مستحـيـل ارجــع وأخـفـف حـسـرتـك

لو اشوف الدمع من عينك يسيل

لــــــو أشـــوفـــه دم يــغــشـــى نــظــرتـــك

مستـحـيـل ارجـــع لـحـبــك مسـتـحـيـل

.
.

‏مــا سـلـى دمـعـي وكـفــن عـشـرتـك
وأنـدفــن وأعــلــن بــعــد دفــنــه رحــيــل .
أرحـــلـــي وأرحــــــل وخـــلــــي عــبــرتـــك .
تــكــتــب الــقــصــة ويــقــراهــا الــبــديـــل*.

اخر رسالة

قـبـل نـتـفـارق سـطــرت لـــك يمـيـنـي
آخـــر رسـالــة حـــب أودعــــك فـيـهــا

هـــــــذا قـــدرنــــا بــالـــهـــوى صــدقــيــنــي
الأيــام مــا تمـشـي عـلـى مـــا نبـيـهـا

ودعـتـك الله وان قسـيـت اعذريـنـي
واعـيـوبــي الــلــي تـعـرفـيـن اسـتـريـهـا

وان كـان عذبتـك معـي سامحينـي
وانـســي ذنــوبــي الاولــــه واغـفـريـهـا

أبذكـرك دايـم وأن رحلـت اذكريـنـي
وأبيات شعري عن هواك اكتميها

أبـذكــر أنـــك كـنــت أحـلــى سـنـيـنـي
وأيــامـــي الـحــلــوة مــعـــاي اذكــريــهــا

الأبيات يا روحي لها جـرح فينـي
الا ذكــــــرتـــــــي حــــبــــنـــــا طــالـــعـــيـــهـــا

هـــــذا وداع أخـــيـــر بــيــنــك وبــيــنــي
يـــا مـــن حـيـاتــي كـلـهــا فــــي يـديـهــا

هــــذي حــــروف سـطـرتـهــا يـمـيـنــي
قـبــل انـتـفـارق قـلــت أودعـــك فـيـهــا

.

.


حقير الشوق مايرحم
.

حائل عساه المطر

عسى السحايب على حائل وما حولها

ريح النفل بالفياض

متخالط عشبها ربلة وحوذانها

حائل عريب اصلها

دار الكرم كل خلق الله يعرفونها

يا مسندي لو تشوف

"العاجزة" والنخل والبدو يردونها

و"اركان" ليا جا المطر

تلقى النشامى به خيامه يطقونها

و "مشار" كله مصيف

تلقى بيوت الشعر والضلع يرقونها

هواه طب العليل

واللي بحل به طبيبه ما يداوونها

وليا سكن به غريب

ما يطلعه لو تحول الناس من دونها

حائل عساها المطر

عسى السحايب على حائل وما حولها

حـيـا الله الـلـى يغـيـب ويـســرع الـــرده × الـلــى يجـيـنـي الـــى مــنــه تـبـاطـانـي
قـلـبـي يـــوده و حـالــي كـنـهـا الــقــده × ودي بشـوفـه ودونـــه حـــوم عقـبـانـي
يـا صاحبـي جـارك الله وش هــا الـصـده × مــهــوب حــــق تـولـعـنـي و تـنـسـانــي
ان كان عنـدك حكـي بـي خامـل السـده × فانـت المصـدق وانـا حقـي ومــا جـانـي
اهــرج عـلـى مــا تــورى والـبـخـت بـــده × لا تـسـتـحـي يـابـعــد حـــــي وحـيــاتــي
تـــرى حـــلاة الـهــوى لا طـالــت الـمــده × مـهــوب يـــوم صـديــق ويـــوم قـومـانـي
وان كان ما انت بمصافيني على الشده × وقـــت الـرخــا واجـــد ربـعــي وخـلانــي