أي والله أشتقتلك يا أصح زلاتي
شوق حسدهم على ملقاك زوارك
غبار الامال يعمي و الهوى عاتي
جفت غصون المحبه ترجي أمطارك
لولاك ما أبيضت من الياس راياتي
ولا أحترق كبر نفسي في لهب نارك
المشكله إني رغم جرحي وصدماتي
لو رد فيني الزمن بـ أرد وأختارك ..
واضح على لهفتي واضح على أبياتي
واضح بعيني كثر ما أحاول انكارك
و ياكثر ما امسح و لا أرسلها رسالاتي
كل ما يزل الوله وأكتب وشخبارك؟
تمر الايام وانت الماضي الآتي
لليوم تملي سراير قلبي أسرارك
كنت أنت الالوان في لوحه طموحاتي
أما أنا كنت دايم خارج إطارك
هجرتني عن هوى موطن حكاياتي
يمكني انساك لا فارقت تذكارك
بروح أدور بعيييد هناك ، ضحكاتي
يمكن حبست أختياري داخل أسوارك
على يمينك أنا لا احتجت وقفاتي
حتى لو أنه تحاشى قدري يسارك
مهما تبدل على هالارض دوراتي
تأكد أنك عزيز و غيير مقدارك .