حياتي ارويها لكم كما هي
 

بسم الله وعلى بركة الله

بعد جهد جهيد وصراع مع الذّات قررت فتح مدونتي

هنا أعيش احلامي وذكرياتي

هنا أنثر لوعاتي وأهاتي

هنا اسكب عبراتي

مساحة حرّه اكتب فيها مايخطر ببالي


أتمنى تستمتعون معي ومع تفاصيلي

ماكل مايلمع ذهبا

ركب القطار وطاحت فردة من نعوله (تكرمون)

رمى الفردة الثانية , سألوه : ليش رميتها؟ قال :

يمكن يمر شخص ويحصل فردة مايستفيد منها

وانا معي فردة ماستفيد منها , لكن خله يحصل

الفردتين هو ويستفيد منها على الأقل واحد منّا يستفيد

( السعادة في اسعاد الآخرين)

عمره باقي 8 سنوات ويقول ذبحتني الهوم

ياخي ارفق علينا ترى باقي لك تطعيمات ماكملتها :shocking:

عزمني مرّه واحد صعيدي كان يدرسنا لغة عربية

وقدم لي كوب شاهي طوله نص متر ولونه اسود

وطعمه سكر وعلقم مدري كيف جاي , المهم

ماعجبني وكل مايغفل اسوي نفسي اشرب

وانثر وراي لان كنّا بالحوش وخلفي رمل (بطحاء)

وماصدقت يخلص وعطيته الكوب ومدحت الشاهي

قال اعطيك ثاني؟ قل لاالله يكرمك مشكور وبعد

ماخلصنا سوالف طلعت من عنده وودعته

ومن بكره بالمدرسة قال لي: كيف الشاهي اللي امس؟

طبعا اكيد شاف أثار الجريمة هههههههههه

المهم لاتسوي نفسك ذكي وانت من جنبها انتبه

وقتها كنت بالمتوسط ترى

احيانا يحصل لك موقف

تتمنى انك شاعر وتصوره بقصيدة

واحيانا يحصل لك موقف

وتتمنى انك محترف تصوير وتصوره

واحيانا يصير لك موقف

واتتمنى انك روائي وتكتبه

واحيانا يصير لك موقف
















وتتمنى ان الأرض تنشق وتبلعك :MonTaseR_146:

الا ليت الزمن يرجع ونعود احباب مثل اول:81:

كل مادقيت في أرض وتد من رداة الحظ وافتني حصاة:298:

مبروك فوز منتخبا السعودي على اشقائنا منتخب مصر

يقول الحكيم: اذا ركلك أحد اعرف انك بالمقدمة

ياشيخ طير انت وحكمتك :MonTaseR_194:

ليش نبكي على الأطلال ؟

دايم نقول الله على زمان اول؟

كأن اول يصنعون صواريخ ودبّابات


لازم نتطلّع للي قدّام

فيني نوم ماهو صاحي

الله يستر متى بقوم

اصبحنا وأصبح الملك لله ولا حول ولا قوة الا باالله

اللهم بك أصبحنا وبك نمسي وبك نحيا وبك نموت واليك النشور

اللهم بارك لنا في بكورنا ويسر امورنا

بسافر اليوم للشرقية من حايل

عسى الله يسهل دربي

ياناس احبه واحب اسمع سواليفه

صوته يشتت هموم عايش فيها

اخيرا حطيت الرحال في أجواء مدينة الجبيل الصناعية
المدينة الساحره بجمالها

ياحي ياقيوم برحمتك استغيث
اصلح لي شأني كله ولا تكلني
إلى نفسي طرفة عين

مدرس راح للسوق الشعبي يتسوق ولقى له شايب يبيع سمن
سلم عليه وسأله كم يبيع الكيلو وعلمه بالسعر وبدا يفاوضه حتى
ينزل له من القيمة وجاء ولد الشايب وكان يساعد ابوه بالبيع واعرفه
المدرس وسلم عليه وطلع من طلابه وقال للشايب تراني مدرس
ولدك هذا عاد نزل لي ,وقال له الشايب بعفويته :

يعني طلعته طيّار والا مهندس؟ هذا هو يبيع سمن معي هههههههههههههههه

والله انا جبهتي طارت وانا مالي دخل

لكل وردة :27:




شوكة تحميها

عندي لكم ثلاث نقاط مهمة جدا


النقطة الاولى :





















.













النقطة الثانية :


























مسحتها خلاص ومافيه ثالثه :61:

يارب عفوك ورحمتك

هذه الليلة هي ليلة الجمعة ويستحب فيها
الاكثار من الصلاة على النبي المختار

اللهم صل وسلم على محمد وعلى اهله وصحبه وسلّم

الحمد لله الذي احيانا بعد ماأماتنا وإليه النشور

النوم موتة صغرى

اليوم الجمعـــــــــ15ــــــــــ10ـــــــــــة

أللهم صل وسلم على محمد وعلى آله وصحبه وسلم أجمعين

يوم جديد بدا من اعمارنا
ياترى وش بنسوي فيه؟؟؟؟؟؟

عيش بالدنيا كأنك مسافر او عابرسبيل

يحمل قوته ليوصله الى مايحب

ونحن نحب لقاء الله وجنتة قلنحمل قوتنا المناسب لذلك

بداية يوم جديد واسبوع جديد

يارب لك الحمد والشكر على نعمة الصحة والعافية

اذا كان عندك هم لاتقول : همي كبير

لكن قول : ياهم لي رب كبير

الله يذهب عنكم الهموم

عندي قصة جميلة جدا بقولها لكم

بس الحين مالي خلق لكن

انتظروني بكره

الا وعذابي ياطول ليلي
اشكي ولا من يرد الجوابي
ابشكي لفرحي لاطال جري
وينك يافرحي؟ اشوفك سراب

الكلمة اللي تخرج من اللسان مثل الرصاصة
ماترجع لكنها اما تصيب الهدف او تخطيه
لكن احذر تكون كلماتك قاتله

الى الحين مالي خلق عيّا يتعدل المزاج

انتظروني الليلة او بكره

الغلا مثل الندى
ينزل على هونه ~
لكن غلاك مثل المطر
تموت الارض من دونه ~

اعجبتني ولطشتها من احد المدونات ههههههههه

المنتخب الياباني كان قاب قوسين او أدنا
للفوز على بلجيكا لكن بالنهاية عادوا الشياطين

شكرا منتخب الساموراي

اعضاء كثير يسألوني عن الصورة اللي بتوقيعي
اذا هي من تصويري اولا واشكرهم على اعجابهم فيها
وهذي الصورة الاصلية لها على بحر الجبيل لصناعية
http://a.up-00.com/2018/07/153056628864511.png

احذر عدوك مرّه واحذر صديقك الف مرّه
ايش المقصود من هالكلام؟؟

صديقك عنده كل اسرارك وعلومك
ولو زعلته يمكن ينشر غسيلك بكل مكان
امّا عدوك مايعرف عنك شي
على شان كذا :
حتى صديقك لاتبوح له بكل شي عنك
بعض الاسرار خلها بصندوق مقفل