09-14-20, 08:03 PM
|
#1527 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التـرتيلـه الـــ 49 ≃ وميـــض المــاضــــــي c
بيقولو أنو السـهـــم ماعم يرجع لورا الا لما بدو ينطلق بقوه من جديد !!
وأنا متلو ماعم فكر بالماضي ولا بلتفت لــــ ورا ...
يمكن لأنو مرق وخلص وقتو ,,, وأنا عطول بتطلع لــــ قدام وحابه أستمتع بحاضري وخطط لمستقبلي .
ويمكن لأنو هالماضي عم يسببلي آشتياق كبير وحسره , وحتا بالذكريات المفرحه عم يتعبني لما بتذكر هولى الأحداث والأشخاص ,القصص والمطارح يلي قضيت معن وفيهن احلى الأوقات هلاء راحو أدراج الرياح والبكاء ع الأطلال ماعم يرجعن لألنا لهيك مبقا بدي آتذكرهن , وهني بالنهايه رح بيضلو ذكريات !!
ويمكن لأني أخدت من هالماضي الجميل ... ذخيره , عبره , أغلى الأماني , و(7 spotlight ) ات يلي بيكفوني الباقي من عمري ...
1~ بتذكر وقت كنت طفله كنت بفوت خلستآ ع غرفه مامتي , لحتى حط روج ومنيكيور وعطول بنفس اللون , ومرات كنت بلبس جوز من سكربيناتا ذات الكعب العالي وقد مكنت دبدوبه اجريي الزغار كانو عم يدحدحو بالحذاء شمال يمين ... ومامتي بتحكي لرفقاتا :- هيدي خربتلي كل سكربيناتي الحلويين !!(من هون بلش أهتمامي الكبير بالفاشن والمنيكيور)
2~ وبتذكر بعمر الــــ6 لما بي كان يتابع ماتشات ايطاليا كرمالو كنت بلبس بودي ازرق وبكل هدف طلياني عم اتنطط وصيح معو (هون بلش عشقي للفوتبول ولحبايب قلبي الطليان بالذات)
3~ وقت كنت مراهقه كنت مولعه بالموسيقى وكان بدي صير عازفه ماهره
وكنت كتير بعشق البيانو والقيثاره , بس لأنو علاماتي المدرسيه كانو كتير عاليين ,,, فــ طبعآ اهلي رفضو اني ادخل الكونسيرفاتوار (وهون بلش عشقي للموسيقا الكلاسيك وللسيمفونيات).
4~ بيت جدو الكبير يلي حكيت عنو بواحده من تراتيلي هيدا البيت يلي كان مليان جناين واشجار , وكان فيه 4 بنايات لحديت هلأ حافظه خريطتن بالكامل بدماغي (ومن هون زاد ولعي للطبيعه وكبر عشقي للهندسه)
5~ من زغري كنت كتير بهتم بدفاتري ومذكراتي وكشكولاتي وعم نقي لالن اقلام حلوه والوانن يتماشو مع بعض وكنت بزينن بصور انجيلز او فانتازي , وكان خطي جميل ودفتري عطول بياخد اعلى علامه بالصف .(وهون رسخ في رأسي فن الترتيب ومزج الالوان)
6~ صحيح كنت طفله مطيعه بس بذات الوقت بلآشيا يلي بيخصوني كنت عنيده جدآ ومتشبثه برآيي لآبعد مدى وآذا قلت مابدي يعني مابدي ,,, بتذكر مره بيى ومامي آخدوني لعند الطبيب وآول ماشفت الآبره ع طربيزه الدكتور , ركضت صوب الباب وهربت متل الصاروخ وانا ماليه العياده صراخ وبكي وعم قول مابدي آبره ,,, الناس آننقزو وآهلي عم يركضو ورايا ( وبعدني لـــ هلآء عم خاف من الآبر ) !!
7~ وكمان من زغري كنت مولعه بالقرايه والمطالعه ومحاوله تعلم لهجات ولغات آخرى حتا قبل ماآدخل المدرسه كنت بدون المعاني في آجندتي الزغيره ,,, ( وبتصور هالهوايات كبرو معي وجواتي لحديت هلاء بجانب الميل الى كشف المبهمات ومعرفه الحقائق)
لهيك عطول رح بيضلو ذكريات واحلام الطفوله مزروعين جواتنا , وعم يأثرو ع كل محاور حياتنا , لأنن النواه يلي بيكونو خطوط شخصياتنا وبيرسمو احلامنا وهواياتنا
وشخصيآ هالقصص المارقه (الـــ 7 يلي حكيت عنن) صارو ماضي خالد من البوم حياتي ومتل الجسر عم يربطو ماضيي بحاضري ومستقبلي ,,, وعم بيضلو مرافقيني بكل مشاوير حياتي .
✍................ a تـــاتــيـــانــــــا b  |
|
|
|
 |
8556Likes
