الله أكبر... أثر الأيام دواره وشلون الأحباب تنسى حبايبها !! ماهي طبايعك تنسى الخل واخباره هذي الطبايع جديده من وين جايبها ؟ ترى القطاعة اثم والوصل كفاره كفر عن ذنوبك اللي كنت مذنبها !! |
ما فيه كسر إلا لقاله جبيره مير البلا وش يجبر كسور الأحلام ! |
الجرح هين . . ولو طال المدى يبرى أصعب من الجرح ، لا ماتت مشاعرنا |
ياظروف الحياة وياحياة الظروف ما نصلِي صلاة الاّ ونسجد سهو |
ماعاد تجمعنا مواعيد الايام ولا عاد تجمعنا دروب المحبين |
ﺳﻠﻤﻮﻟﻲ على اﻟﻠﻲ ماﺗﺸﻮفه ﻋﻴﻮﻧﻲ ﻓﺮﺣﺔ القلب ﻋﻨﺪﻱ ﻳﻮﻡ طيفه تهيا.. |
ماخدمك الحظ والخافي إنكشف صج على النيات قالو ترزقون ؟ شفت ربك كيف جابتني الصدف غافل وشفتك أنا بعيني تخون خنتني مبروك يعني شخلتف ؟ هذي الدنيا وهذا الكون كون تحسب إن قلبي من الصدمه وقف ماتأثر بس عرفتك من تكون |
عرفت ان العمر كلّه ليال قصار معك والا بدونك كلّها تمضي .. |
. أنا معك لو الليالي تستدير إن ضحكت أنا معك وإن ضاقت عليك أنا معك.. . |
ً ً " أحب فيك العطف واللطف واللين وأحب فيك رضاك عقب زعلاتك وأحب هاك الجيد بين الجديلين وأحب ما تخفيه طرقة غطاتك " ِ |
مات الغلا مالك علينا مشاريه (حبك رماد و شـبـته مستحيله ) |
. ضاقت الدنيا ولا عندي كلام ياكبرها ضيقة القلب الكتوم . . |
انت في دنيا العنا والابتلاء احتسب واصبر لتطهير الذنوب خاطرة لحظية |
،. يا ربّ : والعمر انتظار! وأحلام وآلام وقلق محتاج بهجة وانتصار وصبحٍ بـعمري ينفلق !! |
النفس ماهي من الزلات معصومه يالله .. بذكرٍ عقب مـوتي .. يجملني الـواحد يعيش مايدري متى يـومـه أي واحد أخطيت في حقه يحللني ! |
ياهيه كانك ماتبي الناس توذيك قس المسافه بين مزحك وجدك بيض السجايا للمعالي توديك وسود النوايا للمذله .. تردك ' |
لاشفت وقتك صاير فيه مافيه إصبر على المقسوم خيره وشره ترى الدهر ماهو بورعك تربيه مهما حصل من برده وحره وإن شفت حظك منسدح لاتوعيه يقوم من نومه وينحاش مره خله بنومه لاواطلب الله يشافيه يمكن يحصلله علاج يسره |
اساير زماني واتماشى على ممشاه لو ان النفوس احيان ماهيب مقتنعه |
كنت لك مثل المواني ~ أنطرك ______________ لين طاحت من عيوني الباخره لا تظن أبكي عليك وأخسرك ______________ إللي مثلك ( لازم ) إني أخسره يا القليل الباقي طاحوا أكثرك ! ______________ في بحر - دمع العيون - الطاهره أبقى أكبر شخص مر ب ناظرك ______________ وتبقى أصغر <~ من نويت أكبّره |
انا الغريب وانا المسافر وانا العائد وانا المستمر مع نفسي حتى النهاية |
مرحبا بالطاري اللي في خيالي جابك مرحبا يا أعز من يستاهل الترحيبه |
دنيــا غريبـــه والبشــر مثلــها أغــراب لــو هــي صفتــلك ما صفــولك بشــرها ! |
كل حبٍ غير حبّك ينكشف لي زيفه وكل طيفٍ غير طيفك مايهزّ إحساسي |
تنفتح بيبان الأرزاق ، بالصبر الجميل من لقى مفتاح بابه " عسى الله يرزقه " يقنع الأنسان باللي يحوشه ، من حصيل شي فيه من العبادة ، وشي من الثقه دايم الطماع / مهّوب يقنع بالقليل ما يخلي شي " بكريك والا ملعقه " القناعه كنز ، ماله على الدنيا مثيل ودك أنه من نصيبك / لو أنك تسرقه |
خلك مثل رش المطر تشرح البال لاهلت مزونه تسر الخواطر .. |
الفرق بين الناس ماهو فالألقاب الفرق في تقوى القلوب وندمها آالناس في الدنيا تفاخر بالأنساب ووجودها في الدين يشبه عدمها |
عساه يشوفني في حلمه الليله ويجيني بالحيل مشتاق وملهوف |
قبل لاتزيّن صورتك في عيون الناس مع الي فطر سبع السماوات زينها .. |
الطواري كل يومٍ تجيبك و الطيوف والمشاعر في غيابك مراضى و اتعبا |
, ; بعض المواقف تجي وتروح ما تبقى وبعض المواقف صادها بالعمر باقي يا صاحبي معي لا تتعب ولا تشقى يتبدل الوقت وأخلاقي هي أخلاقي إن جيت إرحب وإذا ما جيتني تبقى إنت أكثر إنسان عزيته من أعماقي ; , |
اختلاف الراي بين اثنين ما يفسد قضيه طالما ان المحترم يفرض على الناس احترامه |
مادام قلبي يا اريَّش العَين مِغليك أطلب و لك روحيّ ومَا في يديني |
العقل و التجربه نعمه و ستره نجاه و القل قل الثقه و الضعف ضعف العزوم سلم على اللي ما يدرون العرب وش وراه الا لاجات العلوم اللي عليها العلوم و ابعد من اللي يحاول يلفت الانتباه مثل ما تبعد من اللي ما يسد اللزوم |
ياما من اجلك انتظر ومن الصبر مل الصبر |
إلا المذلة والمكابر وشوفة النفس أبيعك وأبيع ذكراك وعشرتك معها. |
تعال ... و خذ من أوراقي قصايد كلها تذكار , .......... تدفي ليلك البارد , إذا ضيعت |عنواني ! حياتي صرت أدونها على بيض الورق أشعار ......... جمعت أعذب قصايدها و صار - الهم ديواني ! |
عطني من يدين الوصل حدّ الإشباع الوصل نعمة والقطاعة مجاعه |
أتصنع وسعة البال في وجه الظروف وجهٍ اضحك له محبه ووجه اجامله |
اعاتب الوقت بس الوقت وش ذنبه الذنب ذنب القلوب وطبعها القاسي |
ياليتهم عن ضيقة الفقد يدرون ودروبهم وشلون دايم نجيها من كثر ماصاروا على البال يطرون حتى خطاياهم ولهنا عليها |
الساعة الآن 10:11 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا