إضافة رد
 
LinkBack أدوات الموضوع انواع عرض الموضوع
قديم 12-07-18, 08:34 PM   #1
القارظ العنزي

الصورة الرمزية القارظ العنزي

 الأوسمة و جوائز

افتراضي ((القارظ يا ضو محتاجك))



لي صاحب غابت اضواته
ويكنده يختصر ...... ذاته
وان قلتوا عجل .... وهاته ............ نقول يا ربعنا الضاوي

الضاوي يومين .. بسبوعه
يلعبها هو ....... وجربوعه
يستسلم القرم . بخضوعه ...... الياقال الجربوع وش ناوي

عجزت وانا انصحه يا عي
من ذاك الجربوع ويراعي
ظروفي ويرجع ... بساعي ........... الياوين ونجمنا يلاوي

القارظ يا ضو .. محتاجك
تجيه ويضحك احجاجك
تجيه وتجلب .... اعلاجك ....... ويلقى بك اعلاج ومداوي

يالضاوي قلت ..... الحيلة
في ورعة ما بها ..... حيلة
ودموعنا منتثر ...... سيلة ............... عليها وطبعها غاوي

صغيرة سن ....... يالغالي
وحلاها يالقرم ... يحلالي
مير البلا ما رحم ... حالي ........... اموت والترف ما ياوي

والياطلبنا لنا ....... شوفة
يقول حرام ..... ما شوفه
عذره من الله بدا .. خوفه .............. يقول الدين له راوي

يقول نلقاه ......... بالجنة
عجزت انا لا افتهم ... فنه
ويذكر لي الدين .. والسنة ............. صغير بالعلم متغاوي

يالضاوي عجل ..... بفتوى
تجيز لي شوفة .... البلوى
على فرقاه ....... ما نقوى . وان طحت ما طحت متساوي

يالضاوي عندك ... الخبرة
ومن خبرتك شف لنا دبرة
القارظ فاقد ........ صبره ........... ومضيع الدرب ويواوي

يالضاوي عجل لا تراوي
افزع ترى صاحبك خاوي
والذيب يا صاحبي عاوي .............. والقارظ ميت وذاوي

القارظ العنزي


 


رد مع اقتباس
قديم 12-07-18, 09:29 PM   #2
وهج

الصورة الرمزية وهج

 الأوسمة و جوائز

افتراضي



سلم حرفك شاعرنا

نتمنى يرد الضاوي الندا ويجيك


 

رد مع اقتباس
قديم 12-08-18, 02:34 AM   #3
القارظ العنزي

الصورة الرمزية القارظ العنزي

 الأوسمة و جوائز

افتراضي



هلا بك وهج الله يسلمك يا رب . والضاوي غيبته غيبت ذيب لا بد ويعشي المعازيب . حفظك الله ورعاك دمت بود .


 

رد مع اقتباس
قديم 12-09-18, 12:19 PM   #4
أورانوس

الصورة الرمزية أورانوس

الهوايه »  Designing, cooking, art, movies, anime’s
ــ ‌‏اللـهـُم دربــًا لا تـضـيـق بـه الـحـيــاة وقـــلــبًــا لا يــزول مـنـهُ الأمــل.


..┊̮ 🌿

 الأوسمة و جوائز

افتراضي



هههههههههههههه
ضحكتني الكلمات كأنها قصة
أمانة كملها لو حصل تحديث
بشوف راس الصغيرة ذي وش ناوي
ويارب يرجع نجم ويفيدك
تقبل مروري


 

رد مع اقتباس
قديم 12-09-18, 01:42 PM   #5
القارظ العنزي

الصورة الرمزية القارظ العنزي

 الأوسمة و جوائز

افتراضي



هلا بك أورانوس أضحك الله سنك ، والصغيرة براسها تمرمطنا . لعل ابو ضاوي يجد لنا حصل . واللي بالراس صار بالقرطاس . الا من مجارة ابو ضاوي ان حصلت . احترامي لمرورك الكريم .


 

رد مع اقتباس
قديم 12-10-18, 06:34 AM   #6
نجم ضاوي

الصورة الرمزية نجم ضاوي

المكان »  السعوديه / جده
الهوايه »  الشعر + الطرب والوناسه
خذنـي يقـايـا انسان .. وفاتـه يـوم ميلاده
حنوطه دمعة عيونه واكفانه اسى واحزان
MMS ~

 الأوسمة و جوائز

افتراضي



يا القارظ . القاف يا حلاته
ونينك .... عليت .... اصواته
نجم . على الخدين دمعاته
شايب . . والغصن . . راوي

الضاوي .. يازينها . طبوعه
رايق . . ومخضره . . ربوعه
صحيح . . الروح .. موجوعه
محترف . مو مثلكم هاوي

هرجك . . ماله عندنا داعي
في الحب فليت أنا شراعي
بعينك . . قد شفت إبداعي
قلوب العذارى .. لها كاوي

غني .. واسمع .. أنا . عاجك
ما ودي . . بيوم ترى احاجك
ياخوك وريني ضحكة حجاجك
خلك مثلي . . يا صاح فلاوي

بصيرتك .. يا القارظ . . قليله
عندي .. لك . . مليون .. حيله
على الواتساب قابلني الليله
واقول لك أنا على وش ناوي

كلامك .. ترى .. عنها .. حالي
مدري ويش من هرجك جرالي
افكار وسواس وخفقان جالي
على الصبر والله ماعدت قاوي


 

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 04:39 PM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا