((حكم ضميرك وش بقي من ضميرك)) حكم ضميرك وش بقي من ضميرك اللي ما حس بعلتي ...... والعذابات مرتاح بالك منسدح في .... سريرك وانا سريري السهر ....... والزقارات هذي نولعها بدايل ............ عبيرك وهذي نطفيها ونولع ...... جديدات متى تخاف من الولي في . عشيرك متى تحن وترحم دمعي .. وعبرات لا تعالج العطشان بكثرة .... هديرك كثر السوالف ما بها غير ... جلطات يا ليتني موظفك والا ....... مديرك اما معك والا انت معيه .. سياحات تقودني كني يتيمك ......... غريرك ورع صغير ومفتقد ......... للملذات حدد مصيري والا حدد .... مصيرك يكفي انتظاري مع بعيد .. المسافات لا شفتني ولا انت تكحل .... نظيرك في شوفتي ياللي تمنى ... اللقاءات متى تجير الحب ربي ....... يجيرك وترحم ضعيف ما بقى له ... كيانات القارظ العنزي |
أبدعت أخي :MonTaseR_205: يعطيك الف عافية :MonTaseR_205: |
الابداع في مرورك درب يسعدني طلتك البهية على متصفحي المتواضع |
صح لسانك يالقارظ والله ما يتعب القلب إلا السهر والأرق والا الحبايب في سابع نووومه هههههههههه يعطيك العافيه :رحيق: |
صح احساسك اورانوس وصدقت ي فيما ذهبت ي اليه . لا هنت ي على المرور والتعليق المميز . |
وش فايدته الحب لاطار طيرك الواقع نعيشه وخلي الخيالات |
سهران وطيرك . . ساهر مع غيرك مسكين يا القارظ لك قصه وحكايات فوق يا المجنون . . ترى طار طيرك سحب .. على قلبك . . كثير سحبات مالك سوى الله . . من ظلمه يجيرك يا كثر .. ما قد .. سوابك .. سوايات كفاني الله .. من .. شرك .. وخيرك شمتان أنا فيك . يا راعي السجارات |
الى ابو الليل : كانك فقدت الهوى في . مسيرك حنا نعيشه صدق ما هي هوالات ليه الخطا يا صاحبي .. باتعبيرك ردة فعل جتني فيها .... علامات احذر تطيح وتنتهي في مصيرك وتبقى تظن الحب بضعة خيالات |
اقتباس:
الحب مايكمل وكله ..خيــالات تحب واحد ثم تحطه ...اميرك تغليه ماتدري ترا ...بالنهايات اما يموت او ياخذه حد غيرك مجنون ليلى كيف ياصاحبي مات؟؟ |
الى ابو ضاوي طيري وحش ما شاف مثلك وغيرك صعب عليك تشوف مثله ... بمولات طيري وحش يا ضو ما هو . بطيرك دونه سيوف بالملاقا ..... شطيرات اسبح وطيرك في متاهات .... بيرك والا حبيبي فوق ما فيه ..... شكات |
الى متحطم القلب ابو الليل مع التحية : احبها واحبها ............ واستشيرك وشلون تريد الحب من غير ويلات ما ينفعك بالحب كثرة ..... هجيرك دام الغضي يا خي من بين الاموات يكفيك ذكرى خلتك مع .... مصيرك خل الوفاء بالقلب وتبقى لك الذات هذا مسير الحب احفظ .... مسيرك ترى الهوى يحتاج صبر ن وهقوات |
اقتباس:
اييه بالله تحطمت تايه انا بصحرا .....وضلت ......بعيري وانا ادري انه مامضى من العمر فات بين العذاب وتو عمري.......صـغيري وحدي وحولي عايشين ...بمسرات ضايع انا وشلون احدد ......مصيري وسط اليمن من سابع المستحيلات يالقارظ الحق خوك حاله .خطيري ماعاد تسليني الكتابه ...والابيات بسألك انا وابغى عليا ...تشيري وشلون يسلا القلب من ضيق واهات؟؟ |
صح لسانكم جميعا قصيد وشعر وردود وابيات لا خلى ولا عدم ياشعراء المنتدى تحيه لكم |
الى ابو الليل قتيل الوداع مع التحية : ياللي تتوه بحلتك ......... والبعيري ارفق بنفسك يا قتيل ... الخوندات ارفق بحالك يا نما ........ لا تطيري ويلبسك من مس الاباليس مسات ارفق بحالك يا نما ....... يا عشيري وتلقى بديله بينهن ...... والمسرات لو كل من يفقد حبيه ...... يحيري ما يبقى فوق القاع بعض الرجالات هذي هي الدنيا وهذ ..... المسيري جدد حياتك مع جديد ... الحبيبات |
صح بدنك اعد النجوم لاهنت |
اقتباس:
هناك ربي .. يا صديقي بعشيرك وتعيش . . في حب . . ومسرات تستنشق عبيره ويستنشق عبيرك وينطفي من الحشى حر جمرات اسمع كلام . نجم ضاوي مديرك الحب مثل الموت شهقه وسكرات |
اقتباس:
الحب ماله في بلادي ....محطات صوب السعوديه بوجه ..مسيري وترك ديار البهذله .......والمعاناة واشوف لي خل.ن. بحبه جديري يقولون فيها يابن الاجواد ...زينات اهوى السمر من عاد سني صغيري السمر عندي وحدهن ..الجميلات |
الله يجعل من مصيري ..... مصيرك ويبلاك يالضاوي بسيد ... الجميلات وتلوع قلبك لوع ونسمع ..... زفيرك ونسمع شهيقك يا فتى بكل الاوقات يا فتنة الخفرات بشرك ...... وخيرك كم وحدة غشيتها .......... باللقاءات واليوم تنصحني بقولك ...... مديرك والله ما طيعك يا مديري .. سلامات |
الى مجنون نورة مع التحية : حياك ربي بالحجاز ......... النظيري في بيت ربي بين عمرة ... وحجات وطيبة مكان للعبادة ......... مثيري وبيت النبي للي يود ...... الزيارات ومن بعدها افطن تزور .... الخبيري الثعلب اللي ما يجيد .... الصلاوات الضاوي اللي للبلاوي ........ سفيري وان قام يصلي يفتتح ... بالمنامات الله يجيرك من بلاوي ....... مديري انشد ان ودك خبرته كلها ..... شات وترى الجميلة مطلبك ... يالعشيري شرق الحجاز ونجد وايضا شمالات تلقى الغزال اللي ما قالوا . قصيري ابو عيون نظرته خوش .... نظرات من نظرته يمكن تلاقي .... مصيري تصيح وكن القلب ينزف .. بطعنات |
اقتباس:
تسلم على كل النصح يالاميري باحطها في خاطري ..هالعبارات لكن لزوم ازاور النجم ....نظيري من دون ضاوي مانشوف السعادات تراه فله والطيب عنده ....كثيري عسى يكون اللي تقوله خيالات باروح له واللي يصيري ..يصيري اصلا اساس السفره النجم بالذات وافلها مع لابسات ......الحريري ياويل قلبي من حلاها اذا جات بفتح حساب الراجحي والبسيري واروح افتح وسط جده ....عقارات وودع العيش النكيد .....المريري واروح عنه لين ابعد .....مسافات واقول يازين الحياه ....استديري الفرح جاء والحزن ياصاحبي مات خلاص صحيت من نومي |
لا واحسافة يا نصايح .... ضميري راحت خسارة بالهواء .. والظلمات نصيحتي خصصتها ..... للعشيري وغدا كلامي والنصيحة . خرافات بعض البشر لو جاه مني ... نذيري ما ينفعه لو تدعمه ...... بالعلامات قلبه معلق بالغزال ........ النظيري وعقله غدا من بينهن يا حسافات نجم خرابك يالعشير ..... الاميري يرميك بجحر الداب . والا بحيات اسمع كلامي وانتبه ..... يالغريري احذر من فكر الشعوذة والكرامات ولا تنتفع بالراجحي .... والبسيري وش عاد لو تملك بجدة .. عقارات الياصار مالك بالخلايق ... مشيري تبقى وحيد ويخدعك نجم بالذات نجم خدعني يا فتى وهو مديري اخذ حبيبي والبلا خدعة .. الشات |
اقتباس:
محتار انا ياخوك بينك ......وبينه انته وابوضاوي عجمتو ..لساني وابويمن فيكم عسى الله يعينه انته تقول ساحر وطبعه اناني وهو يقول صحبتك طينه بطينه ولا ادري من الصادق فيكم؟؟ |
الصدق فبيوت الضاوي ... جناني وانا ولد جدي من خوش ... طينة واللي يكذبنا سليط ...... اللساني يصعب عليه يفهم خدين وخدينه اللي يبي دربي وزين .... المكاني يبحث عن الضاوي ويلقى عوينه |
اقتباس:
حررت روحي عقب كانت سجينه خلاص برحل عند مسعود ساني ولازمه في كل حينه ......وحينه بادل درب النجم ماريد .....ثاني لكن خبرني / مسعود ..وينه؟؟ |
هههههه الله عليك يا بو الليل .. ترى الضاوي راعي ليل وتعاليل . سوف تجده على شاطي الحمرا ؟ |
افطن ترى الضاوي راعي .... تعاليل يسهر ويحب الضو والليل ..... قمرا ولا هي غريبة وابو العيون المظاليل لو جيتهم يلهون في ليل ...... حمرا |
تلقاه ذايب والمشاعر .... شماليل وعيونه عين الذيب شعلة وجمرا ما عشرته يا خوي لام . المخاليل دايم مع الابكار من نوع ... سمرا |
والله ترا باجيه ...وانا ......ابوالليل لو كان حتى جالسن وسط صحرا شوقي على قعده وشعر ومواويل اللي تخلي تاعب القلب ......يبرا والنار شبابه مع ...ريحة ....الهيل وزينات عني من يمين.ن .ويسرا |
ما ظنتي تلقاه مع بنن ... وهيل ولا ظنتي تلقاه في جو صحرا ولا ظنتي تلقاه مع حملة الخيل ان جاك ظني سهرته جو ...... ! هههه |
اقتباس:
وان كان قولك صح ياقلب صبرا اببتعد.... عنه تراني 100 ميل لن العلوم اللي لفت منك غبرا رجعتني حيران ياخوك بالحيل قلي ترا عند النجم ويش يجرا؟ ههههه |
ولا ظنتي تلقاه مع حملة الخيل ان جاك ظني سمرته جو ... تمرا يبهل على الحيران من مية النيل هذي يسقيها وهذيك ........ تبرا لا تبعد النجعة يا بو الليل |
اقتباس:
اكتبها ياخي وخلي الناس تقرا الناس عجله تريد كل .التفاصيل تقول شي تجي تلاقيه.. عشرا ويننت يالضاوي ترا مابقى حيل هات اليسر من عقب ماشفت عسرا |
قطعت في جيتي لك السيل جيتك راكب على خيل شقرا ابشر بالسعد .. يا ابو الليل القارط .. ما معه غير فقرا القارظ سعلي . ناقصه ذيل اما خلقته .. يا اخوك قشرا قرب لي الدله مبهره بالهيل واطلب طلب . . يجيك عشرا القارظ شايب مابقى به حيل عجول ما به . يا اخوك صبرا لسانه سليط . . ويجر للويل تسمع كلامه تظل لناس عبرا |
السعلي هو ملفاك لو يفقد ... الذيل وش بك تذمه والسواليف ..... غبرا عند اللوازم حاضر يدعمك ... حيل لو صار حاله بالمخاليق ........ فقرا يشهد على ما قول ليل ورا .... ليل ويشهد على ما قول سطر .. وحبرا نسيتي وبساع يا حيل .. ابا الحيل ذميتني والناس شافت ...... وتقرا الله يصيبك بالهوى ودمعتك سيل تبكي على بلواك من حب .... عفرا بنت جميلة ومشيها يكسر .. الذيل تذوب لو شفته وبالقلب ...... جمرا ما ينفعك وصاب ولا ينفعه .... ليل والكل منكم حالته دوم ....... قشرا |
يا مرحبا .. تعداد .. وابل السيل يا ابو سوالف حاليات ن والسهرا لاتتعبني ترى . حالي . . معاليل قول لي .. من هي . البنت عفرا فيها يقال .. الشعر . والمواويل ولا أفر .. من .. خلقتها .. شهرا فقدتك يا القارظ . ومعك التعاليل وفقدت معك .على الواتس سهرا مشتاق لجلستك . في تالي الليل بين . . زينات . . المحيا .. وقمرا نعم الصديق وناصحي حزت الويل اقولها .. لناس .. سر ن . وجهرا جميل في شكلك .. وذوقك جميل اللي يعرفك .. ما يفارقك . شبرا ابو الليل يكيل . وما يخسر الخيل مير ظروفه .. غدت يا صاح قشرا يعزنا يا القارظ مايرضى لنا الميل وانت الذكي . ولك بهالامور خبرا |
انا على الواتس مع نجمة سهيل وخلك مع ابوالليل يالقرم . تترا انا معي اللي حبها عذب الحيل والا انت ابو الليل تكتب . وتقرا |
يا الله طلبتك .. جعلها لي تساهيل تملي . حياتي فرح .. وعبير عطرا واكفيني شر .. الايام . . المقابيل واوقات . . يكثر بها كذب ن وغدرا يا الله .. يا منزل .. المقادير تنزيل اعطني يارب . على المقادير صبرا يا القارظ . ماني ياشقرا مع الخيل انا .. حبي واضح . . لناس .. جهرا ماني كما اللي . سارق بأخر الليل ولا .. ادور لي .. للمواعيد .. عذرا حبيبي يا القارظ .. عيونه . مظاليل كوكاو طعمه والشكل واللون سمرا الصدر واقف .. وانهد مثل الفناجيل والشفه .. خلقها الله طبيعي وحمرا لا ظهرت ليل .. تختفي نجمة سهيل لا قال يا هيه .. اعتبر .. يا هيه أمرا |
اشوف حبك مثل حب ..... المهابيل تركض ورا الخفرات يمنة .... ويسرا ان طعتني يا خوي ترقد من . الليل ما لك ومال الحمرا تمشي .. وسمرا ما ظنتي من بينهن نجمة .... سهيل ولا ظنتي من بينهن بنت ...... عفرا ارجع لربك واترك عنك ... المواويل ما ينفعك يا غير توبة ........ وغفرا الحب حب القارظ هو فارس الخيل اللي يسوس الخيل ويركب الشقرا كم ليلة وابو العيون ...... المظاليل قضيتها بين العتيمة .......... وقمرا وسوالف تشفي قلوب ..... المغاليل والا انت صيدك ما بها كل .... ثمرا |
من الطناخه . . يسموني ساري الليل ولا اقطف الا من اعلى العناقيد ثمرا لا اخاف من ظلمه .. ولا اهاب التهاويل اسري .. ومعي ربي .. على ضو قمرا ايا القارظ روق .. وخل عنك . التهاويل روح والعب . مع الزعتري شمرا وامرا خل الحب .. لاهل الحب . يا بارد الحيل لا معك شقرا .. ولا حتى .. معك سمرا محبوبتي لامشت يشوقك صوت الخلاخيل مثل المطر . . تحيي بقدومها ارض قفرا اما انت .. محبوبتك .. تشبه .. ابو هويل الظاهر . . خلقها الله . . من يومها قشرا |
وش عرفك يا صاحبي بارد .... الحيل من خبرك عن حالتي ......... والمضرا ارسل لي اللي قالها يا جبع ..... الذيل ويلقى له يمي بالزعتري ........ مسرا يرجع لك راضي يرجع ويرسل الحيل الحايل اللي يمكم .............. ما تبرا تلقى الحقيقة مع علوم ... الرجاجيل وسوالف عند اللوازم ............. تسرا وباقي علومك خلها لداعج .... الميل ما تنفع اللي مثلنا او ............. تضرا |
الساعة الآن 08:28 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا