في ملمح الصبح
نبضك
كلّك
إحساسك
رنين الشوق في كاسك
بعض ناسك
نشيد الأرض
لا غنى النهار
وشارك أنفاسك!

"وإذا يعني رحلت وتاه قلبي وأقفوا الجلاس ؟
‏وطاح الليل في كبد العصر والشوق ولعني ؟

‏عسى تلحقني الشرهه مصير الدمع للقرطاس
‏يبللّ بيت فرقاه وأغني له .. ويوجعني !

‏تداعيت المزوح وكانت أيامي تحد اليأس
‏بعد كنت اليقين اللي يدين الشك تقطعني !

أمر الذكريات اللي تمر الخاطر الحسّاس
تبدد كل وقفة كبرياء .. كانت تجمّعني !

تهادى ياسجين البال زعفر دلّة الهوجاس
وحرر قيد تمتمتي .. وقنّد حزني المعني

عرفته قبل ما الغطوه يلاعبها هوى النسناس
وقبل مايكتب .. الخوف وجهاته تروعني !

وكثر مايلعن الشاعر ضياعه بين جمع الناس
وكثر مانادت أمي فـ المسافه لا تضيعني !

حسافه ليه تسري بي وأنا تخنقني الأنفاس ؟
‏وتتركني رهينة صمت والذكرى تنازعني ؟

‏أقل اللي تمنيته تسيّل مهجة الوسواس
‏أو أنك قبل ماترحل أقل حاجة توادعني

‏وإذا يعني رحلت وتاه قلبي وإنطفى نبراس ؟
‏ مصير الليل يتشرّه على كلمة "وإذا يعني".

ماشاء الله ي لذيذ ي رايق صح لسانك






مرّيت بك وانا ارتباكي: ثبوتي
مثل السحاب اللي يزور الصباحات!

يحتاج يمطر بالتراحيب صوتي
وهيبة هدوءك خيّمت ع الممرات..

في قهوتك معنى ملاذي وقوتي
ما بحت لك.. واسبوعنا لاوّلي فات!