كان لي ( أب ) ..
يحب رمضان ويفرح به
واليوم هو في قبره ..
اللهم بشره بالفردوس الاعلى
..
اللهم في كل دقيقة تمر على ( أبي ) في قبره
اسالك ان تفتح له باباً تهبّ منه نسائم الجنّة
وتونس وحدته ، وتهوّن عليه [ وحشة القبر ] ..

اولن .. صباح الخير
وثانياً .. مبارك علينا وعليكم الشهر
والله يا اني مكسوفه هنا من بعضهم
كل ما رسلولي شي يوم اجي ارد عليهم انشغل بشي ثاني
وهذا طبعن مو استخفافا للمرسل
بالعكس بس مدري وش صابني
الحين من قبل رمضان مرسليني تهنئة وحركات
وانا تو ارد عليهم امس !!!!!
ابشركم ..
مو بس هنا حتى بالواقع صايره تسذا
> الله يشفيني بس
اقصد يشفي جميع مرضى الفهاوه

.. alwafa
آي ميس يو سو متش ..
سويت الحلا اللي انتي طرحتي طريقته هنا بالمنتدى
بس صراحه ما لقيت عندنا بايركس مناسب للحلا ذا
كلهم يا كبير جدا يا صغير ما في وسط
لذالك .. سويته في زبديه ومشيت حالي



-

رمضان السنة هذي عكس رمضان العام تماماً
حالاً واحوالاً + شغلاً ومشاغلاً + شعوراً ومشاعراً
يعني انا قاعده اقارن نفسي بنفسي
الاقني مو نفس سمر اللي كانت العام
سواءاً بالشخصيه او الاسلوب والتفكير
في كل الامور شتان ما بيني وبين سمر الاوليه
طبعن هذي اكثر سنه تالمت فيها وتعلمت
نضجت اكثر صرت ما اهتم للكثير من الاشياء
عرفت كيف اتغاضى عن الكثير من الامور
واهم شي عرفت ان كل شي بالحياه قابل للفقد
ما في شي دايم كل شي مؤقت

-

المهم ما عليكم
تخيلو اليوم صمت بلا سحور
نمت تقريبا قبل اذان الفجر بساعتين
وما صحيت الا لما كان باقي دقيقتين فقط
ما قدرت الحق لا لقمة اكل ولا جغمة موية
لكن انششهد والله اني استاهل هالشي

> ما تتسحر الا باخر عشر دقايق ههههههههههه

^

^

اول مره اسوي دونات بالنستله
والا العاده اسويها بسكر مطحون
طلعت الذ مليون مره من قبل
> لما اكلوها بغو ياكلو اصابعهم وراها
من جد من كثر ما امدحوها وامدحوني
انرفعت معنوياتي

عاد لحد يدقق بالشكل لاني والله فنانه اعرف اضبط زين
لكن هنا اذكر كنت اشتغل من ايد والثانيه كنت ماسكه جوالي هههه
لذالك طلع شكله هيك معوج

"اللهم العون لقلبٍ يريد الثبات على طريقك" ..