آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | d تـــراتـيــــل مخمـليــــه ≃ الترتيله الـــــ 27 ≃ فـــن المكيــاج c
فن ال maquillage او ال make up فن راقي ورتوش جميل عم يبرز جمال الانثى أكتر وأكتر , وأكيد مفي صبيه أو مرأه بهالعالم مابتحبو !!
وشخصيا كتير بحب ال matte وال nude وعندي اكتريه الوانا وموديلاتا لاني معوده ع الميك اب النيتيوريل ,,, بس كمانا مرات بستعمل الروج الغامق حسب المناسبات ونوعيه التياب , متل (البوردو , المارون والفوشيا ) وبلأخص في فصل الصيف لأنو بشرتي من حراره الشمس رح تتحول من الآبيض الى لون الككاوي الفاتح لهيك بقا يلبقلو هالألوان الغامقه ,,, بس باقي الشهور ال9 من السنه وباقي الفصول ال3 بشرتي بتستعيد بياضا الطبيعي ف already برجع لألوان الروج الفاتحه والخفيفه (روز , بيج , وتدرجات النيود)مع بلاشر ومسكارا كتير خفاف ,,, وبشكل عام مابحط الميك اب الكامل , متل الكونتورينغ , الكونسيلر , الغليتر آي شادو , والاي لاينر الا للمناسبات اما (اللينسز والرموش الصناعيه) ولامره بحياتي استعملتن ... لاني مابحب بقا غير بحالي لحتى مع المكياج وبلاه ماعم يبين عليي فرق كبير .
بس بستغرب أنو في كتار صبايا عم يحطو 3 طبقات فونداسيو ع أساس يغيرو بلون بشرتن (هيدولي عم يذكروني بطلاء الحيطان ابو 3 طبقات), وبيستعملو بقا شي 30 او 35 نوع مستحضر هيدا غير اللينسز واكستنشن الشعر وبالنهايه بيطلعو بشكل متغيير بدرجه 180 ,,, والاغرب انن بيحطو الفيديو باليوتيوب عبالن عملو شي أنجاز عظيم ,,, طب أنتو ماسألتو حالكن الشب يلي بدو يخطبكن ع أساس هالجمال المزيف بلأخير رح يكتشف ملامح الوش واللون البشره الحقيقيه وهون رح يبلش حياتكن الورديه بالتبخر !!
لهيك شو الاستفاده بقا من هالتضليل ?!!
الله وكيلكن شفت كم صبيه غيرو بلون بشرتن السمرا ,اطار وشن الدائري , عيونن الزغار , وبواسطه هالميك اب السوبر بروفشنال تحولو الى نسخه من (ماهلاغا جابري) ملكه جمال الكون الفارسيه , وبنفس الطريقه كم صبيه بيضاء تحولو الى النجمه (كايلي جينر) !!
وهون بدي أحكي عن حدث حقيقي صار بكوريا ... في شب تجوز صبيه متل القمر وكان طاير من الفرحه ,,, وبعد فتره لما الله عطاهن أول بايبي ,,, الطفله طلعت كتير بشعه ومابتشبه والديها بنوب !! فالزوج شك في زوجتو أنو هيا خانتو مع رجل2 , ولحتى يتأكد بقا من شكوكو راح عمل فحص ال DNA , ولما طلع النتيجه مطابقه وانو الطفله بنتو صعق !! بعدين صعق أكتر لما اعترفتلو زوجتو الجميله بأنو الطفله نسخه طبق الأصل من طفولتها , وهي بلأصل مش حلوه وانما عملت plastic surgery كتيره وغيرت شكل وشها بالكامل ... هالمره الزوج رفع عليها قضيه غش وأحتيال !!
لهيك أحسن شي بأنو الانسان يرضى بشكلو متل ماهوى ومايحاول يغيرو لأنو خلقه الله مش خلقه عبادو .
وبالنهايه انا مش ضد هالعمليات التجميليه للأشخاص يلي صار معن حوادث واتشوهو او الاشخاص يلي مولودين ومعن عاهات , حتا للكبار بالعمر بلاقيه شي عادي ,,, بس للصبايا يلي هني بلاساس ربنا عطاهن جمال وفير او كتير زغار بالعمر , هيك رح بتصير كتير أوفر , ويمكن بعد فتره رح يتحولو الى مسوخ قد ما يدورو ع الجمال الكامل !! ومافي كمال الا لله سبحانه وتعالى . ✍....... a تـــاتــيـــانــــــا b |
|