والله مو قاصد اطلع بالكروكس <وانتو بالكرامة>
ما نمت زين وعيوني فيها النوم
لبست الشراب وقلت الجزمة بلبسها تحت لبست الكروكس من غرفتي
إلى الدوام >> باين أني مصحصح
* هو ما فيه شيء يمنع بس البرستيج حقي ما يسمح لي
هههههههههههههههههههههههههههههه




طلعت من الدوام ورحت لبيت ابوي
علشان أخذ منه البطايق
اليوم عرس ولد عمي سلطان
وبعدها رحت بيتنا وبعد شوي بأخذ خواتي اوديهم المشغل

^ ما نمت زين طيب

هذولي النساء اللطيفات
اخاف منهم اكثر من إسرائيل و امريكا و إيران فوقهم ..!
وخصوصا اللي على اليمين ..
كلمه وحده منها تمشيني على الصراط المستقيم >> الوالدة
امي واللجنة حقتها خواتي
ذهولي إذا اجتمعو يغيرون قرارات ويضيفون قرارات في بيتنا
يعني نتفق نطلع المول
فجأة وبدون سابق إنذار منو قالك تودينا حنا غيرنا نبي المطعم الفولاني ..


https://6.top4top.net/m_1365htb5z1.mov

سود الله وجهك ع العرس
فشلنا و فشل الجماعة ..
قسم بالله طالع أنا وأبوي واخواني ملتطمين >> متلثمين <<
من فشيلة العشا
العرس كان مجراهـ ممتاز
بس وقت العشا الناس زعلت وقامت تطلع
العشا كان بوفيه مفتوح للرجال ..!!!!
أنا ادري انه مو حرام
بس عيب مأخذ من برى العايلة
حق الضيافة انك تقوم فيه
العشا لازم يكون مفاطيح مو بوفيه مفتوح
عاداتنا وتقاليدنا لازم تبين حق الضيافة
لو انه مأخذ من العايلة عادي بس طالع من برى العائلة
وتخليه بوفيه مفتوح ..!!
الأصول هي الأصول ..
لو انه متكلم كان فزعنا معاهـ
ولا يفشلنا ..
اخوانه و ابوه يروحون يلحقون الناس اللي طلعت تعتذر منهم ..
هذي بحق يمين بالله ..

شر البلية ما يضحك

فيه شخص أهداني رسمة لي ..
نزلتها من زمان ..
امس وصلني مقطع الرسمية اللي قبل
بعد معاناهـ من الترجي
سنه وأنا اتشحذ اللي رسمها
وأخيرا امس امس ارسله لي
* اقسم بمن احل القسم
لا تربطني علاقة حب مع هذا الشخص ..
غير الاحترام و الأخوة ..!





النهائي ،


https://streamable.com/1ii1s


^ قسسسم الرسمية أسطورية حابها

ما فيه شيء اكثر من كرهي لدوامي هالفترة ،




من عشاق هذا المطعم يعجبني كان فاتح فرع واحد بالرياض
كان يعجبني كثر فروعه احس خربت جودة الأكل
مو نفس اول



عندما تتصادم الثقافات ..
تكون الرغبة هي الحل الفاصل للنزاعات القلب و الدماغ ..
وهنا يكون دانكن يفوز على القهوة العربية ..!
مع احترامي لعشاق القهوة العربية ..


من عشاق الباستا
وألذ المطاعم يسويها كازا باستا جمييييل جدا
^ من الذ المطاعم مو الأحسن ..




من طلعة امس جلسة نقاشات ومصارحة الف
ههههههههههههههههههههههههههه
حسيت أني هنادي مع فتون وقتها ..!

السسسسسسلام عليكم ،
ادري طولت على ناس كثير ..
بس الفترة الماضية كنت مضغوط في الدوام جدا
وعندي اشغال مع اهلي وإشغال مع ابوي > هنا لما يكون طلاق بين أمك وأبوك. تأكلها بينهم
المهم الأسبوع اللي راح ممتع بشكل
اللهم لك الحمد انبسطت و بقوة ..!

مخططات الرحلة كانت
الثلاثاء ، اخر يوم دوامته وبعد الدوام قضيته بس نوم ..!!
الأربعاء ، خلصت علاجات ابوي وجهزت مع اخوي لحفل بنته البيرثدي ..
الخميس ، البوليفار
الجمعه ، ونتر وندرلاند
السبت "اليوم" ، لم يتم الإعلان عنه حتى الان

^^




من الآخر يستاهل الروحه
مكان جميل جدا وفيه كل شي
مطاعم وكافيهات و محلات تشتري "ملابس ، قطع ، انيمي "
وغير تتمشى والأمور جدا طيبه

* علشان تدخل البوليفارد ،
لازم يكون عندك تذكرة انك بتحضر افينت داخل البوليفارد
أو انك تأخذ تذكرة دخول بَ 100 ريال ..
الاينفينت أسعاره رخيصة جدا



انا دخلت بتذكرتي هذي ،
ابي احضر هالمسرحية ..
مخطط لها من أسبوعين أو اكثر ..
فيها قروب البلام + خالد المظفر جايبينه من طارق ..
قروب البلام " عزوز النصار ، العونان ، البناي ، محمد رمضان "
قروب مرررره ابطال بصراحة
بس شوفو سعر التذكرة 150 ريال ..
لو قارنتها بالدخول البوليفارد فارق بس خمسين ريال ..
احجز أفنيت وتدخل يعني ما تحتاج تدفع تذكرة دخول ..


https://2.top4top.net/m_1401p91wv1.mov

ي جمال المكان
و جو الرياض بعد هالفترة يهبللللللل الف ..
هنا في البوليفارد ..

https://3.top4top.net/m_1401whmlb2.mov

هنا النافورة الراقصة ،
وبلف بالكاميرا وفيه مطاعم وكافيهات ..
هنا يختلف عن الممر اللي صورته ب البداية ..!



ابطااااااااااال جدا استمتعت
راسي صدع من قوة الضحك ..


قفلنا على البوليفارد ..!

^^
الجمعه ،
من بعد صلاه الجمعه اتصل علي اخوي
قالي يلا مشينا الشاليه تحط الزينه و الحوسة
قلت له طيب يلا
علشان البيرثداي حق بنته ،



جونا جدا جميييييييل



عروسة الحفل وتين الخالدي


^^^^^^^^^^^^^^^^^^^

وبعدها للـ وينتر ويندرلاند ..
* عبارة عن ملاهي + فيها بعض الايفينت يكون فيها ..!



طريقة الدخول غصب تشتري تذكرة دخول ..!!
يعني الافينت اللي جوا ما راح تدخله الا بتذكرة دخول حق وينتر
تحجز تذكرة دخول وبعدها تحجز الأيفينت اللي تبيه ..
حجزت تذكرة دخول + حجزت ايفينت اسمه الوجينست + وحجزت ايفينت مارفل
+ حجزت ايفينت عندهم فوت بارك يوم وصلت للونتر



هنا تذكرة دخول للـ ونتر وندرلاند ..!



الوجنست ،
عروض خفة يد وحركات ..
جدا بطططططططل ..!!
طاقم اجنبي كااااامل




مارفل ،
هي الشخصيات الخارقة ..
سبايدر مان هولك الأخضر اكس مان كابتين امريكا
معرض لهم كان هناك ...!


https://3.top4top.net/m_1401y9dge6.mov

هذا الايفينت الثالث ، فوت بارك
عبارة عن ألعاب لكرة القدم ..
هنا تحدي شلون تشوت الفاول بوجود الحيطة ..



تحدي ثاني في الفوت بارك



تحدي اخر ..
وفيه ألعاب كثيرة مره ..



طلعت من الفوت بارك ،
ورحت اكتشف الونتر وتدرلاند
حبيت الرياض ..
الجو والله خطططططططير


https://6.top4top.net/m_1401e4l3w0.mov

هذي لعبة ودي العبها اخطر شيء ،
بس ما قدرت زحمه مرة الخط واصل بعيد ..
المشكلة انتظر نص ساعه بس علشان العب ..
فيه خط السريع ، انك ما توقف بالزحمة بسرعه تدخل ..
نفس نظام ديزني لاند ..
اذا اللعبة زحمه يكون مسار في أي بي ..
بس سعره يكون دبل ..!!
* لفيت الكاميرا ..
كنت اصور المسار من طوله ..
طلعو في وجهي ثلاث حريم وخرت التصوير عنهم عيب لانه ..!!

https://1.top4top.net/m_14017zidh1.mov

ورحنا الايفينت الثاني ،
عروض خفة اليد والحركات السحرية ..
اسطوريين والله ..!

https://2.top4top.net/m_14012ye2k2.mov

هذا اقدر اشبه بشارلي شالبن

https://3.top4top.net/m_1401w24pi3.mov

الطاقم كله ماله حل ..
كل شخص منهم متخصص في خدع معينه
واحد ورق واحد حركات خطرة و الليزر ..
استمتعت جدا



وأنا بالعرض امس ،
ارسلو انا على تطبيق موسم الرياض ..!



مارفل ،
ما عجبني أبد ..
لأني ما احب الشخصيات الخارقة
ولا واحد فيهم أكرهم كلهم ..
بس اللي معاي يبي يحضر قلت له يلا ..
كانت عبارة عن أفلام مترجمة
وتاخذ لفة مع مجموعه وتحاولون تنقذون المجرة
يعطونكم مسدسات وتلعبون واشياء تطير جنبك وتصوبها

https://6.top4top.net/m_1401hkbwq5.mov

وبعدين هنا السينما المتحرك الكراسي ..
بس مو عاجبني ابد ..
شفتو الشيء اذا صار براسكم مو عاجبكم
يعني لو يصير احلى شي
يبقى مو حلو > عناد السالفة ..!
اوضح اكثر انه من غير نفس ولا واضحه مرهـ ..
هههههههههههههههههههههههه
طلعت تقريبا 1:15 ،
علشان اجيب اهلي من الشاليه وأساعده اخوي بالهدايا اشيل معاه
وبعده البيت ..

والحين ان شاء الله راح نتناقش في المكان حق اليوم
* اليوم سبت وبكرى عندي دوام