ولدها الوحيد
 

مسائكم الخير
اتابعكم خلف الكواليس كلامكم درر الله يجزاكم كل خير
ذا نجاح منتدى وتعتبروا كااننا من اهلكم
ايه اقول لكم سالفتي انا قبل سنه مخلصه جامعه ويتقدموا لي وماصار نصيب
انا متفائله بالله ربي يرزقني افضل واحسن منه والزواج مسؤوليه مو أي واحد اخذه
اهلي يحبوني اهم يعرفوا الامور زوجيه اكثر مني
قبل الشهر جاء واحد من جماعتنا جامعي ومؤظف ومستوى راقي
اللى افكر فيه واقول لا لانه قالوا لي اسكنى مع امه بما انه وحيدها
حطوا انفسكم مكاني هل توافقوا انا احبها يكون عندى خصوصيات
بما انه امه متواصله معه لها شهور واكثر من سنه واذا كنت حتي مو نصيب ولدها
احبها الانسانه احترام واخلاق تعبريني كاني بنتهاا
بنات خوالي وعماتي قالوا اقطعها انا اعشقها ماراح اقطعها
وبعدين انا رفضت ونفس الوقت اخاف اندم

لا تكوني ذلك الشخص الذي ينطبق عليه المثل ( من اطاع الناس مشى بلا راس ) .

نصيحتي لك سوي اللي يرضي الله ويرضي ضميرك وماعليك من كلام الناس

واذا بينك وبينه نصيب والله لو كل قوى الخير والشر ضدك لن يردعوك عن نصيبك أبداً

بما انه وحيدها لازم تسكنين عندها
وبتكون المسؤولية عظيمة
اذا هو رجل كفء أتكلي على الله
واعتبريها أمك ، صدقيني الكبار ف العمر
بركة ف البيت ، واحتسبي الأجر معها
وقبل كل شي استخيري وربي يكتب لك الخير

اذا هو وحيدها و البيت خالي ما فيه إلا أمه فعادي بتاخذين راحتك ما بيضرك
و أهم شي إنها طيبة و اخلاق و تحبك
و مثل ما قالت ياسمينة الكبار بركة البيت

تتسلون مع بعض وقت ما يكون زوجك في الدوام
و مرررررة هالسبب ما يستدعي ترفضين الولد عشانه

الا لو كنتِ مرة مرة حاسة إنك ما تتقبلين فما حد يجبرك
اعملي اللي يريحك

لكن من وجهة نظري ما اشوف الأمر بيحد من راحتك

الله يتمم لك على خير يا رب

هو وحيدها مالها غيره
وصدقيني راح تكونين سعيده لايأثر عليك كلام الناس
ترى الناس ماتعيش معك لاخالتك ولاعمتك ولاحتى امك
هذا بيكون نصيبك وزوجك وام زوجك هم اهلك
فلاتخلين احد يأثر عليك انتي قرري استخيري
واذا هو طيب مع امه وخلوق اكيد بيكون طيب معك ويحترمك
الرجال الطيب مع اهله وبار فيهم هذا بيخاف الله فيك
وامه اهم شي تكون طيبه معك وتحترمك
وبكره بيكون عندك اولاد مثل ماتتمنين لام زوجك بيكون لك منه نصيب
اعمل خير بتلقى ربي يسر لك امرك