.














21 Dec 2020


صباح الخير يارفاق


اول شي

امس نمت بعد العصر
وصحيت8:30 العشا

وقاعدة للآن مواصلة
احسني مخبطة ضايعة مدري اش ابا

المهم قاعدت مع المعادلات شوية
ومع تويتر شويتين
ومع المنتدى تلات شويات
ومع صديقتي الجديدة اربعه شويات

اوه صح ماعلمتكم
لمن صحيت العشا
رجعت احاول انام
بس مرة مرة مرة ماقدرت
الخوف مسيطر عليّ

قلت لأختي امشي نقوم نرتب البيت
قالت من جدك الساعه 10 .؟

واشغلت نفسي قبل لانفسي تشغلني والله
قعدت لين12 ارتب كل شي تطيح عليه يدي
<<يعني هنا خمس شويات


المهم مع صديقتي الجديدة نتلكم ف مواضيع
هي رسلت لي كيف الاختبار امس.؟
قلتلها كنت ابجيكي اقلك كيف القهوة ..؟
وانا قصدي كيف المعادلات

<<القهوة مخدة عقلي والله

المهم وتعمقنا ف موضوع القهوة
طلعت شبيههههتي وربي
مانحب القهوة العربي
ونحب كل شي بالبندق
وصحيين ومطفشين اخواننابالسعرات الحرارية



تكلمنا عن موضوع الدراسة والتخصصات

المهم علمتها عن درجتي ف اختبار امس

هي تسجل لي فويس دايماً

انا اول مرة عشان مافيني اكتب



ردها ياخي خلاني اموت ضحك :



<<شايفين تحطيم طاير 200 .؟؟

ليه كده <<بسوي يعنني حزين

المهم صح طلع كوفيد20
وشكل الترم الجي عن بعد

حلو عن بعد انو نجمع درجات

مستحيل كنت حجيب هالدرجات الي ف حصالتي دحين
لو كان حضوري
<<مرة متحطمة من طيبة والله


خلاص احس هرجت كتير صح.!

يمكن اكمل شوط تاني ف اي وقت الله اعلم

	المشاركة الأصلية كتبت بواسطة سمو المجد

	. السلام عليكم .. صباح الخير يارفاق انا انسانة اسمها "سحبه" اكتب ف مدونتي دي يومين واسحب عليها 10 ايام مدري اش صابني <<ولمن ارجع ارجع بحلطمة المهم والله لو بسرد لكم احداث الاسبوع الي اختفيت فيه اتوقع احتاج 10 صفحات هنا هل من اقتراح.؟ ولا اجمعها كلها ف تدوينتين او 5 تدوينات مثلاً.؟ انا اكتب وانا ميتة نوم لو شبكت حروف ولا طلسمت لاتلوموني صح ولا اقلكم خليها بالتوالي الزبدة ان التوالي يعني ترتيب لا هو بقول انو اختباري 8:30 اليوم وانا كده مفهيه اش الحل بالله ...؟ خلاص باسرد تفاصيل ان شاءالله

.


























8:10
انا اتوتر قبل الاختبار بنص ساعة واقعد اكلج ف الكلام والكتابه
ولمن يبدا الاختبار اسير "مربوشة" حقيقة

.



















ياااااربييه حمدلله انتهيت من تاني ماااادة

ابااااااا اناااااااااااااااممممم

وربي تقولوا طاقة
حتى السلحفاه اتوقع تفوز عليّ لو بتسابق معاها دحين

مرة مافيه مقدرة ع فعل شي

.












اقلكم حاجة.؟

احس ان دمي زايد ..

بتقولوا اش هالاحساس سمو.؟

انا اعلمكم

قمت ابطبخ شي سريع

المهم وقاعدة اقطع الدجاج عادي

ف الاخير اشوفني جرحت نفسي وانا مدري

المشكلة مو هنا
المشكلة ان الجرح عميق شوي مو شخطة سكين

<< دايماً اقول
اناوالسكين مرة مانتفق والله
افتكر حادثة الساطور


المهم مدري كيف جاي دحين

<<جاي ولا رايح

اني مدري كيف ماحسيت فيه

عشان كده قلت دمي زايد

<<زايد ولا مشعل

خلاص امزح والله

ندمت اني طبخت

.
























لطالما كنت اجلب الطاقه الإيجابيه لمن
حولي بس محد يستاهل وفصلت الكيبل