انا امس كنت في النخيل مول بالرياض وشفت بنتين في محل فيرجين للكتب والاجهزة الالكترونية ، البنتين وحدة منهم رفعت ضغطي تتكلم نص عربي ونص انجليزي ، تقول لصاحبتها انا قرأت this book لكن ما حسيت انه amaizing انا بالغصب مسكت نفسي من الضحك لأن اكثر اللي يسوون كذا بنات ، لكن حصلت شباب مؤخراً يتكلمون بنفس هذه الطريقة المقززة ، انا ما اعرف ليش هم يسوون كذا لكن اذا هم يتكلمون بهذه الطريقة لأنهم يظنون انهم راح يعطون فكرة للشخص اللي يخاطبونه انهم اشخاص مثقفين فهم سذج واغبياء لأنهم راح يقدمون صورة معاكسة وهي انهم اشخاص ذوي عقول فارغة وجاهلين ولا هوية ولا ثقافة ولا انتماء لهم فهم حالهم حال بعض الشعوب التي تصنف نفسها من ضمن جماعة اخرى مثل الاتراك الذين يظنون انهم اوروبيين وانهم يستحقون ان يدخلوا في الاتحاد الاوروبي وكذلك نحن العرب فنحن من العرق السامي ولسنا بأوروبيين ، بعضهم وصل فيه الحال حتى انه يكذب في اصوله او يقول انا ربيت وعشت في فرنسا او امريكا او اي شيء بس انه غصب يطلع نفسه فيه عرق اجنبي وتحديداً اوروبي او امريكي وهذا راجع لعقدة النقص بسبب تفوق وتقدم الاوروبيين علينا ، طبعاً ما راح اتكلم عن بعض الاجانب اللي يشتغلون في المطاعم والمقاهي اللي اذا دخلت عليهم يقولون لي hello sir واذا دخلت امرأة يقولون لها hello ma'am ، وكذلك بعض القراء الذين ينتقدون أي كتاب عرب ي لمجرد فقط إن مؤلف او مؤلفة الكتاب عربيين ، ويمدحون كتب اجنبية اشوف انها اسخف من روايات المنتديات ، مع ان بصراحه بعض روايات المنتديات احلى بعد ، مثل كتب اجاثا كريستي ، وجورج اوريل ، وكتاب البؤساء الذي ندمت على قراءته لشدة تفاهته وسخافته اقسم انتي لم اقرأ اسخف من كتاب البؤساء ، عينات التشكن نيقت اللي يتكلمون نص عربي ونص انجليزي موجودين في كل مكان ولازم نعطيهم على قد عقلهم ونتجاهلهم ونخليهم يلعبون دور انهم المثقفين المتحضرين الوحيدين في المجتمع ، ونسيت اقول شيء عندنا في بعض الوظائف اذا قدمت عليها يطلبون انجليزي بالرغم انك ما تحتاج اللغة الانجليزية فيها هذا غير انك لا جيت تقدم لازم تعبي بيناتك بالانجليزي حتى اسمك بالانجليزي والله شيء يقهر

من يستبدلون التنوين بحرف النون (عندما لايتغير المعنى عند حذف النون فتكون زائدة على الكلمة )
كتابة (ى) عوضاً عن (ا) من أكثر الأخطاء التي يمكن ملاحظتها بشكل واضح
( تحويل الفعل الى الفعل لمضارع واذا كان الحرف واو تكتب ا ممدوده واذا كان ي تكتب الف لينه ى)

،.

كتابة
إن شاء الله ،، إنشاء الله


الصحيح
إن شاء الله


موضوع جميل مفيد
شكراً