08-23-17, 11:48 PM
| #1 | |||||||||||||||
  
| 
رساله لكي يا حواء
السلآم عليكم ورحمة الله وبركاته https://youtu.be/huPWrYJBzFY https://youtu.be/-0XPNk7U9sY https://youtu.be/tGUwzlt9S8w اختي في الله . هناك قصص واقعيه جدا حزنه فيها وبي اهلها . ومن القصص الواقعيه هذي الي صار الكل بقراءه بخزن والم جائتني بسررررعه ودخلت غرفة الارشاد وهي تبكي :استاذه ممكن ادخل ؟ قلت:خير ان شاء الله استأذنتي من معلمتكم ؟ قالت:استاذه تكفين خليني ادخل .....ثم انهارت بالبكاء قلت :تفضلي خير يا..........خير تعبانه ؟فيكي شي؟ قالت بالحرف الواحد:حسبي الله على بعض الشباب!!! قلت:نعم؟استغفر الله وش السالفه يا..............تراك خوفتيني قالت:حسبي الله على كل ام وابو واخو غافل عن اخته!!! انا ضعت يااستاذه ضعت!! وانهارت بالبكاء ثم مسحت دموعها وقالت :استاذه اهلي وثقوا فيني ثقه عمياء وفروا لي كل شي دش اقلب فيه القنوات علىكيفي لاب توب واخيرا بلاك بيري وهذي النتيجه!!! شات ، منتدى الشيطان شاطر وانا يااستاذه عجزت اقاوم ماقدرت ....ماقدرت زميلاتي هنا بالمدرسه اذا انتي ماتكلمين او مالك علاقه مع واحد فأنتي متخلفه معقده مسكينه ويبعدون عني! حتى بنات خوالي وعماني كل وحده معها البلاك بيري وتراسل خويها او خوي فلانه وعلانه!!! اهلي يحسبون اني عاقله ورزينه وقدامهم وش حليلي يحسبون اطهر الارض اللي امشي عليها ومايدرون اني لي علاقه مع.......وانهارت وبكت وبعدين قالت لي علاقه مع 5 شباب!!! اكيد بتنصدمين يااستاذه مني بس بقولك شي ترا الشكل والرزانه اللي من الظاهر مو دليل والله العظيم ان ثلاثة ارباع المدرسه اللي عندهم لاب توب وبلاك بيري يكلمون تلقين الام تثق ببنتها والاب يوافق من الحاح الام ويعتمد على الام والام اصلا همها المظاهر وتوفير كل شي لبنتها عشان ماتكون اقل من غيرها !!!وهذي نهاية الثقه!! تعرفين يااستاذه بنت فلان وفلان اللي ابوهم مطوع تراها تكلم وعندي الدليل!! شوفوا لنا حل!! المشكله واحد قاعد يهددني بصوري يااستاذه تكفين وش اسوي!! وبعدييييين سكتت وقعدت تبكي وقالت: امانه يااستاذه لاتعلمين احد عن اسمائنا !!قلت مستحيل !! قالت ترا زميلتي فلانه تطلع مع شباب اذا ناموا اهلها واحيانا تقول لاهلها بروح لزميلتي او بنت خالتي بذاكر عندها او اي كذبه من هالكذبات وتروح شوي وتواعد خويها هناك يمرها وياخذ فيها كم لفه يدور بها على الحاره والله العالم وش يصير بالسياره يااستاذه!!! وابحاول اقنعها تنزل عندك لانها متورطه معاه بورطه وخااااايفه مررره قلت طيب اللحين انتي كيف تكلمين وين اهلك عنك؟ قالت اسجل اسمه باسم بنت عشان اذا دق الجوال يحسبون انه زميلتي واكلمها على اساس انها بنت او اذا رحنا عزايم والا لبنات خالي اطلع شريحتي الثانيه واكلم ياابلا ترا فيه الف طريقه وطريقه وين عايشه انتي؟؟؟<<<<<عجبتني بكلمتها فعلا فتحت عيوني على اشياء ماكنت ادري عنها قلت لها شوفي لازم تستغفرين وتتوبين وتصدقين بتوبتك وان شاء الله ربي بيساعدك ويستر عليكي وانا بحاول اساعدك ثانيا:اذا الولد يهددكي بصورك وعارفه اسمه وكل شي اختصري الطريق ودقي على الهيئه وبلغيهم هم يتصرفون قالت:بس اخاف يفضحوني قلت:لا تخافين الهيئه همهم اكبر من كذا وراح يساعدونك ويفكونك منه والولد راح ياخذ عقابه!! قلت لها طيب انقلي اذا انتي منتي مرتاحه هنا!! قالت والله يااستاذه انك ماتدرين عن شي!! قلت وشو؟ قالت انا لي بنات خالات وخوال وعمات وش كثرهن ماشاء الله والله اغلبهن يكلمن ويتفاخرن بهاالشي وكل وحده معاها بلاك بيري ولاب توب ادهى وامر!!! حتى بنت عمي اللي داخله بتحفيظ القران تكلم شباب!! قلت :بس لاتكملين قالت:اسفه يااستاذه بس والله هذا الواقع شوفوا لنا حل حنا نضيع بسبب الدشوش واللاب توب والسهر وطلعاتنا لبنات خالاتنا واعمامنا وبسبب البلاك بيري والام والاب والاخو اللي يشد فيه الظهر كللللللهم غافلين عنا ولا رقيب ولا حسيب هي كلمه بقولها الله المستعان راح زمن الاخو اللي تخاف منه اخته وتسمع كلمته وتسوي له الف حساااااب!!! الا من رحم ربي!!! من جد بديت اخاف من هالزمن!!!! فأنا أقول لكل أب ومسؤول عن عائلة: إتق الله في بناتك وأخواتك راقبهن وناصحهن وحذرهن قبل أن يكثر الفساد في المجتمع فأنت مسؤول عن عائلتك. وأقول لكل بنت: إتق الله لاتخوني أهلك وقاطعي جميع هؤلاء الذئاب فأهم شي عند البنت الشرف والعرض فحافظي على عفتك وأتركي الحديث مع الشباب الذين لايحلون لك فأنا والله لك ناصح . قصة واقعية نقلتها لكم للعظة والعبرة وخوفا على بنات المسلمين . واخر كلامي اختي الكريمة اخيتى حبيبتى لا تجعلى نفسك سلعة رخيصة ينظر اليك كل الناس بل احفظى نفسك لمن يستحق ولاتجعلين الله اهون انظرين لكي | |||||||||||||||
 |
|
08-24-17, 10:24 PM
| #2 | |||||||||||
  
|
ليت الكل يتعلم ويأخذ العبر من ما يقرأ كل يوم من ابتزاز في الصحف فالعاقل يتعلم بما يرأه وليس بعد ان يقع الفأس في الرأس . احترامي لشخصك الكريم على رقي مواضيعك | |||||||||||
| |
|
08-25-17, 04:29 AM
| #3 | |||||||||||
 
|
ارجع اقول واكرر تربية الاهل الاهم وخوف البنت من ربها اهم نقطه  | |||||||||||
| |
|
08-25-17, 12:57 PM
| #4 | ||||||||||||
  
| موضوع رائع واضح ان الموضوع قديم مع اول ثورات الاجهزة الذكيه واللاب توب وغيرها وكان الاغلب يجهل استخدامها او لا يدركون مخاطرها اما الان اختلف الوضع وتنوعت الاجهزة وظهر الايباد والايفون و برامج التواصل واصبحوا الفتيات هم من ينشرن صورهن برضاهن والتهديد ليس بالصور بل ابعد من ذلك و وصل الامر لممارسة المحرمات والزنا صدقيني ام خمس سنين تعرف ماذا تفعل وماذا تلعب وام عشر سنوات تلعب على الف رجل ^_^ وبنات المتوسط يتحدثون بكل ثقه واستهتار وكأنهن بلغن الـ 25 المشكله ليست في امتلاك الفتيات لاب توب او جوالات او غيرها بل المشكلة الكبرى ان الاهل لا يتابعون ابنائهم وبناتهم ماذا يتصفحون او ماذا يفعلون ومع من يتواصلون على الاخ ان يكون صديق ويشارك اخته جميع المواقع التي تدخلها ويعرف باسووردها بنفسه وسفتحها متى ما اراد وليس ان تخاف منه الفتاه وتحسب له الف حساب !!! فاهمين الاخوه والغيره والهيبه غلط وكأن الاخ سوف يقتل اخته او يتسلط عليها !!! ان مبدأ ان تهاب الاخت اخيها ليس صائباً بل الاحترام والقرب والصداقه هو الاهم حتى لو وقعت الفتاه في مشكله سوف تخبره وتجد من يقف معها بكل امان ويخرجها من مشكلتها لا ان تخافه هو ايضا وتصبح الورطه ورطتين كما ان الموضوع عنوانه رساله الى حواء هذا ايضا رسالة الى ادم أن يتابع حواء و يحتويها ويكون لها امان و عون لها اشكرك على الموضوع الذي اتاح لنا المشاركه وكتابة مانريد تستحقين التقييم | ||||||||||||
| |
|
08-25-17, 07:44 PM
| #5 | |||||||||||||||
|
اكيد في رساله الي ادم انرتي صفحتي بقدومك الجميل | |||||||||||||||
| |
|
08-26-17, 03:46 AM
| #6 | |||||||||||
 
| يعافيك ربي ويسعدك على الطرح سلمت اناملك وماننحرمش | |||||||||||
| |
