العفو

كبداية انا اعتقد انه خانك التعبير في الجملة دي ..

اما بالنسبة للطرح

مش عارف
بس النجاح كمصطلح بحسه اكبر من نفسه
هدفنا من الحياة مش النجاح عامة

مش عارف هتوصلك وجهة نظري ولا ايه
ولكن كل فعل بيمثل قيمة فعلية لحياتك انت بتقوم بيه
لانه المفروض شئ صح .. مش لانه شئ هيجعلك ناجح

تراكمات الافعال دي في الاخر بتخلق مصطلح اسمه النجاح ..
انت مش بتعمل عشان تنجح ...
انت بتعمل في الاول لان ده المنطق من وجودك
أنك تستغل المنطق ... أنك تكون متميز عن الباقين
فده كريديت من الدنيا ليك ..
بس مش معني انه غيرك ماوصلش ومابقاش شخص صيته واسع في المجتمع
انه فشل .. هو فقط اختار طريق ابسط منك .. ولائم طبيعته وشخصيته ..

بالتالي ما يمثل النجاح نسبي من شخص للتاني
والشعور بيه نسبي برضه من شخص للتاني
و بيرجع لجدول الاولويات الخاص بكل واحد ...
والاولويات بتتحدد طبقا للمرجعية التربوية لكل شخص ..

بمعني اعتقد ان النجاح الاسري المفروض يكون
علي سلم اولويات اي شخص سوي ...
ثم يليه اي شئ تاني .. او تقدر تقول بينتج عنه اي شئ تاني
النجاح الاسري يعتبر الركيزة الاساسية للبناء الشخصي والكلي ..

انا من رأيي انك صعب تحافظ علي التوازن في حياتك
او تعتبره هدف ..ودي اكبر اكذوبة ممكن تقنع نفسك بيها ..

ولكن الأقرب انك تستطيع انك تجذب الناس انها توازنك
الناس متمثلة في الدايرة المحيطة بيك ...
النجاح انك تقدر تبنيها صح وتحافظ عليها..

النجاح انك تستثمر في الناس بشكل ما
فالناس ترد استثمارك فيهم ليك ...

صحيح انك طبيعي لازم تستثمر في نفسك
بس استثمارك في نفسك دي حاجة طبيعية
أنت في الاول والآخر لنفسك ..
ماتقدرش تحته من رأيي تحت مسمي الانجاز والنجاح ..
اما انك تكون قادر تكون وسط الناس بشكل ما
فده لنفسك ولربك وللناس ..

من الاخر يعني
النجاح بالنسبة ليا وسيلة في الحياة
مش هدف منها ..