11-27-19, 10:44 PM
|
#783 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التــرتيلـــه الـــ 21 ≃ الجســــر المعجــــوق c
ببدايه تخرجي اشرفت ع مشروع زغير عباره عن تبليط اسفلتي لجسر قديم ، فرش بيهارتون لارصفتو ، مع ازاله اسوار جانبي الجسر القديم وتنصيب اسوار جديده ,,, واخر شي التلوين حسب السيستم المروري العالمي
مع انو انا وزميلتي كننا متخرجين جدد ونفس الدفعه ، بس المشرفه الاولى عطوها لالي ، لانو مديرنا قال : انتي بتديري المشروع وبتعمولي كونترول افضل وكراكتيرك اقوى !!
المشروع بحد ذاتو مكان ضخم , بس موقعو كان كتير حساس و صعب !!
لانو الجسر كان يربط سوق كبير بمجموعه شوارع كبيره وسط مدينتنا وتحت الجسر بقا في سوق قمه العجقه والضجيج والناس عطول رايحين جايين !!
مرقت كل تفاصيل وكل فقرات المشروع بنجاح وهدوء ، لبينما وصلنا لاخر فقره تبع التلوين المروري ...
وحسب الالوان العالميه نقينا (الاصفر والابيض ) الفسفوري لجوانب الارصفه ، وايضا آسوار الجسر !!
الكونتراكتر او المقاول جهز الاصباغ المطلوبه وحط طبقه اولى ، وانا وزميلتي رحنا نعمول جيك لنوعيه وجوده الاصباغ ,,, وفعلا كانو اصباغ حسب المواصفات ومناسبه للمنطقه ، وكان تلوين الرصيف ممتاز ، اجينا ت نشوف بقا الاصباغ كيف بدن يطلعو ع اسوار الجسر
الصباغ (المسؤول عن الصبغ )حط علب اللونين ع حافه الجسر ، وانا وزميلتي والمقاول واقفين حدو
بلآول حط اللون الابيض وطلع رائع , ومن اجا وقت يحط اللون الاصفر
فجاتا اختفى العلبه !! ... ياسبحان الله وين طار ؟؟!!
ودغري سمعنا صوت شجار تحت الجسر بالسوق الكتير معجوق يلي بلآسفل !!
ونحنا عم نبص من فوق ,,, يالطيف شو شفنا ؟؟؟
رجال كتير معصب وعم يصيح باعلى صوتو ؟!!
معقوله !! مين كب هالصبغ الاصفر ع راسي ؟!! هههههه
وكان بيصيح ع البائع يلي اشترا من عندو كم غرض ؟!!
البائع بقا جرب يهديه ؛ وقلو : يااخي والله مبعرف شو صار ؟!!
ليكو قدامك جاجتي وعنزتي كمان كب عليهن اللون ومع هيدا مابقول شي ؟!!
الرجال المعصب قلو : طب كيف بدي انزع هالصفار من راسي ؟!! ياربي دخيلك صرت اضحوكه ؟!!
وكمان شفنا رجال 3 اجا لعندن وخبرن ؛؛ حدا يفهمني شو عم يصير هون ؟!!
وكان بايدو طبق بيض مصبوغ نصو بالاصفر ؟!! هههههه
ونحنا فوق فطسنا ضحك من ميله ؛ ومن ميله ٢ تأسفنا للهالاشخاص ال٣
بس اكيد مكان فينا نحكي شي كلمه !!
فجاتا قالو الرجال ال٣ يمكن هالصبغ واقع من فوق الجسر ؟!!
ودغري رفعو راسن باتجاهنا ، ومن شافونا خاصتا الصباغ يلي ملابسو وقبعتو مليانه صبغ ،،،
فهمو بقا شو هيا القصه ؟!! وصاحو :- بسبب هيدول انكب الصبغ الفسفوري علينا ؟!!
دخلك ياربي شو هالجرصه ؟!!!
اول شي اجا ع بالي ؛ اني مسكت ايد زميلتي وصحت عليها هروبي ،،، وخبرت المقاول ع السريع
ادفعو تعويض مادي لهالاشخاص ال٣ بقيمه الاضرار ...... وهيك زمطنا
وبسرعه وصلنا للسيارتنا وقلت للشوفير سوق باقصى سرعه ممكنه ؟!!
وهوي استغرب شو صار ،،، وهيك بقا كتر خير الله نفذنا بريشنا
وكنت بقلبي عم قول ؛ سوق ياعم وبلا ماتسال شو القصه ؟!!!
انتا مبتعريف نحنا شو هببنا قبل شوي ههههه ؟!!
وبعد يومين خبرني المقاول ,,, انو نفذ فكرتي ودفعو لاشخاص قيمه الخسارات وكلشي صار تمام !!
وبلاخير المشروع واصباغو طلعو مميزين واخدنا ترقيه ع هالمشروع !!
ولحديت هلأ كلمره عم آمرق بهيداك الشارع والجسر بتذكر شكل الرجال الــ 3 المصبوغين وعم آبتسم !!
✍....... a تـــاتــيـــانــــــا b  |
|
|
|
 |
8693Likes
