-

-

-

مالي نصيب إلا انت يازين الوصوف
أقسم برب الكون إن مالي سواك

لا تراوغ بالسوالف لا تكثر حلوف
أدري تبيني مثل ما قلبي يباك

من كلامك تبان رعشات الحروف
وأنت شوقك فاضحك الله يهداك

حتى قلبي جاك ما بين الكفوف
يصرخ بنبضه : الله لا يبيّن غلاك

جيتك على النقا أسعى و أطوف
لا ما تبيع إحساس منهو اشتراك

والله إني على شوفك اليوم ملهوف
و الوفا من دنيتي يا هوه ينخاك

قد قلت لك عيني لغيرك ما تروف
غرقان في حبك مد لي كف يمناك

يا يوسفي الجمال يالمهر العسوف
يا كامل الزين محدٍ وصل مستواك

فيني من الحب ما يكفي ، الألوف
لكن قلبي طيرك اللي بعالي سماك

-

-

-



وسلامتكم


-



ملاحظة: القصيدة حصرية لمسك الغلا ولا أحلل نسخها في أي موقع آخر

فيني من الحب ما يكفي ، الألوف
لكن قلبي طيرك اللي بعالي سماك


هالله هالله صح لسانك انا فداهم
دائماً وابداً متألق بكتاباتك
استمر

تحياتي لسموك

..

يا يوسفي الجمال يالمهر العسوف
يا كامل الزين محدٍ وصل مستواك

فيني من الحب ما يكفي ، الألوف
لكن قلبي طيرك اللي بعالي سماك


الله الله قصيدة جزلا
تبارك الله

وصح لسانك تقيم

صح حرررفك والله رهيب

من جد اعجز اعلق كلمات في منتهى الروعة والله
احسني اقرا لشاعر كبير
ودا مقامك شاعر فنان
دمت ودام نبض قلمك
ودي وباقة وردي