آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | d تـــراتـيــــل مخمـليــــه ≃ التــرتيلـــه الـــ 47 ≃ آداره المشاريـــع c
بطبيعتي مابحب كتير آحكي عن حالي ,,, لآني مؤمنه بالآفعال مش بس الآقوال !!
وآذا بتلاحظو آكتريه كتاباتي ... يآما بتكون عن آحداث مارقه ,,, آو مواضيع عامه ,,, آو قصص متنوعه ,,, وبتقادى فوت بخصوصياتي آو آموري الكتير شخصيه !! بس هون بقا حبيت آحكي عن صفه خاصه فيى ...
ومع آني كتير واثقه من حالي وكتر خير الله بعرف آنو بآكتريه المجالات عندي حضور ودور مميز
بس بنفس الوقت ,,, مابحب يكون هيدا الشي ع حساب غيري
مابحب آسرق الآضواء من الآخرين ,,, ومابحب كون عطول آنا مركز المواضيع والأعمال والقصص
وبحب آعطي مجال للجميع يبرزو, لهيك بقا كل يلي آشتغلت معن ولحديت هلاء بيتشكرو فينى وبيثنو على وبدي آذكر مثال هون ...
قبل كم سنة كان عنا دوره كتير هامه للـــــ project management آداره الآعمال
بآداره شركة كبيره وآستاذ خبير دارس من برا ... وكنا 50 مهندس ومهندسه
وقت عطونا مشروع تجريبي نديرو كمخططات وبزنس ودراسه جدوى آقتصادي للمشروع ,,, كل 5 آشخاص صرنا كروب ( يعني 10 كروبات)
والكروب يلي كنت موجود فيه عينوني ك قائد آو مدير المشروع,,, وبالبدايه رفضت لانو في تنين آكبر مني وتنين اعمارن مقارب لالي
وكتير آصرو وآنا وافقت ,,, هني قالو { آنتي آنسب شخص لهالمهمه }
طبعآ بكل فترات الدورة الآستاذ كان بيمدح ذكائي وآرائي
مع آني مكنت برد كتير وقت لما كان بيسال الأسئله لحتى آعطي المجال للجميع يشاركو بس بلآوقات لما كانو الآسئله صعبين ,,, وبيكون في صميم الآداره والمشاريع
لما محدا بيعرف ,,, كنت هديك الوقت بجاوب ,,, لهيك بقا الآستاذ كان بيعجبو آرائي وتخميناتي !! ووقت كل الكروبات قدمو مشاريعن ,,, وآجا الدور لعننا ... نقدم مشروعنا التجريبي ... كان لازم ( متل باقي الكروبات الآخرى) قائد الفريق يقوم ويشرح ع البورد الرئيسي والداتا شو
بصراحه آنا مرحت ( لاني متل ماذكرت سابقا مبحب آبرز آكتر من لازم وحبيت آعطي فرصه لزملائي ) ,,, وحدا من زملائي في الكروب راح بدلآ مني ,,, والآستاذ آستغرب بقا لما سالو كم آسئله وللآسف زميلنا مكان بيقدر يجاوب آو يشرح المشروع مزبوط فـــ سالو ألاستاذ ::: آنتا قائد الكروب ؟؟ ... هوى قال ::: لاء
والاستاذ سالو ::: طب مين قائد فريقكن ؟؟ ليش مابيجي يقدم ؟؟؟
لما قالو :: تاتيانا .......... دغري الآستاذ رفع صوتو وقال :: معقوله تاتيانا ؟؟
آنتي قائده هالفريق وما آجيتي تقدمي مشروعكن ؟؟!!!!!!!!!!!
لشو بتخبي حالك؟؟ قومي قدمي مشروعكن تما يروح تعبكن سدى ... وماتنالو علامات قليله؟
وصراحتأ آنا آنحرجت وقمت من مطرحي وآنجبرت قدم المشروع ... زميلي المسكين رجع وقعد
وبعدين الآستاذ وكل الموجودين ,,, كتير عجبن شغلنا وعملنا
والآستاذ وقتا قال ::: اه شفتي كيف محدا بيشرح آحسن منك ؟؟
وآنتي آبرز شخص من فريقكن ... هلاء المشروع متكامل
( وكتر خير الله آخدنا المركز الاول بين كل الكروبات )
وبعدما زملائنا شكرو فينى وفي كروبنا ... و سمعنا كلمات الثناء والمديح والتشجيع من آستاذنا كمان بالاخير قبل ماارجع لمقعدي ... قال ... مره 2 ماتخبي حالك ... وقدمي كلشي بنفسك
آنا لو كان عندي ربع ذكائك وحضورك آوجمالك كنت آكلت الدنيا بمافيها !!
وحياه الله متت من كتر الاحراج والخجل ... ومقدرت آنطق ولا حرف !!
طب شو كان بدي جاوب ؟؟ آو شو فيني جاوب !!
هيدا آستاذنا ... وعمرو آكبر من بيى ... وآهم شي كلماتو من باب التشجيع مش الغزل
فرجعت وقعدت وآنا وشي كلو وردي ... مبعريف آنبسط ولا آتدايق !! وكتر خير الله آني بلامتحان الآخير آخدت المرتبه ألآولى ع الدفعه ال50 شخص
وعطوني شهاده تقدير كبيره ... بيخولني آشتغل مع شركات عالميه
ويوم آعلان النتيجه آخدت صور مع زملائي وكروبنا ومع آستاذنا
وكل ماببص ع هالصور بتذكر هالمحطات المشرقه والآحداث الحلوه ... بصير آبتسم من كل قلبي !! ✍..................... a تـــاتــيـــانــــــا b |
|