لو ,, تسأل عيوني يمطر سحاب الملح
لو ,, تلمس شجوني ينبت في قلبي جرح
واشلون اشلون ,,ا شلون انا ارضى الصلح ...
ناظرني يا خلي ,, جرحٍ انا كلي

لو كل نفسٍ تنول اللي بخاطرها
ماشفت في مجمل الغايات متمني

ومالذ من نشوة النفس ومشاعرها
الاّ امتلاك الشفوف اللي على ظني

اتعبت رجلي ، على كثرة امغامرها
وشلّيت مالا يشيله هنّ بن هنّي

ماهي على جرّة اللي في جرايرها
قلايصٍ وين ماتستن تستنّي

من جامل الناس في روحه تصاغرها
لايزعل اليا حقرْه اصغيّر السنّي ..!

لاضاقت الدار باهاليها واكابرها
اقفيت قفّايةٍ ، ماهي بتشحني

واللي تحسب التباهي في مظاهرها
تلقى لها من يطق الطبل ويغنّي

نفسي ، وانا ادرى بخاطرها وخابرها
ماتقبل اجمالة اللي يلحق المنّي