تغير الموضوع " المهم المهم قعدي هني على ماأجيب الفلم من غرفتي وأرجع ..." بأحراج خفيف " لأنه الغرفة شووي معفوووســه وحالتهـا حالــه
نوره وهي تقعد على الكنبـه : آوكيــه ..

أبتعدت عنهـا متجهه لغرفتها بينما نورة قعدتت تتأمل المكان بتفحص تـام وبأعجاب بالأكسسوارات الحلوهـ المزيـنـه المــكـــان
وسط أندماجهـا حست بشي ناعم عند ريلهـا يحتك فيهـا نزلت نظرهـا لتحت وأنصعقت لما شافت فلافي لازق عند ريلهـا وغارز أظافرهـ بطرف عبايتهـا الطويلـه
ماوعت على نفسهـا ألا وهي صااارخــه صرخه من كل قلبهـا ونااااقزهـ فوق الكرسي المجابلها ... طلعت وضحى على صوت صراخهـا مخترعه : شفييييييييييييج ؟
نوره وهي شوي وتصيييح وتأشر على فلافي اللي جاي صوبها : شيييييييييييييييييلييييييييييييييييييييييييـه ,,, طلعييييييييييييه برررررررررررى
وضحى حطت يدها على قلبهـا ونفخت بأرتياح : صبيتي قلبي يالعنز,,, صج ماعندج سالفــه ,,,
نوره بصراخ ودموعهـا ملت عيونهـا لما قرب صوبهـا : شيلييييييييييييييييييييييييييييه !!
وضحى وهي تروح صوب قطوهـا المدلل وتشيله بحنان : بذمتج حد يخاف من هالحلا كلــه ,,,
نوره بقهر : حلج بطنج ,,, وخررررريــه طلعيــه برى .....
وضحى عقدت ملامحها وقالت : لا مايطلع ,,, بيلعبون فيــه أخواني الصغــار ... جربت مره ومو مستعده اجااازف فيــه ...
نوره بحررره أكبر : عيل بروح بيتنــا ..... ماأقعد بمكان واحد مع هالوصخ ذي
وضحى : وصخ بعينج ,,,,, " تقرب صوبهـا وتمد فلافي لها " لا تحديـن أعلقه بثيااابج ....
نوره صررخت من قمة راسهـا وهي تنزل من الكرسي وتروووح لعند باب غرفـــة وضحى وودهـا تروح لباب الجناح اللي بيطلعهـا برى هالعذاب اللي عايشته : والله والله والله والله ياوضيييح لو تقربينه صوبي لا تلومين ألا نفسسسسج حللللللللللللللللفـــت ....
وضحى بعناد وهي تقرب : جرررربي حطي يدج عليــه ,, والله يونــــس ...
نوره بخوف : وضحــــــــــــــــــــى ,,, ترى مايضحـــــــــــك .... طلعيـه برى
وضحى بنذاله : مو جرحتي مشاعرهـ وقلتي عنه وصخ ... خل يجرحج ...... " أقتربت زياده صوب نوره وهي ماده لهـا فلافي "
نوره صرخت بقوه بأعلى ماعندهـا ودزززززت وضحى وطلعت من الجنــااااح تركض ووقفت بنص الممر .....
وماتسمع ألا صوت ضحــــك وضحى اللي شوي وتموت داااخل
نوره صاحت من القهـر والخوف وقالت : يالخاايــســه يالعفـــنــــه ياللي ماتستحيييـن ,,,,, أأأأنـــاا الغلطانه اللي هديت بيتنـا وجيتج ..والله غلطانــه
وضحى طلعت لها وهي مقربه فلافي لصدرها بحب : تراج خووافـــه
نوره بصرخه : وأأأنـــــتي جلببببببببببببببببـه ....
وضحى : جلب يعضج أن شالله ......
نوره تطلع جوالهـا من شنطة يدها وهي تمسح دموعها وتتصل على جوال نواف : اأنـــا بروووووح مابي أقعد عندج ولا أشوف افلامج المعفنه مثلج
رن شوي وجالها صوت نواف : ها !
نوره وهي غرقانه بدموعهـا : نواف تعال خذني من بيت وضحى ,,,
نواف يرفع واحد من حواجبه بتسأل : ليش ؟ شفيييج !
نوره بقهر : أنت تعال وببببـــــس .... أأبي أرجع البييييت
نواف : زييين بطرش لج الدريول مع غنووم مالي خلق أأطلع ..
نوره : زيـن ...
نواف سكر بدون مايسمع باقي كلامهـا
نوره حطت جوالهـا دااخل شنطتهـا ورفعت عينهـا مالقت وضحى .... بقهر : الخايســه طقعت لي ماهمهـا رحت وله قعدت أوررريــهـــا ,,,
ألتفت وراهـا ناويـه تنزل بس صوت وضحى اللي نادتهـا : تعاااالي خلاص حطييييتـــه دااخل بالغرفه وسكرت البـــاب ,,,
نوره تتخصر بعد مالفت عليها : وشلي يخليني أصدقج ...
وضحى بدلع : أأنــي عمري عمري عمري ماجذبت عليج
نوره : بس أنـا برووح خلاص قلت لهم يطرشون السايق
وضحى : مب بكييفج ..... مابتروحيــن يلا عاااد بلا دلــــع والله سكرت عليه باب الغرفـــه مايقدر يطلع ...
نوره بعد تردد أقتربت صوب وضحى بس لما سمعت حس رجالي يصعد الدري ركضت داااخل الغرفــة وسكرت وضحى الباب بسرعه وقفلته : شكلــه رشووووود جاا فوووق
نوره : وأنتوا عادي جذي عيال خالتج مادري خالج يتمشون بالبيت جنه بيت أبوهم ....
وضحى : أيــه عااااااادي ,,,,, هذاج قلتيها عيال خوالي مب غرررربـ ... وبعديـن أنا متربيـه معاهم كلهم
نوره وعينهـا تتفحص أرض الغرفة تدور هالكائن المقرف اللي شافته من شوي : آآ..... آهـا ....!
وضحى : لا تخافيــن مب طااالـــع .... يعني بالعقل قطوو وصغيييير شلون بيفتح البــاب ؟؟ بلا عبط
نوره تطالعها بحقد : زيييــن حراام أتأكــد ....
وضحى هزت راسهـا يميـن ويسار وأتجهت صوب الكنبه وخذت الفلم اللي حطته هني لما سكرت الباب على فلافي : أأمشي خل نــشـــوف ,,,
نوره وهي حاظنـه نفسهـا تحس بقشعريره لمجرد أنه في قطو بهلـ غرفه : شنـوو الفلم ؟
وضحى : فلــم عرربي بيعجبج ,,,
نوره تتخصر : أأبي أشوف هندي مب عررربي ,,
وضحى بنذاله : أوكي " بتسأل " أأدشش أطلع لج فلم هندي ؟
نوره بسرعه : لا لا لا ,,, خلج ... " تتنهد بأستسلام " نشوفـه وأأمررري للــه .. بس أهم شي ماتفتحيـن الباب .. " بعد تفكير قصير " خليني أتصل أقول لهم لا يطرشون السايق
.
.

بالمستشفـى

كانوا قاعديـن ينتظــرون يوصلهم الخبر ياأما اللي بيريحهم أو اللي يحطمهم ... صار لهم ساعه من دخلوا بو زايد غرفة العمليات وللحيـن محد طلع وطمنهم !!
كانت قاعده وقلبهـأ بيدهـا خايفـه خوف مب طبيعي عليــه ....بينما ولدهـا متسند على الطوفه المجابلتهـا وراسه شوي لفوق وهو يزفر بتوتر يحاول يخففــه
لحد ماطلع لهم الدكتــور وأول من طلع بويهـا أم زايد : ها دكــتـور شلــونه ؟...
الدكتور وهو ينزل راسـه لتحت بملامح أأبداً ماتحمل الخير : أحنــا حاولــنــا ..... بــس ......
تقدم صوبه زايد وسأل بملامح معقوده : بس شنوو ؟ شفيييـه أبوي ...!!
الدكتور يحط يده على كتفـه ويقول مواسيـه : البــقـــاء للـه .... محد داايم على هالدنيـــا
أم زايد أنصعقــت قالت بصوت مخنوق وهي تحاول تنكر هالشي بينهـا وبيـن نفسهـا : يعني شنو ؟؟
الدكتور تنهد بضيق وقال : عـطــاكم عمـــرهـ ,,,,,
أول ماخلص جملته أطلقت ام زاايد صرخه من أعماق قلبهــا وهي تقول " لآأأأأأأأأأأأأأ " وبدون لا تشعر بنفسهـا فقدت الوعــــي تماماً بسبب هول الصدمــة
.
.
بيت بو نواف

بغــرفـة نواف اللي كان واقف جدام المنظره يتأمل الجرح اللي مستقر بأعلى يبهـتــه ومبيـن وااضــح يقول للأعمى شووفني !!
حط طرف صبعه عليــه ألـمــه وعورهـ .... لأنــه مب جرح هيــن ولا خدش خفيف ,,, حزت الهوشه كان ينزف بس بعدهـا خثر شوي ....
فتح درج التسريحه يدور شي يداوي بـه جرحهـ الخارجي رغم أنه مافي شي راح يداوي جرح كرامتــه ,,,,
وهو بوسط أنـدماجهـ سمع رنة جواله تـحشر الغرفــه طنــش للجوال ولا فكر يروح يرد .... لما مالقــى بالدرج لا لزقـه ولا أي شي يحطه ع الجرح
طلع من غرفته وهو يحس كل مفاصله تعورهـ .... ونزل من الدري بخطوات شبـه بطيئه لحد ما صار بالصاله وراح صوب الممر القصير اللي بيـن المطبخ والصاله
متجه لصندوق صغير معلق بالطوفـه وهو حق الأسعافات الأوليـه ,,, بما أنه امــه تهتم بهلـ الأشيـاء وايــد ... جا بيفتحه بس لقــاهـ مقفول
زفر بقوهـ لما تذكر أنه امــه تقفله علشان لا يوصلون له غانم ولا ريم خايفـه عليهم لا ياكلون شي من الدوى .......
ترك الصندق وجــا بيروح فوق ألا صوت أمه اللي قاعده بالصاله جاله : سو نفــســـك ماتشوفـنــــي ,,,!!
نواف صد للأتجاه المعاكس لأمه وقال بصوت هادي : بروح داري !!
أم نواف وهي مازالت على وضعهـا : ع الأقل ياولدي العود .. لا كلمتك تطالعني مو قاعده أكلم مقفاك أنــا ؟
نواف ينزل نظره تحت لثواني ويطالعهـا : يعنـي من حلات منظري علشان تشوفينــي ...!! مشلخ وحالتي تصعب ع العدو ...؟
أم نواف أنقبض قلبهـا لما صار الجرح واضح أكثر من مساع فقالت وهي تحاول ماتبيـن له خوفهـا عليه : وأن شالله بتم جذي !!!!
نواف : الصندق مقفول ...
أم نواف : تعال قولي يمه أبي المفتاح .... وله محاربني !!!!
نواف سكت ومـارد عليــهـا وأشاح بنظره لبعيـــد .. حس بأمه قامت وراحت صوب الكبـت اللي محطوط فيـه التلفزيـون وسحبت واحد من دروجــه وطلعت مفتاح صغير وجات صوبـه وهي طايفـته متجهه لصندوق
فتحته وطلعت لزقــه حجــم كبيـــر مع قطــن .. ومطهـر للجــرح .. وقالت وهي تسكر الصندوق : شقالك أبوك ؟
نواف : يعني شبيقول !! أنتي أأدرى فيييــه ..... التفاهم شرق وهو غرربـ ,,
أم نواف وهي ترجع الصاله وتطلب منه يجي وراهـا : أأمـــــش ....
راحت قعدت على الكرسي وجا نواف قعد جدامهـا على ركبته
أم نواف : بالله شلون بطهر الجرح ؟ من قصرك !! " توخر المخده اللي أحذاهـا " تعال أنسدح هني وحط راسك هنــي " تأشر على فخذهـا اليميـن "....
نواف ماحب ينفذ كلامهـا فقال : عطيني أنــا أعرف أأطـهـرهـ بروحي ....
أم نواف بأصرار : تعــال أنسدح ......
نواف يطلع عذر : ماأبي أنســدح ,, وأساساً المكان مايكفي !!!
أم نواف زحمـت ليـن صارت قاعده بأول الكرسي ومخليـه مساحه طويلــه : كاني زحمــت ,,,
نواف نفخ بأستسلام ونفذ كلامهـا حط راسه على فخذ أمــه وما يمديـه يحط راســه ألا أمــه تطبع بوسـه على راسـه بعيد عن الجرح لأنه راح يعوره ...
وأبــتـــدت تسكــب شوي من المطهـر بالقـطــن وتمرره برفق ع الجـــرح ونواف ماغير يتألم وودهـ يصرخ بس رجولته ماتسمح لــه
ولمـا خلصــت حــطــت اللزقـه على الـجــرح تنهـي معاناة ولدهـا وقالت وهي تطبطب على كتفه : يلا قــووم ..
قام تعدل بقعدته ونزل راسه لتحت ....
أقتحمت عليهم الصاله ريم اللي شكلهـا قامت مفزوعه من رقادهـا وهي حاظنه بيدها اليسار دبدوبها الوردي اللي جاي مناسب بجامتها الورديـه الطفوليه وأتجهت صوب أمها تصيح بنعومه
أم نواف وهي تحظنهـا : ريومه ؟ شفييييج يــمــه !!!
ريم وهي دافنه ويها ببرائه بصدر أمها : حلمت حلم يخووف ,, خاايــفـــه ..
أم نواف وهي توقف شايله معاهـا بنتهـا : خلاص ماما .. خلاص حبيبتــي .....
ريم وهي تفرك عيونهـا بدلع : بنام عندج ....
أم نواف : ويــن تنـاميـن عندي ,,,, أنـــااا بقعد معاااج ليــن تناميـن ...
ريم بخوف : في بعبع بغرفتي .." بعبع = شبح , جني "
أم نواف : مافي ألا كل خيييييرررر .....
ريم بصوت خاثر : بلآ..
أم نواف وهي متجهه صوب الدري توجه الكلام لولدها : بروح أنوم أختك وجايتــك ,,,
نواف : آوكي ,,

.
.

" الله أكبــر الله أأكبــــر "

صوت الأذان تسلل لأذنـه بعد ماكان قاعد ومنزل راسـه بالأرض يحاول يكــتــم الهــم والحزن اللي بقلبــه
رفع راســه شوي وعانقـت عيـنـه السرير الأبيض المستلقيـه عليـه أمه ورايحه بغيبـوبــه سكر ....
تنـهـد بحزن وقام وقف أزاح الستـاره وهو متجه للحمام علشان يتوضى ويصلي العشـا ...
أول ماخلص وأبعد قطرات الماي البــارده عن ويهـا بالفايـن طـلـع ورجع عند أمــه ,,,,
أستقبل القبـلــه ,,, وكــبـــر وأبـتـــدى صلاتــــه بخشوع كعادتـــه .... لما يجي يصلي يحاول يتناسى كل همومه و كل أحزانــه رغم أنه هالمرهـ مب قادر يشيل من بالــه موت أبوهـ المفاجأ
4 ركـعـات مرت بسرعه عليــه يمكن لأنه كان ودهـ يطول بالصلاهـ لأنه حس بالراحه تتسلل لقلبــــه .....
صلى السنــه وبعدهـا أبتــدى يدعــي من كل قلبـــه أنــه ربي يخفف عليــه حزنــه ويفرج همــه ويصبر أمــه ويرحــم أبوهـ ,,,,,
ولما خلص رجع قعد ع الكرسي المجابل أمه وهو منزل راسـه بالأرض والدموع ودهـا تنزل لكن شي حابسـهم مايدري شنهـو
ماذرف ولا دمعه لما درى أنه أبوهـ توفــى ,,, مارد ... ماصارخ .. ولا حاول ينفي الأمر ...... مايدري ليش !!!!
متأكد أنه مب تبلد بمشاعره ,, ولا لأنه مب مهتم لأمر أبوهـ ..... بس يمكن من الصدمه ماقدر يصيح ..؟؟
أو يمكن لأنه كان واثق أنه اللي صار أمس كان مــجـــرد حلــــم حلو دااعب أفكارهـ وفارقــه أول مافتح عيــنـه ع الحقيقـه المـــرهـ!!
قطــع عليــه أفكــارهـ صوت الضحك المنبعث من السرير اللي أحذاهـ ,,, كان صوتهم مزعـــج بطريقــه أستفزته ...
يعني ع الأقل يحترمون المريضه اللي أحذاهم ومايفصل بينهم ألا ستاره بقماش خفيف .... حاول يتجاهلهم عل وعسى يسكـتــون لكــن صوت الضحك زااد وبـميوعـه أكثر !!..
فـار الدم بعروقــه قام وقف وطلــع من عند أمه ووقف مجابل الستاره اللي يطلع من وراهـا هالأزعاج تنحنح بصوت عالي مبين أنه معصب وقال : لو سمحــتــوا صووتــــكم شوووي !!
أنكتم الصوت مرهـ وحده
رجع قعــد عند أمـه وسمع صوتهم يتهامسون بالسوالف ,,, أأرتاح من هالناحيـه ع الأقل مايزعجون امـه ولا يزعجــونـه ,,
مــر الوقت بطيئ وثقيل عليـه لحد ماغلبـه الـنـعــاس ونـام ع الكرسي بطريقـه مب مريحـه

.
.
فتـح عيـنه على صوت خفيف يناديـه وأول مارفع راسـه شاف أمه لافه ويها صوبه وتطالعه بعيـن غرقانه دموع
قام وراح لها على طول مسك يدها وباسها من قلبه وهو يقول : الحمدالله على سلامتج يمه .......
أم زايد بصوت مخنوق ودموع تنهمر من عينها وتستقر على مخدتها : شفت ... شفت يازايد .... أبوك تركنا من يديد .......... تركنا من يديد يازايد ..
زايد أنقبض قلبه من هالكلام وحس بألم كبيييير .. قال وهو يحاول يقويها : قدر الله وما شاء فـعـل .. ماعندنا أعتراض على قسمته
أم زايد تطالع السقف وتقول بحسره : لييش ياسعــود ,,,, هــذا اللي مابيتركني من يديد .... هذا اللي بيعوضني عن كل اللي راااااااح ,, قلت لـه لا يروووح لفايز لكنه ماطاعنـــــي ... كنت حاسـه أنه راح يصير له شي داامــه وصل عتبـة بيت هالظالم ..

زايد تردد بباله أسم فايز ,,,
يالله ياهلـ فايز ,,, كل يوم يكرهـه أكثر ,, وهلـ مرهـ ماكرهه وبس ألا ودهـ يذبــحــه ويشرب من دمــــه بعد
في شي بقلبـه يقول أنه فايز ورى موتت أبوهـ ..... آآكيييد ليش لا !! عادي يسويهـــا ... ذبح ألآآف قبله بمخدرات ماراح يتوقف عند سعود !!
زايد وهو مازال ماسك يد امه : أأووعــدج يــمــه .... كل دمعــة تنزل منج بدفع فايز ثمنهـا غــــالــي .. والله غــااالـــي
أم زايد تتثبت بيدهـ : لا يــمــه زاايد ,, لا .... ماأبي منه شي الله فووقـــه .. لا تروووح لـــه وأأخســــررك أنــت بعد .... أنت اللي بقيت لي اللحيـن من ريحـت أبووكـ ,,
زايد بثقه وملامح كلها ألم وحزن وحقد : لا تخافيـن يمـــه .... ماراح أأروووح لـــه .... هو رااح يجيني من نفســـه .. ويزحف بعد
.
.

بـعــد مرور 3 أيــام ع الـعـزى اللي صـار في بيــت آهل أم زايد
كانت قاعدهـ بـصـالـة بيـت أبوهـا متكتفـه وسرحانه بالفراغ اللي جدامــها تتقاذقهـا الذكريـات المرهـ والأفكار السودويــه
أقتـرب منهـا صوت نقر بالأرض بـنغمة مميـزهـ .. وكانت هذي عصـاة أبوهـا اللي مايقدر يخطي خطوهـ بدونهـا ...
جا وقــعــد أحذاهـا .. وقال بصوت واطي : آستغفر الله العـظييــم .... " ألتفت على بنته " أخـوج سـالم بيجي بعد شوي
أم زايد بلا أهتمام : خل يجي !! البيت بيــتتـه وأنـا مجرد ضيفـه فيـه ...
بو سالم بغضب خفيف : شهلـ كلام يابنتي .. أنتي أن شالله بتقعديـن عنـدي هني على طول ... مالج حاجه ترجعيـن بيتج القبلي
أم زايد تطالع أبوهـا بملامح مافيهـا آي تعبير : هذاك قلتهـا " بيتج " يعني أنــا هني مالي مكــان ....
بو سالم : بلا لج مكــان ,,, هالبيييت أنولدتي وكبرتي فيــه وتزوجتي بعد ... ولج ذكريات حلوه على كل طوفـه ,, أما ذاك البيت شفيـه غير الهم والغم ..... وتقعديـن طول اليوم بروحج مهمومه وأفكار تاخذج وأفكار توديج
أم زايد بعد مارخت نظرهـا : ذاك البيت فيـه زايد ,,,, " بألم " وطييف سـعـود .. " غمضت عينهـا بحزن " الله يرحمــه
بو سالم : ولدج ريال ,,, ماعليـه خوف ... خل يجي وياخذ لـه أي غرفـه موجودهـ هنـي ....
أم زايد بثقه : ماراح يجي !
بو سالم : عيل خل ينثبر هناك ... وأذا تبيـن تشوفينه يجي يزورج .... آما أنج ترجعيـن هناك هالشي شيليـه من بالج
أم زايد طالعت أبوهـا وقالت بملامح شبه معقوده : يبــه تدري كم عمري !!؟ يــبــه ماني بنت الـ 16 ولـه 17 سنه علشان تمشيني على أوامرك وكيفك ....يبــه عمري 39 ســـــنـــه ... مابقالي شي ع الـ 40 ! وأأعرف عدل شنو أبي وشنو ماأبي .....
بو سالم : لو يصك عمرج الـ مليون بتضليـن بعيني مهـا الصغيييرهـ اللي كل ماأحتاجت شي ولـه ضايقهـا شي جاتني على طوووولـ ...
أم زايد بحزن : وهذا أأكبر سبب للي أنا فيــه .. خليتني ضعيفـه يايبــه ماأأقدر أدفع عن نفسي ولا أساعد نفسي بنفسي .... على طول محتاجه آي أنسان يسندني ويساعدنـــي ......
بو سالم : يعني بتحمليني اللحيـن ذنب ضعفج ؟؟..
أم زايد تتنهد : يبـه ماله داعي نسترجع أشيـاء ماراح تفيدنــا بشي .... راح أقعد ليـن بالليل وأذا محد جا راح أرجع بيتي
صوت الجرس قطــع الكلام اللي كان ناوي يقولـه أبوهـا
بو سالم بصوت عالي : ياااااا سلينــا ,,,, سليييييييييينوووهـ وصمخ !!
جات الخدامه بسرعه على صوت صراخ هالشايب اللي مطلع لها قرون : يـــس ...
بو سالم : ذلفي شوفي من عند الباب ,, وأذا بابا سالم دخليه الصاله على طوول مو تودينه الميلس لا أوديج الهند عند اهلج .....
سلينا تهز راسها بالأيجاب وتطلع تتحلطم عليه بقلبهـا ....
فتحت البــاب الا بوحده طالعه بويها ودشت على طول بدون لا تنطق بحرف ودش بعدهـا واحد تعطونهـ 25 سنه !! رغم أنه بالحقيقـه 41
سكرت سلينا الباب ورجعت دشت داخل وراهم وسيده ع المطبخ قبل لا تطيح بلسان بو سالم وماتسلم منه
سالم : السلام عليييكم ....
بو سالم بدون نفس : وعليكم السلام
أمنـه وهي تسلم على يدها : شلونك يدي ...
بو سالم بغضب : مب بخيييير .....
سالم بعد ماسلم على أبوهـ وعلى اخته : أفاا ! شدعووه .....
بو سالم : أختك طلعت لي قروووون برااسي .... ألا ترجع بيتهـا .. مادري بيتي شفيه مب عاجبهـا ؟؟
سالم يحاول يدافع عن أخته بأسلوب حلو : يايبـه هناك ولدهـا ,,
ماخلاهـ يكمل كلامه ونقز بويهـا : وولدهـا ليش مايجي يقعد هنيييي مع أمه ,,,,,
سالم : جامعته هناااااكـ .. تبـه يضيع عليه أخر سنه وينقل هني
بو سالم : هذا مب عذررر ,,,, أنـا بنتي أبيهـا تتمت تحت عيوني .. ماأأتطمن عليهـا هناك وهي بهلـ حالـه
أم زايد : طول عمري كنت بهلـ حاله .. اللهم زدت اللحيـن شوي ,,, وماكنتوا حولي اربع وعشريـن ساعه .... شالفرق اللحيـن ؟ وله ليش أنه سعود راح خلاص تبي ترجع تفرض سلطتك علي ؟
بو سالم : هذا مب حجي ينقال يامهـا
أم زايد : ولا اللي أنت قاعد تقول يايبـه حجي ينقال !! ... حرااام عليييييك عاد ... خلني بحالللي يايبـه ... أأبي أعيييش هناك بذاك البيت أنا وولدي تحت سقف واحد .... تبيـني أزورك كاني كل يوميـن أو ثلاث جيييتك .... بس أني أقعد هني على طوووول أسمح لي يبــه ..... ع الاٌقل هناك في لمحة من سعود على كل زواايــه .. هني مالي شي ....." غلبتهـا الدموع وقامت من عندهم وهي رايحه فوق "
أمنـه بحزن لعمتها : حراام عليكم ... صيحتوهـا ..... اللي فيهـا كافيهـا
بو سالم وهو يمد العصا بوي أمنـه : أنتي جب ولا كلمه ,, لا تحجوا الكبار البزران ينكتمووون ولا ينسمع لهم حسس " يهز العصا بويهـا " سامعتني !!
أمنـه اللي اخترعت منه قالت بعد ماطالعت أبوهـا : أن شـا لله ...
سالم تنهد وقال : زيــن زاايد وينه ؟؟ ماأأشوفــه !
بو سالم : ملتعن بجامعته ,,,,
سالم هز راسـه بتفهم : آآهـــااا .... وشلونه ؟
بو سالم : شدراني عنه ,, هذا ماأحب أتكلم معاااهـ يستفزز ... طالع على أبوهـ لا ابـو ...
سالم قاطعه بسرعه : الله يرررررررررررحمـــــــــــــه
بو سالم : ويرحمنـا معااااااااااااااهـ ....
.
.

بالجامعـة


كان قاعد بالكافتيريا يرتشف كوب قهوته المعتاده وهو ينطر يشوف زايد علشان يروح يشكرهـ على موقفه معاهـ ذاك اليوم
صار له يوميـن يداوم ولا يلقــاهـ مايدري شفيييــه .... بينما ربعــه قطع علاقته فيهم لأنهم حراااااااااااام ينقال لهم ربع
مرافجينه مصلحه بس مب علشان رووحــــه .... صج لا قالوا ماينعرف الصديق الصجي ألا وقت الشدايد
أنتبـه على زايــد دااش الكافتيريا وماخذ له طاولـه لثلاث أشخاص حط كتبــه على الطاولـة وفصخ نظارته الشمسيـه اللي كانت تخفي الهم بويهـا ...
جا بيقوم بيروح لــه لكن في واحد قعد معاهـ ع نفس الطاولـه ..... فرجع قعد بمكانه ينتظر ذاك اللي قعد يروح علشان يروح لزايد

بينما عند زايد

فهد : شـنـاوي تسوي اللحيــن ..؟
زايد : ولا شي ..!
فهد : شنو ولا شي ,, بتنقل يعني ولـه شسالفتك ؟
زايد : سالفـة أني أنقل ومادري شنو هذي مستحييلـــه ... راح أتم هنــي ...
فهد تطمن من هالناحيه
زايد : فهوود ماعليك أمر ,, ممكن تروح تجيب لي نسكافيــه ! أحس راسي مصدع من قلب
فهد : من هالحاله اللي مدخل روحك فيهـا الله يهداك ... لآزم تصدع ...... " يزفر بقوهـ " بس ولا يهمك بروح أأجيييك لك أكبر كوب نسكافيـه عندهم لعيونك بس
زايد أبتسم لـه أبتسامه باهته مبين أنهـ مغصوب عليها : الله يخليك
فهد ترك له الطاولـه وراح يطلب نسكافيه له ولرفيجه
بينما زايد أرخى راسـه بعد مامسكه بيده .. كان يعورهـ واايـــد ... وهذا أكيد من قلة النوم والدموع اللي ماتفارقه لا اختلى بنفســـه
حس بحد جاا توقع يكون فهد .. رغم أنه ماكمل ثانيـه من ترك الطاولــة !!! ...رفع راسـه شاف نواف عقد ملامحه بكرهـ ,,
نواف أبتسم له وقال : الــســلام عليــكم
مارد عليــه وأزاح يدهـ من على راسـه وخلاهـا تستقر على الطاولـة
نواف أرتبك من تصرف زايد فقال : أنـــا .....
قاطعه زايد : نــوااف ... أعــرفك !!
نواف تنهد بأرتياح : عبالي ماعرفتنــي .. صراحه من يوميـن وأنـا ماغير أدورك بالجامعه علشان أشكــرك .... لكني ماأحصلك ولما أسـأل عنك يقولون لي ماحضر .. عسى ماشر
زايد بنظره ثاقبـه حاده موجهه سيده لعيون نواف بالضبط قال: ظروف ...
نواف حس روحه متطفل فقال : آآمم ... ع العموم مشكــور على ذاك اليــووم ... لو ماتدخلت كااان مادري شراح يصير فيني
زايـد بنفس النظره : العفــو ...
نواف بتسأل : بس أبي أعرف ... ماأخبر أني بيوم تكلمت معاك أو حتى سلمت عليك .... ليش دافعت عني بدل ماتوقف مع صف المتفرجيــن وتشجع
زايد : لأني مو نفسهم !!!!
نواف أرتاح لـه رغم أنه نظرة زايد الغامضه لـه مربكته شوي : من طييب أصــلـك .... مو عارف شلون أشكرك على وقفتك معاي .." يضحك بالخفيف علامة على الأارتباك " حتى مب قادر أقول كلام عدل مثل الأوادم
زايد طول كلام نواف كان يطالعه من فوق لتحت يتفقد العز المرسوم على ويهـا رسم قال : شفيييك واقف .. أقــعــد حيــاكـ !!
نواف : لا أخااف أثقل عليكم ....
زايد بتجاهل : فهد اللحيـن بيجي ..... تفضل أقعــد ..
نواف : لا مشكور يــا ......." سكت لأنه مايعرف أسمه "
زايد : زايــــد... " تعمد يقول " زايــد سعــود الـ ....
نواف تغيرت ملامحه وقالت : أنــت ولــد ..!! "أنكتم لما أنتبه للي ناوي يقوله "
زايد بلا أهتمام أو مبالاهـ : آآيــه أنا ولد تاجر المخدرات ....
نواف يحاول يرقع الموضوع : ترى مو قصدي شي ,,, بس كنت أسأل
زايد : وأنـا ماقلت أنك قاصد شي ... وايد اللي بالجامعه يعرفون هالشي وماأظنه سرررر !!
نواف : بس مبين عليك ولد ناس وشررريــف ومنت مثلـه ..
زايد بغــى يصفقــه بهلـ كم كتــاااب اللي جداامــه يبلعه ضروسـه من القهـر لكنه كمل كلامه بنفس الرواااق متجاهل الأعصار اللي داخلـه : مب شرط كل ولد يطلع على أبووهـ ,,, ألا أذا أنــت نفس أبوووك .. " كان يقصد شي بيـنـه وبيـن نفسـه لكن نواف مافهمها "
نواف ضحك بالخفيف وتوهـ بينطق ألا فهد يقتحم عليهم الجو وبيدهـ كوبيـن نسكافية .. طالع نواف وقال : السلام عليكم ...
نواف : وعليكم السلام ...
فهد يتفحص ويهـا وبعدهـا يقول : أأنـــت اللي أنطقيـت أول أمس !!
نواف عقد ملامحه من أسلوب فهد !! رغم أنه كان بايـــن طيب نيـته..
زايد رد قبل لا ينطق نواف : آآيــــه ! هذا نوااف ..
فهد ببتسامه عريضـه بعد ماحط الكوبيـن ع الطاولـه واحد جدام رفيجه والثاني جدامه : هلا هلا نواف ... تفضل أقعد ..
نواف : لا كثر الله خيركم ... توهـ زايد أصر علي بس ماحبيـت أثقل عليكم ..!
فهد بعد ماقعد وأرتشف رشفه من كوبـه : عندك محاضره اللحيـن ؟؟؟
نواف : لا !
فهد : عييييل أقــعـــد ,, ومنت مثقل ولا شي ....
نواف بعد ماشاف أصرارهم قعد مجابل زايد
زايد بعد لحظة تمعن بوي نواف اللي مجابلـه قال : تحب تشرب شي ؟
نواف : لا مشكور ,, توني شارب قهوهـ ...
فهد نط بالموضوع : ألا أقول نواف ,, أذا مافيهـا فضوول يعني.... شسالفتك مع سعد ؟ وليش تهاوشت معاهـ !!!
نواف طالع فهد وقال بلمحة غرور خفيفه وهو مبتسم : والله حبيبي سـعــد هذا حثاله .... وكم كلمة قلتهـا له تذكره بمستواهـ خلته يعصب !!! وجمع شلته اللي من شاكلته وجا يرد أعتبارهـ يبلفيت
فهد بينه وبين نفســه " أأشــهـــد أنــه رد أعتبــارهـ ,, وبقوهـ بعد !! "
زايد بهدوء أعصاب : وليش معتبره حثاله على قولتك ؟
نواف كان متضايق من هالموضوع بس مجامله لهم كان يرد : أنــت لو تطالعه عدل من شعرة راسـه ليـن صبع ريولـه بتعرف أنه الحثاله أرقـى منه ,,,
زايد بعد ماأرتشف من كوبـه قال بعد ماوجه نظره لنواف مباشره : عيال الفقــر حثاله عندك !!؟
نواف : أنـا ماقلت جذي !!!!! ... وايد عيال فقر على قولتك عرفتهم أحســن منه بألف مرهـ وأرقـى بعد
زايد بنبرة سخريه خفيفه : مثل ربعك !! اللي خونوا فييك لما أحتجتهم ؟ ذولا بعد كانوا راقيــن وأحسـن منه .....رغم أنهم عيال فقر ؟؟
نواف أستغرب من أسلوب زايد وتضايق بعد !! مايدري شكان قصدهـ ... قال بتسأل : جـنــك تطنــز !
زايد بستهزاء : لا حشــى ... أنـا أتطنز عليك !! ليش من اكوون ؟ علشان أتطنز على نواف فايز الـ "...."
فهد أستغرب من أسلوب زايد قال بغرابه : زاايييد شفيييك قلبت ع الرياال !!!!
زايــد قام وقف وقال بعد ماشال كتبـه : عن أذنكم ... وراي محاضرررهـ مهمه ...... آشوفكم وقت ثاني

ترك لهم الطاولـة وأبتعد عنهم متجه لمحاضرته اللي باقي عليهـا نص ساعه علشان تبدأ وكلمات نواف تـتـردد ببـالـه
" الظــاهـر يا نـواف أنــك مثل أبوكـ بكل شي .... حتى نظرتك الدونيه للي أقل منك !!!! لو مو اللي في بالي ....جان مافكرت أدافع عنك يومهـا... وأشفـيت غليلي فيك بعد مايطحــنك ســعــد و أشوفك مرقد بالعنايـة المركزهـ وأبوك الحقيير يصيييح دمـــــــ عليييـــــك ...."

بينما ع الطاولة نواف قاعد شبه مصدوم ومستغرب من زايد !!
فهد يرقع : ماعليك نواف ,,, زاييييد مزااجــه مب أوكيـه هالأيــااام.... والكلام اللي قالـه مليون بالميـه مايقصدهـ ..
نواف : حصل خير !! وبـعـديـن هو ماقال شي ... بس أسلوبببــه ... مــاادري .. حسييتـه يطنز أو يستهزء شي جذي
فهد مازال مواصل عملية الترقيع : ياريال ماعلييك ... أنـا أول ماتعرفت عليـه كان أسلوبـه أزفت من جذي معاااي ,, وساعه تشوفـه مروق ... وساعه جوهـ متكهرب وأسلوبـه زفـت .... وبعد ساعه تعال له ماتلاقي أخف من دمــــه ,,,,,
نواف ببتسامه : يعني الأخ مزاااجي !
فهد : وبقـوووووووووووهـ ..... وأذا حاط ببالك تضرب معاهـ صحبــه .. يبيلك تدرس اطباعهـ وتاخذ لك كتلوج طريقـة التعامل معاهـ
نواف بضحكه خفيفه : شدعوووهـ جهــاز هو الله يهدااك !
فهد : يقولون .....


بيت بو نواف
8:00 الصـبـح

كانـت ملتفـه باللحــاف من شــدة البــرد بالغرفــه وغايصــه بنوم عمييييييق ومافي أريــح منه من بعد يوم طويل شاق ببيت وضحـى أمس .. وزفـه طويلـه خذتهـا من أبوهـا أول ماوصلت بسبب تأخرهـا .. وماأرقدت ألا بعد صلاة الفييــــر ....
دشت عليهـا امها الغرفه وهي تقول بصوت عالي : نويييير !! نوووري ! يلا يايمــه قوومي ... ورانـا تنظييييف
نوره عقدت ملامحهـا بضيق وقالت بصوت خاثر يختفي تدريجياً : يمه أبي أنــاام ... وقت ثاااااني !!
أم نواف : شنو وقت ثاانــي ... !! أبي أأنظــف سرميك الصالـه ونغسل الحوش .... مغبببر !!!
نوره بتملل ومازالت مغمضه : ليش ماتجيبيـن خدامه وترحميني !!
أم نواف تتخصر : وأنتي شنهي شغلتج ؟ أكل ومرعى وقلـة صنعه ؟؟.. باجر لا تزوجتي الريل مايبي مرته كله قاعدهـ وحاطهـ ريل على ريل والشغل ع الخدامه .....!! .. ماينلام لا خذاهـا علييييج
نوره ردت بسرعه ومازالت على وضعهـا : يخسي !!!,, لا هو ولا عشرة من أشكالــه ... قصوورهـ ياخذ خدامه علي ... خذتــه العاااافيــه ولا ردته أن شالله
أم نواف : المهم ,, دقايق وأجوفج بالصاله ....
نوره بقهر خفيف شوي وتصيح بعد مافتحت عينها : ييمــه حرام عليج ,, أنــا مأجزهـ علشان أستانس مب علشان أكرف كرف الحمييررر
أم نواف راحت صوب المكيف وطفته وهي تقول : حجي زاييد ماأبي .... ويلا جداامي
نوره قامت قعدت بقهرر وتننرفز : زيييييييييييييييين !!
أم نواف طلعت من الغرفه بعد ماتأكدت أنه نوره بتنزل لا محالـه ,,
وصلت الصاله تتأكد من وجود كل المنظفات اللي بتحتاجهم حق لمعان الارضيييــه علشان تكون راضيـه ألف بالميـه عنهـا
بينما فوق أبعدت اللحاف عنهـا ودشت تغسل ويهـا وأسنانهـا ,,,
ولما طلعت لفت شعرها اللي كان مفتوح بـعضاضه تركوازيــه تناسب جلابية النوم اللي لابستهـا ...
طلعت من غرفتهـا ونزلت تحت وهي تفرك عيونهـا بتعب وترجع خصل شعرهـا لورى ,,,,
لحد مانزلت تحت وشافت امهـا تنظــف الأرضيــه بالممسـحه الخاصـه بـه ... أول ماشافتهـا قالت : طلـعي الحوش خمييه لأني أول ماأخلص بطلع أغسله ...
نوره بكسل : يمــه والله ظهري يعورني من الخـــم ,,, بلييييز أسوي أي شي ألا الحوووش كبيييييييييييير ,,, " يبلفيت تقترح شغله " شرايج أنظف الحديقــه ,, ولــه البــرجــه !!
أم نواف : والله الحديقـه لهـا عامل يجيهـا كل أسبوع ينظفهـا ,, مايحتاي تتعبثيـن فيهـا وتخربيــن لي شقـى هالسنيــن ...... تقطعيـن لي الورد ولــه تكسريـن لي الحشيش .....
نوره : آآوووووف .. زيـن البرجــه !!! ماعندج عذر
أم نواف : البرجــه أمس نظفتهـا ,,,, ياتخميـن الحوش بكرامتج ,, ياتروحيـن تنظفيـن الحمامات " وأنتوا بكرامه " ولا تزودينهـا .... ترى مالي خلق حنتج ع الصبح
نوره بتملل : الحمام أرحم ......
أم نواف : كل الحمامات " وأنتوا بكرامه " مب تنظفيـن لي اللي تحت وتقوليـن خلصت !!!!
نوره بصدمة : وحمام نواف بعد !!!!!
أم نواف : آآييييييييــه ...
نوره : يمه كبيييييرررررر ... بنهلك !
أم نواف تتوقف عن المسح وتطالع بنتهـا : شوفي ..... ياتسويـن اللي قلته لج بالطييب يا تسوينه بالغصب .. لأنج بالحالتيـن راح تساعديني ياأما بالحمامات ياأما بخمام الحوووش أختاري بسرعه ..... عندي شغل شكثر غير هالنقاش اللي ماله معنى ,,
نوره المجبوره : خلاص باخذ الحمامات ,,,
أم نواف ترجع تمسح : رووحي شوفي شغلج ....
نوره راحت وهي تتحلطم : جني خداامــه ,,, كل يوم لآزم تطلع لي شغلـه شكل ...... أأووف ياحظج ياوضيح .. عندج خدامة وأنتي ماغير مرتاحه لاتخميـن ولا تغسليـن ولا تنظفيييـن .. مالت على حظي الردي

راحت غرفتها تطلع لهـا ثياب تناسب هالشقـى اللي بتبتدي بــه
برمودا سودهـ ماتلبسهـا نهائياً ألا نـادرا أذا بتلعب بالحديقـه ولــه بالحوش .... مع بلوزهـ نص كم سودهـ مكتوب عليها بالأنجليزي " black" باللون الأبيض
وفتحت شعرهـا ولمته تحت الكاب الأسود ... وطلعت تشوف شغلهـا جابت المعداات كلهـا وسيييدهـ راحت تباشر الشغل وأول مكان أبتدت فيـه " حمام نواف ( الله يعزكم )" ...
غرفته كانت مرتبــه ومبخرهـ وليتاتهـا مبندهـ مافي الا ضوء الشمس اللي منورهـا .... تأملت الصورهـ المحطوطهـ ع الكومدينه .. تجمعهم كلهم وريم كانت توهـا صغيرهـ بالمهاد ...
أبتسمت بالخفيف على هالمنظر ,,,, وراحت لحمامه ....
فتحت البــاب كل شي بمكانه .. لأنه الأخ نواف مرتب ... ومايحب يشوف شي مب بمكانه ,,,,
تذكرت غانم وأنعصر قلبهـا ع المأساهـ اللي راح تواجهه لما تدش حمامه " الله يعزكم " تقولون المكان ضـاربـه أعصــاااار ,,
عفييييســه جنه متهاوش مع حمامه ...
نوره وهي تحط المنظفات على جنب بالأرض : أنـا لأزم أخذ فلوووس على هالشغــل ,, والله خوووش مشرووع ... أأكـــد وأنظف ع الفاضي !!
راحت فتحت المـاي وأبتدت ترشــه بالحمام على كل أنــحــاءهـ ,, مستانسـه بالرذاذ ,,, حتى الفوطه المعلقـه داخل صادهـا مااي ,,, لكنهـا ماأهتمت تمت تلعب بالماي وتنثرهـ يميـن ويسـار
بالمرهـ تتسلى وعلشان تنظفــه ,,,,
ألتفتت تبي تسكر الماي بعد ماغرق الحمام أنصعقــت باللي لقتــــــه بغت تصرخ بس ماقدرت !
.
.

نهـايـة الجـزء الثالث

Prt " 4"
راحت فتحت المـاي وأبتدت ترشــه بالحمام على كل أنــحــاءهـ ,, مستانسـه بالرذاذ ,,, حتى الفوطه المعلقـه داخل صادهـا مااي ,,, لكنهـا ماأهتمت تمت تلعب بالماي وتنثرهـ يميـن ويسـار
بالمرهـ تتسلى وعلشان تنظفــه ,,,,
ألتفتت تبي تسكر الماي بعد ماغرق الحمام أنصعقــت باللي لقتــــــه بغت تصرخ بس ماقدرت !
بريعصي شكله مقرف وحجمه كبير مستقر وراهـا بالضبط ,,, بغـى يغمى عليهـا من الخرعه ,,, وطلعت ركض من الغرفه كلهـا ونزلت الدري بأسرع ماعندهـا
وشافت أمهـا تمسح الصاله بالممسحه : يمــآآآآآآآآآآآآآآآآآآآآآآآآآآآآآآآآآآآآآآهـ !!!
أم نواف ألتفتت عليهـا ,, ألآ " طــآآآآآآآآآآآآآآآآآآآآآآآآآآآآآآخ "
زلقـت نوره ورضخ راسـها خوش رضخه بالأرض ,,,,
أم نواف تركت اللي بيدهـا وراحت لهـا بسـرعه : ووي !! يمــه شفييييج ؟؟
نوره حطت يدهـا على راسهـا من ورى تتألم قالت وهي حابسـه صيحتهـا من الخرعه .. : في بريعصي بحمام نوافوهـ
أم نواف وهي تخليها تقعد على حيلها وتقول وهي عاقده ملامحها : خضيتي قلبي عليييج ,, علشان بـريعصي .... !!
نوره وهي مازلت تتألم من راسهـا وتحس روحها صدعت قالت بتنرفز خفيف : وتقوليـنهـا بكل سهولة بريعصي !! أنتي لو شفتيـــه بيشيييب شعرج من الخرعه ... كبيييييييييير ... ضببببب مب بريعصي !
أم نواف توقف بنتهـا : قومي بس قومي ,,, خلي حمام نواف .. وروحي حمام غنووم
نوره بسرعه : لالالالالالا !! لو أموووووت ماأدشـه ... أذا حمام نواف النظيف المرتب اللي يشرح النفس طلع لي فيـه بريعصي ,, " تتخصر " حمام غنيييم شبيطلع لي فيــه ....؟ فيرااااان ؟!!
أم نواف : يانوير أبوج بعد شوي بيجي يبي يشوف البيت نظييف !!! بتساعديني وله شلون ؟؟
نوره وهي حاطه يدهـا على راسهـا وتتجه صوب باب الصاله : بنظف الحووووش .... أبررك لي
طلعت وسكرت الباب وراهـا نزلت الدري اللي جدام باب الصاله بخفـه وهي عاقدة ملامحها من الصداع اللي جالهـا بسبة الضربـه ....
راحت جابـت المخمــه ومرت ع الغرفـه المبنيــه بجزء من الحوش وكانت شبـه صغييــرهـ ,, ومفتاح هالغرفـه كلـه عند أبوهـا من يومهم صغار مايسمح لهم يدشونهـا ماتدري ليش
ولما تسألـه عن السبب ؟ يقول لها علشان لا يتعبثون بأغراضه المهمه .....
وكذا مرهـ يشدهـا الفضول تعرف شفيهـأ ولما تحاول تطل من الدريشـه ماتقدر بسبب الستاره الغليضــه اللي مافي أمل ينشاف منهـا أي شي ,,, لدرجة أنهـا تشك أنـه نور الشمس يوصــل لهلـ غرفـه !!!
تنهدت ووخرت يدهـا عن راسهـا .. سحبت المخمــه وأبـتــدت من الدري اللي عند باب الصالـه ,, تـخـــم ....

.
.

بيت وضحى



كانت قايمة من صباح الله خير .. تنطر الساعه تصير 8 علشان تروح المدرسـة تجيب النتيجــه ....
لو كانت تعرف شلون تطلع النتايج من النـت جان وفرت عليهـأ هالعنـا ... كانت بغرفتها تحط لها ميك أب خفيف جداً عباره عن مسحـة بورده على ويهـا وقلوس وكحـل ,,
وشعرها القصير اللي يوصل لتحت نهاية رقبتهـا بشوي وغلييض .... خلته مفتوووح ماحاولت تلفـه !!
راحت سحبت لها عبايـة من كبـتهـا ولبستهـا .. وأقرب شيلهـ حطتهـا على راسهـا بأهمال وطلعـت مستعيله بعد ماخذت جوالهـا ودقت على نوره تبي تشوفها خذت النتايج وله للحيـن
رن وايد بس محد رد عليهـا ,,,,
وضحى : ياااابروودج يانوير لو تكونيـن نايمــه ...
رجعت أتصلت من يديد ,, وهم مالقت رد ... وللمرهـ الثالثه والأخيرهـ أتصلت وماجالهـا رد ...
أستقرت بالصاله وكملت مشي وهي طالعه من باب الصاله متجهه صوب السياره وعينهـا بـجوالهـا تكتب مسج لنـورة
" يالعنــز يالدبــه يالبليييييييييدهـ يالباااااااااااردهـ ,, النتايج اليوم وأنتي شبعانه رقااااد رقدت على عدوووج طووفـــه ...... !! "
طرشت المسـج وشافت السايق واقف جنب السياره قالت له وهي تمد يدهـا : عطني السويييج .. أنـا بروح
محمود بأدب : مدام ...I can t
وضحى : ياأخي مب رايحه بعيد .. مشوار قررريب ... رايحـه المدرسـة وبرجع .....
محمود : بـابـا ...
قاطعته : ماراح يقول شي ,,, هو راح يهاوشك لو طلعت أتمشى بروحي ... مب علشاني رحت المدرسـة وجييت ...
محمود برجى : بلييز مداام ,, بـابا في جنجال !! بلييييييز
وضحى بتملل : ياااللله ماتفهم .. أقولك بروح المدرسـة مب مسيعــييد !! ...." ترجع تمد يدها " عطني المفتاح يلا ذليت أمن جابتني على السيارهـ ..
محمود بعد تردد طلع السويج وعطاهـا آياهـ ... خذته وركبت السياره وحركتهـا طالعـه من البيييـت متجهه لمـدرستهـا ....

بعد فتره بسيطـه وصلـت المدرسـة شافت سياير شكثر عندها
وضحى وهي تبند السياره وقلبها يرقع من الخوف : الله يستــر ,,, بموت من الربكــه ...
رجعت طلعت جوالها وأتصلت على نورهـ .. لكـن نفس الشي ماترد ..
وضحى بقهر : الله ياااخذ أبليسج يانويير ,,,
نزلت من السياره وسكرتهـا وقفلتهـا ,,, ودشت المــدرســه تاخذ نتيجتهـا
أول مادشت لقت بنات طالعيـن متشققيـن ولما شافوهـا وقفوا يسلمون عليهـا ويسألون عن أخبارهـا بينما البعض الثاني من البنات اللي تعرفهم سووا نفسهم مايعرفونهـا ومروا من جنبهـا خطف !!
.
.

بيت بو نواف

كانت توهـأ مخلصه خمام الحوش والشمس حااارهـ رغم أنهم توهم الصبـــح ... وتحس العوار اللي براسهـا أنقلب صداع .....
سندت المخمه على أقرب طوفـه بالحوش ودشت داخل البيـت لقـت الصاله تلمع من النظــافــه ,, وأمهـا محد ... شكلهـا راحت تنظف الحمام الله يعينهـا ع الوحش اللي بحمام نواف
ركبت الدري بخمول وتكسر وتعب وراحت غرفتهـا ,, فتحت الباب لفحهـا الهوى البــارد حست بأنتعاش .....
حذفت روحها على السرير وزفرت بتعـــــب وهي تحس ظهرهـا ذابحهـا ,, بعد 5 دقايق بالضبط قعدت على حيلهـا وفتحت درجها تطلع لها حبـة بندول ,,, وقامت طلعت من غرفتهـا ونزلت تحت تجيب لها ماي
أول ماوصلت المطبخ خذت أبرد غرشة ماي بدون ماتصب لها بقلاص وشربـتـهـا بعد الحبـــه ,,, ورجعتهـا بالثلاجهـ ....
ورجعت مرهـ ثانيـه تركب الدري ,,, وصلت فوق .. حذفت روحها على الكرسي اللي بالصاله وأنسدحت مافيهـا حيل تكمل مشي ليـن غرفتهـا ,,,,, غمضت عينهـا بترتاااح لهـا شوي
ألا صوت نغمـة جوالها المنبعث من غرفتهـا واصلهـا ,,,
نوره تنقلب لصوب الثاني وتدفن ويها بالكرسي : آفففففف .. أأبي أرتااااح حرام عليكم ...
ماراحت ترد ع الجوال خلته يرن ليــن سكت من نفســه ,,,,
رجع رن من يديد ونوره مسويـه له خوش طاف .. آخر شي سمعت صوت جوالها يعلن أستقبال مسج ...
نوره تنافخ : آففففففففففففففففففففففففففففف .. من عديييييمـة الذوق اللي مسندرتني من صباح الله خيير !!! آآكييد سلييو محد يحررق التلفون جذي ألا هيي أف !
قامت من ع الكرسي وراحت غرفتهـا حذفت روحها ع السرير ومدت يدها صوب الكومدينه وخذت جوالهـا شافت 5 مكالمات لم يرد عليها .. ومسجيـن وكلهم من توأم روحي اللي هي وضحى
نوره عقدت ملامحها وهي مازالت مستلقيه ع السرير : شسالفه ؟؟ ... شفيـهـا وضوح !! العاده تتصل مرهـ مرتيـن بالكثير وخلاص شطاري عليهـا اليوم ؟؟.... " أتصلت لها وهي تقول " الله يستر
مايمديه يكمل الرنه الأولى الا صوت صراخ وضحى جايـها : يالعفنه يالبـااااااااااااااردهـ ياأم الرقااد... جوالي زهق عيشته وأنا أتصل لج وأنتي ماغير خامــدهـ ... شنو عندج بيات شتويي !!!!؟
نوره بعد ماخلصت وضحى سلسلة الزف قالت : بل بل بل ,, كلتيني بقشوري حتى سلام مالحقت أسلم !!!! .. وبعديـن من قالج أني خامده خمد على عدوج يني .... كنت أأكرف بالحوووش وأأخـــــم ... أقولج كنت بنظف حمام نـ....
وضحى قاطعتهـا : مب شغلي شكنتي تسويـن .. ثاني مرهـ لا أتصلت لج الجوال يكون عند راسج يامال راس عدوج البط أن شالله .." شوي وبتصيح " مخليتني رايحه أجيب النتايج بروحي .. بالله راسبــه من يواسيني !!
نوره فزت على حيلها وقالت بصوت عالي مليان صدمه : النتايج اليوممم !!!!!!!!!!!!!!!!!!!!
وضحى : كملي بياتج الشتوي ,,,,,!! بــآآآآآآآآآآآآآآي
سكرت بويهـا
نوره أختبصت ماعرفت شتسوي .. النتايج اليوم وهي ماراحت تجيبهـا ,,,, قامت طلعت ركض من غرفتهـا ولما وصلت لعند الدري تذكرت أنـه نواف محد وأبوهـا بعد محد !!
مافي ألا غنووم يقوم ويجي معاهـا علشان تقدر تروح مع السايق .....
راحت ركض غرفـة غـانم لقته متعمق بالنوم اللحاف شرق وهو غرررب ..... والمخدهـ حاطهـا على راسهـ
وقفت عند راســه وهزته بقوهـ : غنووووووووم قوووووووم !! بسررررررررررعه تكفـــى
غانم وهو يتقلب بصوت نايم : هاااااا هاااااا هااااااااااااااااااااااا !!
نوره تشيل المخده عن راسـه : قووووم ودني المـــــــــدرســــه النتايج طلعت
غانم : شايفتني صافلج اللكزس عند البــاب علشان أوديج !!
نوره تضربه بالمخده : بــــلآآآ ملاااغـه وسخاافـه ع الصبح .. شلوون أركب مع السايق بروووحي
غانم وهو يسحب المخدهـ منهـا ويحطها على راسـه : نت ماي بزنس !!
نوره بأصرار : قووووووووووووووووووووووووم .... ذليتنــي ...
غانم يغمض : لا تحاوليـن .. آبي أنــام أمس راقد متأخر
نوره بصراخ : مب مشكلتي !! محد قالك أسهـــر !
غانم بصوت ينقطع تدريجياً : وهم أنـا مب مشكلتي اذا ماجات تطلع نتايجج ألا اليوم !!
نوره بعد ماطبعت يدهـا الثنتيـن على ظهـره بقوهـ وبقهر : نـاااااااااااااااااااااااااااام ... نااااااااااام يعلك ماتقوم ... أستغفر الله ..
غانم بلعانه : هالدعوهـ المحترمه .. راح توصل لسلطات العليــه أول ماأشبع نوووم
نوره ضربت ريلها بقهـر وهي طالعه من غرفته وترضخ البــاب بكل قوتهـا وراهـا بغت تكسرهـ
غانم بصوت عالي : اللحيـن شذنبــه البااااااااااااااااااااااااااااااااااااب !!! مالت عليج من اخت
.
.

دشت غرفتها وهي تدور على نفسهـا ومايطري ببالهـا غير " النتايج اليوم !! "
راحت خذت جوالهـا وأتصلت على وضحى
ردت عليها من طرف خشمها : خيير !!
نوره برجى : بلييييز وضوح جيبي معاج نتيجتي .... بلييييز
وضحى : عناد فيج و ياجزهـ هالتنقيعه المحترمه ع الجوال ماني جايبتهـا اللهم بشوف أسمي موجود بقائمة الراسبيـن وله لا .... أذا مب موجود بطير اخذ شهادتي وبقهرج....
نوره بغضب : أأحســن .. الله لا يحوجني لج
وضحى : ولا لج
نوره : باااي
وضحى : بايييـن !
نوره : ثلااااااث
وضحى : أررررررررررررررررررررررررررررربع
نوره سكرت بويها بتنرفز ,, بغت تصيييح من القهــر تبي تاخذ نتيجتهـا ومحد معبرهـا
أتصلت على نواف يمكن يكون خلص محاضرته ويقدر يجيهـا ....
رن شوي وطلع لهـا مشغول .... لأنه ضغط ع الزر الأحمر ...
رجعت أتصلت من يديد مارد عليهـا ......
تنرفزت ..
مابقـت الا سلوى !!
قالت بتفكير بقلبها " أأخر مرهـ شفتهـا كنـت متهاوشـه معاهـا !! ... يمكن ماترضى تكلمني ؟ ولـــه تطنشني مثل وضيييح ... آآآآآآآف يالقهــر ... لا ماأظن سلوى تسويهـا .. ماتشيل بقلبهـا واايد أساساً ........"

بعد تردد أذا تتصل ولـه لا ,, شالت تلفون غرفتها وأتصلت على بيــت خالتها واللي يصير يصير !
شوي ألا تـرد عليهـا هنادي : ألوو !
نوره : ألوو هلا هندوووهـ ...
هنادي : أهلييين .. شلوونج قلبي ؟
نوره : بخييير
هنادي : وشلون خالتي وريل خالتي وأخوانج
نوره مب بمزاج لهلـ سلامات قالت : كلهم بخير .. هندووووهـ بليييز عطيني سلووى ..
هنادي : سلوى محد .. راحت تجيب شهادتهـا
نوره بصدمه : ماطلعتهـا من النــت ...
هنادي : بلا ,, ولما ظـمـنـت النجاح والنسبـه الحلوهـ راحت تجيبها علشان تكمل فرحتهـا ....
نوره بأحباط والدمعه بطرف عينها : ماشافت نتيجتي
هنادي بعد تفكير : مممم والله مادري عنهـا ... ماسألتهـا ..... أتصلي على جوالهـا يمكن جافت لج
نوره : خذته معاهـا ؟ ولـه كالعاده ماتدري ويـنه
هنادي ضحكت بعدها قالت : لا لا خذتــه .... أتصلي لهـا
نوره : أوكي مشكوررهـ ... بااي
هنادي : باي

سكرت وعلى طول أفترت لجوالهـا وأتصلت على سلوى
رن شوي وجالها صوت سلوى : ألووو
نوره ماعرفــت شلون تتكلم معاهـا فقالت بعد تردد : هلا سلــوى شلونج
سلوى بونـاسـه : بخيييييرررر ,, دريتي نجحــت ... نسبتي 98 ...
نوره كانت متوقعه أنه سلوى راح ترد عليهـا عادي لأنهـا ماتشيل بقلبهـا فقالت بفرحه لها رغم أنها بتموت وتعرف نتيجتهـا : مبروووووكـ تستاهليـــن ...
سلوى : الله يبــارك فييج ,, ها بشري ؟ وأنتي ناجحه ؟
نوره تحطمت من قلب : ماادري ماخذت النتايج .. ليش أنتي ماشفتي نتيجتي معاج !!
سلوى : لا .. ماشفتهـا لسببيـن أولا من الونـاســه ماقدرت أشوفهـا وثانيـاً لأني زعلانه عليييج قلت احرقصج
نوره خلاص صاحت : حراام عليكم والله أبي أعرف نتيجتي .. كنتي اخر أمل لي ...!! ... ووضوح ماتبي تجيبهـا معاقبتني يابلفيييت ...
سلوى كسرت خاطرها فقالت : أول ماأرجع البيـت بشوفهـا لج ....
نوره : متى ؟
سلوى : مادري .... أبوي بيودينـا نتريق بمطعم ... !! يمكن أتأخر
نوره : خلاص خلاص مشكورهـ قلبي ... أنـا بدبر نفسي
سلوى تحاول تقويهـا : لا تصيحيـن نويييير أأكييييد طايفـه الـ 100 ... خبرج أنتي حمص
نوره ضحكت بالخفيف وقالت : ماأبي أطوف الأميـه ولا شي .. أبي أجيب 97 أو أكثر ماأبي أقل
سلوى : أن شالله بتجيبينهـا ونسوي أكبر حفلة تخررج ببيتنـا ولـه بفندق ..!!
نوره : آآآميييييييييييييييييييييين... يلا فديتج أخليج ...
سلوى : الله معاااااج .. وبشريني
نوره : آوكي .. باي
سلوى : باي

حذفت الجوال أحذاهـا وكملت صياح من القهـر ,, طول أيام الأمتحانات تكرف وشاده حيلهـا واللحيــن لما جات تشوف النتيجه محد متفرغ لهـا ,,, باجر الجمــعــه يعني لازم تنطر ليوم الأحد وهي مافيهـا صبر تنطر ساعتيـن ثلاث ليـن ترجع سلوى البيت وتعطيهـا النتيجه !!!
وسط صياحها سمعت صوت جوالها يعلن أستقبال مسج
فزت وخذته يمكن وضحى رحمت حالها وطرشت لها أذا هي ناجحه وله لا ,,
فتحت المسـج بس تحطمت لما طلع من نواف يقول فيـه
" أنـــا بالـمــحـاضــره ... أذا تبيني ضروري ... دقي لي بعد ساعه ونص "
مـدت بوزهـا بزعل توهـا بترجع جوالها مكانه ألا جوالها يرن
" توأم روحي يتصل بك "
على طول ردت ...
ألا وضحى متشققه من الونــاســه : نوووورووووووووه نجحـت ......
نوره بيـنهـا وبيـن نفسهـا أستانسـت بس قالت وهي تمسح دموعهـا : شسوي لج أرقص لج يعني !!!!
وضحى وهي تضحك بهبال : يالخاايسـه هذا بدل ماتقوليـن لي مبروووووووكـ ,,, 96 بعيـــن العدووووووووووو
نوره تلعب بطرف بلوزتهـا وتقول من طرف خشمها : مبروك !!
وضحى بضحك : وترى حتى أنتي ناجحــــــــه يالدبــه ... جيكت على أسمج .. مالقيته وسط الراسبيــن تنكــدت <- من ورى قلبهـا
نوره نقزت بسرعه من الفرحه : واااللللللللللله ... كم نسبتي !!
وضحى : شدراني ,, لأزم أنتي تجيـن وتااخذيـن شهادتج .... " بفرحه " مبروووكـ علينـــا .....
نوره بوناسه : الله يباااااااااااااااارك فيج .... باي باي بروح أبشر أمي
وضحى : آوكي باي

سكرت وضحى من نوره وهي تضحك من الفرحه ومن ردت فعل رفيجتهـا
ركبــت الســيـاره وحطت شهادتهـا أحذاهـا ,, بتروح البيــت تبشــر أمهـا ,,,,,, وبتتصل تبشر أبوهـا تبي العالم كلهم يفرحون معاهـا أخيراً بتدخل الجامعه ..
الطريج كان طويل بس من فرحتهـا حســتـه قصــيــر صــفــت السيــاره داخل البييـت ونزلت منهـا بعد ماخذت المفتاح وسكرت الباب بقوهـ
وعلى صوت تسكير البـاب طلع محمود من ملحقـه وجا لها بسرعه وقال بخوف : مـدام .. وااااجد تأخير أنتــآ!!
وضحى تمد له المفتاح وتحذفه براحـت يده : ماتأخرت ولا شي ساعه ورجعت لا تسوي لي فيهـأ أنك تحاتيـنـي ,,, أشكــرهـ خايف ع المعــاش ...
محمود بلطف : No .. مدام أنـا في خوف على أنتآآ ميبي أنتآ مايعرف يسوووقـ !!!
وضحى تسكته : خلاص خلاص ماأبي أسمع زيادة حجي .... لا تعكر لي مزااجي ....
تركته ودشت داخل البيييـت .. " آآففف هندي ملللغ .... صج طيييب ومعانا من كنا صغــار لكـن بعد ملللغ ويستفز ساعات ....... ياحلاتك ساكت بس ! "
دشت البيــت وهي تنادي بأعلى صوتهـا على امهـا ,, لكن ماحصلت رد ....
نادت الخدامة ولما جات .. سألتهـا عن امهـا قالت أنهـا طلعت من الساعه 7 ... وماتدري ويـن راحت ... ولما سالت عن أبوهـا جالهـا نفس الجواب اللهم هو رااح الشغل بس امهـا آآكيييد راحت لربعهـا !!
وضحى لما مالقت حد يشاركهـا وناستهـا قالت بفرح للخدامه : مايـاا .. نجــــــــــــحـــت ...
شافت أبتسامه باهته على وي الخدامـة ماتحمل أي تعبير للفرح بس الأكيد أنهـا مجامله وقالت لهـا بالأنجليزي مبرووك .... مبروك بارده .. تعور القلب أأكثر من ماتـفــرحه !!
وضحى تضايقت !! صرفتهـا وراحت فوق جناحهـا قعدت بـ صالتهـا وفتحت شهادتهـا تشوفهـا درجاتهـا كلهـا مرتفعه ,, ونسبتهـا حلوهـ ......واحلى من الحلوهـ
ولا بحياتهـا حلمت تاخذهـا ,, كان طموحها دايماً عند الـ 87 أو 88 أو بالكثير 90 ..... بس 96 وآآيــد بالنسبـه لهـا
سكرت الشهاده بحزن وهي تتخيل شكل أم نوره لما تقول لهـا بنتهـا أنهـا ناجحــه اأكيد ماراح توسعهـا الدنيـــا من الونــاســـه ,, آآكيييد مابتخلي حد من قرايبهـا وأهلهـا ألا وبتقول له بنتهـا ناجحه ,, وراح تدخل الجامعه بأذن الله ,,,,, بينما هي .. أمهـا محد ,,,, وأكيد ماتدري أذا النتايج اليوم وله لا ,, زيـن منهـا تدري أنهـا خلصت أمتحان !!!
حاولت تفرح نفسهـا بأمل زائف ...يمكن أبوهـا يستانس ...؟؟ خذت جوالهـا وأتصلت على أبوهـا وبعد ماطول بالرنيـن جالهـا صوت أبوهـا الجدي : هلا
وضحى بفرحه : يافديت احلى هلا ,,, من أحلى ابو بالدنيــا
أبو وضحى بجديه : هلا وضحـى ,, أنـا مو قايل لكم لحـد يتصل فيني وأنـا بالشغل !!!! تحرجوني جداام الوفــد وأنـا كل شوي مستأذن وتارك لهم الأجتماع وطالع ... شنو ماعندي شغله ألا أنـتـوا
وضحى أنمغص قلبهـا قالت بشبح أبتسامه تحارب علشان تبقـى وماتحتل مكانهـا الدموع : يبــه نجــحــت
بو وضحى بجفاف : مبروك .... في شي ثاني
وضحى غرقت عينهـا بالدموع وقالت بصوت خافت جنه جاي من بئر : لا ...
بو وضحى : يلا عيل مع السلامه ...
وضحى : مع الـ....." ســكـــر "
ماقدرت تستحمل أكثر أنفجرت بنفسهـا وقعدت تصيييح وتصيييح .... وهي مغطيــه ويهـا بيـــدهـا ...

بينما ببيت رفيجتهـا العكس تماماً
كانت حاظنــه امهـا وتناقز من الونــاسه : نجحـــــــــــــت يمـــه نجحـــــــــــــــــــــــت .......
أم نواف وهي مب سايعتهـا الدنيا : مبروووووووووووووك يابنتي ألف مبرووووكـ ..... وآخيراً بشوفج بالجامعه ...
نوره تبتعد عن امهـأ وتقول وهي تلهث من كثر المناقز وخصلات شعرهـا تبعثرت على ويها وبفرحه كبيره غامرتهـا قالت : مب مصدقــه نجحــت ,,,, " ترجع تناقز من يديد " وآآآآآآآي !!.... اللحيـن باقي النسبه ... ياااااااااااااااااااااااااارب 97 .... وأأذاا 100 ماراح أزعل نـعمــة ...
أم نواف ببتسامه عريضـه مليانه حنان الأمومه : تستاهليـن مليون بعد مب بس 100 ..... آآمشي خل نبشر أبووج
نوره ركضت تبي تسبق أمهـا لتلفون وهي تقول : آآنــــا بقول لـــه ....
نزلت من الدري تركض ووراهـا امهـا تمشي بسرعه وعند الدري خففت السرعه لحد ماصارت تنزل على مهلهـا
وصلت نوره الصاله وقعدت ع الكرسي جنب التلفون وهي تقول : ووووي يايمــه ... سلحفااهـ ..... مافيج لياقــه
أم نواف بعد مانزلت الدري وصارت على أرض الصاله : خليـت اللياقــه لج ... وخري أشوف وخري خل أقـعـــد
نوره بدلع وهي ترفع سماعـة التلفون : موووبي ,, مووووبي ,, أنـا اللي ناجحه وله أنتي ! أنــا بكلمــه .....
أم نواف تسحبها من يدهـأ تخليهـا توقف وتوخرهـا وتقعد هي : أجووف هاتي ,,, خل أدق له بالشغل
نوره : مب لازم نسمع صوت السكرتير بو نفس خايســه ,,, على طووول دايركت نتصل لبابي ,, ونقول لــه
أم نواف وهي تمسك السماعه وتتصل : يمكن يكون عندهـ شغل ولـه شي ,, تبينه يقلب فرحتج نكـــد
نوره تقعد على ركبتهـا أحذى امهـا : مايسويهـا باباتي ...... أقص أيدي لو ماقال لي بيسوي لي حفلـه بأكبر فنادق الدوحــه
أم نواف وهي تسمع الرنيـن ورافعه واحد من حواجبهـا : آي هيييـن !
نوره بحرهـ ممزوجه بدلعها : يمـــــه ....!! أصلا حتى لو ماسوا لي راح تسويـن لي أنتـي لأنه خالتي بتسوي حق سلوووى ... وماأظنكم يالخوات تسون شي بدون ماتستشيرون بعضكم
أم نواف ماردت عليهـا لأنه جالهـا صوت السكرتير : ألووو .... هلا أخوي ... بو نوااف موجود ؟؟؟ آآهـاا .. أوكي حولني عليــه .........." سكتت وهي تطالع بنتهـا وأول ماجالهـا صوت بو نواف عطت السماعه بنتهـا "
نوره بصرااخ وفرحه : ييييببببببببببببببــه نجـــــــــــحـــــــــــــــــــــت
بو نواف ببتسامة عريضه : طلعت النتايج !!؟
نوره بصراخ ووناسه : آآيــــــــــــه طلعت قالت لي من شوي وضووووح
بو نواف بفرحه خفيفه : مبرووووووووك يابنتي..... من قدج اللحيــن دااشـه الجامعه !!!
نوره بفرحه : وآآآآآآآآآآآآآآي يبــه ماتصدق شكثثثر مستانســه ... بس قالت لي وضحى أني نجحت أستخفيـت لو تقول لي نسبتي مادري شبيصير فيني ...
بو نواف : تستاهليـن كل خير يانورهـ ,, ولج أحلى هديــه لأحلى نورهـ بالكــون
نوره ببتسامه عريضـه : شنهـي ,,,
بو نواف : مب جني عطيتج وي وآآيــد ... يلا يلا بــاي لما أرجع يصير خير
نوره بحب لأبوهـا قالت بدلع : أفف زيـن بنطركـ مو تتأخر ...
بو نواف : لا مابتأخر ع الساعه 1 أن شالله أكون عندكم ....
نوره : آآوكي يبــه ,,, ننطركـ
بو نواف : آوكي يلا مع السلامه

أرخى يدهـ وحط السماعه وهو على ويهـا شبح أبتسامــه .. فرحان لفرح بنتــه .... رغم الكتـمـه اللي على صدرهـ من وفـاة سعــود
يمكن يكون حزن رغم أنه ينكر هالشي ,, ويمكن يكون شي ثاني هو نفســه مايدري شنهو !!
معقولة تأنيب ضميييير ؟؟ وويـن ضميره كل هالسنيــن ... ماصحى ألا لما مــات سعــوود
بو نواف بصوت مسموع رغم أنه واطي : لا ..... مب تأنيييب !! وليش يأنبني ضميري .. مب أنا اللي ذابحــه ..... هذا يوومـــه " نفخ من قلبه وهو يقول " ماأبي أفكر بهلـ ماضي اللي صاير لي مثل الكابوس ملازمني صاحي ونايم ,,,, أنـا مرتاح مع أهلي اللحيــن صحيح ماأحب حنان ... بس متعود عليهـا وكفايـة أنهـا آم عيالي !! أم نواف ونوره وغانم وريم .... الله لا يفرقهم يارب ولا يبعدني عنهم
تردد ببالهـ كلام عقله اللي قال بقسوه " خاايف !! ... خااايف يافايز تبـتــعد عنهم ؟ مثل ماأبعدت سعود عن مرته وولدهـ!! من حقك تخاف .. وليش أساساً ماتخااف ..... ماتــدري ! يمكن الزمن يرجع يعييد نفســـه
يمكن العشريــن سنه اللي صارت ماضي اللحيــن ... تكــون مستقبلك المشؤووم !!! .. المستقبل اللي ماتقدر تنكر أنك خاايف منــه .....وخايف وآآيد بعد !!.... "

بيـت وضحى

بعد ماتعبـت من الصياح شافت فلافي جاي صوبهـا وركب ع الكرسي أحذاهـا وأستقر بحظنهـا وهو شبه واقف ريله بحظنهـا ويده الثنتيـن حاطهم على صدرهـا وماتسمع منه ألا " ميآآآو ... ميآآآو "
مررت يدها على شعره الناعم وهي تقول بشبح أبتسامة وسط دموعهـا : الظاهـر محد يحس فيني غيركـ بهلـ بيـت ,,, " قامت وقفت وهي شايلته وتقول بلطف " تبي تأكـل حبيبي ؟
شافت عينه تتسكر وهي تمشي لغرفتها عرفت أنه يبي ينـام .. دشت غرفتهـا وحطـتـه بالسلـه الخاصـه فيــه لرقادهـ كانـت سله كبيــره شوي ,, لونهـا بنــي ومربوط بطرفهـا شريطـه ورديــه مثل الفرش اللي حاطته له داخل
حتى مخــده صغيـره حاطه لــه ,, حطتـه داخل السله وقعدت ع الأرض آحذى السله مسنـدة ظهـرهـا ع الطوفـه وتمسح عليـه بلطف وهو مغمض عينه على عتبت النــوم .....
سمعت رنة جوالهـا ,, ورنه مميزه بعد ... تعرف صاحبهـا عدل .... قامت وخذت جوالها ورجعت قعدت أحذى فلافي
ردت بملل وهي تقول : هلأ !
-: هلا وضـحى ,, شـلـونج ؟
وضحى تتنهد : بخييير .....
-: شفيج تقولينهـا بدون نفس !!!!
وضحى : ممم لا عادي ...." تتصنع الفرحه " تدري نجحت !
-: مبرووووووكـ !! االلحيـن عاد محد يقدر عليج ... داشـه الجامعه السنه
وضحى ببتسامه باهته قالت : شلون عيـالك ...!
بتلميح : مشتاقيـن لج ...
وضحى تتجاهل : والبطــه مرتك !
ضحك وقال : كـالـعــادة ,, مجابلة البيت والمطبخ والـجــدر !!!
وضحى : سلم لي عليهــا ...
-: وليش ماتسلميـن عليهـا أنتي !!
وضحى رفعت وحده من حواجبها : رآآشــــد !
راشد ضحك وقال : عيونه ..
وضحى بجدية : شوف أذا بتقعد تتكلم معاي بهلـ طريقـة راح أسكر
راشد : زيـن شفيهـا ؟ دومي كنت أتكلم معاج جذي !!! ولـه لما تزوجت تغير الغلا
وضحى : أصلا كلامك معاي بحد ذاته مب عدل بحق مرتك !! تعتبر خيانه .... وترى لو وحدة غيري جان ماعبرتك !!!
راشد : تعتبر خيانه لو مرتي ماتدري .. بس هي عارفه كل شي ... وبعديـن أنـا ماأخش شي عن حبيبتي وأم عيالي .......
وضحى : تدري أنك تكلمني بمثابة أختـــك ,,, مب بهلـ الأسلوب اللي تتكلم بــه
راشد : دامهـا راضيــه ... مالها حق تلومني
وضحى : أذا هي راضيـه أنا مب راضيــه ,,, لو كنت مكانهـا بحس بذل وأهانه ,,,
راشد يغير الموضوع : زيــن شفيـه صوتج !! كنتي تصيحيــن ؟
وضحى : لا .. تعبانه شوي
راشد : علي هالكلام ... معاج من يومج ماتعرفيـن الألف من البـاء ,,,,,, شفييج ! من مضايقج ؟
وضحى : محـــد ,, راشد لأزم أسكر اللحيـن بروح أريح شوي .....
راشد : آوكي ! على راحتج ,,,
وضحى : بـوس لي علوووي ,,,
راشد : وأبوهـ ,,!؟
وضحى بغضب خفيف : رآآآشــــد !!! لا تخليني أعصب اللي فيني كافيـني ترى ؟
" سمعت صوت باب غرفتهـا ينطق "
قالت بصوت عالي : تفــضــــل ... !
دشت أمهـا ,,,,
راشد بتسأل : من عندج ؟
وضحى : أمــــي ,,, يلا اخليييك ....
راشد : تسكريـن وأنتي زعلانه علي ؟؟
وضحى : والله لا تعدل أسلوبك يصير خيييرر ,,, بــآآآي
سمعت صوت ضحــكــه سكرت وحطت الجوال أحذاهـا
أم وضحى بتسأل : من هذا ؟
وضحى تتنهد وعينهـا على فلافي : رآشــد ولد خالتي ,,,
أم وضحى : تقول الخدامة سألتي عنــي !!
وضحى بدون ماتشوفهـا وهي تحس بخنقه : آيــه ...
أم وضحى : ووي يايمــه ... كنت عند جارتنـا أم صالح .... تدريـن مرت ولدهـأ توهـا والدهـ قلت أروح أبارك لهـا وبالمرهـ أعرف أخبارهـا ,,,,,,
وضحى ماردت عليه ولا طالعتهـا حتى...
أم وضحى : شفيج يمه وضحى ؟ في شي!
وضحى أنزلقت دمعه على خدهـا مسحتها بسرعه وقالت : لا ,,,
أم وضحى : عيل شعندج تسأليـن عني عند الخدامة
وضحى : كنت بغيت أقولج أني نـجــحـت وبنسبـه حلوهـ ,, بس مالقيتج وأبوي مب متفرغ لي ولا لتفاهاتي !
أم وضحى ببتسامه حلوه وكأنهـا تبارك لأي وحدهـ من ذولا اللي تروح لهم وماتربطهم بهـا أي صله : مببرررروووكـ عقبال مانحتفل فييج لما تاخذيـن الدكتوراهـ ,,,
وضحى بقلبهـا " هذا أذا تفرغتوا لي ! "
أم وضحى : أوكي عيــل ,, آذا تبيـن شي ولـه غيرهـ أنا بغرفتي بروح أريح شوي ,,,,,
وضحى : زين
أم وضحى تراجعت خطوات وهي طالعه من الغرفه .. وبعد خطوات طلعت من الجناح كلـه ...
.
.
طلع من الجامعة على نهاية الدوآم وأتجه لبيـت يده .. أول ماوصل شاف سيـارة مصفوفـه جدام هالبيت الشعبي
صفهـا وراهـا بالضبط ونزل منهـا وهو يتنهد بعمق .... ودخل البيـت بما أنه باب بيت يدهـ عمرهـ مايتسكر لا ليل ولا نهـار
وصل لباب الصاله شاف النعل " وأنتوا بكرامه " محطوطهـ جدامه تأكد أنه في ناس داااخل
تنحنح بصوت عااالي وهو يقول : دررررررررب !
صوت خاله جاله وهو يقول : دششش .. محد غررريب
دش زايـــد وشاف خالــه راح سلم عليـه وباس راســه ,, وأتجه صوب يدهـ اللي عمرهـ ماشافـه يبتسم وباس راسـه وهو يقول : السلام عليكم
سالم : وعليكم السلام ,, ها شلون يومــك اليوم
زايد : تمــام ! ..
بو سالم كان بصوت خافت يستغفر ويتعوذ من أبليس
زايد عينه كانت على يده اللي بايـن أنه متضايق لوجودهـ !!!!
زايد لخاله : أقول خالي ,, أمي وينهـا !!
سالم : تلاقيهـا داخل بالدااار ,,, ماغير قاعدهـ تصييح وحالتهـا حاله ..
زايد وهو يقوم : أنـا أستأذن عيل ... بروح أجوفهـا
بو سالم : الله معااااك ... " وصد عنه "
ترك لهم الصاله وراح ,,,,

بينما سالم ألتفت على أبوهـ وقال : يايبـه مايصير جذي ,,, الولد كافيـه اللي فيــه .. أسلوبك جذي يزيدهـ
بو سالم بغضب : بطقاق ,,, تدري أنه ماأواطنه .... نسسسسخه من ابوهـ شكلاً وأخلاقاً ,,, أذا ودكـ بواحد يرفع الضغط بالحقران .. فولد أختك هذا ماخذ الدكتوراهـ بهلـ شغله
سالم : حرام عليك يايبــه ,, الولد يتيم اللحيــن ...
بو سالم : يتييم وهذااا طووولــه ,,؟ هذا شبعاااااان حنــااان ,,, ماينتظر مني أتصدق عليـه
سالم : آي شبعان أي بطييخ يايبه واللي يعافيك ,,, طول عمرهـ محروم من أبوهـ ولما شافه ... يوووم وااحد ماكثر .. ومات ثاني يوم ,,,,,
بو سالم وهو يسند يده بالعصا المرتكزه بالأرض : هذا يووومــه ,, ولـه عندك أعتراض !!
سالم : أستغفر الله مالنا أعتراض على قسمة الله ,,,, بس يايبه أنت ريال كبير وفاهم لا تصب كرهك لأبوهـ فيــه
بو سالم : شسوي أذا أنا كل ماشفت ويهـا أتذكر أبوهـ ,,, يشااابـــه بطريقـه تستفزني
سالم : هذا مو ذنبـه ,,,!
بو سالم : ولا ذنبي أنـي عايف أبوهـ اللي لته بنتي وهو حيي وبهدلهـا حتى وهو بقبرهـ ,,,,,,
سـالم : هذا شي مكتوب ... واللي أتمناهـ منك يايبــه أنك ترحمه شوي .. وأذا امـه بتعيش عندكـ وأتفقت معاهـا على هالشي .. لا تنسى ولدهـا حاول فيـه ع الأقل
بو سالم : والله أذا مايبي يسكن عندي ماني بجابرهـ ,,, وأذا معور قلبك لهدرجة أخذهـ سكنه عندكـ ,,,
سالم تنهد بضيق من كلام أبوهـ : لا حول ولا قوة الا بالله

.
.
داخل كان يمشي بالممر وكلام يدهـ واصل لـه ,,
ماحاول يعبر كلامه رغم أنه حز بخاطرهـ أنه يدهـ يكرهـ هالكثر لمجرد أنه يشبـه أبوهـ
طق البــاب ولما أذنت له بالدخول ... دش ..
لقـى أمنــه قاعده ع الكرسي المجابل أمــه .. : آوهـ .. آسف
توهـ بيطلع ألا امه تقول : تعال يمه زاايد ,, هذي أمنه أختــك ,,, تعال يبـه
دش زايد من يديد وأتجه صوب أمـه باس راسها وقال : شلونج اللحيـن ؟
أم زايد تتنهد بحزن : بخير يبــه ,, " تبتسم بالخفيف " أمنــه ماقصرت .. قاعدهـ تحاول تونسني
زايد بدون مايطالع أمنه : تبين شي يمــه ..؟ أمري لا يردج ألا لسانج
أم زايد : أبي أشوفك حولي يايمــه ....
زايد يمسك يدها ويبوسهـا بحب : من عيونــي ,,
أم زايد : فديتك ,, الله لا يخليني منك ولا يحرمني شوفتك .... يبـه زايد أنـا بالليل راح أرجع البيـت .. تعال خذنـي
زايد : أن شالله .. أنـا كنت رايح البيـت بس جيت أسلم عليج وأطمن قلبي .. واللحيـن سيده بروح البيت أسبح وابدل وأرتااح
أم زايد : نوم العوافي .. كلمني اول ماتوصل البييت
زايد : أن شالله ,, تامريني بشي ..
أم زايد : سلامتك يبــه ,, حط بالك على روحك ... ولا تستعيل يبـه سوق على مهلك .....
زايد : أن شالله " باس راسهـا وقال " يلا مع السلامة
أم زايد : الله يحفظك ...

طلع زااييد وعيون ام زايد توصله للبــاب ,, وحتى عيون امنــه اللي أستغلت أنه رايح ومعطيهـا ظهـرهـا ولحقته بعيونهـا
لحد ماطلع وهي مازالت تطالع البــاب
أم زايد بغشمره خفيف ماتخفي الحزن : عيووونج لا تطلع !
أمنه ألتفتت على عمتهـا وقالت بأحراج : لا .. بس كنــت ..!!
أم زايد تطبطب على فخذها بحنان بعد ماقاطعتهـا : لا تبرريـن ... كل شي بايـن بعيونج !!
أرتبكت أمنه وأشاحت بويهـا لبعيد بعد ماشب باللون الأحمـــر ,,
.
.
بينما زايد طلع وسلم على خاله ويدهـ وهو طالع بعد ماتعذر بأنه تعبان وبيروح يريح
طلع من بيتهم وسيــدهـ على بيتــه ,,,
مسافـة الطريج ألا هو يصف سيارته دااخل البيــت وينزل منهـا متضايق .... دش دااخل وأول مادش البيــت حس بشوق لأبوهـ
اللي آمس بس كان مالي البيـــت .. !! .. أمس بس كان يــحـس أنه الدنـيـا ضحـكـت لــه
نزلت دمعـة على خدهـ وهذا حاله كل ماأختلى بنفســه دموعه تذرف لا شعورياً
تسند على باب الصاله وهو يطق مأخرة راسـه فيــه بقهــر بعد ماغمض عيـنــه بقـوهـ بقــهـــــر أقوي
نزل تدريجياً لحد ماقعد ع الأرض .... هو يصيح .....
رجع بذاكرته لسنيـن ورى ,, لما كان مايمر عليـه يوم ألا وهو يضحك من قلبــــــه
أيــام كانت أحلى آيـام عمرهـ ..... كان من يفتح عيونه سيــــده يروح لدار أمه وأبوهـ ويندعس بينهم علشان يقومون
أمـه كانت تعطيـه ظهرهـا وتكمل رقــاد بينما بو زايد بعد مايتقلب شوي يقوم يقعد وهو يثـاوب ويشيل معاهـ زايد على ظهــرهـ وهو متجه للحمام يغسل ويهـا وأسنانه و زايد على ظهره يناقز ويضحك ومتعلق بأبوهـ بأقوى ماعندهـ ,,,, ويطلق ضحـكـات بريئه عفويـه طـالعـه من قلبــه ,,,

هز راسـه بقوه ينفض عقلـه من هالأفكار اللي راح تزيدهـ هم وغرز أصابع يدهـ بين خصلات شعرهـ
قام وقف على حيله وهو يمسح بظهر يده دمـوعه بطريقة سريعــه وأتجــه صوب الدري ركب بسرعه وهو رايح فوق ...
لحد مالقى نفسـه واقف جدام باب غرفة أمه ...
فتح البـاب ودخل .. وعانقت عينه المكان اللي كان أبوهـ قاعد يصلي فيـه آمس .....
يحسـه موجود وحولـه بعد ... للحيـن يحس بيــده وهو يحطهـا على كتفـــه ,,,, آبتســامته للحيـن راسخه ببالـــه مب قادر يتقبل أنه مات وهو حتى ماقعد معاهـ ألا كم ساعه !!
تعب من كثر مايتظاهـر بالقـوهـ وهو من داخلـه ضعييييييف ....
تراجع خطوات وسكر باب الغرفـه وراح لغرفتــه الكئيبــه ... بكل شي كئيبــه وبكل طوفـه من جدران هالغرفـه مرتسمه الكئابـه ببراعه عليــه
رغم أنه ديكورهـا حلــو ومب كئييب ,,, لكــن نفسيـة زايد التعبانه هي اللي غالبـه عليــها
قرب صوب الكرسي اللي بغرفـتــه وأنسدح عليــه بعد ماغطـى ويهـا بالمـخــده الخاصـه بالكرسي وأطلق تنهيييدة طوييييلـــــه ....


.
.

كان قاعــد وعينه ع الجوال وأبتـســامه غامضـه مرتسمـه على شفاته بمهـارهـ ,,,
وبـالـه ســارح بعييد .... لحد مادخلـت عليـــه وهي تقول : يلا حبيبي الغــدى ...
طالعـها وأنمحـت الأبتسامه لما شاف شكلهـا المبهـدل وريحـة الطباخ المنبعثـه من ثيابهـا ... وهو رافع واحد من حواجبـه قال : شـبـعـان ..!!
أبتسمت له ببلاهه وحب وقالت : ماشفتك كلت شي من الصبح ؟
ألتفت عليها بجسمه كامل وهو مازال قاعد ع الكرسي : بذمتج .. بجابلج ع السفرهـ وأنتي بهلـ منظر !!!
أنحرجت وتفشلت وتضايقت بعد .. أبعدت خصله مموجه ومتجعـده عن ويهـا اللي صاير حمــر من حرارة المطبخ وقالت : حبيبي مالحقت أسبح وأبــدل .. أول ماخلص الغــدى جيتك .....
قال بدون نفس : مابي غدى ,, تغدي أنتي وعيالج ....
أندهشت من ردهـ .. لهدرجه شكلها يسد النفس .. ؟ قالت : شدعوهـ رااشد !! مب لهدرجة ,,,
راشد يستعدل بقعدته وهو معطيـها ظهرهـا ومتجاهل كلامها : سكري البــاب وراج ,,,أبي أنـــام
قربت صوبـه بخطوات بطيئـه وقالت ببتسامـه : رشوودي حبيبي ..... " جات بتحط يدهـا على كتفــه "
لكنهـا أنصعقـت لما صرخ عليها وهو يقول : لا تـجيـسيـنـي " تلمسيني " ...
كردة فعل طبيعيه أبعدت يدها أول ماصرخ عليهـا ,,, بخوف ..
راشد طالعها من فوق لتحت وهو يقول : لا تسبحتي وفجـت عنج هالريحـــه ذيج الساعه يصير خيــر ...
هـيـا " زوجته " : راشد شفيك عليي ,,,؟
راشد : مافيني شي ,, بس ودي مرهـ بس أجووفج جايتني متعطرهـ ومتكشـخه .. مب شعرج كشــه وريحتج عفنـه ..... صرت أأكررررهـ حزت الغدى والعشـا والسبـه النتايج اللي راح تـتـرتب عليهـا ....
هـيـا حست روحها أنجرحت من كلامه : يعني تبيني اوقف بالمطبخ ماسكه غرشـة عطر وأتعطر كل شوي علشان لا تلزق فيني ريحة الطبااخ ,,,,
راشد : ماقلت جذي.... ع الأقل أول ماتطلعيـن من هالغبرر ,, تروحين سيده الحمام تسبحيـن وتعدليـن شعرج .... وبعديـن تجيـن تتقصعيـن لي علشان أجي أتغــدى ,,,!!! مب جايتني بهلـ منظررررر .... سديتـــي نفسي قــــرن جدااااااام
هـيـا غرقت عيونهـا بالدموع من كلامه وقالت بحزن : أكيييد مكلم وحدهـ من رفيجاااتك !! من جذي شايش علي
راشد : والله ؟ وتغااريـن بعد .... حبيبتي ماأنلام لا طالعت برررى ,,, من هالمناظر الحلوهـ اللي أشوفهـا داااخل ..... شوفي أذا ودج ماأأأطالع غيرج ..؟؟ غيري عمرج ..... خليني مرهـ أأشووووفج وأأأنذهـــــــــل مب أشوفج وأكتئب !!" بأنفعال قال " كل يوم نفس الشيفــه ونفس الريييحـــه ونفس الشكــل اللي يقطع شكلـ......" سكت وتعوذ من أبليس وقال وهو قايم متجه لباب الغرفـه " ..... المهم المهم ... آنـا طالع ....وأأكييد ماتامرين ألا على كيلو طمام وبصل وثووووم ,,,,, كالعادة سلام
ترك لهـا الغرفة وهو طالع ويتحلطم على الريحة الحلوهـ اللي حاشرهـ البيــت
راشد بينه وبيـن نفسه : كم مرررررهـ قايل لهـا تسكر باب المبطخ لا جات تطبببخ آآوووووووووووفــ .... ماادري ليش ماتتعلم شووي من وضــحــى !
مر الصاله لقـى عياله " ولد وبنت توأم " قاعديــن يطالعون التلفزيون ,, بأندماج ...
مامر عليهم علشان لا يتعلقون فيـه وغصب يبون يطلعون معـاهـ ,, وسيــدهـ طلع من البيــــت

بينما فوق بالغرفـه
كانت تمسح دموعهـا بظــهــر يدهـا ... دايماً يجرحهـا بكلامه اللي مايثمنـه .. ماعندهـا وقت تتكشخ ..... ياتطبخ أو مجابله التوأم اللي أشطن منهم مافي
وهو مايجي البيت ألا بوقت ماتكون معفوسـه ومدمورهـ بعد ,,,
وقفت جدام المنظرهـ تشوف نفسهــا ... كرهت نفسهـا من كثر مايقول لهـا أنهـا شييفــه ....
مع أنهـا مب شيفه على قولته ,,, هي حلوهـ ... وتينن بعد ... بس أهمالها بمظهـرهـا طلعهـا بهلـ منظر,, وله شلون خذاهـا راشد ألا بعد ماجـن عليهـا اول ماشافهـا
بس من بعد ماحملت بالتوأم اللي عذبوهـا وهم ببطنهـا لحد ماطلعوا كسبـت وزن زاايــد ,,, بس هالوزن الزايد زاادهـا جمااااال رغم أهمالهـا بنفسهـا لدرجة فضييعه
نزلت نظرهـا تشوف جسمهـا اللي كان مليـــان ,,, كانت دبدوبــه ,,, بس مب ذاك المتـن اللي مايخليهـا تتحرك شبر !
نفخت تحاول تخفف عن نفسهـا وطلعت من الغرفـه وهي تسكر الباب وراهـا نزلت الدري وسيدهـ لعيالهـا شافتهـم على حطتهم مجابليـن التلفزيون
قالت ببتسامه تحاول تخفي الجرح اللي بقلبهـا : يلا مااما ,, ماتبون غـــدى ....؟
ألتفتوا لهـا وجوا بسرعه وهم يركضون وسيــدهـ راحوا معاهـا غرفة الطعام يتغــدونـ
كلــت معاهــم ,, بس كلــت بدون نفس .......!

عند راشد اللي ركب سيـارته
وأبتـــدى يلفـ فيهـا بدون هـــدف ... حاس روحه كارهـ عمرهـ .. هي صحيح عجبتهـ أول ماخذاهـا بس مع الأيام حس روحه قام مايطيقهـا خاصـه لما قام مايشوفهـا تهتم بشكلهـا ودايماً مبهدلــه
فرق بيــن وضحى وبينهـا ,,,,,
أول ماطرت وضحى من يديد على باله قال : شجاب وضحى لهـا .. ذيج ام الزيـــن أم الحلا .. ام الأتكيت والتعدل والتزيييــن ,,, أما هالبطه اللي عندي أأأم الجكرررررر والعفن ,,,,
ياليتج بس ياوضحى تعطينهـا شويت دروس من عندج ...... فالحه لي بس حبيبي وحبيبي .. ياأخي حبج بررررص !أنتي والقرف اللي عايشـه فيــه ...
طلع جواله ودق على اول رقم عندهـ وطلع واحد من ربعه اللي صار له شهـر ماشافـه بعد السلامات عزمـه على الغـدى برى وآآكييد ماراح يرفض
سكر وأتجـه لمكان الغـدى ع الأقل هناك بيشوف ويـوهـ سنعه تفتح النفـــس !!

.
.
الـســـاعه 8 بالليـــل

في مكان ثاني وبعـيـد عن المناطق السكنيـه المعروفـه
كان مغمور وصعب الوصول لــه بسهولـه

كان يترجـاهـ وهو يتألم وحاظن نفسه من الألم : تكـــفـــىىىى ,,, والله ماأأقـــدر أأأصببببر ..... ماأقدر أنطــر يوميييييـــن بمووووووووت
بينما هو يرد عليـه بكل برود أعصاب : قلت لك ماعندي ,, اللي عندي كله خلصص .... وتاجرنا راااح يطررش لنــا عقب يوميـــن .. يعني أأصببررر
مسكه من ثيااابـه بقوهـ وصرخ فيــه وهو يهزهـ بقوهـ وقال : أأقوووووولك ماأأقدررررررر ,,,,
بحركـه سريعه منــه مسـكــه وسدحه بالأرض وصار هو فوقـه ماسكـه من ثيابه : شووووف .. صوتك ماتعليييـه علي ...... وهالحركه آيااكـ تسويهـا مرهـ ثاانيـــه لآ أخليك تموت صج !!
قام يصيح لا شعورياً : أأبوووس ريلك عطــني شي يهدي هالألم ,,, بــمــوووووت والله العظيييم بموووت ماأأقدر أأأستحملل أأكثررررر ... مستعــد أسوي أي شي .. أي شي تطلبـه مني .... بس عطـنـي شي يهدي الألم طلبتتتتتكـ
قام وقف وأبتعد عنه وهو يقول : ياأخي قلنالك ماافي بــح خلاص خلص .... تعالي بعد يوميـن وأأعطييك كمية تكفيك قرن
قعد على حيله وهو مازال على الأرض ويصيح بألم : أقولك ماأقدر أصبر دقيقه ,, شلون بصبر يوميـن
نزل لمستواهـ وقال بصوت هادي : هذا اللي عندي ,, تعال بعد يوميـن .. وأذا كلش كلش منت قااادر ... ياعمي رووح انتحــر أبـــركـ لك ع الأقل ترتاح وتريحني معااك
بصوت واطي وهادي وكأنه يفكر باللي قالـه قال : أنتـحــر !! " رفع نظرهـ وبانت عيونه الحمــر من الألم والصياح وقلة النوم وقال " آآيــه أنتـحــر !! ..أنتحــر !!....
قام وقف وأبتعد عنه وهو ماسك ذراعه اليسار بيدهـ اليميـن وتـم يمشي لحد ماطلع من هالبيت الصغير وأبتعد عنه,, وتعــدي بيوت مكسرهـ وأشكالهـا تبعث الرعب بالنفس
لحد ماوصل لعند سيارته شافهـا بنظرهـ غريبه ومازالت كلمة " أنتحر " تتردد بـبـاله ... طلع ع الشارع الرئيسي بدون لا يلتفت لا يميـن ولا يســـــآآآآآر
وبلمــح البــصـــر ....... كــان مستلقي جثــه هامــدهـ بنص الطــريــــج في بركــة دمــه وحولــه ريايل شكثرر
وصاحب السياره اللي دعمـه قاعد يحلف ويقسم أنــه طلــع بويهـا بدون سابق أنــذار !!

.
.
.

كـانـت الغرفـه ظلام داامس أبداً ماينشاف فيهـأ ولا شي
تحـرك شوي حس بألم برقبتــه فتح عيـنـه ببطئ وتحسس رقبتــه وهو يقعد على حيله .. مرر نظرهـ بالمكان حولـه ماقدر يشوف شي اللهم يلمح خيال الأثاث اللي بالمكان
أستوعب أنــه غفـى على الكــرسي !! وشكلـه كان من جد يبي يرتــاح
قام من الكرسي وأتجه صوب الليـت شغلـه وأنتشــر النور بكل أركاان الغرفـه بلمح البصر تثاوب بخمول بعد ماشاف ساعـة يدهـ اللي تشيـر لـ 11 بالليــل
تذكر أمــه : يووهـ !!! رااحت علي نوومــه
قام دش الحمام وأنتوا بكرامة ونثر على ويها شويـت ماي علشان يصحصح ولما نشّـف ويهـا
طلـع من الغرفه بخطوات بطيئه وهو متجهه لدري ... وصــل للصاله وتوهـ بيروح صوب باب الصاله ألا يلمح خيــال مرهـ قاعدهـ على أحدى الكراسي ومعطـتـه ظهرهـا
دقق فيهـا وقال بصوت فيه لمحة شك : يــمـــه !!
ألتفتت عليـه بعد ماخرعهـا وقالت وهي تتنهد بأرتياح : زايـــد ....
زايد بتسأل : من جــابج ؟
أم زايد : خالـك وصلني ورااح ....
زايد : وليش ماأتصلتي لي ؟؟ كنت راح أأجيج
أم زايد : أتصلت لك مارديييـت علي ... خليـت خالك يقطني على طريجــه ..
زايد وهو يرمي روحه بالكرسي المجاور لأمه ويقول بكسل وهو يتثاوب بالخفيف: سوري يمــه ,, بس رااحت علي نومــه ..
أم زاايد بشبح أبتسامــه : ماعلييك ..,.. أول ماجيت .. رحت غرفتك طليت عليك لقيتك نايم ... كنت بقعدك علشان تنام على سريرك بس شكلك كنت ميت تعب ماحبيت أزعجك
زايد يلتفت على أمه ويقول بتسأل : تعشيتي ؟
أم زايد تتنهد بحزن : ومن لـه نفس ياكل ,,
زايد قام وقف وقال ببتسامه يتصنعها ببراعه : قومي بعشيج بمطعم ,,
أم زايد : يمــه زاايد مالي نــفـــس ... شايف حالتي تسمح أتعشى بمطـعــم وغيره ؟
زايد يرفع واحد من حواجبه ويقول : تبيـن تزعليني منج ؟
أم زايد بغصه : يازايد والله ماأبي أكــل .. خلاص خلني برووحي لا تعور راسي..... " تقوم توقف وهي تشيل عبايتهـا اللي من وصلت وهي حاطتهـا احذاهـا وتقول " أنـا بروح أريح شوي ,, أذا بتطلع تتعشى برى عطني خبر
زايد تراجع خطوهـ علشان تمر وهو يقول لأمه اللي وصلت لدري : ترى مب بس أنتي اللي أفتقدتيـه ,,
أم زايد بدون ماتطالعه قالت : آدري !
ركبت الدري وراحت فوق لدارهـا دخلتهـا سكرت الباب وراهـأ وهي تقفلـه ,, وحذفت عبايتهـا على الكرسي
قعدت على طرف السرير وعينهـا على الجهه اليـمــنــى ... مــدت يدهـا تتحسس المكـان اللي كان نايم فيـه أمس بو زايد
مـررت يدهـا برفق على الفراش لحد ماأقتربت من المـخـدهـ ... أنفجرت بالبــكــاء من أول ويــديد ....لمـجـرد أنهـ أحساسها بالشوق لـه رجع يطرق باب قلبهـا بكل همجيـه

بينما تحت بالصاله كان واقف للحيـن بمكانه ألقـى نظره لـ الدري وراح صوبه ركبـه وهو متجه لغرفـه أمــه ,,
مب بكيفهـا ماتتعــشى ,, بتتعشى يعني بتتعشى حتى لو أضطـر يطلعهـا من الغرفه بالغصب ... يدري أنهـا لو تـختـلي بنفسهـا بالغرفــه راح تكمل صيااح
وهو عاش طول عمرهـ يداري دموعهـا ولا راح يرضـى يشوف دمــعه وحدهـ تنزل وتحرق خدودهـــا
وصل لباب غرفتهـا طق الباب وهو متسند عليـه وملزق راسـه ع البـاب : يــمــــه !
ماجالـه رد
تنهد ورجع طق البـاب : يــمــه ,,
بعد ماجاله رد ..
حاول يفتح الباب لقاهـ مقفول رجع طق الباب وقال : ترى أذا مافتحتي عااادي أأكسسسررهـ ...
بعد أقل من دقيقه سمع صوت المفتاح وهي تفتح البـاب وقالت وويها أحمر : ترااك أذيتني ... أأبي أرتــاااح لي شووووي
زايد يمسح دموعهـا بطرف سبابته : والنــاس ترتاح جذي ؟؟
أم زايد أبعدت يده برفق وقالت : أنت شتبي جايني اللحيــن ؟
زايد يحط يده على بطنه : يوعان ,, ومو ماكل شي من الصبببح .. حدي كووب نسكافيـــه بالجامعــه .... شلون أنام وبطني خالي
أم زايد طالعته بنص عيـن وقالت : عندك المطبخ روح سو لك روتي وجبــن .. يعني جات ع اليوم !!!
زايد يسوي روحه مسكين : آفــااا !
أم زايد وهي ترجع تدش الغرفه وناويـه تسكر الباب : يلا يايمـه روح أبي أأنــااام ...
زايد يحط طرف ريله دااخل علشان ماتقدر تسكر الباب ويقول : يوعــــــآن
أم زايد تنفخ : زااااايد بلا حركات يهـــاال ,,, روح المطبخ سو لك شي تاكلــه
زايد يتكتف : مو متعود أدش المطبخ وأنتي قاعــده .... " يرفع كتفه ويرجع ينزله وهو يقول بثقه " مشكلتج دللتيني
أم زايد بجديه : زااااايـــــــد !
زايد يقلد أسلوبهـا : يمــــــــــــه !!
أم زايد تفتح الباب وتطلع من الغرفه متجهه لدري : صج صج صج سنداااااارهـ ,, مادري على من طاااالـــع ....
زايد بنشوة أنتصار قال وهو يلحقها : على آمي حبيبتي ,,, وكل دنيتي
ماردت عليـه ودشـت المـطبــخ طلعـت الغوري وغسلته
جالهـا زايد من وراهـا وحظنـه بحب ولمحة حزن يخفيهـا وقـال : ماأبي أأحس مجرد أحساس أنج تصيحيـــن ,,, ممكن !
أم زايد بـــنــدت المـاي بعد ماترسـت الغوري وقالت وهي تلف عليـه : ماكنـت أصييح ...
زايد : أأعرفج أكثر من نفســج ,,
أم زايد تروح تشغل الفرن علشان يسخن المــاي : ماأشتقت له ؟
زايد يتنهد : كلـنا بنمـوت .. مـحــد بيدوووم
أم زايد تشـاركه التنهد : صاج ....
عم الهــدوء بالمكــان ... أم زايد تسوي الجاي وزايد واقف يراقبهـا
بعدهـا قال : للحيـن مصرهـ ...
أم زايد وهي تطالعه : على شنو ؟
زايد : نتعـشـى بمطــعم ....
أم زايد : أأيـه مصرهـ ,, وبعديـن الوقت متأخررر شووف ساعتك كمم ..
زايد يطالعه ساعته وبلا مبالاه قال : 11 !!
أم زايد : ويـن نطلع هالحزهـ الله يهداااك !!
زايد : عااادي شفيهـا ,, ولد وامه طالعيـن يتعشون أرتكبنا جرييمــه ...
أم زايد : شتبي الناس يقولون عنـي ,, ريلها توهـ متوفي وهي طالعه تتعـشـى بمـطــعم !!
زايد : خل يقولون اللي يقولونه ... شعلينا منـهم
أم زايد مازالت عند كلامها : لا يايمـه ,, أنــا بالعــده ومايصير أطللع أصلا ...
زايد يأس لما تذكر أنها بالعده وقال : زييـن أطلع أأجيب عشى من مطـعــم ...
أم زايد : وهاللي قاعدهـ أسويييــه ؟ من بياكله !!
زايد يبوس راسها : آآنــا باكله ماعليج ,, بس لا تكثرييـن بالسندويجات وااحد بس ...
أم زاايد تلحقه بنظرهـا وهي تقول بصوت مسموع : بس زآآ.......
قاطعهـا : بسرررررعه وراااجــع ....
طلـع من البيــت وركب السيـــاره حركهـا وهو متجــه لأقرب مـطـعـم ..
بينما أم زايد أطلقت زفير حااد .. دايماً اللي براســه يسويــه ....!! عنييد
,
,

Prt " 5"

.
.

بيت وضـحـى

كـانـت أتقـلب بالسرير منزعجــه من الـنـور اللي أخترق عليهـا رقــادهـا ,,, ومن الحركه اللي صايرهـ حولهـا فتحت عينهـا ببطئ لقـت الخدامه تدور فيهـا تنظفهـا
رفعت نفسها شوي وصرخت فيها بمزاج متعكر : مــآآآيـــآآآ !! شمدخلج الغرفـه
أنقزت الخدامه من الخرعه وقالت بخوف : سووي تنظيف يور روم مداام ؟
وضحى بنفس نبرة الصوت والغضب : ومن سمح لج تدشيـن الغرفه أساساً !! يلا برررى أشووووووفـ ؟
هزت راسهـا بطاعه وطلعت على طول من الغرفه اللي تحسفت أنهـا دخلتهـا من الاساس ...
وضحى ترمي روحها من يديد ع المخده : آووووووف ! خربت علي رقااادي .. " تصارخ " مب كفاااااايه مب راااقدهـ أأأمس عــــدل !!!! حتى رقادي ماأتهني فييـه ..
سحبت اللحاف وغطت فيها ويها كلــه ,,,, سمعت صوت رنة جوالها المميزهـ تخترق عليها هدوء الجو وعرفت المتصل من الرنه : ماااالـــي خللقك !
طول وهو يرن ,,, وهي تتقلب تحاول ترقد من يديد لكنهـا انزعجت ,,, مدت يدهـا وردت ع الجوال : آآلووو !!!!!
راشد : ياصباح الخير على ويـه الخيييير ,,, يافديت راعيــة أحلى صوت وأحلى ألوو
وضحى تنفخ من قلبها : آآآااااااف.... هــلا راشد ...! تبي شي
راشد : شدعوه !!
وضحى : رااقدهـ ومالي مزااج شي ,, كاارهـه عمري من أأمسسس أذا ماعندك سالفه ومتصل تغاازل كالعادهـ بسكررر
راشد: اللحيـن أنـا متضايق ومتصل لج أفضفض تكلميني بهلـ الأسلوب ! زيــن باااي وأأأسفيين ع الأزعااج .....
وضحى بسرعه : رااشد رااااشد !
راشد يسوي روحه زعلان : نـعـم ؟
وضحى تقوم تقعد وترجع شعرهـأ القصير لورى وتقول بصوتهـا الأنثوي : سووري ... بس والله أحس روحي متضاايقه وكارهه عمري مــن آمس !!!!
راشد : عيل أنـا شقول ,, من أمس وهذي رقدتي بالـصــالـه ..... صكني شد عضلي من الزييـن بظهـري من الرقدهـ المريحه هني !!
وضحى بغرابه : وشحقه ؟
راشد : متهـاوش مع هـيــا ,, شلت عمري ورقدت بالصاله بكرامتي ...
وضحى : وأنـت كل يوميـن ثلاث لآزم تتهاوش معاهـا ,,
راشد بأنفعال : بذمتج مجااابل لي وحدهـ تنــافس أأجكررر مخلوقات الأرض ,,, شتبيني أسوووي !
وضحى : تراك تبالغ ,,,,
راشد : ماأبالغ ,,, وحتى لو قلنا هي حلوهـ ... زيــن أبي أشوف هالشي ! كفرررت ؟؟ طلبت الشمس بعز الظهــر !!!! من حقي أني أشوف مرتي وهي حلووهـ وأأبتسم لا شعورياً من أطل بويهـا ,,,, مب أتنكد من أشوفهـا
وضحى تتنــهد : تربيـة العيــال مب هينــه ... وعليهـا بيـت شكبرهـ تنظفـه بروحهــا ,,وهذا غير الأكل اللي تسويـه لكم ريوق وغدى وعشا ,, وغسييل وشغل بيـت مايخلص ,,, شلون تبيهـا تتفرغ وتتسنع لك
راشد : حتى ولو ,,, كل وحده تبي تتزوج لازم تعرف شلون تنظم وقتهـا ,, مب توهق ولد الناس معاهـا ,,,,
وضحى : أنت ريلهـا ولازم تقدر هالشي ,, وأأكييد هيا مب لهدرجه مهمله بنفسهــا !! بس أنــت عيونك زااايغه
راشد ببتسامه عريضه ولمحة خبث : واايد !! .. زييـن ماعلينـا ,, شفييج أنتي متضايقه ونفسج بخشمج من أمس ,,,
وضحى : تصدق .. محد مهتم لي بالبيـت .... أمس نجحـت وخذت النتيجـه قالوا لي مبروك أبرد منهـا مافيــه وأبوي هزئني وسكر الخط بويهـي ,,, " بضييق " حتى من ونـاستي قلت للخدامه ردت علي بأسلوب يعور القلب
راشد : أسم الله على قلبج يابعد قلبي أنتي ,, ماعاش اللي يتجرأ ويعورهـ ,,,, بعديـن هذي أمج وهذا أبوج تعرفينهم عدل أنتي .. شكنتي متوقعه منهم ؟ ياخذونج بالأاحضان ويسون لج أكبر حفلة تخرج بالدنيا .... ياوضحى أصحي هالأشياء ماراح تصيير
وضحى بأنفعال : وليييش ماتصيير ؟ مب بنتهم أنــا ! مب أكبر عيالهم .. دامهم راح يلهون عني جذي ... ليش جابوني وجابوا أخواني من الأساس !!! علشان يخلونا نربي نفسنا بنفسنــا ؟؟؟ " تزفر بقوهـ " رشود سكر هالموضوع !
راشد : ولا يهمج راح أسكرهـ ,, شرايج أمرج ونطـلع نـتـريق بمطـعــم
وضحى على طول قالت : لآ ؟ آنـســــىى ,,,,,
راشد : زيـن ليش ؟ أهلج ماعندهم مانــع ...
وضحى : أدري أنه ماعندهم مانع ,,, بس سالفة أني أطلع معاك شيلهـا من بالك ...
راشد : شكلج عادتني غررريب .... تراني أقرب من أهلج لج ..
وضحى : عـبـالك نسيـت حركت ذاك اليـوم .... وهقتني مع مرتك وخليت صورتي بعينها تهتز
راشد : بطقاق ! اللي يسمعج يقول أهتمت ....
وضحى بتسأل : أنت ليش جذي ؟
راشد : لا تطولينهـا وهي قصيرهـ .. بمرج اللحيــن .... وغصباً ورى خشمج بتطلعيـن .. سامعه ؟ بااااااي

سكر التلفون بدون ماينطر ردهـا ..
وضحى تشوف جوالها بستغراب : يـه ! شفييـه هذا .. على كيييفــه ؟؟
رجعت أتصلت عليــه تبي تقول له أنـها ماراح تطلع معاهـ ,,, بس سكرهـ بويهـا .... : أفففففففف منك ؟؟ غصب هو غصب .. ناقصتك أنا بعد
أزاحت اللحاف عنهـا وتوجهـت للـحـمـام ... نثرت رذاذ الماي على ويهـا الـنعــسـان والممتزج بضيقه مالها شكل تحاول تزيلهم عن ملامحها الـنـاعمـه وبعدهـا فرشة أسنانهـا
وطلعت على طول خذت لها ثـيــاب ورجعت الحمام علشان تـسبــح غـسـلـت شعـرهـا بالمرهـ علشان تخف ضيقتها شوي ,,, ولما خلصـت طلـعـت ولبـسـت ثـيـابهـا ... اللي عبـاره عن تنوره وبلوزهـ بنـص كم
وأبـتــدت تنشف شعرها بالأستشوار .......

ولما خلصـت تزيـن من صباح الله خير
طلعت من جـنـاحهـا كلـه ونـزلـت تحت الـصـالـه .. لقـت أمها تتكلم بالتلفون وتضحك من قلبهـا ..
مامرت عليها ولا حتى سلمت .. لأنهـا متعـوده لما تقوم الصبح ماتسلم لا على أمها ولا على أبوهـا ألا نــادر حتى لو جافتهم قاعديـن بالصاله !!
دشـت المـطـبخ لقـت مايا تغسل الصحون ,, تنرفزت منهـا لأنهـا كل ماتتذكر موقف أمس معاهـا تنقهـر ...
فتحت الـثـلاجـه تـدور لهـا شي تاكله
ألا مايا ببتسامه : مدام ,, تبيـن يسوي حق أنـتي فـطور !!
وضحى بنفس خايسه بدون ماتطالعها : ماأبي شي ...!
مايا بستفسار : شاي حليب ؟
وضحى طالعتهـا بنظرات شريه وبصوت غاضب قالت : ماأبي شي يـــه !
مايا أستغربت مزاجها المتعكر اليوم قالت بصوت واطي : آوكي !؟
وضحى رجعت نظرهـا للثلاجه وطلعت منها تفاحه وسكرتها بقوهـ ,,, راحت غسلت التفاحه وطلعت من المطبخ وهي تاكل
كــانـت بتــروح الـصـاله الثـانـيه تقـعـد فيهـا لكن صوت امها اللي نادتهـا خلتها ترجع الصاله الرئيسيه غصب : هـلا يمه ..
أم وضحى بعد ماحطت السماعه دلالـه على أنهـاءهـا للمحادثه : تـعـالي بقولج ...
أقتربت وضحى منهـا وقعدت ع كرسي بعيد شوي عنهـا : قولي ..
أم وضحى بفرحه خفيفه : كلمني أبوج أمس وقال أنــه اليـوم بيخلص كل شغله وبنسـافر بااجر على ماليـزيــا ,,
وضحى بلا مبالاه : زيـن ؟؟؟؟
أم وضحى : مب مستانســه ؟؟ أحنا من رحنا ماليزيا أخر مرهـ وأنتي تحنيـن تبي تروحيـنهـا من يديد
وضحى كلت شوي من التفاحه وقالت : هذا قبل ,,,
ام وضحى : يعني شنو ؟؟
وضحى : يعني ماأبي أروح ,, بقـعـد بالدوحه ...
أم وضحى : وأتميـن بروحج ؟؟ أخوانج كلهم بيروحون ....
وضحى : الله يخلي مايا ومحمود ...
أم وضحى : مايا بتجي معانا ,, ومحمود بوديـه بيــت خالج ماأقدر أخليـه بالبيــت بروحه مــده طويلـه ...
وضحى : وليش تاخذينهم ,, أنـا بقعد خل يقعدون معاي
أم وضحى : لا يايمه مااقدر هنااك بيسندروني أخوانج وماأقدر عليهم بروحي ملزومه أجيب مايا معاااي ,, ودامج بتقعديـن هني مايصير أخلي محمود معاااج ,,,, الشيطان شاطر
وضحى : يكون بعلمج محمود حريص علي ويخاف علي أأكثرر من ابوي نفســه ,,, وبعــديـن تراهـ رياااال كبيييررر مب مرااهق ولــه بزر
أم وضحى : ولو يمــه ,, أدري أنه محمود ريال والنعم فيــه ومعانا من خذيت أبوج وأنتي كبر بنتـه اللي تاركهـا ببلادهـ وجاي هـنـي يترزق الله ,,, بس بعد أنــا أخاااف علييج يايمــه ماأقدر اخليج بالبيت بروحج معـاهـ
وضحى تنافخ : أفففف يعني شنو ,, روحه ماأبي أروووح هالسنه مالي خلق أسافـــر
أم وضحى : عيل بكلم خالتج تقعديـن عندهـا ,,,
وضحى : لا تكلمينهـا ولا شي بقعـد هني .....
أم وضحى : برووحــج ؟؟؟
وضحى : ايــه بروحي ,, تراني كبيرهـ يمـه مب ياهـل ... وماله داعي تحاتيني هالكثرر .. تعرفيني أقدر أدبر نفسي بنفسي ....
أم وضحى : بــس ... أبوج مابيرضـى
وضحى : تقدريـن تقنعينـه ,,,
أم وضحى : زيـن ليش ماتبيــن تسافريـن معانا ؟؟
وضحى : لأنه مالي خلق شي ,, ومب طايقه روحي بعــد ... أنتوا روحوا ونسوا أعماركم وبترجعون تلاقوني على حطت يدكم لا تشغلون بالكم فيني
أم وضحى بتسأل : أنـتي شفيج بالضبط ؟ من أمــس وأنتي معتفســه ... حد مضايقج
وضحى طالعتهـا وقالت بنفسهـا " زيـن والله سألت " : لا .. بس جذي مزاجي متعكــر .....
أم وضحى : زيـن طلعي شمي هوى ,, ولـه مري على رفيجتج أو خل تجيلج
وضحى بقلبهـا " أأأيه ماتبيـن تقوليـن أنــا بقـعد معااج وأأسليييج !! وراااج طلعات ؟؟ " : راشد قال بيمر علي اللحيــن ,,
أم وضحى : ولــد خالتج ؟
وضحى : ليش هو فيـه غيرهـ !!!!
أم وضحى : زييــن عـيـــل .... تغـيـرين جو شوي
وضحى رفعت وحدة من حواجبها وقالت وهي توقف : لا وصل نادونـــي ....
تــركـت الـصــاله وهي تغلي داخلهـا من الـقهـر والـهــم ....
أتجهـت لجناحهـا وسيــده صوب غرفتهـا دشتهـا وسكرت الباب بقوهـ وراهـا ,,,,
فتحت الكـبـت تدور شي تكشخ بــه .... مب علشان راشد ! ولا علشان النــاس !! بس علشااانهـأ متعودهـ ماتطلع من البيت ألا وهي بكامل أناقتهـا ,,
رغم أنه شكلهـا بالبيـت يعتبر أناقه بحد ذاته !! ...
بعد ماأختارت ثـيـابهـا اللي بتلبسهـا وبـدلـت وقفـت جدام المنـظـرهـ تمشط شعرهـا القصير بملل ,,,, سمـعـت جوالهـا يرن
توقعت يكون راشد شالته بدون ماتشوف الرقم توهـا بتنطق ألا يجيلهـا صوت نـاعم : صبــااااحــووووو
وضحى أبتسمت لا شعورياً وحطت المشط ع التسريحه : هلا نوريي
نوره : شلوووون الحلوييـن
وضحى : بخيييير ,, شعندهـأ المستانســه ....
نوره بضحكه حلوهـ : عنبو حتى ع الوناسـه حاسدتنـي !!
وضحى من قلبها : يعل هالوناسه دوم مب يوووووم
نوره : ويااااج ,,,, ترى باجر خالتي وأمي متفقيـن يسون لنا حفلة بمناسبة تخرجنا أنا وسلوى ,, تجيــن !!
وضحى أنعصر قلبهـا وقالت بصوت تجاهد تخفي به حزنهـا : أذا كنت معزوومـه راح أجي وأذا مب معزومه مالي لزمه
نوره : ألا معزووومـه ونــص ,, مو الحفله حفلتي من حقي أعزم ربعي وأنتي أول المعزوميــن ,,
وضحى : فديييتج ,,,,, شكلهـأ الحفله بتكون ونــاســه
نوره بحماس : وااااااايــد ,, أهلنا كلهم بيجوون وربعي وبنات رفيجات أمي ورفيجات سلوى وبنات عماتهـا وبنات عماتي رغم أني مب كلوز معاهـم ,,, و واااايييد بنات....
وضحى : آها !!
نوره بستغراب : شفييج ؟؟ مب طبيعيه الييوووم
وضحى تبتسم : ولا شي ,, بس توني قايمـه .....
نوره : علييينـــا !!
وضحى : كييفج لا تصدقيييــن ,,,,
نوره بأهتمام : لا فيج شي ,,, صوتج مب صووت الدفشة وضووح,,,,
وضحى ضحكت بالخفيف مجامله وقالت : ترااج شكاكه ,, مافيني شي مستانسه والفرحه مب سايعتني واللحيـن بطلع أتريق بمطعم
نوره : باااااال !! من صباح الله خييير بتطلعييين
وضحى : شسوي رشوود أصر علي وماحبيت أحرجه
نوره : راشد ؟؟ وأن شالله بتطلعيـن معاهـ
وضحى : أقولج أصرر ,, وسكر الخط بويهـي شسوي بعد أخليـه يجي وينطق بالصاله !
نوره : بروحكم ؟؟
وضحى فهمت قصدهـا : يعتبرني اختـــه ,,,
نوره بحرهـ : أنـتي غبيـه ولـه تستغبييين ؟؟
وضحى : يووووه نورهـ لا تشتغلين لي نصايح ... أهلي راضيــن ولو مايثقون فيه مارضوا أني أطلع معاااهـ ؟؟؟ وبعديـن للمرهـ الألف أنـا متربيـه معااااااهـ
نوره : يالهبببللله مب عن رضوا أهلج وله مارضوواا ,, هو مب محرم للج يعني حرااااااااااااااااااام تطلعيـن معاهـ بروحج ثالثكم الشيطااان .. وأذا رضوا أهلج ترى ديـنــج مايرضـى ؟! .. وبعديـن أنتي أكثر وحدهـ تدريـن عن طبعه ,,, وآآنـه واااااحد جريئ لدرجة الوقاااحه ؟ ولـه نسيتي كلامج لي !
وضحى تسند يدها على حافة التسريحه بملل : خلصتي ! ,,
نوره : آنـتي ليش مب راضيه تسمعيني .... بتنـدميـن بعديــن
وضحى بأنفعال : شندم عليييه !!قولي لي شندم عليـه ,,,؟؟ ولد خالللللللللتي يانـآآس ,,, مب وااااحد غرريب من الشااااارررع ..... يعتبرني أخته ...ولا ومتزوج وعندهـ عيااال ..!! وبعديـن اللي ببالج راشد مايسويه ..... آنـا وحدهـ من أهله
نوره : فهلـ زمن الواحد يخاف ع الأخت من أخوهـا !!
وضحى تسكر هالموضوع : جوفي جوفي ,, ماأبي نصاايح ... أعرف شلـو.....
قاطعتهـا نوره تكمل جملتهـا المعروفه : شلووون احاافظ على روحي .... زيـن وبعديــن ؟
وضحى تتنهد : نورهـ ترى اللي فيني كافيني ,, بليز لا تزيديني !
نوره : زيـن قولي لي شفيييج يمكن أقدر أساعدج
وضحى : مافيني شي ,,, نوري حبيبتي أنـا بسكر اللحيــن ,, بخلص لبس وبـدق لج أول ماأرجع
نوره : للحيـن مصرررهـ !
وضحى : وليـن باجر باااي
نوره بأستسلام : باااي ,,
.
.

أطلقت زفير حاد بعد ماأنـهـت المكالمة وماهي ألا أقل من ساعه والخدامه داشه عليها تعلمهـا بأنه راشد ينطرهـا تحت ,,
لبسـت عبايتهـا ولفـت شيلتهـا ورشـة لهـا كم رشـة عطر ,, وطلـعـت من جناحـها بعد ماقفلته وألقت بالمفتاح داخل شنطتهـا علشان لا تدخل مايا الغرفـه
نزلت الدري بخطوات واثقـه ,, لـقـت أمهـا تسولف بالتلفون من يديد وتبشر امة محمد أنهـا بتسافر باجر ,, : يلا يمـه أنا رايحه
أم وضحى : الله معااج يمه ... " رجعت تكمل سوالف بالتلفون "
تركتهـا وطلعت من البيــت لـحــد باب السـيـاره المصفوفـه ورى سيارة الدريول وكان فيها راشــد اللي شكله يتكلم بالجوال ..
ماتدري ليش حسـت قلبهـا يرقص من الوناسـه لما شافته ......
فتحت الباب الأمامي وركبت وهي تقول : السلام عليكم ...
مارد عليهـا كان لاهي بالتلفون : آآآييييــه يبـه !! ههههههههههه فــديـتــك ... زيـن لا رجعت راح أوديك تشتري اللي تبييه ,,, أوكييـه .. آوكيه حبيبي ..... " ألقـى نظره سريعه على وضحى وقال " تبي تكلم عموهـ ..... آ.. آووكـي هـاااكـ
مد جواله لهـا .. بعد تردد خذت الجوال : ألو .. " أرتسمت أبتسامه خفيفه على محياها " بخييير الحمدالله ,,, أنت شلووونك وشلون جوري ؟؟ ....... ههههه.. زيين خلاص لا تعصب بجيكم بأقرب وقــت ,,! آوكي حبيبي .. هاك كلم بابا
رجعت عطت راشد جواله اللي لمس يدها بدون قصد لما اخذ جواله وكمل سوالف مع ولدهـ ,,,
نزلت يدها ليـن حظنـهـا وحاولت تلهي نفسهـا بأي شي ,, لـحـد ماحسـت بالسياره تحركت
راشد وهو يطالع الطريج وراهـ ومدد ذراعه كامله على الكرسي اللي قاعدهـ فيـه وضحى لـحـد ماطلع من البيـت وهو يقول : هـاا ,, ويـن تبيـن تتـريقيـن ؟
كانت مرتبكه من ذراعه المحطوطهـ وراهـا لكنهـا بيـنـت العكس : آي مكان ,, مب أنت طاق الصــدر تبي تريقني برى ,,؟؟ يلا ورنا ويـن بتـريق !
راشد بـبـتـسـامه جذابه وهو يطالعها : أخاف ذوقي مايعجبج ؟؟
وضحى طالعته ورفعت واحد من حواجبهـا بأستنكار !
راشد أطلق تنهيدهـ وهو يقول : ياحلوج !! ....
وضحى نزلت نظرهـا لحظنهـا ورجعت طالعت جدامها وقالت : هـيـا تــدري أنك بتطلع معاي ؟
راشد : عيالهـا بـيـقولون لـهــا ,,,
وضحى بتسأل : زيـن ماقلت لي ,, ليش متهاوش معاهـا ....!
راشد طالعهـا بتمعـن ورجع طالع جدامه : مـب شـغـلــج !
وضحى أنحرجت من قلب ... ولا علقـت
عم السـكــوت ع الـجــو مافي ألا صوت المذيع بالراديو يقرى مسجات ويحط بيـن كل مسج والثاني أغنيـه ,,,
لـحـد ماقـطـع عليـهم الجو وقـوف السيارهـ عند مـطـعــم فـخــم ,,
وضحى أنصدمت وألتفتت عليه : بنتريق هني ؟؟
راشد وهو يبنـد السياره : آيـه شبلاج منصدمه ؟
وضحى ترجع تطالع المطعم : بس.... بس هالمطعم غالي
راشد بأسلوب غزل : الغالي يرخص لك ياغالي ,,, " قال وهو يسحب المفتاح " خـلج مو تنزليــن ...
وضحى بتسأل : لييش ؟ ويـن بتروح ...
راشد مارد عليهـأ ونزل من السيـارهـ شافته يمر من جدام السيارهـ متجه صوب البـاب اللي صوبهـا وفـتــحــه وهو يقول : تفضلي
وضحى أبتسمت على خباله وقالت وهي تنزل : تستعبط أنت ؟
راشد يسكر الباب وراهـا : لا أستخف دمي .....

دشوا المـطـعــم وخذوا لهم طاولـه لشخصيـن مكـانهـا شاعري
قـعــدت وضحى بينما راشد أستأذن منهـا على أنه بيروح شوي وبيرجع ,,,
شافتـه واقف يكلم الجرسون ويأشر على الطاولـه اللي قاعديـن عليهـا ,, ويبتسم أبتسامه عريضـه ,, ويبادله الجرسون نفس الأبتسامه ..
وبعد دقايق رجع وقعد وهو يقول : هاا .. شلونج بعد ؟
وضحى بستغراب : شقلت للجرسون ,,
راشد : هـددتـه أذا مانفذ طلباتج بذبحــه ,,
وضحى : رااشد من صجي آنـا ,,, شقلت له ؟
راشد : مب شغلج اللحيـن بتشوفيـــن ؟؟؟
وضحى تطالعه بتفحص : راااشد ! لا يكون بتقعد تسوي لي وحدهـ من حركاتك اللي ماأطيقهـا ترى والله أرجع البيت بـ تاكسي
راشد مارد اللهم أتسعت أبتسامـتــه ,,
دقـايـق ألا تـشـوف صـحـون مـلـت الـطـاولـه وكل مالذ وطاب من الفطور توزع ع الطاولـه جدامهـا
وهي مستغربـه رفعت نظرهـا براشد لقتـه يطالعهـا ببتسامه عريييضــه وجذابــه
وضحى : شسـالفــه ؟؟
الجرسون بعد ماحط أخر طبق قال بلهجه لبنانيـه : مبرووك للعروسيــن ,, آن شالله تتهنوا
تركـ لهم الطاولـة بأبتسامه حلوهـ وابتعـد عنهم
وضحى بصدمة : عروسييييين ؟؟
راشد وهو ماازل على وضعه : شرايج بهلـ مفاجأه ؟؟
وضحى بتسأل وهي قربـت تعصب : شنو عروسيـن .. قايل لهم أنـه أنـا ويااك معاريس يداد !!
راشد : آيـه مافيهـا شي !! علشان يدلعونـا ,,,
وضحى : بس !!! ... راششد مب عدلــه !
راشد وهو يـمـد يدهـ ويمسك يدهـا بحنان : عـادي ! المفروض نكون صج معاريس
سحبت يدها بسرعه وقالت : شتخربط أنــت !! صاحي
راشد تـنـهـد وقال : مفـكر أرجع أخطـبج من يديد من أبووج
وضحى تزلزل كيانهـا لهلـ كلام ,,!!,, قامت وقفت وقالت بحزم باين أرتباكهـا فيـه : قوم ودني البيت لو سمحت ,,
راشد : ماراح أقوم ,, وقـعـدي بلا فضايح ...
وضحى : أذا ماتبي فضايح ألحقني ع السياره ...
تركته ناويـه تطلع من المطـعم لكنه مسكهـا من يدهـا ورجعهـا خطوات للورى ووقف جدامهـا : بتقعـديـن ولـه شلوون ,,
وضحى تحرك يدها بمحاولة يائسه أنه يهدهـا قالت بصوت واطي : راااشد هد يدي عورتني ....!
راشد : تبيني أهدج ,, تقعديــن !
وضحى حاولت من يديد تفك يدهـا وقالت : بقـعــد ,, بس هـدني !!
راشد ترك يدهـا ورجعت قـعــدت وهي تحس أنظار كل اللي بالمطعم عليهم بينما راشد ولا على بالـه
راشــد : شقلتي ؟
وضحى : أأكييد لا ! يعني رفضك بالأول بيرضى فيك اللحيــن ,, وبعديـن أنا ماأرضى أكون الثانيــه
راشد : اذا على سالفة الأولى وله الثانيـه ,, أنتي تدريـن أنج دايماً الأولـى ,, وهيـــا عمري ماحبيتهـا !!!!
وضحى : راشد ,, هالموضوع أحنا سكرناهـ من زمان ,,,, وأنـت بنفسك وعدتنـي أنـــك ماراح تفتح هالطاري من يديد وبنتم أصدقاء وأخوان مثل قبل
راشد رفع واحد من حواجبه وقال : أخواان هـا !! .. " نـادى الجرسون بصوت عالي وأول ماجالـه قال " الفـاتورهـ لو سمحت
وضحى ماحبت تعلق لكنهـا لمحة الغضب بعين راشد .. وأول مادفع الحساب قام وقف وقال : يلا قومي ...!!
قامت وضحى وطلعت قبله من المطعم وهو وراهـا .. وصلوا لسياره ركبوهـا وتحركوا
راشد ساكت ,, ووضحى ساكتـه وقلبهـا يرجف من داخل لمجرد أنه رجع فتح سالفة الخطبـه من يديد ...
أبوهـا ماراح يرضـى ومتأكدهـ ألف بالميـه أنه ماراح يرضــى ... كفايـة أنه أبوهـا راضي تشوفه وتقعد معاهـ بحكم التربيـة اللي تربت فيهـأ معـاهـ بس سالفـة أنه يتزوجهـا هذي مستحيله
بتسألون ليش ,, بقول لكم !!
لأنـه مسـتـوى أبوهـا الراقي والـعـالي ... مايسمح لـه يعطي بنـتـه لواحد مسـتـواهـ أقل منهم بواييد رغم أنه مب ولد فقر !! وميسور الحال ,,,
لـكـن على قولتـه " حتى لو كان اللي متقدم لهـا ولد أخوي !! وبنفس مستوى راشد ماراح أعطييـه بنتي ..؟؟؟ وضحى ياياخذهـا وااحد يعيشـهـا نفس عيشتهـا عند أهلهـا وأحسـن
يـا تقعد ببيـت أهلهـا بدل ماتاخذ واحد أقل منهـا وراح يعيشهـا عيشـة ماترضيهـا خاصه وهي متعودهـ ع العز والدلال ,,,"
يومهـا صاحت وشالت البيـت على راسهـا بينما راشد أول ماردهـ أبوهـا ماعقب ولا رد ولا قـال شي !!!! .. ترك البيـت وقطـع وضحى كم أسبوع ورجع كلمهـا من يديد ولا كأنه صــار شي و يحاول يقنعهـا أنه اللي صار ماراح يهز اللي بينهم ,,, وأذا ماكسبهـا زوجه راح يظل كاسبهـا كصديقه وأخـت ؟؟؟؟ ...
تـوقـفـت السيـاره وصحـت وضحى من أفكـارهـا شافـت المـكـان اللي واقف فيـه راشد وألتفتت عليـه وبعينهـا نظرة تسائل ! توقعـت يردهـا بيتهـا ,, مب يجيبهـا هـنـي !!
راشد : نزلـي ,, خل نتمشـى ...
وضحى : هنـي ؟؟
راشد وهو يبند السياره بدون مايطالعهـا وبجفاف قال : لا هنــااك !!
نزل من السيــارهـ ,, وعيون وضحى تراقبـه لحد ماوصل لبابهـا وفتـحــه : نــزلي ,, وله عاجبتج قعدة السياره
نزلت وضحى ولـفـحـهـا الـهـوى العـليــل ,, واللي داعب خصل شعرهـا الطالعه من تحت الشيله ....
سكر الباب وراهـا ... وأبـتــدوا يتمـشـون على كورنيش الدوحه وكل وااحد منهم بـالـه بمـكـــان ,,,,

.
.

كان قاعد من صلاة الفير بغرفته .. صلى بالمسيد ورجع البيـت سلم على امه وأفترقوا عند الغرف ومن حزتهـا ليـن اللحيـن وهو قاعد بـغـرفـتــه على سريرهـ ومسند راسـه لورى وشبـه يطالع فوق وسرحـان لبـعــيــد !
مافكر يداوم اليوم أو يروح الجامعه ,, قرر يقعد مع أمـه بدل ماتجابل أربع طوف وتهـلك روحهـا بالصيـاح ,, رغم أنه تواجدهـا بالبيـت قل من توفـى بو زايد
وكلـه قاعدهـ بغرفتهـا ياتصلي ,, ياتقرى قرآن ,, ياتصيييح ... أو سرحاانه ....
وأذا طلعـت جـاتــه ولازمـتـه .. كل هذا خوف انهـا تفقـدهـ ,,,,,,,,
تنـهـد بالخفيف وهو يغمض عيونه ويلمح صورة فايز مطبوعـه بهالسواد الـحـالك ,,, وويـهـا الـكريــه مرتسمـه عليـه أبتسامه خبييثـــه !!
فتح عيـنـه وفلتت دمعه من بيـن رموشـه وأستـقـرت على خــدهـ ,,, يمكن كانت دمعه !! لـكـن الأثـار اللي تركتهـا بنفســه وبروحه وبقلبـه تفوق صغر حجمها ,,,,,,,
سمع صوت امه تكلم آحد برى بالممر ,,, أسـتـغــرب !! ..توقع أنه يتخيل أو يتـهـيأ لـه ,, لكـن لما تمعن بالصوت الجاي برى تأكد أنهـا قاعدهـ تخاطب حـد !!!
قام من سريرهـ وبخطوات ثابتـه أتجه للبـاب فـتـحــه وطــلـع يشوفهـا مع من تتكـلم ,, لكـنه ماحـصـل حــد ,,, وغرفة أمـه مسكرهـ ؟؟
توجه لغرفة أمـه طقهـا بالخفيف وفتحهـا دش داخل لقى المكان مرتب وكل شي بمكانه وأمه محد ,,
تراجع خطوات للورى وأتجه لصوب الدري ...نزلت خطوتيـن سمعهـا تتكلم مع حــد ... وصوت مألوف لــه يرد عليهـا .. خطوهـ وحدهـ زيـادهـ نزلهـا قدر يلمح أمـه واقفـه مع وحدهـ معطـتـه ظهـرهـا بعـبايتهـا وشيلتهـا ,,
وبــعــد مادقق عــدل فيـهـا تبيـن لـه من هيئتها أنـهـا آمنـه بنت خالـه ...... أرتـاح من هالنـاحيـة للحظة توقع أنـه أمه أستخفت وقامت تكلم نفسهـا ؟؟؟
نزل نظرهـ لصـدره الـعـاري كـعادة ... وتراجع خطوات للورى وأستـدار يكمل طريـجــه وسيـده على غرفته ,,,, فتح الكبـت وطلع لـه قمييص لبسـه فوق الجينز اللي كان أساساً لابســه !
دام في حـد بالبيـت ملزوم يحترم نفســه ..... وخاصـه أنــه الموجودهـ تحت بـنــت وعييييييييييييييب تشوفـه بهلـ منظرر ؟
قال بصوت خفيف واطي : لا يكون بـتـم محبوس هني ليــن حضـرت جنـابهـا تطــلــع ,,, " تنــهد بضجر وقال " شكــلي بطــلع من البيـت أبرك لي !!
خذى سويـج سيارته وسحب جوالـه وحطهم بمـخـبـى بنـطـلونـه ,, وقف جدام المنظره يجيك على ملامحه يحاول يخفي كل أثارة الحزن والألم اللي كان عايشهم من شوي علشان لا تحس أمه ,,
تحسس خــدى لـقـاهـ جاف ,, أطلق زفير حاد ,,, وطلع من غرفته ....
نـزل تـحــت ,,,, وطـلـع من الـبــاب الـخلفي للبــيــت ماحـب يمر الصـالــه ويضطر يجامل بآمنه ,,!!
واول ماوصل لسيارته طلع جواله وأتصل ع تلفون البيـت علشان يقول لأمه أنه طلـع رن شوي وجاله صوتهـا : ألو ؟؟
زايد وهو يفتح سيارته : يــمــه ,, أنــا طالـع تامريني بشي ,,
أم زايد : سلامتـك يبــه .... حط بالك على روحــك ولا تتأخر
زايد : وآنـا أقدر ؟؟ .. بس علشان تاخذ راحتهـا أمـنــه وماأتم محبوس بداري
أم زايد : وشدراك أنه امـنـه عندي ؟؟؟
زايد يركب السياره ويسكر البـاب : مايبيلهـا ذكــاء ...
أم زايد : زيـن يبـه ,, بخليك اللحيـن عشان أقعد مع البـنـت ,,, وأنـت دير بالك على رووحك
زايد : ان شالله ,,, مع السلامه
أم زايد : في حفظ الله ياوليدي

سكر من عندهـا وأتصل بفهد دقايق ألا صوت فهد يجيه : ياحيالله زيـووووود
زايد : الله يحيك ويبقييك ,,, شلوونك ؟
فهد : والله تمام التــمــام ... ومن صوبك ..!!
زايد : ماشي الـحــال ,,,
فــهــد : شـعــنــدك دااق ؟
زايد : لييييش ممنوع أدق علييك ؟؟
فهد ضحك وقال : لا مو القصـد ... بس مستغرب .....
زايد : أنـت بالـجــامـعـه ؟
فهد : آيـه توني مخلص محاضراتي .. أنت شله ماجيت ؟
زايد : مالي خلللق
فهد بتفهم : علشان وفاة أبوكـ
زايد : علشان واايد أشيـــاء أنت ماتعرفهــا ,,,,, الـمــهــم ,, شرايك نروح الـبــحر
فهد : والله ياريال اللحيـن ماأقدر ... لأنه نواف عازمني فـ بيـتــه
زايد بسخريـه : مسرع ماصرتوا ربـع
فهد ببتسامه : خبرك أنـا وااحد أجتماعي بقوهـ ,, ونواف واحد حبوب ويدش القلب بأسرع من لمح البصرر ,,,, تجي معاااي ؟
زايد : دامني مب معزوم مالي لزمه أجي ,,
فهد : لو يدري أنك راح تجي ماراح يقول لا ,, بالعكس بيستانس .... أحسـه ودهـ يتقرب منك من بعد موقفك معاهـ وأأنــت مب معطيـه فرصـــه
زايد بأصرار وعناد : آسـفـ !! تعرفني عــدل يافـهــد ... ماعزمني بالأسم ماراح أرووح ,,, روح أنت ونس عمرك .... آآنــا بروح البــحـــر
فـهــد بأستسلام وبدون مايجادل لأنه حافظ زايد عدل وعارف أنه ماراح يغير رايه : على راحتك ,,, يلا فمان الله ...
زايد : فمان الكريم ...

سكر وحط جواله أحذاه وقال بسخريه وبصوت واطي : هه ! .. يبيني أروح بيــت فاايز ,, هــذا اللي ناقصني بــعد .... خوفي أجوفـه وأأتــهــور وكل اللي بنيتــه بسنيـن أهــدمــه ... آآآآآآآآخخ ياااافاااايزز لو أأجووووفـــك راح أشرب من دمك وأقط لحمك للكلاب اللي مثلك .....
زفر بقوهـ وحاول يركز بالطريج جــدامــه رغم أنه مب قادر يركز أصــلا ,,,,, هالفــايز ملازمــه ليل ونــهـــار !!!
بعد 5 دقايق الا جوالـه يرن ,, شاف الرقم .... وماعرف صاحبـه لأنه أصلا رقم غريب
رد بجديه : هلأ
-: أهليييــن ... شدعووه !! بيعنـا بالســـوق ؟
زايد بجديه أكثر : مــن مـعـاي ؟
-: مــعــااك نــووواف ......
زايد لا شعورياً قال بأنفعال : خيير ؟؟؟
نواف : نــوااف فااايز !! ماعرفتني
زايد ودهـ يســبــه ويسكر الخط بويهـا من ثقته الزايده وهو يقول أسمه وأسم فيوز بكل قوات عيـن لكنه ماسك عمرهـ وبأسلوب جاد قال: بــلا عرفتك !
نواف بروح حلوه : شوف عازمك على كوب قهوه محترم ببيــتي ... عاد لا تردني ...!!
زايد بنفس أسلوبه الجاد : ماأشرب قهوهـ
نواف : نسكافيـه ولا يهــمــــك ,, بس تعــال مع فــهـــد ,,,, تــرى ودي أرد لك المعروف اللي سويتــه بحقي بس مب عارف شلون
زايد تجاهل كلامه الأخير وقال : فـهــد اللي مـعــطيك رقمي ؟
نواف : آآيــه ! أذا مافيهـا أزعاااج
زايد وهو مازال متحكم بأعصابه لأخر لحظة : لا لا مافيها أزعاج,,!
نواف : تراني طالبك !! قول تــم ...
زايد بعد سكوت قــال : تــم
حس بالفرحة بنبرة صوت نواف: أوووكــي عيــل سجل العنـوان عنــدكـ
زايد كان ودهـ يقول لـه " مايحتاي تعطيني العنوان ,, حافظــه عـــــــدل ! " لكنه بيـن العـكس : قول أسمعـك
تم يوصّـف لـه نواف البيــت وزايد مب معطيـه أهتمام .. مب ملزوم يستمع للوصف لأنه حاافظ كل الشوارع اللي تودي لبييت فاايــز ...
وشلون يقـــدر ينــســاهـا أصلا ,,,,,,
بعد ماخلص كلامه نواف قال : هــاا ,, عرفت مكان البيـت ولـه أرجع أعييد
زايد بـ صوت مايحمل أي مشاعر : بلا عرفته ,, مسافة الطريج وأكون عنــدكـ

سكر من عنـد نواف وحط الجوال عندهـ وهو ماسك السكان بقوهـ ... مايبي يرووح بيــت فـايز لأسباب واايد هو مقتنع فيهــا وبعد لأنه أمــه خايفـه عليـه منــه ,,,
لكـنه حس قلبــه نطــق وقــال .." مــدام نواف يتقرب منك ... أقتــرب منــه ... علشان تقــدر توصل لفــايز لآزم تدخل بيتــه !!! ونواف هو المفتــاح اللي راح يفتح لك أبواب تعـاسته "
أبـتــدى يفــكــر بالكلام عـــدل .... الطريقه اللي كان مخطط فيهـا لدخول حياة فايز غيييير !! نوااف ماكان جزء من الـخــطــه يمكن كان موجود بالخطه بس مب بشكل أساسي !!!
لـكــن دام نوااف يبي يكسب صداقـته ولازق فيـه لزقـه... خلاص ....! ماعندهـ مانـع خلـ يكسب صداقـتـه ويتحمل العوااقب

.
.
بيت آم زايد
بـعـد طلـعـت زايد من البيت بشوي ألا تجي لأم زايد جارتهـا اللي مادرت بالخبر ألا أمـس بما أنهـا كآنت مسافـرهـ ومن الواجب والذوق أنهـا تعزي جارتهـا اللي ماجافت منهـا ألا كل خير وآمنه قاعدهـ معـاهم مثل اللوح ساكته وتشاركهم السمع !!
آم وليد : الله يجعل مثواه الجنه آن شالله ,, ويجمعج فيـه بالفردوس بأذن الله
أم زايد وهي الـحـزن رجع أكتـسـى ملامحها قالت : آآآميـن ياأختي ,,
أم وليد بستفسار : كـنـت بجيلج آمس ,, بس لما سألت جارتنا آم محمد قـالت لي أنج ببيـت أبوج ,,؟ صج هالكلام ياام زايد ....
أم زايد : آيـه صج
أم وليد بعتب بان بملامحها وزاد حدت الـتـجـاعـيـد اللي مرتسمه بكل وضوح على ويها : بس ياأختي مايجوز ... أنتي مرهـ معـتــده المفروض تقعـديـن ببيـتــج ماتـطـلعيـن منه كلش ألا لضرورهـ القصوى؟
أم زايد أنحرجت لما قالت لها جذي وجنهـا بنت صغيره ماتعـرف !!؟؟ ... : آدري ياحبيبتي ,, بس شسوي أول مادريت بالخـبـر أنـصــدمـــت ماقدرت استوعب أي شي وترقدت بالمستشفـى ,,.... تـصـدقيـن طول هالثلاث أيام وآنــا بحالة صدمه !! ماأنتبهت بنفسي ألا وآنـا ببيـت أبوي ,,, والـنـاس تعزيني هنـاكـ ,,
آم وليد : ماتنـلاميـن ياأختي ,, بس هو المفروض من الأول ماياخذج أبوج على بـيـتــه ,,,, المفروض على طول يجيبج هـنـي ..
آم زايد : يأأختـي أبوي ريال كبير ... واللي براسـه يسويـه تصدقيـن اليوم بالغصب رضى أرجع ,,,, !!
أم وليد : بس يابنتي هالأشياء ماتخفى على جـاهـل ,,,, حتى أبوج لو كان مب دارس أأكييد يعرف بهلـ الأمور
أم زايد : مادري ياأختي ,, مادري شلون يفـكــر هو بالأسـاس
أم وليد تهز راسها بتفهم : حصل خير أن شالله ,, بس لما دريـت بهلـ موضوع قلت انورج يمكن ماتعرفيـن ياأختي ... وآتمنى ماتتضايقين من كلامي ..
آم زايد أبتسمت لها أبتسامه صافيه ممتزجه بحزن : شدعوه حبيبتي ,, أنـا أزعل منج ....
أم وليد أرتاحت من هالناحية : الحمدالله .. ماأبيج تستحين مني ياأم زايد .. أعتبريني مثل أختج الـعـودهـ وله أمـج ..
أم زايد : آكييد ,,
أم وليد جات عينها على آمنه اللي ساكته وتطالع بالأرض وتسمعهـم : ماأخبر عندج بـنـت ياأم زايد ..!!
أم زايد تحط يدهـا على فخذ أمنه بحنان : هذي بنت أخوي سالم ... مثل بنتي وآكثــر ..
أم وليد آبتسمت بتفهم وقالت موجهه الكلام لآمنه : شسمج يمه ..؟
آمنه بحيا غلف ملامح ويها : آمـنــه ...
آم وليد : عاشت الآسامي ياآمـنـه... ماعليج آمر يابنتي أبي قلاص مااي ....
آمنه قامت وهي تقول : آن شالله ...

تركت لهم الصاله وراحـت تجـيـب مــاي لأم وليد اللي تــمــت عنــدهم تقريباً نص سـاعـة وأستأذنت أنهـا بتروح ,,
وصلتهـا آمنه لـعـند باب الـبــيـت ورجـعـت دااخـل عند عمتـهـا


بيت بو نواف

أسـتـانـس أنـه زايد ماردهـ ,, آخيراً بيعرف شلون يرد له ولو جزء بسيط من معروفـه علييـه ... قام من مكـانـه علشان يجيك ع الميلس
وأول ماوصل أبــتــدى ينـقـل نظرة بالمكـان ... جـاف كم شغلـه مب بمكـانه ,, راح عدلهـا ,,,,, ولما حس أنــه الميلس يبي لـه شويـت خمـام
طلـع من الميلس من البـاب اللي يدخل ع البيــت وهو يـنـادي نوره بأعلى صوته : نويييييـــر !؟ نوروووهـ
ماحصل ردهـا ,,, مـشــى لحد ماوصل لدري وتوهـ بينـادي ألا يشوفهـا طالعه من الحمام اللي تـحـت وبيـدهـا سلة الغسيل المليـانه ثياب : يالله صباح خير على هالصرااخ ,, نـعم ؟ شتبي !!!
نواف يلتفت لهـا ببتسامه : يافديت أختي اللي قايمه بالبيـت وتحرص على نظافـة كل شبر فيــه
نوره قربت منه وقالت وعينهـا بعيـنه : نعم ؟؟ عيد عيد شقلت !! آنـا أحرص على نظافة كل شبرر ,, يكون بعلمك لو الشور بيدي جان عيشتكم بزريبــه ,,, بس أأأمـــك وأأأأأخ من أأمــــك ,,,, أذا شافتني قاعدهـ لا شغله ولا مشغلـه ألا تعطيني شي أسوييــه ,,,,, وبما اني أدري بتقول لي قومي غسلي الثياب وفرت عليهـا العنـا وغسلتهم بدون ماتنطق
نواف وهو يمسكهـا من ذوقهأ ويهزهـا بالخفيف : يااافديت أأختي آآنــا ,,,, شوفي بطلبج وماراح ترديني
نوره تبعد خصلة شعرهـأ اللي جات ع ويهـأ نتيجة هز نواف لـهـا : خييييير ؟
نواف : ماعليج أمر .. الميلس يبيله شويـت خمام ...... لو تعطيـنـه كم خمـه من اناملج الذهبيــه وتخلينه يلمــع .. بكون لج شاااااكر
نوره تطوفه بدون ماتجادل : يصير خير خل أخلص غسيل بالأول ,,,,
نواف وهو يتبعهـا بنظرة : ليش باقي ثياب بعد بالغسالـه ؟؟
نوره : كل اللي بقــوا ثيابك ,,, عنبو باليوم تبدل ألف مرهـ ,,, أقــتـــصصصصصصد !!!! بصير فيك شي من كثر ماأدعي عليك والسبـه هدومك
نواف بضحكه خفيفه : خلاص بجييب الثياب الباقيـه وبلحقج ...
نوره وهي تفتح باب الصاله : سلة الغسيل الثانيـه تلاقيهـا ورى الـبــاب
طلـعـت وتركتـه وراهـا ,, كان الجو حلو اليـوم ... من جذي مزاجيها رايق ولـه جان مافكرت تخم الميـلــس .....
بعد خطوات شبه طويل صارت ورى البـيــت وبالأاخص عند المكان المخصص لشر الثيــاب... حـطــت السله ع الأرض وأبتـدت تنشــر .... تطلع القطـعـه تنفضهـا وتعلقهـا ع الحبــل
وتـدندن شوي ,,,,,
لـحـد ماشافت نواف يقترب منهـا وماسك السله بطريقـه تضـحـك
نوره أتسعت أبتسامتهـا وقالت : شبلاك ماسكهـا جذيي !!؟؟
نواف وهو يحـط السله ع الأرض : شلون بعد يمسكونهـأ ,,, تبيـني أحطهـا على خصري وأغني آآآآهـ ونــص ؟؟
نوره ضحكت على تعليقه : زيييـن بما أنك فاضي وماوراك شغله ولا مشغله ... ساعدني بهلـ شرشف ماأقــدر أعلقه ع الحبل بروحي
نواف ينفخ عمرهـ : عيل لو ماكنت موجود شكنتي راح تسويـن ...
نوره : كـالـعـادة بنـادي غـنـوم ,,

سـاعـدهـا علشان تـشــر الشرشــف وبـمـا أنه مايمسك الشرشف عــدل فـ تلامس أطرافه الأرض ونورهـ ماغير تصاااارخ على نواف علشان يمسكـه عــدل ,,,,
وبـعـد جـهـد جهـيــد قدروا يعلقونه ,,
نوره : اأأفففف لوعت جبدي ليـن مسكته عدل ,, والله لو منـاديـه لي غنووم جــان مسكـه أحسن منك ,,
نواف : وآآنـا شعرفني ,, من كثر ماأشر الغسيل ,,,, المهم خلصي اللي بيدج وتعالي نظفي الميلس ياآنسـه نوررهـ ,,
نوره وهي تكمل اللي بيدهـا : زيييـن
تركهـا نواااف ودش دااخل بينما نوره أنــدمـجـت بالغسيــل ولما خلصت السله اللي هي جابتهـا ألتفتت لسلة نوااف ,,

,
,
,

ع الـســاعه 12 وشوي

وقـفـت الـسياره داخل الفلـه ونـزلت منها وضـحـى وتمـت واقفـه ليــن ماأشر لهـا بمعنى " مع السلامه " ورااح ...
وأول ماأختفـى عن نظرهـا راحت تمشي بخطواتهـا الواثقـه ونغمـة كعبهـا ترن بالأرض وتترك أيقاع مميـز ليــن ماصارت بالصاله وزادت حدة الصوت ,, بسبب الرخام
نـادت مايا وطلبت منهـا تسوي لهـا ريوق خفيف ... بما أنهـا ماتريقت أصلا ,,, وكملت مشي ليـن وصلـت جنـاحهـا اللي دومهـا حابس روحهـا فيــه ,,,!!!
وليش تطلع أساساً وكل شي متوفر لهـا ... ثلاجتهـا الصغيره الخاصـه فيهـا ,, وتلفزيون وديفيدي وصالـة وتلفون وحمامها الخاص وكل شي ممكن تحتاج لــه متوفر بجناحهـا ,,,
فصخـت عبايتهـا وشيلتهـا وعلقتهـا على شماعة الملابس اللي بغرفة نومها ,,, شافت فلافي يلعب بطرف الشرشف مال سريرهـا شـالتــه وهـي تـحس أنــه مـحـتــاج لسبـووح ...
حطـتـه على سريرهـا وقعدت على حافت السرير فصخت نعـالهـا الله يعزكم ,, وألتفتت عليـه شالته ودشت فيـه الحمام " الله يعزكم " وجهزت لــه كل معـدات النـظـافـه وهي تدري ومتأكدهـ أنهـا راح تحارب معـاهـ
ع الأقل تشغل روحها فيـه بدل ماتقعد تفكر بالكلام اللي قال لهـا راشد بالمطـعم ..

بينما ببيت رفيجتهـا

صـف سـيـارته عند باب الفلـه ونـزل منهـا وهو يتفحص البيـت بأنظـــارهـ ,, شكل البيـت من برى ماتغير كلش !! مازال على حـطـتـه بس لمسة العـز زادت فيـه أكثر بوايد عن قـبــل
كان باب البيـت مفتووح ,, مافكر يدش أحتمال يكون عـنــده بـنــات وماخذيـن راحتهم بالبيـت يتمشون !! ومب عدلـه يدش
طلع جواله وبعد تردد أتصل على نواف وعطاهـ خبر أنـه برى ,,,
ثواني ألا نواف طالع لــه : ياحيالله زاااايد ,, " جا يسلم عليــه "
سلم عليـه زايد بالخشم وهو منقرف من نفســه لمجرد أنه سلم على ولد فايز !!
نواف : حيااك تفضل ,,
زايد وهو يدش معاهـ داخل البيـت : زااد فضـلك ,,,,
مشـى مع نوااف وهو يطالع كل زوايـا الحوش الـوسيـع والفـخــم واللي على جوانبــه فيـه شيــر كبـــاااار وطواال بــعــد ,,,
ألقـى نظره على باب الصاله اللي طافـوهـ وتذكر أخر مرهـ وقف فيهـا بهلـ مكــان !!
غمض عيـنـه ينفض هالذكريات من بـالــه ,,, لــحـد ماوصلوا الميلس اللي ديكورهـ كان راقي واايد وفـخــم بقوهـ ,,
أستغـرب أنه فـهـد محد !! ألتفت على نواف وقال : فـهـد ماجا للحيــن ,,,
نواف : قال لي عندهـ مشوار بسيط بيخلصه وبيجي ....
زايد هز راسه بتفهم ولا علق .... وعلى قـعـدته الا جوال نواف يرن ,, جاف الرقم وقال : ولد حلال ,, شكله وصل .... عن أذنك أروح أستقبله
زايد رجع هز راسه من يديد بالخفيف علامه على الأايجاب
طلع نواف وخلا زايد بروحه بالميـلــس
قـعــد ينقـل نظرة بالمكــان وبديكوراته اللي ماتدل ألا على الثراء اللي عايش فيــه صاحب هالفله
زايد بنبرة سخريـه بصوت وااطي : والله ومدلع نفسك يافايز !!! بس مردي بذبحك ذل ,,, وهالعز هذا .. بخليـه ينقلب عليك جحييم
سمـع صوت حركة جايـه من الـبــاب الثاني للميلس واللي الظاهـر وعلى حسب تخميـن زايد أنه يدخل ع داخل الفله ,,, أنفتح الباب شوي وسمع صوت أنثوي داش قبلهـا وكانت تتحلطم
لما عرف أنهـا بنت تنحنح بصوت عالي علشان تدري أنه في حـد بالميلس وماتدش !!
خطواتهـا توقف ورجعت للورى وسكرت البــاب ,,,,,,
زايد يكلم نفسه : لا بعد !! جان دشيتي .....!!!!!

من الصوب الثاني


أحترقت من الفشيله .. حطت الصينيه اللي فيهـا الشاي والقهوهـ جدام باب الميلس وهي منحرجه
نوره : آآمبييييييي !! لا يكون شااافننننييي .. ياويللللللللي والله نوووواف بذبحني لووو درى ,,,,, خل أروح أنخش بداااارري لا يكفر فيني
رااحت ركض فوق غرفتهـا وسكرت البـاب وراهـا وقفلته ... خذت جوالهـا ودقت على نواف طول شوي وهو يرن بعدهـأ جالها صوته : هلا !
نوره : حطيييت صينية الجاي والقهوه جدام باب الميلس رووح خذهم ,,
نواف : آوكي تسلميييـن ياأحلى أخت
نوره " شكله مادرى للحيـن " : ترى مو لله كل هذا ,, أول مايطسون ربعك بطلعني تمشيني ,,,,
نواف : تامريـن آآمررر
نوره : زين بااي ,,,

سكـرت وهي تزفر بأرتياح " أأشووووهـ ماقال له ,, جان جاني طيراااان فوق "
,
,

عند نواف

وصل الميلس ومعاهـ فهد اللي سلم على زايد وقعد أحذاهـ ,, بينما هو راح فتح الباب اللي يدخل ع البيت وجاب الشاي والقهوه وسكر وراهـ الباب
نواف بروح حلوه : تو مانور البيت ,,,
فهد : منور بأهلـه ,,,
صـب شـاي ومــده لـهم
فــهــد أخذ بينما زايد طالع القلاص اللي ماده لـه نواف ورفع نظرة لـه وهو يقول بجمود : مشكور !
نواف : شدعوه تدخل بيتي ولا تشرب شي ,,!!
زايد : خيرك سابق ,,
نواف : على راحتك ,, " حط قلاص زايد فـ الصينيـه وراح قعد مجابلهم ووجه الكلام لزايد " ألا ماقلت لي ,, ليش ماداومت اليوم ؟؟
زايد : بــس ! مالي خلق ...
نواف : أحـنـا على وي أمتحانات وأنت تقول مالك خلللق !! أذا ماخاب ظنـي هذا أخر ترم لك وملزوم تشد حيلك
زايد : والله يانوااف ,, آنـا آدرى بمصلحتي ... وأعرف عـدل شلون آشد حيل سواء كان آخر ترم ولـه غيرهـ ,, " ببتسامه متصنعه " الدور والباقي عليك .. جدامك ثلاث سنيـن على ماتتخرج
نواف يتنهد : ربك كريم ,,
فهد بتسأل : ألا ماقلت لي ,, عقب هالثلاث سنيــن شناوي تشتغل ؟
نواف : تصـدق للحيـن ماني عارف ششتغــل ,,,
زايد : مايحتاي تفكر شراح تشتغل ..شركة أبوكـ موجودهـ وأكيد مكانك محفوظ
نواف : من هالناحية مستحيل ,, ماأبي أشتغل عند أبوي .... أبي أحس أني لما أجي أستلم المعاش أخر الشهـر أني استحقـه ,, مب جنـه مصروفي اللي أخذهـ من الوالد أخر الشهـر
فهد يغمز له : تعجبببنــي صرااحــه ,,,
زايد ألتفت عليه وهو يقول : اللي يسمعك يقول بتسوي نفســه !!!
فهد : آنـا صحيح راح أشتغل عند أبوي ,, بس الوالد الله يحفظــه بالشغل مايعرف عيالـه كلنـا وااحد ,, من اكبر وااحد بالشركة ليـن أصغرهم
نواف : والله زيـن ,,! عن نفسي وللأمانه أبوي مع أنه منصف مع الكل والكل ياخذ حقـه بس لو أشتغل عندهـ معروف شراح يسوي ,,, بيعطني وظيفــه عااليـــه تخلي نص اللي بالشركة يكرهوني
فهد ضحك : ههههههه من هالناحيـة آآكييييد راح يكرهونك ,, ناس تشتغل سنين وتكد وتتذبح عمرهـا علشان يرتفع مستوى الشركة وبالأخير ولد صاحب الشركة يجي ياخذ اعلى المناصب بارده مبردهـ صراحه أنا وااحد عاذرهم ,,,,
نواف : وآآنــت يازايد !! ماقلت لنا شـبـتـشتـغـل
زايد : والله مفكر أصير وزييير ولــه سفييير ! أختار اللي يعجبك فيهم
فهد ضحك وشاركة نواف الضحك بينما زايد كان راسم أبتسامه عريضه على محياهـ ببراعه ,, : يعني بالله شراح أشتـغـل ,, بخلص جامعه وبقدم أوراقي على الشركات والمؤسسات .... واللي بيكون عندهم مكان لي أشتغلت عندهـــم ,,,
فهد يطلق تنهيده : صج الأيام تمر بسرعه مابقى شي وراح نشتغل ونعتمد على أنفسنا .. " ببـتـسامه حلوهـ تنور ويهـا الطيب " وبيصير عندنـا بيت ومرهـ وعياال
نواف بسرعه : لا لا .. لا يحوشك ! عن نفسي مابي أتزووج بقـعـد عزابي طول عمررري .. شلنا بالزواج وعوار الراس ,,,,
فهد : تصدق ! أنـا مايبط جبدي ألا الشباب اللي يقولون جملتك ذي ,,, وأخر شي تشوفه متزوج ومعيل وأذا قلت لـه وين كلامك أول ,, يقول كبرنــا !
نواف : عـاد أنـا مو مثلهم ماراح أتزووج ليـن اخر نفس !
فهد : بنشوف ,,!!!!! أما أنــا بخلص جامعة وبشتغل وسيدة بتزوج ...
نواف : آآووهـ ,, ليش المرهـ موجوده ؟؟
فهد : آآآحـــم أحم ,, شكلك ماتدري أنــي خاطب ,,
نواف بفرحه بانت على محياه : ع البركه أن شالله ,,,
فهد : الله يبارك فيك ,,

كمـلـت قـعـدتـهم تعــرف على بعـض كأول زيـارة لفهد وزايـد لنـوااف
صحيح كان زايد مايتكلم وايد بس قدر نواف يكسبه " على حسب أعتقاده طبعاً "
بينما زايد كان مرخي الحبل شوي وكل ماكلمه رد عليه وحاول مايخلي نواف ينفر منــه لأنه الخيط الوحيد المتعلق بـه علشان يوصل لفايز
كـان قـاعد يسمع أسلوبـه وطريقة كلامـه ويحاول يتصيد الأماكن اللي يقدر يتقرب من نواف فيها
ووسط الكلام قـدر يـعـرف أنـه نواف مـدمـن بلياردو
وكل ماتملل راح يلــعــب .....



فوق بغـرفـة نورة كانت تكلم سلوى وتتفـق معاهـا متى راح يروحون السوق يتشرون حق حفلة باجر : جووفي أنتي تعالي مع سايقكم وأنـا مع سايقنـا وهنـاك نلتقي ,,, لأنه صراحه بيتكم بعييد وعلى مانوصلج رااح نص الوقت ,, خبرج الساعه 8 بالضبط لأزم أكون بالبيـت ولو أتأخر ثانيـــه بنذبح
سلوى : زيييـن أبوج مساافــر !! ليش بعد ترجعيـن 8 بالضبط !!!! نورووهـ لآزم نتشرى اليوم ونخلص أغراضنا بسرعه ,, وكل وحده فينا ذوقهـا صعب يعني مستحيل نقدر نخلص قبل الـ 8 !!! قولي حق أمج بترجعيـن 9 !
نوره : لا والله ,, ماراح ترضى أمي ,,,, وبعديـن نسيتي أنه عندي نووااف ... بيذبحني لو أتأخرر
سلوى : خلينا من نواف ,, أذا امج رضت هو ماله شغل يتحكم فييج ,,,,, أنـتـي قولي لهـا وهي بتتفهم وبعديـن غانم بيكون معااج ليش تخاف بعد
نوره : بس غنووم صغيييررر لا يغرج طوولــه ,,,
سلوى : ياالله نوورهـ لا تصيريـن لي غبيـه !! العالم شدراهم أنه بزر بأول أعدادي ,,, شكله يعطي أول ثــانوي ! عليـه طوول لا آله الا الله ماأبي أنـظـلـه ! وبـعـديـن غنوم عن ألف رياال
نوره تعض على شفايفها بتفكير : مممم ,, ماادري بشوف أمي ,,,,, المهم ... عزمتي حد من ربعج !!
سلوى : عزمت آماني بس وقالت مب أكيد بتجي ,, وباقي رفيجاتي كلهم مسافريــن مب مثلنا مالت على حظنا الردي قاعديـن بهلـ حررر
نوره ضحكت : هههههـ أنـا ماعززمت غير وضحـى والـبـاقي مافكرت أعزمهم ,,,
سلوى ماحبت تعلق على وضحى فقالت : وليش ماعزمتي الـبـاقي ,,
نوره : ماادري أنـا مب معاهم لذاك الزوود ,, صج أسولف معاهم بالمدرسة وجذي بس ماأظنهم بيجون
سلوى : شكلهـا الحفلة بتكون عائليـه بحتــه ,, أهلي من صوب أمي وأبوي وأنتي نفس الشي
نوره تضحك : عااادي .. ع الأقل ناخذ راحتنا أأكثر ونرقص على كيف كيفنـا ونحتل القاعه باللي فيهـا ,,
سلوى بوناسة : نورووهـ مب مصدقه أفتكينا من المدرسـة خلاااص ودعنا أياامهـا ,,,, رايحيـن الجامعـة كبرنا يابنت ههههههه
نوره ماتت ضحك : ههههههههههههههههـ صرنا حريييم ,,,
سلوى أطلقت ضحك بفرح وهي تقول : عقباااااااااااااااال مانحتفل بتخرجنا من الجامعـة ,,
نوره : ونشتغل أحسن شغلـه بأحسن مكااان بأحسن رااااتــب ,, ونفلهـا بالطول والعــرررض
سلوى : آي والله ,,, أول ماأستلم الراتب عـازمتج على عـشــى بأفخم مطاعم الدوحه
نوره : ههههـ أنتي أشتغلي بالأول
سلوى : خل نــحــلم شورانــا
نورهـ تنسدح ع السرير وتقول بحالميـه : وبعدهـا يجيني فارس الأحلام ,, ذاااك المزيون الطويل المعضل بو شعر حرير وعيون خضر ذباااحــه ويخطفنـي معاااهـ ونعيش أحلى قصـة حب مليانه أكشـن وحركات
سلوى تكمل بحالمية : أنـا ماأبي عيون خضر ماأأدانيهم أصلا ,,, آبي وااحد عيونه عسليـــه وملامحه تذوووب يحبني بجنووون ولو أأطلب الشمس يجيبهـا لي لو بعز الظهــر ,,,, آبي يصبحني بغزل ويمسيني بغزل ,,,,,
نوره تنسدح على بطنهـا وتكمل : أأأبي لا زعلت يراضيني بسفـرهـ لباريس ولـه لـنــدن ,,, وله جزر المالديف .... أبـي كل نهـاية أسبوع يغرقني هدايـه ,,, أبيـه جريئ ورومنسي وحنون وطيييييب ويحترمني وأهم شي يحترمني ,,,,,,
سلوى : ولأزم يثق فيني بعد ,,, ماأبيـه شكااااكـ
نوره : ولا غيـور لدرجة الينون
سلوى : ولا بخييييييييييل
نوره : ولا ثقييييل دم ,,, يملغ علللي طول اليوم ,,,
سلوى : ولا مغاازلجي
نوره نقزت : أأهم شي مب مغازلجي ,, لو يلتفت على وحدهـ بس أأبطط عيووووووونــه ,,,
سلوى : أأنـا بشلعهم لــه ,,
نوره : وبحررررقهم بــغــاااز
سلوى : ألا ماااااي نــاااااااااار ,,, علشان مايشووووف كلللللش
نوره أنفجرت ضحك لما أنتبهت على أحلامهم اللي شطحت فيهم لبعيييد ,,
وشاركتهـا سلوى الضحك لما فهمت سبب ضحك نورهـ
نوره بعد ماخفت نوبة الضحك : تتوقعيـن في حد فـ هالدنيـا بهلـ مواصفــات !!
سلوى بعد تفكير : آآكييد فيــه ,,, بس مـاتـدريـن ويــن ,,,, يمكن مايكون فارس احلامج قطري أصلا!!
نوره ببتسامه عريضة : يمكن يكون هنـــدي
سلوى نقزت : يييييييع ! الله يقرفج ,,, عليج ذوق يجيب المرض
نوره تدافع : يالعنز الـهـنـود أيـننوون ,, شعررفج أنتي ,,, تقيسيـن جمالهم على اللي عندنــا ,,,,
سلوى : حتى اللي بأفلامج اللي تشوفينهـا تلاقيـنه مفـرمتين ويهـا ليـن قال بس ,, علشان يطلع بهلـ حلاهـ ,,,,
نوره : المهم أنهم حلويـن ,, أنـا شفت لهم صور بأيامهم العاديـة أيـنـون خاصه البنات بمكياج بدون مكياج قمررر
سلوى : المهم المهم ,, جوفي بروح أأقول لأبوي أني بطلع العصر علشان أظـمـن الروحــه ,,, وأنتي روحي كلمي خالتي ,,, مانبي يصير شي يخرب علينا حفلة باجر
نوره وهي تقوم من السرير : آووكيه ,,

.
.

الـعــصــر

كـانـت قـاعـدة بالسـيـاره ورى... وجدام آحذى السايق قاعد غانم اللي مسنـدرهـا أوامر : شوفي مو تلفيـن فيني السوق كلــه ,, سوق وااحد دشيـه وخمي قشج منـه ... بـــــــس !
نوره : شقالولك ,,, ! حبيبي أنا أبي أشتري شي عــدل أكشخ فيــه مب خلاجيييــن
غانم وهو يعدل غترته : المهم وصلج الحجي ,,,
نوره : وأنـت بـعـد وصلك الحجي ,,, لا تمللت مني خذ برهووم وفارجونـا
غانم يلتفت شوي خايف ع الكشخه ويقول : لا والله !! وأخليج برووحــــج ,,, مافي قاعديـن على قلوبكم
نوره : قـعــدوا ,, حد قال لكم لا ,,,, بس مردكم بتتمللون وبتـعـطونـا مقفاكم ......
غانم رجع أستعدل بقعده يطالع الطريج جدامـه ومانطق بحرف ليـن وصلوا الـسـوق ,,
نـزلوا نوره وغانم ووقفوا جدام السوق ,, طلعت جوالها وأتصلت على سلوى ...
نوره : وينج !! تأخرتي
سلوى : أبراهيمووهـ نقعنا عند الدكان ,,, من جذي تأخرنـا .. عطيني 3 دقايق وبنكون عندج
نوره : عيل أنـا بدش أتشرى ولما توصليـن دقي لي
سلوى نقزت : لا لا ,, نطريني ,,, كاني قررربت
نوره تنفخ : زييـــن ! ننطرج
سكرت ألا غانم يقول : هــاا وينهـا ؟
نوره : قرييبــه اللحيـن بتوصل
غانم بتملل : مو تنقعنا بنت خالتج هذي ,,, أنـا ترى بسرعه تطق جبدي
نوره ماردت عليه وتمت تدوّر سيارة سلوى بيـن السياير الرايحه والراده ,, لحد ماجافت سيارتهم توقف وينزل أبراهيم بعدهـ سلوى .. جات سلمت على نوره وأبتدوا رحلة الشوبنج
وغانم مستانس أنه جاف أبراهيم تم طاق سوالف معاهـ وهم يمشون ورى خواتهم وكل مادخلوا نوره وسلوى محل
تموا هم واقفيـن عند بــاب المحل ينطرون ,, ينقال لهم يستحون يحشرون روحهم بيـن الحريم اللي داخل
بينما عند نوره وسلوى ماكان يعجبهم آي شي بسهولــه وكل شوي طالعيـن من محـل وداشيـن محـل طالعين من محل وداشين محل
لـحـد مافروا راس غانم وأبراهيم اللي قاعديـن يتحلطمون وراهم ,, وكل شوي طالبيـن منهم يخلصون بسرعـه وهم اذن من طيـن وأذن من عجيـن


بيت أم زايد

وقف سيارته بالبيـت بعد ماتعـب من اللـف بدون هــدف من ماطلع من عند نوااف ,,, علشان مايرجع البيــت ويقعد على قلب آمنـه ,, توقع تكون راحت ,,
لكـن أول مالمح نعـالهـا الله يعزكم عند باب الصاله تأكد أنهـا مازالت موجودهـ دااخل ,,, أطلق زفير حااد .. وبعدهـا طق الـبــاب وأنتظـر جواب ..لمـا ماسمع الـرد دش لقـى الصـاله فاضيـة
ركب الدري وهو متجهه لغرفته سمع صوت حشره بغرفة أمـه تأكد أنهـا قاعدهـ بدارهـا مع آمنـه والظـاهـر أنه آمنه قدرت تطلعهـا ولو شوي من الكـئابه اللي غامرتهـا
سكر الـبـاب وراهـ ,, فـتـح كـبـتـه لـمــح الأثواب اللي مايلمسهم أبــداً ألا بالمناسبات !!! أو بالعزى ,,, وحتى لما لبسهم بالعزى أول مارجع البيـت سيدهـ بدل وقعد ببنطلون وقميص
علشان لا يـزيــد أمه اللي كل ماشافته بثوب وغتره وعقال فتحت له الموال المعـروف " نسخه من أبوكـ ,, ذكرتني بأبوك ,, ياليت أبوك موجود ويشوفك بهلـ منظر جااان أستانس أنك تشبهه !! "
وغيرهـا من الكلمات اللي يدري ومتأكد أنهـا راح تذرف دموع لمجرد أنهـا تذكرت أبوهـ ,,,, من يومها قرر يعتزل الثوب يمكن من اول أعدادي ,,, مايلبسـه ألا بالمناسبــات
أبعد نظرة عن الثوب ودور لـه بنطلون وتي شيرت بدون أكمام ,,, ودش يــســبــح ,,
وبـعــد ماتروش ع السريع بحمام داافي يرخي أعصابـه المشدودهـ ,, لبس ثيابـه وطلع من الحمام " الله يكرمكم "
وقف جدام المنـظـره يتأمل نفـســه ... رغم صغر سنه ألا أنــه يحس روحه جدي حيل بكل شي وآآحيـان يكرهـ نفســه لمجـرد أنــه عايش بسـن أأكبر من سنه بـ عشر سنيـن جداام !!
الـيـوم لمـا كان عنـد نواف ,, تـضـايق لما سمع كل واحد فيهم يطري أبوهـ لكنه مابيـن ولا حسسهم ,,,,,, وأساساً مب لازم نواف يحس ولو 1% أنــه مفـتـقــد أبوهـ علـشــان يـقــدر يخطي أول خطوهـ تجااهـ هدفـه
حس ببـاب الغرفه ينفـتــح ألتفت يشوف من ,, لـقـى آمنه داشـه ولما شافته آخترعـت ,,, وتجمدت بمكانهـا
زايد عقد ملامحه بستغراب وقال بصوت هادي : خير آمنه في شي !!
آمنه : لا بـس ,,,,,, " بسرعه قالت " لا ولا شي ,,, ولا شي

طلعت وسكرت الباب وراهـا بينما زايد مازال يطالع الباب بستغــراب !! " شــبـــلاهـا ذي !!!!؟؟ "

أحترقت من الفشيله لما شافته بدارهـ " هذا متى جى ؟؟؟ حتى ماعـطـى عمتي خبرر ! ياااااااااافشيييييييييلتـــي بس ! "
جافت أم زايد طالعه بويهـا وقالت بأستفسار : آمنه ! شفيج يمــه ,,,
آمنه أنتبهت على خالتهـا وقالت : لا بس زاايد موجود بغرفته ,,,
أم زايد : متى وصل ,,,
آمنه : ماادري ,,, دشــيت أجــيك ع الغرفة لقيته موجود ,,
أم زايد هزت راسها بتفهم وقالت : خلاص عــيــل دامه موجود هو بيتكفل بترتيب غرفته مايحتاي نرتبهـا أنـا وياج
آمنه بادلتهـا الآبتسامه بدون ماتعلق
أم زايد تزفر بـ هم : أمشي يمه خل نقـعـد تحـت ,, أبوج شكله بيوصل بعد شوي
نزلت مع عمتهـا تحت الصاله وقعدوا ينطروا سالم يوصل لأنه أتصل على أم زايد وقال لهـا أنه مسافة الطريج وبيجي ياخذ آمنه ,, وأذا تبي باجر راح يجيبهـا ,,,
15 دقيقه بالضبط والجرس ينطق يعلن عن وصول سالم البيـت قامت آمنه وبعد ماسلمت على عمتهـا طلعت لأبوهـا اللي ينطرهـا برى
أول ماطلعت آمنه من البيــت ,, شالت نفسهـا آم زايد وراحت فوق تطمن على ولدهـا ,,, فتحت الباب بدون ماتطقـه جافته واقف عـنـد الدريشـة وباله سارح لبعــيــد ,,,
أم زايد ببتسامه : زااايـــد !
ألتفت عليها بويهه الشاحب اللي رغم كل هالهموم مازال يمتلك جماله الطاغي عليه وقال : هـلا ,,, " رجع صد عنهـا "
جات وقفت أحذاه وقالت : متى جيت ؟
زايد : من شوي ماطووولـــت ,,,,
أم زايد : وليش ماعطيتني خبر أنك وصلت ؟ ع الأقل مر علي !
زايد بدون مايطلعهـا بأسلوبه السلس : كنتي مع آمنه ,,
أم زايد : وأذا ,,!!!
زايد يلتفت عليها ويتسند ع الدريشـة مغير الموضوع : شكلهـا قدرت توسع صدرج ,,,
آم زايد تذكرت آمنه وقالت : آآآي فديتهـا ,, هالبنت طييبــه ... آحسهـا مثل بنتي اللي ماجبتهـا ..... تصدق علشان تخليني أغير جو أصرت ألا تنظف معاي البيـت علشان أنشغل بأي شي بدل الهم اللي معيشه روحي فيــه .. خففت علي فديتها
زايد يحط يدهـ على خد أمه وترتاح على ظهر يدهـ خصله من شعرهـا : يعلهـا دوم هالأبتسـامه ,,,يعلني ماألمح دموعج طول ماأنـا حي
أم زايد تبوسـه براحت يده : ويـاك يــارب ,,, شعندك واقف هني وسرحااان .... شتفكر فيــه ؟؟؟
زايد يرجع يطالع الدريشه ويقول : واايـــد آشـيـــاء ,,
آم زايد : مــثــل شنو ؟
زايد : لا تشغليـن بالج أنتــي ,,,,, " بصوت وااطي " لا تشغلين بالج

.
.

اليــوم الـتــالي


ســافروا أهلهـا الصبح ع الـساعه 10 ... وفـضـى البيـت تماماً مافيـه روح غيرهـا !! لا أم ولا أبو ولا أخوان ولا حتى الخدامه أو الدريول مافي ألا هي تتسكع بأركان هالفله العــوودهـ
أو ماأشـارت الساعه لـ 3 الـعـصـر أتصـلت على راشد وطلبت منه يوديهـا الـصـالـون بما أنه ماعندهـا لا سايق ولا هم يحزنون وبرستيجهـا مايسمح لهـا تطلب لـمـوزيـن أو تاكسي ....
وآآكيييد ماراح يرفض لهـا طلب راشــد ,, أول مافضـى جال لهـا وطلعت معاهـ بعد ماخذت معاهـا فستانهـا اللي بلون دم الغزال متجهه لصالون وطول الطريج يسولف معاهـا ويتغشمر مثل ماأعـتــادت عليـه دوم ولا جاب لهـا سيرة الخطوبة لا من بعيد ولا من قريب
وأول مانزلهـا وراح ... دشت الصالون مالقت زحمـه وايــد بس في كم وحدهـ جدامهـا قـعـدت تنـطـر دورهـا وأتصلت على نوره
دقايق ألا صوت نوره جايها وضجه أحذاهـا : ياهلا بوضحى
وضحى : هلاوي نوري ,,, هااا وينج فيـه ؟؟
نوره : بالسياره رايحيـن الصالون .. خلاص قربنـا ,,
وضحى بتسأل : شكلج مب بروحج ,,!!
نوره ضحكت بالخفيف : ههههه آيـه معاي الشعب كلهم ,, أمي وسلوى وهنادي وخالتي
وضحى : وووووي شكلهـا السياره زحمه ,,
نوره بهمس : نواف واصل حدهـ ههههههههههـ يقول السياره ماراح تمشي
وضحى : ههههههههههههههههههههههـ ودي أقول أخوج فله بس للحيـن محاربته
نوره : ههههههـ فديتج ,, أعرفج ماتنسين بسرعه ..... " قالت بسرعه " وضوح كانا وصلنا الصالون بدق لج أول ماأخلص ,, ماأوصيج أكشخي بذممممممه أأبي كل أهلي ينخبلون عليييج ,, يمكن أصير حمااتج
وضحى : ووووووووووووي ماعوزززج ,,, من حلات خوااانج الشييييييف كل وااحد يقول للجكر قوم وأنا أقعد مكانك ,,,
نوره ضحكت : جببب زييييـن ,, بااااااااااي
وضحى : باااااي قلبي ,,,

سكرت من عند رفيجتها ونزلت من السياره بعد ماشبعت دززز من سلوى المختنقه ومرتعصه بالنص وتبي تنزل بسرعه من هالسيارهـ
لما نزلوا الا سلوى تقول بغضب : اموت وأعرف شله ماجانا أخوووج بالسياره الكبيرهـ ,,, شهلـ نذاله اللي فيييـه ,,,
نوره : يعااااااند يابلفييييت ههههههه
أم هنادي : يلا يابنات دشوا ,,,
دشوا كلهم الصالون لقـوا المكان زحمه شوي ,,,, قـعـدوا ينطرون دورهم وسلوى ونورهـ طايحيـن حش بالعالم الموجودهـ وتعليقات لهـا أول مالهـا أخر
بينما هنادي بما أنهـا كبيرهـ فكانت قاعدهـ مع امها وخالتهـا وتحاول تدش معاهم بحوار ,,, لأنه سوالف أختهـا ونورهـ ماتعجبهـا !

مر الوقت سريع عليهم رغم أنه كان بطيئ على وضحى اللي ماغير قاعدهـ تتصفح مجله تنطر دورهـا
وكل وحدهـ أكشخت آخر كشخــه وكلهم يتنافسون بالحــلـى رغم أنه جمال سلوى يغلب على جمال نوره آكثــر ,,
بس أنهم ثنتينهم حلوين,,,,, لكن ليـن جينـا عند وضحى الكل يوقف مافي حد ينافسهـا بالـحلـى !!
ودم الغزال اللي لابسته وكان قماشه حرير ,,,, زااايــدهـا حلا فوق حلاهـا وحتى المكياااج أضاف لمسة جمال وجاذبيه لا تقاوم على ملامحهـا ,,
عنقهـا زيـنـتـه بأكسسوارات من نفس لون فستانهـا ,,, وحتى أذنهــا ,, وبمعصمهـا اليميـن كانت تلبس ساعة بنفس درجة اللون فـاخرهـ مرصعه بالآلمـاس وخاتم يزيـن صبعهـا ,, وبيدهـا الثانيـه أساور ناعمه
وأظـافـرهـا لونتهم بدم الـغـزال مما زاد نعومة منظر يدهـا الرقيقه ,,,, طلــعــت قــــــــــمـــــــــــر وآحلى منـه بعد
آول ماخلصت كشختهـا لبست عبايتهـا فوق ثيابهـا وغـطـت شعرها بأهمال كعـادتهـا ,, وأحرصت تـقـرى على نفسهـا مب ناقصـه حد من هالزبونات الموجوديـن بالصالون يصكونهـا عيـن تروح من جيس أهلهـا
أتصلت على راشد وطلبت منه يجي لأنهـا خلصت كانت الساعه تشيـر لـ 6 الا ربـع ,,, وبعد مانقعهـا وصل ع الساعه 7 ,,
طلعت له بعد ماتغشت بشيلتهـا ,, وركبت جدام كعادتهـا وهي تتحلطم : شفيييك تأخرت ياراشد !! كنت أبي أروح مبجررر القاعه ,, مب حلوهـ أوصل متأخرهـ ,,,,
راشد وهو يحرك من جدام الصالون : شسوي ,, كنت مـودي اليـهـال الجمعيـه يخمون لهم حلويات ,,,, وأول مارجعتهم جيتج ,,,, " يطالعهـا ويرجع يطالع جدامه " المهم ماعلينا ,,,, أشوف ورينـي كشختج ,,؟!
وضحى سحبت الغشوهـ من على ويها وطالعته ,,,
ألتفت عليهـا راشد وبـغـى يوقف قلبه من حلاتهـا أطلق صفيييير حااااااد وهو يقول : لا لا مااااانــــقــــــــــــــــــدر جذي !
وضحى أبتسمت بخجل وقالت : حلوو ,,, ؟
راشد وهو من صجه مب قادر يشيل عينه عنهـا من حلاتهـا ونعومتهـا : حلو وبس !!! ألا صـااااااااااااااارووووووووووووووووخ
وضحى ترجع تحط الغشوه على ويهـا : ياحبك للمجامل ,, ودني البيت بجيب عبايتي الثانيــه ,,,,,,
راشد بسرعه : لا لا ! شله تغشيتي ,,, شيليهـا خل نجووف الكشخه ,,,,,
وضحى : تراني عطيتك وي واااايـــــــد ,,,
راشد : يافديت الوي وراعية الوي آآنــا ! ,,
وضحى طنشته وصدت عنه ,,, وصلهـا البيـت وصف سيارته داخل البيت مثل كل مرهـ فتحت الباب بتنزل ألا راشد ناط : أنــزل معــاج ؟
وضحى : شله تنزل ,, بجيب عبايتي وبرجع .... خللك ...
نزلت ورااحت صوب باب الصاله دشت وسكرت الباب وراهـا وراشد عينه تتبعهـا بكل خطوهـ ..لحد ماأختفت عن نظرهـ
راشد وهو ذايب بجمالهـا : آخ !

بينما داخل راحت دارهـا تكمل على كشختهـا وتبدل نـعـالهـا " الله يعزكم " بوحدهـ ثانيـة تزيدهـا طول أكثر وشكلهـا جذاب أكثر ,,,
وخذت عبايتهـا الثانيـه ولبستهـا ولفت شيلتهـا على راسهـا اللي بأطرافهـا فيـه آحمر بدم الغزال ,, ورشة لـهـا عــطـــر ,,
خذت شنطـتـهـا الحمــرهـ وحطت فيهـا العطر علشان ترجع تتعطر هناك ,, وطلعت من غرفتها بعد ماتطمنـت أنه فلافي مازال بغرفتهـا ,,,

طلعت لقت راشد مازال ينطرهـا ركبت ولما قعدت رجعت تغشت ووصفت له مكان القاعه وهو ماردهـا سيدهـ أتجهه للقاعه وكل شوي ملتفت عليهـا يملي عينه !
ع الـسـاعه 8 ونـص وصلت القاعه ,,, نزلـت بعد ماترجت راشد يجيـهـا علشان يردهـا وهو وافق مافكر أصلا يرفض !!!

دشت الحلفه اللي قايمه أغاني ورقص وضحك وسوالف بيـن البنات ودورت نوره بعيونهـا وبصعوبـه لمحتهـا واقفـه تسولف مع بنات أول مرهـ تشوفهم
فصخت عبايتهـا وكشفت عن جاذبيتهـا وسحرهـا وراحت بغنج لصوب رفيجتهـا اللي أول ماجافتهـا فرحت : وضوووووح ,,,
وضحى ببتسامه حلوه : سبرااااااايز ,,,
نوره بأعجااااب : يالخاااااااااااايســه صااااااااااااااااااااايرهـ قمرررررررررررررررررررر ,,
وضحى بغرور مصطنع : القمر ياخذ حلاهـ مني هههههـ
نوره تضحك : مالت عليج ههههه ,,, شرايج فيني ؟
وضحى : نعوووووووومـه وتهبليييييييين ,,,,, الوردي مطلعج بيبي شكلج كيوووت
نوره بغنج ودلع : ثاااانكس يالدبآ من ذوقج ,,, " تلتفت ع الثلاث البنات اللي واقفيـن معاهـا " ذولا بنات عمي من زمان ماجفناهم من جذي ماتعرفينهم ... هذي غاليـة وهــدى وفطووم ,,," تكلم بنات عمهـا " هذي وضحى رفيجتي وأأأحسن رفيجه بعـد ,,,,
وضحى بروح حلوه : تبالغ ماعليكم ,, " أقترب منهم تسلم عليهم و تأقلموا معاهـا بسرعه وأستلطفوهـا كأول تعارف بينهم " ,,
جات سلوى وهي رافعه طرف فستانهـا وقالت لنوره : نوروووهـ اللحيـن بيقولون أسماءنا وبيغنون علينا لآزم نرقص ,,,,
نوره طالعت وضحى وطالعت سلوى وقالت : لحظة ,,,,
طلعت من بينهم وأتجهت صوب المطربـه اللي جايبينهـا تغني ,,, جافوهـا تكلمهـا بس مادروا شقالت لهـا
بينما وضحى ببتسامه قالت : شدعوهـ سلوى ماعرفتيني ,,
سلوى ألتفتت عليهـا وقالت بأستغراب بعد مادققت بملامحها : و .. وضحى ! صح
وضحى : آيـه فديتج ... " أقتربت منهـا وسلمت عليهـا " شلوووونج حبيبتي
سلوى بعد ماسلمت عليها : بخير وآنتي ,,,
وضحى : الحمدالله ,,, شكلج غير بالميكــاج ,,,
سلوى : تصدقيـن حتى أنتي ماعرفتج من مكياجج الأوفرر ,,,
وضحى ماأنتبهت على نبرة أسلوب سلوى اللي كلهـا أستهزاء وقالت : قلت لهم أبي شي يناسبني ومايطلعني متصنعه ,,, حطوا لي هذا وصراحه أحسه يناسبني .... مايخفي ملامحي تماماً
سلوى تطالعهـا بنص عيـن : آآهـاااا ,,
وضحى بتسأل : الا كم نسبتج ؟
سلوى بغرور : 98 ,,
وضحى : مبروووووووكـ تستاهليـن أكثر ,,
سلوى : الله يبارك فيج ,, وأنتي !
وضحى : 96 ,,,
سلوى : يعني شااطرهـ ؟
وضحى : اي الحمدالله ,, ليش يبيـن علي العكس ؟؟
سلوى كانت بتقول وايد بس أحترمت نفسهـا : ممم شوي ,,,
جاتهم نوره وأنظمت لهم بفرحه غامرهـ ملامحهـا
شوي ألا صوت المطربه تهـنـي نـوره وسلوى و ..... وضحى ! بالـنـجــاح والتخــرج
وضحى أنصدمت لما سمعت أسمهـا ماتوقعت أصلا طالعت نوره وضحكت لا شعورياً ,,, وسط تصفيق كل الحضور
نوره سحبتهـا هي وسلوى علشان يرقصون ,,
ومن ركبوا الستيج أبـتــدى الرقص والطرب يصدح بهم ,,, والعالم حولهم تصفق والونـاسـه مرتسمه بـكـل مهـاره على وجوهــم
والأنظـار تمر عليهم كلهم ,, وكل وحدهـ تفكر بعروس لولدهـا ,,,,,
اللي تعجبهـا برائة ملامح نورهـ ,,, وجمـــال سلوى ,,, وســحر وحلا وجاذبيه وضحــى و .. و .. و !!!
بس بختصار كانت الحفلة رمززز للونــاسـة تصوروا مع بعض ورقصوا مع بعض ,,, مرت عليهم الساعات ورى الساعات بسرعة الـبرق ماحسوا بعمرهم ألا والساعه تشير لـ 1 بعد منتصف الليل
كل وحدهـ أتصلت على أهلهـا يجون ياخذونهـا ,, ووضحى أتصلت على راشد وأول ماسكرت ألا نوره جايتهـا : وضووح ممكن جوالج شوي ,, بدق على نواااف أنـا وسلوى جواويلنـا بالبيـت وأمي جوالهـا مافيـه رصيييد وهنادي جوالهـا مبند أصلا مافيـه جرج ,,, و
وضحى قاطعتهـا : خلاص خلاص بتعطيني العيله كلهـا هاااج ,, بروح أجيب عباتي ,,,
خذت نوره الجوال وأتصلت
بينما وضحى راحت تجيب عبايتهـا لبستهـا ولفت شيلتهـا وهي تحس روحهـا تبي تنام وبس ..
جاتهـا نوره بعد دقيقتيـن تقريباً وعطتهـا جوالهـا رن ولما شالته ألا راشد يقول لهـا أنه برى ,,,
حطت جوالهـا ع الطاولـه وحذفت الغشوه على ويهـا وأحكمت أغلاق عبايتهـا من جداام وطلعت من القــاعــه كلهـا لراشد اللي ينطرهـا ,,
ركبـت لـقـتـه ينطرهـا قالت بأعتذار : سوري سندرتك معاي اليوم ,, بس تدري ماعندي حد كلهم مسافريـن ومخليني بروحي ,,,
راشد بتسأل : بروحج ؟؟ ليش الخدامه محــد !
وضحى : أي مــحـد خذتهـا أمي معاهـا تقول ماتقدر تداري اليهـال بروحهـا ,,
راشد بغموض : آهـااا ,,,,,
عم السكوت بالسيارهـ وبعد مسافة الطريج وصلوا بيتهم ,,
راشد وهو يبند السياره : ماعليج آمر أبي قلاص مــاي ,,
وضحى وهي تنـزل وتسكر البـاب : آوكي ,,,

دشت دااخل وماأنتبهت على راشد اللي نــزل وراهـا ,,,,
دخلت البيـت وسكرت الباب وراهـا وهي تحس روحهـا بتنام خلاص ,, مشت بخطوات طويله ليـن وصلت للمطبــخ فصخت شيلتهـا ..خذت قلاص مــاي فاضي وراحت تغسله ببطـئ علشان تصب بـه الماي وتوديـه لراشد اللي ينطرهـا برى بالسيارهـ .....
غسلته مليون مرهـ بالصابون من كثر ماهي متسندرهـ ,, سكرت الـمــاي وهي تنفض قطرات الماي المتعلقه بالقلااص وبأصابعهـا
وماحســت ألا بـ يــديــن تـحــوط خصرهـا بأحكام
ألتفتت بسرعه وراهـا بعد ماتصرقعت وأنصدمت براشد اللي واقف قريب منهـا بدرجة فضيعه وقالت بأرتباك : ر... را... راااشـ...ــــد !
راشد بخبث : آآيــه !
وضحى تحاول تبعدهـ : وخرررررر شبلاااااك لازق فيني جذذذذي ,,,
راشد بأسلوب غامض : مو تبينـا نتزوج ,, هذي هي الطريقـة الوحيييده علشان يرضى أبوج !!
وضحى أنصعقت من كلامهـ وحسسسست كل جزء بجسمهـا أرتتتتتتتتجف ...... طاح القلاص من يــــدهـــا وأأصــــدرررر صوووت أرتطااام قوي برخااااام أرضيـة المطبخ

.
.
نــهــايــة الــبـــارت الـخــامس

نزلت ورنت الجرس وهي متجهه لداخل البيت ماخذه راحتها بزياده بما أنها متأكده أنه هالفله الضخمه مافيها آحد غير وضحى وصلت لباب الصاله وطقته مالقت رد .. تمت تنطرهـا يمكن توهـا قايمه على صوت الجرس وعلى ماتنزل يبيلها سنه ... لكنهـا طولـت ...أتصلت على جوال نواف وأول مارد عليها طلبت منه يرن الجرس من يديد لأنه وضحى مافتحت لهـا ,, بعد رفض مادام من نواف قام وحط صبعه ع الجررس لمده قصييره لكنها مزعجه وتركه ورجع ركب سيارته بينما عند نوره ... شوي وسمعت صوت وضحى يجيهـا من داخل : مـــن ؟نوره بصوت مسموع لوضحى : آآنــا نوووررهـ فتحي ..سمعت صوت المفتاح بعدهـا أنفتح الباب ...نوره بستغراب : شفييج سنه لين تفتحيـن ..وضحى : كنت نايمـه .. دشي دشت نوره وسلمت على وضحى اللي باين عليهـا تعبانه ..نوره بتسأل : شكلج مب نايمه عدل ؟وضحى بحزن خفيف تحاول تخفيه : مم يعني .. نمت متأخرهـ ...نوره : وليش سهـرانه ,,؟وضحى حست بغصه لما رجعت تذكرت اللي صار أمس قالت لهـا : مـتــضــايـقــه ,,نوره لما حست وضحى بتصيح أقتربت منها وقالت بأهتمام : شفييج شمضايقج ,,؟وضحى بعد تردد .. قررت ماتقول لهـا لأنهـا عارفه شرااح يكون جوااب نوره اللي ماراح يخلى أبدا من اللوم والعتاب قالت متجاهله سؤال : شعندج جايـه ؟؟نوره تذكرت سبب جيتهـا طلعت جوال وضحى من شنطتها وقالت وهي تمده لها : نسيتيـه آمس بالقاعه ..وضحى خذته وهي تقول : من أمس أدورهـ ...!! مشكورهـ فديتجنوره ببتسامه حلوه : العـفـو ,,وضحى : أمشي خل نقعد ,, بنطول بالوقفه هنـي ,,نوره بأعتذار : والله مااقدر نواف ينطرني بررررى بالزووور رضى يجيبني لج ... وراه محاضرات شكثر وضحى ببتسامه مصطنعه : ماعليييج تعالي قعدي معااي .. اللحيـن بيوصل الريوق .. طالبه من مطعم نوره بغرابه : أمدااج طلبتي ؟؟ تووج قايمــه ....!وضحى أرتبكت ,, وتوهقت ,,نوره بتسأل لما حست بأرتباك وضحى : يعني ماكنتي نايمه أساساً لما كنت أرن الجرس صح ؟؟ ليش مافتحتي لي !!وضحى تبعد خصل شعرها : لا تقعديـن تسوينهـا سالفه ,, تعالي قعدي أأبي حد يونسني ...نوره : وضحى في شي ؟؟؟وضحى : لا نوره بأصرار : بلا فيــه ,, شكلج تعباانه ... صااير شي ؟؟ لا تخشييين علي وضحى حست الدموع داهمتها بسبب أصرار نوره على تذكريـهـا باللي صــــاار أمـــس ...نوره لمحت دموع وضحى اللي صدت عنهـا فز قلبهـا قالت بخوف : ووضووح شفييييج ؟؟ لا تخوفيني عليييج ..وضحى أحظنت رفيجتهـا وهي تصييح بهدوء ونوره تمرر يدها على ظهرها : شفيييييييييييج خضيتي قلبي ؟وضحى من بين دموعهـا الهاديه قالت : راااشـــد ,,نوره أنقبض قلبهـا أبتعدت عنهـا وقالت وعينهـا بعين وضحى : شفيه ؟وضحى : آمس لما وصلني البيت بــغــى يـغـ...." وأختفى صوتهـا بين دموعهـا "نوره أنصدمت من اللي قالته وضحى ومن اللي قدرت تستوعـبـه هي من بــاقي الحجي اللي ماقدرت تنطقـه ..قالت بخوف على رفيجتها : صــار شي ؟؟وضحى هزت راسها بالنفي : ماسمحت لــه .....نوره : مـتــأكده !! وله ....وضحى : آكييييد .... " بعد سكوت قصير " طلب مني أأجييب له مااي دشييت علشان أجيب له اللي طلبه وماأنتبهت له وهو دااااش ....." ذرفت دموع من يديد وهي تقول " نوره خاايفــه والله ..نوره رجعت حظنتهـا وهي تقول : لا تخاافيــن الحمدالله ماصاار شي ,,,, وضحى بترجي : قــعــدي مـعـاي ع الأقل ليــن الظــهــر وروحي نوره : ماأقدر والله نواف ينطرني برى وماعطيت أمي خبرر ومتأكدهـ ماراح تـوافق ,,, الا بسبب مقنع ....وضحى أبتعدت عن صدر رفيجتهـا وقالت : شسوي اللحيـن ,, والله من أمس مب نايمه من الخوف ,, كله خايفه يدش علي بأي وقت ويسوي اللي ببالـه .... حتى لما رنيتي الجرس حسبالي هو من جذي مافتحت لج ...نوره : زييـن دامج خايفه لا تقعديـن بالبيت بروحج رووحي بيــت وحدهـ من خالاتج وقعدي عندهـا ...وضحى : مب متعودهـ عليهم ,, وخالتي الوحيده اللي متعودهـ عليهـا وأعتبرهـا أمي هـــي آآمـــه .... وهو كل يومين ثلاث يمر بيت آهله ..! ماأبي أأشوووووفهنوره : يعني شل حل ؟؟وضحى : ماادرررري ,, والله ماادري ..نوره لمعـت ببالها فكره وقالت : شرايج تجين بيتــنـا ... على أنهـا زيارهـ وقعدي عنــدنا اليوم وضحى : أخااف أثقل عليكم ,,نوره ببتسامه حلوه : ماراح تثقليــن ,,, يلا روحي بدلي بسرعه ...وضحى : تعالي معااااي ...مشت معاهـا نوره وراحووا فووووق علشان تبدل وضحى وتجي معاهـا ,,بينما برى كان قاعد ويطالع ساعته بقلة صببر : هذي وينهـا فيــه ؟ كل هذا تعطيهـا جووااالـهـا ؟؟ شكلهـا مصرهـ تنفذ كلامهـا وتقعد عندهـا .... أتصل على جوال أخته طول بالرنين وماحصل رد بعصبيه خفيفه : تطنش هي وويهـا ؟؟؟؟؟ رجع أتصل من يديد ونفس الشي ,, آخر شي قرر يطرش مسج وينطرهـا أذا ماطلعت بيدش ويطلعهـا بالغصب وخل تزعل وتمد البوز بعديـن ليش أنه فشلهـا جدام رفيجتهـا كتب لـهـا بالمسج " والله ,, والله ,, والله يانويييير يابنت فاييييز ... أن ماطلعتي اللحيـن لا تلوميـن ألا نفسج ... شغل العنااد مب علي ناطرج 5 دقايق بالضبط ماطلعتي دشششيييت لج وجريتج جداامهـا ,, ورااي محاضرات انـا مب متفرغ لج ولحركاتج الطفوليـه !! "بـعـد دقيقتين جافهـا طالعه ووراهـا وضحى أستغرب بقوه قال بصوت وااطي وعينه عليهم : شعندهـا جايه هي وست الحسن !!! لا يكون تبيني أوصلهـا مكااااان ,,, والله لآ أأأقطع ويهـا من الفشله واخليهـا تنزل تصيح !!!!! سواااق أبـ...... سكت لما ركبت نوره ويا وضحى ورى وهي تقول : شفيييك تزززف .. كاننـي جيييت نواف وهو يطالعهـا من منظرة السياره الموجهه على نوره لحسن حظه وقال : شسالفــه ؟؟نوره ببتسامه : وضحى بتجي معاي الـبــيـت ,,نواف وهو يحرك من جدام بيت رفيجتها : آآهــا !!سكــت وماسمع حسهم من ورى .. رن جواله وكان فهد المتصل رد عليه بدون تردد : هلا فــهـــد ,,فهد : أهلييـن ,,, وينك صييفت !! نواف : موجود .. بس أوصل الأهل البيت وجـآآي .... " يطالع ساعته " وبعديـن باقي نص ساعه على محاضرتي ...فهد : لا بس كنـا ننطرك بالكافتيريا .. وبعد شوي بتبدى محاضرتنا .....نواف : عندنا اليوم بطوولـه ... فهد : زيوود عندهـ محاضرتيـن يقول بيحضر المهمه والثانيـه بيطنش لهـا لأنه يبي يرجع مبجر البيت ,, وأأنـا ماعندي غير محاضره وحدهـ بتبدأ اللحيـن ورايح البيت ,,نواف تنهد وقال : لا !! يعني ماراح أأقعد معاكم اليوم ,,, " بعد تفكير " جووف العصر عازمكم بستار بوكس شراايك فهد : عن نفسي ماعندي مانع قاعد طول اليوم فاضي لا شغله ولا مشغله أأأرجع من الجامعه وهذي قعدتي ,,, الدور والباقي على زايييد !!نواف : لا أن شالله بيرضــى ,,,, بكلمه أنـا ...فهد : زيـن عيل أن شالله تكلمه وهو بمزااج عدلل ,,, نواف بضحكه خفيفه : أن شالله ,,, يلا حبيب قلبي اخليييك بدق لك وقت ثاانــي فهد : آوكي .. سلام نواف : مع السلامه ...سكر وحط الجوال أحذاهـ وشغل المـسـجـل وطول عليـه بعد .... مسـافـة الطريج وهم عند باب البيـت نزلوا وضحى ونوره ودشوا دااخل بينما نواف أتجه لجامعته على طول ,,بالجامعه وبالأخص عند زايد اللي يمشي مع فهد كل واحد فيهم متجهه لمحاضرته : قالك بيجي اللحين ؟؟فهد وهو يرفع نظارته الشمسيه ويخليهـا تستقر بين خصل شعرهـ : ايــه ... بس يوصل الأهل ويجينـا ...زايد هز راسه بتفهم وماعقب ..فهد ألتفتت عليه وقال : ترى عازمنا على ستار بكس بما أنه ماراح يقدر يقعد معانـا اليوم " يطالع جدامه " وبما أني وااحد فاضي فما رديتــه ,, ع الأقل أطلـع أغــيـ...زايد عض على شفته السفليـه وسبح بأفكارهـ لبـعــيد ولا أنتـبه لباقي كلام رفيجـه اللي قاعد يتكلم أحذاهـ ,, وماوعى ألا بدفعه خفيفه على كتفه : يااهووو !! أكلم روحي أنـا ,,؟زايد صحى من أفكارهـ اللي حتى مالحق يتعمق فيهـا وطالعه بتسأل : خير شكنت تقول ؟؟ ماسمعتك !!!!فهد طالعه بتفحص وهو رافع واحد من حواجبه : لا سلامتك ,, بس أأنــا رايح محاضرتي زايد : أوكي الله معااك ,, بينا ألو ,,فهد : آوكيه !!!!أبتـعـد عنه وهو رايح لمحاضرته : أموت وأعرررف شللي يشغل باله هالأنســاان ... لو بس يعتبرني أأخووهـ ويفضفض لي مثل ماأفضفض له آحنا بخيييييرر .. ماأقول الا الله يهدييك ويغيرك للأحسن !!دش محاضرتهـ وبعدها بدقايق دش وراهـ الدكتور وأبـتــدت المحاضره وهو ينصت بكل تركيز ,,, ومايطوف حرف ينقال ألا ويخزنه ببالـه .....بينما عند زايد اللي دخل محاضرته هو الثاني بس كان الدكتور موجود على عكس فـهــد ... حـمـد ربـه أنه ماكلمه ولا قال له شي لأنه مب بمزااج يسمح لـهلـ دكتور يشتت كل أفكارهـ اللي قاعد يرتبـهـا ببـالــه ..قعد بأخرى القاعه وهو يتنـهــد .. وحاول يتناسـى نواف وأبوهـ شوي ... ع الأقل هني .... لأنه ماراح يفيدونه لو ضاعـت عليه هالمحاضره اللي يعتبرهـا مهمه بالنسبه لـه ..بـيـت أم زايــد كانت قاعدهـ بروحها بالبيـت مـحــد جال لهـا يعزيهـا اليوم ,, وأصلا مو من كثر اللي يجونهـا ... الـ 3 أيام اللي طافت كلهم جوا وقاموا بالواجب وتموا معاهـا لحد أخر يوم وبعدهـا أنقطعوا مافي حــد يجي ألا نـادرزاييد ترك لهـا البيت اليوم الصبح وهو يـوعـدهـا أنه ع الـ 11 راح يكون عندهـا علشان يونسـهـا ,,, وآمـنـه بتجيهـا العــصـــر .. بينما فترة الصبح ماعندهـا حد يسليهـا ....قـعـدت تسترجع كل اللي صــار لهـا قــبـــل من زواجهـا من فايز لـــحـــد سجــن سعود الله يرحمه ....مافي حد بالـدنيـا يقدر يلومهـا علشانهـا تطلقت من فايز ,,, هالأنســان اللي ماقدرت تعيش معاهـ وكرهها حياتهـا رغم حبه الجنوني لهــا ,,, وااحححد عصبببي طووول وقته يهاوش ويتأمر ويطلب منهـا تسوي وماتسوي وأذا رفضت قلب الدنيا على راسهـا .... وكالعادة لما ينتبه على اللي سواهـ فيهـا يجي يستسمح ويقول آسف ..... ويـاليـت عيوبـه تتوقف هني وخلاص ...! ماتقدر تنسى يوم أنصدمت فيـه لما سمعته يتكلم بالجوال ويطمن شخص أنه راح يوصل له دفعـت مخدرات عن قررريب بس خل يصبرون عليييــه يومها طلبت تفسيير منه ورد عليها بكلامه اللي دايماً يعيد ويزيد فيه " هذا شغلي !! ورجاءاً لا تدخليـن فيييــه " ...صدمه ,,!!!! وصدمه قويـه بعد لما عرفت منه أنــه معيشهـا بفلوس حرااااام ويأكلهـا مال حراااام ويغرقهـا هدايا على حساب عالم تموت ,,,حاولت فيه علشان يهد هالعاده لكنه كان يتنرفز لما يسمعهـا تجيب هالطاري كل يوم ... ومن يومها وهي خلاص طفششششت ماقدرت تستحمله أأكثر من جذي .... شيفيد الحب أذا كان راح يخلللف أشياء لا تطاااق مايحترمهـا ,,,, ولا قــادر حتى يعيشهـا عيشه بالحلال ,,ولا يقدر يتفاهم ألا بالهواااش وأذا طفح فيه الكيل أستخدم يــدهـ ,,,,,حمدت ربهـا لما طلقهـا بعد ماأصرررت علييييـه لأنهـا عايفته وماتبيــه ,,,, وبعــدهـا بفتره طووويلـه ,,,, تقــدم لهـا وااحد سمعته طيييبــه بين النــاس ومحد يطريه الأ بالخيير ترددت بالبدايـه خافت يطلع نفس بو نواااف ... خافت يحبهـا وبجنون بس مايحترمهـا ويهينهـا وقت ماتفلت أعصابــه ,,,,, وخافت أكثر ترد تعيد تجربتهـا الفاشله بالزوااج !!لكنها لما أستخارت أرتاحت حيل لــه وتم كل شي وتزوجت وهي ماتدري أنه سعود يصير رفييج طليقهـا ,, ماخطر ببالهـا أنـه سعود اللي كان يجيب طاريــه فايز أحيان هو نفسه سعود اللي تقدم لهـا وتزوجته لأنه بكل بساطه ,, ســعــوود اللي جداامهـا وااحد خاايف ربـه وماعمرهـا شافته يسوي ربع اللي يسويـه فاااايـــز !!لكـنها أكتشفت بعد الزواج هالشي ,,, ببداية زواجهم نقص عليهم فااايـــز ,, كل شوي جاي متهاوش مع سـعــود وساابـه وقايل له أنه خااانه وطعنه بالظهـــر وأخذ زوووجتـــه منــه ,,,, وكل شوي جااي مسوي لهم فضيييحه بالفرييييج جدام اللي يسوى واللي مايسوووى ,,,, ويتــهمهـا أنهـا كانت على علاقـة بسعود قبل لا يطلقهـا من جذي ماكانت طايقته وطلبت الطلاق !!!!!!!!!!!!!!!وبعدهـا جاته فترة ركوود .... !!فتره أخـتـفـى فيـهـا من حـيـاتـهـم نـهـائيـاً ,,!!عاشت فيهـا مع سعود أحلى أيام عمرهـا وخلف هالزواج طفل صغير ملئ عليهـا حياتهـا ... وحياة سعود بعد ,,لحد مارجع فايز لحياتهم من يديد بس بوضع غيير !! كان هادي هدوء غرريب ,, وهالشي خلاهـا طول الوقت يدها على قلبهـا ... خايفه يسوي شي بسعود أو بولدهـا زااايد ......ذاك اليوم جالهـا سعود بعد نص الليل وقال لهـا أنه فايز بينــام هـنــي علــشـــان متزاعل مع أهله ,,,,خاافـت وبغت تقول لــه يطلع يطرد هالمخلوق من بيـتها بس ماقدرت تنطق ... بالأخير هم ربــع !!! وفايز لما ضاق راح لرفيجــه .....نـامت ذاك اليوم وزايد بالنص بينهـا وبيـن ريلهـا .. خايفه عليــه ليش ماتدريولما جا اليوم اللي بعــدهـ ... وتطمنت أنه فايز راااح ... صاااار اللي كانت خايفه منه لما جوا الشرطه وفتشوا البيــت علشـان سبب كانت تجهله بس عرفته بعديــن مافي أقـسـى من المنظر اللي شافـت فيــه سعود وهو ينسحب جدااامهـا بكل قسووهـ وقوهـ ... صاارخت حااولت فيهم علشان يهدوونه لكن بدون آآمل ,,بدون فااييييـدهـ بدون حتى أأدنــى فــايدهـ ,,حتى صيااااااح زااايد اللي عــلآً ماخلاهم يهدوونــه ,,,,,,,آيام صعبه عاشتهـا ليــن ثبتت عليه التهمه ,,, وكانت متأكدهـ أنه ورى هالمعمعه كلهـا فايز راحت له ,, ترجتــه لكنهـ صدهـا وبقوهـ ,,, ماكان يرد عليهـا الا بانهـا لو تبيـه يطلع ترجع لــه .....تركته فتره ,, شهور ,, وسنيـــن ,,,على أمل أنه بيجي اليوم اللي بينكشف فيه كل شي مستور ...ماكانت تلاقي حد تشكي لــه .. فبدون قصد كانت تقعد زاايد جدامهـا وتقول لــه .... أأنـه أبوهـ أنسجن مظلوووم بسبب فاايز اللي على حد علم زايد ذاك اليوم أنه رفيج أبوهـ !!!بدون ماتدري كانت تربي فكرة مجنونه ببال طفل صغير ,, كبر وهو يحاول يداري دموعهـا ويهديهـا الراحه على حسابـه هو !!....طفــــل كان يكبر وتكبر معاهـ فكرته المجنونه " آمي تصيح كل يوم .. علشان فايز سجن أبوي .... وتتمنـى تشوف فيـه يوم يشفي غليلهـا .. خلاص عيل !! راح أحقق أمنيتهـا ,,, راااح أأخليهـا تشوفه ذلييييل .. بس أهم شي أشوفهـا مرتااحه وماتصيح ,,"هذي فكره كانت تراود زايد وهو صغيير لــحــد ماكبر وصار هالشي هــدفــه الــوحيييييييـــــد تدميررر فــاايـــــــز وببببببس مب علشان أمه بس .. لآ ,,علشــانه لما كبر ودخل المدرسـة ذااق أسوء أنواااع الذل هنااك بسبب سمعته المدنسـه بيد هالفـايزبعض المدرسيــن كانوا مايعاملونه عدل لأنه أبوهـ تاجر مخدرات ,,, وبعض الطلاب اللي كانوا عيال جيرانه أنشروا هالشي لكل طالب بالمدرسـة....وصاروا ماينادون زاااايييد ألا بـ " ياولد التااجر , ياولد لظااالم , ياولد المخدرات , ياولد أبوكـ ... ويا .... وياا !! "كرره نفســه وكره اللي حولــه ,,, وكل ماتجرأ واحد وجاب طاري أبوهـ مسكــه وطاااااااااح فيــه طق ليييييـن يتلطخ ثوببـه بدمــه ,, وكذا مرهـ كان راح ينفصل بهالـ سبب كاان عـدواانــي من قلب وهو صغييييير وشوي اللي كانوا ربـعــه ... بينما أعدااءهـ ماينعدون ع الأصابــع .....!!! بس علشانه ولد تاجر المخدرات ,,, وفوق هذا كله ... كانوا أهل بعض الطلاب يمنعون عيالهم يقتربون منه آو حتى يرافجونـه .. وكأنه عاهه أو مررض خطير معدي !؟ذاك اليوم رجع البيت وشافته أمه بثوبه الملطخ دم وبيدهـ ورقـه مكتوب فيهـا أنه مفصول من المدرسـة أسبوع بسبب هالهوشـه اللي شعللهـا بالمدرسـة هاوشته أمه وصرخت فيييـه وهزئته تهزيئ محترررررم خلتتته يكرهـ اليوم اللي أنولد فيييــه ,,, ووسط صراخهـا حس بغصتهـا لحد ماشاف دموعهـا تنهمر على خدهـا من القهــر ,, ومن أحساسهـا أنه ماقدرت تربييـه عدل بدون سـعــوود ,,,,, ماتدرون شكثررررر أأأنعصصصصر قلبـه وكرهـ عمرهـ حزتهـا .. طول الفتره اللي راحت كان يحاول بشتـى الطرق انـه مايلمح دموعهـا واللحيـن بكل سهولـة ذرفـت دموع وبسببـه !!!راح لأمه وهو ماتعـدى الـ 10 سنيـن وقال لهـا بحزن وتأنيب ضمير : يمه آسـف ..صرخت فيييه : رووووووووووووووح غرفتتتتتك ماأأأبي أشوووووف رقعت ويههــــــك !!زايد أرتجف حنـجــه لأنهـا معصبه عليه وأوشك على الصيااح وهو يقول : والله آآسف ,, ماأعيدهـا ... بخليهـم المرهـ اليايه يعايروني على كييفهم مابطقهم ... خل يقولون لي ولد التاااجر مابزعلل بسكت عنهم ,, بس لا تصيحيـن يمــــه ..." صاااح " لا تصيحيـن !جافته وجافت دموعه اللي نزلت على خدهـ حظنتـه بقوه وهي تقول بعد ماعورهـا قلبهـا علييه : خلاااص زاايييد ... خلاص !!!!زايد وهو حاظن امه ويصييح : يمه والله آآسسسسف ماقصدت أصييحج ...من يومهـا وهو يتجنب الطلاب وكله منعـزل وقـاعــد بروحــه ومايتكلم نهـائيـاً مع أي شخص ألا للضرورهـ !! ويحاول مايعطي بال لأي كلمه كانوا يقطونهـا على مسامعه... لحد ماصــار يكتم بقلبـه ويحاول يمسك روحه ولا يتهور ويطيح طق فيهـم رغم أنه بيـقـدر وبسهولـه يطحن أي وااحد يتطاول عليه أو على أبوهـ ,,, كـبــر وصــار كتله من الغموض والـهــدوء البــارد !! .. بعد ماكان عدواني واللي بقلبه يقوله على طول ومايخاف من حــد ..... صـار أنـطوائي بشكل كبير على عمرهـ ..حتى امه ماكان يقول لهـا اللي يضايقـه علشان بس لا تــدري وتتضايق وتذرف دموع كعادتهــا ,,,, بالثانويـة تصادف أنه فـهـد يقـعـد أحذاهـ بالفـصــل وكان دووم يحاول يفتح معاهـ أي موضوع أو حوار ,, وهو ماغير يطالعهـ بنظرات مايقدر يستوعبهـا ويصد عنــه بأهـمــال ,, وأذا شاف أصرارهـ على فتح أي موضوع شخصي يخص زايـد أشتعـل وصرخ فيــه علشان بس يسـكــت ومايحاول يتقرب منه بعد بأي طريقـه كانت ... أنصعق فـهـد من صراخ زايد اللي أذهله وقال " خلاص خلاص لا تصارخ أنـا الغلطان أنـي جاايك "شال عمرهـ فهد ذاك اليوم وغير مكانه ماحب يقعد أحذى وااحد بينه وبيـن نفسه يحسه غرررريييب الأطوار على قولتهم .... وفـ يوم ولسوء حظـه .. وصل المدرسـة مبجر وايد .. دش الفصل لـقـى زايد حاط راسـه على الطاولـة وبسبب هدوء الفصل كان يسمع بعض وناته الخفيفه جداً ,,, أقترب منه وحط يدهـ على كتف زايد بأهتمام وقال : زاايد !زايد رفع راسه بسرعه يمكن اخترع من وجودهـ ,, وقدر يلمح فـهـد الدموع اللي كانت مستقرهـ على خد زايد اللي على طول وبسرعه مسحهم ,,فهد بأستفسار : فييك شي ؟!زايد بعصبيه خفيفه : لا !فهد بشبح أبتسامه : أعتبرني رفيجك وفضفض لي ..فيك شي ؟زايد بعصبيه أكببر : قلنالك لا ,,!!!!فهد رفع واحد من حواجبه وقال : عيييل شفيييك قاعد تصيييح ؟ وذاابح عمرك ؟؟مايمديـه يكمل جملته الا زاايد واقف له وملزقـه بالطوفـه وهو ماسكه من ثوبه بتهديد : وقسماً بالله لو تعييد هالكلمة مرهـ ثانيـه لا تندفـن ... وأن سمعت أنك قايل لحد عن اللي شفته لا تلوم ألا نفسك فهد فك يد زايد اللي متعلقه بثوبـه بقوهـ ودفعه وهو يقول بغضب : أنت وااحد مختل عقلياً ومينون رسسسسمييي بعد ... أنــا الثور اللي جاي أأخفف عليك مالت عليك وعلى اللي يفكر يخفف عليك لابوك لابو طوايفك ياشيخجا بيبتعد عنــه لكن زااايد ررجع مسكه وببكس واحد خــلاهـ ينسدح على الكراسي والطاولات اللي وراهـ .... حس فيـه تألم وقام وشكله ناوي يرد اللي سواهـ زايــد رد له البكس بكسييين وخلاهـ يلزق بالطوفـه لكنه أستغرب أنه زايد ماردهـا لــه ولا حتى حاول يردهـا ... اللهم طالعه بنظرات نـاريـه ودفعه عن طريجه وهو طالع من الفـصل وماسمع ألا جملـه قصيرهـ من فـهـد أثرهـا قوي بنفسـه" صصصج أنك وااحد متخلف ! "مرت أيام على هالسالفـه وبـعدهـا كلفهم الأستاذ بمشروع كل طالبيـن يسونه مع بعض ولسوء حظهم أنـهم صاروا مع بعـض !!!! وعلى عكس باقي الطلاب ماكانوا يشتغلون بأي شي ,,, ولا حتى يجتمعون بمكان علشان يسون هالمشروع .....لـحــد ماجـا يوم وحس بزايد يقترب منه ويقول بلا مقدمات : مب ناوي تسوي المشروع ؟؟فهد طالعه من فوق لتحت للحيـن شايل بقلبه البوكس المحترم اللي خذاه ذاك اليوم قال : والله أنت ماينعرف لك ... !! خوفي أأجيك وأقول لك بنسوي المشروع تقوم تولع فيييني بقاز ؟؟؟؟زايد ضحك بالخفيف وفهد أأنصدم وقال بذهول : من صجك أنت تضحك ؟؟ لا لا أأكييد أاحللللم !!!! زاااييييد يضحك شصاير بالدنيا يانــاس زايد : تراك تبالغ ,, " سكت شوي وقال " أسف ع اللي صار ذاك اليوم ..." يبتسم له وهو يمد له يدهـ " يصير نكون ربع ؟؟فهد طالع يد زايد وقال بنذاله : تكـفـى خل أذلك شوي يوميـن ثلاث وبعـديــن يصير خير زايد ضحك من يديد بصوت مسموع بس مب عالي ,, وفـهـد يطالعه ببتسامه ..!!! معقوله هاللي يضحك جدامه هو نفسه اللي ماينطاق ذاك ؟؟؟؟ومن بعد هاليوم وهم ربــع قراب رغم أنه فهد كل ماحاول يعرف شي عن زاايد جااف نظره ناريـه بعينه ....كل اللي قدر يعرفه أنـه زايد أبوهـ كان تاجر مخدرات وهذا طبعاً من الطلاب مو منه وماحب يقول لزايد هالشي لأنه عاارف بـه رااح يووولللـع ,,, ومع هذا كلـه ماتغيرت نظرته لزايد رغم أنـه ولد تاجر مخدرات ,, !!ومع الأيام كـبـر زيـادهـ ودخل الجامعه وألتقـى بـ نوااف اللي قدر يعرف من أسـمـه أنـه ولد اللي خلاهـ يشرب الهم من كااســه ... !!وبـمـا أنه صــار قررريبـ ووايد من هــدفــه ... ماظنتتي راح يفكر يتراجع ولو خطـوهـ ..!!!!!صرااخ أمه ,, وصيااحه ,, وظلم أبوهـ ,, وحرمانه من حنان الآب وحلاوة الطفولـة وبرائتهـا .. ودفنه لشباب أبوهـ وهو توهـ ببدايـة عمرهـ .. وتحميله مسؤوليـه وهو بعز طفولته كلهم راااح يدفع فايز ثمنهم غــالــي ... مب مهم كم وااحد راح يدمر ليـن يوصل لــه الآهم ..... آنــه يشوف فــاايـــز كسييير ذلييييل مابيدهـ حيييله ولا قوووووهـ جبروته وقوتـه وكبرياءهـ كلهم بيجي يوم وبيصيرون بيـن قبضة يدهـ وياويله من هاليوم !!..[/

نـرجع الـجـامعـة


طـلـع فـهـد من مـحاضرته وهو ماسك راسـه ... صدع من المعلومات اللي يحشرهم بالغصب بـمخه ,, ولا ويكتبهم بــعــد ..!! يلا كل شي يهون علشان آآخر ســنــه ...
طلـع جوالـه اللي ما سكت وهو داخل المحاضره ماغير يهتز بمخـبـاهـ ولما جاف الرقم أبتسـم .. كل اللي سواهـ أنه طرش لهـا مسج يقول فيـه
" آنـا بالجامعة حبيبتي أول ماأرجع البيت بدق لج .. "
مايحب يتكلم معاهـا وهو بالجامعـة مايدري ليــش !! كومـة الشباب اللي رايحيـن وراديـن حولـه مايسمحون لـه ياخذ راحته بالحجي والأكيد أنه تفكيرهم راح يروح بعييد بيقولون هذي رفيجته !! وغيرهـ من الحجي اللي مايحب يسمعه !!
فأحسن لـه يكلمها بالبيت هناك ياخذ راحته ع الأخررر ومـحـد فيـه خير يقول لــه شي !
حس بضربه خفيفه على كتفه ألتفت ألا بنواف ...
فـهـد ببتسامه عريضه ..: هلااااا نواااف .. " سلم عليه "
نواف : آهلييين .. " يطالع جوال فهد " ها من كنت تحاجي ؟
فهد وهو يحط جواله بمخباه : مـحــد كنت أطمن الأهل ! ...
نواف بتسأل : ها خلصت محاضـرتك ..؟
فـهد : آيـه الحمدالله توني مخلصهـا ... ورايح البيـت ..
نواف يطالع ساعته : والله كان ودي أسحبك ونروح الكافتيريا نشرب لنا شي .. بس محاضرتي مب باقي عليهـا ألا 5 دقايق وتبدأ
فهد يغمز له : شعندهـ الحريص ؟؟
نواف بغرور مصطنع : شقـالولك ... عيال فايز سهليييـن ...؟
فهد وهو يدفعه من كتفه بالخفيف : خف علينا بس ,,, يلا يلا أجوف على محاضرتك بعديـن تتاخر وتقعد تـصيح عليـنـا
نواف ضحك بصوت مسموع وهو يقول : يــاهــل جداامك أنــا ...
فهد : ههههههههه والله أذا دكتوركم د. صالح .. أقوى واحد منكم بكلمة وحده بس ...يموت صياح ... عيال الثانوية ماينشره عليكم
نواف : مب جنك مصخرتني هههههههـ قال عيال الثانويـة قال .. وله علشانك أخـر سنـه بتشتغل طنازهـ علينـا !!
فهد : هههههههههـ محشووووم .. من يقدر يطنز عليك أنت وشكلك ..
نواف ببتـسـامه حلو : زيـن مو تنسـى العصر بستار بكس ..
فهد : ولا تحاتي حبيب قلبي .. قبل لا يفتح ستار بكس أنا عند بابهم
نواف ضحك بالخفيف : آووكي أجووفك هنااك .. سلام
فهد وهو يتبع نواف بنظره : الله معاك

طلع من الـجـامعـة وركب سيــارته وهو رايـح بيـتــه ... بينما بالجامعـة أول ماحرك سيارته فهد .. كان زايد توهـ طالع وهو بدورهـ بعد ركب سيـارته ورجع البيـت
واحد مستعيل على روحة البيت علشان آمـه
والثاني علشان زوجة المستقبل ,,

.
.
.
.
.

أسـتـقــرت الـطيــاره على أراضي الـدوحـة ونـزل مـنهــا بهيبتـه المـعـتـاده ,, وأتـجـه سيـده لسـيـارته اللي تنطرهـ برى بما أنه عطى الدريول خبر أنه راجع اليوم وخلاهـ ينطرهـ بالمطار
ركب جدام وتكفل الدريول بنقل الشنطه لسيـاره ورجع ركب وهو متجهه للـبيـت ,, والـجـو هـادي عندهم تماماً
وبـعـد مـسـافـة الطـريج الشبـه طويل توقفـت السياره داخل البيت ونزل بو نواف وهو يعطي اوامرهـ للدريول أنه يوصل الشنط لعند باب البيت وخلاص .... لأنه ممنوع منعاً باتاً يدش داخل البيت ولا حتى الصاله لأي سبب من الأسباب ....
دش البيت لقـى الوضع هـادي ومافي حــد ,,, توجهه سيده لغرفته فتح البـاب بحرص لـقـى آم نواف تمشط شعرهـا وهي قاعدهـ جدام التسريحه .. اخترعت من دخوله ألتفتت له ببتسامه عريضه : يااااااهلاااااا تو مانورت الدووحــــــه
قامت تسلم عليه
بونواف ببتسامه عريضه صافيـه : هلاا هلاا حــنــان ,, شلووونج يالغاليه ؟
أم نواف وهي تشيل عنه الشنطه السودهـ اللي كان ماسكها بيده : بخيير دامك بخييير ... من متى أنت بالدوحه ؟؟
بو نواف : ساعه يمكن .. توني وااصل !! ....
أم نواف : وليش ماعطيتنا خبر علشان أطرش ولدك يجيبك ؟؟؟
بو نواف : لا الدريول تكفل بهلـ شي .. خلي الولد يلتفت لدراسـة بنفسه على وي امتحانات ,,
أم نواف بعتب : يعني هالغريب يعرف أنك وااصل قبل أهلك ,,
بو نواف يقرصهـا بالخفيف بخدهـا : خلي عنج الدلــع ... لما تشوفيـن شجبت لكم بتطيريـن من الونــاســه ..
أم نواف : تعرف شلون تسكتنــي ...
بو نواف ببتسامه حلوهـ : داارس أطباعج هههههه ,, " بتسأل " الا عيالج ويـنهم ؟؟ ماشوف حد
أم نواف : نواف مثل ماأنت عارف بجامعته ,, وغانم كالعاده أذا مالمحته بالبرجه أأكيييد بغرفه يلعب بهلـ سونــي .... وبنتك نوره بغرفتهـا مع رفيجتهـا .. وريـــم عندهم
بو نواف : دام السالفه جذي ,, تعالي معاي خل أعطيج هـديـتـج ,,,, " يغمز لهـا " درت تـايلند كلهـا علشان أحصل الزيـن لج ياام الزيــن ,,
أم نواف بخجل خفيف : بنشوف هالزيـن اللي تتكلم عنــه ,,, ياخوفي بس !!
بو نواف بضحكه حلوه : تراج ماتنعطين ويي تدريـن ولـه لا ,,
أم نواف تشاركه الضحك : ههههههههههه لا معلومة يديدهـ ...
بو نواف وهو طالع : آمشي بس أمشي ,,,

طلعوا من الغرفه وهم نازليـن الدري والوضع بالبيت للحيـن على حطت يدهـ ,,
نزل بو نواف تحت وفتح باب الصاله ودخل الشنط وحدهـ ورى الثانيــه ... وأصغر شنطه شالهـا بيدهـ
أم نواف بأستعجاب : هذول يوميـن سافرتهم ورجعت بهلـ شنط ,, لو مسافر شهـر شبتجيـب معاك ,,,,,,؟؟
بو نواف بغشمره : تــايلـنــد كلـه ,,,
أتجـهوا صوب الـكـرسي وقعـدوا حط الشنطه جدامه وفتحهـا ,,, كانت مليانه هدايا وأغراض ,, طلــع كيـس
ومـدهـا لهـا وهو يقول : وهذي هديتج ...
أم نواف فتحتهـا بفضول تبي تعرف شفيهـا ... ولما وصلت للعلبـه وفتحهـا لـقـت طقم ألـمــاس كامــل أأنصعقت من جمالـه قالت ببببفررحه : واااااااااااااااو يــهــــــــبــــــــــل !!! تسلم لي والله
بو نواف ببتسامه وغمز حلوه : عاد أبي أشوفـه عليج ,, مو تخشيـنه للأعرااس بــس ,,,,,
أم نواف : وووي ألبسه بمناسبة شنو ,, خل أتكشخ فيــه بعرس ولدك أن شالله ,,,
بو نواف يسوي روحه معصب : شنو تكشخين فيه بعرس نوييف ,, وأنـا مالي نصيب أجووفـه ؟؟
أم نواف : يعني تبيني أتكشخ لك وأحنا بهلـ عمر ,,, كبرنا يافايز
بو نواف يحرك لها حواجبه : أذا أنتي كبرتي أنا بعدي شباب ...
أم نواف بطنازه : أأشووووف الشعرر الأسوود تاارس راااسك من كثررررهـ ,,, والوووي صااااااااافي
بو نواف : صافي وله جنعد ..
أم نواف : وووي لا تصير لي نواف الثاني .. هههههههه..
.
.
فوق بالغرفة عند نوره

كان الـجـو عندهم شبه هادي ... وضحـى قاعدهـ بالأرض آحذى ريم تجوفهـا وهي ترسم رسمات عشوائيـه طفوليـة وتستشيرهـا فيهم أذا حلويـن ولـه لا ,,
ونوره ماغير قاعدهـ تحاول تسولف مع وضحى عن موضوع راشد بلا آمــل بسبب وجود ريم معاهم ,,
نوره بأمر : ريموهـ حبيبتي ,, نزلي تحت جيبي شي ينأكل ...
ريم تهز راسها بالنفي بدون ماتجاوب
نوره تنفخ بتذمر : ريمووهـ عييب !! وضحى ضيفتنا وماتعطينهـا شي تاكلــه ...؟
ريم بلا مبالاه قالت : عــودي " عـادي " كاهي شيووم تجينا ماتعطينها شي ,, " تطالع نوره " وله الكبار غير ؟؟؟؟
وضحى بتسأل وهي تطالع رفيجتهـا : من شيووم هذي ؟؟
نوره بتملل : بنت جيرانـا ... ورفيجتهـا " تطالع أختهـا " زيـن صيري آحسن مني وقومي جيبي عصير..
ريم تطالع نوره ببرائـه : ماعرف أسوي عصير ؟؟؟
نوره : حد قال لج سووي ,,؟ فتحي الثلاجه بتلاقيـن عصير جاهز .... ودشي غرفة نوااف طخي لنا كم جبس وتعالي
ريم تلوي بوزها : مايهاوشني ؟!!!
نوره : لا ماراح يهاوشج ,, وهو أساساً محد راح المدرسـة ..." تقول لهـا مدرسـة لأنه عقلهـا للحيـن مب قادر يفرق بين المدرسة والجامعه "
ريم تقوم توقف بطولهـا القصير مووت بسبب صغرها وتقول : بروح وبجي لا تسكري الباب ...
نوره تقوم توقف : زيييـن زييـن أنتي طلعي بس ,,,
ريم تطالع وضحى برجى : لا تخلينهـا تقفل عني الباب ,, زين !
وضحى ببتسامه : ولا يهـمــج ,, اول ماترجعين أنا بفتح لج
ريم أبتسمت بعفويه وصدت عنهـا وهي طالعه ووراهـا نوره ,,,,,
طلعت من الغرفـة ومشـت متجهه لـدري اللي نزلت منه بسرعه بركض

سكرت نوره الباب وقفلته وهي تقول : آآففففف مابغت تطلــع ,,
وضحى : حراام علييييج ,, تبي تقعد معانـا .....
نوره : يووهـ خلينا منهـا ,, اللحيـن بتجي بطق الباب بتتملل وبتروح لغنووم يلعبهـا ...ماعليج أنتي بس ... " قعدت أحذاهـا " شبتسوين على موضوع راشد ؟؟
وضحى أطلقت تنهيده طويله : ماادري ولا أأبي أأدري حتى ,,, كل اللي حاطته ببالي هاللحظه أني بطنشه وبتجاهله ... صررااااحه طااح من عيني ,,
نوره بعتاب : لو أنج سامعه كلامي من الاول كان ماصار كل هذا ,, شفيهـا يعني لو متصله علي وجيتي معانا الصالون ورحتى معانا الحفله وبطريجنا قطيناج بيتج ,,, بدل طلعتج مع ولد خالتج هذا بروحكم ... وآآكييد حضرتج مب متغغشه ولا شيي ,,, وخليتيـه يشوفج بهلـ منظر
وضحى ماتحب حد يعاتبهـا ...من جذي أنعقدت ملامحها بضيق .. وهي تسمع كلام نوره وقالت : بلا كنت متغشيــه لما طلعت من الصالون ,,, قال لي يبي يشوف شكلي رويتــه .... ماخطر ببالي كللللللش أنه تفكيييره وصصصصخ ووااطي جذي ,,,
نوره : والله حبيبتي ماينلام ... وحدهـ قاعدهـ أحذاهـ بكل هالجمااال وماتبينه يسوي شي ,,,, !!! أأنــا حتى نواف أخوي أستحي أطلع جداامه بهلـ منظر ,,,؟؟؟
وضحى بتذمر : يووووووووه نوره لا تشتغلين لي اللحيــن ,, أنـا شدراني أنه كل هذا بيصير ... ماتوقعتهـا منه .. فاهمه شنو يعني تربه معااااي ...؟؟.. من يومني بزر لحد هالعمر وأنا معاهـ مب معقولة يسوي اللي سواهـ آمس
نوره : راشد ريـال واللي سواهـ شي معروف من البدايـة ,,, ع الأقل ع الأقل لما تمكيجتي جان مارفعتي الغشوهـ كلش ولا خليتيـه يشووووووف ؟؟؟
وضحى بنفاذ صبر قالت بأنفعال : شدراني أن بيفكر مجرد تفكير بهلـ شي ,, " جاتهـا غصه " لا تعورين رااسي خلاص سكري هالموضوع
نوره بحزم : لا ماراح أسكرهـ ,, هالمرهـ عدت على خير المرهـ اليايـه ماتدريـن شراح يصير !!!!
وضحى بزهق وهي خانقتهـا العبرهـ : أنتي جايبتني بيتج تغثيني وله شكلج جذي ؟؟؟؟
نوره : نصايحي لج تعتبرينهـا غثـى ؟؟؟ تراج رفيجتي وأعتبرج أأختتتي وماأحب أأنه اختي يصير فيهـا اللي صار لج آآآمس وزعلتي وله مازعلتي الكلام اللي راح أقولـه بتسمعيينــه ,, لأنه مب بكييفج تسكريـن أذونج عن كلمة الــحــق وتحطيـن اللوم كله علييييـه ... تبين الصج أأنــا معاه باللي سوااااهـ .. لأني لو كنت ولد وأنحطيت بنفس الموقف اللي أنحط فييـه جاان والله ماهدييييتج ... !!
وضحى بتنرفز وعصبيه وهي خلاص بتصييح : شوفي نويررر قسماً بالله لو ماتسكرين هالموضوع برجع بيتنـا ,,
نوره بدون قصد قالت بأنفعال : ومن بيرجعج أن شالله ؟؟ رااااشــــــد !!
وضحى بصراخ : خلاااااااااااااااااااااااااااااااااااااص !! ................ " غطت ويهـا وغرقت بنوبـة بكــاء "

كلام نوره يعذبهـــا ويجرحهـا ألف مرهـ بالثــانيـــه ,,,, وهي ولا مهتمه قاعدهـ تزييييد فيهـا بكلامهـا اللي بينهـا وبيـن نفسهـا عارفه أنه صح ,,, بس مب راضيه تتقبله أو تقتنع فيـه
نوره نزلت نظرها للأرض لما شافتهـا تصيح وقالت بحنان : لآزم بتصيحيـن ... كل اللي قلته هو الصج وأنتي مب راضيـه تصدقينه ..
وضحى تطالعهـا وويهـا أكتسى بالألم : زيـن غلطت ومعترفه بغلطتي خلاص أرحميني .... أنــا لو لي أهل عدليني جان ماصار فيني جذي ,, بذمتج في آآم يطاوعهـا قلبهـا تهد بنتهـا بــديرهـ وتسافر بديرهـ ثاانيـــه .. بحجة أني راح أكون بأمااان وأأنـا بروحي بالبيت ومامعاي آآحـــد ,, ؟؟؟ " تأشر على نفسها " خاافت علي من محموود ونسسسست ولد أختهـا ,,,,,, والله والله والله يانورهـ ويعلني هاليوم ماأأكمللــه ... لو محمود كان موجود جااان ماسمح لهلـ حقييييييير راشد أنه ينفذ اللي فكر فييـه ... حتى لو يضطر يذبحه طق .. بس أأنـا من عندي ؟؟ من مهتم فيني أساساً .... آآمي ؟ اللي كلهـ لاهيه بالعزايم والأعراس والحفلات كل هذهـ علشانها مرت التاجر المعروف ولازم ماتهتز سمعتهـا جدام العالم ويقولون مرت فلااان ماتعرف الذوق ولا الأصووولـ اللي يشوفهـا يقول مرت وزيييير ولـه سفيييير ولـه حتى شيييييخ !!!... ولــه أأبوي اللي من بلد لبلد وأذا كان بالدوحه ماأجوووفـه " زادت بالصياح " والله ماجووفـه ... ألا نــادر ..
تدريـن يوم نجــحــت ... رجعت البيت ماحصلت حد بالبيت يشاركني فرحتي ... قلت للخدااااامــة .... طالعتني ببروووود والله يذبح ويعور القلب وقالت لي مبروك تقطع القلب ... قلت معليش هذي غريبه مايهمهـا لو نجحت ولـه رسبت ..... أتصلت على أبوي هزئني وسكر الخط بويهي ليش أني سندرته جداام الوفـــد ,,, وآآمي لما رجعت باركت لي ماأنكر هالشي ... بس كنت أنتظرهـا تجي تاخذني بحظنهـا وتطير فيني من الفرحه ....... ولا جني بنتهم يانورهـ !!... وتلوميني ليش أني وااثقه براااشــد ..!!.. رااشد كان معوضني عنهم .. ويلبي كل أحتياجاتي ويحسسني أنه في حد بهلـ دنيا مهتم فيني ....يحسسني أني أنسانه .. يدااري مشاعري ويطبطب علي لا زعلت ولـه صحــت ... وحتى لما رفضه أبوي لما تقدم لي ماقطعني .. تم واصلنـي ولما تزوج خلا عياله يعتبروني عمتـهم ..!!!!... ماتوقعته جذذيي والله ماتوقعته جذي وبهلـ دنائــه !!!

قامت نوره وأقتربت منهـا وحظنتهـا بقوهـ وهي تسمعهـا تقول من بين دموعهـا : تعبت يانورهـ والله تعبت !!!!!
غمضت عينهـا نوره بقوهـ لما حست بالجروح اللي بصدر رفيجتهـا واللي تحاول قد ماتقدر تخفيهم لكن هيهــات ....
قطع عليهم هالجو صوت نغمة جوال وضـحــى ,, ونفس النغمة اللي تعرفـهـا .... زاادت بالصيااح لما سمعتهـا ونوره ماغير تحاول تهديهـا بدون فــايــده
أختلطت صوت شهقاتهـا وونينهـا مع نغمة جوالهـا
.
.

بالصوب الثـاني

كان يتـصـل وهو ينتظر ردهـا علشان يعتذر على اللي سواهـ أأمــس ... ويدعي من كل قلبه أنهـا ترد ولا تطنشــه ..!!!
مايبي يخسرهــا ,,
لكن بدون فــايـدة ماكانت ترد عليـه ,, أنقهـر وحذف الجوال ع الكرسي بقهر آكبر وهو يقول : لا يكون تسوينهـا ياوضحى !!! والله ماراح أخليج تطلعين من حياتي بهلـ سهولـة ,,
طلع من غرفته وهو ناوي يروح بيـت وضحى وخل يصير اللي بيصير ...
نزل الصاله لـقـى هـيـا تلاعب عيالهـا وصوت ضحكهم حاشر المكــان وحتى هيا كانت مرتسمه الفرحه على ويهـا ببراعه وهي تشوف عيالهـا ميتيـن ونــاسـة
لمحته وهو يطلع ويسكر الباب وراهـ بقوهـ زيـن ماأنكسر .... وهي تتمنـى تعرف شسبب عصبيته هذي ؟؟؟
أستعدل علي اللي كان منسدح على ظهرهـ وجوري تدلدغـه بمشاركته آمه وقال بعد ماشاف أبوهـ طلع : بابا ويـن لاح ؟ " راح "
هيا ببتسامه تخفي وراهـا ألف معنى : بيرجع بعد شوي حبيبي ,, " تغير الموضوع " لا تغير السالفه بنذبحك ضحك اليوم يعني بنذبحك
هجمت عليه بأناملهـا اللي تتحرك بسرعه على جسدهـ الصغير وهو ميت ضحك وجوري كانت تدلدغه بعد وتضحك بصوت عالي بفررحـــه ,,
وهيــا تحاول تلهي عمرهـا معاهم ولا تشغل بالهـا براشد .. اللي شكلهـا بتستخدم معاهـا نفس أسلوبـه
يطنشهـا ويحقرهـا ويجرحها ... راح تطنشه وتحقرهـ وحتى لو قدرت راح تجرحه !!!
هالحـال ماينسكت علييــه .. ملزووم يرسيهـا على بر
وله هو مخليـهـا علشان تربي اليهال والحبيبة وضحى تملي عليه وقت ودنيتـه !!

.
.

دخل البيت اللي كان هــادي مثل كل مرهـ ... لأنه لو كان أزعاج فأكيد في شي غلط بالموضوع ؟؟
لـقـى آمـه قـاعد بالصاله وسرحانه بالأرض ..
زايد وهو يتصنع الأبتسامه والمرح مثل كل مرهـ : قــاعدهـ تعديييـن المربعات اللي بالزوليـه يعني ؟؟؟
رفعت نظرهـا بسرعه لولدهـا وقالت بحب : جيييت يبـه !!
زايد وهو يقعد أحذاهـا ويرمي الكتب ع الطاولة اللي جدامه : آآي جييت .. كنتي تفكريـن فيني صح ؟؟؟ آآدري بعدي مب سهل
أم زايد : شخبار محاضراتك اليوم ؟؟؟؟
زايد : والله تمام ... كل شي أووكيه .. آدعي لي أأتخرج بنسبـه حلوه ترفع راسج بوحيدج
أم زايد دعت من قلب صادق : يــآآآآآآرب ,, تتخررج وتشتغل وأأفرح فيييك وفعيالك ,,
زايد رفع واحد من حواجبه : أتخرج وأشتغل أوكي ماأختلفنا ,,, بس الباقي مو وقته !
أم زايد ببتسامه حلوهـ : متى ماجا وقته عطني خبر وأنـا أروح أخطب لك من عيوني .....
زايد يبوس يدهـا : آن شالله ,, آهم شي راحتج ... " يطالعهـا " أبيهـا مثلج بكل شي .. " بعبط " أبي شعرهـا مثل شعرج وقمر مثلللللج وتهتم فيني وبكل شي يخصني مثل أهتمامج ... تعاتبني لا غلطت وتبهدل ابو عيشتي لا سويت شي يضايقهـا ... آبيهـا لآ زعلت تصيييح مثللللج .." يغمز لهـا " دلوعة يعني ... ماأبي لسانهـا طووويل ..!!!! .. أبي دمهـا خفييييف والقعدهـ معاهـا توسع الصدر مثلللللج .... " بتسأل " لو لقيتي وحدهـ نسخه عنج بكل شي .... ماراح أأرفضــهـا ..
أم زايد وهي تمرر يدهـا بخصل شعره الكثييف : آن شالله خيــر ...! " بتسأل " ماتبي تـاكل ..
زايد بضحكه خفيفه : وأأبيهـا تحاتي بطني مثللللج ..
أم زايد أبتسمت على تعلييقه : عيل جذي بتاخذ مكاني ,, وبصير صفر ع الشمـال !!!!
زايد بجديه ممزوجه بأبتسامته الحلوهـ : تخسي الا هي تاخذ مكااانج ... خلاص عيل بطلنـا مانبي نتزوووج بقعد عزووبي على قلبج ......
أم زايد : مب بكيفك .. " تقوم " أأأمش خل أسوي لك شي تاكلـه ..
زايد يوقف ويخليهـا تقعد : قعدي قعدي .. آنـا بسوي .... أقدر أتكفل بنفسي وبعديـن جربي طبااخ وللدج
أم زايد : الله والطباخ عاد ,, بتسوي رووتي وجبن كعادتك .. " جات بتوقف " وخر خل أسوي لك شي تاكله
زايد رجع قعدهـا وهو يقول : لا تفكريـن حتى ,,,, ولدج ريال مب مطبخ اللي يـشــل حركتــه !! .. أنتي قـعــدي ونطريني دقيقه بس ويكون الأكل عندج
أم زايد : شهلـ أكل اللي بيخلص بدقيقـه ..
زايد : معاي مافي مستحييييل ....

أبتـعــد عنهـا ودش الـمــطــبـخ قــعــد يدور على شي يسويـه ...وبعد جهـد جهيد وهو يفتح بالكّـبـاته " جمع كبت " والدروج والثلاجه ...أستقر على بسكوت وحليب !!!
سوى الـشــاي وهو الشي الوحيد اللي يبرع فيييــه ولما خلص حط علبتيـن بسكوت بالصينيه وطلع وهو شاق الحلج : ترآآآآآآآآآآآآآآآآآآآآآآآآآآآآآآآآآآآآآآآآآآآآآ !! .. " بستعباط قال " ها كملت دقيقه وله للحيـن باقي منهـا شوي ؟؟
أم زايد وهي تطالع اللي بيدهـ : تستعبط ؟؟؟؟
زايد وهو يـقـعد أحذاهـا : ياحلات أستعباطي .. أكلي بس أكلي وأأدعي لي ....
أم زايد فتحت علبة البسكوت وأبـتــدت تاكل بهـدوء وزايد نفس الشي ,,
مافي ألا صوت التكييف مــالي الــجــو ,,,,
لحد ماقطعت هالسكوت آم زايد : آمنه بتجي اليوم العـصــر ..
زايد بتملل : ولللللللـــع هــوو كل يووووم .. !! آآبي اقعــد معاج ؟؟
أم زايد : زيـن أقعد معانا ,, شـ مانعك ؟؟؟؟
زايد : تعرفيـن أني ماأحب أقعد معاكم دامهـا موجودهـ ...
أم زايد : زيييـن ليــش ؟؟!
زايد : بس ماأأعرف ومب متعود عليــهــا ,, وبعديـن لا كنت موجود .. لآ انــا بقدر أاخذ راحتي بالكلام أو حتى أتكلم ولا هي وبيصير الجو ممل !! محد بيتكلم ....
أم زايـد : يعني تبيني أقول لهـا لا تجيـن ,, كفاية البنت تداريني وخايفـه على صحتي ؟؟ وماتبيني أقعد بروحي
زايد : وأنـا ويـن رحت ؟؟ ولـه مب مالي عينهـا !!!!
أم زايد : شدخل اللحيـن ؟ مالي عينهـا ونص بــعــد ,, بس أحنا حريم ونفهم على بعض ويمكن هي تفهم علي وتحس فيني أكثر منك
زايد يحط اللي بيده : اللحيـن صرت أنا اللي ماأحس فيج وهي اللي فاهمتج عدل !!!!
أم زايد : شفيك قمت تحلل كلامي على كيفك ؟! .. كل اللي قصدته أأنه هالبنت أحبهـا ووجودهـا يخفف علي .. " تحط يدهـا على فخذه بحب " وآآكييد أنت الأغــلــى ,,,, ولـه قمت تغــار !
زايد : لا شـدعوه !!
أم زايد : عيل ليش تضايقت وعصبت علشاني قلت أنهـا تفهمني أكثر منك
زايد : لأني مب مستعد تاخذج مني أنتي بـعــد !! بتحبينهـا حبيهـا بس ماتحتل مكاني ,,,
أم زايد أبتسمت على كلامه : زاايييد !!! أنت منتبه على كلامك صاير جنك يااهـــل ؟؟؟
زايد : والله مهما كبرت بظل ياهل عنــدج وأذا فيني رجولـه بطلعهـا ع العالم مب علييييج .... وأذا هالشي مضايقج ومب عاجبج كييفج هذا أنـا وماراح أتغير
أم زايد ببتسامة مليانه حب : ياحليلك ..
زايد يطالعهـا ويرفع واحد من حواجبه : ترى بيبرد الـشــاي ,,,؟!!

.
.

دشت المطبخ وقـعـدت تحاول تفتح الثلاجه وفتحهـا بسهولـة ,, ركبت على طرف الثلاجه علشان توصل للعصاير المصففه بالرف العلوي ,,مدت يدهـا القصيرهـ وبعد طول عنــاء قدرت توصل لـهم ...
خذت قوطي عصيير وااحد وحذفته ع الأرض وراهـا والثـانـي نفس الشي وخذت بعد لنفسهـا توهـا بتحذفه وراهـا ألا تسمع صوت رجولي جايهـا : شتسوووووين ؟؟
أنقزت من هالصوت الخشن اللي داهم عليهـا هدوء المكان .. ونزلت بسرعه .. حست روحها بتصييييح من الخرعه طلت من باب الثلاجه المشرع وشـافـت أبوهـا واقف
صرخت بصوت أنثوي طفولي بفرحه وراحت له تركض وحظنـته من ريله متجاهله الثلاجه المفتوحه والعصاير المحذوفـه ع الأرض ,,,
بينما بو نواف شالهـا وهو يداعبهـا بحب : شقـاعده تسويـن يالشيطانه ؟؟؟؟
ريم بغنج لأبوهـا : آجيب عصير حق نوره ووضحى ؟
بونواف : وليش ماقلتي لأمج تجيبـه ؟؟ يعني مب حاسـه أنج قصييره
ريم تتكتف : أنـا مب قصيره ,, أقدر أسوي كل شي بروحي
بو نواف : زيـن ماتبين تجوفين هديتج ؟؟؟
ريم بفرحه : جبت لي ؟؟؟
بو نواف : وآآنـا أقدر أنسااااج ...
ريم بزعل : بس أنتـآ ماسلمت علي قبل لا ترووح .. غنوم قال لي أنك ماتحبني
بو نواف : أخوج هذا هيييس يبيله طق ...

طلع معاهـا من المطبخ وهو مازال حاملهـا مالقـى الشنط تأكد أنه مرته ودتهم فوق لدارهم
راح فوق فتح الباب ومثل ماتوقع كانت قاعدهـ تصف ثيابه بأهتمام داخل الكبت ,, سحب الشنطه الصغيره وقّعد ريم على طرف السـريـر وطلع لهـا لـعـبـة محشيه قطــن لابسـه فسـتـان وردي وشعرهـا أصـفــر وهو عباره عن خيوط ,, ولهـا عجفتيـن مربوطه كل عجفه بشريطه ورديـة ... وعلى خدهـا اليميـن فيـه قلــب وردي مجرد الضغط عليه يطلع أغنية اجنبيه حلوهـ ,, وحتى بريلهـا اليسـار
خذتهـا وهي تنــاقز مستانسه بهلـ هديه الروعه قالت بفرحه : الآآآآآآآآآآآآآآي ,, واايد حلووه بابا " مدت عمرهـا علشان تبوسـه وهو بدورهـ نزل لمستواهـا " اللحين ماتقدر شيووم تعيب على ألعاااببببي .... هذي آآحلى من مالتهـا الخايسه آم شعر ياابس
بو نواف ضحك على برائتهـا وقال : مو تقوليـن لأخوانج أني جيت ,, أبي أروح أفاجئ أخوووج .... ونورهـ خليهـا لاهيه مع رفيجتهـا لا راحت يصير خير
ريم وهي حاظنه لعبتها : وضحى مابتروح اليوم ,, قالت لي بتسهر معاي .....
بو نواف بستغراب : ليش ؟
ريم ترفع كتفهـا بمعنى مادري وتقول : ماادري ,,!! نوره تقول جايتنا زياره وماعندهـا حد تلعب معاهـ بالبيت !!!
أم نواف تقول موضحه الأمور لريلهـا : البنت أهلهـا مسافريـن وبنتك تقول بتنام عندنا اليوم لأنهـا مستوحشه بروحهـا هناك ,,,
بو نواف بغرابه : وشلون سافروا وخلوهـا بروحهـا ؟؟؟
أم نواف : صراحه مادري ,,, العيب من أمهـا صراحه اللي مسافرهـ ومخليه بنت بعمر بنتهـا برووحهـا ومامعاهـا حد ,,,
بو نواف : الا على أبوهـا الفااج .... معقولة في نــاس جذي ..؟؟
أم نواف وهي مشغولة باللي بيدهـا : تحمد ربك يافايز مب ناقصيـن نبتلي ...
بو نواف : الحمدالله والشكر لك يارب ... خل أروح أجوف غانم أبرك لي ....

طلع من الغرفة وأتجه لغرفة غـانـم اللي حاط على باب غرفته صورة كبيـــــــرررة ,, لـ لاعب كرة قدم عالمي مشهور وكاتب فوقهـا " ممنـوع الدخوول .. واللي في آمه خير يجرب بس ! "
فتح الباب ودش لـقـى غرفته اللي غالب عليهـا الجو السبورتي ,, معفوسـه وحالتهـا حالـه وهو متسند على الكرسي ويلعب سوني بحمــاس وقدر يشوف بو نواف اللعبـه اللي كان يلعبهـا ولدهـ وهي كرة قدم
والحماس واصل التوب عندهـ ,,
بو نواف يتنحنح : آآحمممم آآحمم ..!! أستــاذ غااانم يصير تعطينا وي ؟؟
غانم ألتفت على أبوهـ وصد عنه يكمل لعبته وقال بوناسه : هلاااااا بو الشباب .. حياااك حياااااااك لا يطوووفك بس .... القيييم حماااااااااااسس بشلخهـــم لك .. الذيب مايلاعب !!" الذيب نسبه لنادي السد القطري "
بو نواف وهو يقترب منه : يالتبن ...!! تشوفني داش عليك تطنشني وتتتكمل خرابيطك ,, قووووووم سللللللم قووووم !
وقف ستارت وقام يسلم بعد مارفس بالغلط شبس ليز العائلي اللي كان بحظنه وتنثر بالغرفه
سلم عليه بالخد ورجع قـعــد وسط هالفوضـى اللي عايش فيهـا ...
بو نواف لما شاف غانم مب معطيه ويه قال : تصدق !! محد غلطان غيري اللي جايك ومتعني قلت بيستانس لا جافني .... !!!!! خل أجوفك جااي تلاحقني علشان بطابط وغيرهـ لا أأدووسك بوحدهـ منهم
غانم وقف ستارت من يديد وألتفت بسرعه وهالمرهـ دز غرشة البيبسي الفاضيه اللي طااحت فوق الشبس : آآآآآآآآآآآآآحلللللللللللف !! شررريييييييت ,,
بو نواف : كمل كمل لعبك ,, وشريت وله ماشريت مب شغلك هذا...... مالت على اللي يعطيك وي أقول ... " يأشر على الشبس والبيبسي ويقول " وهالعفيسه قوم شيلهم اللحيـــن نعمــة الله منثرهم جذي ولا هاامــك ,, والمزبله اللي عايش فيهـا هذي تـتـرتـب أشوف ,, لا تنطر أمك وله أختك تجي تنظفهـا لك سااامــع !!

طلع من الغرفة ورضخ الباب وراهـ وتوقع يلحقه غانم اللي طلع بسرعه من الغرفه وحظن أبوهـ من ورى : والللللللله أني أأحببببببببببببك بس أأنـــا حماااار ماأأعرف أأعبرررررر ,,
بو نواف يلتفت عليه : يالمصلحجي !!
غانم ببتسامه عريضه : آآفااااااااااا !! مقبولـه منك ,, الوالد ماينقال لك شي ؟؟
بو نواف : لا تستانس واايد ماشريت ولا شي ... وأشوهـ أني ماتعنيت لأنك ماتستاهل أصلاً
غانم تحطم : لا !!!!!! شدعوهـ عاااااااد ... علشان ماسلمت عليك يعني .. كلها يومين اللي سافرتهم بتذل أمن جابتني عليهم ... عيل لو مساافر سنه شبتسوي فيني
بو نواف يطقه على راسه بالخفيف : لو أأسافر نص يوم بعد أول ماأدش تقوم تفززززز وتسلم علي ياجليل الأصل ...
غانم يـتـعـلق براس أبوهـ خررب الكشخه وغير مكان الغتره بعد وطبع بوسـه طوويلـه عليه وهو يقول بعد ماهده : وهذي بووووووســه بس لا تزعللل ,,
بو نواف وهو يعدل غترته : زييييين شبلاك عفستنــا !
غانم ضحك وقال بأمل : يلا يلا أعترف شريت لي بطبطه هااا !!
بو نواف : والله ماشريت ولا حتى تاير لهـا ,,
غانم اللي صج صج تحطم من قلب : لييييييييش !
بو نواف : مالقيت وقت ,, قلت أول ماأرجع أوديك تشتري لك ,,,
غانم فز : أأحلللللللللللللف !
بو نواف : أشوف لسانك تعود على كلمة أحلف ,,,
غانم يبلفيت غيرهـا : زيييـن قووووووول قسم !
بو نواف : شكلك ودك تسلم ع العقال شووووووي ,,,,
غانم ضحك بحيويـة مراهق وقال : زيـن أأسفيييـن ,, هاا متى بنرووووح ؟؟؟؟ اللحيـن صح .. قول قول لا تستحي .. أنا ولدك
بو نواف : بنروووح العصر أو المغرب توني راجع من السفر ..قدر شوي ,,,,,!!
غانم : لو تقول 12 بالليل بقول لك ,, ماااااااااشي ياسيدي ,,
بو نواف : قايل أنا مصلحجي ,, روح أشوف عدل غرفتك تسسسسد النفس صراحه ,,, والشبس اللي منثره حولك تقول نقووط رووح شيله ... !
غانم وهو يأشر على عيونه : من عيوني يابعد عيوني وطوايف أهل أهل أهل أهل أهل عيوني أنت ,,,, كم فايز عندنا أحنا ,, واااحد ودوومــه مخسرنــا !
بو نواف رفع واحد من حواجبه : أذا مافارجت اللحيـن بيجيك كفففف ألف به ويههههك ست آمية لفـــه !!! أبوووووك تقول لي فايز حااااف !
غانم بعبط : ولا يهمك زعلان اللحيـن علشانه حاااف !!! خلاص أشتري له نعاااااال بس ماأشووفك متضايق ,,,

شرد بسرعه قبل لا صج ينفذ كلامه أبوهـ ويتوطى ببطنه ...

.
.


وصـل البيـت ولـقـى بـاب الشارع مفتوح .. صف سيارته دااخل دور جوالـه حوولـه وبمخابيـه مالـقـاهـ تذكر أنه حذفه بالبيت ع الكرسي ونـسـى ياخذهـ معاهـ
نزل من السياره رااح طق الجرس ولا فكر يشيل صبعه وعينه على بلكونـة غررفـة وضـحـى على آمل أنـهـا تطلع ولـه يلمحـهـا لكن بدون فايــدة !!
توقــع أنهـا دااخــل بس ماتبي تفتح لــه ... راح لباب الصاله حاول يفتحه لقـاهـ مقفول ...طق البـاب بيدهـ بقوهـ علشان تسمع ,, لكن حتى جذي ماسمع ردهـا ,,,
راشد بعنـاد وأصرار : آآوووكي ,,, ويـن بتروحيـن يعني .... منخشه عني يبلفييـت !! قاعد لج قعدهـ " نزل درجه وحدهـ من الدري وقـعـد بحيث أنهـا لو طلت من فوق ماتلمحه وهو يقول " وهذي قــعـــدة !!!! نشوف أخرتهـا مــعــااج !!!

.
.

بيت بو نواف

بالغرفـة عند وضحى اللي مازالت بحظـن نوره لكنهـا هـدت شوي ,, سـمـعـوا رنيـن جوال من يديد بس هالمرهـ جوال نوره مب وضـحـى
أبتـعـدت وضـحـى عنهـا وهي تمسح دموعهـا بعد ماحسـت بالراحه لأنهـا فرغـت الشحنات اللي كانت بقلبهـا ....
جــافــت نوره ترد وهي تقول : هـــلا سليووووو ,, بخييييير الحمدالله ... " تضحك بالخفيف " هههههههههـ موجودهـ يييييـه .... لا ..!! " بـحــمااس " .. حللللللللللللللفي ؟؟؟؟؟؟ ... جذااااببببــه ؟؟ ... كم كم ,,,؟؟
يلا عـآآآآآآآآآد بلا ملاغـــــه ,,,,, .. " بصــرخه وصدمه " .....
94 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




نـهـايـة الـبــارت الـسـادس

Prt " 7"

بيت بو نواف

بالغرفـة عند وضحى اللي مازالت بحظـن نوره لكنهـا هـدت شوي ,, سـمـعـوا رنيـن جوال من يديد بس هالمرهـ جوال نوره مب وضـحـى
أبتـعـدت وضـحـى عنهـا وهي تمسح دموعهـا بعد ماحسـت بالراحه لأنهـا فرغـت الشحنات اللي كانت بقلبهـا ....
جــافــت نوره ترد وهي تقول : هـــلا سليووووو ,, بخييييير الحمدالله ... " تضحك بالخفيف " هههههههههـ موجودهـ يييييـه .... لا ..!! " بـحــمااس " .. حللللللللللللللفي ؟؟؟؟؟؟ ... جذااااببببــه ؟؟ ... كم كم ,,,؟؟
يلا عـآآآآآآآآآد بلا ملاغـــــه ,,,,, .. " بصــرخه وصدمه " ..... 94 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
وضحى ألتفتت عليها لما سمعت 94 !
حست بنوره أختنقت وكانت قاعدهـ تحاول تنفي اللي سمعته والظاهر أنه سلوى مصره على اللي تقولـه ,,
نوره بصوت متحشرج : سلوى عن السخاافـه عاااد ترى والله مايضحك ,,,
سلوى : شبلاج مب مصدقـه كانـي جداام الجـهـاز ومكتوب نوره فايز ................. الـ"...." !! مب هذا أسمج الكامل ؟؟
نوره حاطه يدها على حلجها : بلا !
سلوى : خلاص عيل ,, نسبتج 94 ,,,,
نوره بغصه : حلللفييييي !
سلوى : وقسماً بالله العلي العظيييم أنه نسبتج ماتعــدت الـ 97
نوره فزت من مكـانهـا وكانهـا سمعت شي غلط : كممممممممممممم !
سلوى دشت بهستيرية ضحــــك ,,
نوره بصرااخ : كمممممممم يالخاااااااايسه ,,
سلوى : 97 يييييييييييه ,,!!
نوره بوناسـه غمرتهـا من كل الجـهــات : جذاااااااااااااااااااابببببــه ,,,
سلوى مازالت غرقانه ضحك : أدري أنه 97 فوووق حدود خياالج بعد ....لو أني مكمله عليج الجذبـه يمكن تسـتوعبيـن آسرع هههههههههه
نوره أنهمرت دموعها من الفرحه وقالت بأنفعاال : زيين زيين سكري سكرري اللحيـن ... بـدق لج بعديـن بااااااي
سلوى وهي تضحك : أنطرج ,, باااي

سكرت نوره وأنقزت على وضحى تحظنهـا بقوهـ وهي مازالت تناقز : سبببببببببببعــه وتسعييييييييييييييين ياوضــووووووووووووووح
وضحى بفرحه لرفيجتهـا : هههههههههههههه قايله آآنــا حمصصصصصصصصصصصصصصصصص !!
نوره قامت وقفت بحماس وقالت : بروووح أقول لأميي ,,, بطّـييييير من الوناســه
وضحى ببتسامه عريضه وهي مازالت بمكانهـا : رووحي ,,,
نوره طلعت من الغرفـه تركض وهي تنادي أمها بصراااااااخ : يمــــــــــــــــــــــه ,,,, !!!!!!!!!
طلعت آم نواف بسرعه من غرفتها على صوت صرااخ بنتهـا قالت بغرابه وهي عاقده ملامحها : هاااا هااا شفييييج ؟؟؟
نوره تنقز عليها بقوه : جبببببببببببت 97 يييييييييييييييمــــــــــــــــــه ,,,
أم نواف بعد ماأستوعبت طبطبت على ظهرها بفرحه : مبرووووووك يابنتي ألف ألف ألف مبرووووكـ ,,,
نوره بحماس : ضـــمــنـــت الــجــاااااااامــعــــــــــه ,,
أم نواف بعد ماطبعت بوسه على خد بنتها : عساااج دووووم مفرحتنا جذي ,,, ورافعه راسنــا
نوره ببتسامه عريضه : واااي مب قادرهـ أنطر لين يرجع أبوووووي ,, شكلي بتصل لــه ... أأبييييييييييه يدري
أم نواف بحنان وأبتسامه عريضه : نزلي تحت يمكن تلاقييينه
نوره نقزت : رررجععععع ؟؟
أم نواف بضحكه خفيفه : بسج مناقز .... آآيه رررجع .. تلاقينه ياأما تحت أو برى بالحوش
نوره : آآوكي
وبلمح البصر راحت ررركضض لحد ماأختفت عن أمهـا ونزلت تحت بسرعه
مشتاقه لأبوهـا ,, وبنفس الوقت تبيه يعرف عن نسبتهـا ...
وصلت تحت دورت عليه مالقته ... طلعت من البيت على الحوش لقته واقف بعيد عن باب الصاله ومعطيهـا ظهرهـ يتكلم بالجوال
أستانست لشوفـته راحت تمشي على أطراف أصابعهـا تبي تخرعه وبعد خطوات طويلـه وصلت عندهـ ,, سمعته يقول : شوف !! دبر عمرك أنــت ... هو قال لي رااح يـوصلون الـمــغـــررب أأو 12 بالليييل ,, ماأبي أي شي يخرب اللي تعبت فيييــه ... ساامع ؟؟؟
ونقــزت جداامه تبي تخرررعه ,, وبالفعل أخترع .. زفرر بقوهـ وقـال للي يكلمه: لحظة لحظة شوي .. " بغضب لنوره " ماتشوفيني أتكلم بالتلفون ؟؟؟؟ شهلـ حركاااات !!
نوره بصوت وااطي علشان لا يوصل حسهـا للي يكلم أبوهـا : عندي لك خبر ,,
بو نواف بحزم وبسرعه: دشي داااخل أاجووووف ,,,!!
نوره أنحرجت وأفتشلت ... قالت بصوت بالغصب ينسمع : آن شالله ...
تركت له الحوش ودشت دااخل وهي تلووم نفسهـا ألف مرررهـ على هالحركهـ ,,
" آآآآآآآآآآآآآآآآفففف ,, يعني مابغيت أنسى أنه يكـرهـ حد يقاطعه وهو يتكلم ألا اليــوووووووووم ,,,,, صج غبيه "

.
.

طلعت نوره من الغرفـه وتركتهـا بروحهـا من شوي ,,
أول ماأختلت بنفسهـا مسحت بقايا دموعهـا اللي كانوا مـتعلقيـن برموشهـا وقامت وقفت على طولـهـا ,, توجهت صوب المنظره شافت ويها الشاحب من الصياح
أستدارت ودشت الحمام غسلت ويهـا بأهتمام وطلعت تدور فوطــه .. لقـت وحدهـ معلقه بالشماعه خذتهـا ومسحت فيهـا ويـهـا ورجعـتهـا وأول ماحطتهـا ألا باب الغرفه ينطق ...
ألتفتت بستغراب لو كانت نوره أأكييد راح تدخل بدون ماتطق الباب مشت خطوتيـن ناحية الباب وتوقف وهي بعيييده مووت عنه وهي تقول بصوت مسموع : مــــن ؟؟؟؟
جالهـا صوت أنثوي رقيق طفولي : آوووونــه ,, " آنـا " ,, بطلللي البـاب
وضحى أبتسمت وراحت فتحت الباب دشت ريم وبيـدهـا لعبتهـا اليديده ورافعه طرف قميصهـا الخاص بالبجامه وحاطه فيه العصاير وهي تقول : جبت العصييير ,,,
وضحى كانت ناسيه أصلا سالفة العصير نزلت لمستواهـا وخذتهم بعد ماباستهـا وشكرتهـا
ريم ببتسامه بريئه : بروح أجييب الشبس من غرفة نوااف ...
وضحى : لا خلاص مانبي ...
ريم : بس نوروه تبي ؟؟
وضحى : لا خلاص قالت ماتبي .. " تمسكهـا من يدهـا وتدخلها بعد ماسكرت الباب " آمشي
ريم بأصرار : لووء ,, أونـا أأبي .. لحظة بروح وبجي
وضحى : يمكن نواف يجي وأنتي بغرفته !!
ريم : لووء مابيجي اللحين ,, بيتأخرر .....
وضحى هزت راسهـا بتفهم ,,مدت لهـا ريم لعبتها ووصتهـا عليها وطلعت من الغرفـه ..
نزلت نظرهـا للعبـه وأبتـسـمـت على برائتهـا وبرائة صاحبتهـا !!,,, لما كانت صغيرهـ كانت تجيهـا ألاف من هالألعـاب ,, ومن مختلف الأحجاام ماكانت تفرح فيهم واايد لأنها أصلا ماكانت تلاقي حد يشاركهـا اللعــب !! بستثناء راشد اللي كاان يكبرهـا بـ 9 سنيـن كان الوحيد اللي يسليهـا وينتشلهـا من الوحدهـ اللي كانت عايشتهـا,,,,,!!
نفضت من راسها ذكريات راشد وطاريـــه ,, هي جات هني علشان تخفف على روحها وتنساهـ مب علشان تسترجع ذكرياتهـا معاهـ ,,,
أستدارت بترجع تقعد ألا الباب ينفتح وتدش نوره بفرحه ولمحه أحراج : رحت لأبوي ببشرهـ ..هزئني هههههههههههه
وضحى طالعتهـا وضحكت وهي تقول : ههههههههههههههـ,, رجع ؟؟
نوره : آيــه ..توني دريييت ... عاد أنا وياويهي رايحه أخرعه يابلفيت .. جات براسي هههه " تغير الموضوع " شرايج نروح نبسط عند البرجــه .. بدل قعدتنا هني
وضحى أستلطفت الفكره بس قالت : خوفتي يجينا ابوج وله أخوج !!
نوره : شوفي .. أبوي مستحيل تلاقينه جاي صوب البرجه ,, ونواف بالجامعه 3 العصر يمكن يجي ,, " تشوف ساعتهـا " اللحيـن قريب الـ 12 !
وضحى : بس مب جنه حررر هالحزهـ ,,
نوره ببساطه : ماعليج ,, لا فطستي حرر ,,,, حذفتج بالبرجه هههههههه
وضحى ضحكت : ويا ويهج ..
نوره بتسأل بعد ماانتبهت على اللي بيدهـا : شعندج جايبه عصير ,, وماسكه هاللعبـه ؟
وضحى : ذولا مالـوت أختج ,, عطتني أياهم وراحت تبوق لهـا شبس من غرفة أخووج ,,, عييب عليج تعلمينهـا ع البوق وهي ياهل
نوره بضحكه خفيفه : اللي يسمعج يقول كللللش تنطر حد يعلمهـا .. عليهـا خفت يد أأعوذ بالله ..... " شالت العصاير وسحبت اللعبه وهي تقول " أمشي بس أمشي ..
وضحى : لحظة ألبس عبايتي وشيلتي ... أطلع جذي
نوره تنفخ : مادري متى بتتعلميـن تلبسيـن ثياب ساترهـ لآزم نص كم وبنطلووون قصير .. أو تنورهـ قصيرهـ ,,,!
وضحى وهي تلبس عبايتهـا وتسكرهـا : هذا لبسي ,, ماأعرف أغيرهـ ولا ارتاح بغيييرهـ ... " حطت شيلتهـأ على راسهـا " يلا آمشي
طلعت مع نوره ومايمديهم يوصلون الدري ألا ريم جايتهم ركض وبيدهـا شبس : لووحــظـــه ,, أنطروني
نوره ألتفتت عليه بضجر : ياااااااالله ..!!! لما تجوفيني مع ناس كبار عييب تجين تحشرين روحج
ريم تلزق بوضحى : أنتي اللي لا تحشرين روحج.. وضحى تبيني آونا....
نوره بسخريه خفيفه : أي أشوفهـا ميته على قعدتج ... !
نزلت من الدري ولحقوهـا وضحى وريم ..وأول ما وصلوا الصاله طلعوا سيده برى متجهيـن للبرجه وبعد مشوار ,, وصلوهـا ,, كان المــكــان يشرح النفس خاصه الأشجار بسبب قرب الحديقـه من البرجــه ,,
ووجود كراسي خاصـه بهلـ مكــان يقدرون ينسدحون عليهـا ويتشمسون بعد ,,,وجلسـه عباره عن طاولـه ويا كراسي قريبـه من الـبــرجــه ,,
قعدوا وضحى وريم ع الكراسي بينما نوره رجعت دشت داخل تجيب الـعــده لهلـ قعده الحلوهـ ,,,
,
,
,

بيت آم زايـد

الـسـاعه 3 الـعـصــر

كـانت قـاعـده بالصاله تنطــر دخلـت آمنه عليها بما أنها واعدتهـا تجيهـا هالحزهـ ,, بينما زايد دخل غرفته سكر الباب وأنحبس داخلهـا ,,,, مب متعود يجابلـهـا ولا حتى يقعد بمكان واحد هي فيــه ,, يحسهـا طول الوقت منحرجه وماتنطق بحرف وااحد وهو متأكد وعارف عدل أنه هو سبب هالأحرااج ,, لأنه بكل بساطه لا هي أعـتـادت عليه ولا حتى هو ,, وشي طبيعي راح تستحي ولا تتكلم بوجودهـ !!
تذكر قـبــل... أيام ماكانت تجي مع أبوهـا بس .... بما أنه امهـأ توفت بعد ولادتهـا على طول .. وتـقـعـد عند أمــه وتكسب أهتمامهـا كلـه ... صراحه وبدون لا ينكر كان يموت غيرهـ منهـا لأنه آمه كانت تصب كل أهتمامها عليهـا
وأذا في شي راح يصيح آمـنـه مستعد يسويــه ويستمتع لا شافها فاتحه حلجها وتصرخ بذمه وضمير وهي تصييح ...
ولا أجتمعوا على راسه آمه وخاله.. طلع روحه من الموضوع .. رغم أنه بهلـ طريقه يزداد الزف علييـه
ومع الأيام قام يتحاشهـا ولا يقرب صوبهـا لأنه أذا شافهـا راح يصيحهـا غصب طييب ,,, لحد ماكبر وصار نـادر مايشوفهـا وأذا لمحها وتذكر حركاته قبل أأنـحــرج من نفســـه مووت وأفتشل بعد
صج صج كان غيوور بأمتياز وهو صغير وبالذات منهـا ,,,, صحيح للحيـن فيـه ذرة غيره بقلبـه تجاهه بس آآكييد مو نفس قبببــــل ,,,
أرتسمت شبح أبتسامه على محياه لما تذكر عمايله قبل وقال بصوت واطي : والله حاله !!
توجه صوب الدريشـه اللي تـطـل على الــحــوش الوسيــع ,, رغم أنه بيتهم مب فخم وراقي ,, لكـنه حلو ... فتحهـا وتم واقف عندهـا ,, الجو كان حلو والـنـسيـم اللي أبـتــدى يلاطف ملامح ويهـا كـان أحلى,,,,
لفت أنتبـاهـ سـيـاره توقفت عند باب بيتهم لكنه ماقدر يشوف من فيـهـا ... وبعد دقايق .. أنفتح باب الشارع ودشت آمنــه وألتفتت وراهـا تكلمت شوي مع اللي بالسياره والأكيد أنه خالـه وسكرت الباب
زايد بصوت واطي : حتى مفتاح البيت عندج !!!!
مشت خطوات بسيطه ويدها على شيلتهـا اللي تطاير أطرافهـا بسبب الهوى الخفيف رفعت نظرهـا لفوق ولمحتــه
بينما زايد طالعهـا ودش داخل مخلي الدريشـه مفتووحــه
أنحرجت من حركته " شفيه ؟؟!! "
كملت مشي لحد ماوصلت لباب الصاله طقت الباب بالخفيف ,, فتحته لهـا عمتهـا .. سلمت عليـها وهي داشــه

بينما فوق عند زايد اللي تفشل من شكله وأبتـعـد عن الدريشه ألتفت على سريره .. راح قعد على طرف السرير وفتح درج الكومدينه و طلع منه DVD صغير مخليه حق حززت مايتملل بروحه ومايلاقي ونيس ....
طلع له فلم أجنبي آكشن ,, من أشتراهـ ماشافه
قعد يقرى قصـة الفلم المكتوب علييــه وبعدهـا طلع السي يدي وركبـه وأنتظـره يشتغل وقـعـد يطالع بتملل
ماله خلق يطلع من الغرفــه ولا حتى يروح لنواف اللي المفروض أنه يكون عازمه بطريقـه غير مباشره مع فــهــد
تسند وهو ينتظر الفلم يبدأ ويقول بقلبـه " راح أخليك أنت تلاحقني يـانـواف ,, علشان حزتهـا ماتقدر تلومني بشي ..!! "
.
.

بـمـكان بعيد عن بيت زايد

كان توهـ دااش البيـت بعد ماأنهلك من هاليوم الدراسي .. سكر باب الحوش وهـو يسمع صوت أغاني قوي منبعث من صوب البرجــه .. عقــد ملامحه !! وتأكد أنه غـانـم ورى هالأزعاج لأنه أي شي يسبب ضجـه فماله مصدر ألا هو !! طنش لـصوت و فتح باب الصاله ودش لـقـى آمــه قاعدهـ تطالع التلفزيـون وعلى فخذهـا مستلقيـه ريم اللي الظاهر تمللت من القعدهـ مع وضحى ونورهـ ودشت داخل وقـعـدت عند أمهـا تلعب بلعبتهـا اليديدهـ ,,,
نواف : السلام عليكم
آم نواف وهي تطالعه : وعليكم السلام ....
توجه لدري وهو رايح فوق سمعهـا تسأله أذا يبي غدى وله لا ,,
نواف وهو مكمل مشيه : متغـدي ...
راح لغرفته ,, دخلهـا وسكر الباب وحذف كتبه على الجلسـه الموجودهـ بأحـدى زوايا غرفته الواسـعـه ... لمـح درج الكومدينه مفتوح نفخ بقوهـ لأنه عارف حركاتهم اللي مايهدونهـا شكله بيتبع نظامه القبلي
مايترك غرفته مفتووحه ,,,,, أقترب من الدرج وبدفعه خفيفه سكرهـ ,,, فتح الكبـت وطلـع لــه ثيــاب علشان يبدل ويـنـام .. لكنه تذكر أنه عازم فـهـد وزايد بـ ستـار بكس ,,
نواف حس روحه ودهـ يصيييح من التـعـــب ,,,, المشكله أنه نافخ عمرهـ وعازمهم ومايصير يتصل يكنسل كل شي ...
جاف ساعته اللي تشير لـ 3 ... وقال بقلبه " مافي وقـت أنــأام .." يزفرر " لما أرجع بنــاام حتى لو أطنش للجامعه باجر "
طلع لـه ثــوب وغـتــره ,, وهو يسمع صوت الأغـاني اللي منبعث من تـحــت مازالت عــالي بطريقـه مزعجه ...
راح أزاح الستـاره وطل ,,,,, شــاف نورهـ ووضحـى قـاعـديــن يسولفون ولا كأنه حــد موجود بالبيــت ..
ترك الستاره وهو يقول "..... آآنـا قايل دام أم لسان هني مستحيل الواحد يرتاح ... لحسن حظكم أني كنسلت موضوع النوم ولــه جاان حشرتكم!!"
طلع من غرفته وهو ينـادي بأعلى صوته على آمــه وينزل بخطواتـه من الدري... لحد ماوصل الصاله شافهـا مازالت على حطتهـا
نواف ..: ماعليج آآمر يمــه ممكن تكوينهـم لي .. بطلع اللحيــن ..
أم نواف تطالعه : عنبوو !! توك راجع من الجامعه ... عين من الله خييير بعديــن آطلـع ,,
نواف : والله يمه ودي ,, بس مااقدر .. مواعد الشباب .. ومب حلوهـ أتصل أكنسل كل شي ... شبيقولون عني !!!
أم نواف تطالعه بنص عين : وأن شالله آي ربع ذولا ,,,!!! اللي علموك طريج الهواااش ؟؟ وخلوك ترجع لي مشللخ ...؟ حتى الجرح اللي بـ يبهتك مابرى ,,!
نواف ماحب يفتح هالموضوع اللي أساساً صار يكرهه قال وهو يمـد يده اللي ماسك فيهـا الثوب والغتره : ممكن !!
آم نواف تخلي بنتهـا تقعد على حيلهـا وتوقف هي : ممكن ليش لا ,,, أشوف عطني .." خذتهم منه وهــي رايحه تكويهم "
لحقهـا نواف بصوتـه .. : مشكووووووورهـ يالغاليــه ...
ماردت عليــه وأختفت عن نظرهـ ,,,,
بينما هو ألتفت على أخته الصغيره وقال : ريومـه حبيبتي ... روحي للآنسات اللي برى وقولي لهـم ... نواف يقولكم قصروا ع الأغااااااني أذا تكرمتوا !! مو قاعديـن بعررررس آحنا ,,
ريم قامت بطاعه : زيين ..
طلعت من الصاله وراحت لصوب البرجــه ,, وسيده لأختهـا ..: نورهـ ,,!؟
نوره وهي تقصر ع الأغنيه : هاااا !
ريم : نواف يقول قصروا ع الأغاني ياعانسات ..
نوره بققت عيونهـا : نــعـــم !!!
وضحى عقدت ملامحها : عانسات !!!!!
ريم ترفع كتوفهـا وتنزلهم ببرائـه وهي تقول : مودري ,, هو قال جذي .... ويقول بعد مو قاعدين بعـرس ..
وضحى بحره : أخوج هذا يبيله كف صراحه .. يحرررررر ... قال عانسات قال ... مالت عليه بس... واييد مطييح الميانه هذا
نوره كانت مستغربـه ,, نواف يقول عنهم عانسات ؟؟ من متى !!! وله هذي حركه يبي يشعلل غضب وضحـى فيهـا وبس !! آكيييييييييد لا .. ماأتخبر أنه من هذا الـنــوووع !!!!!

ريم تركت لـهم المـكـان لما شافت وضحى ونوره مستغربيـن كلام أخوهـا ...دشت لصاله اللي كانت فاضيه وأتجهت فوق لغرفة نواف طقتهـا وبعد فتره مب طويله فتح لهـا
ريم : تقول وضحى ,, يبيلك كــف ومالت عليك
نواف رفع واحد من حواجبه بستغراب وقال : نعم نعم !
ريم بنفس البرائـه : موودري هي قالت جذي ..؟؟َ!
نواف بحده : تستهبل ذي ولـه فيهـا قلة تربيــه !!!!!
ريم بتسأل : شقول لهـا ...
نواف بعصبيه خفيفه : لا تقوليـن لها شي ,,, أخلاقي ماتسمح لي أرد على أشكالهـا !
دش ورضخ الـبــاب بويـهـا ,,
ريم تمت واقفـه ,,!! شتسوي اللحيـن ؟؟؟؟!!
بعد فترة تفكير قصيرهـ نزلت تحت وسيده لعند وضحى ونوره تقول لهم رد نواف عليـهــم
ولما وصلت لقـت الجو رجع شبـه طبيعي ,, راحت لوضحى وهي تقول : يقول لج أنتي قليلة تربيــه ,,
وضحى بستغراب ممزوج بعصبيه : خــيـــــــــــــــــــــر !!!
نوره بغرابــه : شفييـه نواف أستخففف !!!
وضحى بعصبيه : الـظـاهـر قاعد يستخف دمه أخووج هذا ,,, وودهـ بهوشـــه ,,
نوره : شنو هوشـه ماهوشــه ... خلاص خلاص طنشيـه .. تلاقيـن الشمس فااارهـ راااسـه فرررر وراجع متسندر يقط خيط وخيييط
وضحى وهي رافعه واحد من حواجبها بغرور : رجاءاً ماأبيـه يتعاطى معاي بالحجي ... بنفسي ماأأشتهيييييــه عدييم الذوووق هذا .. " توجه الكلام لنوره " مع أحتراامي لللج
نوره تقوم : بروح أجوووف شسالفته ,,
وضحى تمسكهـا من معصمهـا وتخليها ترجع تقعد : قعدي قعدي ماعلييج منه ,,,, ! هو شكله متسبب وقاعد يطرش أختتتج علشان بس أتـهــااوش مــعــاااهـ !!!! بس آنـا أعرررف شلوون أحقررررهـ
.
.
.

وقـف جدام المـنظـره يعـدل غـتـرته ويلـقي نـظره آخيرهـ على منـظـره اللي كان راضي عنــه ..
أخذ جوالـه وآتـصــل على رفيجـه يشوفـه بيجي ولــه لا !
رن شوي وجالـه صوته : هلأ!!
فـهـد : هلا زايد ,, ويـنـك فيـه ؟
زايد سكت شوي بعدها قال : بالبيت بالبيت ,,!!
فهد بستغراب وهو يسمع ضجه عند زايد : مب جاااي ؟؟
زايد بستأل : ويــن ؟
فـهــد : سـتــار بكس بعد ويــن ,, نـواف عازمـنـا ؟؟!! نسيت ؟
زايد : لا لا روووح آآنــت ... مالي مزاااج
فـهـد : بس نواف عازمك أنت بعد !
زايد بتسأل : كلمني ؟؟؟
فـهـد : لا !
زايد بكل بساطه قال : خلاص عيل ماني معزوووم ...
فهد : يعني ألا يتصل عليك ويقول لك لو سمحت وتكرمت ممكن تجي ؟؟
زايد : ماقلت جذي ... وحتى لو أتصل بـعـتـذر منــه .. أقولك مالي مزااااااج كلش آطلـع ... المرهـ اليايـه أن شالله ,,
فهد يزفر : آآففففففف أحنا لو الله يفكنا من مزااجك هذا آحنـا بخييييييرررر!! ,, يلا يلا بااي خل أدق له
زايد : باي ,, ولا تجيب لـه طاريـــي !
فهد : زيـن ,,

سكر منه وهو يهز راسـه يميـن ويسار على حركات ومزاج هالزايد ....أتصل على نواف مالحق يكمل الرنه الثانيه ألا نواف راد : هلا حبيب قلبي
فهد : آآهليييـن ,, هاا عنـد وعدك ! ولـــه ,,
نواف : لا لا ,,, عـنـد وعدي بستار بكس ... بس أأضبط الغترهـ ,,, وجاايك ,,,, آنــت وصلت ؟؟
فهد : أساساً ماعرف أي ستار بكس اللي عازمني فيـه...
نواف : مممم شرايك اللي فاللاند !!
فهد : آوووكيه عيييييل أول ماأوصل أدق لك رنــه ,,
نواف : آآوووكي سلام

سكر نواف من عند فـهد وحط الجوال جدامه ع التسريحـه وأبـتـدى يسكر أزرت ثوبــه اللي توهـ لابسه ..وبـعـدهـا ضـبــط الغتره اللي لبسهـا ترمبـا وسحـب نظارته الشمسيـه وسويجـه وتعطر ع السريــع
وهو طـالـع من غرفتــه ,,, بينما هو يسكرهـا ويقفل بابهـا .. شاف غانم جاي صوبه : بتطلع ؟
نواف وهو يحط السويج والجوال ومفتاح الغرفـه بمخباهـ ,, والنظــاره يدخلهـا بالمخبـاه اللي عند الصدر : آيــه ,,!!!
غانم برجى : تكفى طلبتك ,, لا تردني .....
نواف بسرعه قال : طلعه معااااي أنـســى ,,!! ماراح آخذك .....
غانم : زيييين ليش ياأخي ,, لهدرجة أنـا أفششلل ولـه خايف البنات يهدوونك ويركضون وراي
نواف بجديه : كلنا شباب وأكبر منك بعد .. أرزك بينا شلـه ؟؟
غانم : شكلي مايعطي ياهـل ... قول لهم أني بالثانوي
نواف وهو يطوفـه : مب متفيج لك ...ولأفكارك
غانم يلحقه ويوقف جدامه : والله متملل نوييف حس باخووك,,!! مافيني أنطر ليـن المغرب علشان أطلع أجييب البطبطــه ,,,, خذ فيني لفتيـن حول الفريج ورجعـنـي البيت والله معاك
نواف : قلت لك لا,,, واللحيـن وخررر تراني متـأأأخررررر ,,
غانم وخر وهو يقول : روح روح ,, وخلني هني بين أربع طووف كأني مررررهـ ... ياللي ماتحس
نواف وهو ينزل من الدري قال : خل الدريول ياخذ فيك لفــه
غانم وهو يلحقه ويوقف عند الدري بدون ماينزل : وأنت شمهنتك ؟ آخو ع الطل !! " طق الدرابزين وهو يقول " متى أووووصللللل 18 وووأأطللع لي ليييسسسسسسسسسسن !؟؟ متتتتتتتتتتتتى !
نزل الصاله وطلع يلحق نواف ومن وصل نص الحوش توقفت خطواته وهو يشوف أخوهـ يركب السياره
توهـ جا بيسكرهـا ألا غانم يصررخ بصوت عالي : مرردك بتحتاجنــي ,,, والله لا أذلك
نواف قبل لا يسكر باب السياره قال : يصييير خيييررر لا أحتجتك ,,, باااي " سكر الباب وشغل السيارهـ ,,,, وبـعـد دقايق ألا هو مطلعهـا من البيـت "
بينما غانم تم بمكانه متملل ,,, راح أقترب من الدري اللي جداام باب الصالـه وقـعــد على ثالث أعتبـه من تحت ,,, وتم يطالع بالفراغ اللي بالأرض بضجر رفـع نظــره وآآطلللللق تنهيييييدة ملل مسموعه
سمع صوت نوره يقـتـرب من الـحــوش وممتزج مع صوت مألوف لــه ,,
لـحــد مابــانـوا لــه هي ووضـحـى
أقـتـربوا منه وسألته نوره : شبلاك قاعد هني !!
غانم بتنرفز وبسرعه : كييفي أقعد ويـن ماأبي أقـــعــد ,, حتى لو فوق الــبــاب ...!! ليييش ممنووع ,,
نوره تـهـديــه : زيـن زيين لحد يطقنـا بس ... آآسفييين ؟!
مروا من صوبـه وضحى ونورهـ ودشوا داااخـــل بينـمــا هو تم قاعد بمكانــه متنرفز من هالملل !!!!!!!
.
.

قــعــد على وحدهـ من الطاولات اللي محطوطه برى بستار بكس وأتصل على فـهـد وصف له المكان بالضبط ,,, لـحـد مالمحه جااي من بعييد وأول ماأقترب منه سلموا على بعض وقـعـدوا
سأل نواف عن زاايييد ,, أجاابــه فـهــد اللي منحررج من هالزاايد وتصرفاته وقال لــه أنــه مشغول شوي مع أمــه ,,, وماأحـتــاج يستخدم مهارته بتأليف الأعذار .. لأنه نواف صدق بسرعــه
وأبـتــدت السوالف تجيبهم وتوديــهـــم ... وكلــن مستلطف الثااني ومعتبرهـ رفيييج وأأكثــــر ,,,,!!
رغـم أنــه زايد بهلـ لحـظــه كانت متسند بـسريرهـ والديفيدي بحـظــنــه ويشوف بأمـعــان ,,, مـتــجـــاهــل نــواااف ,, وفــهــد بعد !!
ويحاول يـتـنـاسـى كل شي ومايركز ألا بالفلم اللي جدامــه علــشـــان لا تسبح بـه أفــكــارهـ لماضي مظللللم أيااامــه كئئئيبببــه رااااح تــهــد حيييلــه بالذكريات المرهـ ,,! وتخليه يذرف دمووع هو مب مرحب بوجودهـا هالحزهـ!!

,
,

غــابــت أشــعــت الـشــمـــس وهو ماغير قاعد ينــطــرهـا تطــلــع .. حس بغضب كبير أجتاح صدره ,,, من الصبح وهو هـنــي ولا سوت أي حركة تدل على وجودهـا داااخـــل !! معقولـه ماتكون موجودهـ !!!!!! أساساً شلون بتطلـع بدون ماتتصل لـه وتطلب منه يوصلهــا ,,,,, لا يكون طلعت بتاكسي !! تسويهـا ليش لا ؟؟
قام شال روحهـ وهو ينفض ثيابـه من الـغبره اللي كان قاعد عليهـا وطلع مشي من البيـت ... لحد ماوصل لسيارته اللي مثل ماتعرفون ماكان صافهـا داخل الفله
ركبهـا وسكر الباب بقهـر زيـن ماطاح بحظـنــه ,,, حرررك وأتــجــه للبيــت .. مب علشان يرتااح ويريح ,,, لا ,, علشان يوصل لجوالـه ويتصل عليهـأ ويخليهـا تعلمه وينهـا فيييــه وليش مب راضيه تفتح لـه أذا كانت موجودهـ دااخل ... ؟؟

مسافـة الطريج ووصل البيت وبسرعه ,, لأنه الحبيب كان دااايييس بأقوى ماعندهـ من الحرررهـ.... زيــن ماسوى حاادث بالطرريج !!
أول ماوقف السياره نزل منهـا وأكتفـى بأنه يرضخ الباب بكل قوتــه ,,, بدون لا يكلف روحه يقفل سيارته ...
دش البيت اللي كان هااااادي على غير عـادتــه ,, شاف ساعته لـقـاهـا 7 ألا ربع بالليــل .... أأكيييد عياله مب نايميـــن ..
ومافي ريحــة أأكل بالبيت تدل على أنه هيـا أبـتــدت بتحضييرر الـعــشـــــا ,,,
راحت ع باله وضحى شوي ,, دش المطبخ لـقـاه نظيييف ومافيييــه أي شي يـــدل على أنــه هــيــا فكرة تسوي عـشـا
طلـع وهو ينادي بأسمها ولا حصل رد
صرخ بتنرفز : ويــن ذلفت هذي بــعــــد !! نااااقصج آآنــا
ترك المـطـبخ وراح فوق فتح باب غرفـة عيـالـه مالـقـاهم ,,, عقد ملامحه بعصبيـه آآكبـــر !!
ويـــن أخـتـفــت مع عيــالــه ... بنفسـه مب طايق روحه .. لو تطييح بيدهـ بذبحهـا
توجه لغرفته فتحهـا وأخذ جوالـه جا بيتصــل لـقـى مســج ...
فـتــحــه وكان من هـيــا تقول فيه أنــه راحت لبيـت آهلهــا ,, وماحددت متى بترجع
ثـــار غضبه ماحس بعمرهـ ألا وأصابعه تضغط على رقم جوال هيا وبعد شوي ألا صوتهـا يجي مع صوت حشرهـ أحذاهـا وضحـــــك وأصوات ياهــل : هلا راشد
راشد بصراخ وعصبيه : لا هلا ولا مسهلا ,, من سمح لج تطلعيــن من البيت بدون شوري ها ؟؟؟؟؟
هيا تحاول تتمالك نفسهـا وماتبيـن لا لراشد ولا لأهلهـأ الأرتباك اللي سيطر عليها : مارحت لحد غريب ,, آنـا عند أهلي .. وأظن طرشت لك مسج وأأنــت مارديت علي فتأكدت انك مواافق
راشد بنفس نبرة الصوت : يعني ماتدريـن أنه الزززززززززززفت اللي ينقال له جوااااالللي ناسيييـه بالبيييـت ,, تستعبطيييـن أنتي ولـه شكلج جذي ,,,,
سمعهـا تستأذن من اللي جنبهـا وتدريجياً خف الأزعااج اللي كان حولهـا لحد ماأنقطع قالت بحزم : شوف راشد .. آآآنـا اللي علي سويتـه ومب مشكلتي أذا أنت كنت ناسيييـــه أنـ...
صرخ فيها راشد : لا تزودينهـا ,, اللحيـن ترجعيـن البيـت سامعه ... عندج ليـن 8 ماوصلتي وقسماً بالله يابنت عبدالرحمن لاااااا أأأأأخلييييييج تكرهيـن اليوم اللي رضيتي تتزوجيني
هيا بغصه وصوت مهزوز : آنــت شتبي بالضبط !! لا وجودي مريحك ولا غيـابي !!!!
راشد بــحــده : أأبي أشوفج اللحيـن بالبييييـت ,, وكان فأمج خيييير لا ترجعييين .. والله هالبركاان اللي فيني لا أأشويييج فييـه
هيا غمضة عينهـا بألم وحزن وقهر وقالت : زيييــن باي .. اللحيـن برجع
راشد : بــســـــــــــــــرعه !
ســكــر بويهـا ..

شافت جوالهـا بألم وهي تدري شينطرهـا بالبيـت ,, حاولت ماتبيـن لأهلهـا شي .. طلعت لهم وعطتهم خبببرر أنهـا بترجع بيــتها لآنه راشد ينطرهـا ,,,
باست عيالهـا اللي لزموا أمهـا وأبوهـا أنهم يباتون عندهـم اليوم ... وهي مارفضت بالعكس وافقـت ع الأقل ماراح يشوفون اللي ينطرهـا بالبيـت ,,,
... طلعت بعد مالبست عبايتهـا وشيلتهـا وتوجهت للبيت مع دريول اهلهـا
وقلبهـا بيدهـا .....

عند راشد

أول ماسكر من عند هـيــا ,, حاول يهدي أعصابــه اللي مايدري شبلاهـا ثــارت بجنون جذي ,,,, كل هذا علشان وضحى مارضت تكلمهـ ولا فتحت له الباب وخلته متنقع من الصبح للحيــن
أتصل على جوال وضحى رن واايد لحد مايأس أنهـا ترد وبعدهـا جالـه جواب
راشد بصوت بالغصب خلاهـ هادي : ألو
وضحى بجمود : خير ؟
راشد يحاول يتمالك أعصابه : خير !!! ... من صباح الله خيييييير وآآنــاا عند باب بيتج .. ليش مافتحتي لي ؟؟ ولـه تسويـن روحج ماتـدريـن ...
وضحى أنـصـدمـت بالبدايـه ,, لكنهـا مابيـنـت وقالت : أنـا بروحي بالبيــت ولا تحلم أني أفتح لك الباب وأسمح لك تدش
راشد بتنرفز : بس آآنـا رااششششششد !
وضحى : وخييير ياطيييير ,, !! من بعد حركت أمس صرت حالك حاااال غيرك من عيال خوالي وأعمامي ..... علاقتي فيك محدودهـ ولا تفكر تتجاوزهـا ... دامني بروحي بالبيـت مالك مكان فيــه ,,
راشد : بس اللي سويته آمسس ماقصدته ,,
وضحى : قصدته وله ماقصدته ... لو أنك صج عاد روحك أخوووي لا أكثر ولا أقل جااان ماوصلت فيك الدنائه تقول اللي قلته آآآمسسس وله تفكرر تنفذهـ ,,,,,,
راشد عاض على شفته السفليه وهو خلاص بتفلت أعصابه : وضحى ,,,, أأنــســي آمس ... غلطت وأنـا آآسف خلاص عاد لا تكبرينهـا ..... والله مزااجي مدهور والسبــه أنج حاقرتني
وضحى : خل يدهور ماهمني .... ولا تعتقد أني راح أأنــســى ,, أقولهـا لك وبكل بسااطه مستحيييل أنــســـى ,,,, بغييييييييييت أروووح بشربة ماااي آآمس لولا ستر اللله ,,,,,,, " بحدهـ وغضب بايـن بصوتهـا الهادي" عييييييل أأبوي ماراح يوافق ألا أذا أغتصبتني !!!! بذمتك شلوووون تفكررر آآنــت ,,, ترضــاهـا على جوووري ؟؟؟؟ آآكيييد لا
راشد فلتت أعصابه قال بصراخ : وضووووح لا تيـننيـني ,,, ترى اللي فيني كافيني ,,,,, اللحيـن جايج وفتحي الــبــااااب
وضحى بحده وأصرار قوي : ماراح أفتح ,, ولو شفتك عند باب بيتي بألو وحدهـ أودييك ورى الشمس
راشد بصدمة : بتبلغيييـن علي ؟؟
وضحى : وعن كل واااحد يحاول يجييس شررفي بحرررف وااحد .... راشد لا تجي .. والأحسـن لا تفكر تجي ..... لآني ماراح أفتح
راشد : بــــــــــس ......
وضحى : بااااااااااااااي !
سكرت بويهـا

راشد بسرعه : ألوووووووووووو ... !! ألووو وضحىى !! " بصراااخ وهو يحذف جوالـه ع الطووفـه بكل قوته ويشوفـه يطيح جدامه فتات ! " يووووووووووووووووووووووووووووووووهـ !

.
.
طالعت نوره تنطر تشوف رايهـا باللي قالته
نوره ببتسامه عريضه : صح لساااااااااااانج على كل حرف قلتييــه ... آيـه خلج جذي .. ولا تعطينه فرررصـه يتــمــادهـ ......
وضحى تطالع جوالهـا وتقول : بـس ..! كــان متــضــايق
نوره : آآكييد راح يتضايق لأنج ماعدتي تعطينه وي ,,, وضحى لا تضعفيييين ..... كل ماحسيتي روحج بتسمحين له يرجع يدش حياتج مثل قبل تذكري اللي كان راح يسويــه ... كان راح يهدم حياتج ومستقبلج ويخليج تستحقريييين رووحج كل ماشفتيه ,, يعني بالعقل ... في وااحد يحــب وحدهـ من كل قلبـه وبصدق ... يفكر مجرد تفكير باللي فكر راشد يسويــه ,,؟؟؟,,,,,, .. اللي سواهـ معاج أمس كان طبيعي لأنــه محررروم من هالشي بالبيــت وفجأه شااف اللي كان ناوي يتزوجهـأ بأحلى لبس وأأجملل مكيااااااج !!! تبيــنــه يعطييج ظهرهـ ويقول ,, وعدتهـا أكووون لهـا آخ لا غير !!!!! وضحى أصحييي .... !
وضحى هزت راسهـا بتفهــم وهي تشيح براسه لبعيد عن نوره ,,,, وتفكر بالكلام اللي قالتــه ......
لآزم تدوس على قلبهـا وماتخليه هو اللي يمشيهـا لأنهـا لو مشت معاهـ ...... بتضيييييع !!

,
,

مرت أيام تجر وراهـا أيــااام لـحـد ما آنـتــهــت عــدة أم زايــد اللي كل يوم تتحسـن أحسن من اليوم اللي قبلــه .. والبركه بولدهـا زاايــد اللي كل مارجع البيـت لازمهـا ولا هـدهـا وقعد يونسهـا بأي طريـقـه وهو يجاهد علشان يخفي اللي بقلبـه ولا يحسسهـا بأنه كل ماأختلـى بنفسـه ومر عليـه طيف أبوهـ والمـاضي وفايز والمستقبل واللي نـاوي يسويـه ! أنـهـار ..!!!!
وآكيــد ماننســى سالم اللي مايقصر وكل يوميـن ثلاث يجيب لـ آم زايد بنته الوحيدهـ آمـنـه علشان تونسهـا شوي ..
بـهـلـ فتره اللي راحت تقرب زايد من نواف بطريقـته الغير مباشره وصــاروا ربــع وأأحسـن من ربـع بعد ,, رغم أنه علاقة فـهـد ونواف أأقــوى من علاقـة زااييد ونواف !!,,,,,,
بس كل هذا مب هاام زااايـــد .... هو كل اللي يبي يوصل لــه هو فــايز وبسسسس ,, مب جاااي يضرب صحبــه مع ولــدهـ ويقيييس مدى صلابتهـا ,,,, والأفضل لــه أنــه مايتعلق بنــواف اللي كذا مرهـ بكذا موقف حس بالراحـه معاهـ لكنه لما يتذكر هـدفـه الوحيييد ينفض كل هالأفكار من راســـــه ,,
وبما أنه قدر كذا مرهـ يدش بيت فايز ,, حفظ كل مكان بالميلس وعرف أنه في باب من الميلس يدخل ع الفلــه رغم أنه ماتجرأ يتأكد من هالبـاب بنفسـه
حـفـظ تفاصيل الـحــوش عـــدل وكأنـه قاعد يرسم خطـه كل جزء من هالبيت داااش فيييييــهـا !!!!!!! رغـم أنه الـبيــت نفــســه مب مـن ظــمــن مخططـآت زاااييد !

,
,

كـان قايم من صباح الله خـيـر علشـان يروح يدور على شـغــل .. الجامعه وخلصهـا ,, وكانت أخر سنه له بعد وتفوق فيهـا مثل عادته !!
ألـقـى نـظـره أخيرهـ على شكلـه وبعد ماحـس بأنه شكله أوكي وتمام التمام ,, تراجع خطوه للورى وأستدار ياخذ جوالـه ,,,, بهلـ لحظة دشت أم زايد ببتسامه حلوهـ تنور ويهـا على هالصبح وبيدهـا المدخن
أم زايد : صبـاح الخـيــر
زايد طالعهـا وهو يحط جوالـه بجيب بنطلونه : صباح الورد لأحلى وردهـ ,,,
أم زايد : ها يبـه بتطلع اللحيـن ؟
زايد : أيـه يمـه ,, أبي أشوف لي شغل ... مب حلو شكلي وأنا مرتز بالبيت لا شغله ولا مشغلــه ,,,,,
أم زايد : الله يوفقك يايمـه " تقترب منه " تـعـال يبـه خل أبخرركـ ....
أقترب منهـا زايد بعد ماباس راسها ووقف بأعتدال وهو أطول منهـا ..
كانت تمرر عليه البخور بطريقه دائريـه جدام ويهـا وتحرك يدهـا بهلـ دخان المعطر المتصاعد بخفـه علشان يصتطدم بثياب ولدها ويزيـن ريحـتــه فوق ماهي زيـنـه .. قالت بحب : يعلني أبخرك بليلة عرسك أن شالله
زايد ببتسامه عريضه : آآمييــن ....
أم زايد تزيد أبتسامتها : وتاخذ اللي ببـالي,,,
زايد بغشمرهـ خفيفه : لو سلينا خدامة يدي مابقول لا ,,,, المهم تكونين راضيه عنهـا ...
أم زايد ضحكت : ههههههـ ,, مع ويـهــك ... آآول ماترجع أبيك بموضوع ..
زايــد قال وهو يتعـداهـا : أول ماأرجع كلي لج ,,, بس خليني أروح ,,, " يطرش لهـا بوسـه خفيفه بالهوى " يلا يالغاليـه أنا رايح توصين على شي
أم زايد : عن السرعه وأمش على مهلك ولو لك نصيب بهلـ شغله بتاخذهـ ,,,
زايد : تامريـن امر ,, يلا سلااام
أم زايد تلحقـه : الله معاك يــمــه ,, أذا حسيت عمرك بتتأخر .. أتصل علي علشان لا ينشغل بالي فيك يمــه ..
زايد بطاااعـه: آآن شاللـه .... آي أواامر ثانيييـه ؟؟
أم زايد ببتسامه حلوه : لا خلاص ... فـ حفظ الله ياوليدي
زايد أبتسم لهـا وهو طالع ركب سيــارته ورااح لأول مكان قدم فيـه أوراقـه علشان يشتغل على وعسـى يكونون قـبـلــووهـ ..

مــســافـة الطريــج وصـف سيـارته باقرب موقف ونـزل منهـا متجهه لداخل البـنـك,, بعد ماتوكل على الله ,,,
وبــعــد طــول أنتظـــار وتنقييـع ...... قالوا لـه بأسلوب ذرب أأنــه مافي مكــان لــه وأعتذروا منــه
أخذ أوراقــه من عندهم بأبتسامه بالغصب رسمهـا وطلــع ,, ورااح لثــاني مكان قدم فييــه وهو يتمـنـى من كل قلبـه أنهم يكونون قبلــووهـ ,, وبـعـد كان بـنـك ... ونــفـس الشي بعد تنقيييييع طويييل أعتذروا مــنــه وهو ماغير يحاول جاااهد أنـه يحافظ على أبتسامته ومايقول شي يتحسسسف عليــه ,,,

شاف الساعه كانت تشير لـ 10 الا ثلث ,,
أتصل على آمه وهو يتنهد وردت عليه على طول : هلا يـمــه ... ترى شكلي بتأخر ...... نـعـم ؟ لا للحيــن رحت بنك الـ " ... " وبنك الـ"..." ماقبلونــي .. مابقـى ألا كيوتل ....
" يرسم أبتسامه عذبه " لا تحاتييــن بلاقي شغل آن شالله ... بس أنتي عطيني كم دعوه من دعواتج الحلوهـ وربج كرريم ........ " أتسعت أبتسامته وهو يسمع دعوتهـا الصادقه " آآميييييــن ... يلا يمه أخلييييج قررربــت من كيـوتــل .. أن شالله .... لا توصييــن ,,,, آوكييـه باااي

سـكـر من عندهـا وبعدهـا بشوي وصـل لعـند شركة الأتصالات " كيوتل " صف سيارته ونزل وهو مازال يدعي أنهم يقبلوونــه ...
دش وماطــول واايد مثل البـنوك اللي قبلهم ... طلـع لــه وااحد ببـتــســامـه وقال لـه آنهم قبلوهـ ويقدر يباشر شغـلـه من بــااجــر
وكـانـوا حاطيـنـه فـ قسم الأستعلامات ..

طلع من عندهم متشقق من الونــاســه أتصل على آمــه وبـشــرهـا حس بالفرحه غمرتهـا وأبـتــدت توزع عليه دعاوي بالهبــل وهو ماغير يضحك ... ومستانس لفرحهـا !
.
.
.

بيت بو نواف

من سكرت الجامعه وهو ماغير أكل ومرعى وقلة صنعـه حتى مايبي يشتغل عند أبوهـ بالشركة ,,!!
كان قاعد معاهـ بالصـالـه ... ويسولفون سوالف عاديـه ومن بيـن هالسوالف طـرى ربـعـه
بو نواف بـجـديه : اللحيـن أنت من صجك تسمي ذولا ربع ؟؟.. ربـع مادروا عنك لـمــا أأحـتـجـتــهم ؟؟
نواف بأبتسامه وسيعه : لا يـبـه .. ماأقصد ذيلاك .... ذولا صج تحسهم ربـع وينشد فيهم الـظهـر تعـرفـت عليهم من بـعـد الهوشــه اللي كشفت منصور وجاسم على حقيقتهم ... يعني عندكـ .. فـهــد ريــال والنعم فيـه رززهـ وتفتخر لا قلت هذا رفييجك ,, وزاااييد صحيح ساعات ماأفهم علييـــه وأحس روحي مب قادر أتعامل معاهـ بس بعد أأحسه طييب وولد حلال ... والله ليتك يبـه تشوفهم وتقعد معاهم .... " بفخر " ع الأقل أستانس جذي وأأنــا أقول لهم وأنـا رافع راسي أنك أبووي ..
بو نواف ضحك بالخفيف : شايفني وزييير ولـه شيييخ !!
نواف بكل ثقـه : أأحسسسن تاجر بالدوحه ومحد عندهـ أعتراااض ,,,, شقلت ؟
بو نواف : أقول عن شنو ؟
نواف بحماس : أعـزمهم المغرب علشان تشوفهم ... صدقني ماراح تندم
بو نواف بستغراب : من صجك أنـت ,,, تبيني أقعد بيــن شبـاب وأنـا شاييب
نواف : يخسي اللي يقول عنك شايب ... والله جنك البخــت ...
بو نواف : يصير خييير ليييـن المغرب ... يمكن أنشغل
نواف برجى : تكــفــى يبــه ... شدعوهـ يعني ماتبي تشوف ربع ولــدكـ ؟؟
بو نواف : مب عن ماأبي ,, بس أحتمال تطلع لي شغلـه المغرب ماتدري يابوك !!
نواف : شغلك أهم مني ؟؟ .. ع الأقل سلام بس .... علشان تقول لأمي اللي قاضبه علي ربعك مصبنــه وربعك عيال شواارع ....,, أنـه ولدك عررف يختار ربـعـه
بو نواف بتسأل : اللحيـن آنـت من صجك عادهم ربــع ,,, ماكملت معاهم سنـه حتى ..وماسك علينا ربعي وربعي .!! بذمتك بهلـ كم شهـر شقدرت تعرف عنهم ؟؟؟؟
نواف : صج ماقدرت أعرف وايد أشيـاء ,,, بس أخذت لمحه ..والأيام يايــه ماني مستعييل ... " يغمز لأبوهـ "وبعديــن يقولك ماينعرف الرفيج ألا بوقت الضييييق وأنــا عرفتهم عدل بعـد بالهـوشــه ..
بو نواف : شعرفت يعني ؟ تعرف من ذولا ..؟ من عيـالـه ؟ ومن ويـن يايـن؟ ..ولـه بس دافعوا عنك صاروا ربعك ..!!!... ياولدي لا تغرك المظاهــر ..! آنـت ماتدري شللي بالنفوس ,,
نواف : لا تحاتي يبــه ولدك سبببـع ... عررفت كم شغلـه عنهم ومع الأيام بعرف أكثر ... مثلاً فـهـد خااطب وقرريب بيتزووج وأبوهـ تااجر أحتمال تكون تصادفـت معاه بما أنكم تجار ,, وزايد أبوهـ خـ..." سكت بسرعه .. كان بيزل بلسانه ويقول خريج سجون وماأظن هالمعرفــه بتسر أبوهـ اللي أكييد بيعصب وبيطلب منه يقطع علاقته بهلـ أدمي "
بو نواف أستغرب من سكوته المفاجأ : وزايد شنو ؟؟
نواف يحاول يرقع : ماعرفت عن حياته الشخصيـه شي ,,, لأنه مب من النوع اللي يتكلم أساساً .....
بو نواف بتفهم : آوكي ,, أنت أعزمهم وأن شالله مابخيب ظنك
نواف قام وباس راس أبوهـ ورجع قـعـد وهو يقول : تسللم والله
بو نواف بضحكه حلوهـ : اللي يشوفك يقول ... بخطب لك ,,,!!!!
نواف بفرحه : والله ماتتخيل يبه شقد مستانس لأنك مهتم فيني ..... من زمااان ودي أحس بأهتمامك اللي ماأشوفـه ألا بنورهـ بس !!!!
بو نواف : آنــت ريــال ,, بس هــي بـنـت
نواف : وأذا ريــال ,, ماأحس يعني !! ماأحتاج أبو يكون وااقف معاي ... يقعد معاي يسولف ويشاركني الأشياء اللي آحبـهــا ...... ولـه حتى أعزمــك بمكااان أو نطلع الشاليهـات بروحنـا بدون الأهـل .. ع الأقل آآحسس أأنــه أبووي مهتم فيني ويفهمني عــدل ,, ساعات والله آحـســك جــدي بزياادهـ وماتتعاطى بالكلام وياي ..!!!
بو نواف : يـايبــه أنـا لا كنت جدي على قولتك .. لا تظـن أني مب مهتم فيك وله أنك مب هامني !!! الشـغــل يشغل يانواف ... وآآنـا ماأقدر كل شوي أطلع معاك ولــه حتى أقـعـد معاك أسولف ..... اليوم لأني ماخذ أجازهـ أبي أريييح قدرت أفضي روحي لك
نواف ببتسامه حلوهـ : ياليتك دوووم ماخذ أجازهـ !!!!!
بو نواف : هههه بـعـديـن تزهق مني وتقول يووووهـ هذا ماصدق خبر وقعد لي ع الزلــه .....
نواف بضحكه : عاد مو تكتم على نفسي بالمرهـ ,,, هـا .. مرهـ مرتيـن ثلاث بالأسبوع أقـعــد معاك ونسووولــــف !! مب كله شغل شغل شغل شغل ,,,
بو نواف : لا كملت هـالكم سنه اللي بقت لك وأشتغلت وكونت أسرهـ بتعررف أأنــه الشغل ياخذ كل الوقــت ..
نواف بغرور : عــااد آنــا أقــدر أنـظــم نفسي ,,, وأأجزء وقتي نصه لاهلي ونصــه لشغلي ومستقبلي .. بس بما أنـي أساساً ماني متزوج
بو نواف بسخريـه : أأي هيييــن ,,,, هذا أذا هــدتـك أمــك .. تلاقيهـا من اللحيـن مخططه هي وأختهـا تزووجك سـلــوى
نواف رافع واحد من حواجبه بأستنكار : أحللف ! لا سلوى ولا غيرهـا ... آنـا ريال غاوي عزوبيــه ...... مالي بالزوااج وعوار الراس
بو نواف يغمز لـه : بـنــشووف يـا ولد فــايز !
.
.
بــرى بـالـحــوش

كــان صـوت ضجيج البـطبـطـه مسـيـطـر ع الــجـــو وهذا هو الحال من أشـتــرى بو نواف هالبطبطـه لغـانـم اللي جنـه أول مرهـ يشوفهـا بحياتــه
كــان يستـعـرض فيهـا بالحوش الوسيـــع وياخذ فيهـا لفـه بالبيت كلــه .. وطبعاً مستحيييل يفكررر مجررد تفكيييرر يروح فيـهـا الحديقـه لأنـه أمه بتتوطى ببطنـه لو خرب لهـا الزرع ونتف الورد اللي عانـت وهي تهتم فيهم علشان يكبرون ويزيـنون منــظر الـحـديقــه ,, ...

على جنب كانت واقفـه نوره وتصفر وتصفق بأقوى ماعندهـا والحماس واصل التوب ومستانسه ع الحركات الجنونيـه والخطرهـ اللي يسويهـا أخوهـا ,,,, اللي كان لابس ثوب ومتلثـــم يابلفيت حركات ,, ومسوي فيهـا قوي جدااام اختــه ,,
نوره بصراخ تحاول تتغلب على صوت الضجيج اللي مالي المكان وتوصل صوتهـا لمسامع أخوهـا اللي لاهي بأستعراض حركاته الجنونيـه مـثـلـه ,, : غنوووووووووووووم خذ فيني لفــه خفيفـه عن خاطري,,
غـانم بعد مانزل البطبطـه اللي كان رافعهـا ويسوق على التايريـن اللي ورى بس...أقـتــرب منهـا وهو يقول : ركــبي ,,, بس لا تقوليـن خاايفـه .. تراني حذرتج ..
نوره بحماس ركـبـت وراهـ وطوقتـه من خصــرهـ النـحــيـــل ,,وهو بكل خــبــث زااد سرعتــه وآبـــتــدى يسـتــعـرض فيهـا بنفس حركاته الجنونيـه القبليـه وهي ماغير تصااااااااااااارخ وتترجاااهـ يوققققف
وهـو يـعـانــد ويرفــع البطبطـه على تايريــن وهو يسوووق بأسرع ماعندهـ ,, ونوره مغمضـه عينهـا وتصاااااااااااااااااااااااااااااااااارخ تحس صوتهـا رااااح من هالصراااااخ وغانم مستمتع بصراخهـا اللي شالت بـه الفريييج كلــه ,,,,
نوره بصرااااااااااخ : غنوووووووووووووووووووم بطيييييييييييييييييييييييييييييييييييييييييييييييي يييييح ,,
غـانم بعد مارحم صوتهـا اللي أبـتــدى يتلاشـى من الصراخ وقف وهو ميت ضحك
نوره نزلت وهي تررجف وضربته على ظهره بعصبيه : يالعفففففففن ,,,,, والله بغيت أأطيييح ماتستوعب أنت ؟..
غانم : علشان تحرمين تقوليـن " يقلد صوتهـا " غـنـوم خذ فيني لفـه ...
نوره بعصبيه : نـــــــــذل !
تركت لـه الحوش وهي ريلهـا بالغصب تشيلهـا وتصك ببعضهـا من الخرعه المحترمه اللي طلعت منهـا من شوي ...دشت داااخل كان صوت ضحك أبوهـا وأخوهـا مالي المكــان ,, ولما شافوهـا ناداهـا أبوهـا ,,
أقتربت منه وقعدت أحذاهـ وهي تتنفس بسرعه
بو نواف بستغراب بعد ماطوقهـا وقربهـا منه : شفيييج ؟
نوره بعصبيه خفيفه كاسيهـا الخوف من فلم الرعب اللي سواااهـ لها غانم : غنووووم أستعرررض فيييني بغـى يوقف قلبي ,,,
نواف أطلق ضحكه عاليـه وقال : الحيــن أستعراض غنوووم اللي كلـه كلام يهـال خرعج ,,,؟ " بثقـه عميـه قال " بلاج ماجربتي أستعراااضيي .... على طووول عناية مركزهـ ما ألاعب !
نوره تنرفزت : كلااام يهـال عندك أنت ,,, والله قلبي فززززز .. يسووووووق بسرعه !!!!! لو تامه أطالعه بدون ماأركب معاهـ أبرك لي ...
نواف يحرك لهـا حواجبه : تجيـن أستعرض فيج ,, ودي أسمعج تصارخيـن وتسبيـن ,,,
بو نواف يحظنهـا وهو يقول : أشوف خل عنك أختك .... لا تستعرض فيهـا ولا تستعرض فيييييك .. هذي الـغـاليـه ماتستحمل دفاشـتك أنت وأخووك
نواف يسوي روحه يغار : قايل أنـا ,, من لقـى آحبابه نسى أصحاابــه ..,.. دشـت الأنسـه نوره وصفطتني على جنب !
نوره بدلع وخفت نوبـة الخوف اللي أعترتهـا من شوي : قالهـا لك أبوي ,, آنـا الغاليــه ...
نواف : والكووووبـه ,,!! ..
,
,
,

دش الـبيــت وهو مستانس ولـقـى آمه بأستقبالـه ... خذته وقعدته على جنب وهي تقول : جوف دامك لقيت وظييفـه وفرحتني ... كمللل جمييلللك ووافق على اللي بقول لـه لك ,,,, علشان صج صج تكمل فرحتي فيك اليوم
زايد : تدللي ,,, يابعد كل اللي يتدللون ..
آم زايد بحمـاس : مفكره أأكلم خالك سالم علشان أخطب منه آمــنــه لـك ....
زايد أنصــعــق مب بس أنصدم ..؟؟ وبان هالشي بويهـا وماقدر حتى يخفيــه !!!!!؟..
أم زايد كملت : آمنه بنت والنعم فيهـا .. أحبهـا وماعندي شك فحبهـا لي ..ووجودهـا يريحنــي ,,,." تضحك بالخفيف " وأنـت قايل تبيهـا نفسي بكل شي ... هـا لقيت لك البنت اللي نسخه مني على قولتك .... آمــنــه نفسي بكل شي ألا الشكل طبعا هههههه ..... أأدري أنهـا تـعــزك وتكـن لك بقلبهـأ ذرة حب أذا مب الحب نفســه ... والأكيد أنـهـا راح تهتم فيك وفـ كل شي يخصك .... ها شقلت
زايد بصدمه : هه ! يـمـه لـحـظة !!! شوي شوي علي ... توني دااش البيت مالحقت أأشم هــوى ,,,, " يحاول يستوعب الموضوع " اللحيـن أنتي مستانسه جذي علشانج تبيـن تخطبيـن لي آمـنــه ؟ آآمــنـه ماغيرهـا بنت خالي سـالـم !!
أم زايد بنفس الأبتسامه اللي أمتزجت بلمحة أستغراب : آيـه يمه ,, آمنه بنت خالك سالم ....!
زايد : بس يـمــه ...!!
آم زايد : بس شنو ؟؟ آآمـنـه مافيهـا عيييب ! وأذا على آنك ماتعرفهـا عدل عندكم فترة الخطوبـه ... تقدر تتعرف عليهـا وتتعرف هي عليك.... " بـتـسـائل " ولــه بقلبك وحده ثانيه ؟؟
زايد بسرعه : لا لا ! شنو وحدهـ ثانيـه ...؟ لا ثانيه ولا ثالثــه ... مابقلبي حد ....... بس يمه فاجأتيني .. ماتوقعت آآمــنــه !! " يرد يكرر أسمهـا بأستغراب أكبر " آآآآآآمــــــــــنــه ؟
أم زايد : عيل من توقعت ؟؟ توقعت أخطب لك بنت جارتنا ؟ ولـه وحدهـ من بنات خالاتك اللي من أنسجن أبوكـ ماشفتهم ؟؟؟؟! ع الاقل آمنه وحدهـ منا وفينـا ... وأنا عارفتهـا عدل وعارفـه طبايعهـا .... أحبهـا وتحبني والأكيييد راح تحبهـا أنت بعد
زايد : يمه تحبينهـا ماقلت شي على عيني وراسي ,,, بس !! " سكت شوي " آحسـهـا صعبـه شوووووي
أم زايد : وليش صعبه ؟
زايد يدور عذر لأنه هو نفسه مايدري ليش مب قادر يتقبل الموضوع : ماادري ....! ماعرف عنهـا شي ؟؟ غــيـــر أنـهـا بنت خالي !!!!!
أم زايد : أي وحدهـ ثانيـه راح أفكر أخطبهـا لك راح تكون نفس الشي ,, ماتعرف عنهـا آي شي ؟؟؟ مب أنت قايل راح تاخذ اللي أنــا أختارهـا لك ,,,,؟ يعني آكيد راح يكون زواجك تقليدي !! مب عن حب !!!
زايد يحاول يسكر الموضوع : أن شالله يمه ,, بس عطيني وقت أفكر ... ع الأقل هاليوميـن هذا زواج مب لعب يـهـال .... ماأبي أخذ بنت الـنـاس وأبهدلهـا مـعــاي ,, وأنتي لا تقولين لخالي أي شي ......
آم زايد أبتدى ينطفي ضـي أبتسامتهـا اللي كانت مرتسمه ببراعه قالت : على راحتك يبــه ... خذ وقتك بالتفكييييرر ..... بس لا تنسـى أني ودي أشوفك معرس يايبــه .. ماأبي وحدهـ غريبـه تاخذك مني وماعاد أشوفـــك ..... ع الأقل آمـنـه لو خذتهـا وطلبت منهـا تسكن معاي ماظنتي بترفض ولـه بتشرط عليك بيت بروحهـا ,,, بس لو بنت ثانيــه آكييد ماتبي تعيش مع أمـــك ... خوفهـا أطلع نسرررهـ ! ...
زايد يحط يده على يدها : لا تخافيـن يمه .. أي بنت بفكر أتزوجهـا لازم تدري أنـي مب مستعد أطلع لهـا بيت بروحها حتى لو أقدر على هالشي .... مستحيييل أأطلعج من بيتج أو أنـا أطلع وأتركج ..... لا تحاتيـن من هالناحيـه
أم زايد : يعني بتاخذ آمنه ؟
زايد طالع أمه وقال : آن شالله ,, اذا نصيبي معاهـا راح أخذهـا ,,,,
أم زايد ببتسامه : ياجعل عيني ماتبجييك ... عساني أجووفــك مستانس معاهـا .. وأنا متأكدهـ من هالشي .... يمكن ماتكون أنت تحبهـا أو تحمل لهـا أي شعور بقلبك .. بس أظمن لك أنهـا تحبك
زايد بتسائل : ليش هي قالت لج ,,
أم زايد : البنت يايمه نادراً ماتقول لوحدهـ مثلي هالأشيـاء ,, وخاصه لا كنت آم اللي تحبه مستحييل يايبـه ....
زايد : عيل شعرفج ؟؟
أم زايد : البـنـات يقدرون يفهمون على البنات من أقل حركـه ... مايبيلهـا ذكاء
زايد هز راسه بتفهم بدون مايبتسم حـتــى
آمــنــه ...!
يـتــزوووج آآمــنــه !!
وآمـه تلمح آنـه آمنه تحبــه ؟
من متى هالحب ؟؟؟؟
مايذكر أنه مرهـ وحدهـ بحياته عاملهـا عــدل !!
لما كان صغير كل شوي كااافخهـا ولـه دااايس ببطنهـا ولـه دااافن ويهـا بالزرررع !!!! ومن يلمحهـا غصب طيييب ألا يصيحهـا ... ومايذكر أنه كان يستلطفهـا ولا حتى هي كانت تستلطفـه
أثنينهم كانوا شبه أعدااء بطفولتهم
ولما كبر ماقعد معاهـا ولا فتح معاها آي حواااااار ,, غير السلام !!
شلون لحقـت تحبـه ؟؟؟...
ولـــه أشتــاقت لضرررب اللي كانت تاخذهـ وهم يـهــال ؟؟؟؟
معـقـوله ... !!
صج هالبـنــات عليهم أفكـــار ماتدرون من ويــن تطــلــع ...
عـيــل يطحنهـا طق وهو صغــير .. وتذوب بغرامه لما يكبرون
صج بــنــات !!!؟

آم زايد وهي تمرر يدهـا جداام زايد اللي سرح : ياهو !! ويــن رحت ؟
زايد أنتبه عليها ووعى من سرحانه وقال : معاج معاج ....
أم زايد : آي معاي وأنـت قاعد تطالع الطــووفـه من مساع !! شسرحان فييـه ..
زايد : ولا شي ,,,
أم زايد : علي هالكلام ؟
زايد : صدقيني مب سرحان بشي ,, بس أأفكــر بالموضوع اللي كلمتيني عنه من شوي ..... مستغرب !
أم زايد : من شنو ,,
زايد : انت تقوليـن أنهـا تحبني,,, !! زييييــن متى لحقت تحبني أصلاً.... وأنتي خبرج فيني ماأقعد معاهـا نهائياً ولا حتى أتكلم معاهـا ... ولما كنـا صغــار كل شوي متهاوش معاهـا وطاقهـا !!
أم زايد : يمكن هالطق هو اللي خلاهـا تحب ,,؟
زايد توسعت فتحت عينه وقال بذهول : أطقـهـا تحبني ,,؟ عيل لا ذبحتهـا شبتسوي ...!!
أم زايد : بتـموت بغرامك ...ههه
زايد بشبح أبتسامه : والله أنتوا يامعشر الحرييييم أغراااااب !!!!...
أم زايد : ههههه ,, ماعلينا ... آنت فكر بالموضوع عدل .. وتعال عطني كلمتك الأخيرهـ علشان أتصل لخالك وأخطبهـا ..... مو أكلمهـ من اللحيـن واخرتهـا تفشلني معاهـ ...
زايد يقوم : آن شالله ,, آن شالله ....
أم زايد بتسأل : ويـــن راييح ؟؟
زايد يغمز لهـا وبعبط خفيف يقول : بروح أفكر بالموضوع ...
آم زايد أتسعت أبتسامتها وقالت : شتبي أطبخ لك ...
زايد وهو يركب الدري : مسوي أضراااب اليوم ... والسبه موضوعج

ضحكت بالخفيف على أفكار هالـولـد ...
أم زايد بصوت واطي وهي تكلم روحها : عساااك تفكر عدل وترضى فيهـا ,,, ماظنتي بتحصل أحســن من آمــنــه تصوونك وتكون خووش آم لعيالك وأأحسن زووجــه ..!!
.
.
وصل فوق وكالعادة سيده لغرفتـه ومايمديه يسكر الباب ويختلي بنفسـه علشان يفكر ويخطط ويدرس موضوع زواجه من آمنه عدل وبرواق ألا جوالـه يرن
جاف المتصل وأرتسمت أبتسامة مجهولة المعنى على محياهـ : هلا نواف ..
نواف : هلا زاايد ,, شلــوونك ؟
زايد : بخير ,, ومن صوبك ؟
نواف : بخير دامك بخير ,,,,, طلبتك قول تم
زايد : آول خل أعرف طلبك بعديـن أقول تم ...!
نواف : طلبي بسييط وماراح يكلفك شي ...
زايد : اللي هو ..؟
نواف : تجيني اليوم المغرب البيـت وحتى فـهـد راح أتصل عليـه اللحيـن وأأطلب منه يجي " ببتسامه عريضـه تزيـن ملامحه " ... الوالد يبي يشوفكم
زايد أنصعق !!!!!!!!!!!!!!!!!!!!!!!!!!!!!!!!!
خيييرر ؟؟
شيخررربط هذا ؟؟
فاايــز يبي يشووووووفــه ؟؟؟؟؟
زايد يلتقي بفـايز ..!! وجهاً لوجه
بس لحــظــة ,, المفروض مايلتقي بـه بهلـ طرييقــه ..!!!
نواف أستغرب سكوت زايد : ألـو زايد !! أنت معاي ....
زايد ألتفت وراهـ يدور شي يقعد عليـه من شدة صدمته .. وقعد على أقرب كرسي لـه وهو يقول : معاك معاك ....
نواف : ها شقلت ,, تكفى لا تردني ... بالزور رضى أبوي يأجـل كل أشغـالـه ..
زايد بحده : ليش آنت اللي مقترح عليـه ؟؟؟
نواف : آيــه .. حبيت أنه يشوفكم ويتعرف عليكم عــدل .... علشان أفتك ياريال من حـنـت الوالدهـ على راسي وخوفهـا علي من ربع السو !
زايد بدون تفكير قال : بس أنا يمكن ماأجي ..
نواف : حلفتك بالله يازايد تجي ... تراني كذا مرهـ أعزمك وأنت تصرفني بأي عذر .. مادري تتهرب مني ولـه آنـا يتهيـألي ..!!
زايد يرجع شعره لورى ويحط يده على حلجه بتفكير : ما أتهرب منك ولا شي ,,, بس أحتمال ماأقدر أجي
نواف : لا بتجي ,, وأنـا حلفت عليييك ولا تنزل حلفاني الأرض .... راح تجي صح ؟؟
زايد نفخ بقوه وبصوت مسموع حتى لنواف نفسه : بشوف
نواف : أنـطـرك اليوم المغرب مب تـطنشني ... ترى لو ماجيت بشيل بخاطري عليك من قلب
زايد بقلبه ( شييييييل بخاطركـ ,,!! شسوي لك يعني ) : لا أن شالله بجي ...
نواف بأرتياح : آوكي عيل ,, أخليك ... بدق لفهد ..
زايد : باي

سكر حتى قبل لا يسكر نواف وقام وقف
يلتقي بفاايــز ؟؟
هــو يلتقي بفـايز ..!!!!
بس للحيـن هـو مب مستعد لهلـ لقــاء ...
خااايف يتهور وتفلت أعصابـه لما يشوفــه وتطيح عينه عليييييــه !! أأكيييد راح يتهور ...!!!! مايبيلهـا تفكير بعد ؟؟؟!!
نواف متصل عليـه يطلب منه يجي لــه البيـت علشان يلتقي بالشخص اللي دمــرهـ ودمر أمه وأبوهـ ولا وذبـحـه بعد ..!!
ماراح يقدر يتمالك نفس ويـكـمل تمثيليته أنــه الريال الهادي اللي مايهزهـ شي ,,!!
مجرد طييييف هالفايز يهـز فيييــه ألف ذكرى وذكرى ,,,,
صــار لـه فتره ماشــاف فـايز ,,,وفتره طويلـه بعد
ومن فـتــره وهو كل مالـه ويـزداد كرهـ لـهلـ بنـي آدم .....
شيسوي اللحيـن ؟..
يرمي كل شي خطط له ورى ظهرهـ وأول مايوصل هنـاك يــبــرد حرته بفـايز !!
ولــه يواصل عملية التمثيييييل اللي مليون بالميه ماراح يقدر يضبـطها هالمرهـ

زايد أنتبه على عمرهـ .. كان كاسيه الأرتباك من شعر راسـه لصبع ريلـه قال بصوت واطي : شفيني ؟؟ ليش مرتبك جذي ..... مافيهـا شي .. بشوف فـايز وبتكلم معاهـ عاادي !!! هذا أذا ماقام وطردني من البيييــت أول مايلمح ويهـي بس !!....يسويهـا ولـد الـ(....) يسويهـا !! .... " غمض عيونـه وأخذ شهيييق طويييييل وأطلق زفيير أطول بمحاولة منه أنه يخفف حدة الأرتباك اللي وصل التوب عندهـ " شفييك يازاييييد ... ماراح يصير شي .. كل اللي علي اسويـه أني أتمالك نفسي بس ... بس أتمالك نفسي ...... واحاول قد مااقدر أني ماافكر بأمي ولا بأبوي ولا باللي ناوي أسويـه فيـــه .... المفروض مايحس أني مرافج ولـده علشااااان أنتقم منه ,, لأنه مجررد أحساسه بهلـ شي رااح يخليـه ياخذ الحذر التام مني .. " سكت شوي بعدها قال " آنـا شقاعد أقول ... مجررد مايشوفني اليوم مليون بالميــه راح ياخذ الحذر مني ... زيـن بعد مايطرش حد من اللي يشتغلون معاهـ علشان يصفوون علي بحاادث مروري مثل أبوي ,,, !! ,, فكررر يازاايييييد ... فكررررر .. شراااااح تسوووووي !!!!! تروووح لــه ولــه تتصل لـنـواف وتعتذر منه ,,,, " غمض عيونه وهو يردد بصوت أقرب للهمس " فكر فكر فكر فكر فكر فكر فكر !!!!!!!!! فكر يازايد فكرررررررر ,,

.
.

الـمـغــرب

كـان غــانم نــايــم بـغــرفتــه ومتعمق بالــنــودهـ بعد ومايدري باللي صاير من وراهـ !!! وخاصـه تحت بالـحــوش عند نوره اللي لما ضـمـنـت أنه راقد راحت خذت بطبطتـه اللي كان صافهـا ورى البيت مع البطابط مالته الثانيـه ,,,
ركبت فوقهـا بسهولـه بما أنهـا لابسـه برمودا وبودي بنص كم وشـعـرهـا مخليته مفتوح تبي تعيش حياتهـا الأأخت ... قـعـدت تحاول تشغلهـا .. وبــعد جـهـد جهيـد أشتغلت وفز قلبهـا لأنهـا تحركت شبر ووقفت ....
نوره تكلم نفسها : بسم الله الرحمن الرحيييم ... شكلهـا هذي مب نفس اللي يأجرهـا لنا أبوي لما نروح السيليييــن ...!
وبالفعل ماكانت نفسهـا .. لأنه هذي كبيييرهـ ,, وأأكبــر بوايد من اللي يأجرهـا لهـا أبوهـا لما يروحون السيليــن ..!! وتعتبر مالتـهـا مالت يـهـال بـعــد ..... !
رجعـت تدوس ع البانزيـن علشان تتحرك وتحركت شوي ونوره توسعت أبتسامتهـا .. رجعت توقفت : ياااااااي فلـــه ..." ضبطت قعدتهـا وجابت شعرهـا على كتفهـا اليميـن وهي تقول بعد مامددت جسمهـا لجدام شوي وهي ماسكـه البطبطه عدل " يلا ... اللحيـن نبدأ الكلام الـجــد ...." بحماس وبصوت واطي " واااااحد .. أأثــنيــن ... ثلاثــه ...!!!!
مشــت وحست بسرعتهـا زادت فرجعت وقفت من يديد بخوف خفيف وهي مازالت ورى البيت : آمبيي ,,! هذي سريـعـه واايد ... آخاااف ماأقدر أتحكم فيهـا وأنقلب وساعتهـا أخذ زفففه محترمه من أبووووي وحنـــه ماراح تخللص من غاااانم ,,, لأنه أكيييد راح يصير فيهـا شي لو أنقلبت بهـا ,,,,, " شفطت هوى لصدرهـا وهي تقول بعد ماطلعته من خشمهـا " .. يلا يانوير لا تخافيييــن ..... هذا حالهـا حال ذييج مالت السيليـن ... دووسـه خفيفه بس ماراح تخليهـا تسرررع جذي ,,,,,, " دااســت بالخفيف وتحركت بالخفيف البطبطه "

مشــت فيهـا بـوناسـه لـحـد ماطلعت من ورى البيــت .. مرت صوب الـبــرجــه وهي متشققـه وشوي ألا هي مـارهـ من صوب الحديقـه بـغـت تدش فيهـا للحديقـه بس تذكرت تحذيرات أمهـا لغانم ,,,,, فـهـونـت
وصـلت لبدايـة الحوش الوسيييع والكبييرر ...وبدون قصد داست بقوه ... وأكيد زادت سرعـة البطبطــه ,,, صرخت ووقفت للمرهـ الألف وقلبهـا يرقع من الخرعـه ومع هذا مب راضيـه تــهــدهـا ... بتاخذ فيهـا لفـه ع البيت كلـه يعني بتاخذ !!
رجعت داست من يديد ... وتمشي بالخفيف ... لحـد مالمحت باب الشارع يتبطل ويدش وااحد طوويل .. بغتره وعقـال وألف بالميـه مب من أهل البيت ولا من أهلهـا حتى ,,,,,
وقف قلبهـا خاصـه لما شافتـه طالعهـا !! ..زاااادت سرعــة البطبطـه بدون قصــد من شدة الأحرااااج والفشيله وماقدرت توقفهـا ماغير تصاااااااااااااااارخ بذمه
وهاللي داااش يطالعهـا بستغرااااااااااااااااااااااااااااااااااااااااااااا اب !!!
وهــي قلبهـا يرقع تحسه خلاص بيوووووقف ... وصوت صراخهـا مالي المكان وهالغريب مازال عند باب الحوش يطالعهـا بنفس النظرهـ ,,
كانت طاايرهـ بالبطـبطه وماوعت الا وهي تصــك بالطوووفــه وتشيل ريلهـا من على البانزيـن بالغصــب ...نزلت من عليهـا وهي ودهـا تحب الأرض شكررر لله أنه قدرت توقف ...
رفعت نظرهـا للي كان يشوفهـا بستغراب شافته رايح صوب الميلس ... وأختفـى عن نظرهـا .....
ذرف دموع لا شعورياً ...... جات تبي تمشي ماقدرت .. للحيـن الخوووف اللي هاجم قلبهـا .. مسيطر عليــه
ولا وفوق كل هذا الأحراج اللي سببه هالغريييب زااااادهـا ....... قعدت ع الأرض آحذى البطبطـه اللي بسبب كبر حجمهـا أخـفـت نوره اللي قاعدهـ أحذاهـا وهي ترررررررررررررررررررررررجف رجف مب صااااحي
أحراااج وخووف !

.
.
دش الميلس بعد ماطلب منه نوااف أنـه يدش البيت وسيده يروح الميـلس وهو أول مايجهز بينزل لــه ... لأنــه نواف نفسـه مايتعبرهـ غرررريب ,,

كان نازل من سيارته .. ولما فتح باب الحوش اللي أساساً كان مردود بطريقه تخـلي اللي يشوفه من بعيد يعتقد أنه مسكر .... أأسـتـغـرب من البـنـت اللي كانت راكبـه على بطبطـه بنسبـه لحجمهـا الصغير تعتبر ضخمه عليهـا وايد !!
وهي لما شافته زااادت السرعه ... وصوت صراخهـا خرررم أذوونــه لـكـن من شدة أستغرابـه تم وااقف يشوفهـا ..... ماتوقف البطبطه الا بعد مارضخت بالطووووفـــه خووووش رضخـه ..ولحسن حظهـا أنـه مارضخت هي نفسها بالطووفـه !!
لما شافهـأ تنزل حس بنفسـه وتوجه سيده للميلس ....!! وهو مازال مستغرب منهـا ,,؟؟
" ماتعرررف تسووقهـا ليش راكبتهـا من الأساس ؟؟؟؟.. آشك أنهـا بتقـدر تتحرك شبررر بعد الرعب اللي عاشتـه!! "
تذكر سبب جيتـه هنـي ..... وحس بالأرتباك يجتاح صدرهـ من يديد ...
قال بقلبـه يحاول يهدي روحه " راااح أأقـــدر أأشتت أفكارهـ !!! ..وأأضـمـه هو بــعــد لدائـرة خطتي .... اللي أساساً تتمحور حولـه "
حس بالباب اللي يدخل ع الفله ينفتح .. ودش نواف اللي أبتسم لوجود زايد وراح سلم عليه : تو مانور الميلس واللـه ...
زايد : تسللللم ..
نواف بتسأل : من زمان أنت هني ,,
زايد : لا توني من شوي داااش ....
نواف يلقي نظرة ع الطاولة اللي كانت فاضيـه وقال : جوف ! ماجابت الـشــاي والقهوه للحيـن.." يكلم زايد " أستريح أنت ... بروح أقول لهم يسونهم وراجع لك .. خذ راحتك
زايد وهو يقعد : لا توصي ..
نواف طلع من الميلس وراح المطبخ لـقـى آمـه تصب القهوه بالدلـه ..: للحيـن ماخلصتي ... الشباب وصلوا ..
آم نواف : كاني بخلص اللحيـن ,, لو قايل لي مبجر جااان خلصتهم لك بسـرعه .. توك ماكملت عشر دقايق من قلت لي
نواف وهو يقترب من أمه ويستنشق ريحة القهوه ويقول : يااااولللللللللللللد ....!! ريحتهـا تدووخ
أم نواف ببتسامه وهي تحكم أغلاق الدلـه : بالـعـافيـه عليك أنت وربـعــك ....
نواف : على طاري ربعي ,, الوالد ويـنـه ....
أم نواف : يعني ماتعرف أبوك ... تلاقيـه بدارهـ يتكشخ ... يموووووت ع المظااهـر ..
نواف وهو يشيل الصينيـه : ملزوووم .. عيل شتبيـن ربعي يقولون .... تااجر وتاااجر وأخرتهـا مبهدل ومايدل طريج الكشخــه ...
أم نواف وهي تطالع ولدهـا : والله انتوا مابتفلسكم ألا هالمظاهـر ... لآزم يعني تسوون فيهـا عيال عز !!
نواف وهو يتوجه صوب باب المطبخ علشان يطلع : رجاءاً يمه ... انتي اخر وحدهـ تتكلميـن عن هالأشيــاء
أم نواف وهي تشيل كل شي علشان تغسله قالت : ويا ويهك !
.
.
دش الميلس لـقـى فـهـد موجود قال ببتسامه عريضه : حيالله فـهـــد ....
فهد وهو يقوم يوقف : الله يحيييك ..
نواف وهو يحط الصينيـه ع الطاوله : لحظة أحط ذولا ,, واجي أسلم ...
أول مافارقت يدهـ الصينيـه .. راح سلم على فــهــد : مايمديني أروح وأرجع ألا ألاقيييك .. لا يكووون زيوود خااشك بحدى مخابيــه
فهد ضحك بسخريـه وهو يقول : ههيهيهييهيهههيهيه أبوس أيدك لا تنكت .. هههههههههه
نواف يدفعه بالخفيف من كتفه : تطنز ,,هههههههـ ..
قـعـدوا الا فهد يقول بجديه : أبـوك بيجي ؟؟
نواف : ايـه بيجي اللحيــن ,, وهالله هالله بالذرابـه .. مو تطيحون ويهي جدامه
فهد : شقالولك ملقطنا من الشارع أنت وشكلك .. آنت اللي هالله هالله بالسكووت ... مو تشتغل أذااعتك من يوصل أبوووكـ ..
نواف ضحك بالخفيف وقال : أشوووفك واايد مطيييح الميانه معااااي ..
فهد : شسوي .. مااقدر أطيحهـا مع زيوووود .... خوووفك يحمقق !! خبررك ماينعرررف جــدهـ من غشمرته ..
نواف : هههههه بهذي أنـا معااااااكـ ... " يطالع زايد اللي مب معاهم بالـه بوادي وقعدتهم باللي فيـهـا بوادي ثاني " ولـه أنت شرايك يازايد
زايد طالعه ببلاهه وقال : نـعم ؟
فهد : سلامتك ... كمل رقااااد
زايد أبتسم وقال : لا صج .. شكنتوا تقولون ؟؟؟
نواف : اللي ماخذ عقلك
فهد كملهـا : يتهنـى بـه ....
زايد : أي ماخذ عقلي أي بطيييخ ..... المهم ,, تراني جاي يانواف علشان خاطرك بس .. ماراح أطووول شوي وطاالـع
نواف : أهم شي الوالد يشوفكم ويقعد معاكم شوي ....
فهد : وليش أبوك يبي يشوفنا يعني ؟؟!
نواف : الله يسلمك الوالدهـ عبالهـا ربعي للحيـن نفسهـم القبليــن وماسكه علي ربعك مصبنه وغيرهـ .... عاد لا شافكم أبوي يقدر يوصل لهـا أنكم تشرفون اللي مايتشرف .... وبالمرهـ يتعرف على ربع ولدهـ
فـهـد أستانس على كلام نواف قال : والله أنت اللي تشررررف صراحه ...
نواف : لي الشرف والله ,,,,

أنفتح باب الميلس ودش بو نــوااااف وأوقفوا شبابناً كلهم وأأخر من وقف زايد ..!
.
.
.

نواف ببـتـسـامه عريضه : ياحيالله بو نــوووااف ..
بو نواف دش بأبتسامه : الله يحييك ....." توقفت كلماته لما شاف زايد "
نواف وهو يعرف أبوه بربعه : هذا فـهــد ... وهذا زااايد يايبـه اللي كلمتك عنهم
بو نواف مــنــصــدم وعيـنـه معانقـه وي زايييد مثل مازايد يطالعه بملامح ماتحمل أي تعبيييير
أنتبه على عمرهـ وماحب يحسس ولدهـ بالمعرفـه اللي بينه وبيـن زايد رغـم أنه من داااخل مصدووووم صدمـة مب طبيعييييييييييـه !!
أقترب من زايد اللي كان أقرب لـه وسلم عليــه وبعدهـا سلم على فــهـد
وأبـتــعــد عنهم وجلس على كرسي مجابلهم
بو نواف وهو يحاول يتحاشى يشوف زايد : حيالله ربع نواف ... شلونكم يبــه
الوحيد اللي رد هو فهد : بخير عمي ,, وأنت ؟
بو نواف : الحمدالله بخيييير ,,, " طالع زايد وقال " وأنت ؟ شلونك
زايد طالعه بحده يحاول يخففها وقال بأختصار : بخير
نواف لربعه : هذا أبووي ,,, وأظنكم تعرفونه مايحتاي أكلمكم عنهـ ... هو تااجر مثل ماتدرون وأأحسن أبو بعد
فهد ببتسامه طيبه : الله يخليـكم لبـعـض
بو نواف لفهد بتسائل : تشتغل ؟؟
فـهـد : قريب أن شالله ,,, بشتغل عند أبوي .. مكاني محفوظ مثل مايقولون .....
بو نواف هز راسه بتفهم وطالع زايد : وآنـت يازايد !؟
ماتدرون شكثر كرهـ أسمه لما نطق بـه فاايــز قال بنفس الملامح اللي ماتحمل أي تعبير : أشتغل بكيوتل ...
بو نواف : آهـا .. " تعمد يقول " ليش أبوك ماعندهـ شركه ؟؟!
كاااان رااح يقووووم لــه وينسى كل شي ويدوس ببطنــه ويطحن عظااامـه لمجرررد أنه جاب طاري أبوهـ وهو يتصنع الجـهـل بكل اللي سوااااهـ !! حقييير ونذل وراح يتم طول عمرهـ جذي
!! قال ببتسامه رسمهـا بالزور : لا ,, أبوي ماعندهـ شي أساساً علشان تكون عندهـ شركة .... وبــعــديـن هو مييييت من زمـــان .... " يحط عينه بالضبط بعيـن فايز " تقريباً من عشريييـن سنه ....
بو نواف أنصعق من كلام زاييد !!
شقــصــده من هالكلام ؟؟؟ شلوووون ميت من عشرريـن سنه !!! وهو حتى سنه ماكملهـا !!
قال وهو مازال يجاهد علشان يخفي اللي داخله : من عشرين سنه ؟؟ يعني ماشفته !!
زايد بثقه أكتسبهـا فجأه قال : لا ماشفته .. ولا أبي أشووووفــه بعد .. ولا يشرفني من الأساس أنـه أبوي.... لأنــه أبـوي تاجر ... وتاجر كبير بعد .... بس للأسف .. تاجر مخدرات !!
فهد ونواف أنصعقوا من جرائـة زايد وشلون قدر يقولهـا جدام بو نوااف وهو مافكر حتى يقولهـا جدامهم ...
بو نواف حس روحه بيختنق من كلام زايد اللي مب قادر يفسرهـ .... كمل كلامه زايد وقال : صراحه مادري شراح تقول عني .. ويمكن تمنع نواف من أنه يرافجني .... بس هذا أبوي وهذا أنــا .. ماأتشرف بـه ولا أأحب فكرة أنه حد يناديني بـ زايد سعوود ,,, وأذا وجودي مايشرفك ولا حتى رفجتي لولدك تشرفك ..... مستعد أقطع علاقتي فيــه من هاللحظـه
نواف نط بسرعه : يبـه زايد ريال والنعم فيييـه ,,, وصدقني أول ماشفته ماتوقعت كلش أنه يكون هو نفسـه زايد سعود اللي كانوا بعض شباب الجامعه يتكلمون عنه ويقولون أنه أبوهـ تاجر مخدرات .... ترى زايد اللي جداامك أأشررف من أبوهـ بألف مرهـ وماأظنـه نهائياً فكر يسلك طريييجــه .......
بو نـواف اللي مب قـادر يفهم شي وقال لزايد : بايـن أصلا أنــه أأحســن من أبوهـ تاجر المخدرات .... !! .. ومشالله علييك مبيـن أنك ماشي سييده وماعندك سوالف بطالـه مثـلـه..
زايد : الـحــمــدالله ....!!! " رجع عادهـا من يديد بنبرة مب مفهومه نـهـائياً " الحمدالله يا..عمــي !!!!!!!!!!!!

.
.

نـهـايـة الـبــارت الـسابـع

Prt " 8"


بـغـرفـتـهـا كانت منسدحه على ظهـرهـا وبالأخص فوق سريرهـا وعلى بطنهـا مستلقي فلافي اللي قاعد يحررك يدهـ بمحاولة فاشله منه أنـه يمـسـك الخييط اللي كانت تحركه وضحى جداامـه بخفــه وهي مبتســمـه بالخفيف
سـمـعـت ضربـات متتاليـه رسميـه على باب غرفتهـا وعرفت بسهولـه صاحبتهـا .. عقدت ملامحها وهي تقول : دشــي مـايـا !!
دشت مايــا بـبـتـسـامه وهي تقول : مـاما كلام .. قولي لـ وتحى تعـالي ... شـي ونت يو !!
وضحى بتملل : فـي حد تحت ؟؟
مايا : يس ... سستر مدام ,, أنــد ماما أوم خالد .. آنــد مداام سوهـآآ " سهى "
وضحى زفرت بضجر وهي تكلم نفسها : بس اللحيـن أبتدى المزاااد العلني عند أمي ,,, بتقعد تستعرضني جدامهم ... ! " تكلم مايا " زيييـن زيين قولي لهـا بتنزل اللحيـن ...
مايا هزت راسها بالأيجاب وطلعت مسكره البـاب وراهـا ..
قامت قعدت وخلت فلافي يقعد بحظنـها وهي تنفخ : آآآآآآآآآآآففف .. مادري متى بتبطل هالعاااادهـ ..!!!! اللحين بيلوعون جبدي بأسئلتهم ,,,,," تكلم فلافي " حبيبي قوم شوي خل أنزل أشووفهم شيبون .. " تمسكه وتخلي ويهـه يقابل ويها " .. أذا طلعت السالفه مثل كل مرهـ .... بفشلهم لك ههه ... " حطته على سريرهـا وقامت هي صوب كبتهـا "
شافت شعرهـا بالمنظره مالت الكبت حست بعييز ,, ماودهـا تسوي شي ... فتحتــه وآبـتــدت تدور أي شي بيـن كومـة الثيـاب تقدر تكشخ فييـه وبعد دقايق أخـتـارت لهـا
لبسـتـهـم وهي تجييك على روحهـا بالمنظرهـ ,, كان شكلهـا آوكيـه وحلو ... ماتبي تحسسهم أنهـا متكشخه لهم .... خل يحسبونهـا نازلــه بلبسهـا العادي !!
جات بتمسك شعرهـا بس تذكرت أنهـا كانت تلاعب فلافي من شوي
راحت تغسل يدهـا بالماي والصابون .. رغم نظافـة فلافي ألا أنهـا تخاااف على عمرهـا ,, خاصه لما سمعت أنــه لو لاعبته ومسكت شعرهـا أحتمااال يحت كلــه ويتساقط
رجعت للمنظرهـ مشطت شعرهـا... وطلـعـت لهـا مشـباص صغير شكله كيوت ورفعت فيـه قذلتهـا لورى وخلت شعرهـا القصير مفتوح
شافت عمرهـا ,,, ودققت بملامحها وهي تقول : مالي خلق أحط لا كحل ولا قلوس !!! بنزل جذي .. عاجبهم عاجبهم مب عاجبهم بالطقاق ...
طلعت من غرفتهـا ونزلت الدري بخطوات موزونــه وأول ماوصلت تحت توجهت صوب الصاله اللي ينبعث منهـا صوت حررييم مختلط بصوت آمهـا
أول مادشت سكتوا كلهم ووحده منهم الظاهـر رفيجة أمها قالت ببتسامه عريضه زين ماأنشق حلجها : بسم الله ماشاءالله .. عرووووس ..
وضحى أبتسمت مجاملـه لهم وهي بينهـا وبيـن نفسهـا تتوعد باللي بتتجرأ وبتقول لهـا ودهـا تخطب ...
سلمت عليهم كلهم وقـعـدت بكرسي منفرد ,, بكل ثقـه ...
أم خالد قالت ببتسامه عريضه لأم وضحى : يأختي وين خاشتهـا هذي عنـا ,,, ماتورينـا الا اليــهــال ..؟.. ماكنت أدري أنه عندج بنت قمر جذي ..
أم وضحى نفخت عمرهـا من الونـاسـه وقالت : شسوي ,, الـبـنـت تستحي شوي ... كله بدارهـا أو ببيت رفيجتهـا ....
سـهـى تطالع وضحى وتقول : مشالله عليـهـا ... كم عمرج ياحلوه ,,؟
وضحى بغرور بان بملامحها : توني داشـه الـ19 ..
سهى وام خالد بصوت واحد : العمر كله يـارب ...
آم سعيد " أخت أم وضحى " : من مساعه وأحنا ماعندنا طاري غيرج ياوضــحــى ,,
وضحى ببتسامه عابره : آن شالله خير ؟؟؟
نطت سهـى : شدعوه ياحافظ ,, بنكون أنحش فيج مثلا .... بس صراحه ياوضحى عـتـبـانيـن عليج ؟؟ كذا مرهـ أمج تجيـنـا ومانشوفج معاهـا ....
وضحى مازالت محافظه على أبتسامتهـا رغم أنهـا متملله من قعدتهم : ماأحب أطلع من البيـت وايد
أم سعيد : عليـنـا ,,؟؟.. كل ماسألت أمج عنج قالت لي يأأما بالسوق ,, ولـه ببيت رفيجتهـا ... ولـه طالعه تتمشـى ....!!! عنبو ماتقريـن بالبيت وتخلينا نشوفج هههههـ
وضحى عطت خالتهـا نظرة مافهمت معناهـا وصدت عنهـا ..." تستفزززززززززززززز هي ويـا هالـعرس اللي لابستـه "

كـمـلـت السوالف بينهم وأغلبها مــدح بجمــال وضــحــى ,, وآم سعيد كل شوي دااشـه عرض وقاطه نغزهـ ووضحى حاقرتهـا من قلب
ولما شافت سوالفهم أبـتـدت حش بخلق الله قامت وأستأذنت منهم وهي تسمع عبارة من سهى وأم خالد " الله معااج يمه , الله يحفففظج "
ركبت الدري وهي بتنفجرر من خالتهـا النحييسـه هذي ,,, شغالـه نغزاااااات ,, يعني ألا تطييح سوقهـا جداام سهى وأم خالد علشـان تضمن أنـه وضحى لسعيدوووهـ ولدهـا
" مابقـى ألا أخذذ ولــــدهـا الخبببل ,, وتصيير هي يــدة عيالي وسـعـيد أبووهم ... مالت بس !! .... زيـن مني مستحملتهـا خالـه ... بعد ألزق فيهـا زووود "
دشت جناحهـا ورضخت الـبـاب بقوهـ ,, وسيده لغرفتهـا ...
وقفت جدام المنظره وسحبت المشباص اللي كانت رافعه به قذلتهـا وحذفته ع التسريحـه مررت يدهـا بعشوائيـه بيـن خصل شعرهـا وخلته يتناثر على ويهـا
أبـعـدت الخصل اللي جات على عيونهـا ,, وراحت حذفت روحها على السرير .... وهـي تسترجع كلمات المدح اللي سمعتهـا من شوي وتقريباً أعتادت أذنهـا على هالكلام
تنهدت وهي تقول " ياليتني بس أسمع هالكلام منج يايمـه ! "
رفعت روحها وجات بتقوم للغرفـه الثانيـه اللي تعتبرهـا وضحى عالمها الخاص ... لكن صوت جوالهـا اللي يعلن أستقبال مسج وقفهـا

كيف حاله ؟
قلبك اللي قاطع بقوه وصاله
مو مهم عندي ترد !
الأهم تقرا الرساله ~

بدون لا تحس حسـت بشوق كبير أقتحم قلبـهـا .. الرسالـه من راشد ,,,, صار لها فترة طويله ماكلمته وعمرهـا ماقطعته هالشكــل ..... طول هالفتره اللي راحت تحس بفرااغ مـحــد كلف عمرهـ وحاول يمليــه ,,
فــراغ كان بالأول رااشد ماليييــه !! ومن أبتـدت تصدهـ وتكــابر صار مـهـجــور ومع كل دقيقه وثانيـه يتسـع ويكــبــر ... لحد ماأبـتــدت تحس أنهـا عايشـه بفراااغ !!
ماكانت عارفـه شتسوي .. ترد عليـه بمسج ثانـي ؟! ولــه تمسح المسج وتحاول تتقاضـى عنـه .. أو .....
ماقدرت تكمل تفكير لأنـه الجوال أبـتـدى يرن بيـن أناملهـا و" رشودي يتصل بك " ....
تمت تطالع أسمـه .... وتحاول توصل لنتجيــه ..!
عقلهـا وقلبهـا بـصـراع ...تــرد ... ولـــه مـاتــرد ,,,؟! .. فترة طويلـه عاشتهـا بدونه ,, وشستفادت ؟ ولا شي !!! مافادهـا حقراانــه ألا تملل ووحدهـ وفراغ كبييييررررر مب قــادرهـ تسدهـ بأي طريقـه !!
حركت صبعهـا صوب الزر الأخضــر علشان تـرد ,,, لـكـن اللي صــار من أربـع شهــور دااهـــم مخيلتهـا وخلاهـا تضغط ع الزر الأحمر بسرعه وتغمض عيونهـا مع توقف الرنيــن
" آسـفه يا راشد ,,!! ماأقدر ,,"
حطت جوالهـا آحذاهـا وهي تحس بضيقـه كبيره ... لآنـهـا مب قادرهـ ترجع توثق فيـه مثل قــبـــل .. ولا قادره تسمع صوته او تتعامل معاهـ وكأنه ماصار شي
راحت غرفتهـا الثانيـه اللي بهـا رسوماتهـا ,,,
شـالـت الـغــطـى اللي على صورة راشــد ودققت بملامحه ... ومررت يدهـا على تفاصيل ويهـا ....
سمعت صوت بعقلهـا يقول " لآزم تتخلصييـن من كل شي يذكرج فييــه !! .. لآزم "
دورت على أقـرب مـحـايـه ,, وآبــتــدت تمـحـي ملامحـه تدريجـياً لحد ماتعبت يدهـا .... وحست أنـهـا ماراح تقدر تمحيهـا أصلا .. وبنفس الوقت ماتبي تحذفهـا ...
شـالتـهـا وحطتهـا ورى كومـة من اللوحات اللي كانت راسمتهم من قبل وحاطتهم بزاويـة من الغرفـه ,,,, وهي تقول : جذي ... ماراح تكون بويهـي كل مادخلت هني ....
راحت صوب البلكونـه تحاول تشم هـوى ,,, بــدل هالضييقـه اللي أحتلت صدرهـا ......
.
.



كـانـت قـاعـده بالصالـه بعد مـا تلاشـت نوبـة الرعب اللي صادتهـا ... رغم أنه أحراجهـا مازال طاغي عليهـأ وصابغ خدودهـا باللون الأحــمــر ..
طرى بـبـالـها غـانم .. رااح يعصبببب من قلب لما يشوف حالة بطبطتـه اللي أنشلخت من جدااام وشلخ قوي بعد وواضح كوضوح الـشمـس .. وآكيد ماننسـى أنـه ليـتـاتهـا اللي جداام تكسروا وصاروا بخبر كان
نوره بصوت واطي : شيفكني اللحيـن منه !!.. أقوم أندعس بداري أبرك لي .... مافيني على صرااخه وحنتــه ,, شكلــه بيذبحني !!! " تتنهد " أشوهـ آني الكبيره !!
شالت نفسهـا وركبت الدري لحد ماوصلت دارهـا سكرتهـا وقفلتهـا بعد ....
مرت من صوب المنظرهـ شافت نفسـهـا بالمنظرهـ خدودهـا كانت حمرهـ من قــلــب .. وويهـا كله أحمر أصلا !
تذكرت شكله اللي كان يطالعهـا وبأستغراب ...... رجف قلبهـأ وتسارعت نبضاته : يااااررربي ,, وأنـا هذي حالتي مع ربع نويييف .... مرهـ مع اللي بالميلس واللحيـن مع هذا .. شبيقولون عني اللحيــن ,,,,, أبصم بالعشره أأنـه كان يتحمد ربــــه ع نعمة العقل !!! هذا أذا ماأنفجرر ضحك لما دش الميلس ,, " بتفكير " معقولـة يقول لنواف عني ؟؟.. لا لا ماأظــن ...." بأحرااج " ياااااااااااالللللله واللله فشييييييييييييييلللللللــه .....
أأبي حد أفضفض لــه ...... سلــوى ,, خل أأفضفض لـهـا ... ع الأقل مابتمصخرني مثل وضحــى .. مافيني ع الطنازهـ أنـا ..
خذت جوالهـا وأتصلت على سلوى اللي شوي وردت : هـلا وغلا
نوره بأحرااج : سلوووهـ .. لحقققققققققي عليييي
سلوى بتسائل ممتزج بلقافتها : خير شصااير ...
نوره : من شوي كنت أجرررب بطبطـة غنوووم .. وخبرج كبيررره البطبطـه وحالتي حاله معاهـا .... طلعت فيهـا الحووش جان يطلع بويهي واحد من ربع نواااف
سلوى بصدمة : حلللللللللللللللللللللللللللفييي ؟
نوره تكمل : موو بس جذي ,,, من الفشله زدت السرعه بدون قصد وصفقققت بالطووووووفــه .... سلووووى والله مفتشله وأأحس الأكسجيين ناقص بالمكاان
سلوى ميته ضحك : هههههههه قسماً بالله أنج خببلــه ..
نوره : شسوووووي اللحيــن ؟
سلوى : ولا شي ,, أخذي الموضوع ببسااطــه .... ولا كبرتي قولي لعيالج عن هالذكرى الحلوهـ ..
نوره رفعت واحد من حواجبهـا .. : أأأحرررررر ماعندي أبرد ماعندج !! ... أنـا خووفي يقول لنواااف .. وساعتهـا شيفكني منه ....
سلوى : بذمتج يعني شبيقول لــه ,,, هلوو نوااف تراني شفت أختك بالحوش ع البطبطـه ؟؟؟... بالعقل يعني مستحيييل .... وصراحـه صراااحـه ماعند أمه سالفـه لو يقول لــه ,,
نوره بأحراج : والله فشلللللللــه ,, هذي ثاني مرهـ يصيدني موقف مع ربع نواافووهـ
سلوى بسخرريـه وطناازهـ : ليش المرهـ الأول شــنـهـي ؟ لا يكون دعمتيـه وتنثرت أغراضج ولقطهـم لج ...!
نوره : وااايد متأثره بالأفلام ترااج ,,, أول مرهـ ماشفته ولا شافنـي .. كان بالميلس جيت بدش تنحنح ...... واللحيـن مع هذا
سلوى : ههههههههههههه عاادي ماعليج .. الدنيا حلوهـ ,,
نوره : أحسـه كان يطالعني ويقول ,, يالله ! للحيـن في ناااس خبببله جذي ..
سلوى ماتت ضحك : هههههههههههههههههههههههـ ,, نوير .. تراج مسويـه منهـا قصــه .... خلاص واحد من ربع أخوج جافج بمنظر غبي !!! خلاص أنـســي ... داام نوافوهـ أخووج واحد أجتماعي .... عيل أبشري بمواقف أكثر من جذي
نوره بصوت هادي : بس مفتشله منه ؟
سلوى : ووي ! مفتشله من أخووووج ,,؟ صج ماعندج سالفـه
نوره بأنفعال : موووو من أخوي ويا ويهج ... أقصد رفييج أخوي .." توطي صوتهـا بتسائل " تتوقعيـن شبيقول عني !!
سلوى : ولييييش مهتمه هالكثر فـ رايـه فيييج ,,, لا يكون مزيووون وعلقج " صكتهـا ضحك "
نوره بتنرفز : ترااج مليييغــه ,, آي مزيوون وأي بطيييخ .. متفرغه أنـا أقززز فييــه ,,,, ساعتهـا كنت لاهيــه بالصاروخ اللي راكبتـه وشلون أوقفـه ..
سلوى ميته ضحك : ههههههههههههههههههـ نوررري والله أأحبببج وأأحب غباائج ...
نوره عصبت : تدرين أنا الغلطاانه اللي دااقـه لج ,, لو متصله على وضووح أأبــررركـ لي ... أتحمللل طنازتهـا ومصخرتهـا فيني ولا تعليقاتج الغبيـه ....
سلوى ماردت كانت غرقانه ضحك
نوره صرخت بعصبيه : شلللي يضحك اللحيييــن ...
سلوى : هههههههههه وقسماً بالله أنج نكتـه ... مادري بس ..هههههههههههههههههههههههههه
نوره عصبت وسكرت بويهـا ..: ماالت بس .. أكلمهـأ وهي تضحك ..... أبي أعرف شلللي يضحك اللحيـن ..؟ يعللللللللللللللج ياسلوى بموقف أأخس مني علشان تعرفيـن أنه الله حق ..
.
.

ع الـسـاعه 7 أسـتـأذنوا زايد وفـهـد من نواف وطلـعـوا ..

عند سيايرهم قـال فـهـد لزايد بفضول : زيود أذا مافيهـا لقافـه يعني ... أنـت من صجك تكره أبوك هالكثر !!!
زايد وهو متجهه لسيارته ويقول : يعني وااحد أبوهـ مثل أبوي .. على شنو أحبـه ولـه أفتخر فييــه ..!!.. طبـعـاً أكرهـ وكرررهـ تعدى حدود خيالك بعد
فهد بغرابـه : بس أخبر لما توفـى ,,, كنت متضايق وبالزور تتكلم .....
زايد طالعه وهو يقول : فـهـد ...! في أشيـاء وايد بحياتي أنت ماتعرفهـا .. فلا تربط ضيقتي ذاك اليوم بـمــوووتـه ؟
فـهـد : زيـن خلـنـا من هالـسـالـفـه ,, لما عزمـتــك قبلهـا بيوم ... أعتذرت مني بحجـة أنـه أبووك توهـ طالع من الســجــن وتبي تقعد معاهـ ..؟؟ شتفسر معـنـى كلامك !
زايد سكت شوي بعدهـا قال وبكل جمود وثقه : الـوالدهـ أصرت علي أأجي البيت علشان .. " بستهزاء " أقــعــد مـعـاهـ .... وأظنك عارف غلاتهـا عندي وماأقدر أرد لهـا طلب !! ودامهـا طلبت مني أرجع علشان الوالد رااح أرجــع .. ومستعد أقـعـد معاهـ وأسولف ولا وأضحك بعد ... بس علشان خاطر عيونهـا ..
فـهـد بتفهم : غــرريب آنـت ياريال ...! " بفضول أكثر " يعني ناوي تفهمني أنـه لما مات ماتضايقت ولا أثرت فيك موتـه
زايد بلـع ريجـه وأبتلـع مع ريجـه غصـه كانت بطريجـهـا للخروج : كــان يووم عيييد يوم مات .... ع الأقل أخذ وياهـ فضييحـتــه .. وأزااح عني شووويه من سمعته الزفتــه .....
فهد كان منصدم من كلام زايد .. طول هالفتره كان يحس أنه زاييد يحب أبوهـ ... لكن كلام زايد الواثق ... يأكد عكس كل اللي كان حاس فيــه : شكلي يبيلي أأأعييد دراسستك ياشيخ!! لآني أكتشفت بهلـ لحظة أني مب فاااهـمـــك كلللللللللش
زايد بضحكه قصيره جدا : ههه ! ... ولا عمرك راح تفهمـنــي " يأشر لـه بيدهـ " سلام
ركب سيارته وهو حااس بغصــه بتذبحـه وقفـت لــه ببلعوومــه ولا يمكن أنـهـ يقدر يبتلعهـا من يديد.. حررك بعد ماألقـى نظره على فـهـد اللي ركب سيــارته هو بـعـد وأبـتــعد عن هالبيـــت
وأول ماأبــتــعــد عن بيت فــايــز ... تدحرجت دمـعــه شفـافـه على خــدهـ ولو أمعنتوا النظر فيـهـا راااح تشوفون أأهــواااااال من الأحزااان اللي تارسـه قلب شااب ماتعدى الـ 24 سـنــه
بصوت وااطي هـادي متألم : سامحني يبــــه ...!
تـكـررت ببالـه كل الكلمات اللي قالـهـا بحق أبوهـ ,, آو حتى الحقيييير فـايز وولدهـ قالوهـا .... سيوف أخترقت صدرهـ وببطئ شديد تتحرك دااخلـه .... وتمززق بكل وحشيييـه نفسيييتــه الممزقـه !!

" ترى زايد اللي جداامك أأشررف من أبوهـ بألف مرهـ وماأظنـه نهائياً فكر يسلك طريييجــه "

" لا ماشفته .. ولا أبي أشووووفــه بعد .. ولا يشرفني من الأساس أنـه أبوي.... لأنــه أبـوي تاجر ... وتاجر كبير بعد .... بس للأسف .. تاجر مخدرات !! "

" بايـن أصلا أنــه أأحســن من أبوهـ تاجر المخدرات .... !! .. ومشالله علييك مبيـن أنك ماشي سييده وماعندك سوالف بطالـه مثـلـه "

" لا ,, أبوي ماعندهـ شي أساساً علشان تكون عندهـ شركة .... وبــعــديـن هو مييييت من زمـــان .... تقريباً من عشريييـن سنه "

" الحمدالله يا..عمــي !!!!!!!!!!!! "

" كــان يووم عيييد يوم مات "

ضرب السكان بقوه وخدهـ غريق ببحر دموعـه وهو يقول بصوت وااطي جداً أقررب للهمس : آآآآآآآآآآآآآآآآآخ ياييييييييييييييبــه ..!
توجه لبيـت لأنه أساساً يحس روحه مب قادر يسوق .. طول الطريج وخدهـ مانشــف ...تأنيب ضميير لأنـه قال اللي قـالـه وبنفس الوقت قــهــر لأنه سمح لفايز يتطاول على أبوهـ وهو قاعـد ويسمع بدون مايرد !
عيـل أبوهـ تاااجر مـخـدارت وفايز التاجر المحترم ! .....
بطريقـه سريـعـة صفط سيارته ببيـتــه حتى صوت التاير وهو يحتك بالأرض أسمعـه أخر بيت يالفريج
نزل وسكر البـاب .. مسح دمـوعـه وهو يتـمـنـى ويـتـمـنـى ويـتـمـنـى آنـه مايمر على آمــه .. ولا تشوفـه بهلـ منظر لأنـه مايقدر يواصل تمثييييييل
كـــفــــــآآيـــــــه تــمــثـــــــيل وجذب لليوم !
دخل البيت وسكر الباب وراهـ وهو يشم ريحـة آكل .. عرف أنهـا بالمطبــخ تسوي الـعـشـى ...
زادت خطواته ركب الدري بخطوات وسيـعـه وراح لغرفتـه ,,, سكرهـا عليـه بكل قوتـه وقفلــها
مـقـهــور ,, وميييييييت قــهــــر بــعــد ... ومحد يقدر يوصف شعـورهـ بـهاللحــظــه ...
دموعه تذرف ومب قادر يوقف أنهـمـارهـا .. لأسباب واايد وأولهـا الكلام اللي أجبر نفسـه يقولـه جداام ولـد الـ " ..... " فـايــز ......
فصخ غترته وحذفهـا بأهمـال وهو مب مهتم ويـن حذفـهـا من الأسـاس ... فتح أزرت ثوبـه اللي عند الرقبـه علشان يتنفس ...
حاس روحه مختنــــــــــق..
حـــاس بـقـهــر وآآلـــم فضيييييع محتليـن قلبـــه ...
ومب قـادر يتخلص منهم
آبـوه آنـهـان اليــووم وكـان هو شريك بهلـ مهـانــه ..
كلام زايف ومغلف بالجذب أنـقــال عن أبــوهـ وللاسف أنـه شــآآرك فيـــه
مسك راسـه بألـــم ,, وهو يغمض عيـنـه بألم أكبر
حاسـه بـه راح ينفجر من كثر مايحشيـه أفكــار وذكريات سودهـ ومرهـ
.
.

أول ماطلـعـوا زايـد ونواف من عـنـده اللي أصلا ماطولوا ..
قـام نواف ولحق أبوهـ اللي من سكروا الباب وراهم شال روحه ودش دااخــل
نواف وهو يمشي ورى أبوه : هذاك شفتهم ؟ شرايك فيــهــم ....
بو نواف بجديـه يخفي وراهـا أشياء وأشياء : زايد رفيجك هذا من متى تعرفه ؟
نواف تضايق لما فتح له موضوع زايد قال يجاريه : قايل لك من بعد الهوشـه ... ليش ؟
بو نواف رد على سؤال ولدهـ بسؤال .. وهـو يلتفت عليـه : وشتعرف عنه غيير اللي قاله لي ؟
نواف بـجـديـه بـآنـت بأسلوبـه : يبه شوف .. آآنا عارف بالضبط شقصدك من كل هالأسئله .. الريال معاشره وأعرفه عــدل !!! مــب نفس أبووووهـ ,, ومب شرط لو أبوهـ واااطي يكون هو أوطى منه !
بو نواف بنفس الجديه : تراك صكييت راسي أعرفه وأعرفه ... ؟!!! شقالكم عن سالفـة أبوهـ غير اللي قالـه لي ؟؟
نواف يزفر : أساساً زايد مايتكلم بهلـ موضوع نهـائياً,, كلـنـا عرفنـا من نفسنــا !!!
بو نواف بتشكيك: وأنت مصدق اللي قاله بالميلس ..
نواف بستغراب : وليش ماأصدقه ؟؟ قصدك كلامه أنه يكرهـ أبووه ,,,؟ آآكييد مصدقـه .. وعاذرهـ بعد وماأظـن في حد يفكر يلـومــه !! ... لأني لو حطيت نفسي مكــانه وأبوي بدنائة أبوهـ مستحيل أحبـه وله حتى أبين لناس حبي لــه .. لآنه أساساً مايستحق هالحب !!! ولأنـه اللي يسوي سوات أبوهـ أبصم بالـعــشرررهـ ماعـنـدة قلب
بو نواف أنخطف لونه من كلام ولدهـ قال : شوف .. ماراح أقول لك أقطع صداقتك فيــه ... بس خذ حذرك منه ,, ولا تأمنه على شي ..... تراك ماتعرف شللي بنفســه
نواف بتملل من كلام أبوه : آن شالله ..
بو نواف قال وهو يصرفه : روح جيب لي قلاص ماي .. آحس ريجي نشف
نواف هز راسـه بطاعه : أن شالله ...
ترك لـه الصاله وراح يجيب الماي على حسب طلب أبوهـ
وخـله أبوهـ فدوامـه مب عارف شلون بيطلع منهـا ...
اللي قالـه زايد .. يشير ألى شي واااحد .. شي وااااحد بس مافي غيرهـ
أنــه اللي خطط لــه بو نــواف صـــار .... قــدر يختــم أنتـقــامـه اللي أقترفتـه يدهـ من 20 ســنــه بكرهـ زايد لأبوهـ ..
حــاس بشي يدور بصدرهـ .. مب قادر يفسرهـ
هو تأنيب ضمير !
أو فرحه بأنـه قدر يحقق اللي طمح لـه ....؟
بس مها عمرهـا مابيـنت لـه أنـه زايد يكرهـ أبوه ؟؟؟
أصلا شلون بتبيـن لـه وهي تدري أنه هالشي راح يفرحــه .... وفوق هذا كلـه هو قاطعهم من 5 سنين ولا حتى لمحهم من بعيد !!
قـدر يتعرف على زايد من ملامح ويهـا اللي ماتغيرت .. وشبهه لسعود بـعد ....
" أنـا لآزم أأعرف كل شي .... ياخوفي أنــه كل كلامه لي جذب بجذب !!!... بــاجر يصير خيييير ....راح أعرف شلون أتأكد من اللي قـالـه "
جاف نواف جاي صوبـه بقلاص الماي .. خذاهـ وشربـه دفعه وحدهـ بدون لا ياخذ نفس بـعــد
وعطــى القلاص لنواف وهو رايح فوق لدارهـ ... ومسكر وراهـ البــاب يكمل تفكيير بالمصييبــه اللي شافهـا من شوي تحت
,
,

,

وصلـتـهـم لـعـنـد باب البيت بعد ماسلمت عليهم ولما شافت كل وحدهـ ركبت سيارتهـا وتوكـلـت دشت دااخل وهي شوي وتموت من الفرحـه ....
دخلت الصاله وسكرت وراهـا البـاب وبخطوات سريعه راحت فوق لغرفــة بنتـهـا ... فتحت باب الجناح ودشت وهي تنادي عليـهـا ,,,
دقايق وطلعت لـهـا وضحى اللي بايـنه عليـهـا علامات الـضـجر : نـعم يمه ,,؟
أم وضحى بفرحه : مبروووك ....
وضحى رفعت وحده من حواجبـهـا وبتسائل : على شــنــو ؟؟
أم وضحى : شافتج أم خالد وعجبتيـهـا .. فخطبتج لولدهـا ... ووافقـت ..
وضحى بققت عيونهـا : خيرررر !!
أم وضحى : اللي سمـعتيـه ,, صراحه آم خالد مافيـه أحسن منـهـا ... وقالت لي بما أنـه آحنا موافقيــن راح يجون بعد يوميـن أو ثلاث ويخطبون رسمي
وضحى بسرعه : لحظة لحظة لحظة !!! من قال لج أأنــي موافقـه ؟
أم وضحى : وليش بترفضيييـن خالد ؟؟ ولـدهـا ولا كل الريـايــل ... وصراحه أأبييج تاخذيـنــه .. بيعيشج أأحسن عيشــه ويمكن بعد أحسـن من عـ....
قاطعتهـا وضحى وهي تقول بعصبيه : لا يمه سمحيلي زوااج ماني متزووجـه ... وكلمي المرهـ قولي لـهـا ماعندنا بنات لزوااااج
أم وضحى تلاشت أبتسامتهـا : شنو ماعندنا بنات لزواج ؟؟ تبيـن تعنسيييـن وتطيحيـن بجبدي !!!
وضحى بتملل: ياااااللله .. يمه فهميني أنـا وحدهـ ماابي أتزووج وأذا وقف نصيبي بعد معرس الغفله هذا .. أنـا بتحمل المسؤوليــه
أم وضحى تتخصر : وليش ماتبيـن تتزوجيـنـه ؟؟ ولد أم خالد عن عشريـن ريـال .. وبيعيشج عيشـه أحسـن من عيشتج هني بمليون مرررهـ .. " تتكتف " ولـه أن شالله للحيـن عندج أمل براااشد وقاعده تنطريـنـه ؟؟
وضحى : وشجاااب طاااريـه اللحييــن ..!! راااشد تزوووج وخلصنا
أم وضحى : داامج تدريـن أنه تزوج وخلصنا .. فشيليـه من بالج ... ولا تعلقين روحج فيييييــه .. لأنـه حتى لو تقدم لج أبوج ماهو بموافق ,,,, فكري بخالد عدل لآنج ماراح تحصليـن آحسـن منه
وضحى : فكرت وماأبيــه !! " تتكتف وتقول بعناد " خلاص !؟
أم وضحى بجديـه وحزم : لا مب خلاص .. أنـا عطيت المرهـ كلمــه وماأبي أطلع بعينهـا صغييرهـ .... شبتقول عني ؟ بنتـهـا تمشيهـا على هـواهـا ؟؟؟
وضحى : أشوفج ماأهتميـتي لكلام النـاس لما سافرتي وخليتيني بروحي بالبيــت
أم وضحى : والله ذااك موضوع غير وموضوعنا اللحيـن غيييير ... شغل الـعـنـاد وكلام الـيـهـال مب علي ..... بكلم أبوج ومتأكدهـ بوافق .. وحتى أنتي راح تواافقييييــن !
وضحى عصبـت وتنرفزت : يعني بتجبرييـنـي ؟؟؟
أم وضحى : آآيــه آجبرج ,,, آآنـا آدرى بمصلحتج ...... واايد خليتج على هوااج أنــا ,,,, لا وصلت السالفـه أنج تفرطيـن بوااحد مثل خالد شاريج ماراح أأسـكـت وأعدي لج
وضحى زادت حدة عصبيتهـا : ولا آنــا رااح آسكت وأعديهـا وأخلييج أنتي تتحكمييـن بحياااتــي ... خووش والله !! طول هالفتره ماااتدريـن عن هوى دااارري واللحيــن لما جات عيوز قرييح هذي تبيني لولدهـا صرتي مهتمه بمستقبلي وحـيـاتـــي .....!!!
أم وضحى عصبت من اسلوب وضحى قالت بعد ماأقتربت منهـا : لا تعليـن صوتج علي ,, آنـا آآمـــــج !!
وضحى : وخير ياطير آمي ... !! ماتصيريـن أمي ألا بهلـ مواااقف ..... ولما أحتااجج تتخليـن عن دووررررج ...؟؟ قبل لا تفرضيـن رايج المحترم علي أخذي رايي ماني يــااااهـل ولـه بزرر علشان تفرضيـن علي شي ماأبيــه ..أأعرررف مصلحتي أأكثر منج يكون بعلمج
أم وضحى تنرفزت قالت بعنـاد : دام هذا كلامج .... خالد بتتزوجيـنـه .. رضيتي ولـه مارضيتي أنـا عطيت المرهـ كلمه وماني رادهـ عنـهــا ....
وضحى تتخصر وببتسامه ساخرهـ متشبعه بغرورهـا وعصبيتهـا : سويـهـا يا.. يـمــه .... وشوفي شراح أسوي .. " بسخريـه " ألا أذا كنتي خاايفـه على مستواج الأجتمااعي جداام فلانه وعلانــه فأكيييد راح تفكريـن مليون مرهـ قبل لا تخطيييـن هالخطووهـ .. " بحزم وأصرار وعناد " زواج ماني مـتــزووجــه !!!! وهالخالد اللي مادري من ويـن طلع لي خليـه بحظـن أمه ماأأبيـــه ....
كان بقلبهـا كلام وايد بتقولـه بس الكلمات توقفـت مع السطــار القوي اللي جالـهـا : هالســطـــاار علشان تشوفيـن من قاعدهـ تكلميـن جدااامج ,, وأذا فيج خيييرر ياوضيييح سوي اللي قلتي عليييـه والله لا تلوميـن الا نفسج ..... وآآنـا اللحيـن رايحـه أكلم أبوج وبعد يوميـن بيجون وبيخطـبونج وغصباً عليج بترضييــن ....تساهلت معاج وااييييد آآنـا ..
تـحـركت خطوات أم وضحى بتطلع من الغرفه لحقتهـا وضحى وهي تصرخ بغضب عااااالي : والللللله ماني متزووووجــه تسمعييـن يمه ...!! مابتزووجــه ......وحااولي تجبريني ... والللللللللللله ماأسكت
دشـت ورضخت الـبــاب بـقــووه وهي متنرفزهـ ومعصبـه بس ماصاحت رغم أنه الكف يـعـور ..... صرخت : لييييييييييش تحاوليـن تخليني أكرههههج بأي طريييييييييقــه !!
صوت رنيـن جوالـهـا صــدح بالـجـــو وخيييم ع المــكــان ,,, وبدون ماتكلف روحهـا وتشوف الرقم عرفت أنـه راشد من النغــمـه اللي حاطتهـا خصيصاً لـه
راحت بسرعه وردت عليـه بدون تفكير .. فهاللحظـه كـانت خطواتهـا تتحرك بـ أوامر قلبـهـا .. مب بعقلهـا !!.... سمعت صوته يقول بسرعه بأسلوب عـتــب : واللله ماعندج قلللللللللللب ,,!
وضحى بتألم وهي حاسه روحها بتنفجر صياح لما سمعت صوته : رااشد بيزوجونـي ...
راشد فز : نــعــم ؟؟؟
وضحى ذرف دموعهـا : رااشد أأكررره آآمي ,,, آآكررررهـا ,, تدور اللي يغثني وتسويييــه ....
راشد : شـنـو بتزوجج ؟؟! وحده وحده علي ....
وضحى تصرخ : خطبتني منهـا رفيجتهـا عيوز قرييح هذي لولدهـا ولما رفضته رااحت تكلم أأبووووي وآآدري بــه رااح يوافق لما يدري بـه ولد عزززز ومستواهـ من مستوانـا وأعـلـى ......
راشد : آآنـا جايج اللحيـن
وضحى : بتجي شبتسوي ...!!!!
راشد : بخطبج من يديد ....
وضحى : تستهبببببببببل !؟؟... ماراح يرضى فيك أبوي أفهم ..!!!... وتوهـا أمي قايلتهـا بويهي ماراح يرضــى ,,
راشد بأنفعال : عيييل شسوي ,,,؟
وضحى : شدراني ,, بس آنـا ماراح أسـكــت .... والله مابسكت ياراشد .. ماراح أتزووج يعني ماراح أتزوووج واللي بيسوونـه خل يسوونـه .... حتى لو أطلع جداام العفنه أأمــه وأأقول لـهـا ولدج مانبيييه
راشد يحاول يهديـهـا : آآنـتــي آهــدي اللحيــن ,, والله خبصتيني معااااج ...
وضحى قعدت تصييح وقالت بسرعه : راشد سكر بروح أأكلللم أبوي ...
راشد بتردد : بس ردي أتصلي ..
وضحى : يصير خير
سكرت بويهـا وطلعت من غرفتهـا وهـي هايـجــه وتوجهـت لغرفـة أمهـا وأبوهـا مالقتهم موجوديـن ... تمت تدور عليهم بالطابق اللي فوق لحد مالقتهم قاعديــن بالـصـاله "اللي فوق طبعاً"
أول مالمحتهـا آمهـا قالت لأبو وضحى : كاهي بنتك جاات ,, تفاهم معاهـا ...
وضحى أقتربت منهم وقالت موجهه الكلام لأبوهـ : يبـه شـنـو يعني بتغصبـوني ؟؟.. ماأبي أتزوووج ليش مب راضيـن تفهمون ,,
بو وضحى بجديه : آمج تقول أنج رافضـه الزواج علشان راشد ,,؟
وضحى بأنفعال ودموعهـا على خدهـا : شدخل هذا بالموضوع ,,, أأبي أعرف !!!... آمي تتوهم أشياء وتصدقـهـا ..
أم وضحى تحط يدها على قلبها : آآنــا ؟؟؟.. آآنـا أتوهممم .... بنتي وأعررفج عدل وأعرف أطباعج .. من يوووم مارفض أبوج راشد وأنـتي كل ماتقدم لج واحد رفضتيـه ؟ ليـن متى يعني !!!!
وضحى : وآآنتــي شحااارررق دمــــــج وفااااقع مرارتتــــج ,,, قااعدهـ على قلبببج أأنــا ..؟؟
صرخ فيهـا أبوهـا بحده : وضــحـــى ,,,,!! آنتـبـهـي لكلامج ..
وضحى بصياح : حراام عليكم والله .... طووول عمري وأنتوا ماتدرون عن هو دااررري .. واللحيـن يجي وااحد مادري من وييـن طلع لي وتزوجوني أيـاهـ ؟؟؟ لهدرجة وجودي مثقل عليكم ....
بو وضحى بنفس نبرة الجديه : تـعـالي قـعـدي .. خل نتفاهم
وضحى : هالموضوع ماأبي أتفاهم فيـه ... ماأبي أتزووووج !!
بو وضحى : أنتي تعالي قعدي ومايصير خاطرج ألا طيب ..
ترددت بالبدايـه بس بعدهـا راحت وقعـدت أحذى أبوهـا اللي حظنـهـا بدورهـ وهي ماصدقت يحظنهـا وأنفجرت صيااح : والله ماأبي أتزووج ,, مااااابي ...
بو وضحى بعد ماطبع بوسـه على راسـهـا بالخفيف : خلاص مابتتزوجيــن ,,
نقزت أم وضحى : نـــعـــم ؟؟... شنو مابتتزووج ,,, تبي تمشي كلمت بزر علينـا ؟؟
بو وضحى : خلاص البنت ماتبيــه ,, لا تضغطيـن عليهـا أنتي ...
أم وضحى : آآيـه أقعد تكلم جدامهـا جذي ,,!! قـو راسهـا علي ,,,, بنفسهـا بدون شي ولسـانهـا يبيلـه قصص
بو وضحى : خلاص نصيبـهـا مب مع خــالــد .... الله يعوضهـا بغيرهـ
أم وضحى : وآنـا شقول للمرهـ ؟؟ سامحيني فديتج بنتي ماتبي ولللدج وشالت البيـت على راسهـا ..لما درت بخطبتج ؟؟؟؟
وضحى نقزت : والله مشكلتج .... محد قال لج عطيهـا كلمة بدون ماتخذيـن رايي
أم وضحى قامت وقفت منقهره وقالت : شوفي ياوضيييح.... أذا ماخذيتي خالد لسـانـي ماأبيـه يطب بلسانج
وضحى : آآووكييييـه ,,!! عاادي .... من متى أصلاااا تكلمت معاج أو كلمتيني ..علشان أموت اللحيـن لأنج مابتكلميني
آم وضحى بغضب و حده لريلها : شاايف لسان بنتك الزفر ,,,, الظـاهـر ماعرفت أربي
وضحى : قصدج ماربيتي من الأسااااااس ...
جاتهـا أم وضحى هــادهـ من بعيد متوعدهـ فيـهـا سحبتهـا من شعرهـا القصير وعطتهـا سطــااار قوي .. ووراهـ سطار أقوى ,,,
قام بو وضحى وسحب بنته وراهـ وهو يقول بحده وصراخ : خلاااااااااااااااااااااااااص !! ع الأقل أحترموا وجودييي ؟؟
وضحى بصرااااخ من قلب : اكررررررررررررررررررررهـــــــــــــــــــــج
طلعت من الصاله تركض لجناحهـا ,,,
أم وضحى بتنرفز : ليش وقفت بصفهـا .. خل تتزووج يمكن الريييل يأدبهـا ويقص لسانهـا ...
بو وضحى : أنـا بنتي مب حيواان علشان أأجيب لهـا وااحد يروضهـا !!! ... ماتبي تتزوج ماراح تتزوووج خلاص الموضوع أنتهـى
أم وضحى : صدقني هي مسويـه كل هاللويـه علشان راشد ولد أختي ...
بو وضحى : أذا كانت على قولتج مسويـه كل هاللويـه علشان رويشد ولد أأختج .. فـهـي تـدري ومتأكدهـ أني مب موافق عليييــه ..... وأذا أرفضت مليون غير ولد رفيجتج ماراح تتزوج راشد " بتنرفز خفيف " عكرتوا مزاااجي !! الواحد جااي يبي يرتاح ببيتــه .. تطلعون لـه مشكلة من تحت الأرض علشان يطفششششش ..... آآآوووووووووووف لو قاعد بالشغل مجاااابل الأورااق أبرك لي
ترك لهـا الصـالـه وخلاهـا شوي وتنفجررر من الغيييييييييييض

الـيـوم الـتـالي

ع الـسـاعه 4 الـفـيــر فــــز من نوومـــه وهو يلـهـث وكأنـه راكض آمييــآآل .. حط يدهـ على صدرهـ يحاول يخفف سرعة تنفســـه وغمض عيـنـه بقوهـ ورجع فتحهـا ..
كــآآبــوس أقــتـحــم عـالـم أحلامه ..... مايدري شلـون قدر يقوووم منه حتى !!
كابوس بشــع .. خلاهـ يستحقر روحــــه
ويـكـره فــايــز زووود ...
كان أبوهـ ينذل جدامه بأبشع أنواع الذل على يد فايز ,, وهو واقف أحـذى بـونواف وعلى ويــهـا آبـتــســاامه عريضــه بدون لا يتحرك شبر من مكـانه !! ومكتفي بالـنـظـر ...
كـان ودهـ يرووح يوقف فايز عند حــده ,,, لكــن مايدري ليش ريلـه متصلبـه بالأرض والأبتسامه مب راضيه تفارق ويهـا .....
معقـولـه كان راضي عن اللي يصير جداام عيونــه .......!!!
الـظـاهـر اللي صـار آآمــس مب راضي يفــارقـه ولا يخليه بحالـه ....
بالأمس .. كان فايز يردد كلمة " أبوك تاجر مخدرات " ... وزايد ماغير قاعد مجابلـه ويزيد الـنـار حطب !!!!! ..
أأكــيـــد .. أنه هالحلم هو نموذج عن اللي صــار !!!

قام من سريرهـ بعد ماأزاح اللحاف وهو مايبي يفكر بهلـ كاابووووس نهـائيـاً.. لأنـه مجرد تفكييرهـ رااح يخلي ضمييره يأنبه أكثر من ماهو ذابحه بهلـ لحظـة
طلع من غرفتـه ونزل تحت وسيده للمطبخ طلع لـه غرشـة ماي وصب لـه بقلاص ... شـــرب شوي وبـعـدهـا اخذ هــوى لصدره .. وحاول ينفض هالكابوس من بـالـه ...!!
طرى ببـالـه فايز للمرهـ المليون وضغط ع القلاص بقوه : بـعـد اللي صــار آآمــس .... ماراح أخليييك فـ حالك .. والله ماأخليك !
طلع من المطبخ بعد مارجع كل شي بمكانه علشان لا تعصب أمه لما تقوم ... وراح ألقـى بنفسـه على كرسي الـصـالـه ... وهو يـتـنـهــد
وماحس بـعــمــره ألا وهو نــايــم ... مـن شدة التـعـب ...
آمس مانـام طول الليل سهـران وع الـ2 غطت عيـنــه وقاااام على كابوس كهرب كل جزء بجسمـه ....!!
.
.
صـــــــوووت الــجـــرس قطع عليـه نوومـه ... فتح عينه ببطئ وشاف السـاعه كانت 6 الصبح ....
شكلـه مكتوب عليـه ماينام ألا ساعات قليلـه ويقوم !
تعدل بقعـدته وهو يمسح على ويهـا ويقول بصوت ناعس : من جاينا هالحزه ؟؟؟؟؟
قام وطلع من باب الصاله ع الحوش ... وصل للـبـاب ولما فتحه أنصـعــق باللي جداامــه
دش بو نواف وقال ببـتـســامه : السلام عليكم
زايد كان راح يعقد ملامحه ويكشر لكن تذكر خطـتـه فأبتسم من ورى قلبه : وعليكم السلام ...
بو نواف : شكلي جيت بوقت غلط ....
زايد " توووك تدري !!!! " : لا عادي البيت بيتك ... تفضل
بو نواف : لا أنـا مو جاي أتفضل .... ,...طول الوقت أمس مب جايني نوم وتفكيري منشغل بكلامك عن سـعـود الله يرحمه ... آآبي تفسيييير
زايد بستغراب تصنعه : تفسير لشنو ؟؟
بو نواف : آنـت تكره أبوك الله يرحمه صج .. ولـه كل هذا تمثيييييل علشان ربعك كانوا موجوديــن
زايد : أظـنـك ريال عود وفاهم وتقدر تكتشف بسهولـه لو كنت أمثل أو لا ....
بو نواف : أقدر أكشف اللي عايش معاهم وهم حولي ... مب وااحد من 5 سنين ماشفتــه ..
زايد : شوف عمي ... اللي قلته لك ببيتك هو الصج .. وأنت براحتك أذا بتصدق ولـه لا ... هذا شي راجع لك
بونواف : بس أنت كنت متعـلق فيـــه بصغرك ؟؟؟
زايد : كـــنــت !! لـكــن اللحيــن للأســف ماأحبه ! وحتى لما طلع وجـا قـعـد عندنــا يوم .. أحسـه كان كااتم على نفسي ... و ... وآآدري انه اللي بقوله اللحيـن المفروض ماينقـال .. بس لما مات ... آرتــحت وأستانست بعد
بو نواف أنصــدم من كلام زايد !! مو لـهـدرجة عـااد ...
كان يبيـه يكرهـ أبوهـ ,, بس مو لدرجة أنــه يفررح لمـوتــه ...
شـكـلـه نززع حــب سـعــود من صدر هالولد من جذوورهـ ..
حط يده على كتف زايد .. بنفس الطريقـه وبنفس المكان اللي حط سـعـود يدهـ فيـه .. ولو مب تمثيليـة زاايد جاان دفع يدهـ بكل وحشيـه وشراســه ...: بس مهمـا كان هذا أبــووكـ .. المفروض ...
قاطعه زايد : ماأبي أسمع نصايح ...
بو نواف هز راسـه بتفهم وهو يمعن النظر بوي زايد : على راحـتـك ...
زايد بتسائل : أنـت جاي هـنـي عـلـشــان تـكلمني عن موضوع أبوي وبس ... ولــه جاي علشان تطلب مني أفارق ولدك بعد !
بو نواف : أنـت ونواف كيفكم أذا بترافجون بـعـض ,,, بس كنت حاس روحي مب قادر أصدق اللي قلته أمـــس .. فحبييـت أتأكد !!
زايد : ليش مثلا بجذب عليك ؟؟
بو نواف : ماادري .. يمكن لك أسبابك الخاصـه ...!؟
زايد : مثل ؟؟
بو نواف : مثل أنـك تدري أنـي آنـا اللي مدخل أبوك السـجــن !! يعني تبي تنتقم مثلا ؟؟
زايد أطلق ضحكه شبـه طويله وقال : آنتــقــم ؟ وليش أنتقم منك ... شمسوي لي ..؟؟.. كل اللي سويـتـه أنك بلغت عنـه لما شفته تاجـر وكبير وأكييد أنك حاولت فيـه يترك هالشي بس هو مارضــى ,,, " بخبث كان خافيـه بمهـاره " وأظــن بــلــدك بالمرتبـه الأولى بقلبك !
بو نواف بتسائل : زايد ,,؟ آنــت شتذكر بالضبط لما كنت صغيير ؟؟
زايد يستغبى : شلون يعني ؟؟
بو نواف : يـعـنـي ,,, تذكر لحظات لك مع أبووك ,,؟
زايد يسوي روحه يفكر بعدهـآ قال : آآنــا من وعيـت على الدنيـا مالقيت أحذاي غير آآمي ,,, ماأذكر أني شفت أبوي ..... ألا لما طلع من السجن
بو نواف يحاول يسوي فيهـا ذكي : يعني ماتذكر ولا شي كللللش لما كنت صغير .. ولا لحظة جذي مع أبوووك ؟؟
زايد كان عارف سبب سؤاله قال : عمي أنت شتلمح لـه ؟؟... قلت لك ماأأذكرهـ كلللش ....!
هز راسـه بتفهم وهو يقول : آوكي عيل ياولدي ... آآنـا أخليييك
زايد : أي أسئله ثانيه ؟؟
بو نواف أبتسم له : لا خلاص .. كم سؤال كانوا يدورون بقلبي وقلتهم لك .....
زايد : وأن شالله قدرت أقنعك بأجوبتي
بو نواف : تقريباً .... عن أذنك
زايد : أذنك معاك
شافه يركب سيارته الفاخرهـ ولحقـه بنظرات نـاريـه الشرار يطلع منهـا ,, لحد ماسكر باب السياره وحــرك من جداام بيـتــه
أول ماراح وأبتــعــد عن بيـتــه رضخ زايد الـبــاب بكل قوتـــه
ودش دااخل ......
.
.بالـسـيـاره عند بو نواف كان يقلب كلام زايد براســه وهـو مصدقـه ومب مصدقـه
مقتنع ومشكك !!!
بصوت أقرب للهمس : آنـا شسويت ؟!!!! حتى بوفاة أبوهـ ماحزن !! معقولـة مهـا ماقدرت تحببـه بسعود ...؟؟
رد عليـه صوت عقلـه " مو هذا اللي آنـت تبيــه ؟؟ هذاهو كرهـ أبوهـ ولا .. وماعاد يواطنـه بعد والبركه فيييك ....!!! خـلاص المفروض تفرح وتحتفل .. مب تقعد تحلل وتستنتج ؟"
مرر يدهـ على لحيـته الخفيفه وهو يقول بيـنه وبيـن نفسـه : مـب قادر أستــووعــب .. رغم أنـه كل اللي بغيتـه صـــاار ...!!,,, فيني أحسـاس تجاهه مب قادر أأفهمه ,!!!
.
.
.
خذته خطواته لداخل البيـت وأرتبك لما شاف أمه بالصاله وشكلهـا قامت على صوت الجرس قالت بتسأل : من جاينا ؟
زايد بأرتباك حاول يخفيــه : ولا حد عـيـال الفريج يلعبون بالجرس ؟
أم زايد بستغراب : بس أنا لمحت وااحد طالع من البيـت ؟؟
زايد زاد أرتباكه " لا يكون شافته !! " ...: هذا أبو الولد اللي كان يرن الجررس .. على طلعتي ألا أبوهـ جااي ياخذهـ وأستسمح منــي
أم زايد هزت راسـهـا بتفهم وقالت وهي تتثاوب : بتروح شغلك اللحيـن ؟
زايد شاف ساعته وقال : اأيـه بعد شوي ,, بـروح أســبــح ...
ترك الصاله وراح بسرعه فوق وخـلـى آمه تحت ,, حتى نـسـى يبوس راسـهـا مثل كل يوم ... دش غرفته وهو يزفر بأرتياح ... زيــن أنهـا ماشافت ويـهـا ولــه جاان شالت البيت على راسـهــااا
ولو تدري هو شقايل عن أبوهـ جدام فايز ,,, رااااح تذبــحــه ....!!!
تحرك وسحب الفوطه .. ودش الحمام يســبــح ....
بيـنـمـا بالطابق اللي تحت أول ماأختفى زايد عن نظرهـا راحت المطبخ تسوي لـه ريوق ... !
مـرت فــتـرة بسيطـه وكـان الأأكـل جـاهـز وموزعــتـه على طاولـة الطعام ... وحطت أخر صـحـن ...
ألا بـزايد داش عليـهـا وهو كاشخ وريحة عطرهـ المميزهـ سابقته وباسـهـا على راسـهـا وقعد يشاركهـا الأكـل
آم زايد ببتـسـامه حلوهـ : اللحيـن عـاد ماتقـدر ترجع البيت مبجر وتـقـعـد معـاي ..
زايد يبادلهـا الأبتسامه : لو علي أسويهـا ... بس شبيقولون علي توهـ متوظف وكل شوي طالع ....
أم زايد ضحكت بالخفيف وهي تقول : الله يوفقك ... آكــل عــدل يبــه علشان لا تـجـوع هـنـاك
زايد وهو ياكل : فـديت اللي تحاتيـني والله
أم زايد : على طاري المحاتاهـ ,,, ماقلت لي رايك بالموضوع ؟
زايد طالعها بتسائل : آي موضوع ؟؟
أم زايد : هو ؟؟؟ آمدااك نسيت !!
زايد : أعذريني يمه بس وااايد شغلات لاهي فييـه ...
أم زايد : ريح مخك شوي من كثر التفكييير ...! مب زيييــن لك والله .., قصدي على موضوع آمـنـه ؟
زايد كان ناسي هالموضوع تماماً فـ توهق لما طرته : آآيـه آمـنــه صح !! .. آأأأأأأأأأ !؟ " بعد تفكير ماأخذ ثانيـه " ...سوي اللي يريحج ...
أم زايد بوناسـه : يعني أخطبهـا ؟؟
زايد وهو ياكل بلا أهتمام ببتسامه عابره : خطبيـهـا ...
أم زايد يببت من قــلـــب
زايد رفع راسـه وشاف الوناسـه اللي مرتسمه على ملامح أمه وقال بضحكه : ههههههههههه,,, دوووم هالفرحهـ
أم زايد قامت وطبعت بوسـه على راسـه وهي تقول : مبرووووك ياولـدي ألف مبرررررروووك ....
زايد وقف وهد اللي بيدهـ حظنهـا بالخفيف وهو يقول : الله يبـارك فيج ... يلا آنـا أستأذن ... " يغمز لها " اليوم أول يوم دوام
أم زايد : الله معاك حبيبي ,,
طلع زايد من البيـت وأول ماآبـتـعـد عن أمه تلاشـت أبتسامتهـ وهو يسكر باب السياره ويطلعهـا من البيت متجهه للدوام
" شهلـ وهـقــه !! "
.
.
قـاعـده بـصالـة بيـتــهـا تعـدل أظـافرهـا .. وصوت التلفزيون حاشر المـكـان .....
سمعت صوت خطـوات على الـدري... وبعد ثانيـه ... شافتهـا جدامهـا لابسـه عبايتهـا وشيلتهـا ومعلقه على كتفهـا شنطتهـا وهي متجهه لباب الصـالـه حتى سلام ماسلمت
أم وضحى بحده : على ويـن أن شالله ...
وضحى طالعت آمهـا بملامح شبه معقوده : طالـعـه ...
أم وضحى : آدري أنج طالعه ,, عيل دااشــه ... ويــن رايحــه ؟
وضحى : وأن شالله من متى هالأستجوااب ...
أم وضحى بعصبيه : بترديـن علي ولـه شلون ,,
وضحى : طالعه أشم هــوى ,, ولـه الأكسجيـن ممنوع بعد !!
أم وضحى : ومتى بترجعيـن أن شالله ,,
وضحى ويدهـا على مقضب البــاب : آآوول ماتروق أعصاااابي ...... عن أذنج
طلعت من البيت وهي متنرفزهـ كانت تتمنى ماتلتقي فيـهـا لما تنزل .. لكن لسؤ حظهـا لقتهـا بأنتظـارهـا تحت
أشرت لمحمود يشغل السيارهـ ,, ركبـت ورى وطلبت منه يعـلي ع التكييف ويشغل المسجل ...
قالت لـه يروح لستي ... بتتريق هناك وبالمرهـ بدش السينما ... أعـصـابهـا تالفـه من آمس .. تحركت السياره وتحركت ببالهـا أحداث أمس ....
ماتدري ليش كل موقف يجمعهـا بأمهـا لازم تكرهـا !!...عمرهـا ماحست أنـه آمهـا مثل باقي الأمهـات .. تحبهـا وتحرص على راحتهـا ....
عندهـا آم .. أذا مانكدت عليهـا ماتكون آمهـا !!!!
سندت راسهـأ لورى ونفخت بقوهـ ,,, رن جوالهـا ومن النغمة عرفت أنه راشد ماتحركت ولا أصدرت أي حركه خلتـه يرن ليـن وقف من نـفــس ...
رجع رن من يديد ماطول وسكر ...
وضحى بصوت واطي : آحسن !
شوي ووصلهـا مسـج .. ماكلفت روحها تشوف شكاتب فيــه مالهـا خلق لا لـه ولا لغيرهـ ....
ماكان المفروض ترد عليـه آمس ,, بس من القـهـر مالقت بويهـا غيرهـ .... لأنـه كان متصل ..!
غمضـة عيـنـهـا بمحاولة فاشله أنهـا تهدي أعصابهـا التالفـه ....
مـر الوقت بسرعه وسمعـت صوت محمود يقول لهـا أنهم وصل
فتحت عينهـا لقـت السيـاره مصفوفـه بالمواقف ... تعدلـت وعدلت شيلتهـا الشبـه شفافـه وهي تقول : أنـت روح اللحيــن .. لأني بطووول .... وأول ماأتصل لك تعــال
محمود : آن شاء الله ..
نزلت من السياره وسكرت الـبـاب ... ودشـت دااخــل
.
.
ببـيـت راشــد

بـعـد ماريقـت ريلهـا وعيـالهـا شالت كل شي ودشـت المطبخ تغسل الصـحــون ,, وأول ماخلصـت ...
طلـعـت وهـي متجهه لفوق ... وصـلـت غرفتهـا فتحت الـبـاب لقـت راشد منسدح ع الكرسي وعيـنـه بجوالـهـ ... ماكلمتـه أصلا علاقتهم هالأربـع شهور ماكانت أوكيــه
خاصـه من بعد الـكــف المحترم اللي خذته منه لما رجـعت ذاك اليــوم ,,, صحيح جاهـا وأعتــذر لكن أثر هالكف للحيـن بنفسـهـا ....
فتحت الكـبـت تطلع لهـا ثـيــاب
سمعته يقول : شعـنـدهـا اللي داشـه تسـبـح ..؟ ماأخبر اليوم عـيــد !!!
فاهمه قصــدهـ لكنهـا خلاص تعودت على أسلوبـه الجارح ... ماردت علييـه مالهـا خلق هواش وسندارهـ من صباح الله خير
خذت لهـا ثـيـاب عـدلـه ومرت من صوبـه متجهه للحمام ... لحقهـا بعيونـه لحد مادشت وسكرت الباب وراهـا وقفلته
ماأهتـم... كان قاعد ينطر رد وضحى عليييـه ... طرش لهـا مسج من شوي وتأخرت بالـرد ...
راشد بقلبه " معقوله راقده ؟؟" ألتفت وراهـ لساعه شافهـا تشير لـ 8 الصـبــح ...
بصوت هادي : بعد اللي العفيسه اللي صارت آمس .. ماظنتي بتنام أكثر من جذي !!!!
تم ينـطــر
ويـنـطــر
ويـنــطر
ووضحى ماردت ولا عبرته ...
راشد : شغل تطنيش يعني ..!!
قعد يدور بيـن المسجات الغزليـه اللي عندهـ وطررشـ لـهـا ...

" ياللي خذيت القلب مني وصديت
امآ تصوـوـون القلب والا تردهـ ..!! "

ضغط أرسال وطرش الرسـالـه ,, تنـهـد وهو يقول : أن شالله تحس !!
أرخى راسـه لورى وتم يطالع السقف ويفـكـر .....
وبعد فتره مب طويلـه واايد ولا قصيرهـ .... طلعت هـيـا من الحمام " الله يعزكم " وهي لافـه شـعـرهـا المبلل بالفوطه ..
طالعهـا راشد ولا عـلـق وتم يلاحقهـا بنـظـراتـه
بينما هي كانت حاسـه فيـه بس مطنشـه ....
شالت الفوطه ونشفـت شعرهـا اللي يوصل لـنـهـايـة ظهـرهـا خلـتـه مموج على طولـه ... دورت الأستشوار بالدرج وبعد دقايق لقته .. شغلـتـه وحطته فوق التسريحـه جات عينهـا بعيـن راشد اللي يطالعهـا بالمنظرهـ ,, وحاولت تلهي نفسهـا بأي شي ,, فرقت شعرهـا الطويل وأبتـدت تستشورهـ على دفـعـات وكل هذا تحت مراقبـة راشد لـهـا .......
.
.

عـنـد وضـحـى اللي كانت تـتريق لما وصلهـا المسج الثاني ,, قرتـه وعلى طول مسحـتـه وحطت الجوال أحذاهـا ....
وكملت أكـل وهي متضايقه ومب طايقه نسمة الـهـوى ,,,,, أول ماخلصت ودفعت الحسـاب راحت السينمـا ... شافت الأفلام اللي عـنـدهم ....
كانت مزيج مابيـن الرعب ,الكوميديا , الأكشن , والرومنسيــه ... أنجليزي وعربي وهندي بعد ...
أكييد ماراح تدخل رومنسي .. مافيهـا على لوعة الجبد وهي تشوف أشياء تدري مب موجودهـ بالواقـع ..... أختارت فلم كوميدي وقالت لهـا المرهـ أنه العرض بيبدأ الظـهـر ع الساعه 2
كانت بتغير الفلم بس ماتدري ليش وافقت ,,, خذت التذكره وأختارت ويـن تبي تقـعد ,,
ولما خلصـت ....
أبتـعـدت عن السينما .. تمت تدور بالستي مرت على محل عطورات وأشترت لهـا كم عــطـــر .. بعدهـا رااحت تـلـف وتدور بمــحــلات الثـيــاب خذت لهـا كم بـدله وسيـده راحت تشتري لهـا أكسسوارات تناسبهم
وسط هاللف والدوران نست ضيقتهـا شوي ,, ولـهـت باللي بيدهـا ....
خلص من الأكسسوارات ,,,
باقي تشتري نـعـال " الله يعزكم " تنـاسب الثياب اللي شرتهم !! .... وبالفعل راحت وخذت لهـا كم وآآحـــد ....
دفعت الفلوس وطلعت ويـدهـا مليانه أكيـاس ... شافت ساعتـهـا ... وحست أنه للحيـن باقي واايـــد ليــن حــزت عرض الفلم ...
فـكــمــلت لـــف بالسيتي!!!
.
.
عـنـد راشد

خلصـت أستشوار شعرهـا اللي صـار شكله روعـه وزيـنت ملامحهـا الخصل اللي تداعب ويـهـا وضايقت عيونهـا
ومن أبتدت تستشور.. وراشد ماغير يطالعهـا وأول ماخلصـت صفرر بأعجااااب : وآآآآآآآآآآآآآآآآآآآآآآآآآآآآآآو !! قمررر
ماأهتمت لكلامه دورت على ربطهـ ولما لقتهـا لمت شعرهـا الطويل وجات بتلفه ألا أنـه يد راشد اللي قام وجا وراهـا سبقتهـا : شـدعوه تلفييـنـه ,,, والله شكله جذي يعذب
هيا بجمود وهي تجيب شعرهـا على كتفهـا اليسـار بما أنه راشد كان يلعب بالخصــل ...: ورااي غــدى أسويــه ..
راشد يطالعهـا بالمنظره : اللحيـن مسويـه شعرج وسابحـه وبدشيـن المطبخ؟؟؟
هـيـا بنفس الجمود : عـنـدك مانع ؟؟
راشد ببتسامه حلوه : أأحلآآ يامعصب ....
هـيــا رفعت شعرهـا بتلفـه لكن راشد قاعد يسحب كم خصلـه مـن الخصل المرتاحه على ظهرهـا ...كل هذا علشان مايخليهـا تربطـه ,,
فلتت أعصابهـا ألتفتت عليـه وقالت بصرخه : يوووووووووووووه ! خلاص
راشد مازال مبتسم : بتخلينهـا بخاطري يعني ؟؟.. والله وهو مفتوووح أأحــلـى طالعه قمرررررر
هـيـا بعصبيه : وأنـا مب قاعدهـ أتكشخ لك علشان اشوف شلللي يعجبك واسويـه .... غسلت شعري وأستشورته وخلااااص !!! واللحييــن رايحـه أسوي الغــدى ,, فكني
راشد : بس آنــا ريلج ,, ومن حقي أطلب منج تسوين اللي يعجبنـي
هـيـا ضحكت بأستهزاء : توك تدري أنك ريلي ؟؟... ولـه أول ماتعطيك ويه بتنسااانــي وترووح تركض وراهـا جنك مختررع ؟؟
راشد وهو يمرر صبعه على خدهـا بلطف : ليش الغلط اللحيـن ؟؟
هـيـا دفعت يده بشراسه وقالت : لا تلمسني ..." طالعت من فوق لتحت " عن أذنك
جات بتطلع لكنه مسكهـا من ذراعها ورجعهـا مكانهـا : مب بكيفج تقوليـن لي أذا ألمسج ولـه لا ,,,!! " يسحب الربطـه من يدهـا " آآنــا أبيـه مفتووح وراح تخلينه مفتوووح ..." ببتسامه تثير الغيض " مفهوم حياتي ...
شافهـا تعطيـه نظرات قـهـر وطلعت من الغرفه بعد ماسحبت يدهـا منه ,,,,
وقفت بالمطبخ متنرفزهـ ... وبنفس الوقت مقهـورهـ منــه
اللحيـن يتقرب منهـا علشان وضحى مطنشتــه ... لكــن أول ماتعطيـه وي راح يتركهـا ويركض وراهـا ....
واحد أناني ,,, مايفكر ألا بنفــســه .... مايفكر ألا براحته وراحت بالــه ..
نزلت دمعه على خدهـا وهي تقول : ياليتني ماأغتريت فييك وبشكلك ... ياليتني قعـدت ببيت أهلي معززهـ مكرمه ولا أخذتك
مسكت شعرهـا ولفته بدون لا ربطه ولا شي ,,, لأنه شعرهـا طويل وتقــدر تــلفـه بدونهم ...
وآبـتــدت تطلع معـدات الـغــدى ,, وهي كل شوي ماسحه دمعتهـا .....
.
.

ع الـسـاعه 2 الـظـهـر دش الـبيــت من بعد يوم طويل ... تملل منه ..
هذا أول يوم وجذي الله يستر من باقي الأيام ... علموهـ الأشياء الأساسيـه وخلـوهـ يرد على الأتصالات
اللي يتصل يبي رقم المطعم الفلاني ... واللي يـبي يشوف كم فـاتورة جوالـه وتلفون بيته والـنـت ولمـا يدري ينصدم ويقعد يزف !!
جــنــه هو بكيييف قاعد يزيييد عليهم بالفاتورهـ ,,, مب جنهم هــم اللي راضعيييـن التلفون طوووووول الشـهـر ولما ينقطع يجون يزفون !
شـاف أمـه قـاعـده تخــم الـحــوش ,,, تسلل من وراهـا و ... : بـــــــــــــــــــــــــــــــــــــــــــــــــ ـــــــو !
أنقزت وألتفتت وراهـا بسرعه بعد ماتركت المخمه ....زفرت بصوت مسموع علامه على الأرتياح لما شافتـه وهو ميت ضحك على شكلهـا
أم زايد بغضب : زيووود .. شهلـ حركاااااات ....
زايد وهو مازال يضحك على شكلهـا : والله يـمــه شكلج فلللللللله وأنتي مخترعه
أم زايد : أأيـه خل يصير شكلي فلـه زيادهـ لا نزل معاي الـســكررر .... !
زايد يحظنهـا : آآسم الله علييييييييييييج ... بعديـن ميـن يغديني
أم زايد تبعدهـ بالخفيف : تحاتي بطنك
زايد ضـحــك
أم زايد شالت المخمه وهي تقول : شلـون الشغل ؟
زايد وهو يمشي معاها داشيـن البيت : زويييـن ..
أم زايد تطالعه : شلون يعني زويييـن ...
زايد : صراحه يعني صراحه أذا ودج بالصراحه ....
أم زايد تطالعه تنطرهـ يتكلم
زايد يكمل : ملل على أصووولــه ,, مب متعود أقـعـد بمكان واااحد وأرد على أتصالات بس !!
ام زايد : يعني شنو ؟؟
زايد : بدور شغله ثاانـيــه .... بقدم أوارقي على كل البـنـووك ولما يقبلون فيني بستقييل ...
أم زايد : غيرك بيموت ويحصل وظيفـه وأنــت مب عاجبتك هالشغلـه .... آريح لك ,,!!
زايد : والله الراحه اللي جذي ماأبيـهـا ... آبي أتحررررك ... والله ريولي تيبـست من القـعده ..
أم زايد : كييفك .. على راحتك .....ترى كلمت خالك قال لي بيشوف آمنه وبيرد علي العصر
زايد بقلبـه " أن شالله ترفض ... مـاني بوضع يسمح لي أتزووج وغيره " : على خير أن شالله ..." يغير الموضوع " الحلوهـ شطابخه لي ؟
أم زايد دشت المطبخ وحطت المخمه مع باقي المخمات ورى الباب قالت : عيش أبيض وصالونه ...
زايد : ياولللللللللد .. عيل أبدل وأنزل ...
أم زايد : لا تتأخر ...
زايد : أن شالله
راح فوق غرفته بدل بسرعه ونــزل قـعـد يتـغـدى مع أمــه وسوالف توديهم وتجييبهم
.
.
ببيـت ثـاني لأول مرهـ نقتحم جدرانه

كانت بغرفتهـا ترجف من داخلهـا لما سمعت من أبوهـا أنـه زايد خطبـهـا ...
لسـانهـا أنـعـقــد ماقدرت تنطق ..!!!
" آخيراااا حس فيني "
حلم راودهـا من سنيـن ... كانت تحبـه بينهـا وبين نفسهـا .. ومحد كان يدري بهلـ حب ألا عمتهـا رغم أنهـا ماقالت لهـا ولا حتى لمحت ألا انهـا قدرت تعرف !!
حاسـه روحها بطيييييير من الونـاســه ... مب مصدقــه ,, بتتزووج زااايييد !؟
كانت مبتسمه أبتسامه عريضــه وهي تسترجع صور زايد ببالـهـا ....
آرخـت نظرهـا لتحت لما خطر ببالهـا أنه هـو بـعـد يحبهـا بس كان يكابر ,,
بصغرهم ماكانت تطيقه ولا تواطنــه ... بس لما جات فتره وقـطـع ... صـارت تشتاق له وتشتاق لنحااسته وللسانه الطويل ...... لكنهـا ماكانت تشوفـه نـهـائيـاً وأذا لمحته من بعيد بس !! .. باين أنه كان يتحاشـاهـا ؟
كبروا وتحول الكرهـ اللي بقلبهـا له لحب بسبب شوقهـا لـــه ... كان يتجاهلهـا ولا يطالعهـا حتى ..
لـكـنهـا كانت تحــبه ومتأكده أنه ماكان يتجاهلهـا لأنه يكرهـا ؟؟
مب معقولـة يكرهه علشان هوشات طفوليـه تـافـه ....
هو عقله أكبر من جذي
قـامت لصوب درجـهـا فتحته وطلعت من تحت كومة الأغراض اللي فيـه صورة لهـا مع زايـــد كانـت هي صغيره توهـا مولودهـ وبحـظـن عمـتهـا بيـنمـا زايد قاعد أحذى آمـه ويطل بحظنـهـا على هالمخلوق الغريب اللي شغـال صـيـااح ....
هالصوره هي الصوره الوحيييده اللي عندهـا لزاييد .. شكله غير بالصورهـ واللحيـن غــيـــر
بالصوره جييييييييكرررر وويـهـا يجييييب الــهـــمم والمرض .... لكــن اللحيـن تتحدى حد يقول أنه زايد مب حلو !!
قـالـت لأبوهـا أنـهـا بتفكر علشان تـبـيـن ثقيييـلـه مب خفيفـه وجنهـا ما صدقـت أنخطبت ....
حظنـت الصوره لصدرهـا وهي تقول : ياتـرى لو درى أنــي أبي أفكر بالموضوع ,, شرااح يسوي ؟؟.." بضحكه خفيفه وهي ترجع تطالع الصوره " يمكن يتحرقص اللحيـن وهو يـنـطر ردي .... آآحسـن خل يتحرقص مثل ماحرقصني طول هالفترهـ .. وهو ماغير يتثييقل ويسوي فيهـا مب مهتم .....
.
.

بيت بو نواف

أول ماشاف بطبطـتـه بحـالـه يرثـى لـهـا تهاوش مع نوره وخـلى أمه تهاوشهـا وأبوهـ بعد ,, ومـن شافهـا لحد هاللحـظـه وهو كل شوي رايح وراد علـيـهـا ويشوفهـا بتحسرر .. ويرجع يدش يصاارخ بنورهـ ويطلع
كان قاعد متربع وجدامه بطبطته .. مرر صبعه على الخدوش المرتسمه ببراعه عليـهـا وقال وهو يتحلطم : والله بردهـا لج يانـوويييير ,,, آن ماحرقت قلبج مثل ماحرقتي قلبي ماأكوون غــانم ...
قـام وقف ودش دااخل وهو واصـلـه معاهـ ,,, 4 شهور ماكثر وراحت وطي بطبطته .. كان مستانس عليهـا ونـافخ عمرهـ جدااام ربعه وهو يسوقهـا ,,,
اللحيـن متأكد لو طلع فيهـا بيستلموونـه تمصخررر ليـــن يعتكف ببيتهم ولا يفكر يطلع ...
وصـل لـبــاب غرفـة نــوره اللي كــانت نــايــمـه من بـعـد الـغـدى على طول ,, الأخت ناويـه تطقهـا سـهـرهـ
وأبـتـدى ينـبش بالدروج والكـبـاتـه عن شي يحس نوره لو فـقـدتـه بتستخفـ ,,, بـعــد طلعت الروح أستـقـر على دفتر بايـن من شكله بناتي والظاهـر كل شي مكتوب داخله ذكريات نورهـ لأنـه لما تصفحه ع السريـع شاف صور دااخل ,,, وأورااق خارجيـه حاطتهم بيـن صفحات الدفتر ,,, ومزيـنتــه بطريقـه تحسونهـا تـعـبـت وهـي تعـدل وتزيـن بـه ,,
قام يدور على شي ثاني بعد ... فتــح الـكـبـت .... وقعد يدور بيـن ثيابهـا ... ولحسـن حظـه أنه يدهـ خفيفـه ومايطلع صوت مزعج ... ونوره بما أنهـا توهـا نايمه ماراح تقوم بسهولـه ,,,
شــاف بــودي أبـيـض ,, ومطبوعه عليـه صورة نوره ووضحى ومكتـوب تحتهـا بالأنجليزي
" friends for ever "
قلب القميص من ورى شــاف مـكـتــوب عليـه بيـت شـعــر طويل بالقلم الأسود بخــط حلو ومخـتــووم بـ " توأم روووحج وضـحــى "
أبتـسم بخبث ,, ســكــر الكبت شوي شوي ,,,
طلــع من الغرفـه على أطراف أصابعه ومن حس روحه بأمان راح ركض ع المـطـبخ ,,,
حــط الدفتر على جنب وهو يقول : جايك الدووور ,,
فرش القميص على الطاولـة اللي بالمطبخ ,, وتأمل وي وضحى اللي طالعه تيـنن بالصوره وزادت أبتسامته الخبيثـه
راح فتح أقرب كبـت وسحب كــتـشب .. وزيـت زيتوون .. ومـايـنـيـز .. وغرشـة فلفل .. و آجـــار ....
وراح صوب القميص حطهم كلهم ع الطاولـه أحذى القمييص وأبتدت يفتح واحد واحد ويعصرررره فوق القميييص ويزيد الكميييـه على الكلام المكتـتووب ,,, ولما خلص من خلـطته المقرررفـه ... شال القمييص وعفسـه بيدهـ وطلع برى كانت أشـعـة الشمس مازالت حاارهـ ,,, لأنـه ظهـر ...
حـط القميــص بالحوش ع الأرض بس بمكان مستحيل حد ينتبه لـه ...
ورجع دااخل لدفتر ,,, غسل يده اللي ريحتهـا صارت تسد النفـــس ... وأخذ الـدفتــر وراح للبـرجــه وفتحـه.... بالبدايـه كان ناوي يشقق الصفحات ويحذفهم فيـهـا ,, لكـنـه هـون وفـتــح الدفتر من النص وحذفـه بالمــااي ونــزلـه بأيـــده لتحت وطلـعـه ورجع دخـلـه ,, وآبـتـسم : آموووووووووت وأشووووووف شكلج ,,!!
راح حط الدفتر المبلل فوق القمييص اللي شكله يجيب اللوعه أستغفر الله ... وأمـتـزجـت الـصـفــحــه اللي كان فاتح عليـه بالخليييط اللي بالقميييص
بينما فوق كانت نوره غاطه بنــووم عميييق ماتدري أنـه الـتـهـديد اللي هددهـا بـه غاااانم تنـفــذ ,,, وبطـريقـه بتخليهـا تفقد عقلهـا !!
كل ذكرياتهـا الحلوهـ ذهبـت مع الريـــح

,
,
درة الاحساء غير متواجد حالياً رد مع اقتباس

دشـت السـيـنـمـا بعد ماعـطـت محمود الأغراض ووصتـه يحطهم بالسيـاره وينتبه عليهم .. كان الفلم مبتدي فقـعـدت بمكانهـا ورى وبيـدهـا الـبوب كورن قـعـدت تاكل وتشوف بأنـدمـاج وكل شوي ترتسم أبتسامه عريضـه على شفاتهـا بسبب حركات الممثل ... كـانت تحس بحـد يدفع الكرسي اللي قاعدهـ عليــه ... طنـشـت بالـبدايــة ,, لكـنه كان يزيد .. تنرفزت طلت وراهـ الا وااحد مسوي روحه مندمج مع الفلم صدت عنه وهي تتعوذ من أبلييس
وقـعـدت تشوف ..... رجع يدفع الكرسي .. ألتفتت عليه وهي تقول : يالأخ !
طالعهـا بـبـلاهه يعني أنه مو مسوي شي : هلا ؟
وضحى : الـكـرسي ؟؟
رد عليها وهو يستغبى : شفيييـه ؟؟
وضحى : لا تقعد تدززز !!
رفع حواجبـه وهو يقول : متى دزيت ؟؟..
وضحى طالعته بقهـر وصدت عنه .. سمـعـت صوت ضـحـك بالخفيف من وراهـا والظـاهـر كان يضحك مع البالون اللي أحذاهـ ...
بقلبهـا " يــااهـل وجذي ,, مادرى شـخـلى للكــبــااار ..... "
كـان مبيـن من ملامحهـ أنه عمرهـ بيـن الـ15 أو 16 ...
رجــع يدز ... غمضة عيـنـهـا بقلـة صبر .. قـامت بتغير مكانهـا سمعته يقول : خلاص خلاص واللله آآسف ... قعــدي شوووفي
طـنـشـتــه وشالت قشهـا وأبتعـدت عنه وهـي تسمع بعض الكلمات اللي جايـه من الناس اللي قاعديـن وراهـا
" يااااالشيييخـه نبي نشوووف , يااااااااللله مب شايفين اليوم , يالأخت بسرررررعه , وخررررررررري !! , لو سمحتي ؟؟ , يوووووووووووووووووووووووهـ ماصار فلم هذا كل شوي حد ناط جدااامي !!"
لحد ماقـعـدت بكرسي بعيد عنهم .. وكـانت أحذاهـا مــره وبحـظـنـهـا ولدهـا الصغير نايم ماتدري شلون قدر ينام وسط هالضـجــه ...
,
,


بيـت راشد

كانوا قاعديـن كلهم ع طاولة الطعام ياكلون والـهـدوء مخيم على الجـو ,,
هـيـا تاكل وتأكل عيـالـهـا معاهـا بينما راشد يسولف مع عياله شوي ويسـكـت ..
وماكان ينسمع غـيـر صوت القفـاش وهي تضرب بعفويـه بالصحـون ,,
خلصوا التوأم اكل وقاموا
هـيـا بأمر لولدهـا : حبيبي روح غسل يدك وحلجك ,, وخل أختك تسوي مثلك ... مو تلعبون بالماي !!
هز راسـه بطاعه وراح ووراهـ أخـتـه ,,
بينما هـيـا قامت وقفت بتشيل صحونهـا وصحون عيالهـا لكن يد راشد اللي مسكت يدهـا وقفتها : قـعـدي أبيج ..
هـيـا بجمود : وراي شغـل
راشد : المطبخ ماراح يطيير ,, لاحقــه علييييـه ...
هـيـا سحبت يدهـا بخفـه وقالت : وموضوعك ماراح يطـير ,, تقدر تنطر ليـن اخلص ....
راشد بحده وهو يشوفهـا مصرهـ على رايـهـا وتشيل بالصحون الموزعه ع الطاولـه : هـيـا قعدي وتعوذي من أبليس ,,, ماأبي أأتـهـور
هـيـا بسخريـه وهي شايله الصحون : شبتسوي أن شالله ,,؟ بتقووم تطقني ... آيـه ماهو صار الطق عادي عنــدك .." طالعته بنظرات أحتقار وقالت " عن أذنك
تركت لـه المكان وراحت المطبخ تغسل الصحون ,,,
بينما راشد مازال قاعد بروحه على طاولـة الطـعـام تعوذ من أبليس وحاول يهدي أعصابـه وقام شال صحـنـه وقلاصـه وراح المطبخ ... شافهـا تغـسـل
حط اللي بيدهـ مع الصحون المحتاجه غسيل وقال : ترى مب لايق علييج هالأسلوب ,,, آدري أنـه كل كلمه تقوليـنهـا من ورى قلبج
هـيـا بضحكه قصيره جدا : هه ! وشفادني فيـه هالقلب ,,, غير الـهـم والـغـم ..
راشـد يقترب منـهـا وهو يقول : لـهـدرجه كارهتني ,,
هـيـا تهد اللي بيدهـا وتطالعه : ماقلت أكرهك ,, لكن اكره أنانيتك وحبك لنفسسك ....شوف راشد .. أنـا زوجتك وحالي حال آي زوجـه ماأرضـى آكون الثانيـه بقلبك ..... أذا أنـا بالبدايـة رضيت بعلاقتك ببنت خالتك فهذا علشان الكلام اللي قلته لي وأنـهـأ مجررد أخت لا غير ,,,, لكن مع الأيام أبـتـديـت أشوف عكس كل كلامك .....
راشد يمسك ذقنهـا بحنان : تدريـن أنـي أحبـهـا وماأقدر أنسـاهـا ولـه أنسـى حبـهـا فلا تضغطيـن علي
تدفع يده برفق وتقول : خلاص عـيـل ,,, أختار ياأنـا ياهـي ,, وأدري أنك بتختارهـا وأنت مغمض !!! فأرجوك لا تعور راسي ... أنـا مستحمله قربك علشان عيالك بس ,, ولـه لو مابينا عيال من زمان أنا طالبـه الطلاق ومريحه راسي
راشد : مشكلتي معاج مب وضـحـى وبس
كملت هيا وهي تقول : أذا على شكلي فهذا أنـا كل ماقدرت تعدلت لك وكشخت بس بعد مايبيـن بعيييـنـك ,, " بغصـه بانت بصوتهـا " تدري ليش ... لأنـه عينك مب ماليهـا غير وضـحـى .. وماتشوف غيرهـا ..
راشد حسـهـا بتصيح كسرت خاطرهـ أقترب منهـا بيلمهـا لكنهـا دفعته بقوهـ وقالت : قلت لك لا تلمسني ,,, ماني هبلـه تقص علي بهلـ كم حركه .. كل هاللي تسويـه وهالحب والحنان اللي مادري من ويـن نزل عليك راح يتلاشـى أول ماترجع وضحى معاك مثل أول .. وآنـا مافيني على لعبك وجذبك ..... واللي يرحم والديك خلاص ماعدت أستحمل ..
تركت لـه المطبخ وراحت لدارهـا علشان تفرغ الدموع اللي حاسبتهم بعييييد عن راشد اللي تم واقف بالمطبخ يززززززززفر من قـلـــب
علاقتـه بالثنتيـن تدهورت ...!! وشكلـه راح يـصـفـى بالأخير على وحدهـ منهم ,,؟!


الـعـصـر

قـاعـد بداره فوق سريرهـ بالتحديد ومسـنـد ظهره لورى.. ماطلع من غرفته اليـوم ولا تكلم لا مع زوجته ولا حتى مع حد من عيـالـه
بالـه مشـغـول ومشغول وايد بعد .... ومـب قـادر يـتـنـاسـى فكرة أنـه زآيـد يـكـره أبــووهـ
حاول يقنع نفسه طول الوقت أنــه المفروض يفرح لكن الفرح مب راضي يطاوعـه ويقتحم قلبـه .. شي داخلـه قالب يومه نــكــد
بيـن فتره وفتره تتردد ببالـه كلمة زايد
" لما مات ... آرتــحت وأستانست بعد "
تعدل بقعدته وهو يقول : في شي غلط !! مب قادر أصدق كلام زاايييد ,,, رغم أنه كل شي حولي يدفعني لتصديق .. ؟ آكيد سمعـة سـعـود أثرت على زايد بصغرهـ .. وبالعقل ماأظن راح يــحــبــه أو يكن لـه بقلبه ذرة حب .... وبـعـديـن هو مايذكر أي شي من اللي صـار بصغرهـ والظـاهـر مها ماكلفت روحها تقول لــه ,,, يعني كرهه لأبوهـ منطقي !! بــــس لييييش قلبي ناغزني جذي .. حااس بمصييبـه بتجيني من ورى زااييد !!!!
الـظـاهـر الخوف اللي كان بقلبي من سنيـن رجع صحى من يديد أول مالمحـت سـعــود ! أو زايــد بالأحــرى ,, يشبــه أبوهـ بطريقـه مخليتني من أشوف ويـهـا آحس جنـه سـعـوود واقف جداامي .. صحيح مب نسخــه عن أبوهـ لكن الشبـه بينهم كبيير !! وكبير لدرجة تخووف بعد ....... ماأقدر أنكر اللحيـن أني خايف بس مب عارف من شنو بالضبببط .. زاايد مايعرف شي عني .. يعني مب ماسك أساساً شي علي !! ... ودي أكلم نواف وأخليـه يقـطع علاقتــه بـزايد ..... بس شيفكني من أسئلــتــه !.." أبـتــدى يدور عذر وماطول بالتفكييير " ... مجرد أنـه أبوهـ تاجر مخدرات تكفي بأنـه يقطع علاقتـه بزايد وأهلـه بعد ,,,,, مب مستعد أأخـسـر ولدي حتى لو أنـه زايد مايستاهل كل هالخوف اللي حاطه بقلبي تجاهه ... بس الأحتياط واجب ....

ماينـلام لا خــاف وأرتجف خووف بعد ...
لأنـه أبـتــدى يـحـس بشبح الماضي يقترب مـنـه خطوهـ .. خطوهـ !!
مع أنـعكــاس بالأدوار ,,
صداقـة ولدهـ نواف بولد سعود .. زايد
مخوفتـه ,,,!! مب بس لأنـه زايد ولد سعـود !!!!
لا ,,
مخوفـتــه لأنـه مجرد مايشوفـهم مع بعض يحس روحه قاعد يشوف نفسـه مع سـعـود
وخايف يصير بولدهـ نفس اللي صـار بـ أبو زايد !
شـلـون مايدري
كل اللي يعرفه وبس
أنـه وجود زايد قريب منهم مسوي لـه حالـة رعب ,,,
ولأزم يتخلص منه ...
.
.
طلع من غرفتـه يدور على نـواف .. دش غرفتــه لـقـاهـ قاعد ع الـنـت والسماعات على أذونـه
بو نواف : نــوااف !
ماألتفت عليـه ,,
بو نواف بصوت أعلى : نــوآآآآآآآف !!
نواف ألتفت وراهـ بعد مانزل السماعات وخلاهم يستقرون على رقبته : هلأ يبـه ..
بو نواف بعد تردد : أنـا فكرت بموضوع صداقتك بـ زاييد ,, وأذا تبي الصج قلبي مب متطمن من ناحيته ...
نواف ألتفت بالكرسي كله على أبوهـ : يبه لا تخليني أتحسف أني عرفتك علييـه .... قلت لك أأنــه ريال وعن عشر ريايل بعد ليش مب راضي تقتنع
بو نواف : مشكلتي مب قادر أقتنع .... يانواف مالك حاجه برفـجته والله مكثر الشباب بالدوحه... ورفيجك الثاني اللي مادري شسمه شكله ولد نـاس خلك معاهـ وأنـسـى زايد
نواف : شلون تبيني أرافج فـهـد وأقطع علاقتي بزايد ,, يبـه أثنينهم ربـــع ومن قبل لا يشوفون شيفتي ... وأذا قطعت علاقتي بواحد منهم ملزوم أقطعهـا بالثـانـي !! لأنـه زايد أكيد يبي يعرف ليش ,,, ياحلاتي وأنا أقولـه أبوي مب راضي أني أرافجك لأنك ولد وااااحد ماايخاااف ربــه ولـد وااحد بحقاارررت أبووك
بو نواف بجديه : اللي يسمع كلامك يقول لو مارافجتهم بتـموت ومنت بقادر تعيش !!
نواف يشيل السماعات من رقبته ويحطهم على طاولة الكمبيوتر ويقوم متجهه لأبوهـ : السالفه مب سالفـة أموت ولـه غيرهـ ,,, يبـه على بالك الربع أقدر احصلهم بالساهل ؟؟ أغلبهم مصلحه ,, ومرافجيني علشان مخباي مب عشاني .... فهد وزايد غيير ... من عرفتهم للحين محد منهم حسسني أنـه طمعان فيني حتى لما أعزمهم بمطعم وله شي مايخلوني أدفع الحساب ,, لآزم كلنا ندفع !! ..
بو نواف يزفر بقلة حيله : نوااف أنـت توك صغير ماتعرف بالحياهـ كثر ماأنـا أعررف ... لا تغررك المظـاهـر .. مب كل من ضحك لك يعني يعزك ,,, وربع المصلحه مب بس اللي يرافجونك علشان فلوس !!! ماتعرف شللي بنفسهم وشسبب تقربهم منك .... آآنــا مروا علي أشكال وألواان وأأعرررف أأكثررر منك
نواف : زيـن خلني أتعـلم من نفسي ,, وأذا طلع أختياري غلط ..... أنا المسؤول ,, يبـه أرجوك لو صج تعزني هالموضوع ماأبي أتكلم فيـه لأني زهقـت من كثر ماتكلمت به وبررت موقفي وموقف زاايد ..... والله الطريقه اللي تشوف آنـت بهـا زااييد حرااام وستيـن ألف حراااام !,, هالشي مو ذنبـه ولا هو حاب أنــه يكون بهلـ وضــــع .... هالشي مكتوب وأنـا ماتعلمت أأحكم ع النـاس من كلام أسمـعـه .... عاشرته وعرفته عدل ومب هامني اي شي يـنـقـال حولي ؟؟
بو نواف هز راسـه بتفهم رغم أنـه بيـنـه وبيـن نفسـه مب راضي عن هالرفجـه قال : آوكي ,, خلكم ربــع ,,, بس خذ حذرك منـــــه ..." يأكد على كلامه " خذ حذرك منه
نواف : والله تحسسني بهلـ كلام أأنــه مجرررم ونــاوي يذبحني !! شرااح يسوي مثلاً
بو نواف بقلبـه " هذا اللي أبيـه أعرف علشان أرتــاااح ,,! شممكن يسوي زايييد ؟ "
ماعلق وأستدار طلع من غرفـة ولدهـ .... تمسك نواف بزايد مخليـتـه مب قـادر يفرض رايـه
لأنـه حتى لو فرضــه نواف راح يواصل علاقتـه فييــه .. ومب حلو شكله لو طلــع كلامـه مب مسموع ومن قبل ولدهـ
" ماأقول ألا الله يســتـــررر ! "

.
.

قـامـت من بعد نوم عمييق .. وهي تتمغط بتـعـب وخمول .. حلمـت حلم يونـــس خاصه وفارس الأحلام مجهول الهويـه زارهـا ,,,
نوره ببتسامه حالمه وبصوت كله نوم : يافديته ,,
راحت سيده للحمام " الله يعزكم " غسلت ويهـا تطير النوم المتعلق بـ جفون عيـنـهـا
وطلعت تتمخطر ببجامتهـا السماويـه ,, وبشعرهـا المبعثر تنظييمه اللي ماكلفت روحهـا تعـدلـه

طلعت من غرفتهـا بخطوات متوازيـه شبـه بطيئـه ونزلت تحت ....
وصـــلت الـصـالـه حصلت ريم تـلـعـب بألعابهـا المنثرهـ ,,, وغانم لاهي مع القيم بوي
نوره : مساء الخير
غانم طالعها وبسرعه وقف ستارت : آخيراً قمتي ,,,
نوره : ليييش شصاير ؟
غانم مسكهـا من معصمهـا ومشى فيـهـا لبـرى وهو يقول : تـعـال عندي لج مفاجأهـ ,, سبرايز على قولتج
نوره تتوقف خطواتهـا وهي تسحب يدها : يووووهـ مو وقتك توني قايمـه ومب متفرغه لمفاجأتك ...
غانم : صدقيني بيغمى عليج أول ماتشوفيـنهـا ,,,
نوره : آآووووووفـ ,, وييـن زيـن !
غانم : عند البرجـه ,,,
نوره بتمللل أأكبررررر : يووووووووووووووووووووووووهـ ,, مالي خلللق
غانم يسحبهـا غصباً عنهـا : أمشي أمشي بلا دلللللع بنـات ,,, مب ناقص لوعة جببد

مشى معاهـا لعند البرجه ,,,,
علشـأن تشوف الطامه الكبرى اللي تنـطرهـا
أخذ الدفتر وشـق صفحاتهـ ونثرهم بالمــاي والقميص أول مانشف وصارت البقع اللي فيـه مستحييل تروح وريحـتــه أقرف من القرف نفسـه
حطهـ فوق الكرسي بعد مافرشـه وتم ينـطر ست الحسن والدلال تقوووم ,, ولما قامت تشقق من الفرحه ,,,,, حان وقت الأنتقام الجهنمي على قولتـه

قربوا من البرجـه ,,لما صار ماتفصل بينهم وبيـن البرجه ألا كم خطوات... وقف غانم ورى نوره بالضبط وغمض عيونهـا
نوره تصرقعت من حركته وهي تقول : وليييش آن شالله ,,,؟ شوف غنيييم ترى ماأعرف أسبببح لو تستنذل وتدزني بالبرجه والله لا أستأثم فيك
غانم ضحك وقال : لا لا ,,, المفاجأهـ بتصعقج من حلاوتهـا ههههههههه " قالهـا وهو يضحك " .. ولا تخافيـن ماراح تتبلليييـن كلش

بـعد خطوات قليلـه وصعبـه بالنسبـه لنوره اللي ماتعرف تمشي بدون ماتشوف شي .. تركهـا غانم ووقف جدامهـا وقال : قبل لا تلفين وراااج ,, شووفي " سحب القميص ورفعه بويهـا "
نوره توسعت فتحت عينهـا تدريجياً وأنفتح حلجهـا على كبرهـ وقالت بصوت جنه جااي من بئر : يالحيوان !!
خذت القميص من يدهـ وهي تحاول تستوعب الصدمه وقالت بعد مارفعت نظرهـا لويـهـا وهي حاسه روحها مقهوره وبتصييح من الـقـهـر : شسووووييييييييييييت !
غـانم يحرك لهـا حواجبـه : بعد باقي المفاجاه الكــبــرى ماشفتيـهـا ,,, " مسكهـا من كتوفهـا وخلاهـا تلتفت وراهـا على البرجه "
هـنـي شـهـقـــت من قلب حتى أحتمال تكون شفطت الهـوى اللي بالمكان كلـه نزلت دمعه على خدهـا وقـالت لغانم اللي واقف جنبهـا يبتسم بأنتصار : حراااااام عليك !!؟... هذا .....هذا دفتر .............
كمل غانم : ذكرياتج ,,, لقيت فيهـا صووور وخرابيط وأشـعـار ومادري شنو ,,, ههههههههههه ,, والله اللحيـن احس روحي مرتاااااااااااااااااااااااااااااااااح ....
نوره ألتفتت عليه بعصبيه وصراخ وقالت : يالخاايييييس كل ذكريااات الثااانوييييـه بهـــــللـــ دفترررررررررررررررررررر ..." تشوف القميص وترجع تطالعه " وهالقمييييييص ماعندي غيرهـ ,,,
غانم يطالعهـا ببتسامه واسعه ويقول بعبط يحرق الدم : والله صج ؟ حسبالي عندج غيرهـ ,,, " يحط يده على خدهـ ويسوي روحه متحسف " يالله .. صج أأنــي ولللد سيئ !! " يطق ظهـر يدهـ " عيب علي ,, عيب علي
نوره تصرخ بويهـا ودموعهـا تذرف من القـهـر : تدري أنك واااحد سخيييييييييييف وتاااااااااااافه ومااااعندك ساللللللفــــه ,,,,
غانم يسوي روحه يفكر : ممممممم !! ... لا ..! توني آدري ... " يطالع البرجه وهو يتكتف بثـقـه عاليـه .." المهم خلينا مني ,,, شرايييج بهلـ منظر الـرهييييييييييييييب !! يبيلـه صوره صح ؟؟
نوره بقـهـر : تبي تعرف رايي ,,,؟
غانم يطالعهـا ويحرك حواجبـه من يديد : آكيد وله جان ماجبتج يابعد هلي ,,,
نوره بتهـور : هذا هو رايي " دفعــتـه بقوهـ بالبــرررجــه "

شافـتـه طااااااااح بقــووه وسط كوووووومــة من الـمــاي ومب قــااادر يتـعــااامل مع الوضــع .... طلع بسرعه وهو يشـهــق ورجع دش داااخل ونــززل لتحت .....ورجع طلع من يديد ... وهو يضرب المــاي بقوه محاولـة مـنـه أنـه مايرجع ينزل تحت ,, المــاي كان يدش بحلجه وبخشمـه بغـزارهـ وهو مب قـادر ياخذ نفــس
ماكان يعرف يسبـــح نـهـائيـاً ,, وكل مالـه وينزل تحت الماي ويرجع يطلع وهو يبي يشم هـــوى ... لـحـظـة ضـعــف حاصرته من كل الجـهـات ماكان قادر غير يضرب بالمـــاااي بقوهـ ويحاول يبـقـى على السطح بدون فـايدهـ كل مالـه والـجاذبيـه تسحبـه لتحـت ,,
نوره لما دفعته تذكرت أنـه مايــعــرف يسبــح ودووم يخـاف من الـنـزول بالبـرجـه ...وقف قلبهـا وهي تشوفـ أخــوهـا يغرررق جدااامــهـا وهـي واقفـه مثل الصنــم تطالعهـ لأنـها ماتعرف تسبببح هي بـعــد ....
صرخت بأأســـمــــــه بأعـلـى حسـهـا لما شافـته ماعـاد يقـاوم الماي مثل قبـل وأبـتــدت تخف مقاومتــه : غــــــــــــــــــــــــــــــــــــنــــــــــــ ـــــــــــــــــــــــــــــووووووووووووووووووووو وووووووووم .......!!
.
.


نـهـايـة الـبــارت الـثــامـن

Prt " 9"
عـلـى الـسـريـر الأبيض دخلوهـ المستشفـى ووراهـ أبوهـ وأخوهـ ,, طلـعـه نواف من البرجه وهو فاقد الوعـي.. حاول يسوي لـه تنفس أصطناعي لكن بدون فايدهـ جاف نبضه كان شبه خفيف
شالوهـ على طول للمستشفـى وسط صياح نوره اللي كانت خاايييفــه وتررجف بصوره ملحوظــه ,,,, كله على بالهـا أنـها راح تفقد أخوهـا بسبب تهورهـا !!
.
.
ببيت بو نواف

بحظن أمها كانت تصيح وهي ترجف : والله ماقصدت يمه,,,,, بس هو أستفزني
أم نواف اللي خايفه على ولدهـا أكثر من خوف نوره عليـه حظنتهـا بحنان وهي تقول : ماعليه شر أن شالله .. ماعليه شر
نوره تبتعد عن حظن أمها وتقول بصوت مرتجف باكي : ماكان يرد على نوااااف ,, أبوووي حركه مااكان يتحرررك ..... يمه خااااايييييففففه عليييه .. لو يصير فيه شي بموووت
أم نواف ترجع تحظنهـا بقوه هالمره بخوف أكبر على هالطاري : لا أن شالله ,, لا تقوليـن جذي يمه ... شوي وبيرجع البيت لا تحاتيــن .. أبوج بيطمنا
نوره تصيح بطريقه أقوى : واللله العظيييم ماكان قصدي ,, نسيييت أنه مايعرف يسبح ....
أم نواف ماجاوبتهـا لأنها لو ردت عليها راح تزيد نوره بالصياح أكتفيت بأنهـا تطبطب عليها وتحاول تهديهـا بدون فايدهـ ...
.
.
.
.
شـافـت ساعـة يدهـا كانت تشير لـ 6 المغرب !!
من الصبح وهذي طلعتهـا .... ولصراحه ماتبي ترجع البيت .. بس مضطرهـ .... لأنـه ماعندهـا مكان تروحه أساساً
لفـت مجمعات الدوحه كلهـا وتوهـا طالعه من فيلاجيو ,,, ومن كل مجمع شررت أغراض شكثرر ......وأول ماأستقرت بالسياره متوجهه للبيت حست بالملل أجتاح المكان حولهـا من يديد
طلبت من محمود يمر هارديز ,, بتشتري وجبـة أطفال لخواتها .....
من زمان ماقعدت معاهم وأساساً ماتحب تقعد معاهم كلهم صغار واايييييييييد عليـهـا ,,
وسوالفهم بايخه بالنسبـه لـهـا ... وصلوا هارديز وخلـت محمود ينزل يشتري وجبات لخواتهـا بينما هي تمت بالسياره تسمع الأغنيـه اللي بالمسـجــل
لفـت راسـهـا لصوب الدريشـه جافت وااحد داش هـارديز وشايل بيـدهـ بنوته صغيره وبيدهـ اليميـن ماسك بـنـتـه الثانيــه اللي بايـنـه بملامحهـا الفرحه ,,,
آبتسمت لمنظرهم ... وتـنـهـدت على طفولتهـا ...!!!!
شـافـت واحد بالسـيـاره اللي أحذاهـا يطالعهـا ببتسامه ,, صدت عنه وهي تقول : ولييييييييه ,, نسيت أنـه المخفي خفيف وايد .... شهلـ بلشـه !
نزلت نظرهـا لجوالـهـا حطت لهـا على لـعبـه وقعدت تلـعـب بأنتظــار محمود يرجع ..... وهي تدندن مع المسـجل ,,
ماطول داخل شوي وطلع وبيدهـ أكيـاس ركب السياره وحطهم بالكرسي اللي أحذاهـ فوق الزحمـه اللي صايره " أغراض وضحى " ولما تأكد من أنهم ماراح يطيحون
حرك متـجـه للبـيــت ....
بينما وضحى ولا رفعت راسـهـا ماغير تلعب بأندماج ....
ماحسـت بروحهـا ألا والـسـيـاره تتوقف ببيتهم ... سكرت اللعبـه ونـزلت من الـسيـاره متجهه لداخل .. فتحت الـبـاب وهي تنادي على مايـا علشـان تشيل أغراضهـا اللي بالسياره وتوديهم جناحها
على صوت صراخهـا طلعت أمها ...
وضحى جافتهـا وقالت بقلبها " اللهم طولج ياروح .. ويهـا مايبشر بخير "
أم وضحى وهي رافعه واحد من حواجبها بأستنكار : شرفتي ؟
وضـحـى لمـايا اللي طلعت لها : روحي جيبي الأغراض اللي بالسياره ووديهم ماي روم
مايا هزت راسها بأيجاب وتحركت تنفذ الأوامر
وضحى طالعت أمها ببرود : هلا يمه ,,
جات بطوفهـا لكن صوت آمهـا وقفها : وأن شالله ويـن هـايتـه من صباح الله خيــر للحين ,, راشد كذا مرهـ جا سأل عنج ومالقاج .. ويقول أنه يتصل لج ولا ترديـن عليه !! ليش ؟
وضحى : أدري أنه راشد يتصل لي وحاارق تلفوني بس أنـا مب بمزااج لـه !!!!.. آما ويـن هايته من الصبح قلت لج طلعت أشم هـوى ؟؟.." بعد سكوت مادام " الا أنتي اللي شعندج قاعدهـ بالبيت اليوم وماطلعتي ؟؟؟ ولــه اليوم يوم أستثنائي .. علشان عيوني
أم وضحى طالعتهـا بغضب وتركت لهـا المكان وأبتعـدت عنهـا لحد ماأختفت عن عيـنـها
بينما وضحى تحركت خطاها وراحت فوق لجناحهـا فتحت الـبـاب لقـت فلافي بأستقبالهـا عند الباب شكله زهق بروحه وهي بنفسهـا ماتطلعه من الغرفـه كلش
فصخت شيلتهـا وحركت شعرهـا بخفـه ,, وراحت لباب غرفتهـا دشـت وسكرت الـبـاب وراهـا
فتحت أزرت عبايتهـا وأول مافصختهـا ألا جوالـهـا يرن للمرهـ المليون بنفس النغمة المميزهـ
وضحى زفررررررت بزهق
وراحت لجوالهـا وردت : خير راشد ؟؟ شتبي !!
راشد بغضب : أنتي وينج فيـه ؟؟؟
وضحى : موجودهـ !!
راشد : موجودهـ وماترديـن على أتصالاتي ومرتيـن جايج البيت وماألقاااج !!!! ويــن رحتي ؟
وضحى تحط يد على خصرها : أظن هذا مب شغلك ,,, وأتصالاتك أنـا صار لي تقريباً كم شهر ماأرد عليـهـا ..
راشد : شوفي وضحى ,, آنـا حاولت أجيبج بالطييب ماجيتي لا تخليني أستخدم معاج أسلوب ثاني
وضحى : أنت اللي شوف ,, هالرقم لا تتصل عليـه مرهـ ثـانيــه .... ولا تحدني أأروح لأهلي وأقول لهم عن البلوهـ اللي كنت ناوي تسويهـا ,,,,,, ترى لو دروا ... حتى شوفتي من بعيد ماراح يخلونك تشوفهـا !!
ماسمعت ردهـ شكله كان يحاول يسيطر على أعصابه ,, بعد ثانيـه سمعته يقول بصوت يجاهد علشان يبيـن هادي : شصـار على موضوع خطبتج ,,؟
وضحى : مايقدرون يجبروني على واحد ماأبيـه ,,,
راشد تنهد بأرتياح وكان بايـن هالشي لوضحى اللي قالت : بس لوو تقدم لي وااحد عـدل والأهم مو من طرف أمي .. راح أرضـى فيييـه ..
قدرت تحس من تسارع أنفاسه أنه يغلي من الغضب : وضـحى رجاءاً لا تستفزيني
وضحى ببرود أعصاب : ماأستفزيتك ..!!!... المهم تامرني بشي
راشد : ماخلصت كلامي ,,
وضحى : أشوفك سكت
راشد : لأنج ماتخليـن الواااحد يتكلم أساساً ..
وضحى بنفس البرود: ماقاطعتك !!
راشد بصرخه : لا تستخدميـن معاي هالأسلوب ,,,
وضحى عقدت ملامحها : لا تصاررخ أنت علي ,,,!! أنا مب هيـا بسكت لك .....؟! شوف اللي بيني وبينك أنت هدمته ولا تحاول تصلحه لأنه مايتصلللللح .. وبليز لا عاد تتصل
راشد بحده : والله لو تسكريـن الخط لا أقلب ليلج نهـار .....
وضحى غمضت عينهـا بقوه وقالت : نعم ؟ قول شعندك
راشد :اللي صار ذاك اليوم لو صج بغيت أنفذهـ جان نفذته حتى لو رفعتي بويهي ساطوورررر ...!!؟ مب سجينه بتمنعنـي ..!.. بس أنـا ماتماديــت ولا فكرت أتـمـادى ,, مسكت عمري وطللللعتت
وضحى : ماأبي أسمع مبررااات تافـها ....
راشد : آآنـا تافــه ....!!
وضحى : فسر كلامي على هوااااك ... اللي عندي سمعته .... وأذا ماعندك غير هالموضوع فرجاءاً أبي أسكرر
راشد سكت ورجع تكلم : وضحى آآنـا متضاايييق .. تعبان تعرفيـن يعني شنو تـعـبــان ... حتى عيالي ماقمت أقعد معاهم واايد ولا أسولف معاهم أو أشوفهم الا حزت الوجبات الرئيسيـه ..! مو بس أنتي متغيرهـ علي ,, حتى هـيـا ,,,,, ترى ماأقدر أستحمل كل هذا !!! تكفيين لا تصيريـن جذي ..." بصوت صـار هادي " 4 شهور وااييييييييييييد .. ورب الكعبـه قلبج حجرررر ماتحسييييين ..... أبي أعرف شلون قدرتي تصبريـن كل هالمدهـ عني وأأنتي قبل أسبوع ماتقدريــن !!!! آنـا حمار وحيوان وماأستحقق أكون أنـسـان لآني للحظه فكرت أعتدي عليج .... بس والله نـدمــت ,,!!! وهالفتره اللي قسيتي علي فيـهـا حسستيني بغلطتي ...... ! خلاص وضحى .. يرحم أمج سامحيني ... والله حياتي كلهـا منقلبه فوق تحت والسبــه آنتي .. تــراج ذليتيييني !
ماسمـع ردهـا ... لأنهـا من الصوب الثاني كانت عايشـه بصراااع
زفر بصوت مسموع وقال : مستحيل تكونيـن وضحى اللي عرفتهـا .. بغلطه وحدهـ بس تغيرتي 180 درجه علي .....
هـم ماسمع ردهـا ,,
راشد : ألو ! وضحى أنتي معاي !!!!
وضحى بصوت واطي جداً : آيـه ...
راشد : شقلتي !
سمـع صوتهـا المليان بكاء خفيف : آنـت ليش سويت جذي ,,,, عبالك أنـا قادرهـ أعيييش بدووونك !!!! طول هالفتره حااسه روحي وحييده محد معبرني ...... أذا أنت بدوني حياتك منقلبه آآنـا بدوونك عاايشـه بفرراااااااغ يذبح
والله حاولت أنسى وأسااامــحــك بس .. مااقدررررر .. تعرف شنو ماأقدر ... ماعدت أقدر أثق فيك من يديد ,, اللي سويته هززززني وهز ثقتي فيك .. ماعدت أقدر أطلع معاك بروحي ولا حتى أقعد معاك ,,, خايفه بأي لحظة تقوم تهجمممم علي ..." بصوت مليان ألم وحزن ودموع " صرت أخاااف مننننك ... أخااف منك وأحتاجك ... شلون ؟ آنـا نفسي ماأدري شلون !!!,,,, ولا تفكر تسألني لآنك ماراح تحصل جواااب عندي ...... راشد تكـفـى أطلع من حياااتـي يمكن أقدر أرتااح
راشد كان يسمع كلامها ويحس قلبه يعتصر : عبالج سهله أطلع من حياتج !!.. " يتنهد بصوت مسموع " زيـن لا تنسيــن ... تناسي وخلينا نفتح صفحه يديده وصدقيني ماراح تندميـن ,,
وضحى : أحنا مو مكتوب لنا نكون لبعض ولا نكون قراب من بعض بأي طريقـه ... كل شي حولنا يفرقنا !!!... أنت أخترت طريجك .. وآنـا طريجي راح أختـارهـ ,,,, تمسكنا ببعض ماراح يفـيد ... لآني لا أنـا أقـدر أرجع أثق فيك ولا حتى آآنت تقدر تسوي أي شي يرجع هالثقـه من يديد ,,,
راشد يتسند : طريجي ماأخترته برضاااي ... وآنتي تدريـن أنـه زواجي من هيـا كان علشان خاطر أهلي وبس !..
وضحى حست أنها لو تطول بالكلام راح تضعف وتسامحه قالت : راشد ,, توني راجعه من السوق ... وآبي أنـام لي شوي
راشد : يعني طرده ,,, زيــن أبي أشوفج .... صار لي فتره مالمحتج حتى
" دشت هـيـا الـغـرفـه "
وضحى : آآســفـه راشد ....
راشد : وقت مايحن قلبج تعرفيـن رقمي !
سـكــرت بدون ماتسمع باقي كلامه ,,
مسحت دموعها وهي تقول بحره : ليش ردت عليه !...
.
.

بالـمسـتـشـفـى

طـولوا وهم ينطرون الـرد نواف رايح وراح ومتوتر .. وبونـواف مايقل عن حال ولدهـ ,,,
رن جوال نـواف شاف المتـصـل ورد : ألـوو هلا .. بخير بخير .... هلأ ؟.. لا بس أنا بالمستشفـى ,,,, آيـه بالمستشفـى ,, جايب أخوي غـرق بالبرجه ...... لااااا والله مايحتاي أن شالله مـابيصير ألا كل خير .. لا تتعب عمرك ..... " بعد تردد " آوكي على راحتك .... آوكي فمان الله
سكر وحط جوالـه بمخبـاه ,,
بو نواف طالعه : من هذا ؟
نواف : زايييد ....
بو نواف أنغزه قلبـه من هالطـاري وأكيد مابين هالشي لولدهـ
مرت دقايق حسوهـا طوال لحد ماطلع لهم الدكتور وقال لهم ببتسامه : الحمدالله تـعـدى مرحلة الـخـطـر ,, مثل ماانتوا عارفيـن أستنشق وشرب ماااااي واييييد وفقد القدرهـ على التنفسس !!! وهالشي أدى ألى أغمـائـه .... حطيناه حالياً تحت الملاحظة علشان نتطمن على صحته أكثر ..... بس مافي شي يدعو للخوف أن شالله بالكثير باجر يرجع البيــت ,,
بو نواف ببتسامه عريضه : ربي يطمن قلبك مثل ماطمنت قلبي ....
الدكتور بنفس الأبتسامه : المفروض ماتسمحون لـه ينزل البرجه دامه مايعرف يسبح .. هالمرهـ الله ســتــر ... المرهـ اليايـه ماتدري شممكن يصير ,,
بو نواف : أن شالله يادكتور ,, نقدر نشوفـه صح ...
الدكتور : آيـه أكييد ... بس مااظنه راح يرد عليكم .. الولد نـايم
بو نواف : المهم أشوفـه ...
الدكتور : تقدر تدش ...
ترك لهم المكان وراح
بينما بو نواف دش على ولدهـ علشان يتطمن أكثر
أما نواف أتصل على البيت يطمنهم مايمديه يكمل الرنه الأولى ألا صوت أمه : ألوووو ,,
نواف : هلا يمه ,,,, الحمدالله ماعليـه شررر الدكتور يقول بالكثير باجر بيرخصونه
أم نواف زفرت بأرتيااح : الحمدددددددداللللله ....
وصل له صوت نوره اللي شكلهـا سحبت التلفون من آمها : نوااف شلونننه ؟؟ بخييير !!
نواف بنذاله : ولج وي تسأليـن شلوونه ,,, لو صار فيه شي محد بينلام غييرررج
نوره بحره وهي ترجع تصييح : آآدررري لا تذكريني ,,, طمنيي شلووونه ؟
نواف أبتسم على صياحها : الدكتور يقول هو بخير بس خلوا نوره بعيييد عنــه
نوره زادت بالصياح : يالخايس أنا قلبي محترررق وأنت تستخف دمك ,,,,, كلمكم غنووم ؟
نواف : مـادري ابوي دش عليـه توهـ ,, آآنـا أتصلت أطمنكم
نوره بسرعه قالت : بـنـجيــكم ,,,
نواف : ويـن تجـوون ,, ؟!! خلكم اللحيـن احنا راجعيــن ..
نوره : وتخلون غنووم بروحه ,,,؟
نواف : ترااه بغل شكبرهـ مب يـاهـل ,,,
سمع صوت آمه تقول : بنجيكم وبقعد عند غـآنم ,,,
نواف توهق فيهم : لا لا .. لا تجوون .. خلكم بالبيت .... الولد بخير لا تخربونه بهلـ دلال
أم نواف : وه فديت ولدي ,, ماراح أتطمن ألا لما أشوفه جدامي بخيررر .." بغصه " شكله وانت شايله مب راضي يفارق بـالـي
نواف تنهد : لا تذكريني بـ يوم شلته .... كـتوفي للحيـن تعورني مـن ثقله ..
أم نواف : أذكر الله ,,, قول لا الله الا الله .... أخوووك مب متيييـن علشااان تعورك كتوفك ... فديته معصقللللل وناااااشف .. بس أنت تحب تدلع
نواف : مب شررط يكون متين علشان يكون ثقيييييل ,, ولدج عليـه عظااامـه توزن ديـناصور
أم نواف عقدت ملامحها وقالت بحزم : لا اله الا الله ,, أذكر ربــــك ,,
نواف : مشالله ,, يلا بــآآي بدش أشوووووف دلوعج
أم نواف : أذا قام وكلمكم أتصل لي خلني أكلمه ... ترى لو تأخرتوا زوود بخلي الدريول يشغل السياره وجاينكم ....
نواف : آن شالله ,,, يلا فمان الله

سكر من عند أمه وراح عند أخوهـ .. دش الغرفـه شـاف أبوهـ قاعد أحذاهـ ويتأمل ملامحه بدقه
نواف بصوت واطي : شلونه ؟
بو نواف : بخير ,,,
نواف جا وقف من الصوب الثـانـي ,,, رجع شـعـر غانم اللي على ويهـا لورى وطبع بوسه على يبهته : حمدالله على سلامتك ياخوي !
بو نواف لـنـواف : طمنت أمك ؟
نواف : آيـه طمنتـهـا .. ونوره شايله البيت على راسهـا بصياحهـا ....
بو نواف يطالع غانم ويقول : مـادري شكانت تفكر فيـه حزتـهـا ,, !
نواف : الواحد لا عصب ماينتبه للي يسويـه ,, وعـاد غنووم ماخذ الدكتوراهـ بـحرق الأعـصــاب ,, وآنت أبخص بـ بنتك جبريييت ,,
بو نواف يطالع غانم : خرعني عليــه .... انـا قلت خلاص الولد راح من يدي ..
نواف ببتسامه وهو يطالع أخوه : ماعليك ,, ولدك ســبــع طالع علي ...
بو نواف مارد أكتفـى بأنه يطالع غانم بتأمل
شكله كان أينن وهو نـايم تحسون كل هـدوء الدنيا مرتسم بملامحه ,, رغم أنه طبعه غيييرر واللي مبين عليه اللحيـن غييير ...
.
.
.
كان بسيارته متجه للمستشفـى بعد ماعطى آمه خبر كالعاده
وهـو حاس روحه مستانس ... ليش أنـه خطتـه أبتـدت تاخذ مفعولـها وتمثيليـة أأمس راح تساعدهـ اليوم
وأذا راح لنواف الحيـن هالشي راح يخليـه يعتقد بأنه زايد ونعم الصديق وأنــه وقـت ماكان ضااايق وقف معاهـ وساندهـ .. مانـسـاهـ وتخـلـى عنه وعن معرفتـه وقت ماأحتاجه مثل غيييره !!
أو مثل ربـعـه القبليــن ,,,
زايد بأسلوب غامض : نقطتيـن لصالحي ضدك يافـايز ,,, والـجــااي أعـظم أن شالله ....
وصل المستشفـى وبعد ماطلعت روحه وهو يدور باركنج ....لـقـالـه واحد ..وكان اللي صاف سيارته بــه ناوي يطـلـع منـه ...

لمح لكزس واللي فيـهـا الظـاهـر ناوي ياخذ هالباركنج ,, لكن هيهات ياخذهـ دام زايد نيشـن عليــه
أول ماطلع صاحب السياره سيارته ,,, ألا بزايد جااي شاااخط من بعيييد وصفط سيارته ,,,,,, وآبتسم آبتسامه عريضــه بنصر !!
متأكد ألف بالميـه أنه راعي الـ لكزس قاعد يسببه بذمه وضميييررر اللحيـن... وودهـ يطشرررر دمـه برصاصــه ....
بند سيارته برواق ونزل منهـا وقفلهـا وراهـ
شاف راعي اللكزس يطالعهـ بنظرااات تحسونه ودهـ ينزل يكفر فييييــه ,,, نزل الدريشـه وهو يقول : يعني قلوا المواااقف !!
زايد يستغـبـى ويطالعه ببلاهه : تكلمني الشيخ ؟
راعي اللكزس وهو يحررك وشكلـه معصب ومتنرفز الله أعلم من شنو ,, : الله ياااااااااخذك ياشيخ ...
شخط بسيارته وهو مغبر بالدنيـا وراهـ ,,, و زايد أبرد من برود أعصابه مافيــه ....
مـشـى متـجـه لداخل المـسـتـشـفـى طلع جواله وأتصل على نواف رن شوي وجاله صوته : هلا نواف ,, أقولل ,,, وينكم فيـه !!... آنـا تحت ! أأييــه .... قلنالك مافيها كلافه ولا شي ... المهم ! شلونه أخووك ؟؟ ..... آوكيه اللحيـن جايك ...
حط جواله بمخبـاه وهو يقول : والله لو مب اللي ببالي ماأفتكرت فيك لا أنت ولا اخووك !!...
توجه بخطواته لعند الغرفه اللي يرقد بأحضانهـا غانم ,,,, ولمح من بعيييد فـايز قاعد على الكرسي ومتكتف ... ونوااف قاعد أحذاهـ
زايد أقترب منهم : السلام عليكم
بونواف ونواف : وعليكم السلام
سلم عليهم وبعدهـا قال : هاا ,, عساه بخير بس ؟
نواف : لا الحمدالله ... بخيرر,,
زايد بستفسار : كلمكم ؟؟
نواف : لا الولد بسابع نوومـه ,,,
زايد بتفهم : آها !.. زين متى بيرخصونه ...
نواف : أظـن باجر ... ماراح يطول هني ..
زايد ببتسامه : يصير أجوفه صح ؟
نواف فرح لطلب زايد قام وقف وقال : آكييد ,, آمش " يكلم أبوه " عن أذنك يبـه ..
بو نواف وهو يطالعهم بتفحص : أذنك معاك
دشوا الغرفـه وبو نواف يراقب زايد ورجع تذكر كل اللي سمـعـه منه آمس !!
.
.
.

شـافـتـه قام وأتجـه صوبهـا ,, وبسرعه رفـعـت اللحاف وأنسدحت ,, عطـتـه ظهرهـا وغمضـة عيـنـها على أنـهـا بتنام ... وهي بداخلهـا ميته قهررر
" كان يكلمهـا !!.. وماسوى لي أعتبار ولا أحسااااب !!؟.... أنـ....."
قطع حبل أفكارهـا القصير وايد .. يد راشد اللي أنحطت على كتفهـا : بتناميـن ؟
هيا بجديـه : شتشوف ,,
راشد : مب من عادتج تناميـن هالحزه ,,؟
هيا : تعـبـانه ,,!!!!
راشد هز راسه بتفهم ... ترك لهـا الغرفـه وطلــع وهو مسكر الباب بهدوء وراهـ .. حتى ماكلف عمرهـ يسألهـا شفيـهـا ..
وخلاهـا تـغـلي بالسرير وودهـا تصيح لكنها ماسكه عمرهـا ...
بينما برى عند راشد
راح يقعد مع عياله شوي ع الأقل يتناسـى وضحى وزعل هيا ...
شـافهم منسدحيـن أحذى بعضهم ع الأرض بالصاله ... جدامهم دفتر تلويـن وحوليهم ألوان متنثرهـ وقاعديـن يلونون
جوري بصفحــه ,, وعلي بالصفحه اللي أحذاهـا ...
راشد ببتسامه : الحلويـن شيسون ,,
جوري ترفع راسها ببرائه : نـلون ..
راشد جا وقعد متربع جدامهم : شتلونون ....
علي يرفع راسه ويشوف أبوه : ثوف " شوف" بابا ,, هذي ثيارتي " سيارتي "
راشد أتسعت أبتسامته للون السياره اللي كانت باللون الأحمر: تبيـهـا حمره ؟؟
علي بعد تفكير : كنت أبيـهـا ثـفـره " صفره " بس مافي لون أثفر " أصفر "
راشد : صفرررهـ عااااد ...! " يطالع بالألوان ويسحب لون أصفر " زيـن وهذا شنو ؟؟
علي طالع اللون بأستنكار وقال : لوء !! ثنو " شنو " ذي ؟؟؟؟؟ ماأبي وردي
راشد فتح عينه على كبرهـا : اللحيـن هذا وردي ؟؟.. عيل أي وااحد الأصفر ,,
علي يأشر على علبة ألوان أخته : هذاااك أأخر لووون ..
راشد شاافه وكان أسود ,, قال بعد ماضحك : أهاا عيل هذا الاصفرر اللي تبيــه ,,,!!
علي ببتسامه عريضه : أأيووهـ ,,,
راشد يحط يدهـ على راس ولدهـ ويبعثر تنظيم شعره بخفه : ياحليلك ... " يطالع جوري " والجورري شتلون ؟؟
جوري رفعت راسها بدلع وقالت : ألون عروسـه ...
راشد يطالع الرسمه اللي جدام بنتـه ويقول : هذي آنتي صح ؟؟
جوري ببتسامه : آيــوهـ ,, هوذي أونـا .... لما أكبر وأطول شوي ..
راشد طالعها بحب طبع بوسـه على خدهـا وخد أخوهـا وقام وقف : تجـون نتشمـى بالسـيـاره ,,,
فزوا أثنينهم
جوري بفرحه : صج بابا ,,,
راشد : آي صج ... " يمد يدهـ لهم " يلا أمشوا ..
علي طالع أخته بعدين قال : زيـن لحظـه ثوي " شوي "
راح يركض لصوب الدري ولحقته أخته ,,, وراشد لحقهم بنظرهـ بتسأل !!
ويــن راحوا ذولا ,,,

بينما ع الدري كانوا يتسابقون لحد ماوصلوا غرفـة أمهـم وأبوهـم فتحوا الباب وسيدهـ لسرير عند أمهم أهجموا عليها ...جوري تناقز أحذاهـا وعلي يسحب اللحاف اللي على ويهـا ,,,,
هـيـا تنسدح على ظهـرهـا بعد ماكانت منسدحه على جنبهـا اليميـن بسبب هالأعصار اللي أقتحم هدوء الغرفـه ,,: يوهـ ياماما ,,!!! آبي أنـآآم شوي ,, لما أقوم بلعب معاكم
جوري تناقز بخفه : قومي ماما تـعولي " تعالي " معانا .. بنـروح نتمشى
علي بحماس : آآيه ماما ..
هيا بستغراب : ومن بيمشيكم ..؟
علي : بابا
هيا أمتعضت من طاريـه قالت بحب وهي تخفي اللي بقلبها : لا ماما ,, روحوا أنتوا تمشوا .... آنـا بتم هني " تحاول تحمسهم " علشان أسوي لكم الكيكه اللي شفناهـا بالتلفزيـون
جوري : مووونبي ... لما نجي نشتري كيكه من محل الكاافي الكبير ذاك
هيا تلعب بشعر بنتها : لا حبيبتي ماأبي ,,, تعبانه ...
علي برجى : يلا عاااد ماما ,,, ترى بحاربج
هيا تطالعه وتقول بدلع : تحارب ماما ,,, !
علي يسحب اللحاف : عيل قومي ...
هيا تقوم تقعد بملل : لا يابابا مأأبي أطللع ,, روحوا مع ابووكم ....
وصلهـا صوت رجولي من عند باب الغرفه : زيـن علشان خاطرهم !! مب عشاني ,,
هيا طالعـت صوب باب الغرفه شافت راشد قالت بجديه لعيالها : يلا طلعوا ...
علي توه بيتكلم لكن هيا قاطعته بحزم : علي !! شقلنا احنا ... خلاص روحوا أنتوا وآنــا بقعد هني
راشد تقدم كم خطوه وقال : عيالج يبونج تطلعيـن معانا ,, مالـه داعي اللي بيـنـا يجي براسهم ... تدريـن أنهم ماراح يستانسون بدونج ..
هيا : راشد رجاءاً ,, آنا أعرف شلون أتعامل معاهم
راشد : أنتي اللي رجاءاً قومي بدلي ونزلي ننطرررج ,,, لا تكسريـن بخاطرهم ..." يكلم عياله " يلا تعالوا خلوا ماما تبدل ....
راحوا علي وجوري صوب أبوهم مسك يدهم وطلع من الغرفـه بدون ماينطر يسمع جواب هـيــا المنقهره منه ,,,
كانت بتعاند وترجع تنام وتطقع له ,, لكن صوت عيالهـا وهم يترجعونهـا للحيـن يرن بأذنهـا ,,
أزاحت للحاف قامت بدلت ولبست عباتهـا وطلـعـت لهم .... وآكيد قعدت جداام .. جوري بحظنـهـا وعـلي بحـظـن أبوهـ ,,
.
.

حاولت تلـهـي عمرهـا بالأغراض اللي شرتهم ... قعدت تقايس الثـيــاب وكل بدله تلبس معاهـا أكسسواراتهـا والـنـعـال " الله يعزكم " اللي تناسبـهـا
لحد ماملـت .. بـدلـت ولبس لهـا بجامـه ... جمعت كل أغراضهـا وحطتهم بالكـبت على أنهـا بتقايس الباقيـن لما تتفرغ ,,,
دورت بعيونهـا على فلافي لقــتـه عند الدريشـه يلـعـب بطرف الستاره من تحت ,,, شالته وهي تداعبـه بحب .. ونــزلـت تـحــت ....
كالـعـاده أذا ماوصل صوت الأازعاج لطابق الثاني فأكيد البيت خالي من آمهـا وربع أمهـا ..
فتحت باب الصاله وطلعـت ,, حطت فلافي ع الأرض علشان يغير جو شوي ,, بالبدايـه تم واقف بمكانه بس بعدهـا تحررك ... راحت صوب الـنـافـورهـ اللي دووم كانت تعجبهـا وتحبها ,,
وقفـت قريبـه منهـا ,, كـانت كبييييرهـ ... قـعـدت تلعب بالـمــاي وكل شوي ترفـع عيـنـهـا تشوف فلافي ويـنـه .. خوفهـا يطلع من البيت ولا عاد تشوفـه
ساعتهـا من بيسليـهـا !
حسـت أنـهـا شافت صوره راشد بالـمــاي .. غمضت عينهـا ورجعت فتحتهـا .. مالقت شي ....
تـنـهـدت وهي تتسند على النـافوره وتتكتف فـاتحـه المجـال لنسمات الهوى تداعبها وتداعب ويـهـا
" ماأظن أني راح أقـدر أصبر أكثر من جذي ... , مشتاقـه لــه موت .. وهو بعد .... لو أبوي يوافق عليـه ويخليــه ياخذني جان أحنا بخير ,, ( بتفكير بسيط ) وهـيا ؟؟ هي شذنبهـا أذا راشد خذاني عليـهـا ,,, آنـا متأكده أنـهـا تحبـه ,, وتموت فيـه بعد .. بس هو يحبني آنـا وآآنا بعد أحبـه ..وهالشي مو بيدي ولا هو بيـد راشد ...( ترخي راسهـا لورى شوي )... لو مب الحركه اللي سواهـ ذاك اليوم .. جان ماعشت هالأربع شهور وكأنهـا أربع قرون .. ولا حسـت بملل وفراااغ اللي حاسـه فيـهم اللحيــن .. المشكله محد حاول يمليــه ونوره مب على طول حولي ... وماعندي آآم مثل العالم تقعد معاي وأشاركهـا همومي .... كل اللي هامهـا الناس وكلام النـاس .. ,,, ( تنهدت ) آآه ياراشد ! ...... حاسه روحي قربت أضـعــف وأسامحك .. ماتدري شكثر عايشششـه بصراع بيني وبيـن نفسي .. أسامحك ولــه أسمع كلام نوره وآكمل اللي أبتـديـت فييـه .......! بس نوره مب حااسـه فيني وماتدري شكثر أنـا متضايقه من وضعـي ... قالت لي آنسـاهـ بس ماعلمتني شلووون ,,,, حياتي بدونه ماتسـوى .. واللحيـن بس تأكدت من هالشي ..( بعد تفكير شبـه طويل ) بعطيـه فرصه !!!! هو ياما سامحني وراح أسامحه ... خلاص ماأقدر أأكممممل تظاهـر بالقوهـ .."
حسـت بفلافي لازق بريولهـا شكله ماأعتاد على هالمكان الغررريب لأنه عالمه منحصر بجناح وضحى وبس
شالتـه وأتجـهـت لداخل البيـت .. وصـلـت جناحهـا وأتجهت لغرفتهـا بعد ماتركت فلافي بصالتهـا ...
خذت جوالهـا ناوي تتصل على راشد ... لكـن شي منـعـهـا .. قعدت على طرف سريرهـا وقررت تطرش مســج
بس شتكتب فيـه ؟؟
بيـت شـعـر !!
ولـه تقول لـه أنـهـا سامحـتــه ,,!!!!
آو ,,,؟
ردت جوالهـا مكانه وهي تقول : باجر يصير خير ...
.
.

بالـمسـتشـفـى
تـفـرقوا عند السـيـاير بعد ماأصر زايد أنه يجيهم باجر الـصبح بما أنه غانم راح يرخصونـه بالليل ,,
ركب سيارته وحرك .. وهو حاس روحه منتصر بمعركه يديدهـ بـ الحرب الهاديـه اللي بيـنـه وبيـن فايز !!
نـظـرات فايز للحيـن راسخه بباله ... كان يحاول يتصيد أي شي يــثبت أنه زايد متقرب منه علشــآن هــدف معيـن ... لـكـنه ماعطـاهـ فرصــه
وصل الـبيــت و صف سيارته برواق ,, ونزل منـهـا .. دش البيـت وشـم ريـحـة الـبـخــور حاشره المـكــان ...
زايد أستغرب !؟
رفع واحد من حواجبـه وهو ينادي على آمـه ...
اللي طلـعـت من المطـبـخ وأول ماشافته يـببـت بصوت عالي مسموع وبفرحه عاليــه
زايد أبتسم لا شعورياً على هالأستقبال
أم زايد قربت صوبـه وباسـتـه على خدهـ اليميـن واليسـار وطبعـت بوسـه على يبـهـته بعد وهي تقول : ألف ألف مبرووووك ياولـدي ... والله الفرحه مب سايعتني
زايد اللي مازال مب فاهم السالفـه وسبب هالفرحه الكبيره هذي والأستقبال الحاامي : دوووم هالفرحه بس على شنو ؟
أم زايد : آمـنـه واافقــت ...
زايد تلاشت أبتسامته على هالطاري !!
وافقـت ؟؟؟؟؟؟؟؟؟؟؟؟؟؟؟؟؟؟؟
أم زايد أستغربت من أبتسامته اللي أختفت تدريجياً : هو ؟؟؟ شفيك مب مستانس ؟؟؟
زايد رجع أبتسم من يديد وقال يجاريها : بلا مستاااننسس ... ومستانس واايييد بعد آفا عليج !
أم زايد بنفس الفرحه : مبروك يايبـه ..صدقني مابتلاقي أحسـن من آمنه زوجه لك ..... عقبال مااشوف عيالكم وأصيير يــده .." أمتلت عيونهـا بالدموع " ويملون علي البيـت وأشوف ولدك يراكض هني وبـنـتك هنـاك وآنـا ماغير مبتلشـه فيهم .....
زايد ماينكر أنـه تضايق لما درى أنه آمنه وافقـت لكن الدموع اللي تجمعـت بعيون آمه خلـتـه يرضـى بهلـ زواج ... من زمان ماشافهـا مستانسـه جذي ...
مسك يدها وباسها بحب وهو يقول : آميين ... الله يسمع منج ..
أم زايد بحماس : مسويـه حلو ,, بتاكل أصابعك وراهـ ...
زايد وهو يتبع آمه للمطبخ : أنتي أكلج بكبرهـ يخليني أكل يدي بكبرهـا مب أصابعي بس
أم زايد : وفديتك والله ...." بنغزه " اللحيـن أكلي يعجبك باجر لا صارت آمنه مرتك ,, بتنسى أكلي
زايد بجديه : يمه ! لا تقوليـن جذي .. ترى هاا أهوون وألغي سالفـة الزواج من بالي ,,
أم زايد تضحك : مب بكيفك ..." تفتح الثلاجه وتأشر لزايد علشان يجوف الكيكه " توني حاطهـا ... خلهـا تبــرد وبـعـدهـا ناكلهـا آنـا وياك ... وبطرش لأم وليد وأم محمد بعد ..... أبي الكل يشاركوني فرحتي فيك
زايد هز راسـه وهو بالغصب يحاول يحتفظ بأبتسامته
تـوهـ بس أستوعب أنــه راح يتزووج !!... ولا وبيتزوج أمنــه
" كمللللللللللللللللت ! "
.
.
.
رغم الجو المتوتر بينهم ألا أنـه الطلعه مع عيالهم مسويـه لهم جو عجيييب ..
تمشى معاهم بالسـيـاره بس بدون ماينـزلون ألا آنـه الفرحه كانت غامره عياله اللي راحوا ورى وكـل واحد فيهم لزق بدريشـه
علي ع اليميـن وجوري ع اليسـار ويطالعون السياير برى ,,, وحاسيـن بمتعـه عجييبـه
وراشد مطول ع المسجل ومخليهم ينطربون ورى ويلهون شوي عـنـه وعن هـيـا
راشد لـهـيـا : بطوليـن بالزعل ,,؟
هـيـا كانت مبتسمه ومستانسـه لفرح عيالهـا اللي شايليـن الدنيا وراهـا لكن من كلمهـا أختفت أبتسامتهـا بالتدريج : ومن متى يهمك زعلي ؟؟
راشد يطالع الطريج جدامه ويقول بعد صمت قصير : آسـف ,,,
هيا : ياليت هالكلمـه تقدر تداوي جروحي اللي جاتني منك ,,
راشد طالعها ورجع طالع الطريج جدامه وقال وهو يحاول يتفاهم : آحـنـا مشكلتنا كلـهـا بوضحى .. ومليون مرهـ قايل لج لا تعتقديـن أني بقدر أأنـسـاهـا... وأنتي تدريـن ليش ..!! كل أهتمامج منصب بعيالج وآنـا هاملتني ... من جبتيهم وآنـا حاس روحي مركون على جنب ...حتى ماحسيتج تحاوليـن مجرد محاولـه أنج تخليني أتـنـاسـاهـا !!.. وأنتي عارفه أنـه وضحى بويهي كل شوي ,, ياأما ع التلفون أو ويه بـ ويـه .... وأذا كان ع الكلام الجارح اللي أقولـه لج كنت أبي أشوف تقدم منج بس لا حياه لمن تنادي !!!!,, مو من حقج تلوميني لو زاد تعلقي فيها آكثر من ماأنـا متعلق فيـهـا اللحيييـن .... لآنـه اللوم بالأول والأخير عليييج .. آنتي أهملتيني ووضحى أهتمت فيني !!
هـيـا طالعته بحده وقالت : اللحيـن طلعت أنا الغلطانه ؟؟؟... لو كان ودك أني أهتم فيك على قولتك .. كنت تقدر تساعدني بتربيـة عيالك والأهتمام فيهم علشان ألاقي وقت أفضى بـه لك .... راشد ! أنـا عندي توم !!! مب ياهل واحد ! علشان آول ماينام أتفرغ لك ... لما تنام جوري .. علي يقعد .. وأذا نام علي ... قامت جوورري وآآنـا ماأقدر أجابلك وأهمل عيالي !!!!.. لو أنك مارسـت دورك كأب عدل .... جان ماوصلنا لهلـ لحظة ... أنـت حاذف مسؤولياتك ورى ظهـرك ورايح تركض ورى بنت خالتك وتلبي رغباتهـا وطلباتهـا ..... صحيح تصرف علينا وتعطينا الفلوس اللي نحتاجهـا بس هذا مب كافي ,,, آحـنـا نبيك أنت .. مانبي شويـت ورق !!! مانبي وااحد معتبر البيت فنـدق ,,,,, يجي ينام ويطلع على اليهال وهو طالع ,,,,, " صـدت عـنـه بجفاف وهي تقول " أذا ودك تلوم آحد .. لوم نفسك قبل لا تلومني ....
مارد عليـهـا ... سـكـت وهي سكتت ...
لـحـد مارجعـوا البيـت .. نـزلت هـيـا وفتـحـت الـبــاب اللي ورى على عيالهـا اللي نــاموا ,,,
كان علي اللي وراهـا فشالتــه وهي تسكر الـبـاب ودشـت دااخل ,, ولحقهـا راشد بجوري اللي متكوره بيـن أحضانه ومتعلقه بمخبـى ثوبـه ...
حطوا كل واحد بسريرهـ ,,, وطلـعـت هـيـا متجهه لغرفتـها ..فصخت شيلتهـا وراحت تعلقهـا حست براشد دش الغرفـه لكنهـا ماعبرته ,, فصخـت عبايتهـا وعلقـتهـا ... ألتفتت الا براشد قريب منهـا ,,,
مسك يدهـا وباسـهـا براحة يدهـا وهو يقول وعيـنـه بعينهـا : خلينا نبدأ صفحه يديده ,,
تصادمت المشاعر بقلبهـا لما حس بقربـه منهـا ,, طول هالفتره كانت تبيـن أنهـا قويـه وماراح تضعف لأنه مايفكر يقترب منهـا أما اللحيـن وبهلـ لحظة ,,, حاسـه روحها بتضعـف خلاص
أستجمعت اللي بـقـى لهـا من قوه وصدت عنه بعد ماسحبت يدها برفق وقالت : صفحه يديده علشان تمليـهـا بأغلاطك
راشد يسند يدهـ على الطوفـه وأنحصرت هـيـا بهلـ مـكـان الضيق : أعتبريني سفييـه ,, جاااهل ,, ماأفتهم .... وأذا غلطت نوريني ..
هيا تحط عينها بعينه : ودي أسامحك بس ,,
راشد : بس شنو ؟؟
هيا : خوفي ترجع نفس قبل أول ماتتعدل علاقتك بوضـحـى ,,
راشد نزل نظره لتحت وطالعها بلمحة حزن بعينه : أذا السالفه على جذي ,, أبشرج ... وضحى طردتني من حياتهـا كلهـا !! وما أظن بترحب فيني من يديد
هيا ببتسامه ساخره : يعني لو ماطردتك من حياتهـا ,, ماكنت راح تعبرني ؟
راشد : هالشي صار لصالحج والمفروض تستغليـنـه عدل ...
هيا نزلت راسها لتحت تفكر بكلامه
راشد رفع ويهـا بسبابته : شقلتي ؟
هـيـا تطالع ويـهـا بتفحص وبـعـدها سكوت مب طويل ... قالت : بـنـشوف ياراشد ... ولو أنـي مب قادرهـ أصدق كلامك
راشد أبتسم لها : مع الأيام بتصدقيني ...
.
.
الـيـوم الـتـالي

نـور قوي أخترق عليـه رقادهـ ... وصوت آمــه أقتحم عالم أحلامه
فتح عينه ببطئ على ويهـا البشوش : صبـاح الورد يمه ,, يلا قوووم ,, وراك دوااام
زايد قام قعد بكسل وهو يتثاوب : كم الساعه اللحيـن ؟؟..
أم زايد : 6 ... قوم يلا لا تتأخرر ...
زايد قام قعد وهو يحك عينه بخمول : آن شالله
أم زايد ببتسامه عذبه : ولما ترجع ترتاح لك شوي .. وبعدهـا نروح وياخالك للمحكمه علشان تملج على أمنه
زايد أنصدم وفتح عينه على كبرهـا : نــعــم !! بهلـ سرعه ؟؟؟؟
أم زايد ببساطه : آي .. أملج عليهـا وبعد شهـر الـعـرس شرايك
زايد بغـى يوقف قلبه : يمه شدعوهـ ؟ تبيـن الفكه مني !!!
أم زايد ضحكت وهي تقول : علشاني أبي أشوفك معرس صرت أبي الفكه !
زايد : شدراني عنج ,,, اليوم أملج وبعد شهر العرس !! " بستخفاف " لا شهر واايييد شرايج بعد يوميـن العرس أحســن .. عشان تشوفيني معرس بأسرع وقت
أم زايد تدفعه بالخفيف من كتفه : ويا ويهـك ... " تقوم توقف " المهم .. دش أسبح وأكشخ وأنزل تريق ...
زايد : آنزين
طلعت أم زايد من الغرفـه وتركت زايد أفكار توديـه وأفكار تجيبــه
" ولييييه ! صج صج بلشـت عمرررري .... من قال لي أواافق من الأساس ع الخطبــه ... كنت أقدر أقول لـهـا آمنه مثل أختي وماأتخيلهـا زووجـه لي وأفك عمرررري !!!
المشكله لو قلت لـهـا اللحيـن بهدم فرحتـهـا .. من أمس وهي الدنيا مب سايعتهـا !!؟ ومابقـى حد ماقالت لــه زيـن ماتنشر بالـcnn !!,, شهلـ مصيـبه اللي دخلت عمري فيـهـا
أنـا ويهي وي زواج وخرابييييط .. بنفسه بالي مشغولي بشغلات ماودهـا تخلص ,,, ماأقول الا الله يسامحج ياآمنــه جانج خيبتي ظني .. كان عندي آمل أنج ترفضييييـن بحكم الأخووهـ !
بس الظاهـر كلام الوالدهـ صج ,, ماصدقت خطبتهـا وافقت على طوووول ..."
أزاح للحاف بقهر خفيف جدا وشال روحه ودش الحمام علشان يسبح ... وأول ماخلص طلــع من الحمام وهو شبـه رايق
خلـص لبـس وطـلـع من غرفته نازل الدري وهو مقرر يكلم أمه بطريقـة جديـه ... مستحيل عرسـه يكون بعد شـهـر .. بهلـ طريقـه بتحس آمنه أنه ميـت عليـهـا
بيخليـه عقب ثلاث شهور أو أربـع ولو صارت سنه ماراح يقول لا ,,! المهم مايتزوجهـا بهلـ سرعه
جاف أمه تصب الجاي بـ كوب ,,
باس راسهـأ وقعد أحذاهـا ع طاولـة الطعام وتكلم بدون مقدمات : يمه من صجج أتفقتي مع خالي آنه العرس الشهـر الياي ؟؟
آم زايد وهي تحط الدله وتمد لـه كوبه : لا .. بس ناويـه أقولـه..
زايد بجديه : يمه شدعوه ؟ مختررررررع ! .. شـهـر شوويــه ,, وبعديـن أأكييد في شغلات تخصكم يالحريم ماراح تقدر تخلصهـا بشـهـر ,,,
آم زايد تطالعه : زيـن شـهـريـن ,,؟
زايد ماأخذ ثانيه بالتفكير قال : ماأظن هالمده تكفي علشان أتعرف عليهـا عدل ...
أم زايد : وشله تعرف عليهـا ؟ يعني أنت ماتعرفـهـا !!
زايد : لا ماأعرفهـا ... ومن كبرت ولا عمري تكلمت معاهـا اللهم بس السلام عليكم وعليكم السلام ..!!! ماعرف عنهـا ولا شي .." بتوتر أخفاهـ ببراعه " وبعديـن يمكن مايكون في نصيب فنفترق وآحنا ع البر
حس ملامح أمه تغيرت شكلهـا تضايقت من أخر كلامه
زايد تدارك الوضع : مب أكيييد طبعاً ,, آنـا قلت يمكن ... وبعديـن أنتي تعرفيـنـهـا عدل وآآكيد مابتختاريـن لي ألا الزيـــن .." يغير الموضوع " ألا شنو الريوق
أم زايد أبتسمت على تصرفاته .. عبالهـا أنه مرتبك من الزواج ... ماتدري أنه مايبي يتزوج من الأسـاس .. ولو مب خاطرهـا جان مافكر يوافق ...

.
.

قايـمـة ع الـسـاعه 10 الـصـبح وهي حاسـه بـنـشـاط ماتدري من ويـن جا ,, قامت دشت الحمام " الله يعزكم " غسلت ويـهـا وأسنـانهـا وطلعت خذت لـهـا ثـيـاب تكشخ فيـهـم مثل كل يوم
دشـت سبـحـت وهي مسترخيـه لأخر درجه ,, وبعدهـا طلـعـت لبسـت هدومهـا ... شافت فلافي فاتح عيونه ويطالعهـا وهو بسـلـة نومه ...
وضحى وهي تطرش له بوسـه بالهوى : صباحو ..
راحت قـعـدت على طرف السرير جافت جوالهـا وهي تتمـنـى تلاقي أتصال من راشد علشان يكون عندهـا سبب تتصل لـه .. لكنهـا ماحصلت لا أتصال ولا شي ,,,
قررت تطرش مسج ... وهو آكيد لما يشوفـه يابيتصل أو بيطرش مسج من الونــاســه ...
كانت مستانسـه أنـهـا بتسمح لـه يرجع لحياتهـا من يديد
وخايفـه بنفس الوقت ..من أنـه اللي صـار قبل يتكرر ,,, لـكـن شي بداخلهـا يخليهـا تتنـاسى خوفهـا وتتجاهلهـ
هو أستسمح منهـا وأعتذر وصار لـه شهور وهو ذال عمرهـ ,,,
هذا عقاب كااافي يخليـه يفكر ألف مرهـ قبل لا يخطي هالخطوهـ من يديد...

" أقول انساگ وما أقدر
أظل بالحيل منكسرهـ
وكل مرهـ أقول أنساگ
أرد أهواگ من ثاني "

قـرت الـمسـج أكثر من مرهـ وترددت بأنهـا تطرشـه .... زادت عليـه بأخر المسـج كلمة " صباح الخير "
وبــعــد تردد وصراع ,,, ضغطت أرسـال ... وآبتسمت ..
جات ببالهـا نوره ,, لو تدري أنـهـا خالفـت كلامهـا ورجعت لراشد من يديد أحتمال تذبحهـا من الحرهـ ,,
بس شتسوي ,,, حاسـه روحها لو تتم جذي زيادهـ بتستخف ....
خذت الجوال معاهـا وطلعت من الغرفـه علشان تروح تتريق ... وعلشان لا طرش مسج ولـه أتصل ترد عليــه ,,
,
,

بيـنـمـا من الـصـوب الـثـاني كانت ترتب الغرفـه وهي حاسـه أنه الدنيا توهـا ضحكـت لـهـا ,, خاصـه مع تغير راشد معاهـا آمس ,,,
تحسـه رجع راشد اللي حبـتــه وأنغرمـت فيييـه ... دعت من كل قلبـهـا أنه ربي مايغير عليهم ويسـد عيـونـه عن وضـحــى
سـمـعت صوت جوالـه يعلن أستقبال مســج ... وكان هو بالحمام يسبــح ....
أتـجـهـت صـوب جوالـه بفضـول تبي تشوف المسج من مـنـه ... فـتـحـتـه وكان من " وضـحـى "
قرت المسج ومع كل كلمـة تحس روحهـا بتولـع !!!!!
" صج جليلة حيا وماتستحي على ويـهـااااا هذي... "
راحت صوب مســح ومسـحـت المـسـج ورجعـت الجوال لمكانـه وهي حاسـه روحهـا منقـهـرهـ منـهـا .....
عليـهـا قوات عيــن ماجافت مثلهـا ..... مب توهـا طلعـت راشد من حياتهـا ..
شعندهـا راجعه تطرش لـه مسجااات ,,,
ولـه وقت ماتمل منه تبعدهـ ووقت ماتبيـه تستردهـ ....
هيا بقلبـهـا : آنـا أعرف شلون أتعامل معاااها ,, ماراح أسمح لها تاخذ راشد مني من يديد ... خل تروح تدور لهـا ع وااحد ثاني
خلصـت ترتيب الغرفـه وطلعـت منهـا نازلـه للمطبخ تحت تجهز الفطور ....
وكلمات المسج للحيـن تتردد ببالهـا ,,,
أتجـهـت لطاولـة الطعام وحطت الأكــل من بعد ماجابته من المطبخ... شافت راشد ينزل من الدري ببتسامه مشرقه
والأكيد أنه مادرى بالمسج ,,, لآنـه لو طالع مبجر شوي من الحمام جان قرى المسج وطيراان رااح للي ماتتسـمــى قليلة الأصل ,,
راشد : صــبــآآح الـخــيــر
هـيـا تطالعه بأبتسامه : صباح الـنـور ,,
راشد يطالع الأكل : تسلم يدج ...
هـيـا زادت أبتسامتهـا رغم أنه الكلمه عاديـه ألا أنـهـا فرحتهـا : فيه العافيـه أن شالله .. بروح أنـادي عيالك ..
راشد وهو يـقـعـد : آوكي ...
راحت نادت عيالهـا للفطور ونزلوا مسرعييـن من فوق يتسابقون كالعاده ,,, وقعدوا ياكلون وشاركتهم هيا الأكل ...
هيا بتسائل : مب رايح الشغل ؟
راشد يشوف ساعة يده ويقول : لا ماأظـن ,, وبعديـن أنـه هالفتره ماقمت أروح الدوام واايد .... لولا الواسطه جان أنـا اللحيــن مطرود من زمـان ..
هيا : بس بعد حبيبي لآزم تهتم بدوامك .. مب كل مرهـ بيتغاضون عن تغيبك .....
راشد وهو ياكل : يصير خيـر ..
هيا بتسأل : تبي أصب لك شاي ؟
راشد : ياليت ..
هـيـا مسكت الدله وصبت لراشد ببتسامه حلوهـ ...

.
.
بيت بو نواف
بغرفـتـهـا كانت تطلع ثـيـاب وتدخل ثـيـاب ,, ومب عاجبهـا العجب ولا الصيام برجب .. لحد ماأستقرت على بنطلون جيـنز وبلوزهـ ناعمه ...وهي تقول : يييييــآآه !! يعني أنـا ويـن رايحه ألا المستشفــى ... مب لآزم أعور راسي جذي ..
لـبـسـت وتعـطــرت فتحـت شعرهـا الطويل وعجفتـه وربـطـتـه نـهـايتـه بربطـه تناسب لبسـهـا .. وجابـت عجفتهـا على كتفهـا اليســآر.. كان شكلهـا كيووت مع قذلتهـا الطويلـه ..
طلعـت من غرفتهـا ركض لغرفـة أمهأ طقـت الـبــاب وبعدهـا دشـت مالقـت حد ,, ماغير تسمع صوت الماي منبعث من الحمام ,,
راحت لباب الحمام " الله يعزكم " وطقت الباب وهي تصارخ : يمـــــــــه آآآتصللل لأبوي أقول لـه خلصـنا ....؟؟
ماجالهـا رد ..
رجعت صرخت من يديد بصوت أعلى : يمـــــــــــــــــــــــآآآآآآآآآآآآآآآآه
جالهـا صوت آمهـا الغاضب : ومصمــآآآآهـ ...!!!!؟؟ فاررررجي ,,! ماتشوفيني أسبح !!
نوره : أأكلللم أبوي ,,,؟؟
ماردت عليهـا
رجعت طقت الـباب : يمــههههههه ! آآكلمه ولـه لا ؟؟؟..." نطرت الأجابـه بلا فايده " بــكلمــه عييييل !
هم ماجالهـا رد ....
طلعت من غرفه آمهـأ وراحت لجوالـهـا ,, خذتـه وأتصلت على أبوهـا اللي واعدهم يجيهم ع الـوحدهـ علشان يوديهم لغـآنم بالمستشفـى رغم أنهم بيرخصونه فالليل بس أصرار نورهـ خلاهم غصب يودونـهـا لـه
البنت تبي تطمن على اخوهـا ,,, قلبهـا ذابحهـا من آمس ,,,
رن شوي وجالهـا صوت آبوهـا اللي باين أنه مشغول : هلا نورهـ ,,
نوره : يبـه خلصنـا تعــال يلا ,,,
بو نواف : كم الساعه ؟
نوره تتلفت حولهـا تدور ساعة وقالت بعد ماشافت الساعه المعلقه بغرفتهـا : 11 ألا ربــع ,,,
بو نواف : آنـا قايل لكم الـظـهـر ع الوحدهـ ,, وحدهـ ونص !! .. مب اللحيــن ..
نوره بدلع : يبـه أبي أأرووح لغنووووم .. نوافوه الخايس طلع من الصبح قبل لا أقوم وراح لـه ... حتى ماجا يقومني علشان أروح معاهـ ,,
بو نواف بجديه : يانواري أنـا مشغول اللحيـن ,,, عندي أشياء كثر شعر راسي لأزم أخلصهم ... ع الوحدهـ أن شالله بودج ,,, لا تخافيـن بتشوفيـنـه وتطمنيـن عليـه .. هو جذي جذاك جايج بالليل
نقزت نوره : لا لا ,, شينطرني ليـن فليل ,,, أبي أأشوفـه يبــه والله حرام عليكم .. ضميري معذبني مابرتاح ألا لما أشوفـه وأتفل بويهـا ياجزى الخرعه اللي سببهـا لي آآمس ,,, مع أنه هو الغلطان ليش يشقق دفتري ويخرب قمييصي والله ماعنـدي غيرهم لو تـدري وضـ.....
قاطعهـا بو نواف : نورهـ آنـا مشغوووول ! يلا بـآي لا رجعت يصير خير كملي لي قصـة حياتج
نوره تمد بوزهـا بزعل : زيـن باي ,,
سكرت وطالعت الساعه اللي مازالت ثابته ع الـ11 الا ربـع ,,, زفرت بقهر وهي تقول : آآففففف باقي واايييد ...
خذت تلفونهـا وأتصلت على وضحى تشكي لهـا الحال ,,
مايمديـه يكمل الرنه الا صوت وضحى : هـــــلآ وغــــلآ بالـنــووور كلـه ,,
نوره شقت الحلج : آآدري آدري يالظلمـه ..
وضحى ضحكت : هههههه محد ظلمـه غيرج ,,,
نوره تمد البوز : وضووح زعلانــه ومتضايقه وحاسـه روحي بنفجر ؟؟؟
وضحى : وي وي وي ؟؟ ليش كل هذا ؟؟؟ لهدرجة بعدي عذاب
نوره بضحكه خفيفه : ياشيـن الثقه بس !!... بس خطيبج أمـس طب بالبرجه وغرق عليـنـا ... ووديـنـاهـ المستشفـى
وضحى بجديه وخوف : غنيم ؟؟... شمنزلـه البرجه !! مااخبرهـ يحب يسبح ؟؟؟؟
نوره بخجل من نفسهـا : دزيتهـ ,,
وضحى نقزت : وي ياعللللللللللللللللللللللللج !! هبللللله أنتي ... تبي تذبحيـن الصبي
نوره : يعني شتبيني أسوي قهررررررني ,,, تعرفين الدفتر اللي كل ربعي بالثانويـه من اول ليـن ثالث كاتبيـن لي فيـه ومع المسـات " جمع مس " اللي أحبهم وأعزهم .... وكاتبـه به كل المواقف اللي صارت لي بالثانويـه من دشيتهـا ليـن طلعت منهـا ؟؟؟؟ وحاطه به صور تخرجـنـا وجذي ..... الهييييس خذاهـ ونتفـه تنتففف وحذفـه بالبررررجــــه وقسماً بالله لما شفته بغيت أنصرررررع ...
وضحى تسمعهـا بذهول : وليش كل هذا ؟؟ شمسويـه له ماكله حلالـه !!!
نوره : ركبت بطبطته وقعدت أأتمشى فيـهـا بالحوش جان يدش علي واحد من ربع نواف ومن الربكـه والأحراج ماوعيت بنفسي ألا طايرهـ فيـهـا وصااكه بالطووفــه ... أقولج خبطت خبطــه خضت مخيي
وضحى ماتت ضحك على أسلوب نوره وهي تقول لهـا السالفه : ههههههههههههـ شدعوهـ ماعمرج شفتي ريال غريب ؟
نوره : ويافيسج ,, تطنزي يعلج بموقف أخس مني زيـن .....
وضحى وهي تهدى تدريجياً : زيـن شصار عقب ؟
نوره : ولا شي ,, قام أخوي الغالي وجاااف بطبطته منخفسه من جداااام وتوعد فيني وحشررررني ...ومادري شلون وصل لدفتر وقميصي اللي عليـه صورنا
وضحى نقزت : شسوى بالقميص ,,؟؟؟؟؟
نوره : ألا قولي شـ ماسوى !! .... راح القميييص ياوضحى .. راحت ذكرياتي كلها ..... من الحرهـ دزيييته بالبرجه ولما شفته طببب تذكرت أنه مايعرف يسبح ... شنووووو مت خرررعه
وضحى : مع أأنـــه حرااام اللي سويتيـه بـــه ,, بس أحسـن يستاهـل ... لو أنا منج أسوي بـه أردى من جذي ..... وأروح أدور شي يعزهـ وأأخرربـه
نوره بسرعه : لا لا يبـه ... مافيني على أنتقاماته الخايسـه .... باجر أقووووم ألاقي قطااوهـ بغرفتي ,,, عادي ترى يسويـهـا
وضحى ضحكت : ههههههههههـ ماعندج سالفـه والله
.
.
بالمستشفـى

قاعد ع الكرسي وعيـنـه بجوالـه يلـعـب
وغـانم قاعد متملل .. يطالع أخوهـ ويلتفت ع الأجهزهـ اللي حولـه يقعد يقزهـا قز ويحفظ كل حرف مكتوب عليـهـا ويرجع يلتفت على نواف
لحد ماطفش وقال : نويف ..
نواف : هااااا !
غانم : هـوى ينفخك قول نعم ,, أنا أخوك الصغير
نواف وعينه مازالت بالجوال : أخلص شتبي ؟؟ أذا ماي ... أصبر ليـن تجي أمك وتروح تجيب لك ... عيزت وأنا رايح رااد
غانم : لو أبي مااي .. بتقوم وريلك على راسك بعد ,,
نواف رفع راسـه وطالعه بحدهـ
غانم شق الحلج بأرتباك وقال : أتغشمر شبلاك ,,, لا تحمقق !
نواف رفع واحد من حواجبه وقال : شوف لو ماتاكل تبـن وتنطم لا ألبسك الجهاز اللي وراك
غانم يسوي روحه زعل : اللحيـن لو أني ميـت آآمس بالبرجه جان اللحيـن أنت حاضر عزااي وشـغـال صيــاح .. " ينزل نظره بحظنه " وتروح تفتح غرفتي وتجابل ثيابي وتشم ريحتي الـعطرهـ
نواف قاطعه : قصدك الخايسـه !
غانم كمل ولا عليه من كلام أخوه : وتقعد تصيح وتحك ويــهـــك بزوليتي تتمـنـى تشم ريـحـة خطواتي المبجلـه .... وأذا حضرت العزى.....وجوا لك عالم تعزيك فيني .. تقوم تنسدح بنص الميلللسسسس وتنفجرر صيــآآح وتقول " قام يتكلم بلهجه مصريـه " خلااااااااااااااااص بـئـااا !! كفايييـه ...كفااايـه مش آـادر أستحمل ,, كده كفااايــه ,,,, فيييينك ياغانم ,, دي الدوونـيـا فـبـوعدك مش عوزهـا ,,,, ياخرااااااااااااشيي ياخويآآآ ,, فيييين أيامك القمييلـه ... دآ آنـا بدونك سلطه يأأحلى سلطه أكلتهـا بحياتي ... " رجع يتكلم قطري " عاد ساعتهـا تكسر خاطر أبوي ويسحبك على أقرب مستشفـى ميانيــن .." يتنهد بتمثيليـه " يافديتك يأخوي ,,, من بعدي راح تستخف
نواف طالعه بلوعة جبد وقال : يرحم أمك بس ...
غانم ألتفت عليه بحماس وقال : صج صج نواف ,, لو أني ميــت آمس شراح تسوي ؟؟ بتصييييح علي صح !!
نواف : ألا برقص رقص ماخطر ببالك حتى ,,, وبسوي حفلـه عووودهـ أحتفال بأنــك فارجتنـا ...
غانم : آفا !! .. آدري مو من قلبك ..... أنـا لو أسوي روحي ميت اللحيـن ...بتقوم تقحصصص ليـن توصل لدكاترهـ علشان يجوونــي ويشوفون شبلانـي .." ينسدح على ظهرهـ ويقول بثقه " مشكلتي أنحب !
نواف : ياواثق ,,,
غانم : وليش ماأوثق ,, وسامه وأخلاق ورجولــه وجنتل مان على أصول ..... لآزم أنحب وبقوهـ بعد ,," يطالع نواف بنفس الأبتسامه العريضـه " ... أنت تدري أأنـي معلللق السستر اللي تجي تجييك علي كل شوي .... مادري شلون بتستحمل بعدي ... " يرجع يتنهد بتمثيليـه من يديد " يلا ...!! هذي الدنيـا ...! كل يوم نقابل ناس ونحبهم ونضطر نفارقهم ... عاد أذا شفتهـا سوت عرررس بمناحتهـا لما أجي أطلع ... بقط عليهـا رقمي السبيشللل كصدقـه ..!!
نواف كان يطالعه بنظرات تحسونه ودهـ يقوم يسكت هالأدمي بأي طريقــه ,,, رجع طالع جواله وهو يستغفر ...
عم الـهـدوء ع المكان من يديد
نطق غانم وهو يقول بعد ماتملل من هالصمت : ياااأأخي ليش ماتقووم تطسسس وتخلي أمي وأبوي يجووون ع الأقل بيسولفون معاي ,,,, مب يتصدقون علي بالكلمه ..
نواف : لو بطس ,, بطس بكييفي ... " من قلبـه قال " ودي لو مرهـ وحدهـ بس .... تسكت خمس دقايق على بعضهـا ... لسانك هذا مايتعب من كثر الحجي .. ؟؟
غانم : وشحارق دمك ...؟؟ لساني وأأنـا حرررر ...!! بعديـن هذا يسمونـه تمررريـن للسااان علشان يقوآ .. " يأشر لـه بيده " شوف لسانك أنت شلوون طااب على صدرررك لأنك مااااتمرنه
نواف يدور شي حولـه علشان يحذفه عليـه ولقط قلاص ماي بلاستك فاضي وفرره على غااااانم : كللللللللل تبـن زييـن ,, شقالولك جلللب !
غانم بأسلوب يستفز ويقهر بعد ماتفادى القلاص : لا لا حراااام تمدح نفسك جذي !
.
.
طلـعـت من الحمام الله يعزكم بعد ماسندرتهـا بنتهـا من شوي
نشفـت شعرهـا بالفوطهـ ولما جف خذت لهـأ ربطـه ولفت شعرهـا بأهمال وطلعت تشوف شغلهـا مع نوره
دورتهـا فوق لحد ماوصلت لغرفتها فتحتهـا ودشت جافتهـا تتكلم بالتلفون وميته ضحك .. أشرت لها أنهـا تبيـها
نوره : ههههـ زيـن زيـن ,, جوفي بسكر اللحيـن أمي تبيـني .... وبتصلج بعديـن .. بس مو تنسيــن باجر راح تجينـا ... ولـه خطيبج بيزعل ههه
وضحى : آن شالللله ,, كم غنووم عندنا ...
نوره ببتسامه : يلا باي
وضحى : باي

آم نواف وهي تتخصر : كم مرهـ قايله لج ماتجين تحنيـن على راسي لما أكون بالحمام ؟؟؟
نوره : شسوي ,, أبي أروح لأخوي حبيبي بعد جبدي ومحد معبرني ... لو أنج دااقـه على زوجج العزيز جان هد اللي بيدهـ وجا ,, بس ليش أني أنا اللي داقه عليـه قال لي ع الوحدهـ بيجكم
أم نواف : المهم كلام الـنـص كم هذا خليـه لج .. بدلتي لأختج ؟
نوره تنفخ من قلبها : لا ,,,
أم نواف : شتنطريـن ؟؟؟؟
نوره قامت وقفت وهي طايفه أمها : زييـن خلاص لا تعصبيييـن .. بروح أبدل لهـا اللحيــن ... آآآف متى يجي فارس الأحلام وياخذني من هالعيشه القرف اللي كلهـا شغل بشغل ...... مااادري ليش ماتجيبيــن خداامه وترحميني
آم نواف : بيتي مايدشونه خدم ,,, زيـن مني راضيه بالدريول ... هذا اللي ناقص ..! أقعد أنا وبنتي نربي شحوم ولحووم والخدامه قايمه بشغل البيت .. ليـن تحلـى بعيـن أبوج وياخذهـا علي
نوره اللي وصلت لباب الغرفه : هذا اللي مخرعج أنتي ,,, ترى حلاته تكون معاج شريجه تسليييـج لا كان زوجج المصون محـــد ,,
أم نواف : عطيني مقفاااج بالزيــن ,,!! لا تزوجتي وخذآآ ريلج عليج وحدهـ .. عرفي ساعتهـا التسليـه على أصولهـا
نوره تطالع أمها وتحرك لها حواجبها : مايقدررر ,,, بخليه خاااتم بصبعي أقول لـه يمين يروح يميـن أقول له يسار يروح يسار ,,, ولو أقولـه طب من فوق جسررر يطب وهو مغمض بعد ...
أم نواف : عيل الله يخلف على العيال اللي هالمخدي أبوهم ,,, روحي بس روحي الله يكملج بعقلج
راحت نوره تاركه وراهـا صوت ضحكتهـا ,,,
وسيده لغرفـة أختهـا اللي كانت قاعدهـ فوق سريرهـا وتلعب بلعبتهـا اللي جابهـا لهـا أبوهـا
فتحت كبتهـا وهي تقول : شنلبسج ...؟؟؟؟ ممممممم " قعدت تنقل نظرهـا بيـن الثياب وبعد تفكير سحبت فستان يوصل لتحت الركبه بشوي لونـه فوشي وألتفتت على أختهـا وهي تقول " يلا أأمشي خل أبدلج
ريم قامت وراحت صوب أختهـا علشان تبــدل لــهـا ,,, وبــعــد عذاااب وهي تحاول تخلي ريم ترفع ريلهـا اللي مثبتتهـا بالأرض قــدرت تبدل لـهـا ,,,

مـــر الـوقــت وكلـهـم أجـهـزوا وقـعـدوا ينـطرون بو نواف اللي عطاهم خبر أنه قررريب وآول ماوصل طلعوا لــه متجهيــن للمستشفـى
نوره بحماس : يبـه شفته ؟؟
بو نواف : لا ماشفته ... أخووج شاافــه ..
نوره : يعني هو بخير !!!
بو نواف : لو مب بخير جان ماقالوا بيرخصونه بالليل
نوره ببتسامه نابعه من قلبها : والله البيت بدونه مالـه طعم ...
أم نواف : آي والله صاجـه ... على كثر شطانته على كثر ماهو مسوي جوو فضييع بالبيـت .. " توجه الكلام لنوره " لو صار به شي جان ذبحتج
نوره : مـاتقدريـن باباتي ماراح يخليج ,,,
بو نواف : آآي ,, هذي الغاللييييـه ماأرضـى عليـهـا ترى ,,
أم نواف : ووووي ... لا يطيح نصك بس
نوره ماتت ضحك : هههههههههه وي يبـه آمي تغااااار
بو نواف يشاركهـا الضحك : أأجووووف ويـهـا أنقلب لونـه
طبعا أم نواف ماأنقلب لونهـا ولا شي بس فايز وبنته يبون ينرفزونهـا صدت عنهم وهي تقول : ماأخذ على عقلكم آنـا ,,
نوره : آفاا يبـه تغلط عليك وأنت ساكت ...
بو نواف : خل تغلط ... حلال عليـهـا
نوره : أشوفك قلبت علي ... زيـن هيـن حسابك لما نرجع البيت
هالمرهـ ضحكت آم نواف على كلام بنتهـا ,, وبو نواف أكتفى بالأبتسامه العريضـه ,,

وصلوا المستشفى وبالموت لقوا موقف ,,
نــزلوا ودشوا المستشفـى ونوره سابقتهم ...
عاد أم نواف مرت على محل الورد والكوافي ألا تشتري سلة كافي لغانم
جـنـها جايـه زيارهـ لواحد غررريب ,,, مب جنه هالسله مردهـا بتجي البيت اليوم بالليل وبيقضون عليهـا كلهم ,,
ولا والبـلا أبوهـا شارك أمهـا الفكره ووقفوا جدام المحل يشوفون شنو آحسـن شي عندهم ,,
نوره بطفششش : يلا عاااااد ترى والله مالهـ دااعي ,,,
أم نواف : لـه داعي ونص ,,دام أخوج مرقد عندهم ,,, خل ندلـعـه ..
نوره تستنجد بأبوهـا : يبببببـه !!
بو نواف : اللي قالته أمج هو اللي بيتنفذ ..
نوره بزهق : تدرون شلون خلكم أنتوا هني وآنـا بروح لغنوووم لا خلصتوا تعالوا .. تعرفون رقم الغرفـه ,,
تـركتـهم وهـي متجهه لداخل المستشفــى ,, دشت الأصنصيير وضغطت على رقم الطابق اللي موجود فيـه غانم
وهي قاعدهـ تخطط ببالهـا شلون بدش عليــه ,,,,
لحد ماوصلت ... طلعت وهي تقرى أرقاام الغرف غرفه غرفه ,, لــحــد ماوصلت لغرفـة غـانم
زاادت خطواتهـا وفتحت البــاب شوي شوي ,, ولـقـت نواف واقف جداام الـستـارهـ اللي وراهـا غانم ... بس معطيهـا ظهرهـ ولا وكااشخ بغتره وعقــال بعد ,,, مادري حق من ..!! كل هـاي حب بغـنـوووم ,,
أبتسمت ورااحت وراهـ وطوقـة ذراعه وهي تقول : أنــآآآ جييييييت
ألتفت عليـها وأنصعقت أنه مب نواف ... تركته بسرعه وأبتـعـدت
أنربط لسانهـا وماقدرت تنطق بولا حرررررف ,,,
الـشـاب بستغراب : خيرر ؟
نوره الكلام مب راضي يطلع وعينها متعلقه بعينه : آآ..!!....آآآآآ !!!
الشاب طالعها من فوق لتحت بنظرات تشبـه الأحتقار وفتح الستاره وهو يقول : نواف أنـا رايح ,,
شوي ألا نواف طالع : لحظة خل أوصـ......" شاف نوره وقال بغرابه شديده " شتسويـن هني ,,
نوره طالعته بدون ماترد أصلا ماتقدر ترد ,,, ولمح بعينهـا دموووع
نواف مسكهـا من معصمهـا ودخلهـا عند غانم ... حســت أنه راح يفصل معصمهـا من قوة ضغطـه عليـه ,, عطاهـا نظره توعد ,, وطلع لـرفيجـه ,,
بينما هي واقفه بمكانها ماتحركت شبــر
غانم بستغراب من شكلها : شبلااج ؟؟.. لا تصيحيـن آنـا بخير ..آآنـا بخيييرر !!
نوره تغطي حلجهـا بيدهـا وعيونهـا غرقانه دموع لو ترمش رمشه وحدهـ بس بتصيح : ياويلي !
غانم بتسائل : شفيييج !! شكلي يخررع لهدرجه ؟
نوره بصوت جاي من بئر : بيذبحني نواااف ,,
غانم : ليش شمهببه ...
نوره نزلت دموعهـا على خدهـا وقعدت على الكرسي الموجود وراهـا ,,,,,,

بينما عند نواف
كـان منحررج من منظر أخته اللي واقفه تطالع زايد ولا نزلت نظرهـا ,,, ومايدري شبلاهـ زايد تعكر مزااجــه ؟!! .. رغم أنه لما جالـه أتصال وطلع يرد عليـه كان أحلى منه مافيـه ,,
وصلـه لعند الأصنصير وهو يقول : مع السلامه ,,,
زايد مارد عليـه أكتفـى بأنه يطالعه بنظره ماقدر يستشف منهـا المـعنـى وضغط ع الزر وثواني ألا هو فاتح دش وسكر الأصنصير بوي نواف
" هذي نفسهـا اللي جفتهـا ذاك اليوم بحوشهم ؟؟.. شكلهـا منتهييييـه وماتعرف الأأأأدب .. آآكييد بتطلع بهلـ الأخلاق الزفته دااام فيوز أبوهــا .... ( يلمس ذراعه مكان ماطوقته ) الله يقرفج ياشيخ
مادري هي متعمدهـ ولــه بدون قصصصد !!!.. رغم أنه نظراتهـا تقول آنـهـا مب قاصدهـ ؟؟... "
أنفتح الأصنصير جا بيطلع ألا بفـايز ومرته بويهـا ومعاهم بنوته صغيره ,,, وهو صج صج مزااجه متعكر والسبه الموقف السخيف اللي صادهـ من شوي,,, اللحيـن شلون بيقدر يبتسم بـ ويه فايز ؟ ...
طالعه وقال بدون لا يبتسم : هلا ....." بالغصب قال " عمي !
بو نواف اللي أنصدم لما شافه قال : هلا زايد ,,
زايد طالعه وطالع مرته وطلــع بدون لا يقول حتى مع السلامه
.
.
.
رجع نواف لغرفـة أخوهـ وهو معصب دش الغرفـه وأزاح الستارهـ وشاف نورهـ قاعدهـ تصيح قال بغضب : شعندج واقفه معاه ؟؟
نوره طالعته وقالت بصوت مخنوق : والله عبالي أنتـآآ
نواف : ياسبحان الله لهدرجـه شيفنا تتشابـه ؟؟
نوره وهي مازالت تصيح : ماجفت ويهـا ,, كان معطيني ظهرهـ لما جييت و....." سكتت ..!! لو درى أشسوت بينحرهـا "
نواف رفع واحد من حواجبه بغضب ممتزج بتسائل : و شنو ؟
نوره تغطي ويهـا وتكمل صياح : والله عبالي آنتا ,,
غانم دش بالسالفه : نواف خلاص ,, تراك مكبر الموضوع على شي تافه .. شفيهـا لو جاافـهـا يعني ؟
نواف طالعه بقـهـر ورد النظره لنوره ,, وسحب لـه كرسي وقـعـد وهو عيـنـه بتاكل آخته اللي أبتـدت تهدى تدريجياً

.
.

عـنـد وضـحـى
كانت منسدحه على سريرهـا بغرفتهـا والجوال بيدهـا ,, طرشت المسج من الصبح وللحيـن ماوصلهـا الرد
" معقولـة ماجافـه ؟؟.. ولـه يمكن جافـه بس حقرني !!! عاد صج صج أنا اللي بتفشل ,, هو الغلطان وأنا اللي قاعدهـ ألاحقـه ؟؟؟ لا لا يمكن راقد للحيــن ( بسرعه طردت هالفكره من بالها ) شدخل راقد ... عمرهـ ماطول بالرقاد هالكثر ,,, آآكييد قرى المسج !! بس ليش مارد ولا أتصــل ,,,؟...( بعد تفكير قصيير قعدت على حيلهـا وقالت ) خــل أتصل آن شالله يرد !! "
أتصلت عليــه رن شوي بـعـدهـا تسكر بويـهـا ..
أنصـــدمـــت!!!
عمرهـ راشد ماسواهـا ؟؟؟؟؟
عمرهـ ماسكر التلفون بويهـا حتى لو كان معصب عليهـا وودهـ يذبحهـا !
معقولـه قاعد ينفذ الكلام اللي قالته لـه آآآآمس ؟
شدعوهـ مااصدق تقول لـه هالكلام علشان يبتـعــد ,,!!!
جــآآت بتتصل من يديد لــكــن وصلهـا مســـج
فتحـته وكان من راشد

" لا تتصليــن مرهـ ثاانيه لو سمحتي ! "

أرتخت ملامحهـا من قوة الصدمه !
مــعــقـــووولـة راااشد يقول هالكلام ؟؟؟؟؟؟
مـعــقــووولـــة ,,؟؟؟




نـهـايـة الـبـآرت التـاسع

Prt " 10"

دخلوا الـغـرفـه على غـانم وراحت ريم ركض لـه ونطت فوقـه ع السرير وحظنـتـه بقوه وهي تقول بونـاسـه : غــــــــــنــــــــــــــــــــــوم !!
غانم ببتسامه عريضه : يااااااااااهلاااااااااا !
أم نواف بحب وهي تبوس راس ولدها : حمدالله على سلامتك يــبــه ,,, خرعتنا عليك
غانم : الله يسلمج
دش بو نواف وهو ساحب معاهـ كرسيـن وحطهم واحد لـه وواحد لمرته : هاا شلــونك اللحيـن ,,؟
غانم : بخير ,,,,! يبــه قول لهم يرخصوني اللحيـن ... مالـه داعي أقعد ليــن بالليل .. وراي شغل أنـا
بو نواف : يبون يطمنون عليييك ... أصبر شوووي ,, وبعديـن شهلـ شغل اللي ينطرك أن شالله ؟؟
غانم : سوالف مراهقيـن ماتفهم فيـهـا أنــت ,,
بو نواف يطالعه بنص عيـن : مراهقيـن ها !! .." يطالع نوره " كاهـو أخوج اللي حاشرتنا عليـه بالبييــت .. أرتحتي اللحيـن
نوره أبتسمت بس بدون ماترد ,, لأنــه قبل لا يدخلون كانت متوقفـه عن الصياح وبايـن على ملامحهـا هالشي
بو نواف بستغراب بعد ماأنتبه على ملامحها : شبــلآج ؟؟
نوره ترقع الموضوع : لا ,, بس ,,, مستانسـه بشوفـة غـانم
غانم يشاركها الترقيع رغم أنه عارف أنــهـا ماتصيح عليـه : ماشفتهـا يبـه أول مادخلت ,, عفستنا ... وطااحت فيني تبووووس حسستني أنـي وااحد مهم بالمجتمع
أم نواف تضحك : ههههههـ بعد أخووهـا ماتبيهـا تخاف عليك وتحاتيك ,, " تحط يدهـا على فخذ نوره " هذي القلب الحنون عليكم
غانم : أقول لحد يصدق عمرهـ بس !!!.... تراهـا ماتصدق حد يمدحهـا ! باجر يكبر راسها علينـا ,,؟؟؟
بو نواف : خل يكبر ! مـن حقـهـا ,,,
غانم : ولييييه ؟؟ هذا اللي يبيني أزعـــــل ! تدرون شلون لا ترخصوني بتم هنـي ,,, خل نوره تنفعكم
أم نواف : مب على كيفك ,, بتــرجع مـعـانا أن شالله وبتملي البيت لنا من يديد
غانم يطالع أظافرهـ ويتصنع اللامبالاه : مم ! ,,, أفــكــر !!!
ريم بدلع وهي مازالت لازقه فيه : عشاني ,,!
غانم طالعها ورجع صد عنها : مابي ,,, خلاص أنـا بجيب ثيابي وأغراضي كلهـا وبتم طول عمري هـنـي
ريم فتحت عينها على وسعهـا ومدت بوزها ببرائه : ماتبيني ؟؟
غانم وهو مازال صاد عنها : مـاأبييييج ,, أنتي أذيييـه كلـه تــشربيـن عصيييري وتلعبيـن بالسوني مالتي
ريم وهي شوي وتصيح : مابلعب فيها خلاص .." بتسائل " بتجي ؟؟
غانم طالعهـا ورجع صد من يديد : لا ! .." يكلم أبوه " شوف يبـه من باجر تجهزون شنطتي وتطرشونهـا مع السايق.... وجيبوا لي السوني والقيم بوي ولا تنسون جبس ليز العائلي ,,, " يطالع ريم ويوجه الكلام لأمه وأبوه " وريم لا تجي معاكم حبسوهـا بالغرفـة الظلمه اللي بالحوووش
ريم نقزت من الخرعه وفتحت حلجها وصاحت بأعلى صوتهـا وهي تقول : لا !!!!!!!!!
أم نواف قامت لبنتهـا وشالتهـا لصدرهـا وهي تقول بعتب لغانم : غنيييييم !! عن هالحجيي الماصصصخ .... كم مرهـ قايله لك لا تجييب طاري هالغرفـه لـهـا ,,
غانم مات من الضحك على شكلهـا ,,
وريم مندعسه بصدر أمهـا وتصيييح ...

.
.

" لا تتصليــن مرهـ ثاانيه لو سمحتي ! "

أرتخت ملامحهـا من قوة الصدمه !
مــعــقـــووولـة راااشد يقول هالكلام ؟؟؟؟؟؟
مـعــقــووولـــة ,,؟؟؟
مب قادره تستوعب أنه هالمسج اللي جالـهـا اللحيـن من راشد !!
المشكله الرقم رقمه ؟؟
ماتدري كم دقيقه تمت تطالع الجوال بصدمه وتحاول ماتصدق اللي قرتـه لحد ماأهتز الجوال بيدهـا
وبنـفس نغمة الرنين المميزه " رشودي يتصل بك "
ردت بسرعه وهي خانقتها العبره توها بتنطق ألا يجيلهـا صوت
مب صوت راشد !
هـيـا : أنتي شتبيـن بالضبط ؟
وضحى مب قادرهـ تميز الصوت بسبب الصدمه اللي دشت فيها من شوي قالت بصوت واطي جداً : ألو ؟؟.. من معاي !
هيا اللي كانت تتكلم بصوت واطي باين الغضب فيه : أكيد ماتوقعتي أرد عليج آنـا ,,!!
وضحى بتسائل : هيا ؟
هيا : آآيــه هيــا ,, ليش قاعدهـ تطرشيـن مسجات وتتصليـن كل شوي ....!! مب أنتي طلعتيـه من حياتج ؟؟ خلاااص عيل طلعي من حياتنا أنتي بعد
وضحى أنحرجت من عمرهـا : هـيـا آنـا ....
قاطعتهـا هيا : أنتي شنو ؟؟ أنتي وحدهـ ماتخاف ربـهـا ... دمرتي حياتي طول هالمدهـ وودج تدمرينهـا زيــاادهـ ....
وضحى ترجع خصلها لورى : والله ماقصدت ..
هيا : مب شغلي أذا قصدتي ولـه لا ,,, المهم عندي اللحيـن تبعديـن عن ريــلي .... راشد ريال متزوووج وعـنـده عـيـال خلاص شيليـه من بالج وأذا ودج تتزوجيــن الله مكثر الشباب بالدوووحه !! شنو مافي غير ريلي ؟؟؟؟
كلام هيا كان قوي على وضحى اللي قالت : علاقتي مع راشد ماتتعدى حدود الأخوهـ ,,, ومافي أي شي من اللي ببالج ؟
هيا بستهزاء : والله ؟ تبيـني أصدق هالكلمتيــن !!! أخووهـ ومطرشته مسسج شوق ؟؟ عيل لو اللي بينكم أكثر من الأأخوهـ شكنتي راح تطرشيــن ..!!
وضحى غمضت عينها بقوه من قوة الأاحراج والموقف السخيف اللي حطت روحها فيه : هالمسجات نطرشهـا بيـن بعضنا حتى قبل لا تتزوجون .. وماقصدت من المسج شي !!! وماأظن هالشي غلط ؟؟؟
هيا بأنفعال : أنتي كلج غلط بغلط ,, رقم راشد اللي مخزن عندج بحد ذاته أكبر غلللللط ..,, شوفي يابنت الـنــاس .... ريلي أبعدي عنه .. ماراح أفرط فيه من يديد وبالسـاهـل ,, ومثل ماقلت لج ... لو هالحركات اللي قاعدهـ تسوينهـا القصد منهـا أنه يتزووجج ترى الدوحه مليانــه شباب روحي نقي لج واااحد غير راشد ,,, " بجديه ونبرة تملـك" راشد لي أنـا وبس !!! وماراح أسمح لج تاخذنه مني من يديد
قالت وضحى وهي تتصنع الثبات : راشد يدري أنج تكلميني ؟
هيا : وأذا مايدري ؟!! لآزم أخذ أذنـه قبل لا أأداافـع عن شي ملكي وخاص فيني ؟؟؟ ,, أذا راح تتصليـن لـه بعد شوي وتتشكيـن عندهـ عاادي أتصلي .. أدري هالشي عادي عندج ومثل شربـة المــآآي
تدريـن ليش ! لأنج قبل هالمرهـ خربتي بيتي وخليتيه يضربني ,,, عادي تخربيـنـه من يديد وتـخليـنـه يطلقني وهو مغمض ويجي لـج ركـ........
وضحى حست بأهانه كبيره ,, كلام هـيـا حسسـهـا أنـه ولا شي !! قاطعتهـا حتى قبل لا تكمل كلامها وقالت بحزم : هياا!!,, خلااااص عاد ! ترى الكلام اللي قلتيــه أوفرر !,,, تبيني أطلع من حياته بطلع .. وأبشرج حتى رقمه راح آمسـحه من جوالي أذا تبيــن ....وماله داعي هالأسلوب
هيا : يكون آحســن ,,, ع الأقل تسويــن خييييييرر بحياااتج ...
وضحى : ماتوقعتج جذي !!
هيا : أنتي اللي حديتيني أتكلم معاج بهلـ الأسلووووب ,,, أنـا طيبـه صح بس لا زادت الأأمور عن حدهـا مستحيل أسكت .. ع العموم الكلام اللي بغيته يوصلج وصل ..... وياليتج تكونيـن عند كلمتج وتنسيـن راشد !!!! بـآي !
سكرت الخط بوي وضحى حتى قبل لا ترد عليـهـا

كل كلمة قالتهـأ هيـا ماتنلام فيـهـا ,, من حقهـا تحااول بكل الطرق أنـهـا تحافظ على ريـلـهـا وبيتهـأ وحياتهـا !!
بس وضحى شذنبهـا أذا قلبـهـا متعلق بواااحد من صغرتهـا معاهـا
وأقرب لهـأ من قرب ثيـابهـا اللي عليـهـا ,,!!!!!
وااحد عيشهـا فوق سحابـه ورديـــه
وبنالهـا قــصـــور من الوعود
" لما نكبر راح أسوي لج ,, راح أفعل لج ,, راح أخليج ,, راح أوديج ,, راح أجييبج ,,, راح ,, وراح ,, وراح ,, أألـــخ "
و ولا واحد من هالوعود تنفذ فيـهــم
ليش !
لآنه مستواهـ أقل من مستواهـا ,,,,,
ولآزم يكون نفسهـا أو أعلى علشــان ياخذهـا
الظروف فرقتهم وخلـت راشد يتزوج
ماتدرون شكثر غــآآآآرررررت من هـيـا بليلـة عرس راشد اللي حضرته مثل باقي المعازيم
كان المفروض تكون هـي مكانهـا ,,,, !!
لكــن آبوهـا !!!!
الشي الوحيد اللي كان مخليهـا تعيش كل لحظة بلحظتـهـا أنه راشد ماتركهـا وأبـتـعــد بعد ماتزوج .. بالعكس زادت قوة علاقتهم ببعض بعد زواجـه
والأهــم ... آنــه بعد ماأولدت هـيـا التوم وأهملت نفسـهـا ,, صــار راشد دوم يقارن بيـنـهـا وبيـن حبه الأولي !
كانت تطير من الوناسـه بينهـا وبيـن نفسهـا لا حست أنه راشد يفضلهـا على زوجتــه
كانت تحس أنه مكانهـا مازال محفوظ بقلبــه
ومازال يحبهـا مثل أول وأكثرر ..
بـــس عــقــب هالمكالمه ,, حســت روحهـا أنانيـه
طول هالفتره كانت تفكر بعمرها وبس
مافكرت بهيـــا اللي تتعذب مليون مرهـ والسبه أنه ريلهـا يحب غيرهـا
ويقارنهـا بغيرهـا
ويفضل غيرهـا عليهـا ,,,
كانت متربعه فوق عرش الأنانيـه ومب قادرهـ تشوف اللي سببته
بدون قصد
وبدون ذنب ؟؟

كل ذنبهـا
أنـهـا حبت فـ يوم !
وتعلقت بالأنسـان اللي حسسهـا أنـها أنسانه
لهـا مشاعر
وعواطف
وأحاسيــس

ذنبهـا الوحييد
أنـهـا تعلقت بشخص ملئ جزء كبير من حياتهـا بعد غياب دور أمهـا وأبوهـا
واللحيـن غصباً عنهـا راح تتركهـ وراهـا
والمفروض ماتلتفت كلللللش
المفروض تطوي هالصفحه اللي على كل سطورهـا متربع أسم راشد !
بس شلون بتطويهـا ,,
وهي لو تنطر 5 دقايق بعد
راح يصرخ قلبهـا شوووووووق لراشد
لبحـة صوته
لضحكته
لصراخه
لعصبيته
لكل حرف ينطق بـــه ,,
شلون بتنساهـ وهي مب قادرهـ حتى تتناسـاهـ ,,,,,,,!!

وسط هالصراع اللي كانت عايشـه فيــه والدموع اللي بللت خدهـا على ذكريات أليمـه
نـطت ببالهـا فكرة مجنونه ,,
فكرة متهـورهـ
ومتسرعه
قامت من مكانهـا وتركت جوالهـا ع السرير مسحت دموعهـا بسرعه ولما جف خدهـا
طلعت من غرفتهـا ومن جناحهـا كلـه وأبـتــدت تدور على آمـهـا بالبيــت ,,,
" يــآآرب ألقـاهـا ,,, يارب ماتكون طلعت "
عفست عليهـا البيت كلــه ...
لحد مالقتهـا آخر شي بالصاله تلف شيلـتهـا عــدل شكلهـا بتطلع
نزلت من الدري بسرعه وهي تناديهـا بصوت مسموع
ألتفتت أمهـا لهـا وصدت عنـهـا يعني أنهـأ معـصـبــه
كـمــلـت مشيـهـا وصلت لباب الصاله توهـا بتطلع ألا يد وضحى اللي تعلقت بذارعهـأ وقفتهـا
ألتفتت عليـهـا ,,, وسمعتهـا تقول بدون مقدمات : موافقـه أتزوج خالد ..!
ألتفتت عليها أمهـا بجسدها كامل: نعم ؟
وضحى : خالد ! ولد أم خالد موافقـه عليــه ...
أم وضحى ماتغير شي بملامحها : توج مفتكرهـ توافقيـن عليه !!! دورت لـه أم خالد على وحدهـ ثانيــه واليوم راحوا أخطبوهـا ... خلج أنتي على عـنــادج ,,
وضحى أنصدمت : خطب !
أم وضحى : لا يـنـطــرج !! " عطتهـا نظرات وهـي طالعه من الفله ومسكرهـ وراهـا البـاب "
ومسكره معاهـا بــآآب كان ممكن يطلعهـا من اللي فيـهـ وينسيهـا راشد !
.
.

مايدري كم ســاعه تم يدور بس اللي متأكد منه أنه اللي صار له بالمستشفـى مع بنت فايز ,, مب قادر يشيله من بـالــه
لا تفهمون غلط ! مب قاعد يفكر فيـهـا ولـه يحاول يتذكر جمالهـا الطاغي وغيرهـ من هالخرابيط
كل اللي قاعد يفكر بـه.. شلون تجرأت ولمستـه ,,, وهو حتى لمسـت أبوهـا مايواطنهـا .. حس بقرفـ معتري جسمه كلــه
مايدري ليش
الظـاهـر كرهه لفايز خلاهـ ينقرف من كل شي يجيـه من صوبـه !!
رن جوالـه ,, خذاهـ ورد بدون تفكير : ألو
ام زايد : زايد ؟؟؟ ويــنــك فييييـه ! شفيك تأخرت
زايد بستغراب : هلا يمــه ,, موجود ... قاعد أتمشى شوي بالسياره
أم زايد بأنفعال : تتمشى ؟؟؟.. والملجه ! متى ناوي تجي أن شالله خالك وبنته بالطررريج
زايد طق يبهته علامه على أنه توهـ متذكر : يووووووووه! نسيييييت
أم زايد : شتبيني أقول لك ,, نسااااااك الهم قول أمييـن .... تعال بسرعه ,, لا تفشلني مع خالك
زايد وهو ياخذ الشارع اللي يوصله لبيتهم : أووكي مسـافـة الطريج بس ....
أم زايد : بسرعه ,, علشان نروح المحكــمـه !
زايد : آن شااللله ,,

سكر من أمه وهو يقول : ولييييه أنا شلون نسيييييت !!..
زاد السرعه علشان يوصل بســرعــه ومثل ماقال مسافـة الطريج وصف سيارته داخل البيـت ,,
نزل منهـا وأتجه لباب الصاله
فتح البـاب ودش وعلى دخلته ألا أمه طالعه بويهه : شررفت ! ,, بسرعه أشوف روح خذ لك شور سرريع وألبس ثوبك اليديد وماأوصيييك تـ...
زايد بسرعه : ماخذ شور قبل لا أطلـع ,,, وثيابي اللحيـن أووكي !!
حس ملامح أمه ماتبشر بخير وقالت : مو كفايـة ماراح نسوي لهـا حفلــه ... بعد تبي تطلع لها مبهدل جذي !!!!... صل ع النبي بس
زايد : عليه الصلاة والسلام .... والله شكلي أوكيييـه مب لآزززم ..
أم زايد تمسكه من ذراعه وتمشي فيه لين الدري : أقووول آمش ,,, معررس ويبي يروووح بثووووب قديييم ...
زايد : زيـن شدراهـا انه قديييم !
أم زايد وصلته لعند الدري وقالت بحزم : بسرررعه أشووف .. تراهم من مساع طالعيـن من البيــت !!
زايد زفررر بصوت مسموع وركب الدري متجهه لغرفته ,,,
" آآنـا شلي بهلـ زووااااج .. يجيني شور أنزل لهـا اللحيـن وأقول خلاص شطبنا مانبي نتزووج !!! "
فتح غرفته ودش لقـى ثوبـه اليديد مكوي ومحطوط على سريرهـ مع غترته اليديده أبتسم على جنب لهلـ منظر : مايفوتهـا شي !!
دش الحمام وانتوا بكرامه أخذ له دش سريــع وهو باله مشغولـه بالمصيبه اللي دخل روحه فيـهـا
أول ماخلص طلع ولبس ثوبــه ... وهو يسكر أزرته قــدر يستنشق ريحـة البـخــور اللي طالعه منــه ,, شكلهـا آمـه مبخره ثوبـه وغترته بعد !!!
شوي ألا صوت باب الغرفه ينطق بسرعه ,,
راح فتح الباب وهو للحيـن ماكمل تسكير الازرهـ حتى وشعرهـ معتفس تنظيمـه بطريقـه حلوه
أم زايد بسرعه : أخلص بسررررررررعه !! وصلوا !
زايد : زيــن خلاص بخلص اللحيـن ,,
أم زايد : أستعجل ! ,,
تركته ونزلت تحت من يديد
كان يحسهـا متحمسه حمااس مب طبيعي اللي يشوفهـا يقول هي اللي بتتزوووج مب جنهـا أم المعرس !! بينما المعرس الصجي أبرد من برود أعصابه مافيييـه
رجع وقف جدام المنظره سكر ازرته وسحب الغتره ولبســهـا ,, وبعـد ماضبطهـا ..
رش لـه كم رشـة عطر وسحب السويج وجوالـه وحطهم بمخـبــاهـ ,,
طلـع من غرفته ولقـى أمه رايحه راده بعبايتهـا وشيلتهـا ونقابهـا ,, تنطرهـ ينزل !
زايد : والله لو انج المعرس ماسويتي جذي
أم زايد : والله لآني أشوف المعرس بـــآآآآرد ويتحرك على مهله سويت جذي !!! ولو ماأستعجلته جااااان نقعنا خالك برى أزيد من ماهو متنقع اللحيـن !
زايد : زيـن ليش ماينزل ,, مشـتـاق لــه !
أم زايد فـهـمـت قصـده غلط عبالهـا يقصد من كلامه آمنه عطتـه نظره فهم معناهـا وتوهـ يبي يصحح أعتقادهـا شافهـا طالعه من باب الصالـه
زايد وهو يلحقهـا قال بصوت هامس جداً بالزور ينسمع : آستغفر الله العظيم !
قـدر يشوف من باب الحوش الكبير المفتووح سيـارة خالــه ويلمح أحذاهـ آمنه قـاعدهـ ,, وكانت متغشييـه مايبيـن منهـا ولا شي
زايد بستغراب قال بقلبه " من متى تتغشى الأخت !!"
ركب سيارته وركبت أمه وطلعوا من البيت متجهيـن للمحـكـمــه مع خالــه

فـ الطريج

زايد لأمه : أقول يـمـه ,,
أم زايد : تــدلل !
زايد طالعها وقال ببتسامه : أجوفج راضيه علي اليوم ,,؟
أم زايد : ومن متى ماكنت راضيه عليييك ...
زايد يطالع الطريج جدامه : دوم أن شالله هالرضـى ,,, يمه ماتحسيـن أنـهـا مب حلوهـ بحق أمنه مانسوي لهـا حفلة ملجه ولا شي !!! يعني اللي أعرفه أنه كل بنت بعمرهـا تحب تتذكر كل لحـظـة صارت لهـا قبل زواجهـا من خطوبتهـا ليـن العرس ,,
أم زايد : آآدري يايبــه ,,, وآمـنـه مقدرهـ الظرروف وتدري أنه توني طالعه من العده وماأبي أنـسوي طقطقه وحفلات وأغاني ,,, آن شالله بالـعــرس بـنـعـوضـهــا ..
زايد : متأكده أنهـا ماتبي تسوي ملجه !! تــرى نـقــدر نأجلها شهريـن ثلاث ...
أم زايد : البنت راضيه أنت شعندك تبي تأجل !!!!
زايد بأرتباك أخفاهـ : لا شدخل !! بس كنت مستغرب من الوضع شوي ,,
آم زايد : آمنه قنوعه ,,, ومقـدرهـ الوضع .... " ببتسامه حلوه " من جذي تمنيتهـا لك ..
زايد وهو يطلع جواله : خل أتصل على فهوود علشان يجي هو وأخوووهـ ... مب يوهقووني !!
أم زايد : ليش أنت ماأكــدت عليـه ...
زايد يطالعهـا : قلت لـه .. بس خوفي يكون نســى !!
أم زايد : وهذا شي ينسـى بالله ؟ عبالك الخلق مثلك !!!
ماعلق ولا رد على آمه لآنـه أبـتـدى يــسمع الرنيـن
رن شوي بعدهـا رد عليـه فـهـد .. وعقب السلامات ..أكد عليـه علشان يجي المحكمه هو وأخووهـ لآنهم الشـهـوود
ولما ظـمـن جـيـتــه سـكـر من عنــده وألتزم الصــمــت
مايدري ,, حاس أنــه كل شي صــآر بسرعه ,,,,,
حاس روحه مااخذ وقت يفكر فيييـه بالموضوع جد
يمكن تكون الفتره اللي راحت طويلـه بس هو من كثر أنشغال بالـه ماحس فيهـا !!!!
الله أعلم !
كل اللي عارفه اللحيـن ,, انـه بعد أقل من ساعه راح تكون آمنه زوجته ...!!
وخايف لا يظلمهـا معاهـ ,,,,
.
.

دشوا البيـت بصحبـة غـانم اللي حاس روحه طالع من ســجـن !
توزعوا بالبيــت وراحت نوره على طول غرفتهـا سكرت البـاب وخذت لهـا زاويـه بالسريرهـ وقــعــدت تسترجع الموقف اللي صادهـا بالمستشفــى
وتسترجع غضب نواف اللي طول الوقت بالمستشفـى مانطق بحررررف ساااكت والكل حولـه يسولفون ,,
نوره بقهر خفيف وصوت أقرب للبكاء : آآنـا لييييييش حظيييي زفت جذي ,,, هذي ثالث مرهـ أنحط بموقف مع واحد من ربع نواااف ..!!
أنـفخـت وهي تدفن ويـهـا بمـخـدتهـا وتصيييح ...
حسـت ببـاب غرفتهـا ينفتح فزت بسرعه ألا بأبوهـا دااش
قامت قعدت على حيلهـا وهي تمسح دموعهـا
بو نواف : يعني ماتبيـن تقوليـن لي شفييج ؟؟
نوره وهي تحظن نفسـهـا بالخفيف : مافيني شي..
بو نواف وهو يقعد أحذاهـا : تراني ملاحظج من كنـا بالمستشفـى كل ماجات عينج بعين نواف نزلتي نظرج لتحت !! شصاير بينكم
نوره بصوت مخنوق : ولا شي يبــه ,,
بو نواف حط عينه بعيـن بنته يعني أنه مب مصدقـهـا ,,
نوره أرتجف حنجهـا وغطت ويهـا وصاحت من يديد ,,,
بو نواف قربهـأ لصدرهـا وحظـنـهـا ,,, : قولي لي يانــورره ... ماأخبرج تخشيـن علي شي !!!! أذا نواف ضايقج بشغله بروح له اللحيـن وأزفه جداامج
نوره وهي تصيح على صدر أبوها وتتكلم من بيـن دموعهـا : يـبــه ,,,, نـ....نــووواف.... مـ...مـــاأ..سـ..ـو..ى لــ..ـي شي !!
بو نواف : عيل شللي مضايقج ؟
نوره تبتعد عن صدره وتقول : بتـزفني !
بو نواف بأهتمام : ليش ؟ شمسويـه !!!!
نوره تنزل نظرهـا وتطالع يدهـا اللي مستقرهـ بحظنهـا : يبــه والله ماقصدت ,,, قسماً بالله ماكان قصدي
بو نواف يمسح دموعهـا بأبهامه : زيـن قولي لي ...
رفعت نظرهـا لوي أبوهـا الحنون ,, اللي دوووم كان أحن قلب عليهـا يمكن أكثر من أمهـا بعد ... بلعت ريجهـا بعدهـا قالت : لما دخلت الغرفه اللي فيـهـا غنوم جفت وااحد معطيني ظهرهـ نفس هيئة نواف بالضبط من ورى ,,,," سكتت شوي وهي ترجع تنزل نظرهـا وتزحف على خدهـا دمعه يديده " ومســكــت يده ,,,
بو نواف رفع واحد من حواجبه شكلـه أنصدم وقال : زيـن ! وبعديـن ...
نوره تــطالع أبوهـأ من يديد : لما ألتفت علي عرفت أنه مب نواف تركته على طول وهني طلع نواف وشافني شكله راح باله لبعيييد وصل رفيجه ورجع هزئني ,,,," رجعت تصيييح من يديد " واللللله ماكنت أأدررررررريي بو نواف هز راسـه بتفهم رغم أنه بايـن انــه تضااايق قال : حصلل خيرر !!! آنـا بكلم أخووووج...." بجديه " وثاني مرهـ عن خفــت العقلل !
نوره ترجع تبلع ريجهـا من يديد : آن شالله ...
بو نواف طالعهـا شوي بعدهـا قام وطلع من غرفـة بنتــه ,, وسيده لغرفـة نوااف ,,
فتح البـاب ودش ألا نواف اللي حاذف روحه على الكرسي وصاد صوب الدريشـه ألتفت لـه بسرعه ,,
بو نواف سكر الباب وراهـ : شصاير بينك وبيـن أختك ,,,
نواف أستعدل بقعدته وهو يقول : روح أسئلهـا ! شوف شمسويهـ !!
بو نواف أقترب منه بنفس الجديه : سألتهـا وسمعت ردهـا ... أبي أسمعك أنت بعد !!!
نواف طالعه بأنفعال : عاجبك اللي سوتـه ..!! أطلع ألاقيهـا تقززز الريال قززز ... حتى مااادري شبلااااهـ تعكرر مزاااجه أأكيييد قال هذي أخته رايحه بقراطيسهـا !
بو نواف : قالت لي أنهـ كان على بالهـا أنــت ,, من جذي تجرأت ومسكته
نواف أتسعت فتحت عينه وقال بصدمه : مسكته !!!
بو نواف : بدون قصصصد !!
نواف قام وقف : اللحيـن شرااااح يقول عني زااايييييد ,, هذي بنتك يبيلهـا تأديب من أول ويديد .... وسالفـة أنهـا عبالهـا أنـه زايد أنــا مب داشه براسي
بو نواف بحزم : شقصصصصدك ! هذي أختتتتتتك وماأسمح لك تتكلم عنهـا جذي ولا تشك فيهـا ساامع
نواف : ماشكيييت فيهـا ولا شي !!... أنا عبالي بس واقفه تقزززهـ ,, طلعت ماسكته بعد !!!! اللحيـن عرفت شبلاهـ تعكرر مزاااجه وراح حتى بدون لا يكلمني !
بو نواف : تعكر مزاجه وله غيرررهـ ,,,, كلمه وقول لــه أنه اللي حصل سوء تفاااهم .. لا يروح فكرهـ بعيييد ,,,, هذي أختتتك شرررفففك واللي يمسهـا بيمسسسسك ... لا تخلي وااحد مثل هالزايد يفكر فيها بهلـ طريقـه
نواف : يبـه تراك مدلعهـا واييييد ... ! شفيهـا يعني لا هاوشتهـا قبل لا تجيني ... دامك هادهـا جذي مب بعيدهـ تكرر هالحركه من يديد
بو نواف : أنا واثق من بنتي عدل ... وهالموضوع ماأبيك تجيب طاريه من يديد .. تتصل لرفيجك اللحيـن وتفهمه الموضوع .... ويكون أحسن لو تعتذر من اختك .... ذابحه روحها من الصياااح وأنت قاعد بغرفتك هني تغلي عليهـا ..
نواف ماعلق اللهم صد عن أبوهـ ,,,
بو نواف عطاهـ ظهرهـ وطلع من الغرفـه ,,
بينما نواف ألتفت لأبوهـ لحد ماسكر الباب وراهـ وقال : مـــحـــد بيخرررب هالنوووررره ألا دلالك الزااايد !
.
.

طـلـعـوا من المحـكـمه وودع زايد .. فــهــد اللي ذبحــه نــغــزآآآآتـ طول الوقــت ,, وآآخــوه " حـمـد " اللي كان شوي رسمي مع زايد بحكم أنهم مب ربع لذاك الزوود ,,
لما أبـتـعــدوا عــنـه وشافهم ركبوا سيارتهم وتوكلوا ... أتجه لـ آمه وخالـه اللي مستانسيـن لــه وآآآآيـــد ..بالأضافـه لـآمنه اللي ماقدرت تمنع روحها من الأبتسامه
بينما زايد أبتسم !! لكن أبتسامه ماتحمل أي تعبييير
سلم عليـه خالـه وبـارك لــه وبارك لبنتـه ,, ونفس الشي أم زايد اللي ذرفت دموع الفرح لا شعورياً ,,
زايد وهو يحـظـن أمه : يـــــمـــــه !! ليش الصيااح اللحيــن ..
آم زايد : والله وكبرت ياولدي ,,,
سالم : آآكيد بيكبر ,, عيل بيتم طول عمرهـ بزر !! " ببتسامه " شرايكم بهلـ مناسبـه الحلوهـ نروح نتعشى بمطعم !
أم زايد وهي تبتعد عن صدر ولدها : آووكيه ,, بس ويــن ,,
سالم : عاد ويـن ,, المعاريس يحددون !!!!
زايد أبتسم بتصنع طبعاً وقال : المكان اللي تختارهـ آمنه ,,
آمنه بنفسهـا منحرجه ,, وكلام زايد أحرجهـا زيادهـ قالت بصوت واطي : على راحتكم ,,
سالم : تدرون شلون ,, نروح مطعم الـ"....." يمدحون أكلهم ومكانهم رااقي وحلو ,,
زايد : اللي تشوفــه ...

تفرقوا عند السياير
ركب زايد سيارتهـ مع امه.... وخاله ركب مع آمنه وتوجهوا للمطعم المقصود ..
الطريج كان طويل بالنسبـه لأم زايد و سالم وآكيد آمنه ,, اللي ذابحتهم الونـاســه ... لكنه كان أقصر منه مافي لزايد اللي مب قادر يستوعب أنه ملج عليها خلاص!!
مسافـة الطريج ووصلوا وخذوا طاولـة عائليـه تناسب عددهم
قعدت آم زايد مجابله أخوهـا ,, والمعاريس مجابليـن بعض ...
تمت آمنه متغشيـه مستحيـه ترفع الغشوهـ خاصه أنه أبوهـا سوى فيهـا حركت نذاله وخلاهـا تقعد مجابله زايد ,, بدل ماتقعد مجابله عمتهـا
وصل الـ مينيو وكلن طلب له وآمنه أختارت نفس عمتهـا بالضبط ...
وأول ماراح الويتر ...
ألتفت سالم لبنته : شـعـندج متغشيــه ,, ترى زايد مب غرريب اللحيـن ..
آمنه أبتسمت من تحت الغشوهـ بحيـآ وبعد تردد رفعتهـا ,,
وبـدون قصد رفع نظره زااايد لويـهـا ...وأنبـــهـــر بجــمــالــهـأ !!!
ماكان يدري أنـهـا متمكيجـه !!!!!!
بينما آمنه لما شافته يطالعهـا جذي ,, تمـنـت أنـهـا مارفعت الغشوهـ ,,,
تمنت الأرض تنشق وتبلعهـا من الحـيــا
لاحظ سالم أحراج بنته ونظرات زايد وقال وهو يتنحنح : شوي شوي لا يوقف قلبك !! كليت البنت
زايد أنتبه على عمرهـ طالع خاله وقال : هلأ ؟؟
سالم ببتسامه خبيثه : سلامتك !
زايد نزل نظره لتحت ورجع رفع نظره لخاله وألتفت لأمه ,, وحاول يطالع بأي مكان بس مب بأمنه !!!
دقايق ووصل الـعـشــا وأبـتــدوا ياكلون
وهــدى الـجــو
.
.

قـاعـد بـالصـالـه وتفـكـيـره رايــح لبـعــيــد ,, ســرحــان ومب حااس بشي حولــه ..
" معقـولـه بتنفذ كلامـهـا !!! معقولـه هـنت عليـهـا جذي ,,؟ بسبب تـهـوري وتفكيري الغبي خسرتهـا ... ولو ماتصالحت مع هيا آمس جان خسرتهـا هي بـعــد !!!!
( غمض عيونه ) مب قادر أتخيل حياتي بدونـهـا ,, المشكله من سكرت أمس منهـا وهي مادقــت !! جنهـا تبيـهـا من الله ,,"

دخلت الصاله وبيدهـا الصينيـه اللي بهـا الشاي والـقـهوهـ وشـافـت راشد مسند راسه لورى وسرحـان ,, وبدون ماتكلف روحها وتفكر عرفت هو سرحان بشنو !
قعدت أحذاهـ وماأنتبه لـهـا حطت الصينيـه وهي تقول : الشاي وصل ,,
راشد صحى من سرحانه على صوتهـا أستعدل بقعدته وقال : تسلم يدج ,,
هـيـا ببتسامه عذبه : الله يسلمك حبيبي ...
صـبـت ومدت القلاص لــه وبعدهـا صبت لـهـا وأبـتـدت تشــرب والـهـدوء هو سيـد الموقف ,,
وبعد 5 دقايق من الـصمت اللي ساد بينهم نطقت هيـا وهي تقول : أقول حبيبي
راشد : همم!؟
هيا تطالعه : آبي شويت فلوس ,,
راشد طالعهـا وهو يقول : حق شنو ,,,,!!
هـيـا تبتسم : سوالف حرريم ,,!؟
راشد : مايصير أعرفها ؟
هيا : بتعرفهـا بوقـتـهـا ...
راشد : روحي أخذي من بوكي فوق ,,, بتلاقيـنـه بثوبي المعلق ..
هيا أتسعت أبتسامتها : تسلللللللم حبيبي ...
راشد مارد اللهم أبتسم لـهـا وكمل شربه لشــآآي وهو بـالـه مب مع هـيـا كلش !! وأول ماخلص قام وقف وهو يقول : بطلع أتمشى شوي ,,, تامريني بشي ؟
هيا تضايقت أنه بيطلع ولا حتى كلف روحه يقعد معاهـا : لا ,,, سلامتك !
راشد : الله يسلمج ..

شافته راح فوق وبعد دقايق رجع نزل وعطـاهـا الفلوس اللي طلبتهـا وحط بوكـه بمخبـاهـ مع جوالـه وطلع من البــيــت
هيا لحقتـه بنظراهـا لحد ماأختفـى ... أرخت نظرهـا لـلفلوس اللي بيدها وأطلقت تنهيدهـ : معليييـه !! مردك بتلتفت لي ,,!!!!
.
.
بينما عند راشد


كان حاس روحه متضايق وماله خلق شي .. طالع يشم هـوى ,, وشكله بيتهور وبيمر بيــت خالتــه على آمل يشوف وضحى ويتفاهم معاهـا وجهاً لوجه
مب معقولـه بطلعه من حياتهـا جذي ,,, أذا هو صبر هالأربع شهور ... فهذا لأنه كان عارف أنهـا راح ترجع له بيوم
لكن عقب مكالمة أمس بايـن أنـهـا راكبه راســهـا ....
بيروح لـهـا
بيكلمهـا
بيحاول فيـهـا
وأن شالله ماتردهـ !
ماحس بروحه ألا وسيارته تتوقف عند باب بيـت خالته ,, نزل منهـا بدون تفكير ,, وطق جررس البيت وهو داش دااخل ,, ومايمديه يوصل لباب الصاله ألا الخدامه طالعه لـه ,,
سألهـا عن وضحى قالت لـه أنهـا دااخل قاعدهـ بالصاله ,, طلب منهـا تروح تعطيهـا خبر أنه ينطرهـا برى ,,
دشت مايـا لداخل البيت وأتجهت لصاله اللي كانت منسدحه فيها وضحى وتطالع التلفزيون بضجر بمحاوله فاشله منها أنهـا تغير جو وتطرد طيف هالراشد من بالها
أول ماقالت لها مايا أنه راشد برى ينطرهـا فزت من مكانهـا وألتفتت لها : شنوووو؟؟!! راشد برى !!
مايا : يس مام !
وضحى بعد تردد قالت : قولي له مــحــد !
مايا بطاعه : آوكي
تركت الصاله وراحت لراشد اللي واقف عند باب الصاله ويطالع بالأرض بأنتظــارهـا !
مايا فتحت الباب وقالت ببتسامه : ماما وتحى مافي داخل بيت ,,
راشد ألتفت عليها بجسمه كامل وقال : روحي قولي لهـا ,, كلمتين ومااشي!!
مايا بنفس الأبتسامه : She's not here
راشد رفع واحد من حواجبه : بتروحيـن تناديهـا ولـه آآدش لـهـا بنفسي !!!
مايا رجعت دشت داخل لصـالـه بعد ماشافت لمعـة الغضب بعينه ,, ودورت وضحى بعينهـأ مالقتهـا ,,, شكلهـا راحت فوق لجناحهـا
رجعت لراشد وقالت لـه نفس الكلام ,,, دفع الباب بس مب بدفاشـه ودش بدون مايعطي لكلام مايا اللي لاحقته أي أعتـبـار ,,
وصل لصـالـه مالـقاهـا ,, تخصر وألتفت على مايا : ماتبي تشوفني يعني !!! .. " ضم شفايفه وهو يهز راسـه بتوعد وبعدها قال " قولي لـهـا راشد يقول لج مشكورهـ وكثر الله خييييررج !! واللي تبينه راح يصير
طالعهـا من فوق لتحت وترك لهـا البيت وهو طالع ,,,
بينما مايا لحقتـه لعند باب الصاله وسكرت الباب وراهـ ,,
ورجعت دااخل ,, راحت فوق ناويـه تتوجهه لجناح وضحى لكنهـا لقتهـا واقفه عند الدري وتوهـا تبي تقول لـهـا كلام راشد قالت وضحى بجديه : سمعتــه ! .. خلاص روحي أنتي ,,
سمعت الكلام وأبـتـعـدت عـنهـا مايا نازله من الدري ,,,
وخلـت وضحى تنكووي بـنـارهـا ... المشكله ماقدرت تشوفه اللهم سمعت صوتــه
والظاهر أنـه معصـــب ...
وعقب الكلام اللي قاله من شوي ,,
شكلـه مب ناوي يتصل ....
ألتفتت بدش جناحهـا ,, بس تراجعت ,,, لو تختلي بنفسهـا بترجع تفكر فيــه ,, والمفروض ماتفكر فيييـه !!
نزلت تحت لنفس الصاله اللي كانت فيـهـا وقعـدت تطالع التلفزيــون وعيونهـا متروسـه دموع مانعتهـا من الشوفــه ..
خلاص راشد صفـحـه ومجبورهـ تطويـهـا !
.

من رجعت من المستشفـى وهي حابسـه روحها بغرفتهـا ,, أول مارجعت صاحت صاحت صاحت ليــن قالت بس !!
وبعدهـا تمللت من هالعزلــه .. تبي تطلع بس خايفه من نظرات نوواااف ...
حتى العـشـا ماتعشــت لآنها تدري بتشوفـه ومب ناقصـه تغص بلأكل بسبته ,,
تمت رايحه راده بغرفتهـا ومتملله .... تحس روحهـا بتنفجرررررررر ..
جات عينهـا على التلفزيـون ,,
" ليش مااقعد أشوف لي فلم ! أتسلى فيييه ؟؟ شكلي مب طالعه من هني هاليوميييـن "
شغلت التلفزيـون والديفيدي ,,, وراحت تدور شنطـة الأفلام علشان تشوف لهـا فلم ,,,
وهي منهمكه بالبــحــث سمعت طقه خفيفه على باب الغرفـه بعدها دش نواف
طالعتـه وماتنكر أنـه أخترعت من وجودهـ لكنهـا حاولت ماتبيـن رغم أنه وااضح عليـهـا ..ورجعت تكمل اللي بيدهـا .. ماتبي تحط عينهـا بعينه .... تخااف منه لا عصب
والله يستر ليش جاي ..
سمعته يقول : ليش ماتعشيتي ,,؟
نوره : ماأبي ...
نواف : ماتبيـن تتعشيـن ولـه ماتبيـن تشوفيني ,,
نوره وهي تمسك شنطة الأفلام وتضمها لصدرهـا بعد ماألتفتت عليه : الأثنيـن ...
نواف يزفرر وبعد سكوت قصير يقول : خلاص سامحنااج ..!
نوره حست جنه عطاهـا الضوء الأخضر وعلى طول طلعت اللي بقلبها : أصلا مو من حقك تعصب علي وله تهزء وتززززف ,,,, قلت لك مب قصدي ولا كنت أدري أنه رفيييجك ,,, ليش حراااام العالم تغللللط !!!!
نواف : سكري الموضوع ,, لآنه مجرد ماأتذكرهـ أتنرفز ... أمشي تعشي ..
نوره : ماأبي عــشـــآآ ,, شبعـانه صيااااااااح
نواف أبتسم على حركاتهـا الطفوليـه : زيـن أنا مو متعشيي وماأعرف أكل بروحي ,,,
نوره : آآآحسسسسسسسن ,,, روووح جاااابل الطوفـه وآآكل ... وله نااد غنوووم خل ياكل معاك ,, تراه يموت بالأكل عااادي يتعشـى مرتيـن
نواف أقترب منهـا وسحب شنـطـة الأفلام من يدها وقال بحزم : قلت لج نزلي تعشي ..
نوره أخترعت منه لما قرب صوبهـا عبالهـا بيعطيهـا سطــآآر يخليهـا تفقد القدره ع السمع من جذي أنكمشت على روحهـا شوي ,,
نواف أتسعت أبتسامته : بـــآآل ! مب نواف هذا اللي يسوي فيج جذي .. الرجل الأخضر
نوره تتخصر : هيهييههيهيه من قاااال أخااف منك .. مالت عليك واايد ماخذ مقلب بعمرررك
نواف طالعها شوي ببتسامه بعدها تراجع كم خطوهـ وهو معطيها ظهره : أنــطــرج تحت ....
نوره : عطني شنطة الأفلام ..!!!!!!!!!!
نواف طالعها : تبينهـا ,, تعالي تعشي ..

طلع من غرفتهـا بدون مايسكر الباب حتى ,,
نوره من بين ضروسها قالت : يبطط الجبببببببد !
طلعت من الغرفـه وأتجهت صوب الدري لقـتـه توهـ واصل الصاله وأتجه للمطبخ على طول
نزلت بسرعه وراهـ ... وراحت سيده للمطبخ فتحت الباب لقته حااط الـعـشـا على طاولـة المطبخ وتوهـ يقعد
نوره : أن شالله بنتعشى هني ؟؟؟
نواف : آآآييه !!
نوره : وليش مانروح غرفـة الطعاااام ,,, ولـه ماتعرف الأتكيت
نواف : لج خلق تنظفيـن المكان بعد المذبحه اللي بتسوينهـا هناك ؟؟؟
نوره بعد تفكييير قصير قالت وهي تسحب لها كررسي وتقعد : بـــعــد المكان هنــي حلييو ,,
نواف وهو ياكل : آآكلي آآكليي ,,, مادري متى بتكبررريـن !!
نوره نقزت : ليش أشايفني جدامك ؟؟ ياهل وله ياهل ولـه ياهل ؟!!!
نواف : والله شوفي تصرفاتج وأحكمي ,,, دلوعـه ويااااهل بجسم مرهـ ,,
نوره وهي تمسك الكتشب : جب جب ,, ترى والله بالكتشب على ويــهـــك اللحيـن .. قال دلوعه قال .... أشوفكم مدلعيني علشااااان أتدلع !
نواف ماعبرها وقعد يااكل بهدوء
نوره : رررد !! أأيـه ,, ماعندك كلام علشان تقولـه .. ثاني مرهـ أذا أنت مب قد الكلمه لا تقولـهـا ......
نواف سحب غرشـة البيبسي اللي جايبها من الثلاجه خصيصاً له وفتحهـا وهو مطنش نوره
نوره حطت الكتشب ونفختت طالعته وقالت بحده : سميييت ؟؟ ولـه على طوووول زحرررررت !!
نواف طالعها وقال : أنتي متسببه ولـه شكلج جذي ,,؟ وأذا سميييت ... لآزم أأصررررررررخ بأعلى صوتي علشان الأنسـه نوره تسمــع ..
نوره : مافيها شي ,, علشان أأتأكد أنك سميييت ... مادري شهلـ الأاخلاق الزينه اللي بتعلم عيالك عليهـا
نواف : أخلاق عمتهم !
نوره سكتت وكلــت ,,,
نواف رفع نظره لها وقال : سميتي ؟؟
نوره بقـهــر : آآآييييييه ,, بصوت واااطي ....! لآزم أأصرررخ يعني ؟؟
نواف : والله أنا ماشفت حلجج تحرررك ألا لما دش الأكل بـه ,,
نوره : تعررف تنطمممم ! " بصوت عالي " بسم الله في أوله وأخرهـ,,, أرتحت !
نواف ماعقب عليها كان ودهـ يضحك على تصرفاتهـا لكنه ساكت ...
.
.

الـسـاعه 10 بالليل
من بعد ليله طويله مابغت تخللص بالنسبه لزايد وصل البيت برفقـة أمه ... تعـذر منهـا انـه بيروح يـنــآم علـشــان يقوم مبجر لدوآآم بــآآجر وهو أساساً يبي يشرد من كلام آمه اللي راح يدور حول آمنــه وبس !!
تـفـرقوا عند الغرف وكلن راح لغرفته ,,,
دش وسكر الباب وراهـ وتسند عليه بالخفيف وهو ينفخ ...
حاس روحه متوهق بآمنه ومب قادر يتخلص منـهـا !! خاصـه بعد ماملج عليـهـا
منظر خاله وآمه مب راضي يفارق بالــه ,, كانوا مستانسيـن ولا ومتواعديـن يجتمعون ببيت يــده بــآآجــر علشان يشاركون يــده هالفرحه بما أنه ماقدر يجي معاهم المحكمه ,, يعني جذي جذاك بيشوف آمنه يعني بيشوفهـا
ماينكر آنــه طول ماكان بالمطعم وهو يحاول يسترق النظر لـهـا يبي يشوف ملامحها اللي كان شبـه ناسيـهـا ... لـكنه بنفس الوقت كان يحاول يشتت أنتباهـه بأي مكان بس المهم ماتجي عينه عليـهـا ويتنح !
آبتـعـد عن الـبـاب وفصخ غترته وحذفهـا ع الكرسي وفتح كم أزرار من اللي عند رقبته .. وأخذ أكسجيين لصدرهـ من كثر ماهو مختنق
طلع جوالـه وشـاف رقم آمنه اللي خذاهـ بعد ألحاح آمه اللي تحن على راسـه بهمس بدون ماينتبهون لها أخوهـا أو بنت أخوهـا ولو ماقالت له جان مافكر يطلب هالشي لا منهـا ولا حتى من آمه !!!
أنتبه على نفسـه وهو شغـال تفكير بآمنه من ركب السياره لهلـ لحظة ,,,
والمفروض مايفكر فيـهـا
لآنه مب فاضي لـهـا ...أصلا ..!!
حط جوالـه ع الكومدينه وطلع لـه بجامـه ,, مافكر يدش يسبح ,, كفايه سابح مرتيـن اليوم ..
بـــدل وأنـدعـس بسريره وحـاول يـنــام رغم أنه كل ماغمض عينه زارته صورة أمنه من يديد ,, سحب المخدهـ من تحت راااسـه وحطهـا على ويــهـه وهو يقول : يرحم أمج أبي آنــآآآآآم !
.
.
بينما بالغرفـه الثانيـه بنفس الـبيـت
كانت قاعدهـ على طرف الكرسي بعد مافصخت عبايتهـا وشيلتهـا وشبح أبتسامه عذبه مرتسمه على ملامحهـا ببراعه
من يصدق أنــه زآيـــد ولدهـا كبــر وملــج ولا وأخذ اللي تبيـهـا بــعـــد
آم زايد بهمس : يعل عيني ماتبجييـه آن شالله ,,, دوومه يسوي اللي يريحني .... وحتى بزواجه خلاني أنـا أخـتــار لـه علشان بس يـظـمـن راحتي ... " طرى ببالها سعـود قالت بعد ماتنهدت بحزن خفيف " ويــنــك ياسـعـود تجي تشوف ولـــدك شـلـون صــآر .. تخرج وأشتغل وتوهـ مالج ..." تغمض عينهـا بألم على ذكرى سعود وترجع تفتحهـا " .. الله يرحمـــك ... الله يرحمــك ياسـعـوود .. الله عـوضني بولــدك .... ياليتك شفته اليوم وهو يملج على آمـنـه يـشـابـهــك بكل شي .. بالوقفـه .. بلبسـة الـغـتـره بالـنــظــرات ... حتى بالأبتسامه والضحكه ..آحسسس جني قــاعدهـ أأشووفك واقف جداامي ,,,, صحيح أنــت مــت .. بس مازلت عايش بقلبي وبقلب ولدك وحتى بملامحه ... " ترجع تغمض عينها من يديد وتدعي بقلب صادق " يــآآآآآرب .. يـآرب ماأنحرررم منه طول ماأنـا عاايشششـه ويـعـل يومي قبل يووومــه ولا أعييش لحــظــه وحدهـ بــدوونــه .. والله بستخفف لو يصير لــه شي ....يــآآرب ماأشوفـه متنــكــد ولا متضااايق طول ماأنـا عاايشــه ,,,, يــآآرب توفقـه دنيا وآخرررررهـ ... وتـسـعــده مع آمـنــه .......

حسـت بشوق لولدهـا تبي تشوفـه قبل لا تنــام ..
قـامت من مكانهـا وطلـعـت متجهه لغرفتـه .. فتحت البـاب شوي شوي ... كان نور الغرفـه مشــغــل !! وهو مو من عـوايده ينام بالنــور ,,
لقـتـه حاط المخده على راسـه ونايم ...!
أقتربت منه ,, شافته أبـعـد المخدهـ عن ويهـا وطالعهـا بملامح شبه معقودهـ بسبب النــور اللي أخترق الظلام اللي كان عايش فيـه تحت المخده
أم زايد ببتسامه : شـبـلاك نايم جذي ؟؟...
زايد يحط المخده على بطـنـه ويقول : مب قــآدر أنــاام ..
أم زايد : شلون بتنـام وأنت مشغل الليــت ....
زايد : متعييييز أقوم أطفيييـه ... ماعليج آمر يمه طفييه معاج وأنتي طالعه ..
آم زايد : من عيوني ... ماتبي شي قبل لا تنــام ,,
زايد : آبي سلامــتــج ..
أم زايد أقتربت منه وطبعت بوسـه شبه طويله على راسه وأبتـعـدت عنه شوي : تصبح على خير يبــه ,,
زايد : وأنتي من آهلـــه ..
آم زايد أبتسمت لـه وتأملت ملامحها شوي ورجعت صورة سعـود ببالـهـا من يديد بعد ماشافت ويـهـا ... أمتلت عيونهـا دموع لكنـهـا قررت تطلع من غرفـة ولدهـا قبل لا تصيح جدامه
تحركت خطواتهـا وطفت الليت وهي طالعه من غرفته ومسكر وراهـا الـبــاب ورجعت أتـجـهـت لـغـرفـتـهـا .. علشـآن تـنـآم ,,

.
.
.

بيت وضـحـى

مازالت مجابلـه الـتـلـفـزيـون بـضـجــر وتتنقل بيـن الـقـنـوات .. من شوي رجعت آمهـا من برى وسيده راحت غرفتها فوق حتى مامرت عليـهـا ولا كلمتهـا ..
تـوقـفت أصابعهـا عن التنقل من قـنـاه لقـنـاه عـنـد بـرنــامــج شــدهـا !
كـانـت طـفـله صـغـيــره تقريباً عمرهـا 6 سـنـوات ,, ماسكه كتاب قرآن ولابسـه أيلال يغطي جسمهـا الصغير ويخفي خصلات شــعـرهـا كلـهـا ,, وتـتـلـوى بصوت خاشـع حلو قرريب من القلب ..
طولت على التلفـزيون زيـاده وأسـتـعـدلت بـقـعـدتهـا ,,,, وأبـتــدت تسمعهـا وهي تتلوى بأنصــات
عرفـت من الـبـرنـامج أنـه هالـطفـلـه مو بس تـملـك صوت حلو وخاشـع فـ تلاوة الـقـرآن ... بل وحافظـتــه بــعـــد ..
حسـت وضـحـى بالـخــجـل من نفسـهـا وهي تطالع الـتـلـفـزيــون
طفـله تصغرهـا بأعوااام حاافــظـه الـقـرآآن كلــه !!! وهـي اللي بالـ 19 من عمرهـا ,,مب حافـظـه غير المـعـوذات والـفـاتــحــه وآيـة الـكرسي !!!!!!
حتى الآيـات القصيره اللي كانوا يعطونهـا أيـاهـا بالمدرسـه تتلاشـى وتتبخر مع أنتـهـاء الســنـــه ...
نـبـض قلبـهـا تـســارع .. وهي جاهله السبب .....
رجعت خصل شعرهـا لورى وأبـتــدت تسمع بأنـصــآآت أكـثــر ,, صوتهـا يدش القللللللب على طــــوول
صوت طفولي بــحــت نــاعم رقيق ...
سألـوهـا من اللي سـاعـدهـا بـحـفـظ الـقـرآن ,, أبـتـســمت بخجل طفولي وقالت ( آآمي ) ..
تـذكرت هني آمــهـا ...!!
آمـهـا ماعلمتهـا شلون تصلي أصلا ,, كل اللي علمـتـهـا أيــاهـ ,, شلــون تكشخ وتجذب أنــظــآآر الــكل لـهـا من الـجنـسيــن ,,, علمتهـا شــلــون تبــرز جمـالهـا للــكــل علشان بس تسمعهـم يقولون بــنــتج قــمـــر ,,!!
علمتهـا شلون تــكــون حلــوهـ على طــول ,, وبأي وقــــت ...... ! وشـلــون تلبــس وتـكـشــخ وتــحــط مــيــك آب وتـغــرق روحهـا عـــطر ,,,
لو مو المدرســه جــان ماعرفت حـتـى تصلي !!!!
وأصلا ماتذكر متى أخر مرهـ صــلــت فـيــهــا ,,,
متى أخر مرهـ سجــدت فيــهـا لله !
متى أخر مرهـ تركت كل اللي بأيدهـا أول ماتسمع " الله آآكبر "
تدرون أصلا ماكانت تسمع الأذان !!
لآنـهـا ماكانت مهتمه أصلا !!!!
أذن ولـه ماأذن ,, فالحالتيـن هي ماراح تصلي .....
كذا مرهـ تكون قاعدهـ جدام التلفزيون تسمع أغــآآني وتشاركهم الـغـنـاء ومن تسمع الأذن تكتم الـصــوت ,, لآنـه علموهـا بالمدرســه ,, أنــه حرام تشغل أغاني وبرى أذان
وأول مايخلص الأذان ,, ترجع تطول ع التلفزيون وتكمل غـنـاء!!
هالمرهـ نبض قلبـهـا مو بس زااد ,, ألا حست بـه يرجف دااخل صدرهـا ....
هالطفله حركت داخلهـا شي هي مب عارفـه شــنــوو ,,,,
الـبـرائه والطهر المرسوميـن على ملامحهـا أثــآروا شي داخـلــهـا ,,
أول ماخلص الـبرنامج ,, كتمت الصوت
وقامت لغرفـتـهـا على طــول ,,,
تبي تـصــلي ,, بس قبل لا تصلي ..
دورت على ســيــاده " سجاده " وعلى أيلال لصــلاه ,,
عفـســت الغرفـه وهي تدور وبـعـد طلعت الروح لقـتــه مركون ورى الـثــياب اللي ماتبيــهـا
طلـعتــهـم وحطتهم على طرف السرير
دشت الحمام " الله يعزكم " فتحت الماي وأبتدت تتوضـى ,, وزيـن أنـهـأ مب ناسيـه طريقـة الوضوء
طلـعــت من الحمام تقطر ماي ,, نشفت عمرهـا ,,
لبست الأيلال
ووقفت تصلي
وهي تقول ببالـهـا " صلاة الـعـشــى ,, 4 ركـعـات !! آآيـه أربــع ركعــات .... "
كـبـرت وأبـتــدت تـصـلـي ,,
ووسط صلاتهـا أبتــدت تتذكر طريقـة الصلاه اللي تعلمـتــهـأ وهي هجرتهـا من صغرهـا ..
لــحــد ماخلـصـت صلاتهـا .. رفعت يدها ودعـت من كل قلبـهـا أنـه ربي يخفف عليـهـا همـهـا ,, ويـنسـيهـا راشد !
أول ماخلصت ,, أبـتــدت تدور على كـتــاب الـقـرآن اللي عـطـتـهـا أيـاه وحدهـ كانت معاهـا بالفــصــــل معروفـه بأنهـا متدينـه
ومن دخلت الثانويـه وهالبنت معاهـا وعلى طوووول تنــصـــح فيــهـا ,, وهــي لصراحه ! كانت تــكــرهـا وتتنرفز منهـا
خاصـه لما تعلق على طريقـة لبسـهـا ,,
كذا مرهـ تـهـاوشت معاهـا جدام الطالبات ,,, وقالت لـهـا مالهـا شـغـل لا فيـها ولا بلبســهـأ ...
ومن يومهـا وهي مبـتـعــده عـنـهـا ,,,
ووضحى علشان تغيضهـا كانت تتعمــد تلبس أضيق لبس عندهـا وترش لها أقوى عطـر وتطلع خصل شعرهـا من تحت الشيـلـه بس علشان تحسسها أنــه كلامها مايمشي عليـهـا ,,
وبأخر يوم بالدوامات ,, عــطـتـهـا هالـبـنـت كـتـاب قـرآن هـديـه مـنـهـا علشـان كل ماقرت تتـذكرهـا ,,,
كمجاملـه وأخر يوم أبتسمت لـها بطريقـه باينه انهـا مو من قلبـهـا ,,, وقبلت الهديـه ودعست كتاب القرآن بدرج الكومدينه اللي تحت ولا فتحته من ذاك اليوم ,,
راحت فتحت درج الكومدينه ولقت الكتاب للحيـن محطوط بمكانه بنفس الطريقــه ,, بس الـغــبــار أعـتــلاهـ ,,
خذته ومسـحــت الـغـبـار اللي عليـه وقلبـهـا مازال ينبض مليون بالثانيــه ,,
فتحت أول صـفــحــه لـقـت ورقـه بيضــه ,,,
خذتهـا وفــتـحـتـهـا لقـت مكتوب فيـهـأ كلام بسييط

" أعـلـم بـمـدى كرهك لـي !
ولكني أجـهـل السبب
أعذريني أذ ما تسببت لكِ بأي أزعـاج
فلم أكـن أقصد من كل ذلك ألا نصحكِ
أرجوا أن تتقبلي مني هذه الهديه
وأن تذكريني بالخير عند قرائتك

فـاتـن "

وختمت الرساله برقمها
ماتدري ليش مهتمه فيـهـا هالفاتن هالكثــر مع أنـها ماكانت تعبرهـا كلش !!
والأكيد أنـهـا مب من البـنـات اللي عندهم سوالف بطالـه وينعجبون ببنات نفسهم
لانـه فاتن هذي بالذات معروفه أنـهـا متديـنــه وتنفر من هالسوالف مثل ماتنفر وضحى منهـا
حطت الورقـه بالدرج وسكرته عليــه ,, وأبـتــدت تـقــرى وتـتأتأ .... لكـنـهـا كانت تـحـاول ,,
مــر الــوقــت وهي مب حاسـه بعمرهـا كانت تـقــرى بأنــدمــآج رغم الـتأتأهـ ,, وصعوبـة نطق بعض الكلمات عندهـا
لآنهـا هاجرهـ القرآن !
.
.

اليوم الـتـالي

أول ماطلع ريلها من البيت متجهه لدوامه بسبب ألحاحهـا عليـه آمس ,, أتصـلـت على بيـت أهلـهـا وطلبـت من أبوهـا يطرش لها السايق علـشــان تبي تطلع بمشوار ,,
بدلـت لـعـيـالـهـا وقـعـدت تنـطــر السياره ليـن توصل وبــعــد مده مب طويلـه وايد ولا قصيرهـ وصل دريول بيت أهلهـا
طلعت مع عـيـالـهـا وركـبـت مع بنـتـهـا ورى بيـنمـا ولدهـا خلته يقعد جدام بحكم أنه الريــال ,,!
وطلبت من الدريول يروح بيت أهـلـهـا ,,, وأول ماوصلوا نزلت عيالهـا عندهم ورجعت ركبت مع السايق وخـلـتـه يــمـر الـســوق أول ,,
وأول ماخلصــت مـشــوارهـا الشـبـه طــويــل ,, رجعت ركبت السيـاره وطلبـت منه يتـجه لـصـالـون !!
طـول الطريج وراشد ببـالـهـا ,,, طلب منـهـا تهتم فيــه وبنفسـهـا !!! وراح تنفذ طلبـه .....
توقفت السياره عـنـد الصالون وعطت الدريول خبر أنـهـا أول ماتدق لـه يجيهـا على طول مو يتأخر ... وهو سمع الكلام !
دشت الصالون وبما أنـه الصـبــح فما كان في زبايـن وايد اللهم ثـنـتيــن ,,
قـالـت لهم شـتــبي تسوي بالضــبـــط ...!!
.
.

ببــيــت بـعــيد شوي عن هالمـكــان

كانت قايمه من صـبـاح الله خير ومـتشـققه من الونــاســه اللي صار آمس يكفي بأنهـا تكون بهلـ فرحه ذي
واقفه بالمطبخ وتـسوي لـهـا ريـوق ,, وطبـعـاً هالحزهـ تكون بروحهـا بالبيـت ... لآنـه أبوهـا يكون بالدوام
وكل شوي يتصل عـليــهـا يطمــن
وهي أعـتـادت على هالـشـــي
قـعـدت تـدندن بصوت واااطي والأكييد أنــهـا تغـنـي على اللي ماخذ قلبـهـا وعقلهـا ....
لما قامت الصبح كانت ناويــه تصبح علييـه .. بس أسـتــحــت ... المفروض هو اللي يتصل مب هــي ....
علـشــان يشجعهـا أنـهـا تتصل بالمرهـ اليايــه ... لـحد اللحيـن جوالـهـا مارن ..
حـطـت لـه عذر أنـه أكيد يانايم يابالدوآآآم .. من جذي ماقدر يتـصــل ...
يلا !!... ليش مستعيلـه هالكثــر .... الأيااام جاايــه وأكييد بيتصل عليــهـآآ ليييييــن تزهــق !
وبــعــديــن أأأكييييدييييـن راح تشوفـه ببيـت يــدهـا .. وبتملي عيــنــهـا مــنــه ...
قالت بصوت هامس : عــآآآد لآزم أأكشــخ لــه .. علشان يعـرف أنـه زوجته تعرررف تكششششخ ..." أبتسمت بحيـآآ" ماأصدق صرت زوجـتــه .. آآمببببي والله فشله صاايرهـ خفيفه أنا وويـهـي جني وحدهـ عــآآآآنــس صااااك عمرهـا الثلاثييـن .. وماصدقت بتتزوووج ...... بس أنا من حققييي الشخص الوحيييد اللي حبيييتــه راااح يكوون لي ,, ولا وشكله يحبني مثل ماأحبه ,, والدليل نـظـراته آآمس لي .... " تتنهد بحب " فــديــتــه !
خلـصـت تحضير ريوقهـا ,,, وتريقــت بشـهـيـه مفتــووحــه ولما خلصت غسلت الصـحــن اللي كلت فيه مع الكوب
ورجعت كل شي مكانه ,, شافت الساعه كانت تشـيـر لـ 10 الصـبــح ...
راحت بسرعه فوق لغرفتهـا وهي ترااكض سكرت الـبـاب وراهـا ,,,, وشبــكـت أصـابعـهـأ مع بعض وهــي تمد يــدهـا لجــدااامها وكأنهـا تتمغـــط : اللحييييييـن نبــدأ الشـغــل ...
راحت فتحت الكبت ,,, وبدون ماتتعب عمرهـا وتدور طلعت البدلـه اللي بتلبـسـهـا ... بما أنـهـا مجهزتهـا من آمس فليل ...
حطـتـهـا على الـسـريـر بأهـتـمـام بالــغ ,,, وراحت طلعت صندوق أكسسوارتهـا وأبـتـدت تنـقـي اللي يـنـاسب لـبــسـهـا على أقل من مهلـهـا ...
ولما خلصـتـ حطتهم فوق ثـيـابـهـا ودشت الحمام وأنتوا بكرامه وتسبحت بماي دااافي ,, ونفس الشي على مهـلـهـا ,,,
ولما طلعـت لبست ثـيـابهـا وأبـتـدت تلبس الأكسسوارات ... وفتحت شـعـرهـا وأسـتـشــورتـــه بـعـنــايــه كان يوصل لـتحت كتوفـهـا بشوي ومدرج ...
وبــعــدهـا حطت لـهـا مـكـيــاج خفيف مايخفي ملامحـهـا آبــد ,, ويـبيـنـهـا طبيعيـه ....
بـعــد كل هالتكشــخ والأهتـمام ألـقـت نظره لـشـكلـهـا بالـمـنظــره وأبتــســمت أبتــسامة رضـى علـى شكـلـهـا ,,,
وآبـتــدت تـغــنــي من يديد من الـفــرحه وهـي تـدلـع بالخفيف ,, : ودي أســمع أنــآ أحــبــك بصدق يقولهـا قلبك وآشوف الشوق يلعب بك بالروحه والجيييييــه ,,,
شـافـت الـسـاعه كانت 12 بالضـبــط ,, تسائلت بينهـا وبيـن نفسـهـا متى يرجع زايد من الدوآآآم !!
يمــكــن رجع ؟؟
ولـه يمكن يرجع ع الـوحده مثل أبووي !!!
ممممم ... يلا .. آول مايرجع أكيد بيـدق لــي ..!!
.
.
.

ببـيـت وضـحـى

كانت تـحـرك شوي وبعدهـا فتحت عيـونـهـا وهي تتثاوب بخفـه ,, وقامت قـعـدت وهي ترجع خصل شـعـرهـا لورى ,,
حاسه عمرهـا مرتــاحــه وآآآيــــد ,,,, يمكن من القـرآآن اللي قـعــدت تـقــراهـ لحد ماغلبهـا الـنـعـاس ونـامت !!
شافت الساعه كانت تشيرر لـ 12 ,,, ماتدري أذا أذن ولـه لا !! بس حسبت تخمينـهـا توقعـت أنه بيكون أذن وخلص !
دشت الحمام توضـت وصلت الـظـهـر ... طـلـعـت من غرفتـهـا ونــزلــت لصاله تحت وكالعاده البيت هــآآدي
راحت المطبخ وطلبت من مايا تحط لها الريوق ,, لكـنـهـا قالت لـهـا أنــه آمها قالت مافي ريوق بعد الساعه 9 ...
وضحى عقدت ملامحها : خيرر ؟ ومن متى هالقانون !!
مايا : آنا مايعرف ,,!
وضحى قالت بأمر : سوي سوي ريووووق ... وأنـا بــتـفــاهم معاهـا ..
طلعت من المطبخ وأبــتــدت تدور بالبيت تدور آمـهـا راحت فوق وسيـده لغرفـة أمـهـا فـتـحـت الـبـاب حتى بدون لا تطقه لـقـتـهـا تـعــدل أظــافرهـا وسمـاعـة التلفون عند أذنهـا وتسولف !
وضحى : يمه أبيج شوي !!
طالعتهـا آمهـا ورجعت تطالع أظافرهـا المشغولـه فيهم ولا عبرتهـا ,,,, وكملت سوالفهـا ع التلفون
وضحى تحط يد على خصرها : يــــمــــه !
أم وضحى معطتهـا خوش طاااااف
وضحى : يعني شلووووون ؟؟
أم وضحى طالعتهـا وهي تقول : لـحـظــة ســهــاام ,, " نزلت السماعه وحطتهـا بحظنـهـا " خيررر !
وضحى : شهلـ قانون اليديد بالبيـت ؟؟ مافي ريوق بعد الـ 9 !!!!
أم وضحى : والله قومي مبجر علشان تتريقيــن ... مب رقاد طول الـنـهـار وسـهـر وهياته طول الليل !
وضحى أحترت من كلام أمها وقالت : أنـا أدري أنج مسويـه هالحركه تخسيس فيني .... لآنج تدريـن أني ماأقوم ألا 10 !!! بس لا رجع أبوي لي كلام مـعـاهـ ....
أم وضحى : والله كلامي هو اللي يمشي مب كلام أبــوووج ,, واجوف قضبي الباب وراااج ماأبي أأعور راسييي أنـا ..
وضحى : آآووكيييـه يييــمــه ! آوكيـه ... خل يجي أبوي
أم وضحى : خل يجي !! تهدديني بأبوووووج يعني ... شفت البيت مب منتظم قلت أنظمــه كفررررت !!!
وضحى : السالفه مب سالفـة نظاام وغيرهـ ,,, هالحركه مسويتها على أمل أنـه كلامج يمشي لأنج ماقدرتي تمشيييـن كلمتج علي ذااك اليوم وكلامي هو اللي مشــى عليج !!
أم وضحى بعصبيـه : شوفي أبوج محــد اللحيـن وماعندج حــد يفجج من يدي لو مسكتج ... فأحسن لج تقصريـن الشررر وتطسييييين عن ويــهــي !
وضحى : بطس بدون ماتقوليـن لي ,,, ويكون بعلمج ... راح أتررريق اللحيـــن ...
طلعت ورضخت الباب وراهـا ....
.
.
أم وضحى : ووييييييع !!!! ... " خذت السماعه ورجعت تتكلم " هلا سـهــااام !!... لآ هذي بنت أخوووي لسانهـا طويل شوي ,,,
.
.

ع الـســاعه وحده الـظـهـر طلع من الــدوآآم ,, يــحسس بـتــعـــب كاااسي كل عظمه بجسمـــه .. مااصدق اليوم عــدى !!!
ركب سيارته وتوجه على بيته ,,, يبي يبدل ويسبح ويــنآآآآآآآآآآآآآم
الطريج كان طووووووووووووووويل وايد بالـنــســبــه لــه ..
لــحــد ماوصل وصف سيارته ,, ونزل بدون مايــقفل سيارته حتى
دش سيده البيــت ,, ولـفــحـتــه ريـحــة بــخــور حلــوووهـ تزييييـن الـمــكــان
" غــررريبــه ! .. ماأخبر في مناسبـه اليوم "
ركب الدري بخطوات بطيئـه لــحــد ماوصـل لطابق اللي فوق ,,,,
لـقـاهـا مـعـطـتــه ظهـرهـا وتــبــخر البييييــت بأهـتــمــام وأول ماألتــفـتت علييييـه أنصـــعـــــــــــــــــــــق ! للحــظـه عبـالـه أنـه داش بيـت بالغلط !! لكـن ملامحها تثبت أنه هالبيت بيته !
وللي جدامه مرتــه !
تم واقف مـكــانه مب مصــدق اللي تشوفــه عيــووونـــه
معـقــولـه هذي هــيـــاً
شـعـرهـا الطويل الأسود اللي كان يغطي ظهرهـا كلــه ... قــصــر طولــه وصار لفوق نص ظهرهـا بشوي ,,
وياليت طولـه بس اللي قصــر
حتى لونــه ,,,
تـغــيــر !!!
صــآآر بني ممتزج بخصل شـقـرى متوزعه على شعرهـا كلــه ,, وحتى التسريحه اللي مسويتهـا كانت بارزهـ القصــه والصبغه بعد !
ولابســه تــنــوره وبـلوزهـ مطلعيـنـهـا وآآآآآآآآآآآآآآو
ومخليــن مـتـنــهـا يحليـهـا آآكثر وآآكثـــر
آبـتــسمت لما شافـتـه وخذت لفـه خفيفه على عمرهـا وهي تقول : شــــرآآآيـــــك ؟
مارد !
كان يطالعهـا مثل المسبــه !!
كان شكلهـا أأحلى بألف مرهـ ,, من شكلهـا أول ماخذاهـا
رغم أنـهـا كانت ضعيفه ورشيقـه أول ماخذهـا ,,,
لكن اللحيـن وبهلـ منظــر ... المــتــن عليـهـا أأحلى وأحلى وأحلى من القوام الممشوووقـه والجسم المرسوم رسم !
هـيـا حست بأحرااج من نظراته قالت بخجل : يوووهـ !! تكلم عااد .. شراااييييك !
راشد بعد ماأنتبـه على عمرهـ أبتسم بدون شعور وقال : شمسويـه بعمرج ؟؟؟؟؟؟؟
هـيـا أبتسمت زيادهـ لما أبتسم لهـا وهالشي يدل على أعجابـه بشكلهـا اليديد : كااشخـه لك ,,, مب أنت قلت أهتمي بنفسج ,,!!! هذاني أهتميت بنفسي ,, شرايك بالنتيجه !
راشد أقترب منهـا وصفر بأعجاب : أأحلى من الـقمـــر نفـــســـه ,, ويـن خاشه كل هذا !!
هيا : أنت مب معطيني فرصــه ... " بغنج خفيف " يلا دش تسبح وبدل وأكشخ جذي ... عندي لك مفـاجأهـ ..
راشد : مفاجأه أحلى من هالمفاجأه ,,
هيا فرحت من كل قلبهـا على هالأطراء : آآيــه ,,
راشد وهو يطالعها بأعجاب : شـنـهـي ؟
هيا : أنت سو اللي قلت لك عليييـه !!
راشد : نسويـه ! ليش مانسويــه ,,
هـيـا نطرته يتحرك ويروح ينفذ اللي قالته لكنه مازال واقف جدامها ويتأملها ,,قالت : يعني ليـن متى !!
راشد ضحك بالخفيف : مب قــآآآآدر أصدق أنج هيــآآ مرتي !!! أقول ,, ويـن خشيتيهـا أعترفي ..
هـيـا بنفس الغنج : ذبـحـتـهـا ,, هـيـا القبليـه ماأبيك تتذكرهـا !!! خلنا فالحاضر ,, ويلا رروح أسبح لا تأخرررنـــا ,,
راشد وهو يطوفهـا وعينهـ لآزقه عليها : آآووكيييه آووكيـه رايح !
دش الغرفــه وهو شبه مستوعب اللي شافه من شوي ,,
دخل سبــح ولبس وكشخ مثل ماطلبت منه .. وهو مب عارف كل هذا لـيــش
شافـهـا تدخل الغرفـه وتفتح الـكـبـت وتطلع عـبـايـتـهـا
ألتفت لـهـا وقال بتسأل : على ويـن ؟؟ ويـن رايحه !!!
هيا : قصدك ويـن رايحيـن !
راشد مافهم قصدهـا اللهم تم يطالعهـا وهي تلبس عبايتهـا وشيلتهـا وتقول : عـآزمتك على مـطـعــم ...
راشد أبـتــسم وقال : هذي مفاجأتج يعني !
هيا : آآآيــه ,, يلا أأمش ...
طلعت من الغرفـه ولحقهـا راشد وهو يضبط الغترهـ وحلجه ماتعب من الأبتساااام ,,

.
.

نــهــايــة الــبـــآرت الــعـاشـر

Prt " 11"
دخـل بيـتـه من بعد يوم عمل أعـتـاد عليــه ولـقـاهـا بأسـتـقـباله وهي تتعلق بذراعه : هلا بالطش والرش ,, هلا باللي نور البيييييييت
سالم ببتسامه : شـعـنــدج !..
آمنه : ماعندي شي ,,, حرام أستانس لا شفتك ؟!!
سالم يطالعها بتفحص : الظاهر تحت راسج شي ,,
آمنه : لا تحت راسي شي ولا غيرهـ أنت شكاك بـزياده .. " ببتسامه عذبه بعد ماتركته وآبتعدت خطوتيـن عنه " شرايك فيني ؟؟؟
سالم : قــمــر مشالله علـيــج .. تيننيـن ..
آمنه تتسع أبتسامتها : آآدررري ..
سالم بخبث : وأن شالله حق من هالكشخه ...
آمنه فهمت قصده لكنها سوت روحها تتغيشم : حق يدي حبيبي ..
سالم وهو كاشفها : آآآهـآآآ حق يدج !!!...
آمنه ضحكت بالخفيف : روح خذ لك دش بسرعه ,, مانبي نتأخر على يدي ... ويستوحش بروحه
سالم : ماراح يستوحش .. توني مكلم عمتج قبل لا أدخل البيت وقالت لي أنهم وصلوا بيت يدج ... يعني اللحين هم عندهـ ولو نتأخر ساعه ساعتيـن مافيهـا شي
آمنه : يـــبـــــــــــه ! شدعوه عااااد ,, أنت ولده الوحييييد المفروض تكون عنده قبل أخــتـــك ...
سالم وهو يتجهه صوب الدري : زيــن لا تصيحيـن بس !! ,, بروح أخذ لي شور وأنتي خلج جاهــزهـ ,,
آمنه : أنـا جــاااهــزهـ من زمــآآن ,, ألــبس عبايتي !!
سالم طالعها بنص عين وهو شبه مبتسم وركب لفوق ..
وأول ماأختفى عنـهـا شــقت الحلج من الونـاســه .. ركبـت الدري ودخلت غرفتـهـا ...
وقـفـت جدام المنظره تجييك على عمرهـا من يديد ,, وتلقي نظرة أخيرهـ على عمرهــا ..
راحت طلعت عـبـايـتـهـا ,, ورجعت صوب التسريحه خذت أحلى غرشـة عطر عندهـا وأبـتــدت تغــرق عـبـايـتــهـا فيــهـا ,,
اللحيـن زايد مب غررريب تـقــدر تتعطرر على كيـفــهـا
وأساساً بيـت يدهـا مابيكون فيـه حد مب محرم لـهـا
يـدهـا
عمـتـهـا
أبوهـا
وزوج المستقبل !
أول ماخلصت شــمـت ريحـة عبايتهـا برضــى وأطلقت زفييرر خفيف ..
رجعـت عبايتـهـا بالكـبـت ,, وراحت غرفـة أبوهـا ,, لقـتـه توهـ داش الحمام الله يعزكم ,,
قـعـدت على طرف سريرهـ المرتب اللي هي بنفسـهـا رتبتـه اليوم الصبح كـعـادتهـا ..
وتــمــت تنــطرهـ ,, وكل شوي تستعجلــه بـعـذر أنهـم بيتأخرون على يــدهـا ..
وهي متلهفـه على شوفـة زآآيـــــد
قـعــدت تتخيل كلمات الغزل والأطراء اللي ممكن يقولهـا لـهـا زايد لما يشوفـهـا ,,,
أو حتى نظرات الأعجــآآآب اللي قدرت تشوفهـا أمس بالمطعم,,
تنـهـدت بصوت مسموع وهي تقول بصوت هادي : والله الحب حلو ! ,,
دقـايق طـوال مرت وهي سـرحـانه بـعـالم وردي ,, مع فارس الأحلام " زايد "
لحد ماقطع عليهـا حبل أفكارهـا الفوطه اللي أنحذفت على ويـهـا ,,: قومي طلعي برى ,,,
آمنه شالتهـا عن ويها بسرعه وقالت : يببببببببببه !! بيخترب مكياجي جذي ,, جووووف شكله القلووووس أختررررب ,,,
سالم : من مساع وأنا أكلمج وأنتي معطتني السيــن ,,, تحملي اللي جاج ... يلا طلعي لا نتأخر صج
آمنه قامت طلعت وهي ماسكه معاهـا فوطة أبوهـا ,, وسكرت الباب وراهـا ,, راحت لغرفتهـا وحذفت الفوطه ع السرير وجيكت على مكياجهـا
ورجعت ضبطت القلوس من يديد بحكم أنه أبوهـا خربـه بفوطـتــه ,,,
حتى شـعـرهـا اللي كان منظم بدقه وكل خصله محطوطه بمكانهـا الصحيح حسته أخـتتـرب رجعت فتحته وأبـتـدت تسويـه من يديد بأهـتـمـام وكل شوي تفتحه وترجع تلمه تفتحه وترجع تلمه
ماتدري كم مده تمت جذي ألا لما أقتحمت عليها الغرفـة ريحـة عطر رجالي تعشقه وبعدهـا شافت أبوهـا واقف عند الباب بكامل أناقــته وكشخته : ماخلصتي !!
تركت شعرهـا وطالعته بزعل : شلون بخلص وأنت عفست شعري !! مب راضي يستعدل ,,,
أقترب منـهـا ومرر يدهـ بالسريع على خصلات شعرهـا وضبط كم خصله على ويـهـا وبعدها قال : شكلج جذي روعه ,,, خليـه مفتووح
طالعت نفسـهـا بعدم رضى بالمنظره وقالت : يبــه !! رجاءاً لا تحاول تسوي روحك عارف بهلـ سوالف ... شكلي جذي معفس أأكثرررر
سالم بنغزه : نسيتي قــبــل ,,, تذبحيـن عمرج صيـآآح وترجي بس علشان أأبــدع بشعرررج وتروحيـن تنفخيـن عمرج بالمدرسـة جدام رفيجاتج ,,
آمنه : كنت صغيرررهـ ,,
سالم يقرصهـا بـ خدهـا بخفه : وبتميـن طول عمرج صغيرهـ بعيني ,,
آمنه آبتسمت : زيـن ممكن أسوي شعـري !! ترى تأخرنا مووت على يدي
سالم : ممكن .. أنطرج تحت ,, لا تبطيـن ,,,,
آمنه ترجع لشعـرهـا : من عيوني ...
طلع ابوهـا تارك وراهـ ريـحتــه العطرهـ ..
وبـعـد دقايق بسيطه من طلعت أبوهـا قـدرت تسيطر على خصلات شعرهـا المتمردهـ وتعدلـها ,,
راحت خذت عبايتهـا ولبستـهـا ولفـت شيلتهـا ,,
وحتى نـعـالهـا " الله يعزكم " لبستهـا وهي بالغرفـه ,,, ولما خلصت خذت شنطـة اليد مالتهـا وطلعت من غرفتهـا وصـلـت تحت مالقت أبوهـا بالصاله ,, مرت المطبخ لـقـتـه واقف يشرب لــه مــآي
آمنه : خلصت ..
سالم وهو يحط القلاص بالمغسله : آوكي عيل ,, مشيـنـا ..
طلع وسبقـهـا ع السياره وهي وراهـ ركبت جداام وحـــرك متــجـه لبيت أبوهـ ,,
طول الطريج وآمنه تفكر بزايد ..
وتتخيل شكلـه اللحيـن وهو قاعد ينطر يشوفـهـا على نــآآر ومتحرررقص بـعـد
أبتسمت بدون لا تحس ,, وشعور غريب يداعب قلبـهـا
اللحيـن لما توصل بيت يدهـا مضطرهـ تفصخ الشيله والعبايه لآنه محد غرريب ...
وهي مب متعـودهـ على هالـشــي بوجود زايد ... تحس روحها مستحيييه مووووت وشكلها ماراح تفصخهم .. وأذا كلش كلش ,,, بتفصخ الشيله وبس !
ماتدري ليش منحرجه جذي ....
رغم أنهـا بالبيت هلكت روحها بالكشخـه بس علشان يشوفـهـا زايد بقمة أناقتهـا ,,
واللحيـن هـونــت ...!
يمكن وضعهـا اللحيـن عادي وطبيعي
وكل بنت مرت فيييــه !!!!!
.
.
وبـعـد طريج طـويل وصلوا بيـت الــجــد ,,
وأرتسمت علامات أستغراب على وي سـالم وآآمـنـه من هالسيـاير اللي مصفوفـه عنـد باب البيــت ,,
غـيـر الـثلاث سياير المصفوفـه داخل ,,
آمنه ألتفتت على أبوهـا : شسالفه ؟؟؟؟
سالم وهو يوقف سيارته جدام بيت أبوه بما أنه مابيقدر يدخلها داخل : علمي علمــج ,,, الله يستر
آمنه تحط يدها على قلبها : أن شالله خير !!
سالم ماعلق ,, بـنـد السياره وطلب من بـنـتـه تنزل ولما نزلوا قفلهـا وهو متجهه لداخل البيت وبنته أحذاهـ ,,,,
جاف باب الملحق مال الدريول مفتوح والظـاهـر في نــاس معـاهـ ,, مااهتم لـه واايد ..
كمـل مشي ووصلوا لبـاب الصاله وشافوا الـنـعـل " الله يعزكم " تـارسه المكان ,,, وكلهـا نـسـائيــه .. مع جواتي بحجم صغـير
آمنه رجعت طالعت أبوهـا تبي تفسير ,, وهو نفســه يبي حد يفسر لـه الموضوع
أقترب من الـبـاب وطقــه بالخفيف ,,, مــحــد فتح لــه ,,
رجع طقه بطريقـه أقوى ,, شوي ألا الباب ينفتح على يد ولد صـغـير تقريبا " 9 سنين " وأول ماشافه قال بصوت عالي : يــــــــمــــه ريــآآآآآآل ماادري منهو !
سمع صوت يجي من الداخل : ريــآآآل !!!؟؟... سأله من هو ؟
طالعه الولد وقال : من أنت ؟
سالم عاقد ملامحه بعدم فهم للي يصير : أنت منوو ؟؟؟
الولد : آنـا خليفه ..!
سالم : أي خليفه !!!!!
خليفه تملل منه ترك الباب ودش داااخل
سالم طلع جواله وأتصل على أبوه يشوف شسالفه رن تلفون الصاله وردت عليه أم زايد : هلا سالم ,,؟
سالم بتسائل : مـهـا !! شسالفه ؟؟؟؟ عندكم ضيوف !
أم زايد بستغراب : أنت اللي عند البــآآب ؟؟؟
سالم : آيـه آآنـا ,, طلع لي يــاهل صغيييير مادري من ولدهـ !!!!! أذا عندكم ضيوف بخلي آمنه تدش وأنـا بمر عليها وقت ثاني
آم زايد : لا لا ,, دش دش ,,, محد غررريب ... كلهم خواتك
سالم بستغراب أكبر : خواتي ؟؟؟.. قصدج أسمــاء وشمس
أم زايد : آيــه ,,
سالم : آها ! أوكي ...

سكر منـهـا وطالع آمنه : عماتج اللي دااخل
آمنه : بس أنــا ماعمري شفتهم ولا أذكرهم ....
سالم : لو كانوا واصليـن جان جفتيــهم ...!! آمشي آمشي
دش مع بـنـته داخل البيت ومشوا لـعـنـد الصاله اللي كانت كلهـا حريم وبنـات أشكال وألوان مع يـهـال متوزعيـن بالمكان
سالم وآمنه : السلام عليكم
كلهم : وعليكم السلام ,,
قاموا شمس واسماء وأم زايد وسلموا على أخوهـم وبعدهـا تناوبوا البنات واليهـال ,, وأكيد مانسوا العروس كان لها النصيب الأكبر من التبوس من صوب عماتهـا اليداد !!!!
بعد السلامات قـعـد سالم وهو يقول : ويــنـــكم أنتـوا ؟؟ من زمــآآآآآآن ماندري فيكم !
ردت شمس : وووي لو صج مهتم جان سألت !!
سالم بجديه : والله أذا تبين الصج ,, من صوبي ماجيت بقصور ... أنتوا اللي قطعتوا فجأه حتى عنوانكم وأرقامكم غيرتوهـا !!! شلون بالله تبيني أسأل ؟؟
أم زايد بنفس جديه أخوها : من مساع وأنا أسئلهم مب راضيـن يجاوبوني ...
أسماء أبتسمت ووجهت الكلام لبناتهـا وبنات أختها شمس : بنات قوموا روحوا داااخل وأخذوا معاكم عروسـتـنـا ...
آمنه بقتت عيونهـا ,," ويـن ياخذوني !!!! المفروض أأجااابل زايد ! مب أجابلهم ؟؟؟"
لـكـن من زود الذرابـه سمعت الكلام وقامت مع البنات اللي ماتعرف ولا وحدهـ فيهم ,,,
وأول مافضت الصاله من البنات ,, ماغير بس اليـهـال محتلين زاويـه بعيده عن مكان قعدة الأخوان ,,
تكلمت أسماء : تبيـن الصج يامها ماحبيت أتكلم جدااام البنــآآت ,, علشان لا تهتز صورتج جداامهم ,,,
آم زايد رفعت واحد من حواجبها : تهتز صورتي ؟؟ شلون يعني مافهمت ؟؟؟؟ وضحي قصدج !
أسماء : أقصــد سالفـة ريلج ,, صراحه حسن لما درى أنــه أنسجن بقضيـة مخدرات وأنـه آبوي لزم عليج تطلقيـن منه وأنتي مارضيتي حلللف علي مااطب بيــتــج ولا أزووورج ولـه بيطلقني ..الريال خايف على سمعتي وسمعته وسمعـة عيالـه ,,!! وصراحه أنــا سمعت كلامه خوفتي أأجي أزورج بيوم يطبون علينا الشرطه ولـه شي ..... بيتج شبهه وأنا أختج ..
آم زايد أتسعت فتحت عينهـا من قوة الكلام اللي قاعده تقولـه أختهـا الصغيره !!
وكملت عليـهـا أكبر خواتهـا شمس : من ناحية شبهه فهو شبـهه ... من جذي ماقدرنا نزورج ببيتج ..... لو أنج سامعـه كلام أبوي ومتطلقـه من هالريل جااااان ماأفترقنا بسبت واحد مايسوى
كانت بترد أم زايد لكن صوت رجولي قطع الكلام اللي بغت تقوله حتى قبل لا تنطق به : آآحترمي نفسج شمس !!!... الريـــآآل متوفي وآآآكيد تعرفيـن هالشي ولـه بتفهمينا أنــه ريلج قاضب عنج أخبار أأختج بعد
شمس طالعـت سالم بستغراب من لهجته وقالت : هوووو !! سالم شبلاااك !!؟ اللحيـن كلمة الحق تزعل ؟؟... وبعديـن أدري أنه متوفي الله يرحمه ويرحمنا أجمعيـــن ..... ماله داعي تعلي صوتك علي ترى مهما كان أظل الكبيرهـ وملزوم تحترمني !!!!
سالم : على عيني وعلى راسي أختي الكبيره ماقلت شي ,,, بس تراج تماديتي بالحجي عن سعود الله يرحمه ... و....
قاطعته أم زايد : سالم خلاص ,, ماله دااعــي .... " تطالع أختها " سـعـود خذته عن أقتـنـاع وعشت معاهـ تحت سقف وااحد وأأعرفـه أكثر منكم ,,, ولما رفضت أني أتطلق هم رفضت عن اقتنــآآع .... ومايهمني الناس شتقول عنــه المهم عندي أنــي عارفته عدل
أسماء : مع أحترامي لج يامها ,, تراااج غلطانه بهلـ الأختيـار .... لو انج تامه على ذمـة فايز الـ"...." مب أحســن لج ؟؟؟ شوفيـه اللحيـن ويـن وصل وشلون صار ..... وشوفي اللي بديتيـه عليـه ويـن وصلج
سالم بحده : أسما ممكن تكرمينا بسكوتج !!!
شمس دشت بالموضوع : شوفوا ياجماعه .. بلا هالمواضيع اللي راح تزعلنا من بعض ... ماصدقنا أجتمعنا من يديد وعلى مناسبه حلوهـ مثل هذي بتقلبونهـا نــكــد ؟؟؟
سالم بتجاهل لكلام شمس وهو يوجه الكلام لأم زايد : ويـن أبوي ؟؟
أم زايد : بالميلس مع الشباب ...
سالم قام : عن اذنكم ...

ترك لهم الصاله وطلــع وهو متنرفز من هالخوااااات
" مأقول ألا الله يعينج يامها على مجابل ويوهم "

كم خطوه فصلته عن الميلس فتح الباب ودش ولأول مرهـ شــآآف المـكـان مليـآن شبـآب بمختلف الأعمار أصغرهم يمكن عمرهـ 16 سـنـه !

.
.

فـوق وخصيصاً فـ غرفـة الضيوف دخلوا البـنـات بعد ماطلبت منهم آمنه هالشي بما أنها هي الوحيده اللي حافظه تفاصيل البيت
توزعوا بالمكان اللي قعدت ع السرير واللي ع كرسي التسريحه واللي على الجلسـه البسيطه الموجودهـ بـزوايا الغرفـه
كانوا بالضبط 11 بـنـات ومع آمنه صاروا 12
تهاني " بنت شمس " ببتسامه عريضه : شلــونج آمـنـه ؟؟
آمنه طالعتها وقالت وهي تبادلها الأبتسامه : الحمدالله بخير ,, وآنتي !
تهاني : آنـا الحمدالله تمام ... " بتسائل " تذكريني ؟؟
آمنه أتسعت أبتسامتهـا على هالسؤال المفاجأ قالت : لا والله !! ماأذكرج ...
تهاني مدت بوزها بزعل : ليش عاد !!! والله قاعدهـ أقول لهم صدقوني بتذكرني لآني كنت أأجيي أزوركم لما كنا صغـار !! وكنت ألعب معاج ومع زايد بعد
آمنه أول ماسمعت أسم زايد فز قلبها قالت بحيا : سوري والله ماأذكرج .. يمكن علشان ماتربينا مع بعض !!
تهاني : مب يمكن ألا أكييييد ... الكبار يختلفون ويتهاوشون وأحنا ضايعيـن بينهم ..!!! المهم ماعلينا .. " قالت بفضول " أنـتـي وزايد متربيـن مع بعض صح ؟؟؟
آمنه : لا .. من كبرنا وأبتدينا نفهم ماقمنا نشوف بعض كللللش ألا نــآآدر
نطت وحده ثانيه بلقافه " بنت أسماء " : عيل شلون حبيتيييـه ؟؟
آمنه ماحبت سؤالـهـا كلش بس مضطره تجامل : بعد ! الله كاتب هالشي ؟؟؟
تليقفت وحده ثالثه " بنت شمس " : شلون شكله ؟؟ من كلام تـهـانـي عنه أأأحسسسه جيييكرررر ... تقول أنه لما كنتوا صغار ماطبت ويها الحلاهـ ...!!
آمنه بغت تكشر على هالكلام الزين اللي قاعدهـ تقوله !! وكانت على وشك تتهور وتمدحه جدام هالحشد الغير مستهان فيـه من البـنـات ... لكنهـا خافت يـحـلـى بيعينهم ويحسدونها عليه ويطير من يدها : الـنـاس أذواق ,,
ردت تهاني : يحبج !
آمنه " شهلـ سؤال !! " : آآكيييد ولـه جان ماخطبني ؟؟؟
دشت وحده رابعه بالموضوع " بـنـت شمس " : شـلـون كانت المـلــجـــه ؟؟ تصورتوا !!! سويتوا حفلة الملجه بأي فنــدق ؟!! وويـن فـسـتـانج خل نجوفــه ؟؟؟؟
تـهـاني طالعتهـا بنص عيـن : آآمسس خالتي قايله لج أنهم ماسووا ملجه لا تحرجيـن البــنـت ! ,, يمكن مايقدر على تكلفـتها
آمنه بدافع : بلا يقدر ,,, بس علشان ريل عمتي توهـ متوفي ماااقدرنا نسوي الملجه ... عمتي مارضت تدش بأجواء الفرح هذي والأغاني وهي توهـا طالعه من الـعـده ,,
علقت وحده من البنات : آآهـااا ,, الله يرحمه ,,
آمنه : آآميييـن ...

كانت آمنه حاسـه بأنهـا غريبه وسط هالكم من البنات ,, كلهم يعرفون بعض ألا هي ماتعرف ولا وحدهـ منهم
تضايقت لما سألوهـا عن ملجتهـا ....
المفروض تحتفظ لهلـ ملجة بصور وذكريات ببالـهـا ومواقف حلوهـ عمرهـا ماتزول ...!!!
لـكـنهـا رضــت بالـعـرس بس بما أنهم راح يعوضونهـا على قولت عمتهـا
أهم شي أنــه زآآيد صار لـهـا مب لغيرهـا ,,,
وآآكيييد هالفتره اللي بتعيشهـا قبل العرس راح يخليـهـا لـهـا أحلى من مليون ملجه وملجه !!!

أنقطعت أفكارهـا على صوت الضحك اللي ملى المكــان ,,
طالعتهم بأستغراب وعلى ويها شبح أبتسامه : شفييكم ؟؟؟
تهاني وهي ميته ضحك : آحسن ماسمعتي !!! حلوووم عليها نكت بايخه مثلهـا ....
آمنه سألتهـا بستفسار : شنهي هالنكت ...
تهاني طالعت حليمه بنت خالتها : أقول !!!
حليمه ببتسامه عريضه : بلا سخاافـه عــآآد ,,,
آمنه حست من نظرات حليمه لتهاني أنه النكته اللي أنقالت وهي غفلة عنهـا ماراح يسرهـا سماعهـا فماحبت تعكر مزاجها على تفاهـة يـاهـل " حليمه شكلها يعطي 16 سنه "
آمنه وهي تمرر نظره سريعه على كل الموجودات بالغرفه : زيــن كلموني عنكم .. !!
حليمه : كلمينا أنتي عنــج ,, آحنا وايد لاحقه عليـنـا ,,
آمنه طالعتهـا بنظرة تشبه الغرور ماتدري ليش كرهتهـا من عقب النكته المجهوله اللي ماقدرت تسمعهـا بسبب أنشغال بالهـا بزايد قالت : شتبين تعرفيـن ؟؟؟؟
حليمه بلقافه : آي شي عنج وعن زاااييييد ؟!!! شيقول لج !
آمنه حبت تفشلهـا ماتدري ليش بس جذي منقهره منهـا : أظن اللي يقوله لي شي خاص فيني ومب لآزم أنشرهـ ,,!!
نطت وحده يديده بالموضوع " بعد بنت شمس " : صاجه آميـنـه ,,, ماترتاحيـن أنتي ألا لما يفشلونج ويقصون ويهج ... عسااج ! تستاهليـن
آمنه طالعتهـا بستغراب " من آمنه صرت آمينه !!!! شكلي بغني ياليل ماأطولك على هالقعده "
.
.

بـيـت وضـحـى

بعد ماتريقت وهي مقهورهـ رجعت فوق لغرفتهـا خذت جوالها وأتصلت على نوره ,,,
ودهـا تثور بأحد من زووود القـهـر ,,,
رن شوي وردت نوره بصوت ناعس : ألو !
وضحى بضيق وقهر : ألو ,, السلام عليكم !
نوره : وعليكم السلام ,, وينج يالقاطعه !!
وضحى : أنا موجودهـ انتي اللي وينج !! آمس مادقيتي !
نوره أسـتـعـدلت بقـعـدتها بعد ماكانت منسدحه : أنشغلت شوي ,,, شلونج
وضحى : مب بخير دااااام هذي أأأأميي !
نوره بتسائل وهي تفرك عينها بخمول : شفيكم هالمره ,,,!
وضحى بعصبيه خفيفه وحرهـ : ألا قولي أشـ مافينا !! ,,, حشى مرت أبوي مب أمي هذي ... قاعدتلي ع الطالعه والنازلـه !! ليييش ,,,؟ علشاني رفضت أتزوووووج خالد لما طلبت مني هالشي ليـن ماطار من يدها !
نوره : زيـن قعدي معاهـا حاولوا تتفاهمون ترى والله عيشتكم مب عيشـه ,, مااتخيل عمري هواش ونجره كل يوم مع أمي !!!! شلون بترتاحيـن جذي ..
وضحى : قعده معاهـا ماراح أقـعــد ,,, تطفرررر الوحدهـ ,, تخيلي رايحه قايله لمايا مافي ريوق بعد الـ9 ,,, " بلهجه مصريـه متقنه " أـل أيــه أـل نـ زـآم !! " رجعت تتكلم قطري " قسماً بالله ساعات أتمنى أنهـا مب أمي علشان أقدر أبرد حرتي عــدل بالكلام ,,
نوره : هـــدي اللحيـن أنتي ,,, ترااج فقعتي طبلـة أذووني من صرااخج
وضحى ماأنتبهت على أنهـا تصارخ قالت بسرعه : قومي قومي تعالي لي ,, وله تدريـن أنا بجيج ....
نوره : بتتغديـن عندنا !!
وضحى : لا ,,, الساعه اللحيـن وحده الا ربع شكلهم تغدوا عنج وخلصوا ..
نوره تتثاوب : الـغـدى عندنا ع الساعه 2 ,,
وضحى : عيل ع الـ 2 ,, بطلع من البيت علشان أوصل بعد الغـدى على طول ,,, يكون أخووج المصون أنخمد وأخذ راحتي بالبيت
نوره شقت الحلج وسط هالنعاس المرتسم بملامحها : يه ! بعد حافظه توقيت رقادهـ وقعدته !!!! لا يكون ....
وضحى صرخت : نويرررررررررر قسماً بالله مالي خللللللللللللللللق ملاغتج ..... تراني واصله التووووووووووب من آمي لا تخليني أأتحسف أني دقيت عليييج مالت عليج وعلى أأخووووووووووووج طويل اللسااااااان قليل الأدبببببببببببببببببببببببببببببببببب ! أخوووووووووووو المينونه ,,
نوره ماتت ضحك من صرااخ وضحى اللي جاب لها صداع : زييييييييـن خلاص خلاص ,,, توووووووووووبه ماراح أعييييدهــا ,,,
وضحى : لو فييييييييييييج خير عيديهـا ,,,, والله لا تندمييييييييين ..... رقدت عليه طووووووووووووفه تــهــرررررس عظاااامه قولي آمييييييــــن !!!
نوره بسرعه : وي أسم الله على نوااااااااااافي حبيبي ,,, لا تدعيـن عليـــــــــه ... راس مالي هو من بعد باباتي !!! أسحبي دعووووووووتج ,, لا أصكج بدعوهـ أقوى ,,
وضحى : ماني ساحبتهـا زيـن ,, ويلا أشوف باااااااااااااااااااي جايتج اللحيـن ,,,
و" طآآآآآآآآآآآآآآآآآآآآآآخ بالسماعه "
وضحى : أفففففففففففففففففف ,, نرفزتني ,,, مابقـى ألا أأحفظ توقيت رقــآآآآآآآآآد قليل التربيه والذوق هذاااااااا ..... مالت عليـه العله ,,

قامت وفتحت الكـبـت بقوهـ زيـن ماأنكسرر
طلعت لـهـا بـنـطلــون أســود معاه حزام جنه سلاسل شكله روعه ,,, وقميص أســود يتعلق بالرقبـه بدون كمـوم
بـدلت ولبستـه ع السريعه ,,, رضخت باب الكبت وراحت طلعت لـهـا أكسسوارات ليدهـا ,, خذت مضــاعد كبـآر أشكالهم روعه ألوانهم مابيـن أسود وفضي
ولبستهم كلهم بيـدهـا اليميـن ,, أما باليسـار أكتفت بانهـا تلبس خاتم ,,,
جافت شـعـرهـا مشطـتـه وخلته مفتوح على حطته ,, ماراح تحط به شي ,,,, مب متفيجه أصلا ,,,
فتحت الكبـت وخذت اي عبايه ولبستهـا سكرت أزرت العبايه لـيـن تحت بطنهـا وخلت الباقي مفتووح .. وخذت لـهـا صنـدل بكعب عالي رفيع أسود ولبستـه
سحبت الشيله مع جوالـهـا وطلعت من الغرفه وسيده لباب الجناح طلعت منه وسكرت الباب وراهـا وتـعـمـدت تقفله ,,,
أمهـا هاليوميـن غاويه مشاكل ,,, مب بعيده تدخل تنبش بغرفتهـا !!

نـزلـت من الـدري
ولقـت خواتهـا الثنتيـن قاعديـن يسوي شي مجهول تحت بالصـالـه ,,
أستغربت منهم وهم ماانتبهوا لـهـا ,,,
أقتربت كم خطوه منهم وبــان لـهـا هالشي أأنصــدمــت
صرخت فيـهم : شتـسوووووون ؟؟
أنصعقوا الثنتيـن ,, وطالعوهـا برعب ,,
أقتربت منهم وقالت بلهجة أمر لأختها " مي 12 سنه " : أجوووف يدج !!!!
مي خشت يدهـا ورى ظهـرهـا أول ماجافت وضحى
وضحى عادت لـهـا الطلب بلهجة أأمر حاااده : أجووووووووووف !
مي طالعت أختهـا " ساره " وبلعت ريجهـا ,,,ورجعت طالعـت وضحى ,,: ماسويت شي !!
وضحى بغضب شع بنظرات عيونهـا : بتوريـنـي يدج ولـه اتصرف معاج تصرف ثاني !!
ساره تدافع عن اختها : شفيييج ماسوينا شي !!!
وضحى مسكت يد مي اللي حطتها ورى ظهرهـا وسحبتها علشان تشوف !!!! وأأأأأأأنصعقت من اللي جافته عن قرب
كانت يدهـا تنــزف دم بسبب حرررررف الـ h & m اللي كاتبتـه على معصمهـا : شــنــووووو ذي ؟؟
مي قامت وقفت وهي تقول بخوووف : والللله ,, واللله.... هـذي سـآآره اللي قالت لي
ساره بسرعه بعد ماقامت هي الثانيـه وبان الموس اللي ماسكته بيدها وعليه أثار دم أختهـا : لا تجذبيـن أنتي قلتي لي أحط حررررفج وحررررف حصووووه !!!
مي مايمديهـا تنطق ألا بسطاااااااااار حااااامي جالهـا من وضــحــى وصرخه هزت قلبها : تدرررررررررررريـن أنه هالشي حرررررررررررااااام !!
مي عورهـا الكف وصاحت من قوته
وضحى مسكتهـا وسحبتهـا معاهـا وهي تقول : تــعــالي أجووووفـ ,,
مــشـت مـعـاهـا وهم متجهيـن لفوق لعند غرفـة أمهـا اللي ماتعتقد أنـهـا بتكون طلعت بهلـ سرعه
وصلت وفتحت الباب ودشت بدون أستأذاان كـانـت واقفه جدام المنظره تتمكيج أأكيييد كانت ناويـه تطلع
وضحى بعصبيه : جوووووووووفي نتييييييييييجة أهمــآآآآآآآآآآآلج " ودفعت لـهـا مي بقوه "
آم وضحى كانت بتزف وضحى لكن لما دفعت لـهـا مي اللي كانت تصيح أستغربت : شمسويـه بأختتتتتج !!
وضحى أقتربت من مي ومسكت يدهـا وورت أمهـا الكارثه اللي بيدهـا : شوفيهـا شمسويـه بعمرهـا ,,,, والشيخه سارهـ اللي مساعدتهـا ,,
آم وضحى أنصدمت من اللي شافته ,,
وضحى طالعت أمها بأحتقار وقالت : هذي وحدهـ وضاعت والظـاهـر سارهـ معاهـا ,,, الله يستر لا يجي دووووري بعد ,,,
تركت الغرفه وطلعت معصبــه ,,,
بينما أم وضحى لما جافت بلوة بنتهـا طاحت فيـهـا طق وصراااااااااخ خلت لون البنت ينقلب من آبيض لأحمرررر .. والحصه الأكبر تنطر ســاره اللي متوهقه بعمرهـا تحت !
.
.
نزلت بسرعه وطلعت من البيت ,, وقفت عند السياره طلعت جوالهـا وأتصلت على محمود علشان يجي يشغل السياره ويوديهـا بيت نوره
ماطول بسرعه ألا هو طالع وراكب السياره ووضحى ورى ,,,
حرك السياره وطلعت من البـيـت
ووضحى حاسـه بقـهـر وخـنـقـه ... ماوعت ألا بعيونهـا تـدمع على هالحاله الزفته اللي عايشـه فيــهـا!!
سـنـدت راسـهـا لورى ,, وغمضت عيـنـهـا وهـي تسمع كلمات الأغنيـه اللي بالمسجل تداعب أذنــهـا ,,,
قالت بصوت مسموع لمحمود : محمووود حــط على قــرآآآن !
محمود أستغرب طلبهـا لكنه نفذه ,, غيرهـا وحط لها على قرآآن
قـعـدت تســمــع تحاول تـهـدي نفـسـهـا وتشيل من بالـهـا الحياه اللي عايشتهـا ..
الكل يحسدهـا على النـعـيـــم اللي عايشـه فيــه
وشلون أنه كل شي تبيــه موجود ومتوفر حولـهـا وبدون ماتتعـنـى وتمشي خطوه لو تقول " أبي " كل شي يوصل لعندها وتحت ريولهـا بعد !
يحسدونهـا اللي أقل منهـا,,, آنـهـا مابيوم جــاعــت !!
ولا يوم حست بقسوة الجووع حتى !!
يحسدونها على الماركات اللي تلبسـهـا !!
يحسدونهـا على السياره اللي تروح وتجي فيـهـا !
ويحسدونهـا على قصــر فخم كبير ورااااقيي عايشـه وسطه كـ ملكه !
يحسدونها على جناااح كبير خاص فيـهـا هي بروحها ,, متوفر فيـه كل اللي تبيـه !!!!
يحسدونها على المظـاهـر
مايدرون أنــهـا محرووومه من وااااااااااااايد أشيـــاء
أهم من القصور والماركات والأكللللل والسياير
محروووومه من الحــنــآآآن والــعـــطف
محرووووووووووومه من الحب نفسه !!
رغم أنه نوره رفيجتهـا الروح بروح ألا أنـهـا ياما حسدتهـا على حياتهـا البسيطه رغم ثراء أهلهـا ,,
حسدتهـا على حب أمـهـا لــهـا
وتدليع أبوهـا
وحرص أخووووهـــا الكبير عليهـا
وقرررب أخوهـا الصغير منهـا
ومحبـة اختهـا الصغيره لـهـا ,,,
أما هي حتى خواتهـا ماتدري أذا يحبونهـا وله لا !!!!
شلون بتدري وهي ماتقعد معاهم أصلاُ!!
حاولت تنفض هالأفكار من بالـها وتصغي للمسجل ,,
مرت دقايق طــول لـحد ماتوقفت السياره عـنـد باب بيت رفيجتـهـا
نزلـت من السـيــاره ورنـت الـجـرس مرتيـن ورى بعض وتمت واقفـه تنـطــر ,,
رجـعـت رنـت من يديد وهم محد فـتـح ,,
طلـعــت جوالـهـا وأتصلت على نوره رن شوي ,,, ألا الباب يـنـفـتـح ..
دشـت البيـت لقـت نواف مبـتـعـد عنـهـا ,, ومتجهه لداخل البيت حتى ماشافت ويـهـا ..
وضحى وهي تسكر الباب وراهـا بصوت هامس : مالت !
كمـلـت مـشـي ودخـلـت داخل البيت مالقـت حد ,, راحت لصاله وقـعـدت على الكرسي بأناقـه ورقي ,,
دقايق ونزلت لـهـا نوره ببتسامه عريضه وسلمت عليها : هلا وغلا بالمعصبيــن ...
وضحى أبتسمت بدون نفس : هلا .. " بدون مقدمات " أمشي خل نروح غرفتـج .. ماأعرف أخذ راحتي هني
نوره بأحراج خفيف : غرفتي معفسسسـه ,, تفشل
وضحى : عااادي مافيـهـا شي يعني !! آنـا مب غرريبــه ؟
نوره ترجع خصل شعرها بتردد وتقول : آآيـه بس ,,,, " بأحراج " برتبهـا وبرجع لج ,,
وضحى ترص عينها : ماعندج ساالفـه !!! أمشي

مشت نوره بأستسلام أحذاهـا ركبوا الدري وتوجهوا لغرفـة نوره مروا صوب غرفـة نواف اللي كانت مفتوحه ,,,
ومايمديهم تعدوهـا ألا الباب ينرضخ بقوهـ زيـن ماأنكسررر
وضحى عقدت ملامحها من همجية هالريال !
توهم بيدخلون غرفـة نوره ألا صوت يوقفهم : شــــــــــدعوه !
ألتفتوا نوره ووضحى لـغـانم اللي قال : مافي حمدالله ع السلامه .. ماتشوف شررر !!! خطااك السو ! يعلـهـا بعدوووك ,,!
وضحى أبتسمت لـه وهي تقول : آنـت طلعت ؟؟
غانم يتكتف : لا دخلت !
وضحى : حمد الله على السلااااامــه ,,,!! رغم أنك تستاهل ماجاااااك .. لو أنا مكان نوره مو بس أدزك بالبرجه ,, أقطعك قطعه قطعه وأأحطك بأكيااااس عبره لمن يعتبر
غانم : شقالولج خاااروف !
وضحى ضحكت بالخفيف : هههـ شلونك اللحيـن ؟
غانم : والله أبيضااني مايل للحنطاويـه ! وساعات أصييير أسمراانـي وأحيان على حسب الجوو أصييررر خال !
وضحى ترفع واحد من حواجبها ببتسامه حلوهـ : دوم أن شالله ,,
غانم يحرك لها حواجبه : وياااج ! ,, يلا ماأأعطلج عن رفيجتج البقرهـ ,,, وراااي مشاريع أنـا " يخز نوره " وأهمها تصليح البطبطه ...
وضحى أبتسمت وهي تقول : بعد مااقعد مع نوير أبي أجووف هالبطبطه اللي رحت ضحيه لـهـا ,,وترقدت بالمستشفى بأسبابـهـا ,,
غانم : آفـا عليج ,, غالي والطلب رخيييص
وضحى : يمه من لسااانك !! أحسك بتطلع مغازلجي !
غانم رفع واحد من حواجبـه بخبث خفيف ,, : أعووووووذ بالله ,,,,
أبتسمت على كلامه ودخلت مع نوره للغرفـه
وسكروا وراهم الباب وقفلوهـ ,,
وضحى بصدق : أخوووج صراحه يخلي المتضايق يرقص من الونـاسـه ,, " تطالع نوره " ياليت عندي أخو مثلـه ..
نوره : أخذيييييييييييه ع الأقل أفتتتتك منه وأصفي ع الباقيـن وأأحتل المكاان بروحي
وضحى ببتسامه : لو صار هالحجي صج بتموتيـن علشان بس يرجعون لج !
نوره : وويي ! خل يصير وجوفي شبسوي ,,,,
وضحى : أنتي بس غرررق وترقد بالمستشفـى ,,, ذبحتي عمرررج صياح ومحاتاهـ ...! لا تنكريـن تحبينهم كلهم ولو تفقدين واحد بتموتيـن
نوره تدري أنه كلام وضحى صج بس من متى الأاخوان يعبرون عن هالشي لبعض !! قالت تغير الموضوع : المهم يالمحلله النفسيه ,,, بنطول وأحنا واقفيييـن ,,
وضحى فصخت عبايتهـا وشيلتهـا وحذفتهم على نوره : علقيهم وتعالي خل أفضفض لج ..
نوره وهي تشيل العبايه والشيله عن ويـهـا : والله صج ؟؟ حلللللللللللفي !! أشتغل عندج أنــآآآآآآآآآآ ,,, " ترجع تحذفهم عليهـا " علقيهم أنتي خليني أرتب السرير ..
وضحى مسكتهم وهي تضحك بالخفيف
راحت علقتهم مثل ماطلبت منها نورهـ
وبعدها ساعدتهـا بترتيب الفرااااااش ,,,
وكالعاده لأزم يلعبون شوي ويكفخووون بعض بالمخااااد وهم يرتبون ,,, وبــعـــد دقايق بسيطه خلصوووا
وقعدوا ع السرير ,,,
تنهدت نوره بصوت مسموع : آآآآآآآيـه ! اللحيـن الوحدهـ تحس بالرااااحه ..
وضحى تطالع نوره وتقول : نوير .. آآحس روحي متملله !!!! وماعندي شي أسويــه ....
نوره : كل شي متوفر لج وماعندج شي تسوينه ؟؟ طلعي السوووق !
وضحى تزفر : حفظت كل محلات الدوحه وكل بضاعتهم بعد من كثر ماأأطب هالـسوق ...
نوره قـعـدت تفكرر بشي ممكن تتسلى فيـه وبعدهـا قالت : زيييــن عندي فكرهـ ,,,, أحجزوا بالشاليهـات وروحوا كلكم أنتي وأمج وأبوج وخواتج الصغــار قـعـدوا هناك أسبوع,," ببتسامه حلوهـ " صدقوني بتستانسون ...
وضحى : وشللي يونس بالسالفه ,, بالعكس بنتملل أكثر .... جربت مرهـ وماأبي اجرب مرهـ ثانيــه ..
نوره ترجع تفكر : مممم ,, زيـن ساااافري ...
وضحى تنسدح على ظهرها: مااااالي خلللللق ,,, كل الدول أحسهـا متشابهه !
نوره تنسدح أحذاهـا: والله من كثر ماتسافرييييييــن ,,, رغم أني مستغربه أنج ماسافرتي هالصيييييف وتميتي بالدوحه
وضحى غمضت عينها ولا علقت
نوره طالعتهـا : زيييـن مو أنتي شريتي أفلام شكثرررر على قولتج ,, قـعـد شوفيهم ! صدقيني بيمر الوقت ...
وضحى : هم مالي خللللق
نوره أفترت عليها بجسمها كله وصارت منسدحها على جنبهـا اليميـن : كل شي مالج خلقه !!!! مابقـى شي
وضحى تغطي ويها : مالي خلق نفففففففسسسسسي " زفرررررررت بأعلى حسهـا "
نوره بتسائل : أنتي شفيييج بالضبببط ؟؟ كل هذا علشان أأمج ؟
وضحى : علشان آمي ,, وراااشششششد ,, والفرااغ اللي عايشته ,,!!
نوره تنهدت : وهالراشد ماخلصنا منه ,,؟؟
وضحى : ولا راح نخلللللصص ,,, شوفي حالتي قبل وشوفي حالتي اللحيــن ... بذمتج كنتي تشوفيني متضايقه وله معصبه قبل ؟!! حتى ماكنتي تلمحيــن تكشيييره وحدهـ على ويـهي .... بس من بعد ماتركته تغيرت حياتي كلها ! ,, ماتدريـن أنتي شكثر صعبـه أنج تتعوديـن على شخص بشكل كبييير وأأخر شي تضطريـن تتركيـنــه .. ولا وهو الشخص الوحييد اللي مالي عليج حياتج ... ومحسسسج أأنننننننننج بشرررررر!
نوره ضمت شفايفهـا وهي تقول : مادري شقول لج !!,,, آآدري أنه كل هالمده اللي تركتي فيـهـا راشد طويلـه وايييد وزيـن منج قادرهـ تستحمليـن ليـن اللحيـن بـ...
قاطعتهـا وضحى بضحكه خفيفه كلها أستهزاء وسخريه : ومن قالج أني قدرت أأصببرررر وأستحمللل ,,, أأمس خااارت كل قواااي وطرشت لـه مسج ولا وأتصلت بعد .." شافت بعيون نوره الصدمه وخيبة الأمل قالت " لا تخافيــن ,, شكله نساااني بالمرهـ ... لآنه مارد على المســج ولا حتى عبرني !! ,, ولما أأتصلت ردت علي مرته وشرشحتني تشرشح .... حسستني أني ولا شي ,, حسستني أأنـا خطافـة ريايل !!
نوره بفضول مغلف بأهتمامها : شقالت لج ؟
وضحى : ماخلت شي ماقالته ,,, وكل شوي تقول لي ,,, لو تبين تتزوجيـن الريايل تارسيـن الدوووحه ...! والله حسيت عمررري وحده معنسه قاعدهـ تلاحق ريال متزووووج .... وأزيدج من الشعر بيت قرررت المسج اللي طرشته لراشد ماادري قرته بالصدفه وله راشد بنفسه خلاهـا تشوفــه .... تدرررييين ساعات ودي آ..." أنفخت وهي تستغفر "
نوره : المفروض ماتتصليـن من الأساس .. لأنج لو كنتي مكانهـا كان راح تسويـن أأكثر من جذي ,,,, وصراحه حالتج هذي تقدريـن تطلعيـن منهـا لو شغلتي وقت فرااغج ,,, أشتركي بناااادي ! الله مكثر النوادي بالدوووحه ,,, مـنـهـا تستفيديـن وتشغليـن عمرج
وضحى : ماأأحببب النوااااادي لآنـها تحسسني جني بمدرســه ... ولآزم بالوقت الفلاني أرووووح وبالوقت الفلاني أرجع البيت ... ! ماأحب أكون مقيدهـ بوقت محدد
نوره : عيل شبتسويــن ؟؟
وضحى قامت قعدت على حيلهـا : ماادري !!!!
نوره قعدت أحذاهـا وقالت بتسائل : لهدرجة تحبيـنه ,, لدرجة أنـه من طلع من حياتج وأأنـتـي متنكدهـ ,,!
وضحى : وآآكثر من ما تتصوريــن ,, مادري أذا حب وله احتيااج ! بس بالحالتيـن مااقدر أستغني عنه ... راشد كان أبوووي وأأخوووي وأأمي وكل أخوواااااني .... كان الشخص الوحيد اللي لما يشوف دمعتي يموووت ! ومايرتاح ألا لما ياخذ حقي ,, ولما أمرض ولـه شي ..عبالج أمي اللي تسهر على راحتي..؟؟.. زيـن منها تقول لي ماتشوفيـن شر وتبوسني وهي طالعه ..!! بينما راشد لا ,,, حتى لو ماكان عندنا بالبيت تلاقينه معاي على التلفون يسولف معاي ليييييين أأناااام وهو ع الخط ! ,, راشد كاااان الـعــالم اللي يحيطني ... !!!! كاااان دنياااااااااي ...
نوره : بس لا تنسيـن ولا تتناسيــن اللي كان راح يسوييييــه ..!!! حزتهـا ماراح يكون ولا شي من هاللي ذكرتيهم ! ماراح يكون غير وااااااحد منحط سلبج أأغلي شي عندج
وضحى : آآنــا ليييييش حظي بالدنيا جذي ,,؟؟!!!!
نوره : لا تقوليـن ليش ,,, قولي الحمدالله على كل حــااال ..... وماتدريــن يمكن اليوم وله بكرهـ ربج يفرجـهـا ,,
وضحى من كل قلبها : آآمييييييييين ,,
نوره ببتسامه : كل ماتضايقتي تذكري أني موجودهـ ,, ومستعدهـ أأغثثثثثثثثثج 24 ســآآآآآآعه ,,, أنتي بس تدللي ,,
وضحى طالعتها وأرتسمت أبتسامه على شفايفهـا : والله مادري لو ماكنتي رفيجتي شكنت راح أأسوووووي ,,,!!
نوره بثقه عاليـه وغرور مزيف : أأدري أني ماأتعوووووووض ,,
وضحى طالعتهـا شوي بعدهـا أقتربت منها وحظنـتـهـا بقوه وهي ودها تصييح على صدرهـا بس ماسكه عمرهـا
ونوره ماردتهـا بالعكس رحبت فيـهـا بصدرهـا ,, حظنتهـا بقوهـ وطبطبت على ظهـرهـا وهي تمرر يدهـا على شـعـرهـا بخفــه ,,
ودهـا تسوي أي شي يرجع وضحى نفس قبــل
بس ماباليـــد حيــلــه !!!!

.
.

بأحدى مطاعم الدوحه الـفــخـمـه

كانوا ماخذين طاولـه لشخصيـن والجو حولهم رومنسي بـحـت
بهلـ قعده وضح كل واحد فيـهم شللي يضـايقـه بالثــاني وشللي ودهـ يشوفــه منه !
قـالـت لـهـ هيــا أنــه ودهـا تحس روحها موجودهـ بحياته !!! مب خدامة تهتم بالعيال وتجهز لـه الأكل وترتب ثيابـه !! وتقوم الصبح لدوام ؟؟
وهو مارفض بالعكس واافق وقال لـهـا أنه راح يحاول قد مايقدر يـعـوضـهـا عن اللي رااااح !
ومايبي منها الا أنـهـا تستحملـه وتطوف لـه زلاته البسيطه وتطول بــالـهـا علييييـه
وسالفـة وضحى أكد لها أنه ماراح يقدر ينساهـا بيوم وليله !!!! بس لو أأجتهـدت هـيـا يمكن تخليـه يتناساهـا ويطلعهـا هو بعد من حياتهـ
مثل ماسوت هي وآآكثررررر ,,,
طول القـعـده وراشد ماوقف أبتســااام
مستانس على هالقمر اللي مجابلته !!!!!
كانت قمه بالجمـــااال ,,!!
حس روحه رجع لأيام شهر العسل من يديد
الأيام اللي كل أثنين متزوجيـن يعتزون فيـهـا ويحبونهـا ومستحيل ينسونـهـا ..
هالقـعـده جددت حب هـيـا الخامــد بقلبــه ,,, وحركته ...!
بينما هـيـا ,,, كانت فرحانه أكثر من فرح راشد نفسسسسســه
حست أأنـــه منبهـــــر فيــهـا !!!!
تمنت أنـهـا سوت هالخطوه من زمااان ومااهملت نفســهـا أول ماولدت وتفرغت لليهال وبس !!,,
كانت أذا أنحرجت من كلمات الغزل اللي تمطر عليـهـا بقوهـ ,, تنزل راسـهـا لصحن وتاكل ,,,,
وهي تسمع صوت ضحكه خفيفه جذابه طالعه من راشد اللي مجابلـهـا ,,,,
هاليوم تحسه أأأحلى يوم مر عليـهـا طول فترة زواااااااجهــا ,,, من بعد شهر العسل طبعاً ,,
وأن شالله مايطلـع شي يــقلب الموازيـــن ويدمر هالتفاهم اللي توهـ منولد بينهم !!
.
.

بمكان بعيد عن هالمطعم شوي

كان قـاعـد وسط الـشـبـاب اللي بـعـضـهم تأقلموا عليــه والبعض الثاني أنفروا منه لأحساسهم أنــه مغرور وشايف عمرهـ
لآنه من دخل وهو ساكت وينصت بس ويرد على قد الكلام لا يزيد ولا ينقص .. وهــاااادي بطرريقـه غريبـه !
طول ماهو قـاعد ويدهـ يحاول قد مايقدر يستفزهـ ,,,, تلقونه يـنـادي واحد من عيال خالاته اللي طلعوا له فجأه ويقعدهـ أحذاهـ ويدلعه شوي ويسأل عنه وعن أخبارهـ
قسما بالله اللي يشوف شكله يقول أنــه زايد هو اللي من زماااان مااطب هالبيييت ولا حتى شاف يدهـ ,,, وأنه هالشباب الموزعيـن حوله هم اللي مامر أسبوع ألا وهم بهلـ بيييت
مايدري شهلـ حقد اللي بقلب يدهـ علييــه ,,
يعني شيبيـه يسوي أكثر من جذي !! محترمه وحاط لـه قدر ومقدر شيباته ويحاول يرضيه بأي طريقــه ,, بس هالشايب راسـه صخرررررررر مايأثر فيـه شي ,,,
مو ناقص ألا يروح يسوي عمليـة تجميييل ويغير بمظهرهـ علشان يفقد الشي الوحيد اللي رابطه بأبوهـ ! وهو الشبــه
حس بأثنيـن كانوا قاعديـن أحذاه يحشوون بــه ,,
ماألتفت لــهم أكتفـى بأنه يسمعهم بس

-: تحسسسه شوي وييينط له عررررج من كثرر ماهو ناافخ عمرهـ ع الطل !!
-: مــادري على شنــو شايف نفسسسـه ؟؟!
-: أنـتـا شوف القعده شلووون ,,, ! ولـه نظراته لحموود تقول ماكل حلالــه ....
-: ماأنتبهت لنظراته لحمووود ,,, شفته وهو يقز خلوووف وعبوود ,, شكله محترررر !
-: محتر وبس ,, بينفجرررر .... شكله مايطمن ! وأساساً يدي شكله مب بالــعــه ولا يواااطنـــه ... لآنه من دخل للحيـن ويدي حتى ماعبرهـ ولا عطاهـ نظره وحدهـ ,,
-: يدي مايحب المتصنعيــن واللي شايفين أعمارهـم ع الخلق ,,,
-: تهقى خالتي مها مثله ؟؟؟؟
-: مااادري !! بس دااام هذا ولدهـا ,,, مب بعيييدهـ تطلع أأأأخس منه ,,,

ألتفت زايد بسرعه لهم على هالكلمه ..وعطاااهم نظررره تشعع شرااااااااااار
وهم فهموا من نظراته أنه سمـعـهم ,,
تعـدل كل واحد بقعدته وصدوا عنــه ,,,,
بغـى يتهور ويقوم لهم يبلع كل واحد فيهم ضرررووووســه لكنه قااضب مكاانه ,,
رن جوالــه وعلى صوت النغمـه هــدى الجــو حولــه ,,
شال عمرهـ وطلع من الميلس ,,,
وأول ماأختفـى عنهم
أبتدى شغل الحش بين الشــبــاب
تجمعوا أحذى بعض تقولون حريييم وأبـتــدى كل وااااحد ياكل بلحم زااييييـــد
بينما اليد كان قاعد وحولـه صبيان صـغــار أكبرهم 17 سنه
ويسولف معاهم ويتغشمر ,,, أنتبـه للجمعه اللي صايرهـ لكنه ماعلق
من حقهم مايواطنون هالمخلللووووووق !!! وأذا بيقطعونه حشش هو ماراح يتدخل ,,,!
.
.
زايد زفر وهو يرد على آمه : هلا يمه ,,
أم زايد : هلا زايد يبه ,, شلون القعدهـ بالميلس !!!
زايد وهو ينفخ : أنتي أدرى ,,
أم زايد بحنان : يبه أستحمل يدك ,, هو ريال كبيييرر حاول ماتحتك فيه ولا تكلمه ألا اذا كلمك ,,
زايد : يمه طلعي برى أبي اشوفج ,,!!
أم زايد : آوكي اللحيـن بطلع لك ,,
سكرت من عند ولدهـا ,,
وقامت من عند خواتهـا اللي قاعديـن يسولفون مع بعضهم عن أخر صيحات الموضـه
وشسوت المطربه الفلانيـه والعلانيـه !!! ,, اللي يسمع سوالفهم يقول مراهقااات ! مب جنه أصغر وحدهـ 37 !
على طريجهـا شافت آمنه طالعه من المطبخ وبيدهـا عصاير طلبت منهـا تجيب لـهـا ماي برى ,,
وهي ماردت لـهـا طلب ,,, بس بـتـودي العصاير لبنات عماتها اللي فوق وبترجع ,,

طلعت بــرى لزايد اللي كان واقف قريب من باب الصاله ولقـتـه ينـطرهـا
أول ماشافته أبتسمت وهي متجهه له : كاني جيت ,,
زايد أبتسم لها وقال بتسائل : شلون خالاتي معاج ؟؟
أم زايد تلاشت أبتسامتها : شقول لك ياولدي !!!,, خلهـا على الله ؟
زايد بأهتمام : ليش ضايقووج بشي ؟
أم زايد : كلامهم كله يضايق !.. بس يلا ... ماعليك مني .. أنت شفيييك ؟ صوتك وأنت تكلمني مساع مايريح
زايد : حاس روحي مب متعوود على الوضع داااخل ,, عيال خواتج ذولا يرفعوووون الضغط وقسماً بالله ,, ويــدي شغال نـغــزآآت كل شوي قاط كلمه وله كلمتين علي !!! خاطري أرجع البيت صراحه ,,
أم زايد : شنو ترجع البيت ؟؟ هاليمعه هذي صايره علشانك أنت وآآمنه مايصير تطلعون ألا بعد مايطلعون هم !!!,,, وأذا على كلام يدك طووف علشاان خاااطرررري
زايد من قلبه قال : علشان خاااطرج سويت وااايييد أشييااااء ,, ومن ظمـنـهـا أنـي مستحمل وأطوووف لـه !!! .... يمه ! أنـا شذنبي أذا يدي يكرهـ أبوووي !! ليش مدخلني بالسالفــه ؟؟؟؟ شبهي له هذا شي مو بيدي ولاني قادر أتحكم فيييــه ,, !!
أم زايد تحط يدها على خدهـ بحنان : ماعليه يايبه .. ماعليه ... لا تشغل بالك أنت .. وشبهك لأبوك أحلى شي فيييك
زايد لأول مرهـ يقولهـا جدام أمه : ياليته موجود !
أم زايد أحزنت على كلام ولدها ,, كلهم كلمتيــن لكنـهـم يعنون أشياء وأشيااء ,,,
ياليته موجود !!
تمت تتكرر براس أمه مليون مرهـ !! اول مرهـ زايد يعبر عن احتياجه لأبوهـ جدامهـا ,, حست أنــه فعلاً متحاااج أبوهـ لكنه يكااابر ويخش بقلبــه ,,, هم كلمتيــن بس .. لكنهـا قدرت تستشف منهم أشياء وأشياء ,,
تحسف زايد أنه قال هالكلمه ,, خاصه لما لمح دموع تتجمع بعيـن آمه ,, قال بسرعه : لو تصيحيـن بحررررم أأفضفض لج من يديد
أم زايد ضمت شفايفها وقالت : لا ماراح أصيح ,," تمسح دموعها " بس في شي دش بعيوني ...
زايد مد يده ومسح دموعهـا بحرص
وعلى هالحاله شاف آمنه متجهه صوبهم وبيدها قلاص ماي عطته لأمه : تفضلي عمتي ,,
آم زايد وهي تلتفت عليها : مشكوررهـ حبيبتي ,, " خذت منها القلاص وهي تقول " ,,, شلون البنات معاج ؟
آمنه أبتسمت : الحمدالله ,, حبوبات ...
أم زايد تطالع آمنه وترد تطالع زايد : الحمدالله ع الأقل في آحد منا أرتااح معاهم !! ,,, يلا أنـا داشـه دااخل .. أأخليييكم تاخذون راحتكم
زايد أرتخت ملامحه !!
شنو أخلييييييكم تاخذون راحتكم
هو مايبي ياخذ راحته !!!!
مايبي يشوفـهـا من الأساس
أول ماأبتعدت أمه عنهم .. ساد الصمت بينهم
مايعرف شيقول لهـا وهي واقفه مثل اللوح جدامه ,, وراسها بالأرض ,,
تنحنح بعدها قال : شلوونج ؟
طالعته آمنه وأبتسمت بخجل : الحمدالله بخير ,, وآنت !
زايد : بخير ..
آمنه بعد تردد طويل قالت : زاييد !
زايد أرتبك شوي لما نطقت أسمه لكنه مابين قال : هلا ,,؟
آمنه ترددت من يديد بعدها قالت : لا تهتم لكلام يدي !!!! تراهـ طييبب وأأكيد يعزك
زايد رفع واحد من حواجبه بستغراب !!
آمنه حبت توضح الموضوع : وأنـا جاايـه لكم سمعتك تتكلم عن هالموضوع ,,,
زايد بحده وجديه : تتجسسيـن علي ؟؟
آمنه أستغربت من الكلمه اللي قالها ,, شنو تتجسسييييـن !!!؟ قالت : لا ! سمعتكم بالصدفه ,,؟؟
زايد : رجاءاً آمنه ,, ثاني مرهـ لا شفتيني أتكلم مع أمي مااأبيج توقفيـن تتسمعيـن الحجيي !! وتجين تمارسيـن دورج كزوجه علي !
آمنه أنصعقت من أسلوبه الجااف والجاامد وكلامه اللي يجرح : ماقصدت !!,, بس كنت حابه أخفف علييييك
زايد : أأعررف شلون أخفف عن روحي بدون مساعدة من أأحـــد !!
آمنه أنربط لسانهـا ,, !
شبلاهـ يكلمهـا جذي ؟؟
حس من نظراتهـا أنها مستغربه من أسلوبه لكنه مااهتم : دشي دااااخل ,, قبل لا يطلع حد من عييااال عمااتج من الميلس !!! ماأأبيهم يشوفونا !
أتسعت فتحت عيـنـهـا على كبرهـا من اخر كلمـة !
ماأبيـهم يشوفونا ؟؟؟؟
ليش !
هو منحرررج منهـا ؟؟ ومن كونهـا زوجته ؟!!
المفروض يقول ماأبيهم يشوفونج ... علشان يحسسهـا أنـه يغـار عليــهـا ,,
قالت بطاعه وبصوت مخنوق : آن شالله ,,
أستدارت ودشت دااخل ,, لقــت البنات كلهم متجمعيـن عند باب الصاله ,,تقولون مو شايفيـن خير
نقزت تهاني : يالدببـــــــــــه !!!!! يهببببببببببببببببببببببببببببببل ,,, يااااااااااااااحظظظظظظج ,,
نقزت حليمه : واااااااااااااي !! شكللللللله يذبح ,, " تكلم تهاني " وتقوليـن جيكرررررررر ! أشهد أنه ذوووووووقج زفت ,,
آمنه عقدت ملامحها وقالت بغيره : شـعـنـدكم نزلتوا ؟؟
ردت وحده من البنات : تمللنا من القعدهـ فوق ,,, أنحكرنــآآآآ
آمنه طالعتهم بنظرات قـهـر !!
أكيد شافوه وهو معصب عليـهـا بدون سبب مقنع
اللحيـن شبيقولون عنهـا ؟
.
.
بيت بو نواف
ع الـسـاعـه 3 الـعـصــر
جيــك على شكله بالمنظرهـ ولما ضـمـن أنــه أوكيـه طلع من غرفـتـه وهو تـارك مرته غاطه بنوم عميق
كان البيت هادي ! وهالشي متعود عليه هالحزهـ لآنه الكل يكونون بغرفهم ,, وأكيد نايميـن ,,
نزل من الدري وطلع من البيت ركب سيارته وحــررك متجـهه لـلمكان المتفق عليييـه ...
طلع جوالـه وضغط على الأرقام وحطه على أذونه ,, وصل له صوت الرنين وبعدها جاله صوت خشن رجولي : هلا بـونـواف !
بو نواف بجديه : هلا ..!! ويـنـك فيـه ؟
-: بنفس المكان اللي متفقيـن علييـه ..
بو نواف : جبت الفلوس !!!
-: أكيييد أفاا علييك ,, موجوديـن معاي ...
بو نواف هز راسه بتفهم : آآهـااا .. شلون التجارهـ !!
-: والله تمام التـماااام ,, كل أسبوع يجينا زبون يديد ....!!!!
بو نواف : بس جوف !! مو من هب ودب تدليه مكااانك ,,, حااسب !
-: أفاا علييك لا توصي ... صااحبك فطيين ,,
بو نواف : آوكي مسافـة الطريج وأكون عنــدك ..
-: بس في شغلــه لآزم تعررفـهـا ,,
بو نواف : اللي هي ,,,؟
-: بو خلف شكله بينفذ اللي قال لي عليييـه ,,,
بو نواف بأهتمام : شقال لك ؟
-: قال لي أنه هالدفعه أأخررر دفعه يبيع ويتاجر بـهـا ... يبي يتــوووووب !! وقعد يخربط علي بأنــه ضميره يأنبه وماادري شنووو !!!! وغيره من الكلام الفاضي ,,
بو نواف بعصبيه : بكيف هو ,,؟؟! سكر سكر خل أدق عليه
-: لا تعب عمرك ,, جهازه كله مغلق ... !!! ورقمه الثاني الظاهـر غيرهـ ,,!
بو نواف : آنـا أعرف شلون أوصلــه ,,, شوف ,, بمر عليه بالأاول وبعديـن بجيييك !!! مو تروح مني وله منااكـ ,,
-: ماني متحرررك ! بس لا تبطي علي ,,
بو نواف : أوكي ,,

سكر منه وغير طريـجـه لبيــت بو خلف !!
طول الطريج وهو ماسك السكان بكل قوته ,, من القـهـر ...
لحد ماوصل لبيتـه ,, نزل من الـسـيـاره ورن جررس ....
شوي وفتح لـه بو خلف وتلخبطت ملامحه
بو نواف وهو يدش الحوش : السلام عليكم
بو خلف : وعليكم السلام
بو نواف : شلــوونك صالح ؟
بو خلف بتوتر خفيف : الحمدالله ,, تفضل حياك !
بو نواف : زاد فضلك ,,,
مشى متجهه لباب الميلس ووراهـ بو خلف
وأول مادخلوا وأختلوا بروحهم
ألتفتت بو نواف له وقال بدون مقدمات : صج اللي يقولـه سعييد ؟
بو خلف وهو يحاول يجمع كل قوته : شيقول ؟
بو نواف طالعه بتفحص بعدها قال : يقول أنك ماعدت تبي هالشغله ؟؟,, يعني عقب ماتحسنت أحوااللك بترفس النعمه بريلك !
بو خلف : آآآي نعمه يابو نواااف !! بذمتك شغلتي هذي نعمه ؟؟؟..
بو نواف : بس هالشغله اللي صارت مب عاجبتك ,, هي اللي جابت لك هالبيييت اللي ساكن فيه اللحيــن ...
بو خلف بتحسر : ياليتهـا ماجابته .... " بألم " أأنــا مب قادر أنــأأأم وأنا مرتاااااح يافــاايز .... من عشريـن سنه وآآنــا ضميري ذابحني .. الريال اللي دخلناهـ السجن مظلووم أحسه محاصرني بكل الجــهــات ,,,, أحس روحي ويـن ماأروووح أأشووووفــه ,, أأنـا دمرت عيله يافايز عيله كاملـه ... واللحيـن قاعد أشوف عيلتي تدمر جداااام عيني واحد ورى الثاني ..!!!...
بو نواف : من عشريـن سنه ضميرك مأنبك ,, وتوك تبي تهـد هالشغله ؟؟؟ ليش ماهديتهـا من زمااان ! مب بعد ماصرت وااحد أساسي بهلـ شغله ...!!
بو خلف : تدري ليش اللحيـن وبهلـ لحظة فكرت أهـدهـا ,,,!! لآني أأكتشششفت أن ولدي اللي كنت أعتقد بيكون سند لي ولعيالي ومرتي !! مـــدمـــن !!! ولدي مدمن يافايز ,,,
بو نواف أتسعت فتحت عيونه !!
بو خلف بخنقه : مب قــادر عليييـه ,,, كل يوم أشوفه يذبل جدااامي ولاني قادر أساعدهـ ... تبيني أقول لك كم مرهـ أهاااني وضربني وأأأنا أبوووهـ ؟؟؟؟ تبيني أعدد لك كم مرررهـ ضررب خوااته وأهان آمه ,,, " بألم أكبر " تبيني اقول لك كم مررررره باااااقني علشاااااااان يشتري هاللي بيريحه !! ,, بو نواف أنا ماعدت أقدر أأأكملللل بهلـ شغله ... اللي قاعد يصير فيني أأدري أني أستحقه ! وهذي حوووبـت الـنــاس اللي ذبحت عيالهم واحد ورى الثاني ,,,, اللي يصير فيني بسبـة دعاويـهم ,,!!!!! والله يستر من الياي ...
بو نواف طالعه بأهتمام وقال : زيــن عااالجــه !!
بو خلف نزلت دمعه على خدهـ : أعالجه !! ليش أنا قادر أأأمسسسكه علشان اعالــجــه ؟ ,,," برجى " أبوس ريلك طلعني من هالشغله ماعدت أبي شي من وراهـا ... حتى هالبيت لو تبيـه أخذهـ ,, بدور لي على بيت بفلوس حلال أسكن فيه أنا ومرتي وعيالي ,,أسكن فيـه وأنا مرتااح بدون مااأاخاااف أنه ينهد على راااااسي بسبب أفعالي !! ,, والله فلوس الحرام دمرتني ... وضيعـت ولدي !..
بو نواف بملامح جديه معقوده : بس ماأقدر أستغنى عنك اللحيـن !! تم معانا لحد مانلـقـى بديييل ...
بو خلف : أأأسسسف ,, ماراح أأضيع ثانيه من عمري بهلـ شغله .... وانتوا بعد .. تركووهـا .... تركوا المخدرات وتجارتهـا !!!! ترى والله حوبـة الـنــاااس ماراح تتركم .. وماراح تفلتون من دعاويهم ,,
بو نواف بتجاهل لكلامه : وأذا طلعناك !! شللي يضمنـا أنك ماتشتكي علينا !!! وتدليهم على مكانا ؟؟
بو خلف : لو أشتكيت عليكم ,, بكون ضريت نفسي قبل لا أضركم ... وآآنـا ماأبي منكم ولا شي ,, ألا أنكم تطلعوني من راسكم وتنسوني !!!!
بو نواف فكر بكلامه زييــن وبـعــد دقايق بسيطه قال : آوكي !! لك اللي تبيـه ... " يأشر له بسبابته بتحذير " بس أن لعبـة بذيلك !! ماراح أرحمك ! " نزل يده وقال بعد ماطالعه بتفحص من فوق لتحت " .. عن أذنك ,,,
أستدار وطلع من بيته ,,
ركب سيارته وكل الكلام اللي سمعه من بو خلف يدور براسـه وهو يحاول ينفض هالأفكار من بالـه
مايبي يفكر بكلام بو خلف
كفايـة عليـه زاايد !!
مب نااااقص بو خلف بعد ,,,,,
توجه للمكان المتفق عليــه أخذ الفلوس من سعيييد بعد ماعطااهـ نصييبه منهم ,,
وقــال لــه أنـه بو خلف ... ترك هالشغلــه !!,,
.
.
.
مر الوقـت وع المغرب طلعت وضحى من عند نوره بعد ماقدرت تخفف على روحها شوي ,,
رغم أنهـا اول ماركبت السياره رجعت لنكد من يديد ,,,
رجعت البيت وأول مانزلت بحوش بيتهم لـقـت سـاره قـاعده على طرف الـنـافورهـ وتطالع بالمــاي ,,
أول مالمحت وضحى طالعتهـا بحقد وقامت دشت تركض دااخل ,,
وضحى وهي عاقده ملامحها : عنج مارضيتي !!,,
دشت دااخل البيـت الـفـاضي كالعادهـ ,,
وجات بتتجهه لجناحهـا لكن صوت وقفها : هييييييييييييييه أنتي !
ألتفتت ألا بمي تطالعهـا بنظرات غاضبه: انتي ليش حقوووودهـ جذي !!! أرتحتي اللحيـن لما طقتني آآآمييي ؟؟؟
تكلمت ساره اللي واقفه أحذاهـا : أأي أصلا مابترتاحيـن ألا لما تكرهنا أامي مثل ماتكرهج ,,,
وضحى ألتفتت عليهم وقالت بملامح معقوده : خير أن شالله تعلون صوتكم علي ؟؟؟ أأصغر عيالكم أأنـا !!
مي : ولا احنا أصغر عيالللج ,,, كيفي أسوي اللي بسويـه بعمري مالج شغل فيني ... هذي حريتي الشخصيييه .. أجوووف محد يحاسبج لما تطلعيـن وتدشيييــن وتسويـن اللي تسويـنه !!!! بس ليش أنه أحنا صغاااار تبيـن تفتحيـن عيون أمي علينا وتخلينـهـا تحكرررنــا ,,,, يكون بعلمج اللي بيصير فيني بخليهـا تسويه فيج !! وأذا حبستنا بالبيت بتنحبسيـن معانا ,,, محد أحسن من حد !
وضحى أقترب منها وقالت : نعم نعم ؟؟ عيدي اللي قلتيييـه !!!!! ,, حبيبتي شور أأمج بيمشي عليج أنتي وأأختج سامعه !!,, وهالأسلوب اللي قاعدهـ تحاجيـني فيــه أأحسـن لج تغيرينه !! سامعه ,,, ناقصني يهاااال يعلون صوتهم علي بعد ,,,,
عطتهم نظرات ناريـه وتحركت راكبه الدري ,,,
وسكرت وراهـا البــآآب ,,

بنفسهـا مهمومه بعد كلام خواتهـا هالزفت زااادهـا
عقب اللي قالوهـ ماعندهـا شك بانهم يكرهونهـا كرهـ ماينوصف !
فصخت عبايتهـا وشيلتهـا وحذفتهم على طرف السرير ,,, أتجهت صوب الدريشـه فتحتهـا على كبرهـا تبي تشم هوى ,,, !!!!
رجعت لكبتهـا توهـا بتطلع لـهـأ ثياب علشان تبدل وتندعس بسريرهـا وتحظن مخدتهـا وتصييييييييييييييييييييييييييييح ليــن يكرهـا الصياح نفسـه
ألا تسمــع صوت يتسلل من برى لـداخل غرفتهـا وبكل سلاسه يتخلل بأذنـهـا

" الله آآكبر الله آآآآكبرررررر ......"

ألتفتت براسها على جنبها اليميـن ,,,!!
أذن !!
هي ماصلت ألا الفيييرر ؟؟
طافتهـا صلاة الظهـر و العصر !
ولو ماسمعت الأذان اللحيـن جان ماصلت لا المغرب ولا العشا ,,
كانت راحت ترجع تكمل اللي بيدهـا وتبدل وتروح تندعس بسريرهـا
لكن شي داخلهـا مانعهـا تنفذ اللي ببالـهـا ,,,
راحت للحمام الله يعزكم وتوضــت ,,, وطلـعـت تصــلي فرشـت سيادهـا
تغطت بالايلال اللي يستر كل جسمهـا مايبيـن ألا ويـهـا ,,
كبرت وصــلــت ,,,
وماتدري ليش لما سجدت أخر مرهـ أنفجررررت بالصيااااااااح ,,,,,
مب قادرهـ تكتم أكثر من جذي ,,,
مهمووووووووووووووووووووومه
تبي تفرغ اللي بصدرهـا ,,,
قلبـهـأ ماعاد يقدر يشيل أكثر !!
أول ماخلصـت صلاتهـا ودعت لربـهـا أنه يفرررج همـهـا!
راحت بدلت لبست جلابيـة نوم نص كم شكلهـا كيوت ,, توصل لين تحت الركبه بشوي
قعدت على طرف سريرهـا ,, فتحت الدرج بتاخذ كتاب القرآن علشان تقرى لها شوي وترقد
ألا تلمح الورقـه البيضــه ,,,
خذتهـا وفتحتهـا وقرتهـا من يديد !!
عيونهـا لزقت على الرقم يمكن 5 دقايق !!!!
وبعدهـا سحبت جوالهـا وأأتصلت عليـهـا
ماتدري ليش أتصلت ,,,!!
بس أسم فاتن خلاهـا تلجأ لـهـا !!!!!
رن شوي وبعدها جالها صوت مره كبيره : ألو ,,
وضحى بعد تردد : هلا ,, السلام عليكم
-: وعليكم السلام ,, هلا يمه ! من بغيتي ؟؟
وضحى : ممم ,, فاتن موجودهـ ,,؟؟
-: أأيـه يمه ,,, لحظة شوي ,,,,
سمعتهـا تنـادي على فاتن كذا مرهـ ورى بعض ,, وبعدهـا جالهـا صوت فاتن : هلا ؟
وضحى كان ودهـا تسكر من الأحراج : ممم ,, فاتن ؟
فاتن : أي أنا فاااتن فديتج ,,؟ من معاااي !!!
وضحى بعد تردد وأحرراااج كاسيـهـا : انـا ,,, مم.. آنـا وضحى ..!!
فاتن بستغراب : آي وضحى ؟؟
وضحى تمنت الأرض أنشقت وبلعتهـا : وضحى الـ"...."
فاتن تهلل صوتهـا : آآيييييه ,,, هلا والله قلبي ... شلوووونج ؟
وضحى أبتسمت ! ماتوقعتهـا بتكلمهـا بهلـ أسلوب الحلو : الحمدالله بخير ,, أنتي شلونج ؟
فاتن : الحمدالله بخييير ,, من زمان عنج !! صراحه ماتوقعتج تتصليـن !؟
وضحى بعد سكوت قصير : ليش !! علشان أسلوبي معاج يعني ؟؟؟
فاتن بأحراج خفيف : يمكن ؟؟؟؟..وبعد لآني أنتظرت أتصال منج طول أول أسبوعيـن من الأاجازه وماحصلته !! تأكدت أنج ماأهتميتي ,,
وضحى : صراحه أنا مااهتميت بالبدايـه ,, بس الظروف اللي أمر فيـهـا اللحيـن خلتني ألجأ للقرآن اللي عطيتيني أياهـ ولقيت رقمج دااخل بالصدفـه ....
فاتن بفرحه : يعني قريتي ؟؟!
وضحى : آآيــه ,,
فاتن : صدقيني كل ماتتضايقيـن فتحي المصحف على طول بتزوول ضيقتج ..
وضحى هزت راسها بتفهم وقالت : أدري ! جربت ,,,, " سكتت شوي بعدها قالت " فاتن ,, أبي أجوفج ؟؟؟
فاتن أستغربت من طلبـهـا لكـنـهـا ماردتهـا ,, : حياج الله تقدريـن تجيني البيـت ..!
وضحى بتسأل خفيف : ماتقدريـن تجيني أنتي ,,,؟
فاتن بأحراج خفيف : صراحه ماأقدر هالفتره ,, تدريـن أني مخطوبـه والأسبوع الياي عرسي ....!! يعني هالأيام مرتبشـه من قلب ...
وضحى أبتسمت وقالت : مبروووووك ,, والله مادريت أنج مخطوبـه ,,
فاتن بأحراج : الله يبارك فيج ,, آنـا من زمااان مخطوبـه ,, بس لآني مب قريبه منج ,,!!
وضحى : آووكي عيل ,, متى أقدر اجيج ..!؟
فاتن : حياج الله في أي وقــت ,, البيت بيتج غلاي ,,
وضحى : مممم .. باجر الصبح زييـن ..
فاتن : أأي زيـن ,,,
وضحى : ممم ... آوكي أخلييج اللحييـن ,,
فاتن : الله معاج قلبو ,, ولا تقطعيـن ,,
وضحى : أن شالله ,, بااي
فاتن : فحفظ الرحمن

سكرت منـهـا وهي مبتسمـه ,,
طلعـت المصحف وقـعـدت تقــرى ,, ونفس الحالـه تتأتأ بس مصره تكمل ,,,,
,
,
,

دخلت البيـت ع الـسـاعه 8 بالليل مع أبوهـا ,, وهي متضايقه ,,,
ماتدري ليش يعاملهـا جذي ؟؟؟ معقولـه مايحبهـا ! معقولـه خذاهـا مجبوررر ,,,,,
مستحيل يكون مجبور ! هو ريال ,, والريايل ماينجبرون !!!
طول الوقت ببيت يدها وهي تحاول تتصنع أنه مافيهـا شي
رغم أنـه دمهـا يفوووووووور من تسمع كلمات الغزل بيـن البنات وأنه زايد عاجبهم بقوهـ
وكل وحدهـ تمدح بـه ولا مسويـن لـهـا لا قدر ولا قيمه !!!
مب جنه اللي مرتزهـ جدامهم زوجته !!
بدلت ولبسـت بجامة نوم ,, وأندعست بسريرهـا ,,,,,
غمضت عيــنـهـأ ودعت من كل قلبـهـا أنه زايد مايكون مجبور عليــهـا ,,,
يمكن هو أسلوبـه جااف جذي !!!!
وبـعديـن هو من صغررررهـ دففش وماعندهـ أسلوب بالتعامل مع الجنس الناعم
شلون تبيـه يتغـزل فيـهـا ولـه يمدح جمالـهـا
هو حتى كشختهـا ماقدرت تخليه يشوفهـا بسبب عمات الغفله اللي طلعوا لهـا فجأه ,,,
طول الوقت وهو عند الشباب وهي داخل عند الحريم
ماجافته ألا لما طلعت تودي الماي لعمتهـا ,,, ولما طلعوا بيروحون بيتهم ,,
المشكله ماألتفت لهـا ولا حتى لمحهـا من بعيييييد

شكلهـا بتتزووج وااحد قلبه صخررر مايحسسسسس ! ولا يعررررررررف يقول كلمتيـن حلويــن ,,
عبالـهـا بيطلع نفس أبطال القصص اللي تقراهـا ,,
ولـه الأفلام اللي تشوفـهـا ,,,,
عبالها بيغرقـهـا تغزل ,,
عبالهـا بيكوووووون رومنسسسسسسي
طلع مايعرف درب الرومنسيـه
مب بعيدهـ لو تقول لــه " تعرف الرومنسيـه " بيقول لـه " شنو هذي ؟؟ أكله " ...
أنسدحت على بطنهـا ودفنت ويـهـا بالمخدهـ وزفرت بقوهـ وقالت بقلبـهـا " آآآآآآفـ ,,, المشكله ماجيت أحب ألا وااااحد مثلـه ,,,,, ياربي ليش جااامد جذيي ... ليش حسسني أأنه ماخذني مجبوررررررر "
على نهـايـة هالكلمة رن جوالـهـا
مــدت يدهـا وهي مازالت على حطتهـا سحبت جوالـهـا وحطته عند أذونهـا ردت على طول : ألو ,,
جالـهـا صوت رجولي فيه بحه حلوهـ : هلا آمنه ,,
فزززززت من السرير لدرجة أنه خصل شعرهـا تنثروا على ويـهـا بشقاوه وقالت بصوت طالع من بير : مـ..ـن !.. زايـــد !؟
زايد : آآيــه ,,,,
آمنه تحاول تثقل شوي رغم أنه قلبـهـأ من كثر مارجف تحسـه قااام يرقص بصدرهـا وطبب ببطنهـا : هلا زايد ! بغيت شي ؟؟؟
زايد : أأســف على أسلوبي معاج ببيت يدي
آمنه حست الأاكسجين نقص بالغررفــه صوته هاااااااااااادي وبحته طالعه تعور القلب صراحه من حلاتهـا ماقدرت ترد
زايد كمل : كنت متضااايق ! وشكلي طلعت اللي بقلبي فيييج ...
هم ماردت ,, البنت شوي ويغمى عليـهـا ,, قلبـهـا ينبض مليووووووووون ,,
زايد بهدوء : سامحيني
خلاص ,, هني وأنتهـت صلاحيــتهـأ ....
زايد أستغرب سكوتهـا : ألو آمنه ؟؟ أنتي معاي !!!!
آمنه : آيـه ..
زايد : أأدري أنج زعلانه ,, بس هذاني بررت لج موقفي ,,
آمنه ماكانت قادرهـ تتكلم ,,, زيـن قدرت تنطق وتقول : مسموح ..
زايد بعد سكوت بسيط : نمتي وله للحيـن ؟؟
آمنه : كنت بـنـام !
زايد : آوكي عيل ,, ماأأبي أزعجج .. أخلييج
آمنه بغت تصييييح من غبائهـا ,,, كان مفروض تقول له مب جاايني نوووم علشان مايسكررررررررررررررر !!
بس الغـبــاااء أأفــه مخترقه القووطي اللي براسـهـا : آوكي ... تصبح على خييير حبـ.... " سكتت بسرعه "
زايد ماأهتم : وأنتي من أهله ,,,
سكر وهي مازالت على الخط ,,,
نزلت التلفون بقـهـر وقالت بحررررررررررره : ليييييييييييييييش خليته يسكرررررررررر ,,, قسماً بالله أبببببببببببط الجبببببببببببببببببد ,,,
.
.
بينما عند زايد أول ماسكر حط الجوالـ أحذاهـ
ماقدر ينام وهو يدري أنـهـا متضاااايقــه ,,
لحد يفهم غلللللللللللط
مايحبـهـا !!
بس في شي خلاهـ يستسمح منهـا
شـنـو ماايدري
ولا يبي يدري
المهم أرتاااحت نفسيييـته بعد ماراضاهـا ,,,
أنسدح وتوهـ بيغمض عينه ألا جواله يرن شاف الرقم ورد على طول : هلا بمعرسـنـا ,,
فهد : هلا فييييييك ,,,نــايم !؟
زايد : لا ,, بس من الملل قلت أخذ لي غفوهـ ,,,
فـهـد : زيـن عيل داامك مب نايم ,, تم معاي ع الخط ,,,, أبي حد يخفف توتري ,,,
زايد ضحك بالخفيف : كل هذا توتر !!! باقي على عرسك أسبووووووع .. لا تصييير خفيف
فـهـد : مادري .. كل ماعدى يوم أرتبك أأزيييييييد ..!!!!
زايد : هذا وأنت صار لك مدهـ خاااطب !! شخليت لي ,,؟؟؟؟
فهد : رجاءاً لا تقارن نفسك فيني ,,, أنـا شوي ويوقف قلبي من كثر ماانا متوتر وأنت اللي توك خاطب ولا على بالك
زايد : لآنــي ماأشوف أنه الوضع يخلييي الواحد متوتر ,,
فهد : تتوقع بتعجبـهـا ,,, آيطاليا ,,؟؟
زايد : دامك أنت مختارهـا غصباً عليـهـا بتعجبهـا ,,
فهد نفخ بقوهـ : آآآآآآآآآوووف الله يستر ويعدي هالأيام على خيييررررر !!
زايد : ريلااااااااااااااكس !! قوم خذ لك دش داافي يرخي أعصابك قبل لا تحترق
فهد : شكلي هذا اللي بسويــه ,, يلا أخليييييك ,, مو ترقد ! يمكن أتوتر من يديد برجع أدق لك
زايد ضحك : هههههههههـ بالخدمه

سكر منـه ,, وضحك عليــهـ
فـهـد ميت توتر ,, بينما هو ولا على بـالــه
معقوله لا أقترب موعد زوااجه راح تصير حالـته مثل فهد وآآآخسس !!!
الله أعللم ,,
,
,

اليـوم الـتـالي

كانت قايمه من صباح الله خير ,,
ومجهزه الفطور وكل شي وكاشخه أخر كشخه ,,
دخلت الغرفـه .. وقومت راشد اللي متعمق بالرقــآد
ماهدته ألا لما قــآآم ودش الحمام " وأنتوا بكرامه "
طلعت ونزلت تحت قعدت مجابله الأكل تنطرهـ يـنـزل

بينما فوق أول ماخلص من السبوووح
طلع ولبس ثوب وعــدل غترته ,, وأخذ سويج سيارته علشانه بيروح لدوام
مسك جوالـه وطرت وضحى ببالــه ,,,!!
بــعــد تردد بسيط أأتصل لـهـا ,, أنتظر ردهـا ماحصله ,,,,
أعتقد أنهـا تنطشــه ...
سكر ونــزل لتحت عـنــد هـيـا اللي من أمس وهي محلوهـ وأن شالله دوووم
صبح عليـها وقـعـد يشاركهـا الفطووور ,,, وهي مدلعته ع الأخر تصبح لـه الجاي وتحط جدامه الأكل بأهتمام ,,
محسسسته جنه ملك !

بينما بالصوب الثاني قامت على هالنغمة اللي دوم عشقـتـهـا ,,,,
مسكت الجوال لكنـهـا ماقدرت ترررد !!
مع أنه الجوال يرن بيـن يــدهـا ,,, وكل مازاد بالرنين كل ماحثهـا على الرد أأكثر !!
النغمـة تثير أحاسيس ومشاعر بقلبـهـا ,,,
تثير أشياء وأشيــاء
لكنهـا ماقدرت تررررررد
ماااتقــدر ترد أصلا ,,,,,!!!
صوت يرن براااسـه يمـنـعـهـا من الرررد عليييـه
صوت بدااخلـهـا مقيييد يدهـا ومخليـهـا ماتفكر ترد !!!!!
رغم أنـهـا بتموت وتسمع صووووووتــه ,,
ميتــه شووووووووق لــه !!!!
بس !! مب قـــــــــــــــــــــــــــــــــــــــآآآدرهـ تــــــــــــــــــــــــرد ,,


بلغوه أني أحبه

بس ردتني " ذنوبي"

وأني مشتاقه لوصله

لولا صوت قريب صوبي

كان صوت من الصلاح

والطهاره والفلاح

أبعدي عنه حراااام

خافي من ربك وتوبي !
.
.

جافت الساعه كانت 7 الصبح !!
تذكرت فـاتـن ,,
أزاحت اللحاف عنـهـا ودشت الحمام تسبح " الله يعزكم " علشان تروح لـهـا
محد بيقدر يساعدهـا بحالتهـا ذي
ألا هـ" فـاتـن ",,!
.
.
نهاية البارت الحادي عشر

Prt " 12"
كـانـت قـاعـده بالـحـديـقــه اللي صار لـهـا فتره مب بسيطه ماطبت ريلـهـا فيــهـا ,,
من عقب ماصـلـت الفير وهي تدور هـنـي لحد ماطلعت عليـهـا الشمس وهي ماتدري كم صارت الساعه ..!
كانت محتله الـطاولـه وحاطه جدامها صـحـن فواكـه وتقشر لـهـا وتــاكــل ,, هالطاولـه تحسـهـا ملكـهـا لآنـهـا على أيام المدارس كانت ماتدرس ألا عليـهـا ,,
تذكرت المدارس وأبتسمت ,, اللحيـن خلاص ,,, مافي زي موحد ...
ولا شـنــطـة تـهـد الكتــف ,,,
ولا صـف ثــآآبـت تاخذ فيـه كل حصصـهـا وترجع البيـت بوقت محدد ...
اللحيـن هي داشـه على حياة يديده تجهلـهـا ... تسميـهـا هي وربـعـهـا ... حــيــاة الكــبــآآآآآآر .....
بتلبس على كيـفـهـا ...
وبتتنقل بيـن القاعات حق المحاضرات !!
ومب أكيد ترجع كل يوم مبجر !
يمكن تتأخر هناك ليــن العصصرر ....
مـدت بوزهـا وهي تتذكر الأشياء اللي ماراح تقدر تسويـهـا بما أنـه يومها كله بيروح !!!!
لكـنـهـا رجعت أبتسمت من يديد ....
يلا ... حياة الكبار على قولـتـهـا ... كلـهـا شغل بشغل ..
مافيـهـا شي يجي بالكييييف ,,
وبـعـديـن كاهو نواف متأقلم وماأشتكى ,,, مـعــنـاتــه أنــه الجامعه مب متعبـه ,,
حست بخطوات وراهـا على الحشيش ألتفتت بجسمها كامل لـقـت نواف اللي أسـتـقـام بسرعه بطولـه بعد ماكان يتسلل .. ضرب كفييـنـه ببعض وقال : أأأأأأأأأأأخ !,, كنت بخرررععععج .... " أقترب منها " صبااحوو
نوره ترجع للبرتقاله اللي بيدهـا وتكمل تقشير : صباحو تو ,,,
نواف وهو يقعد مجابلـهـا ويزفر براحة بال : والله الجو اليوووم حلووو ,," يوجهه الكلام لأخته " شعندج قاعدهـ بالحديقه اليوم ؟؟
نوره : ولا شي ,, قلت أغير جو متملله ..." تطالع نواف " أقول نوفي ....
نواف عقد ملامحه : مب خالصيييييين الظــآآهـر
نوره تطالعه بنص عين : يحصلك نوير بنت فايز تدلعك ... أحمد ربك قاعدهـ أعدل أسمك هالخرآآآآبـــه ..
نواف بغرور : ماني راد على بزران ...
نوره : المهم ... تـهـقـى الجامعه بتكوون فلــه ؟؟؟ آحس روحي خايفــه شوي ومتردده ... وساعات أقول ماراح أدشـهـا !!!
نواف : والله الجامعه حالـهـا حال المداااارررس ماأحس أنه في فرررق .. وصدقيني هالخوف كلـهـا بيرووح أول ماتدشيـنـهـا,,!
نوره : ليش أنت جربت ؟؟
نواف وهو يسحب له تفااحه من الصحن : لا ,, لآني أساساً ماكنت خايف ... أصلا مافي شي يخوووف ..!!! بس أنتوا البنات فيكم دلع زاايييييد من جذي كـل شي تكبروونــه وتسون منه قصـه وفلم ,,
نوره : ع الأقل نحس ...!
نواف : كلللللللش قطعتيني ياأم الأحساس .. ماعليـنـا ... العصر بنطلع مع أخوووج المصوون نشتري لـه أغراض المدرسـه
نوره رفعت واحد من حواجبها : خير خير !! شعندك قاعد تجمع ؟؟؟ قصدك بتطلع أنت تشتري لـه الأغراض ....
نواف : وليش أن شالله ماتجيـن معانـا ... تراني قوطي بهلـ سوالف ... حدي دفتريـن وقلم وأأنقــززز ....
نوره تتصنع اللا مبالاه وهي عيـنـهـا باللي فيـدهـا : أذكر اللي كنت تخمه على أيام الأعداديـه وأخذه حق غنيييم
نواف : خليني أتذكر شكلت أمس علشان أأتذكر الأعداديـه ... المهم وصلج الحجي ... العصر خلج جااهزهـ علشان لا نتأخر
نوره : باااااقي وايد على المدااارس !!
نواف : ياغبغب باقي 13 يوم بالضبط ,,
نوره وهي تحط القشور بالحصـن : يعني تقريباً أسبوعيـن !!! ,, تصدق ماحسييت ...
نواف : آآكيد مابتحسييـن .. ماهو أنتي مريحه بالبيت ,, معطيـه نفسج أجاازهـ هالسنه ..... تراج أنتي الخسرانه بتضيع سنه من عمرج ع الفاضي
نوره : من قال لك ع الفاضي ,,؟ باخذ لي فترة نقاهه .. أطلع كل اللي حشيت به راسي طول هلـ 12 سـنـه ,, علشان أرجع بكل قوتي لدراسـه من يديد ,,
نواف : آي زيـن ,,, ترى يكون بعلمج .. داامج قاعدهـ فاضيـه لا شغله ولا مشغلـه راح توكلج الوالده المشرفـه على غانم يعني عندهـ واااجب ولـه شي بترتزيـن أحذاهـ ليـن يحلــه ,, وأذا عليه أمتحاان هم بترتزيـن معاهـ وتشتغليـن تدررريس
نوره تنفخ من كل قلبها : أأدرررري لا تذكرنـــــــي !!
رن جوال نـواف اللي كان بجيب بنطلونه الجينز
طـلـعـه ورد على طول : هلا والله ,,,
فـهـد : أهلييييـن ... شلووونك ؟
نواف : تمام وأنت ؟؟
فهد : مممم ماشي حالي .. بس رهـبـة الـعـرس شوي ...!!
نواف بطنازه : أذا أنت حالتك جذي ! شخليت للعروس
فهد : كل تبـن زيـن ,,, ترااني معطيك وي أكثر من اللازم ..........! فـآآضي ..؟؟
نواف : آآيييـه ماعندي لا شغله ولا مشغلـه ..
فهد : خوش عيل بمرررك وخل نطلع نتمشى ,, ترى والله طقت جبدي من مجابل الطوووووف ...
نواف : وشحقه ماتروح الشركه !؟؟
فهد : ابوي قايل لي لو يشوف رقعـة ويـهـي عند باب الشركه بس ,,مايحصل لي طيييب ,, يابلفيت معرررررس ولازم أكون متفرغ ..!
نواف بنغزات : من قـــدنــا ,, من اللحيـن مايبونك تنكرررف يالمعرررس ,, " بصوت وااطي يحرررج " زيــن روح للعروس !!! هونوا على بعضكم بكم كلمة,, ليـن يجي الموعد
فـهـد أنـحــررج شوي لكـنـهـ مابيـن قال بصوت يتصنع فيـه الغضب : تدري لو أنك جدااااامي ..........
ماقدر يكمل لآنه نواف قاطعهـ بضحكه من القلب ,,
فهد بحرررررررهـ : عقباااااااااااالك ياشييخ ,, وأتشمت فيك شمااته ماااعمرك حلمـت فيـهـا
نواف : لا لا حبيبي ,,, خلني أأنــا ... لآ زواج ولا بطيييخ
"أول ماجاب نواف طاري الزواج على طول رفـعـت نوره عيونـهـا لـه بلقافه "
فـهـد : عــيـــل بتم برووووحك عزاااابي ...!!؟؟
نواف : الله يخلي لي زيـووود
فهد بضحكة سخريـه قصيره : هه !! خبرك عتيييج يابابا ,,, الحبيب صف معااااااي ...
نواف تغيرت ملامحه : صف معاااك ؟؟؟؟ شلووون يعني ؟
فهد : لا تقول لي ماعندك خبر انـه ملج من كم يوم ....
نواف بجديه : من صجك ؟؟
فهد بستغراب : ها ؟؟.. شدعوه ماتدري ,,,؟؟؟؟؟؟
نواف : ولا عندي خبــــــــر ! زاايييد مللـــج ؟؟ متى ؟
فهد : من كم يوم ,, وجابني أنـا وحموود أخوي شـهـووود !! عبالي عندك خبر
نواف بضيقه : مارفع لي السماعه حتى ,,,!!! ماعرفت ألا تو ,, ومنك بعد ,,
فـهـد يبرر موقف رفيجـه : يمـكــن أنشغل !! ترى هالسوالف تشغل الواحد وتفرر عقله ..
نواف : ولو ,,!! هذا مب عــذر ... شلون أنت تدري وأنــا آآخر من يعلم ... ليش لـهـدرجة ماأنـشــآآآآف يعني ؟؟
فهد : لا تحلل على كيفك ... دق لـه وأستفسر منــه ... يمكن الريال عنده عذررر
نواف : ترررى الموضوع مايبيلـه جهد ,, كلـهـا رفـعـة سماعه !
فهد : يعني اللحيـن بتزعل على سبب مثل هذا ...
نواف : لا مب سالفـة أزعل وغيرره ,, بس حزت بخااطري صراحه ... حتى ماخلاني أأكوون شــااهد ! شــدعوووه ؟؟ شكله مب عادني رفييييج ...
فهد : شدخل !!!! " يحط بـهـارات من عنده " لو مب عادك رفيج جااان ماأذاااني كل يوووم فيييك وبسوالفه عنك ... ياريال لا تصير حساس ...
نواف يحاول يسوي روحه متفهم رغم أنهـا حزت بخاطره وبقوه بعد : لا عادي حصل خييرررر ..
فهد : شنو تقص علي أنت ,,؟؟؟ حصل خير وصوتك متغير جذي ...
نواف : لا عادي عادي ,, يلا سكر ,,, بروح أأخذ لي دش على ماتوصل
فـهـد ماحب يطول بالسالفه ,,: أوكي الله معاك ..
نواف : باي

سكر فـهـد من عند نواف وعلى ويـهـا علامة أستفهام كبيره
" معقولة زايد ماقــال لـنـواف ,,,؟؟ زيـن ليش !!!....... معقولة نسى ؟"

.
.

عـنـد نواف

اللي أول ماسكر نطت نوره بويـهـا : أسمع زوااج ومازوااااج,, خير أن شالله أخ نواف ؟؟ لا يكون .....
نواف وهو يقوم يوقف : خلج بأكلج !!
طافـهـا وهو طالع من الحديقــه ...
بينما نوره قاعدهـ بمكانهـا مستغربـه : شـبـلاه تعكر مزاجه فجأه ؟؟ " ألتفتت وراهـا شافته طلع من الحديقـه رجعت تطالع جدامهـا بستغراب أكبر " ... ومن هذا اللي ملج ونواف آخر من يعلم ؟؟؟؟.. والله أنكم يالشباب مشكله ...
.
.
دش غرفتـه وهو حاس روحه متضايق
شمعـنـى هو أأخر واحد درى بهلـ موضوع ...
ليش زااايد ماقال لــه ,,,؟؟؟
يمـكــن مايعتبرهـ وااحد من ربـعه القرااااب ..!
يمكن عادهـ تكملـة عدد بس !!!!
زيـــن لييييش فــهــد درى ,, ولا وجاابـه شــآآهــد بــعــد ... بينما هو ولا عبرهـ
رد عليـه عقلـه اللي قال لـه ببساطه ( فــهــد غيـــر ! )
آيــه ,,, فــهــد غيييير !!!
آآكييييييييد بيكون فــهــد غيييير
فـهـد رفيييجـه من زمااااان
بينما هو توهـ حتى ماكمل الــسـنــه معاهـ
أساساً هو اللي كان يبي يكسب صداقـة زايد بأي طريقـه .. مب العكس !!!!!
ويمكن زايد أنحرج منه وحب يبيـن لـه أنــه عـآآده رفيييج
رغم أنـه بيـنه وبيـن نفسـه مايعتبره ألا واااحد جاا وفرض نفسسسـه بالقوهـ عليــهم ,,
سحب فوطته ودش الحمام علشان ينـهـي هالأفكــآآر اللي يحسـهـا صج صج ضايقـتـه ,,,,,
وتحت رذاذ الـمـآي الـداافـي قـدر يطرد شويه هالأفكــآر من بــالــه ,,, وحاول يسترخي ويرخي أعصابـه معاهـ ....
.
.
وعلى طلـعـتـه من الحمام الله يعزكم سمع جوالـه يرن رنه وحدهـ وسكر ..
عـرف أنــه فـهـد وصـل لبـس ثــيـابـه اللي كانت عباره عن ثوب أبيض وغتره وعقال.. وبـعـد ماتكشـخ
أخذ سويـجـه وهو طـلـع لـفـهــد ..
,
,
,
بيت آم زايد

كـانـت توهـا طالعه من غرفـة زايد بعد مانظفـتهـا وتأكدت انـهـا مرتبــه ,,
راحت المطبخ علشـآن تشـب الفــحــم وتـبــخـر البـيـت كلــه ,, ماطول الفـحـم ليـن شب خذته وحطته بالمدخن ,, رجعت فوق لغرفتـهـا وطلعت البخور المفضل عنـدهـا واللي تعشق ريحـتـه وحطت منه شوي وأبـتـدت تدور بالبيييـت تبــخــره ولـمـا مرت على كل ركن وكل زاويـه من زوايـا بيـتـهـا بالـمـدخـن ,, رجـعـت غرفـتـهـا ...وزادت كميـة البخور بالمدخن وحطـتـه بغرفـة زايد ولـدهـا وسكرت الباب عليـهـ ,,, علشان لما يرجع من دواامـه يلاقي غرفـتـه تشرح الـنــفــس ,,

نزلـت من الدري بخطوات موزونـه ... ألا صوت تلفون الـصـالـه يتسلل لمسامـعـهـا ...
راحت لــه ورفـع السماعه وردت : ألـو
أبوهـا : السلام عليكم
أم زايد وهي تقعد : وعليكم السلام ,, صبــحك الله بالخير يبـه ..
بو سالم : صبحج الله بالنور ,,,
أم زايد : شلــوونك يـبـه ؟؟
بو سالم بعد ماكــح : الحمدالله ,, بــس ,, " سكت شوي بعدها قال " تقدريـن تمريـن علي يابنيتي ... بطرش لج السايق .....
أم زايد بأهتمام : خير يبه ,, في شي ؟؟؟
بو سالم رجع يكح : لا لا ,, مافيني شي .... بس بغيت دوااي ومب عارف ويـنـه .. تـعـالي دوريلي أيـآآهـ .... مافيني شده أقوم أدورهـ ..
أم زايد بتسائل : زيـن ماقلت لسليـنـا تدوره ؟؟ يمكن حطـتـه مني ولـه مناك !!!
بو سالم تنرفز من أسمهـا : سلينوووووه هذي يبيلـهـا كسررر رقبــه ... ماعادت تحترمني .. ومسويـه حزب علي هي وبشيرروهـ
أم زايد عقدت ملامحها : شلون يعني ماتحترمك ؟؟!!!!
بو سالم : بطرش لج بشير ,,, ولما تجيـن بقول لج كل شي .. ماعاد فيني حيل عليــهم
أم زايد : زييـن يبــه أنـت طرشــه .. وأنــا بقوم أجـهـز اللحيــن .....
بو سالم : أن شالله ,, مع السلامه ,,

سكر من عـنـد بـنـتـه وأبـتـدى يـنـادي بأعلى حســه على سليـنـا اللي مسويـه عمرهـا ماتسمــع وتغسل الصـحــون
بو سالم من قمة راسـه : سليـنـوووووووووووه وصمممممخ يصم أذوووووونج ,,,
لا حيـاه لمن تنادي ,,
بو سالم رمـى بحملـه على الـعـصـا وبـعـد جـهـد قدر يوقف على حيلـه بمـا أنـه قاعد على الجلسـه الشعبيـه ,,,, تحرك وهو معصب للمطبخ بمساندة عصاته
وبـعـد خطواات شبـه طويلـه بسبب وســع البيــت وصل لـعـند باب المطبخ ...ضرب بعصاته على الـبـاب بقوه لدرجة أنـه خرررع سليـنـا وخلاهـا تكسررر القلاص اللي بيـدهـا ,,
صرخ عليـهـا لما شافـهـا كسرت القلاص : ومررررررررررض ينــهــش عضااااااممممج يامال المررررض ,,, هذا ثــآآآآمــن قلاص تكسرييييـنـه ,, عبـــآآلج ببلاااااااش !!!؟
سليـنـا عقدت ملامحها بويـهـه وطنشتـه راحت تجيب المخمه علشان تـخــم القزاز المتنثر بالأرض وهي مسويـه لبوسالم خوش طااااف
بو سالم بعصبيه : روحي طسسسي شوفي بشيروهـ ويــنه فيــه ,,,, وقولي له يروح لماما مهـا ...
سليـنـا وهي تخم بدون ماتطالعه : بشير في وآآآجد شـغــل ؟؟؟
بو سالم : في شغل ولـه غيييررررره ,, خليـه يهد اللي بيــده ويطس لمعزبته ..
سليـنـا ماعبرته اللهم شالت القـزاز وحذفته بالزبـالـه ورجعت تغــســل ,,
بو سالم : سوي روحج ماتسمعيييـن ,,, " بـتـوعـد وصوت هـادي مليـان غضب " آآنـا أوررريييييج ... هييييييــن ...... " صرخ عليـهـا من يديد " دوآآآآآآآآي ويــنـــه !!
سليـنـا ألتفتت عليـه بنفس الملامح المعقوده وقالت بصوت عالي بس مب بصراخ : وآآآنــآآ شنو عرفني ؟؟؟ شوف أنتآآ ويـن حطيتيه !!!!!! ,,," طالـعـتـه من فوق لتحت وصدت عنــه وهي تتحلطم " هذا نفررر مجنووون متى في موووووت !
بو سالم سمعـهـا وقال بنفس نبرة الصوت الغاضبـه : مووووت اللي ياخذج وياخذ طوايف هللللللج أن شاللله ,,,," زآآآآآد بــآآلــكــح وهو يقول " رووحي .... قـ...كح...ــووووولي لـ...كح كح ...ـبشــيـر يروح لماما
سليـنـا بغضب : أنا مافي يروح .. برى وااااجد حررررر ,,, روحي أنتييييييي ,,,, مافي شوف أنـا في بييييزيي !! ...
بو سالم : ويـن أطلللللللع بــهـلــ جووووو الززززفت اللي جنه أنتي ,,,
سليـنـا : آوووووووووووووووووووووه ! ,,
كمـلـت غســيـــل ,,

بو سالم تعب من كثر ماصـآرخ ,, طلع من المــطبــخ ورجـع الـصـالـه
وقـعـد بـعـد جـهـد ,, سحب التلفون وحطـه بحظـنـه وهو يتحلم : آنـا أورييج ,, بس خلي مـهـا تجي !! ,,
أتصل على غرفة السواق وتم يـنــطر رده لـكـن مـــآآرد ,,, هو وااحد من الأثنيــن ياأنـه مطنش مثل سليـنـا ,,
ياأنـه مب بغرفته ,,,
حـــس بـألم بصــدره كبيررر ,, حط يده على صدره وهو يـحاول يـتـنـفس
صـــار لـه تقريباً أسبوع ونـص ماطب بطنـه الدوى ,,,, وكل ماطلب من سليـنـا تدورهـ طنشتــه ,, ولـه قالت زيــن ,,, بدون لا تنفذ
زاد عليـه الألم ,,, سكر التلفــون ورجع شال السماعه وأتصل على بيـت بـنـتــه ,,, علشان يقول لـهـا تدبر لـهـا سياره وتجي بما أنه الشيخ بشيــر مـايدري ويـن ذلف ,,,,, لـكـنـهـا ماردت
لآنـهـا من الصوب الـثـانـي كــآنـت بغرفـتـهـا تلـبس ,, وتــمشــط شـعـرهـا الكيرلي المموج بنعومه ,, لـفـتـه ,,,
وراحت لـبسـت عـبـايـتــهـا ولـفـت شيـلتـهـا سحـبـت نـقـابـهـا وقررت تلبسـه أول مايوصل بشـيــر ..
نـزلـت لـصـالـه تـحـت ,, اللي كانت هــآآديـه كالمعـتــاد ,,
قـعـدت على الكرسي أحذى التلفون ,, طلـعت جوالـهـا وأتصلت على زايد علشان تعطيـه خبر وما يختررررع عليـهـا ,, لما يجي ومايحصـلـهـا
.
.

فـ بيـت ثــآنــي

كـانـت قـاعـده بالـصـالـه وهي كاسيـهـا الأرتبــآك من شـعـر راسـهـا ليـن صبع ريـلـهـا ,, لصراحه ماتوقعـت يكون هالبيـت الروعه بيـت وحدهـ مثـل فــآتـن ...!!
توهـا من شوي وصـلـت ,, وخلوهـا تـقـعـد بالصاله على ما تنـزل لـهـا فـآتـن ....
ماطولت بالقـعـده ,,, لـحـد ماجـآفـت فـاتـن جايـتـهـا بكامل أنـاقـتـهـا ,, شـعـرهـا كانت رافـعـتـه مثل ذيل الحصـآن ومتموج على طول ليــن يوصل لـنص ظهـرهـا ,,, وقـذلـتـهـا تزيـن ملامحـهـا الـحلوهـ ...
واللي صدم وضحى أكثر أنـه لـبـسـهـا كان روعـه وكاشخه أخر كشـخــه ,,,, ومتمكيجه مكياج خفيف يزيـن ملامحهـا
نــهـأاااائــيــاً ماتوقـعـت تشوف فـاتـن بهلـ صوره ....
لآنـهـا دايماً كانت تشوفـهـا بالمدرسـه بـالثــيـاب الموحده... حتى ماكانت تخالف أو حـتــى تحاول تخالف !! ,,
وشعرهـا ياأمـا مسويتـه عـجـفـه ,, أو لافـتــه بعضاضـه .... كـانـت مثل مايقولون طالبـه مدرسيـه بحته !!!! وبايـن أنـهـا مب جايـه تستعرض أزيــااءهـا ولـه ملابسـهـا ..!

فـاتـن بـعـد ماسلمت على وضـحـى قالت وهي تقـعـد أحذاهـا : شـلــونج حبيبتي ؟
وضحى مازالت مبتسمه : الحمدالله ,, وأنتي ,,!!!
فـاتـن تضم شفايفـهـا لتبرز غمازاتـهـا بتلقائيـه قالت : والله الحمدالله ,,, بس شوي متوتره علشــآن عرررسي ...
وضحى : عــآآدي هالحالـه صـآدت وايد بـنـاآآت قـبـلـج ..
فـاتـن ببتسامه حلوه : آآدري ,, وهذا اللي مريحني .... والله كنت بستخف عبالي أأنــا حالـة شاذه هههههـ ,,
وضحى ضحكت بالخفيف وقالت : الله يهـنـيــج ,,
فـاتـن بأحراج خفيف : آميـن ,, عـقــبــآآآلـــج ...
وضحى تلاشـت أبتسامتـهـا على هالطــآآري
فاتن أسـتـغـربت تغير ملامحها قالت وهي مازالت مبتسمه : شفيــج ؟!
وضحى تطالعـهـا : لا ولا شــي ,,
فـاتـن بروح حلوه : شتحبيـن تشربيــن ,,,؟
وضحى : آي شي ...
فـاتـن : تحـبيـن الـتـانج ؟؟
وضحى ببتسامه : آآيــه ...
فـاتـن : آوكي عيل " نــآدت الخدامه وقـالـت لـهـا تجيب عصير لـهـا ولـ وضحى وأول ماأبتـعـدت طالعت وضحى وسألتـهـا للمرهـ الثانيـه " شخبارج بعد ؟
وضحى بتوتر خفيف قدرت تخفيـه : الحمدالله ,,
فاتن بعد سكوت قصير : ماتوقـعـتج راح تجيني ولا تتصليـن حتى ,,!!! عبـالي تكرهيني
وضحى بسرعه : لا والله ماكرهتج ,, بس ماكنت أستلطفج ....." بتسائل ممزوج بفضول " بس ودي أعرف ليش كنتي مهتمه فيني لهـدرجه ؟؟؟
فـاتـن : مب سالفـة أني مهتمه ,, ترى عــآدي أنـا طبعي جذي .... ماأعرف أشوف شي غلط جدامي ولا أنصــح حتى لو أأنج رديتيني مرهـ او مرتيـن برجع أنصحج من يديد .. " تضحك بالخفيف " هالشي يسري بدمي من يومي يــآآهـل .... عــآآدي ماأفتشل ويــهـي قوي ,,
وضحى ضحكت على كلامها وقالت : يعني قصدج آآنــه في بنات غيري كنتي تنصحيـنـهم ,,,؟؟
فـاتـن : مب بـنـات وااايد ,, بس أنتـي وأفـنـان ,,,, ومرهـ وحدهـ نصحـت سميه ,,!!
وضحى ماتدري شنو الشعور اللي دار بصدرهـا لما أنذكر أسمـهـا مع أفـنـان وسميـه ,,,,
لو تدرون أنـه هالثنتيـن أأأكثر بنتيـن سمـعـــتــهم خربااااااانه بالمـــدرررســـه ,, وأأكثر بـنـتـيـن فاصخييييـن الـحيـــا من قــلبببببببب
معقولـه البـنـات ينظرون لـهـا مثل نظرتـهـا هي لـ أفنان وسميـه !!!!!!
معقولـه هـي وحده من هالبـنـات اللي فاصخيييـن الحيااا بـدون ماتحس !!؟؟
بس هي لبسـهـا أأستررر منهم ,,! ع الأقل هي تلبس عـبـايـه وشـيلـه !!!!!!!!!!!!
قطع عليـها أفكــارهـا صوت فاتن : وضحى ؟؟؟
وضحى طالعتـهـا : هلا ؟
فاتن : قـاعـده أكلمج وأنتي مطنشتني !
وضحى أبتسمت بفشيله : سوري سرحت شوي ,,,
فاتن : ههه لا عــآدي ,, أخذي راحتج ....
وضحى رجعت لسكوت القصير من يديد بعدها قالت : فــآتـن ,, آنـا ..." رجعت سكتت مب عارفه شلون تبدأ بالسالفه معاهـا "
فاتن : أنتي شنو ؟؟؟
وضحى طالعتـهـا وقالت : والله مـنـحـرجه موت منج ,,؟
فـاتـن أبتسمت وقالت : وليش تنحرجيـن ,,!!! آآعتبريني أأختج .." قالت بسرعه " أو صديقـتج ؟؟
وضحى وهي تلعب بأصابـعـهـا : ممممم.." تطالعـهـا " صدقيني لو ماكنت أدري أنــج ماراح تنشريـن اللي بقولـه لج جان مافكرت فيج أول ماضـقـت ,,,
فـاتـن أحتلت ملامحها الجديـه رغم أنـهـ ويهـا مازال بشوش : خير أن شالله ؟؟ شفيييج !
وضحى آمتلت عيونـهـا دموع بس مسكت عمرهـا ,, مستحيل تصيح جدااام فــآآآتــن طالعتـهـا وقالت ببتسامه : تذكريـن القرآآن اللي عطيتيني أياهـ ,, هو اللي خفف علي شوي ولولا الله ثم لولاج ماكـنـت قدرت اوصلج .....
فـاتـن حطت يدها على يد وضحى بحنان وقالت : قايله لج ,, كلااام الله داايماً يريح النفس
وضحى طالـعتـهـا وقالت : المفروض كأول لـقـاء بيـنـا ,, ماأجي أنــكــد علييييج ,, بس والله ضايقـه فيني الدنـيـا ومب عارفـه شلووووونــ أطلع من اللي آنـا فيييـه ,,
فاتن بعتب : شدعوه ,, عــآآدي فديتج أنـا من كلمتيني أمس وأنـا أدري أنج متضايقـه ولو أقـدر أسـاعـدج بشي صدقيني ماراح أبــخــل عليييج ,,
وضحى طالعـتـهـا وحست بالراحه من ملامحـهـا ... حست أنـهـا بتـقـدر تقول لـهـا كل اللي بقلبـهـا بدون خووفـ,,
لآنـهـا متأكده أنهـا أذا مافادتهـا مستحييل تضرهـا ...
نطـقـت بعد تردد
قـالـت لـهـا أنـهـا حبـت شــخص من صـغـرهـا لحد ماكبرت ومازالت تحبــه ,,,, و " أنتـوا عارفيـن باقي السالفـه " !!!
بدون ماتحس طلعت كل اللي بقلبـهـا لـفـاتـن اللي كانت خوش مستمعه ...
رغم أنـه ملامحها تغيرت من آبـتـدت تقول لـهـا وضحى أنـهـا تطلع معاهـ عاااادي ,,
وتقـعـد معاهـا وتكلمه بالتلفووون ,, وتتصرف معاهـا بحريـه مطلقـه ... اللهم تحرص على شيلتهـا تكون على راسـهـا مب مهم تكون ساترتهـا المهم تكون على راسـهـا وبس !!
وأول ماوصلت لـعـند سالفـة ذاك اليوم الأسـود اللي بـغـى يغتصبـهـا ,,, كانت ملامح فاتن متغيرهـ جذرياً !! بايـن أنـهـأ منصدمه من الكلام اللي قاعدهـ تسمعه ...
وضحى بعد ماخلصت سرد سالفتـهـا نزلت نظرهـا لحـظـنـهـا : وبــــس ,,! اللحيييـن آنـا قاعدهـ أحاااول أنـســااهـ بس مب قــآآدرهـ .. كل شي حولي يذكرني فييييـه ...ومن طلع من حياتي وآآنـــا حاسـه بفرآآآآآآغ مستحيل تكلف روحها آآمي وتمليييـه ....
فاتن بعد ماتنهدت وأستغفرت بالخفيف قالت : حبيبتي ,,, اللي أنتي فيـه شي طبيعي راح تحسيـن فيــه .. لآنـه علاقـتـج فيـه من الأساس غلللط .... هو مب محرررم لج وحرااام أساساً يختلي فيييييج .. ماراح ألووومــج ولا أعـاتبــج لآنــه حالتج ماتسمح أنـي ازيييدج ,,,,, شوفي قلبي .." أبتسمت لـهـا من يديد " صحيح لما تصليــن وتقريـن قرآآن راح تخف ضيقـتـج وايد ,,,, بس بعد ماراح يـزول شعورج بالوحدهـ والفرااااغ ,, حاولي تسويـن أي شي يشغلج ..... ترى مابتقدريـن تنسييـنـه بالكلام بس !!!
وضحى : زيـن بشنو أشغل عمري ,,, والله حاولت .. طلعت السوق ورحت السينما كل ثلاث أيام أو اربع أروح بيت نوره الـ"..." ... والله مابـقـى شي ماسويـتـه ... آنـسـى شوي وأول ماأختلي بعمري أرجع أتذكر,,, والله أني مهمووومه ونوره تحاول تخفف علي بس بدون فااييــده ,,, صدقيني مالجأت لج ألا بعد ماتسكرت كل الأبواب بويهي ... وماكنت متوقعه أنج راح تستقبليـني !!!
فاتن تنهدت بطيبـه : مـاتـعـودت أرد حد يجيني ياعمري ,,, " تطالعهـا بعيـن باسمه " زيــن جربي تدخليـن دورات تحفيظ قرآن .... أكيييد راح تشغل وقـتـج ,,
وضحى بتفكير قصير قالت بأحرااااج أأكبر من الأحراج اللي أقتحم ملامحها أول مادشت بيت فاتن : بـ...ـس أنــا ,, ماأأعررف أقـرى عــدل ,,, واايـد أتأتأ ,,
فاتن : أوكي !! عااادي شفيـهـا ... لا دخلتي هالدورات هــم بيـخلـون قرايـتج تتحسـن واايد ..
وضحى بتسائل : تـهـقيــن ,,
فـاتـن : ونص بـعـد ,, وأذا مانفـع هالشي بـعـد بيتي مفتوح لج ... بأي وقت تقدريـن تجيييـن ....
وضحى أبتسمت لـهـا من قلبـهـا وفكرة هالدورات اللي قالتـهـا لـها تدور براسـهـا ,,,
وصـل الـعـصـيـر ,, وآول ماشربـوه وخلصوا ,,
دعـتـهـا فاتـن أنـهـا تجي تتمـشـى معاهـا بحديقـة بيـتـهم ,,, تغـيـر جو شوي ,, وماردتـهـا وضـحـى
طـلـعـت مـعـاهـا وتمـشــت وآبـتـدت تسولف لـهـا ,,,
آكتشفت أشيـاء وأشيـاء بـهلـ فاتن .....
وأهـمـهـا أنـه مافي أأأأأطييييييب من قلبــهـا
ولا أأخف من دمــهـا ....
حست أنـه الـوقـت مـعـاهـا يـمــر بسرعــه .... ولا مـرت لحـظـة وحده خلـتـهـا تتحسف أنـهـا جات ..!

.
.

طـولـت وهـي تـنـطـر بـشـيــر ولا وصــل ,, أبوهـا مكلمهـا من الساعه 8 ,,, واللحيـن صــآرت 10ونص ,,!
بيـت أبوهـا مب لـهـدرجة بعيييد علشان ياخذ كل هالفتره للوصول لـهـا ,,,
زفرت وشالت سماعة التلفون وأتصلت على بيت أبوهـا ,,,,
رن وآآآآآآآآآآآآآآيـــــــد بس مــحـــد رد
أم زايد : يــآآالله علييك يايبــه ,, تحــب تـشـغـل بالي علييييك ..!!
رجعت أتصلت من يديد وهم نفس الحالـه يتم يرن ويرن ويرن ليـن ينقطع من نفسـه ...
حطت السماعه برفق وطلعت جوالـهـا وأتصلت على جوال أبوهـا اللي مايعرف يستـخدمهـ ,, اللهم يرد على المكالمات وبس
رن وآآآيـد ونفس الحاله مامن مجيييييب
خاافــت عـلـيـه ... وهي عاد تبي الـشـاره علشان ينشغل بالـهـا وتحاتي
رجعت أتصلت على تلفون البيت وهي تتأمل أنـه صوت أبوهـا يوصلـهـا لكـن بلا فـايده ,,

هني وخلاص حست التوتر سرى بعروجـهـا ,,: ياربي ليش مايرد !!!! مب معقولـه كل هالأتصالات ويطننننش ؟؟ ...
طرت ببالـهـا فكرة مرعبـه طردتهـا بسرعه ...
طلعت جوالـهـا كانت بتتصل على زآآآيـــد علشان يجي يوصلـهـا لأبوهـا ,, بس تذكرت كره أبوهـا لـه ولو يشوفـه بيـنـكـد عليييـه أبو عيشـتـه ,,
بدون تفكير أتصلت على سالم رن شوي ورد : هــلا أم زايد ..
أم زايد : هلا سالم ,, أنت بالشغل ؟؟
سالم : أيـه بالدووآآآآم ,,
أم زايد بخوف : سالم الله يخليك هد اللي بيدك وتـعـال لي ,, أأبوي مادري شفيـه
سالم أنتقل لـه خوف أخته : أبوي !!! شفييييـه ؟؟
أم زايد : ماادري ياسالم ,,, دق علي الصبح وصوته كان تعبان وأشتكى لي من سلينا وبشير ... قال لي أجي وهو بيطرش لي الدريول وللحيـن بشير ماجا
سالم يحاول يدور سبب : زيـن يمكن زحمـة الشوارع اخــرتــه ,,,!!
أم زايد : أبوي مكلمني من 8 !!!!!!!
سالم : أوكي أوكي ,, سكري اللحيـن بروح أستأذن وجايج على طــوووول ,, أن شالله مافيـه ألا كل خييير
أم زايد : لا تبطي علي ياخوي ,,
سالم : أن شالله

سكر من عندهـا وراح أستأذن مثل ماقال لـأختـه ,, بعد طلعت الروح رضـوا يخلونـه يطلع بعد ماشرح لهم سبب طلـعـتـه من الدوآآم ...
ركب سيارته وتوجه لبيت أخته ,,
وبالطريج حاول يتصل على ابوهـ كذا مرهـ لـكـنه مايــرد ,, وأخر مرهـ أتصـــل لـقـاهـ مشـغـووول ,,,!؟؟؟؟؟
أتصل على بشييير ونفس الحالــه مامن مجيييب
سالم بقلبـه : أن شالله خيررررررر !!!
مسافـة الطريج وصف جدام بيت أخته ,, دق لها علشان تطـلـع ,, ودقايق ألا هي جنبـه تحركوا الأثنيـن لـبيـت أبوهـم اللي يجهلون سبب عـدم ردهـ على مكالماتهم !!!
وكل واحد منهم يحاول يطمن عمرهـ بعذر كاذب .....
الـطـريج كان طويل بالنسبـه لهم رغم أنه العكس ,,,
ووصلوا البيـت ,,
نزلوا ودشوا على طول بما أنـه باب بيـت أبوهم على طول مشرع مثل ماقلت لكم ,,
وصلت أم زايد لباب الصاله قبل سالم فتحته ودشت حتى مافصخت نعالهـا " الله يعزكم " عند البـاب ,,
نـادتـه بصوتـهـا وبعد ثواني أختلط صوت ندائـهـا بصوت سالم اللي يناديـه بعد ,,
مارد عليـهم
أول ماوصلوا الصاله لـقـوه منـســدح على الجلسـه الشعبيـه والتلفون أحذااهـ وسماعـتـه مرفوعه بقصصد !
راحت لـه أم زايد بسرعه وقـعـدت على ركبتـهـا أحذااه رفعت راسـه شوي وهي تقول : يبــه ,,, !! يبـه؟
ماكان يرد ,, كان مــعــرررق من قــلب ومغمض عيـنـه بألم كبير ويـده مستقره على قلبــه ,,
أم زايد طالعت اخوها بخوف : ساااااللللم ! مادري شبلاااهـ ؟؟
سالم أقترب منه وطقه بالخفيف على خده : يبـه !!! يبــه أنـا ساللم ؟ تسمعني!!!
فتح عيـنـه وطالع سالم ورجع غمض بتألم أأكبــــر
سالم قام وقف : قوومي خل نوديـه المستشفــى ,,,,
أم زايد حاولت توقفـه مع سالم ماقدروا ,,,,
سالم تركه وقال : بشيروه ويـنـه !!! .." طالع أخته " لحظة بنادي بشييير

طلع من الصاله لصوب غرفـة بشير فتح الـبــاب بقوه لدرجة أنـه رضخ بالطووفـه لـقــى بـشــيـر حااط جدااامـه صحن بـه أكل ومجابلـته سليـنـا وصوت ضحكهم حاشر المكان
سالم بحده : سليـنــآآآآآ !! شتسويـن هني ؟؟؟
سلينا فزت على طول وماقدرت تنطق من الخرعه ,,,,
سالم بغضب : أنجلعي جدااااامي ,,,,
شالت عمرهـا وطلعت من الغرفـه قبل لا يكفر فيـهـا سالم ,, اللي قال : حسااابك بعدييين ,, قوم فزززززز أأشووووف ... بابا طاايح بالصاله وأنــت قاعد تزززحرررر هني ..... شله ماترد على التلفون !!؟
بشير اللي وقف من الخرعه : آآنـا .. آنـ.....ـــا.. مافـ...ــي يـ..ســمـع ,,,
سالم يهز راسه بتوعد : ماسمعت ها ؟؟.. أمش أمش بس ,, يصير خير بعديـن

طلعوا سالم وبشير وسيده لصالـه وقدروا يوقفـونه على حيلـه بعد جــهــد
سالم وذراع أبوهـ على كتفــه قال لأم زايد : مــهـا ,, روحي فتحي باب السيــاره ,,,
طلعت أم زايد بخطوات سرييـعه لبرى وفتحت باب سيـارة أخوهـا من ورى ,, وســدحـوا بو سالم بالكرسي اللي ورى وركبت معاهـ أم زايد وخلـت راسـه يستقر بحـظـنـهـا ,,
طلعوا من بيت أبوهم على المسـتـشـفــى وكلـن يـدعي ربــه أنــه مايصير بـه شي ولا يفـقـدونـه
خاصه أنـه ريال كبير بالـســن ,,

.
.

بأحدى الـكـوفي شـوبـآت

كـان قـاعد وعـيـنـه بكوب قهوته يحرك القفشـه داخلـهـا وهو شبـه سرحان ولا منـتـبـه على أي حرف يقولـه فـهـد ,,
لـحـد ماصـحـاهـ من سرحانه صوتـه : ياهـووووو !
نواف رفع نظره لـه : هلا هلا ! أسمعك ...
فهد : آي تسمعني أي خرابيط !!! ,, صار لي ساعه أهذر بروحي ,,,!
نواف يحاول يبيـن لـه أنــه سمعه : كـنـت تتكلم عـن شغلك !
فـهـد رفع واحد من حواجبه وقال : شفت !! هذا أكبر دليل أنك ماسمعت ولا حرررف ,,,, سالفـة شغلي خلصتهـأ من زماااان ,,
نواف : السموحه فهد ,, بس متضايق شوي من سالفـة زاايييد ,,!!!
فـهـد زفر : لا حول ولا قوة الا بالله ,,, تراك مكبر الموضوع .. آآكيييد نـسـى مب معقولـه ماراح يعطيك خبر
نواف : لو كان عادني صج رفيج جــآآن مانساني ,,!!!
فهد : ياللللله ! ,," بجديه " نواااف ,, تراااك حساس ,,,,,؟!
نواف : مب حساس ولا شي ,,, بس شكلـه زايد ماكان معتبرني واحد من ربـعـه ,,, والظاهـر أني فرضت نفسي عليـه بالقوهـ ..." يرتشف رشفه بسيطه من كوب قهوته " ع العموم على راحته !
فهد تنهد بالخفيف وقال : شوف لا تقعد تحط أحتمالات من عندك ,, " يطالع ساعته " ع الوحدهـ يخلص دوامه ,,, أتصل عليـه وشوف عذره !!
نواف وهو يحط عينه بعيـن فهد بجديه ولمحـة غرور بسيطه بانت على ملامحه ,, رغم أنه مازالت بايـنه عليه الضيقـه : ماراح أتصل لـه ,, خلاص خله على راحته .... لو كان يبيني أدري جااان عطاني خبر من زمــآآآن ,,,, ماراح ينتظرني ليـن أتصل لـه وأتشرهـ عليـه ,,
فـهـد : يعني شنو ؟؟
نواف : ولا شي ,, أشرب قهوتك خل نـقوم نتمشـى ... ضايق خلقي
فهد وهو يرفع كوبـه ويقول قبل لا يشرب : ياخي خليتني أتحسسسسف أني قلت لك !
نواف ماعلق عليه اللهم طالعه وشرب من كوبـه ,,

.
.

الـسـاعه 1 ألا ربـع الـظـهـر

طـلـع من دوامـه وركب سـيـارته متجهه للبيــت ,, وبـمـا أنه عارف بعدم وجود أمه بالبيت فتأكد أنه مافي لا غـدى ولا هم يـحـزنون ,,
مر على مـطـعــم طق لـهم هـرن طلع لـه وآحد ,, بعد السلام ..طلب منه سـنـدويج فلافل مع غرشة بيبسي ,,, وعطاه الحـسـاب
وأول ماأبتـعـد عـنـه سند ظـهـر على الكرسي هو يمسح على ويـهـا بـتـعـب ... شـغـل المـسـجـل وحطه على صوت الخليج ..
وقـعـد يـسـمـع ,, وباله أساساً مب معاهـ
مايدري شبلاهـا أمه رايحه حق يدهـ اليوم ,,!!
أأمس جاافــتــه ؟!!
مايمديـهـا تشتاق لـــه ....
غمض عينه بعد ماسند راسـه ع الكرسي : يلا !! هي بنته وهو أبوهـا ... كيفهم !
سمع صوت جواله يعلن أستقبال مـســج
أخذ الجوال وشــافـه كان من ..زوجـة المستـقبل .. تمسي عليـه بالخـيــر
مسح المسج وحذف الجوال برفق بحظنه ,,, ورجع غمض عيـنـه ,,
شوي ألا الدريشـه تنطق عليـه فتح عيـنـه ولفـ على يسارهـ الآ بالريال ومعاهـ الطلب ,, فتح الدريشه وأخذ أكله وشكـرهـ
حطه الأكل بالكرسي اللي أحذاهـ وحــررك ,,,

حـاس روحه تـعـبــان يبي يروح البيـت يسبح ويحط راسـه ويرقد ,,,
الطريج كـان طويل بسبب الزحـمــه والسياير يالله يالله تمــشـــي ,,, وهو بنفسـه كــاره عمرهـ وكـل شوي مـغـيـر الـسـيد اللي واقف فيييـه ,,
مـرت تقريباً نص ساعه كامله وهو بزحـمـة الـشوارع ,,, لـحـد مالمح شي بالطريج خلاهـ يدقق الـنـظر من بـعـيـــد !!!
ويـمـتـلي فجأه بنشااااط غير طبيعي ,, رغم أنه من شوي كان بينام على عمرهـ من الملل ,,,
أقـتـرب من السيـاره المصفوفـه على جنـب بالـشـارع ووقـفـهـا ,, وشاف نظرات الأستغراب بعيـن راعي السياره !!
نزل من سيارته سكر الـبـاب وأتجهه لــه بعد مارسم أبتسامه مزيفه على ملامحه : هلا عمـي ,,!
بو نواف وهو يطالعه بتفحص : هـ..ـلا ! زايد ,,
زايد بتسائل ممزوج بأهتمام زائفـ وهو يطالع سيارته : خـيـر أن شالله ,,,! أجــووفك واااقـف بهلـ شمس ؟؟
بو نواف وهو يلتفت على سيارته : لا بس بنجر التـاير ,, !!!!
زايد يسوي روحه مهتم : آآوووهـ !!!! ,, لو محتاج أي مساعدهـ أنـا بالخدمه !
بو نواف رجع طالعه بشموخ : لا مشكور ,, توني متصل ع الـســايق واللحيـن بيجي ..
زايد : الدنيـا حارهـ ,, والـشـارع زحـمــه !! وعلى مايجي يبيلـه مــده ,,, وأذا ماخاب ظني بيـتــك بـعـيد عن هالمنطقـه !!!!
بو نواف : لا عـادي ,, بنطر دااخل سيارتي على مايوصل ... ماني مستعيييل
زايد : أفا ياعمي ,, شدعوه !!! تراني بحسبـة ولدك ؟ ولـه ماتتشرف ,,,
بو نواف : لا لا شدعوهـ ,, بس ماأبي أأثـقـل عليك ,,
زايد : لو أنك بتثقل علي جــان مريت صوبك ولا فكرة أوقـف لك !!,, مب أأجي وأصف سيارتي أحذاك ؟؟ ,, ترى مهما كان أأنـت أبو رفيجي وكنت بيوم رفيج أبوي !
بو نواف أنقضب قلبـه من قال " رفيج أبوي " لكنه حاول مايبيـن هالشي رغم أنه كان واضح وضوح الشمس لزايد
بو نواف : آآوكي ,,!! دامك مصررر ..

ألتفت على سيارته وفتحهـا .. ماقدر ينتبه زايد على اللي طلـعـه فـايز بالضبط ... بس الظاهـر كان ياخذ بوكه والسويج ,, ويحطهم بمخـبـاهـ
سكر باب السياره وقفلـهـا ومشى مع زايد لسيارته ,,
سبـقـه زايد وركب قبـلـه ,,
شال كيسـة الأكل وحطـهـا ورى وهو يقول : السموحه عمي ,,!!!!
بو نواف وهو يركب ويسكر الباب : حصل خير ! ..
حــرك زايــد وهو يطالع الطريج جدامــه ,,,
رن جوالــه ,,, شاف المتـصـل كانت آمـنـه
زايد بقلبـه " ولييييييييييييييييه ! مو وقــتـــــج كلش ! " حطـه ع الصامت ورجع يركز بالطريج جدامه
حركته لفتت أنتباه بو نواف اللي قال : غريبـه مارديـت ,,
زايد : هذا واحد من الربـع ,, ماعندهـ سالفـه !
بونواف هز راسه بتفهم رغم أنـه لثانيـه توقع أنـه المتصل ممكن يكون نـواف
وزايد سكر بويـهـا لآنـه مايبي يكلمه !!!!!
زايد بتسائل : بتـروح البيت صح ؟؟
بو نواف : آيـه ولا عليك آمر ...
زايد بنفس الأبتسامه المتصنعه : آن شـا لله ..!,, أنت تامر !!
رجع ساد الصمت ع المكان
لحد ماقرر بو نواف يفتح موضوع حتى لو كان تافه : أجوفك شــآآري سندويـجـات ؟..
زايد بقلبـه " يالقافتك ! " : غــداي ,,, !! الوالده مب موجودهـ بالبيت اليوم ,, وملزوم أدبر عمررري
بو نواف بغـى يتهور ويسألـه عـنـهـا لـكـنـه مسك لسانه ...
مو من حقـه يسأل !! ,, ومايظـن أنـه سؤاله راح يســـر زااايــــــد ,,,
قـبـل خمس سنيـن ثــار عليــه والـسـبـه أنـه جــآآآب طـآآري آمــه جدااامـــه .. وقال بكل قوات عيـن أنـهـا كانت زوجـتـه ولو يبيـهـا يـقـدر ياخذهـا حتى لو بالغصب ,,
وطبـعـا زايد ماقصر يومـهـا بـغــى يتـهور ويدوس ببطنــه رغم انه بو نواف حزتـهـا كان مستعد يوديـه ورى شمس لو جررب يسويـهـا ,,,
قطـع عليـه حبل أفكــاره سؤال زايد اللي قال : أقــول عمي ,, في سؤال من زمااان يدور بصدري !! بس مب لاقي لـه جواااب ,,
بو نواف : وشنو هالسؤال ؟
زايد : أنــت واحد معروف وتااجر محترررم والكل يشهد لك بالخير ,, شلون قـدرت ترافج وااحد مثل أبوي ..!!!
السؤال كان مفاجأ بنسبـه لبونواف اللي سكت شوي يرتب الحجي بعدها قال : الله يرحمه ,, ماأبي أأتكلم فيـه ,,,, هو ميـت اللحيــن وماتجوز لـه ألا الرحمه ....
زايد يطالعه مسوي روحه مستغرب : لــهـدرجـة حياة أبوي كــانـت ....... ! " طالع الطريج جدامه ولا كمل ,, يتـصنع أنـه متضايق ".. سـاعات أتمـنـى أنــه ماكان أبوي ,, ولا أرتبط أسمي بأسمــه ...
بو نواف مـاحب يتكلم بهلـ موضوع ولا يعلق على كلام زايد حتى !!
هالموضوع يوترهـ ,, ويـهــز هيـبـته هــزززز ,,,, والسبب الرئيسي هـو شبـه زايد لســعـود !!!
أخذ جوالـه وأتصل على الدريول علشــآآن يشتت هالشعور اللي يقتحم صدرهـ من يجتمع بمكان واحد مع ولد سعود
رن شوي ورد عليــه : أألووو ,,! آنـت ويـنـك فيــه ؟؟؟.. آآهـا أوكيي !!,,,, السياره بتلقاهـا بنفس المكان اللي قلت لك عليييـه ..... لا تخليـهـا واقفـه بالشمس !!!!......" بجديه وحده " تصررررررف ,, لآزم أنـا أقول لك شتسوي ,,,,,, " رفع واحد من حواجبه لما سمع صوت غير صوت الدريول قال ,, ".. من معاااك ؟؟؟.... وشجايبـه هذا !!....... عطني عطني أياهـ ,,,," سكت شوي ينطر يوصله الصوت وبعدها تكلم بأنفعال "... شعندك جــآآآي معـاهـ ؟؟........ غـنـوووم جوووف روحه مني وله مناااك مافي !! اللحيـن حزت غــدى سامع ,,,, تاخذون السيــاره وترجعون البيـت ,,,, " بأصرار وحزم " مــآآآآآفي لا بطبطـه ولا غيره .. !! .. بطبطتك يطلع عمر يجيبـهـا أنـت ماتوطوط برى البيــت ............ آآيـه ياهل !! ... " بحده " لاااااااا ! .. أنـت عارف رايي بهلـ موضوع ,,,, ماتطلع فيـهـا بالشاااررررع حدك بالفريج ! ولـه صدقني ماعاد تشوفـهـا من يديد !! ,,,,,,, " بقلة صبر "!! لا تأذيني ....! اللي قلته لك تسويـه وأنت ساكت ,, ....... عطني عمر أشوووفـ ,,.......................................

طول المكالمه وزايد يسمع كل حرف يـنـقــال ومايفوت ولا حرررررف ,, أبتسم بداخلـه بخبث لمـا عـطـاه بو نواف أول مفــتــاح يدمـرهـ,, بـدون لا يــحــس ... من هالمكالمه قدر يستشف اللي يبيـه !!
أول ماسكر قال : هالصبي ماادري متى بيعقل !!
زايد بتسائل : تقصد غانم ؟
بو نواف وهو يزفر : هو في غيــرره !! يشوف ربـعـه وألا يسوي مثلهم ...
زايد : غانم مراهق !!
بو نواف : .. نوااف لما كان بعمرهـ ماسوى سواتـــه ,,,, !!!!,,
زايد : شخصياتهم تختلف !!! ,, على مااظـن نواف كان ومازال مدمن بلياردو ,,,, " يطالع فـايز " وكان يحن عليييك علشــآآن توديـه يلـعب لـه كم قيم عشان خاطرهـ !!!!
بو نواف طالعه بنظرات ماقدر يفهمها زايد : وأنت شدراك !!
زايد تعمد يقول : نواف رفيجي وأأكيد بعرف عـنـه كل شي ,, " يبتسم "..... طلع يشترك معاي بنفس الهـوايـه ,,
بو نواف : بس البلياردو مالهـا مخاطر مثل البطبطـه ,,,, وغنييييم كلـه مطيوووووور وبس !!! مــانـي بــآيـع ولدي أنـا
زايد بلا أهتمام : على راحتك ,, أنـت أبوهـ وأنت آدرى بمصلحتــه !!!,,, مرده بيكبر وبيفهم هالشي
بو نواف مارد صد عـنـه وقـعـد يطالع الشوارع بدون لا يـعـلـق ,,
بينما زايد ,, الود ودهـ يحتفل بأنــه قرب ينفذ أول خطوهـ ,,,, !!!!!
" آآآآآآآآن ماخليتك تصيييييح دمـ !! ماكو ولد سـعـوود الـ(...) "

مـسـافـة الـطـريـج وصـف زايد عـنـد فلـة بو نواف
اللي ألتفت عليـه وشبح أبتسامه خفيف على محياه : مشكووور وماتقصررر ..
زايد : شدعوهـ عمي ,,, مالـه داعي تشكرني !!
بو نواف : يلا عـيـل ,, عن أذنـك ,,,,
زايد : أذنك معــآآك

نزل بو نواف ودش بيـتـه ,, توهـ بيحرك ألا سيـارة فـهـد تصف أحذاهـ
لـف راسـه تجااهم ونزل الدريشـه وقـال ببتسامه : أوه ! أشوفكم مع بعض ؟ شالمناسبـه !!!
نواف ماعلق اللهم بطل باب السياره وهو يقول لفهد : يلا فـهــد ,, فمان الله ...
فهد : فمان الكريم
نزل نواف ولا حتى عطى زايد ربـع نـظـره ومر من جدااام سيارته وهو داااش بيـتـه
زايد لحقه بنظره وهو يقول بقـلـبـه " شفييه ؟؟ " طالع فـهـد بتسائل ؟؟؟؟
فـهـد وهو قرب يسكر دريشـة سيارته قـال : رد على تلفونك ! وبتـعـرف شفييييـه ,,
سكر دريشته وحرررك ,,,
وعلى طول رن جوالـه ,, خذاهـ ورد على طول : شسالفته ؟؟؟
فهد بعتب : شحقـه ماقلت لنواف أنــك ملجـت ؟!!!
زايد رفع واحد من حواجبه : وشدخل ملجتي بموضوع نواف ؟؟؟
فهد : ياحبيبي ,,, نواف شايل بخاطرهـ عليييك ليش أنك طنشته ولا علمته ,,!! يقول أنــك معتبره زيادة عدد وآنـه فرض نفسـه علييييك وغيره من هالحجي ,, حطمتـه ياريال ...!!
زايد بينه وبيـن نفسه مااهتم لزعل نواف آآآآآآآآخرررر هــــمـــه لـكــن للأسف أنـه مجبور يجذب حتى على رفيجه قال : صدقني نسيييييت ,,, عبالي عندهـ خبر ؟
فهد : أذا أنـت ماقلت لـه ,, أن شالله من اللي بيقول لـه ,,, " بنبرة سخريـه " الـعـصـفـوره ؟؟؟
زايد تنهد وهو يـتـسـنـد على الكرسي : زيـن زيـن ,, سكر خل أتصل لـه أفهمه الموضوع ... ماأبيـه يشيل بخاطرهـ ,,
فهد : ورد سو لي ,, خل أجوف أخر المستجداااات شنهي !!!!
زايد : لــقــآآآفــه !!!! ,,
فهد ضحك
زايد : يلا بـآي

سكر وأتصل على نـواف رن وااييييد وماجالـه جواب والعاده من ثاني رنه يرد نواف ,,
لما يأس وقرب يسكر ألا صوت نواف جايله : هلا زايد !
زايد : أهلييـن نـواف !,, شلونك ؟
نواف : بخير ...
زايد يسوي روحه غشيم : شبـلاك مريـت صوبي ولا حتى سلمت !!! يـهـودي جدامك !؟
نواف يزفر بالخفيف : ماأنتبـهت !
زايد : قص على غيري !!!! ,, شـفييك ؟
نواف : لا ولا شي !! " بستهزاء " ومبروك ع الملجه ,,,
زايد : آهـآآآآآ !! ,, يعني كلام فــهـد صح !؟
نواف مارد عليـه ,,
زايد : كنت راح أعطييك خبر صدقني بس ألتهيت هاليوميـن حتى فـهـد لو مو أخترته شاهد جان حالـه من حالك !!!! ,, وأذا كنت متضايق علشاني ماجبتك شاهد مع فـهـد ,, فأسف وحقك علي ... بس أستحيت منك !!!
نواف أستغرب من أخر كلمة : أستحيت مني !! ,, ليش من متى الربع يستحون من بعضهم ,,؟؟؟
زايد : جوف ,, مادري أنت شلون فسرتهـا بس هذاني وضحت لك كل شي ,,,, وفوق هذا تأسفت .. وتراني مب متعود أتأسف من أي أحد حتى لو كنت أنـا الغلطان ,, !
الباقي عليك اللحيـن .... أذا بتزعل وبتكهرب علاقتنا ببعض علشان سبب مثل هذا فهذا شي راجع لك ,, وأذا رضيت وتفهمت وضعي .. أنـا موجود ....!! ورقمي عندك ..
نواف بأختصار : آوكي !
زايد : آوكيـه أوكي !! ,,, فمان الله

سكر من عـنـده وهو يقول : عــنــــك مارضييييييييييييت ! ,,
.
.
.

بالمـسـشـفـى

طلع لـهم الدكـتور وطمنـهم على بو سالم ,, لـكـنـه بنفس الوقت أستغرب من أهمالهم لصحـة أبوهم !! خاصـه وأنــه معاه الضغط والسكر والقلب !
الدكتور بستغراب شديد : أنـا مش عارف أزااي مابهتموش بصحتو كده !! دا ماأكلش الدوى خالص ؟؟
سالم : دكتور أحنـا مب ساكنيـن معاهـ ببيت وااحد ,,, والعاده هو ياكل دواهـ بأنـتـظــام عمرهـ ماأخرى موعده !!!!
الدكتور هز راسه بتفهم وقال : ع العموم هوآ صحتوا مستقره حالياً ,,, بس مضطريـن نخليـه عندنا كم يوم ,,,!! " بنغزه خفيف " أزااا كانت صحتوا بتهمكمو طبعاً ,,
سالم تنرفز من أسلوب الدكتور لكنه مسك أعصابه : اللي تشوفـه دكتور ,, نقدر نشوفـه صح ,,!!
الدكتور : آكيد ,, بس ....
قاطعه سالم : ماراح نزعجــه ,,,, شوي وطالعيـن ..
الدكتور أبتسم وهو مبتعد عنهم ,,
دشوا داخل عند أبوهم ,,, يطمنون عليييـه ,,,
أم زايد بقهر : حسبي الله ونعم الوكيل فيييـهـا ,,,
سالم وهو كاتم غيضه : خل نوصل البيت بس ! وأنـا أوريهـا هي وبشير شغلهم ,,
أم زايد وهي تمسك يد أبوهـا وتبوسـهـا برفق : ماتشوف شر يـبـه ,,
مـارد عليهم اللهم فتح عيـنـه طالعها ورجع غمض .....
.
.
تمـوا عـنـده شوي وأضطروا بـعـدهـا أنـهم يطلعـون لآنـه نـايم والظاهـر ماراح يقوم ألا بـعـد كم سـاعه !!
أم زايد كانت منقـهـره من سليـنـا ودهـا ترجع البيت بس وتوريـهـا السـنـع ,,
ركبت مع سالم السيـاره مـتـجـهـيـن لـ بيت أبوهـا
طلعت جوالهـا وأتصلت على زايد علشان تعطيـه خبر أنـهـا بتتأخر
شوي ورد وكان توهـ داش البيت ومسكر باب الصاله وراهـ : هلا يمه ,,!!
أم زايد : هلا يبـه ,, أنـت وينك ؟
زايد : توني داش البيت ,, ليش ؟؟
أم زايد : يبـه أنـا بتأخر شوي ,, يدك مرقد بالمستشفـى ,,
زايد بتسائل وأهتمام خفيف : عسى ماشر ؟؟
أم زايد : مــادري يازايد ,, بس الظـاهر سلينا وبشير لهم يد بالسالفه ,,,, حبيبي روح ليدك ... أنـا وخالك رايحيـن لـهم ..
زايد تضايق من طلب أمه ... لكنه مضطر يرضخ : أن شالله ,,
أم زايد : يلا يبـه ,, أخليك ... باي
سكرت منه وهي تـنـطـر توصل البيت بس
.
.
بيـنـما زايد حط كيسـة غـداهـ بالمطبخ وشرب له ماي يبـل ريـجـه وهو طــالـع من البيت
" أأأأففف ! الله يعيني اللحيـن ... يعني أمي الله يهداااهـا تدري به مايواطني مخليتني أنـا أروح شـحقه !!! ... "
ركب سيارته وراح للمستـشـفـى ,, صـفـهـا ودش .... سأل عن يدهـ دلوهـ غرفته ,,,
دش الغرفـه لـقـى يده نـايم بسلام ..
سحب لـه كرسي وقـعـد .. وهو يطالع يـده مـهـدود ومرتسم الضـعـف عليـه بمـهـاره ..
تـسـنـد ع الكرسي وهو حــاس روحه يوعـان وتعـبـان بعد ,, !!!!
ولو مو يـده وطلب أمه .. جـان اللحيـن هو متـغـدي وراااقـــد ...

.
.
.

دخل البيت وهو متنرفز ليش أنه أبوهـ ماخلاهـ يروح ياخذ بطبطـتـه ,, كان ناوي ياخذ فيـهـا لفـه بالشارع عن خاطرهـ بس عمر النذل فضحـه ...
جــاف نوره بـويـهـا قـاعـده تدور بالصاله وجـنـهـا تنطر حد ...
أول مالمحتـه قربت صوبـه وهي متخصره : شــرررفــت !! .. " تأشر له على غرفة الطعام " رووووح روووح أأمي متحلللفـه فييييك ... شلون تطلع بدون ماتقول لـنـا !!! ولا وطاالع هالحزهـ !! شنو ودك تتكفخ أنت ,,,
غانم بعصبيه : أنـا مب يـاهـلللل !!
نوره : روح يالكبير عند أمك وقول لـهـا هالحجي مب أنــا ,, صرقعتنـا عليييييك ؟..
غانم : آووووووووهـ ,,!
راح لغرفـة الطعام مثل ماقالت لـه نوره لـقـى آمه قاعدهـ تجهز الطاولـه للغـدى وريم متعلقـه بجلابيـتـهـا ,,وأول ماشافته شع الغضب بعيـنـهـا :جييييت يأالشيخ غاانم ,,!؟؟..... أنـت شمطلعك من البيت بدون لا تعطينا خبر !!! ,, كراسي جدااامك أحنـا علشان تطلع وتدش على كيفك
غانم : طلعت مع عــمــر ,, مب بروحي !!! وبـعـديـن أنتوا ماقصرتوا أتصلتوا عليـه وعرفتوا أنا ويــن ,,, شـلـه معصبين بعد
أم نواف : ألا بنعصب ونص ,,, أنت تدري أنـه أبوك سم ضروسـه يرجع من الدوام ومايحصل واحد فيكم موجود !!..." بأمر " روح غسل أيدك وتـعــاااال اجوووف !! وخل أجووفك عايدهـا مرهـ ثانيـه .....
غانم ماقدر يرد خاصه وأمه مولعه جذي طلع من غرفه الطعام وسمعهـا تقول لـه ينادي نواف معاهـ ,,,
ركب الدري متنرفز ومحتر ومنقهر وكل الصفات المشابهه لهلـ كلمات فيــه ...
وصل غرفـة نواف فتح الباب ودش بدون لا أحم ولا دستور وقال : يلا أنزل غــدى ,,
نواف كان قاعد ع الكرسي يتصفح مجله بضجر طالعهـ وقال بحده : ماتعرف تطق الـبـاب !!
غانم بدون نفس : لا تصدق ماعلموني !! ...
ترك لـه الغرفـه وراح يغسل يــدهـ
بينما نواف سكر المجله وحطهـا ع الطاولـه جدامه ,, وقاام وهو طالع من الغرفـه ,,
سكر وراهـ الباب ونزل من الدري لغرفـة الطعام لـقـى أمه وريم ونوره موجوديـن ,, قـعـد وهو يقول : ويـن أبوي !؟
أم نواف : اللحيـن بينزل ,,
ثواني ألا صوت هواش بو نواف فوق وااصل قبـلــه ,, والأكييد أنـه يزف غـانم ,,
نوره : آآحسـن يسـتـــااهــل ,,, مـحـد قال لــه يـطـلـع بدون ماياخذ شور أبوي ,,,
نواف يطالعهـا : تعرفيـن تنطمييييـن !!
نوره طالعـتـه بستغراب : وانت شفييييك معصب ! مااخبر قلبك يعورك لهدرجة أذا أنزفف غنييم
نواف بغضب خفيف : شوفي نوير ترى نفسي بخشميييي ,, لا ترفعيـن ضغغغطي !!! .. جابلي صحنج وأنتي ساكتهـ ,, ليـن ينزل أبوج
نوره : بجابلـه عيل بجابل ويـهـك !؟..
أم نواف : نــوورهـ !!
نوره تنفخ : أأفففففف زيـن ,, سكتنا ....
دقايق قصار ألا بو نواف نـازل بروحه وجا وقـعـد
أم نواف بتسائل : عيل غانم ويـنـه ,,!!!!
بو نواف : طس غرفته ,,, مايبي ياااكل ... كيييييييييييفه !
أم نواف : حراام عليك يافايز !!!.. شكلك شديـت علييـه ,,
بو نواف : ماشديت عليه ولا شي ولدج دلوووووووووع ويبي يمشي اللي براسـه علي ! خليـه مردهـ الجوع بيقرصـه وبيجي ياكل ..آكلوا بس أكلوا

نوره عورهـا قلبـهـا علييييـه وماقـدرت تاكل ولا لقـمـه ... صحيح تشمتت فيه من شوي بس ماتوقعت أنه ماراح ينزل يتغـدى
تركت الطاوله وقامت رايحه لـه فوق ومحـد منـعـهـا ,,
ركبت الدري بخفـه وفتحت غرفته ,,
لقــتـه قـاعـد يلعب سوني وهو مـعــصــــب ومكشررررر من قلب
نوره : ماتبي غــدى !
غانم : لو أبي نزلت ,, ماانطر عزيمـتج ..؟؟
نوره : ماعرف أكل بدونك !
غانم : مشكلتج !
نوره أنفخت وراحت صوبـه طفت السوني من الفيشه وقالت : بــلا سـخـافـة وحركات يهـال وأأنـزل تغـدى
غانم بعصبيه : لا تقوليـن حركات يهـال !! آآنـا مب يــااااااهــل سامعه ..
نوره أستغربت عصبيته قالت : زيـن زيـن أسفيييييـن !! ,, قوم تغـدى ,,؟!
غـانم : قلنالج ماأبي غــدى ,, روحي أنتـي لا يزعل أبوي وتـنـسـد نفسـه لأنه دلوعتـه مــحــد ,,!!!!
نوره تضايقت من كلمة دلوعتـه حسسهـا أنـه أبوهـا مايحب ألا هي ! : اللحيـن أبوي ليش هاوشك ؟! شمهبب !
غانم : بس علشاني طلبت منه أأطلع بالبطبطه الـشــاارررع !!! مادري شحقه عصب وولــع .... عباله مااأعرف أسووووق
نوره قـعـدت أحذاهـ وصارت لآزقـه بظهـرهـ : ماقال لك جذي ألا لآنـه خايف عليك
غانم وهو يلتفت عليـهـا : يخاف علي من شنوووو بالله !! آنا أعرررف أسووووق ,, ولو ماأعرف جان ماطلبت هالشي ,,؟؟
نوره : وايد غيرك يعرفون يسوقون وكااهم مسدحيـن بالمستشفيـات بسبب تهورهم ,,, أنـت تبي تقلد ربعك وبس ... صدقني بتندم بعديـن ,,
غانم يصد عـنهـا وهو يقول بـعـنـاد : آنـا غييييير ,,!!
نوره : كلهم قالوا جذي !!!! ,, وشالنتيييجه ....
غانم : لا تقعديـن تشتغليـن لي نصاييييييييح ,,, آنـا أبخص بعمري ..
نوره تبعثر تنظيم شـعـره الناعم بخف وتقول : تينن وأنت معصبببب !! ,,
غانم دفع يدهـا وهو يقول : لا تمسكيييين شـعـري !
نوره تحظـنـه من ظـهـره وترجع تحرك يدهـا بقوه بشعره : بمسكـــه كييييييفييييييييييييي !
غانم حاول يبـعـدهـا لكن بدون فايدهـ ,, متعلقه برااااااااســه بكل قوتهـا ,, ماحس بعمرهـ ألا وهو مبتسم بسبب خبــال نوره : زيييييييييييييييين خلآآآآآآآآآآآآآص هــديني يــــــــــــــــه !! ترااااااااااااااج ثقييييييلـه ,,
نوره وهي تقـعـد على ظهرهـ بما أنـه كان مـدنــع وخـنقـته زووود ,, : أنت اللي جبته لنفسسسسسسسك ,,,
قـام بعد ماأختنق وأشتغل فيـهـا طق وهي ميته ضــحـــك وهو شاركهـا الضحك لما شاف شـعـرهـا تعففففس,,
وبـعـد ماكلـت طققق مـنـه ,, قـدرت تطلعه من مودهـ المتعـكر بسهولـه !!!!!

.
.

تحت بالصاله

كان المكان هـادي كل وااحد فيهم باله مشغول بشي
لحد ماتكلم بو نواف وقال موجه الكلام لولده : شخبار زايد معاك ؟
نواف كان ياكل وتفاجأ بهلـ سؤال طالعه وقال : الحمدالله !!
بو نواف هز راسه بتفهم وهو يقول : طلع خوش ريـال ,,, شكلي ظلمـتـه بالبدايـه ,,
نواف طالعه بغرابـه
بو نواف : الـيوم بنجر التاير علي بنص الطريج ,, والله سخرهـ لي .... لو ماكان مار صوبي وشافني جان أنـا خايس بمكان لين يوصل هالبارد عمر ..
نواف : قصدك أنه هو اللي موصلك اليوم ؟؟.. أشووفه صافط جداام بيتنا ؟
بو نواف : آيـه هو ,, " طالع نواف وقال " بس جووف ,,, مو علشاني قلت لك جذي تثق فيييـه .. مازلت عند كلامي لك قبل ..... خلك حذر
نواف هز راسـه بتفهم بدون لا يعلق
زايد كل مرهـ يكبر بعيـنه أكثر من قـبـل !!!
رغم أنه سالفـة ملجته مضايقته شوي
بس هو برر لـه !!!
شيبي أكثرررر
حتى لو ماأقتنع هو بكلامـه ,,, فهذا أكيد علشان ماجرب شعور الواحد اللي بيملج ,,
آكيييد ماقصد يـطـنـشـه ؟؟؟؟؟
حس روحه زودهـا ..!
رغم أنه من حقـه يتضااااايق
هو مرتاح لزايد وايد
ومعتبره أخو ورفييييج
من حقه يزعل ويشيل بخاطرهـ أذا ملجته ماحضرهـا !!!!!
قام من طاولة الطعام وقال : الحمدالله
أم نواف : وييييـن ؟؟! كلت شي اللحيـن أنت !
نواف : شبعان والله ,, تسلم يدج ..

ركب الدري وراح لغرفته
أخذ جوالـه وأتصل على زآآآآيــد علشان يبيـن لـه أنـه رضى خلاص
وطــآح الحــطــب ,,!

.
.
.

بمكان ثاني

كـانـت بالـسـوق تـتـنـقـل من مـحـل لـمـحـل ..... كلام فـاتـن أقـنـعـهـا
هي جربت كل شي ,,! ليش ماتجرب اللي قالـته لـهـا ,,؟؟ مابتخسر شي
دخـلـت مـحـل عـبـايـاآت وأبـتـدت تدور لـهـا على عبـايـه وسيـعـه شوي ... بدل هاللي لابستـهـا اللحيـن وراسمـه جسمهـا رسم ... وبــآآرزهـ مفـاتـنها
وبـعـد مالف راسـهـا وهي تدور ,, لـقـت عـبـايـه وسيـعـه أعجبـتـهـا ,, ماكان فيـهـا شي يلفت الـنـظــر لـكـنـهـا حلوهـ ,,,
دفـعـت فـلـوسـهـا وخذتـهـا مع شيـلـتـهـا ,, وهي ماتدري ليش مسـتـانـسـه ,,!!!!
ودهـا ترجع البيت بسرعه وتجرربـهـا ..
على كلام فـاتـن أنــهـا راح ترتاح أكثر لو وسـعـت عبايتهـا شوي ,, وغطت شـعـرهـا عدل ,,!!
ركبت السـيـاره وأتجهت للبيـت لكنهـا أول شي طلبت من الدريول يمر على باسكن روبينز ,,, خاطرهـا فيــه ,,,
أشـتـرت لـهـا بروحهـا بدون ماتحسب بخواتهـا ,, ورجعت ركبت السياره وهي رايحـه البيــت ,,,
طول الطريـج وهي أفـكـار تجيبـهـا وأفكـار توديـهـا

معقولـه يكون كلام فاتن صحيح !!!
ماتدري ليش على طول نفذت كل اللي قالته لـهـا ,,,
يـمـكـن عـلـشـان عـنـدهـا امل أنـه هالشي راح يخفف عليـهـا ,,؟؟
وصلت البيت ودشـت مع أكيـاسـهـا ,,
مالقـت حـد بـالـصـالـه ,,,
ركبت الدري بسرعه وراحت لـجـنـاحهـا على طول ,, طلعت مفتاحهـا وفتحتـه وهي دااشـه ومسكر الباب وراهـا
حطت الباسكن روبينز بثلاجتهـا الصغيرهـ ,, وخذت كيس الـعـبـايـه وراحت غرفتهـا تجربـهـا ,,
فتحت الباب ألا بفلافي بستقبالهـا ,,
وعليآآ من الصبح وهو محكور بالغرفـه ,, خلت باب الغرفـه مفتووح وسمحت لـه يطلع يتمشى بصالتهـا ,,
بينما هـي فصخت شيلتهـا الشفافـه وعبايتهـا الضيقـه ,,
ولـبـسـت العبايـه اليديدهـ ,, كانت سـآآآتـــره من قلب ماتبيـن ولا شي من جسـمهـا ,, لبست الشيـلـه وحرصـت أنه شـعرهـا كلـه يختفي عن الأانظــآر
وقفت جدام المنظرهـ تشوف شكـلـهـا الـنـهـائي ,,
تلاشت أبتسامتهـا ,,!!
تحس شكلهـا غلللللط ,,
مب متعـودهـ تكون العبايـه وسيـعـه ؟؟
حاولت تشوف شكلهـا من كل الأتجاهـات وهــم ماتقبلت شكلهـا اليديد ,,!
وضحى : آفففففف ,,! شكلي غلللللللللللط .... لو كانت أضيق شوي بتطلع أأأحسسسـن ..
تذكرت كلام فـاتـن " كل ماكانت أسـتـر كل ماكانت أريح لج ! "
وضحى بحسره : بــس ......... " فصخت العبايه والشيله وهي تقول " آوووووهـ !! مردي بتـعـود عليـهـأ ,,!!!!
خذت عبايتهـا اليديدهـ وعلقتهـا بالكـبـت مع شيلتهـا ,, بعديـن بتخلي مايا تغسلهـا لآنـهـا ماتواطن ريحـة أي شي يديد !
طلعت لصالتهـا ,, خذت أيسكريمهـا
وحذفت روحها على الكرسي ,, شغلت التلفزيـون وهي تدور على شي حلو تشوفـه ,, وبـعـد دقايق حطت على فلم أجنبي شكله حلو خلت عليـه
وقـعـدت تشوف بعد مافتحت أيسكريمهـا وبلشـت أكــل ,,,

.
.
بيت بو سالم

أم زايد بعصبيـه وهي تدخل البيـت : سليـنـا ,,! سليــــــــــــنــا ؟؟
طلعت سليـنـا بسرعه وهي مختبصه : ييييس ماما ,,
أم زايد بنفس النبره : ويــنـج فييـه لما كان بابا تـعـبــاااان ,,؟؟؟
سليـنـا تتمسكن : آنـا ... آنـا .. داااخل مطبخ .. مافي شوف
أم زايد : مافي شوف هاا !! ,, دوى مال بابا ويــن ؟؟؟؟
سليـنـا بأرتباك : آي دونت نو !!
أم زايد : بلا تـعـرفيييـن ,, شوفي سليـنـا .... أنا طول عمري طييبـه وياااج لا تخليني أوريج شي ماودج تشوفيـنـه ,,
سليـنـا : ماما صصصصااااج أي دونت نو ,,, بابا في عرررف ...
أم زايد : لا تجذبيـن ,, هو كلمني قبل لا أجي وقال لي كل شي ...!
سلينا بخوف : شنو في قول ؟
أم زايد : لااااااااااااا !! أنتي شكلج ناويـه تطوليـنـهـا ,,, " مشـت عـنـهـا وطاافـتـهـا متجهه لغرفتهـا "
وسلينا ركض لحقتهـا ..
دشت أم زايييد الغرفـه وقالت : أدري بج خااشـتــه ,, بس والله ياسلينـوه لو يتأكد كلامي صدقيني ماتباتيـن ليله وحدهـ هني
سلينا : ماما أنتي شنو سوووووي !! ,, صــآآآج أي دووونت نووو !!! صدقني ..

تمت تدور بكل مكان متجاهله حنـة سليـنـا ,, اللي ماغير تلاحقـهـا ,,
لـحـد مالقـتـه بيـن ثـيـابـهـا ,,
طلـعـت الكيسه كلهـا وقالت وعينهـا تشع غضب : هذي شنووو ,,,؟!
سلينا قلبها وقف بغت تتكلم بس الكلام مب راضي يطــلــع ,,,
أم زايد بصرخه : أنـا أقول لج هذي شنووووووو ؟؟
سليـنـا صاحت وقالت : ماما أنــا ,,,!!!
أم زايد : جببب ولا كلمــه ,,, ماعندج أأبو أنتي !! مااتخاافيييـن ررربببببببج ؟؟ ولـه بالأسم أنتي مسلمه !؟ .... أأغراااضج كلـهـا تشيلينهـا اللحيــن ... مالج قعدهـ هني
سلينا ماتت صياح : ماما أأنـا في ثري بـجــآآآ " ثلاث يـهـال " ,,, آنـا يبي شـغـل ...
أم زايد : لو تبيـن تشتغليـن جان عزيتي ولي نعمتج ...!!!!!..
سلينا : بابا بو سالم واااااجد جنجاال " يهاوش " .. آنـا شنووو سووووي !!!
أم زايد : مااااأبي زيااادة حجي ,,, أغراااضج كلهـا تشيلينهـا ,, وأنـا بكلم سالم ياخذج ع الأبـــعــااد ,,
سليـنـأ بغـى يوقف قلبهـا : نــهــي ماما ,, بليييييييييييييز .. الله يخليييك .... بلييييز ماما ..... بلييييييييييييييييز " ماتت صيااااح "
طلعت أم زايد من الغرفـه متجاهله رجـى سليـنـا ,,
فتحت باب الصاله ونــآدت على سالم اللي تكفل بتهزيئ بشير ..
طلع من الملحق اللي هو غرفـة بشيـر وأقترب منـهـا وهو يقول : خييير يامـهـا !!
أم زايد بأنفعال : لقيت دوى أبوي بيـن ثـيـابـهـا اللي ماتخااااف ربـهـا ,,
سالم : حسبي الله عليـهـا هي والثور اللي بالملحق ....
أم زايد : قلت لـهـا تشيل أغراضـهـا ماراح تبات ليـلـه وحدهـ هني بعد اللي سوتــه ... خل تنجلللع بلادهـا ...
سالم : ومن قال أنـهم بيتمون هنـي ,,, أنـا كلمت بشيروهـ وخليته يشيل كل أغراضـه ... اليوم يذلفون الأبـعـاد ليـن يسفرونهم
أم زايد تتنـهـد : الله لا يوفقهم ,,, لو تأخرنا ثانيـه كان راح أبوي من يدنـا ,,,
على نهاية كلمة أم زايد رن جوال سالم اللي رد على طول : ألو
أمنه : هلا يبـه ,, آنـت ويـنك ؟؟ من مساع أنطرك ع الـغـدى ,,!!
سالم : حبيبتي بتأخر شوي ,, يدج تعبان بالمستشفى
أمنه بخوف : تـعـبـان ؟؟ شفيييـه !
سالم : بعديـن أقولج ,, تغدي أنتي لا تنطريني ,,,,
آمنه : يبه طمني ....
سالم : أن شالله ,,,

سكر أبوهـا وخلاهـا على أعصابـهـا ... تحاتي يـدهـا ..
ودهـا تروح بس دام أبوهـا متوتر جذي ماتضـن بيمر عليـهـا ,,
ومستحيل تطلب من زايد هالشي ,,!!!!
تستحي منــه موووووت ,, وكفايـه أنـه مطنشـهـا !؟
لا مسج رد عليـه ولا أتصال عبـرهـ
" ياربي ليش يعاملني جذي ؟ "
.
.

الـعـصـر

كلـن بـغـرفـتـه يـتـجهز لطلـعه اللي أساسهـا غـانم ,, بما أنه المدارس مابـقـى شي عليـهـا ,,
ركبـوا ثلاثتهم السيـاره ... نواف اللي يسوق وأحذاهـ نوره ووراهم غانم قاعد بالنـص وشغال حنه : زييييين ليش مب بــآآجر ,, اليوم بطبطتي بتطلـع !! أبي أستقبلهـا بالبيت
نواف : حشى اللي يسمعك يقول مرتك !!! ... أشتر خرابيطك مالت المدرسه ولما ترجع بتلاقيـهـا متعدله لك وكااشخـه وتقول لك " ينعم صوته " هلا حبيبي نورت البيت ,, !
غانم : هيهيههيهيهيهيهيه ياسخفك ,, أرجوك لا تحاول تنكت ماراح تغلبني ترى !
نوره تدخلت قبل لا يشتغلون هواش : بسكم .. لا تشتغلون نجره.. لما نرجع البيت تهاوشوا على كيفكم .... ماأبي ينتفخ راسي من حنتكم .. كفاااايـه جايه معاكم بالغصب !!
نواف : عبالج أنـا اللي مستانس على هالطلـعه ..!!!
غانم وهو يتنسد : لا تصدقون ,,, أنـا اللي متشقق من الونــآآآآآآآآآآسـه .... أأففففف مرت الأاجاازهـ بسررررعه !! ياأخي ليش ماتخلوني أأخذ أجازهـ سنــه مثل بعض النــاس ,,,, ولـه الدلال حق ناس وناس
نوره تلتفت عليـه بجسمهـا كامل : جببببب زيـن ...
نواف بحده : نووووووووووووووووروه !! ,, قعدي عدل فضحتييينآآآآآآآآآآآ !!!! عبالج في مخفييييييييييي جداام ؟
نوره بأحراج وهي تغطس بكرسيهـا من الحيـآ : وي سوري ! عبالي قاعدهـ ورى ,,,
نواف طالعهـا بنظرات وصد عنهـا ,,
مافهمت معناتهـا بس أأكيد انـهـا غضب !
وصلهم صوت ضحك غانم اللى ورى : ههههههههههههـ ويوووووووووووو فشلووني ,,
نوره تاخذ قوطي الفايـن اللي جدامها وتحذفه ورى على غــانم ,, : أأأأأأأأأأأأأنجبببببببببببببب زيـن ...
غانم يرجع يحذف عليـهـا الفايـن بقوه : يعووووووووووور يالبقرهـ ,,
طق براس نوره قالت : آآآآآآآآآآآآآآآآآآآآي !!! يالخااايس ,, " خذت الفايـن توهـا بتحذفـه ألا صرخه من نواف يبستهـا " بسسسسسسسسسسسسسسسسسسسكم !!! بلا هبال ,, فشلتوونـا جدااام العااالم
نوره : هــوووووو اللي بــــدى ,,,
غانم : والله محد قالج تعلين حسسسسسسج ,,
نواف : أكلوا تبـن أثنينكم لا والله العظيم لا تلومون الا نفسكم
غانم بصوت هامس مسموع : كلللش ! خرعتني ,,؟
نواف عطاهـ نظره من المنظره اللي جداامه يبست الدم بعروقـه ..

بعد هـواش وصراخ بالسياره بيـن نوره وغانم ..
وصلوا السوق وراس نواف منتفخ منهم ,,,
نزلوا كلهم وراحوا يـشـتـرون لـه جوتي " الله يعزكم " ,,
أول محل دخلوهـ أخذ منه ,,, يبي يخلص بسرعه ويرجع البيـت ,,
وكل محل يدخلونه يشتري بسرعه ويطلع ,, لحد ماخلصوا بأقل من ساعه أغراضـه ,, باقي المكتبـه ويفتكووون
ركبوا كلهم وتوجهوا للمكـتـبــه وغـانم كل شوي يسأل " كم الساعه "
بس مامن مجيييب ..
وصلوا المكـتـبـه ونزلوا ,,
وخلوا نوره تتكفل بهلـ سوالف لآنـهـا آدرى ,,
خذت لـه دفـاتر وقـلامـه حبر ورصاص ومحايات وبرايات ...ومن كل شي دبل ,, لآنه الأخ غانم مايمر أول أسبوع ألا مضيع كل أغراضـه !
لفـتت نظرهـا شـنطـة تنشال ع الـظـهـر شكلـهـا كيوت عليـهـا صورة كابتن ماجد ,, خذتهـا وهي تقول لغانم : غـنـووم شرايك فيـهـا ؟؟؟؟
غانم طالعهـا بصدمه وبـعـدهـا طالع أخته : من صجج !!
نوره ببتسامه : بتطلع أتينن عليييييييك !! جررب ألبسـهـا ,,,
نواف بعد ماأطلق ضحكه خفيفه : والله مصخررررهـ !!...
نوره لغانم : ماعليك منه ,, يبي ينرفزك ,, بتطلع كيوت فيـهـا ,,,
غانم بدون تفكير : طيييرررررري زيـــن ,,,!! هذي أخذيهـا لج حق الجامعه ..... كل هالطول وأأخذ هذي !!!!! شقالولج للحيـن بحفاظتي
نواف رجع ضحك من يديد : يقولون هههههههـ,,
غانم طالعه وقال : أكرمنا بسكوتك لو سمحت !!
نوره وهي تلوي بوزهـا : ماتبيـهـا يعني !!
غانم : آآكييييييييد لا !! ..
نوره تنقل نظرهـا على باقي الشنط : ممممم ,,!! " شافت وحدهـ ثانيـه أحلى توهـا بتاخذهـا الا غانم سابقـهـا وساحب شطنه ســووده مافيـهـا ولا شي وقال " أبي هذي ,,!
نوره ماعجبتهـا : شنو رايح عــززى !!! ,,
غانم : أنـا اللي بستخدمهـا ولـه أنتي ,, خلاص أبي ذي ,,, وبروح احاسب !
تركهـأ وهو رايح قبل لا تبلشـه بشنطه تفششششل ,,
نوره تتكتف : ماعندهـ ذوووق أخوووك ,,!
نواف ببتسامه عريضه : مخلي الذوق لأصحاابـه ,,, أمشي بس !

راحوا حاسبوا وشالوا غانم ونواف الأغراض بينما نوره تتمخطر جدامهـم علـ حبـه ونص !!
وهم بيموتون وراهـا من ثقل الأغراض لآنه الأخت خذت لـهـا كم دفـتــر مع قلامــه ومجلات وخرابيط البـنـآآت ,, يمكن أغراضهـا أكثر من أغراض غانم !!,,,
لحد ماوصلوا السياره ركبت بخفـه وسكرت الباب وهي بتموت من الضحك على أشكالهم ,,
حطوا الأغراض بشنطة السياره وركبوا ....وزفوهـا زف ,,,!!
.
.
بمكـان ثاني

فـتـح عـيـنه ببـطـئ ورجع غمضهـا من التـعـب ,, ورجع من يديد فتحهـا ,, نقل نظره بالمـكـان وعرف هو ويـنـه فيــه ! كان بالمستشفـى ,,,
حافظ هالأصوات اللي حولـه ,,, اللي دوووم كان يكرهـا ... مايدري شصار لـه بالضبط ,, كل اللي يعرفه أنه الآآم صدره أشتدت علييـه وصوت التلفون وهو يرن يسمعه بس مب قادر يشيـلـه ,,
ماأنتبه الا على سليـنـا وهي ترفع السماعه وتحذفهـا ع الأرض ,,, تكلمت ! بس مايدري شـقـالـت ,,
قال بصوت واطي : حسبي الله ونعم الوكيل فيـهـا ,,,
حرك راسـه ولمح وااحد قاعد ع الكرسي ومنزل راسـه ولما دقق فيـه عرف أنـه زايد ,,, بس شكله كان راااقد
عقد ملامحه : هذا شجــآآآآآبـه هني !
حاول يقوم ومع حركت السرير قام زايد شاف يده يحاول يقعد قام يبي يساعده وهو يقول : حمدالله ع السلامه يدي ,,
بو سالم بغضب وهو يبعد يد زايد عنه : لا تـسـاعـدني .. أعرف شلون أأقــعـد بروحي ,, وله شفتني شيييبـه قلت أأكسب بـه أجررر
زايد : شهلـ كلام يايدي !!!!....
بو سالم بتعب وهو يحاول يستجمع قوته : آآآآمــك ويــنهـا ؟؟ أنـا قلت لـهـا تجيني هي ... مب أأنــت !!!!!!
زايد : آآمي راحت البيت حق سلينا وبشيييررر !!
بو سالم بأمر : دق عليـهـا شوفيـهـا ويـنـهـا فييييه !,,
زايد أنقـهـرررررر وتم يردد بصدره
" علشااااان خاطر أمي !! "
أتصل على آمه وردت عليـه بأهتمام : هلا زاايد يبــه ,,, توني كنت بتصل لك ! شلونه يدك ,,
زايد : بخييير ,, كااهو قــآآآآآم ,, ويسأل عنج ....
أم زايد بأرتيااح : الحمدالله يــآرب ,,, اللحيـن أحنا جاينكم .... بس يصف خالك سيارته !
زايد : آوكيــه ,,,

سكر من أمه ونقز يده : هااااااا ويـنـهـا فيـه ..
زايد : موجوديـن خالي بيصفط سيارته وبيجــووون ,,,
بو سالم بأمر : روح طس جيب لي مــآآآي ,,, ريجي ناشف !!
زايد غمض عينه يحاول يسيطر على أعصابه وقال : أن شالله ,,
ترك المكان ووقف عند باب الغرفـه وهو يـحاول يهدي أعصاابـه : أستحملللله علشااان آآمك يازاييييد !! هو ريال كبير .... لا تحط عقلك بعقلك !!!!
زفر وراح يجيب مااي مثل ماطلب منه ,,,,
وعلى رجعـتـه كانوا أمه وخاله موجوديـن ,, سلم على خالـه بعد ماعـطـى يده الماي وشربــه ,,, سمعه يتشكى من سليـنـا وبشيير ويقول لهم شكانوا يسوون فيييـه
بو سالم بألم ممتلي بغضبه : عيل أنـا يقول لي بشيرووه الخايس ,, رووح يالشيييييييبــه ...!! والله لو أني بصحتي جاان ماسكت لـه .... جان قطعت لسانهـ وعلـقتــه حلق بأذنه جليل الأصل
أم زايد وهي ماسكه يده : خلاص يبه هد أعصابك ,, سلينا وبشير وديناهم الأبـعــاد ...
بو سالم نقز : شـنـوووو ؟؟؟؟ وأنـا من بيخدمني أن شالله ..!! بنفسي يالله شايل عمري ؟
سالم تدخل : يبــه قعدتك بالبيت هناك بروحك ماراح تفييدك ,, تعال بيتي ولـه بيـت مـهـا .... أأحسـن لك وأريح
بو سالم بعنااد : لاااااااا ,, بيتي ماأهــده ,,, فيـه ريحة المرحوومه أأممممك !! ...
أم زايد : الله يرحمهـا ,,, تقدر تجي بيتك يبـه وقت ماتبي .. بس والله مب مرتاحيـن لا أنـا ولا سالم وأنت بعيد عـنـا !!
بو سالم : مـحـد قال لكم تتصرفون ببشير وسلينا على كيفكم ,,, " يوجه الكلام لأم زايد " وأذا كنت أهمج واايد تعالي سكني عندي !!! عاد اللحيـن ماعندج عذر وللللدج وخلص جامعته ...
أم زايد : يبـه تكفـى ,, أفهمني !! بيتي مااقدر أطلع منه ,,
بو سالم : ولا أنـا أقدر اطلع من بيتي ....
سالم : يبـه ,,,! بيـت مهـا مثل بيتك ,, وهذاهـي قالت لك وقت ماحبيت تجي تقعد ببيتك بنجييبك !! محنا متعيزيـن عنك
بو سالم : سكروا هالموضوع أشوف ,, وساعدوني خلوني أوقف على حيلي ,,,
سالم : ليش يبـه ,,!
بو سالم : ليش بعد بروح بيتي ..!!!! مالي قعده هني
أم زايد : يبـه الله يهديييك صل ع النبي ...
بو سالم : ألف الصلاة والسلام علييـه ,,, أنـا بخيررر ومافيني شي .. مابخليهم يلعبون فيني ..
سالم : يـ.....
قاطعه بو سالم : لا تقول شي ,, أنـا بروح بيتي .... " يطالع السيلان اللي بيده ويحاول يشيله بس مب قادر خايف يتعور " وهذا شلون يشيلووونه !!
زايد حاول يتدخل : يدي علشان صحـتــك !! أسمع كلامهم ..
بو سالم يطالع زايد : حد طلب رايك أنت !! يازينك ساكت ..
طالعته أم زايد بنظرة رجـى علشان لا يزعل رغم أنـه زايد بيـن لـهـا العكس ألا أنـه حاس روحه بينفجر خلاص من تصرفات يــده !!!
.
.
بعد ماعور راسهم وراس الدكاترهـ خلوهـ يطلع بعد ماوقع على ورقـه
ركـب السياره مع سالم وآم زايد
بينما زايد ركب سيارته ورجع البيــت
وهو حاس روحه متـضــااييق ,,
دش البيت ع الساعه 5 ونــص ,,,
اليوم هذا كــآآآآن متعــب بشكل كبييييييييييير !!
حتى مالحق يخطط على فـآيز براحتــه ,,
حاس روحه يبي يـنـآآم فيـه فقر رقــآآد ,,
رغم أنه بطنه خالي من الصبح ,, ألا أنــه الـنـوم هو اللي مسيطر على كل خليـه بجسمــه
دخل غرفتـه
حذف عمرهـ ع السرير وغمض عيـونـه علشان يـنـام
وهو يسترجع كل اللي صــآآر لـه اليوم
وأهم شي !!
فـأأيز

من غمض عيـنـه نــآم على طول من الـتـعــب ,, ومافـتـح عيـنـه ألا الـيـوم الـثــانـي ع صوت البـاب وهو يـنـطـق بطريقـه مزعجه تصم الأذن
أنسدح على ظهره وتثااوب بخمول : ياااالله صباااااااح خيييررر !! ,, " بصوت عالي " زيييييييين ييييييمـه !!!
شاف الساعه كانت 9 الصبح
فز من سريرهـ ,,
شلون رقد كل هالوقت !!!!
مفروض يروح الدوآآآآآآم
قام من سريرهـ وفتح الـبـاب وأنصـدم من الشخص اللي واقف جدامه
كـان يــده ,,!!
زايد بستغراب : يييييييدي !!
بو سالم : آآيـه يدك !! شـهـلـ رقـآآآد الخايس اللي مالـه حلااااااااهـ ,,,!
زايد يرجع شعرهـ لورى ويقول : راحت علي نووومه !!
بو سالم : ليش ماوراااك دواااااااام !!!
زايد : بلا ,, بس مادري ليش أمي ماقومتني ,,
بو سالم : وامك متفرغه لللللك ,,,, بزر أنت ماتعرف تقوم بروووحك
زايد " اللهم طولج ياروح " : يدي بغيت شي ؟ بدش أسـبــح ...
بو سالم : أأنــزل تحت جابل أميمتك ... مب خاااااامد لهلـ حزه !!!
زايد : أن شالله
بو سالم طالعه من فوق لتحت وأبتـعـد عنه
سكر زايد الباب وتسند عليـه وهو يطق راسـه من ورى فيـه بالخفيف من القـهـر : آآآن شالله مايكووووون اللي ببالي صصصصصح !!! أأن شالله يكون جاي زياارهـ ,,, بنتحررر لو يتم عندنا على طول

أبـتـعـد عن الـبـاب راح خذاآآ لـه ثـيــاب ودش سبح وبــدل ,,
وأول ماخلص طلع من الحمام وتكشخ ع السريع ونزل تحت الصاله ,,
لـقـى امه تشع من ويـهـا علامات الفرح ,, ويـده قاعد يـتـقـهوى من صباح الله خير
" الظاهـر اللي كنت خاايف منه صار !! "
زايد : السلام عليكم
كلهم : وعليكم السلام
أم زايد : هلا بوليدي ,,, أسفه يبـه ماقومتك بس والله شكلك وأنت نايم عور قلبي ... !! خليتك تناام
زايد وهو يقعد أحذى آمه : بس يمه المفروض تقوميـنـي ,, وراي دوآآآآآم
بو سالم : لو هامك دواامك ,, جان قمت بدون لا تقومك أمك ,,, بس أنت مدللللع
زايد أرتسمت دهشه خفيفه على ملامحه والأكيد من أخر كلمـه
آم زايد ماعلقت على كلام أبوهـا ألتفتت لولدهـا وقالت : شكلك ماكلت شي أمس ,,, خل أأقــوم أسوي لك ريووق ,," جات بتوقف بس بو سالم قعدهـا "
بو سالم : تخليني وتروحيـن المطبخ ,, خليـه يروح يسوي لـه شي يـاكلـه مب ياهـل هو
أم زايد بستغراب : بس يبـه !!!.....
قاطعهـا زايد وهو يقوم : لا عادي يمـه ,, بسوي لي أنـا ريوقي ... خلج مع يدي !

ترك لهم الصاله وراح المطبخ بدون مايسمح لأمـه تعترض
ضغـطـه أرتـفـع !!
هو بالغصب قادر يستحمل يـده لما يروح يزورهـ !
شلون بيقدر يستحملـه اللحيـن وهو الـظـاهـر بيعيش معاهـ ببيت واحد على طول ,,
زايد بصوت واطي هامس بالغصب ينسمع : الصبر يارب ,,, " سوى لـه كوب شاي حليب لآنـه نفسه أنسدت عن الأكل "

أول ماخلص قــعـد يشـرب بالمـطـبـخ خوفـه يطلع ويشوفـه يده ويـنـكـد عليـه
تم يشرب بتمهـل لأنـه حـار ,, كان ودهـ يطلع من المطبخ ويرجع فوق غرفته بس الأكيد أنه بيمر ع الصاله ,, وبياااكلـه يدهـ بلسانه !!!
تم على هالحالـه لحد ماخلص الكوب ,, حطه بالمغسله بدون لا يغسلـه وطلع من المطبخ
كان يده لاهي بالسوالف أستغل الفرصه وركب فوق بسرعه قبل لا يشوفـه ,,
وصل غرفتـه وسكر الباب وهو يزفر : شكلي بعيش اللي بـقـى من عمري هني !!
طر ببـالـه نـواف !
وتذكر اللي كان ناوي يسويـه ,, وبس انه نواف أمس كلمه وعرف من أسلوبـه معاهـ أنـه رضـى !! فهذا راح يسهل المهمه ,,
راح بسرعه لجوالـه شـالـه وأتصل عليه رن شوي وجاله صوت نواف الناعس : ألو ,,!
زايد : صح النـوم ياحلو ,, شلونك !
نواف بخمول : بخير !!
زايد : قوم صحصح بمرك البيت متملل ..
نواف يغمض عينه : أنت وفهد تتناوبون علي كل يوم وله شسالفتكم بالضبط !!!! أمس هو واليوم أنت ,, الواحد مايعرف يـنـام كللش ,,
زايد ضحك : هههههـ,, أفااا طرده يعني ؟؟
نواف : لا لا ! شدعوهـ حيااك ... البيت بيتك ..
زايد : آوكيه ,, يلا سلام !!!!
.
.

حط جوالـه بمخـبـى البـنطـلون ,, سحب سويجه وبوكـه وطلع من غرفته نزل من الدري وطلع من الباب الثاااني علشان مايمر لصالـه ,,
أتصل على تلفون البيت رن شوي وجاله صوت خشن : ألووو ؟؟
زايد " ياااالله ! " : هلا يدي ,, عطني أمي ماعليك أمر
بو سالم : أمك جاتك المطبخ !!
زايد : أنـا مو بالبيـت طلعت ...
بو سالم : شنهووو ؟؟؟؟؟... وشحقه ماتقول لـنـا ..!! وله متعود تدش وتطلع بدون لا تسوي أعتبار لحد
زايد : كاني أتصلت علشان أقول لأمي ,, ممكن تعطيني أياهـا ,,,,
أختفى صوت بو سالم شكله حذف السماعه ,, شوي ألا يسمع صوت آمه تكلم يدهـ : مب موجود !!
بو سالم : كااهووو ع الخط !
خذت التلفون وردت : ألو ,, زايد !
زايد : يمه ليش خليتيـه يرد !؟؟" تنهد " المهم ,, أنـا طالع ترى !!
أم زايد : آآوكي يبــه الله معــآك .. بس لا تـتأخر
زايد : آن شالله ,,
أم زايد : دير بالك على روحك
زايد : من عيوني ,,, يلا .. فمان الله
.
.

سكر من عـنـدهـا وطلـع من البيـت سيده لبيـت بو نواف
وكلامـه أمس يتردد ببـالــه ,, أرتسمت أبـتـسـامه مجهولـة المـعـنـى على مـحـيـاه
لمجرد شعورهـ أنــه على وشك تنفيذ أولـ خطواتـه ...
طول الطريج وبالـه مشغولـ باللي ناوي يسويـه ,,,
لحد ماتوقف عند بيت بو نواف

نزل ورن الجــرس وهو يسمع أصوات أزعــآآج منبعثه من داااخل ,,, شوي ألا البـاب ينفتح على يد غـانم اللي كـان فوق بطبطتـه ,,
وأتسـعــت أبـتـسـأمـة زااايد بصورة ملـحـوظـه ,, لما شــآآفــه !!!!
.
.
.
نـهـايـة الـبـارت الـثـانـي عـشـر