صبــاح التفــاؤل والآقــدار السعيــده

لكــل الآشخــاص الــي عايشيــن ع الآنتظــار !!

قائمـه آفلامـي المفضلـه / الجـزء الآول : السينما العربيـه والعالميـه

6- الفيلم الفارسي ... شبـكـــه



فيلم الباند آو شبكه ... فيلم اجتماعي وآكشن
بطوله // آيرج قادري ، آمير علي رنجبر ، آفسانا پاكراو ، ماه چهرا خليلي ، نيما شاهروخ شاهي ، آليزابت آميني

فيلم يسلط الضوء على فشل اباء وامهات المجتمعات المخمليه في تربيه أبنائهن ، وبينتجو وحوش بشريه وبيرموهن ع المجتمع
(بشمان المفخم) هوى الابن الضال يلي مابيكتفي {بفتح ( وكاله عروض الأزياء والموديلينغ) ... وعن طريق الفيس بوك بيصيد اجمل الصبايا وبيجيبهن ع وكالتو وبيستغلن ... وبعدين بيهددن بالصور والفيديوهات}
وانما كمان بيمد ايدو ع أموال والدو في الشركه ويتعاون مع منافسي والده

ولما صهرو (زوج آختو مينا) المهندس آميرعلي ... يلي هوى مدير المشاريع بشركه والدو (المفخم) ومحاسبه الشركه (فرزانه) بيقررو انو يعيدو الحسابات من اول وجديد وبيكتشفو عمليه نصب وسرقه بـــ مبلغ (5 ملايين دولار )
بشمان يقرر انو يورط هالاتنين ويسكر فمن ،،، فـــ بيعتدى ع فرزانه ورمى نظارتها ويصورها بعد مايطفي الكهربا لحتى ماتشوف مين المعتدي (لآنو فرزانه بصرها ضعيف ومابتشوف مندون نظارات)

ويقوم بتوريط اميرعلي مع سكرتيره الشركه (شهرزاد) وقت بيسافرو بعرض عمل لماليزيا ... وترافقو ع اساس هي مترجمه وبتحط المخدر لاميرعلي وبتخدلو لقطات وصور في وضعيه خطيره ... !!
و(بتمثل انو هيا حامل من امير وضروري يفسخ خطوبتو ع مينا) وبتصور كل هالحوارات ع الفيديو

وبشمان بالأساس بيكره صهرو اميرعلي لانو من طبقه متوسطه ومبدو يورث كتير من ورا جوازو من اختو مينا ... والسبب الثاني انو اميرعلي بيراقبو وبيعرف انو مصاري المشروع انسرقو من قبل بشمان بس كان بيدور على دليل
والسبب الثالث ... انو والدو بيحب وبيوثق بامير اكتر من ابنو بشمان

بس بشمان الماكر بينشر فيديو اميرعلي وشهرزاد ، وهالشي بيدمر حياة امير وكل احلامو ، خاصتا بعد ما مينا تفسخ خطوبتها وايضا ينطرد من الشركه ويخسر شغلو , بوقت هما حضرو الشقه وآسسوها وماضل شي ع الزواج

ويفوت آميرعلي بدوامه من اليأس والحزن ، بعدين بيلجأ لزميلتو المحاسبه (فرزانه) يلي بهلاوقات بتشوف فديو امير الفاضح وبتلاحظ انو نفس طريقه ونفس لوغو الفيديو يلي انعمل لالها ،،، وبتخبر اميرعلي انو هلآ هيا تآكدت ىنو بشمان هوى ورا كلهالقصص (بشمان هو يلي آعتدى عليها , وهو آرسل شهرزاد مع آميرعلي) !!

فـــ اكيد اميرعلي يطير عقلو ويروح لشركه بشمان ويضربو ضرب مبرح ويهددو قدام موظفيه
لانو اعتدى ع صديقتو فرزانه و ورطو وسبب مشكله وانفصال بينو وبين خطيبتو مينا
وفي اليوم التالي يلقو جثه بشمان قدام وكالتو وفورا يتم القبض على اميرعلي لانو كل الادله ضدو ، ومساعد بشمان بيعترف انو شافو بيضروب بشمان في الشارع ... وبيصدور الحكم بإعدام اميرعلي


وخلال جلسات المحكمه يلي بيكون المحامي القدير (بهنود) محامي اميرعلي بينحصر المشتبه بهم في 6 أشخاص (المهندس اميرعلي ،،، المحاسبه فرزانه ،،، رجل بشمان نصب عليه ، السكرتيره شهرزاد ، وبنتين من الضحايا يلي بشمان استغلهن ووحده منن حامل من بشمان)
وباخر مشاهد الفيلم بنشوف مفاجأة قويه وقت المحامي العبقري (بهنود) بيكشف انو القاتل مش (اميرعلي) وانما هي السكرتيره (شهرزاد) ،،، لانو بشمان استغلها هيا كمان في مقابل يعطيها شقه ويحفظ الفيديو
بس بشمان مالو امان ،،، لما بينشر الفيديو ع النت وهالشي بيسبب بفسخ خطوبه (شهرزاد) على رجل كان بيحترمها وبيموت فيها ... لهيك شهرزاد بتخطط لانتقام من بشمان وتستغل خناقتو وتهديد اميرعلي وتقتلو بالدهس عليه بسيارتها بعد ما اميرعلي بيروح من بيت بشمان
وبعد ما البنتين يضربو امير بالعصا وهو مرمي بالشارع

ويتم الإفراج ع اميرعلي وهوى بيتروك مينا لأنها ماوثقت باخلاقو وتركتو باول مشكله حقيقيه صار بيناتن
وهيا نفسها يلي بترفع القضيه بطلب الاعدام وتتهمو بشلل والدتها اثر صدمه وفاه بشمان

وبنهايه مشاهد الفيلم اميرعلي بيروح صوب فرزانه يلي هيا بتوقف حدو بمصيبتو وبتساعدو لبينما يظهر برائتو
بواسطه المحامي الشاطر بهنود يلي بيكون جار لـــ فرزانه
وبهنود بالأساس خسر بنتو الوحيده وماقدر يلحقها قبل ماتنتحر ،،، لهيك بعدما فرزانه بتستنجد بيه وتعترفلو ببرائه آميرعلي , وهو بيوافق لإنقاذ حياه اميرعلي , كـ كفاره لتقصيره مع آبنته
وبنهايه الفيلم بيقول لآميرعلي : صحيح آنا خسرت آبنه ,, بس هلآ ربحت آبن !

آهم لقطات الفيلم (متل مابيقول المثل الدنيا دواره)
هو وقت بشمان يلفظ آنفاسه الاخيره , تجي فرزانه وتبص عليه بآحتقار وهو يترجاها ويطلب منها المساعده , وهيا بتقلو (وآنت ليش ماساعدتني وماسمعت توسلاتي لما ترجيتك ماتدمرلي مستقبلي !!)
وهيدا سبب يقين فرزانه بآنو اميرعلي بريء وسبب دفاعها الشديد عنو وآلحاحها ع المحامي يقبل

طبعا مشاهد التمثيل والموسيقى التصويريه والحوارات قويه جدا (خاصتا مشاهد الممثل الراحل العملاق (آيرج قادري) يلي بيقوم بدور المحامي (بهنود)) وطريقه كشفه ووصوله للمجرمه , وبيخلي المشاهد بيرجع يشوف الفيلم مره 2 و3 و4

ملاحظه //
طبعا الفيلم مالو آي ترجمه عربيه , بس موجود الفارسيه وآنا ترجمتا لالكم حسب يلي شفتو
بتمنى اني قدرت أوصل لكم مشاهد وجوهر الفيلم مزبوط

مـن روائـع الحـكـم

قـالـــو فــي النـجـــاح ....... !!