...
وش خانة الاحياء بدون احساس
ووش خانة الاحباب لا صدو
..
وش خانة الدنيا بليا ناس
وش خانة الجدران لا شدو
..
قلب المفارق يشبه القرطاس
يمزقه دمعي إذا ندو
..
وش عاد لو صدر الوله ينداس
ضامي ورجل الخيل ما هدو
..
شف لاهب الضيقه مع الانفاس
ما كنه إلا حزني إن لدو
..
من غطرستهم دندنة الاجراس
حتى الطريق المستوي سدو
..
بنيت من عمري قواعد ساس
واللي بنيته في دهر .. هدو
..
يا صدري المتضايق المحتاس
بيدينهم قلب الفرح قدو
..
وفي عيني الدمعه بريق الماس
رديتها لا شفتهم ردو
..
بين العقل وجنونك الوسواس
والعزله تكفيك لرتدو
..
في ذالزمان اهل الوفا تنقاس
بالمختصر يا عين ينعدو
..
وحيد لو إن حولي الجلاس
مرخيت سمعي كانهم شدو
..
لو ذاقت الشفه مرار الكاس
يمدي يحسو غير ما كدو
..
على دروبك ياللقا حراس
مديت جسر الوصل ما مدو
...
قلم .: هايم
غمزه على جنب لعيونكم .. يا حبني لكم
اشتقت لكم يا بني سويده
...