‏مستعصي الخوف يْتركّى حناياي
ومقيّد الراحة بـ عقلة ركابه !
وجدران ذاكرتي تبروز خطاياي
للمرتحل بالصمت ينعى شبابه

من هو انا لو كان هالليل منفاي؟
خليط بين المغترب والغرابة ؟
من هو انا لو كانت انفاسي الناي؟
والحيرة تهشّم ضلوع الصلابة ؟

‏صاحبك من رحت بـ عيونه كلام
لا تخلّيه . . أسأله لو ماشكى ،

له " ثلاث أياام " مو قادر ينام
لو تقول شفيك متضايق؟ بكى

.

بكره يمّر أحلىٰ من اللي نويناه
‏بكره تزين بعون ربّي و تمضي .

.

على سبيل التمني جعل حظي يجيب
لي حاجة في ضميري حيل ودي بها ..

‏عجزت اجاري شتا عمري وطول الليال ..
افراحي : شكوك ، واحزان الليالي : يقين .

ما ضل في البال غير ان الاماني محال ..
مرهق ، و الاحلام تستعصي على المرهقين .. !