ليه احس اليوم بك شيٍّ غريب ؟
‏منت ذاك الّي ينوّر عتمتي ..
‏.
‏بعْد ما عدّيتك لقلبي حبيب
‏ناوي نتفارق وتقتل فرحتي !
‏.
‏طالبك راعي شعوري لا تغيب
‏لا تخليني اضيع بـ وحدتي
‏.
‏مابي بجنبي احسك مو قريب
‏لا توقف ضدّي انت و دنيتي

‏وأنا مثل شوق العطاشا لديم ..
‏وأهيم بك وآهيم ..
‏وإنتي مثل طشّ المطر ..
‏وأنا مثل هالبيد ..
‏مدّي لوصلي إيد ..

ألا ياللي حبس حبي وخلاه برموش العين
يمشيني على كيفه وقلبي من الوله ظامي

الا يا ليت تتركني ولا تسالني ليش و وين
ابي ارحل عن عيونك كفاني غربه اوهامي

وعودك ما توفيها كلامك لي بين وبين
الى وين انا بصبر واشوفك دوم جدامي
حبيبي الوقت ياخذنا ولا عن حالنا دارين
صحيت انا ولقيت الوقت سرقني في احلى ايامي
الا يا ليت تتركني ولا تسالني ليش و وين
ابي ارحل عن عيونك كفاني غربه اوهامي