08-07-20, 04:14 PM
|
#1419 |
آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | d تـــراتـيــــل مخمـليــــه ≃ التــرتيلـــه الـــ 43 ≃ الحريــه والمسـافــات c
برجي بيقول آني عشقانه الحريه والمسافات والآستقلاليه ... وهيدا الشي حقيقي ومزبوط 100%
بخصوص الحريــــه... آهلي (ربي يبارك فيهن ويسعدن) من زغري عطوني حريه كبيره ... وكتر خير الله آستعملتو بضمير وبمقدار ... لانو هيدا آمانه ربي وآهلي في عنقي ... وهني كتير فخوريين فيى !!
وآنا كمان كتير مبسوطه بنمط حياتي ... وبقدر هالحريه ومابسمح لآي مخلوق آو شغله آو آي شي ...
يفكر آنو يسلبني هالحريه الثمينه !!
بخصوص الآستقلاليـه ... معوده آخد قراراتي وآرائي بنفسي , ومابيهمني آذا هالقرارات عجبو غيري آو لاء ,,, آهم شي يعجبني ويقنعني آنا وهيدي حياتي وآنا مسؤوله عنها
وبخصوص المسافــــات ... في تعريف في ماده الكيمياء بيمثلني بالقوه
( لما بيشرح جزيئات الماده السائله ... بيناتن مسافه ثابته ... منن كتير بعاد ومنن كتير قراب ) وهالجزيئات ... رح يحافظو ع حجمن حتى بالتسخين والتجميد مابينقصو شي يذكر .
وآذا بتلاحظو بقا حتا في كتاباتي ...
بين كل سطر وسطر عم حط مسافه ,,, وبين كل جمله ولي بعدو كمان مسافه !!
هالمسافات رح يبرزو جمال وقوه الكلمات والجمل آكتر ويزيدو من ترتيب وتآثير الكلام وفهم المقصود بسهوله
~ بالفعل آنا بحب المسافه ... لاني بؤمن بـــ آنو المسافات لحمايه الأشخاص ,,, ومش دليل آبدا ع البقاء بعيدا أو الرغبه في الوحده
~ المسافات للحفاظ على حريه الفرد واستقلاليتو ،،، ولبقاء الاحترام المتبادل بين الجميع ,,, لأطول فتره ممكنه
~ برائي المسافه متل السور يلي بنحوط بيه بيوتنا ،،، اي شخص اذا بدو يفوت بقا ...
لازم بالاول يدق الجرس ويستاذن !!
ولانو كيفما البيوت حرمات واسرار ,,, فــــ الإنسان حياتو الشخصيه كمان غموض وخصوصيات ... وبعض الاحيان خط احمر !!
اذا هو حابب يحكي شويه قصص لبعض القراب فهو حر ، واذا بدو يقفل ع خصوصياتو ف كمان هو حر
وبحياتنا رح نصادف أشخاص راقيين رغم وجود طول وبعد المسافات بنكن الن الاحترام الكبير لانن بيحترمو خصوصياتنا
وبذات الوقت في اشخاص من القرايب أو معارف آو زمايل شغل الحشوريين يلي بيتدخلو بكل خصوصيات خلق الله ... مرات رح يسببولك الاحراج وبنتمنى لو يكونو بعاد
شخصيا صادفت وبصادف هالنوعيه واي وقت بيتسائب يسالو عن خصوصياتي
دغري بجاوبن بعباره ثابته :::: هيدا الشئ مابيخصك
وهون رح يجيهن صدمه كبيره ،،، ليش بقا ؟!! لانو هني مفكرين لاني لطيفه معن واسلوبي ناعم ،،،
وآذا بيسالو عن خصوصياتي ... رح انحرج قدامن وبخبرن كلشي ... !!
يعني هون كلشي الو حدودو ... حتى اللطافه والنعومه
والشي الخطير انو بعض الاشخاص يلي بيعرفو اسرار عن اصحابن
وباول خناقه أو مشكله حقيقيه رح يحرقو سجلات بعض
وهون يلبقلن المثل العربي يلي بيقول : إذا أخبرت احدا بسرك ،،، فقد اهديته سهما يرميك به وقت مايشاء
وفي متل كوردي شهير بخصوص هالموضوع بتقول ::: دورى ودوستى
يعني حافظ على المسافه لــــ تحافظ ع الموده !!
وهيدا مثل تاتيانــــي ...
{{ كون متوازن في حياتك وفي جميع علاقاتك ... لا تكون كتير بعيد لدرجه التنافر ولحتى ماينسوك ...
ولا كتير قريب لدرجه الآصطدام ولحتى مايحرجوك }} !! ✍....... a تـــاتــيـــانــــــا b |
|
| |