11-21-23, 07:20 AM
| #121 | ||||||||||||||
  
|  بسم الله الرحمن الرحيم السسلام عليكم ورحمة الله وبركاته صباح / مساء ( الغزل ) والجمال  اسمحوا لي نبتدي الصفحة هذي بغزل أقول مرتجلا عذبة الروح والاحساس والعشره أطيب من الشهد وأحلى من السكر لا مشت قدم عيني جاتني سكره من حلاها كذا تمشي وتتبطر   شاعر العرب | ||||||||||||||
 |
|
11-22-23, 07:26 AM
| #122 | ||||||||||||||
| بسم الله الرحمن الرحيم السلام عليكم ورحمة الله وبركاته وصباح الخير ومساء الورد بكل توقيت تشاهد في الحقيقة من أعجب مايمكن مشاهدته وعدم استيعابه ماسوف أقول الان  أقول مرتجلا  قالت ابيك تكون لي كـل الأحلام .......... .......... قلت ابشري باكون لك حلم واقع قالت أبيك تقول لي شعر وافلام .......... .......... قـلـت ابـشـري والله كـل المواقع لكـن وش اللي غير الحب مادام .......... .......... هـب الـبـراد وصـار بالوصل صاقع الحـب يـتـغير معي عام من عام .......... .......... كـنه علـى شبــك الخيانات ناقع  شاعر العرب | ||||||||||||||
| |
|
11-23-23, 07:37 AM
| #123 | ||||||||||||||
| بسم الله الرحمن الرحيم السلام عليكم وصباحكم حب ومساكم ذوق  في الحقيقة أصعب ما يمكن قوله شي اتذكره من الماضي فأحن له هنا ينتج لي شعر وعزف .. هذه مغامره فلا أعلم قد يتم حذف العزف لهذا عاد كلٍ ونصيبه  حرر الرابط من قبل المراقب العام أقولُ مرتجلاً  ياعيون المدامع في مدى الذكريات ماقويت المواجع تحت بنج التناسي كيف اشوف الليالي في الممات الحياة كل ماضٍ طويته بين فرح ومآسي ينبت الشوك بذرة ورد عذب الصفات مثل ما تنبت الدنيا الرحيم المواسي  شاعر العرب | ||||||||||||||
|
التعديل الأخير تم بواسطة عطاء دائم ; 11-23-23 الساعة 08:56 AM |
|
11-23-23, 04:08 PM
| #124 | ||||||||||||||
| في الحقيقة شهادة شاعر بحجم سهيل يجعلني اتبختر كيف لا وانا في كل مره أقول هو استاذ شاعر العرب وفي الحقيقة سهيل يكاد يكون أقوى شاعر موجود في عالم المواقع وعنده قدره انه يبارز وينتصر ولكن اعرفه هو شخص له صندوقه الخاص لهذا سهيل من الاول للان هو شخص مؤثر ل شاعر العرب وغيره وشاعريا .. كلنا وبدون قصور بأحد بكوكب وسهيل لوحده بفلك نص جروح شاعر من ديوان الفرزدق الكلمات والشيله ويارب ماتنحذف  حرر الرابط من قبل المراقب العام مـافـيـه اصــعــب مــــن دمــــوع المـحـبـيـن تـــنـــزل ونـتـكــابــر ولاحــــــدن مـسـحــهــا الــــروح تـبـكــي والــقــدر كــــان سـكـيــن جـــــــــرَّح مـحــبــتــنــا وتـــــالـــي ذبـــحـــهــا وأنـــا بـــري حـالــي مــــن الــوقــت يــازيــن لا طـــابـــت الأيـــــــام تــخــفـــي جــرحــهـــا وأنـــا الـــذي مـــا تـحـمــل فــــراق غـالـيــن والــغــالـــي أبـــــــواب الـقـطـيــعــة فـتــحــهــا والنفس ذي حبت على العرف والدين فــــي لـيـلـهـا مــاتــت وغــابـــت صـبـحـهــا هــــذي حـقـيـقــة والـنـهـايــة عــلـــى ويـــــن مــثــل الـعـروســة تــمـــوت لـيــلــة فـرحــهــا يــــا مـشـعــل الـنـيــران فـالـقـلـب والـعــيــن ارحـــم دمـوعــي يـــوم هــجــرك سـفـحـهـا وتــذكـــر أيــامـــي مــــــع الــيــســر والــلــيــن وجـروحـك الـلـي كــم حبيـبـك دمحـهـا مـازلـت أكـابـر واخـفـي الـجـرح للحـيـن والــدمــع مــــن عـيـنــي تــجــرا وفـضـحـهـا الله وكـــيـــلـك حـــبـــنـــا مـــعـــركـــة بــــيــــن واحـــــد جـمـعـهــا قـــــام ثـــانـــي طــرحــهــا وقــد عـظــم الله اجـــر كـــل المسـاكـيـن الـلــي خــســر أحــــلام مــــا قــــد ربـحـهــا الــلـــي مـــــن أشـــواقــه تــفــجــر بــراكــيــن وبــــيّــــن بــأشـــعـــاره حــــرارة قـــدحـــهـــا أنـــــا مــثـــل طــفـــلٍ يـعــانـي مــن سـنــيــن وعـنـده مـشـاعـر مـيــر يـصـعـب شـرحـهـا والــشــوق رغــــم الـبــعــد حـــــده بـنــاريــن اسـتـفـحـلـت بــيـــن الــضــلــوع ولـفـحــهــا وشوفتـك مـن بعـد الهـنـا يـاريـش العـيـن صــــــارت تـخـوفــنــي وتــقــبــل شـبــحــهــا هــذا وأنـــا الـلــي اقـســم الـخـبـز نـصـيـن مـــــا بـيـنــنــا والــــــروح مـــاتـــت ضـبـحــهــا غــرقــتــنـــي ويـــاك بـــيـــن الــمــيـــاديـــن وأقــــــاوم الأهـــــــات ومــحــدٍ سـبــحــهــا مـازلــت متـعـجـب مـــن الــزيــن والـشـيــن ومــــن قـــوة الـظــالـم شــعــوره كـبـحـهــا بــــا عـلـمــك أقــصــى دروس المـجـانـيـن نــــــاسٍ لـــهـــا الأحــزان قــمــة مــرحـهــا اكـتــب لـــك أشـعــاري وألــــف دواويــــن وأضحـك علـى شاعـر جروحـه مدحهـا وسسلامتكم  شاعر العرب | ||||||||||||||
|
التعديل الأخير تم بواسطة مسكك الغلا ; 11-23-23 الساعة 08:02 PM
سبب آخر: حذف رابط يحتوي على موسبقى وذلك مخالف
|
|
11-23-23, 07:47 PM
| #125 | ||||||||||||||
| بسم الله الرحمن الرحيم السلام عليكم اعزائي الكرام ومساكم وصباحكم شعر في أول وهله اجتماع لادارة المنتدى بمدونتي شرف وانا لمن شفتهم صابني نوع من الهبوط  لكن حبيت ألطف الجو واقول شعر في الياسمين والعنقاء وعطاء دايم ومدري هذا بيتعبر كمان مخالف والا لا بس تروني شاعر  وقبل لا ابدأ الاداره تحترم وتقدر على مجهودها واختنا عطاء دائم لها الحق انها تعمل ما بدت بمدونتي اذا كنت اخطأت ولها كامل الاحترام والتقدير  أقول مرتجلا اجتمعنا أربعتنا في سطور والحقيقه ما تقللها العتب والله ان الياسمين اللي تدور في دواويني وتقراني طرب ان بدت مثل اللبانه في البخور كل مافاحت تزودني لهب لكن اللي ما تبادلني شعور هذي العنقاء بحدود الهدب كل مامرت بديواني عطور ضخ من جنباتها أحلى مهب كنها نسناس من سبع البحور في رطوبتها معاناة وشجب والعطاء الدائم احساس وحضور كنها سيفين بعيون السبب ماتجاملني وتحسبني غرور وانا شاعر اكتب اشعار وأدب شاعرك مايفهم احساس الفتور اسألو اسهيل عني والشغب كل ماغنيت لحساسي تفور المشاعر كنها تشكي العجب أنا لا أخشى مواجهة النمور دامني ما أمشي في درب العطب كل مامديت للمعنى جسور قالوا اني شاعر وشاعر عرب وسلامتكم  شاعر العرب | ||||||||||||||
| |
|
11-24-23, 10:17 AM
| #126 | ||||||||||||||
| بسم الله الرحمن الرحيم السلام عليكم ورحمة الله وبركاته صباح ومساء الورد على احلى متابعين اعضاء وزوار قالوا ان بالموسيقى فتنه اجل وشلون بفتنة غلطانه تتصل وتبدأ العتاب وهي غلطانه .. وتقاطعك وهي غلطانه وحظها الاقشر انها طاحت بيدين شاعر قلت مرتجلا قالت ألو وينك ترى ما تحملك قلت اهدئي قالت ترى حيل قاسي قلت اصبري قالت أنا ما اجاملك قلت اعتذر قالت ترى مل ياسي انا احبك حبك ياشيخ انا هلك قلت البقى لكن انا ماني ناسي غلطانه يابنت الاجاويد أنا إلك لكن انا ماني هذاك المواسي انا رجل عايش بكوكب ولي فلك ادور بافلاكي واعرف لمقاسي لكن هذاك اللي تخطاك واشغلك مايفهم ان الحب بالصوت راسي ان كان مافيها زعل با أغازلك ياحلى صباح الخير واحلى التماسي صوتك شبك في داخلي سلك من سلك  واهداني حنيته واحتل راسي  وسلامتكم شاعر العرب | ||||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2482Likes
