11-22-22, 11:46 PM
| #13 | |||||||||||||
 
| 
ومن وحي الصّورة : تعبــــت أزرع سطـــور النّور في ليلك عشان أقراك تعبــــت أقــرا حصــاد النّور وإحساس السّما مطفي وعلــى كثـــر التّعـــب لكــن عــرفت انّ الصّبر فتّاك وعـــرفت أنّي رغـــم ذلــك أتيــت بمُنتهـــى لطفــي كثــــر مــا العالــم استــوحش بصمتك وانتّه بمنفاك عرفــــت انّــي أنـــا الّلي كنت في عزّ الصّخب منفي أنا الّلي كـــلّ ماهـــدّوا... بنيـــت بخــــافك مِدْمَـــاك وأنا الّلي كــلّ مـــا عاثـــوا بك المعنى تجــي حرفي وانا الّلي من خَطَاك العذر سقته بسْ عشان رضـاك وعلــى كثـر الخَطا منّـك وعــذري/ زاد بــك ضعفي عليـــك الله سلامــي كـلْ مـــا غـــرّد علــى الشّبــاك طيـــورٍ تحتــري معـــك الصّبـــاح الباهـت المجـفي وعليك الله سلامــي كــــلْ ، مالـــوّح بعيــــد اهنــاك شعــــورٍ واقــــفٍ عيّــــا يتعـــــدّى ظلّـــه المقفـــي / وهــج في رائعتها حصاد النور  | |||||||||||||
 |
|
11-23-22, 04:46 PM
| #14 | |||||||||||||
|
يا ما هقيت رائعة المتألق أنا فداهم قصيدة لايعلى عليها تباشروا في طيحتي قبل مااطيح وابشرك طاحوا قبل من عيوني فيني من أطباع الوجيه المفاليح اتعب ولا ترخي الصعايب متوني وفيني من احساس القلوب المجاريح ياما هقيت وياما خابت ظنوني لا تعتقد بجلس اناديك وأصيح ارحل وعيش ايام عمرك بدوني ماكان دمع اللي من عيوني يطيح هذيك كانت طيحتك من عيوني | |||||||||||||
| |
|
11-25-22, 11:44 PM
| #15 | |||||||||||||
|
*وقفة!! تعال .. نفلسف المعنى تعال ..* نأطّر الكلمات في قالب / من الدهشه تعال نسمّع العالم تناقضنا تشابهنا تعال .. نبدّد الوحشه انا..؟ انا يا سيّد احبابي انا مشتاق للرّعشه ! * حزّة غروب دوزني للشمس ..... حزّه للغروب وعلّمي هذا الفلك....... "يتأمّلك" واتركي يالضّي ... للّيل الدروب خايفٍ ذا الليل ......من ليلٍ حَلَك علّك إن تهتي وذا هاجس كذوب كان ضاق الكون "بك" يستقبلك وكان مرّيتي على بعض القلوب يرتبك نبضٍ / ........ونبضْ يقبّلك وكل شفّه قبّلت ريقك ... تذوب ظالمه قالت .....: وقالت معدلك والله إنّك حلم وانفاسك هبوب قولِ لي بالله .. كييييف آحلّلك تزدحم هالارض لو كانت رحوب من خُطاك تقول انا فوقي مَلك والبيان اللي على ثغرك لعوب كل شيٍ فيه سحر ..... إتمثّلك نجمةٍ ..... عيّا الخيال إلّا تجوب الفضا ) يا واقعي هذي فَلك إيه يالعاشق متى يمكن تتوب نظرةٍ منها .. تجي في مقتلك ولّا انا .. ما عاد لي منها هروب وان سألكْ الناس : قل فيها هَلَك! * *نداء! تعال تعال .. نجنّن "الساكن" من الأحرف نجبّر خاطر "الكسرة" "ونفتح" باب للآسف تعال تعال .. نواسي "الضمّه" انا اللي كاره / الظّلْمه تعال .. ازرع انامل كفّي وكفّك سنابل قمح "للأمّه" يتيم .. ينادي عيونك تعالي .. ذكّريه "أمّه" * *إمتزاج! بعد فاض الصبر .. بجروحنا الدّسمه تعال اقطف تلفّاتي .. صور واحساس ما مثله مثل ما تقطف البسمه .. من عيون الزعل يا نافذ بصدري . / مثل نسمه تعال ../ ورد له قسمه انا .. وش كنت اقول!! الله وكيلك .. والخطأ مرجوع أقول .. إلّا تعال/ي شاركيه اسمه * عتيم في رائعته تعالي | |||||||||||||
| |
|
11-25-22, 11:47 PM
| #16 | |||||||||||||
|
صعـــب جــدًّا تكون بداخل الصّمت انتفاضة بال سهــل جـــدًّا تكون البـــال لا صار الحكي معهود أنــا مــا أحـــبّ أحايلني علـى المعنى كذا واحتـال أنــا أحــــبّ الشّعــــور الّلــي يفلسفني بـلا مجهود وأشوف انّي غديت أثقل من الذّكرى على الإطلال على صدر الـورق ، وأثقل من الدمعة على المفقود ألا ليتــه دعـــانـي غيمــةٍ ، وإحســـاسهــا همّـــال حرام يمـــوت كـــلّ البوح في صدري وأنا موجود متـــى ودّي أحـــرّرني مــــن الصّمتِ ابتسـامة فال ؟ وأنـــا السّــاهي مــَعَ نفسـي، وباب السّالفة مردود ! صعــب جـــدًّا أعــــاتبني ؛عشـــان أقـراني بإهمـال وأنـــا فــي داخلــي كــلّ الحكي مُهمل بدون وعــود صعــب جــدًّا أكــون إنسان واحـد فــي كثير أحوال أنــا إنســان يــا كثري ومــن كثـــري علــيّ أجـــود متـــى ودّي أكـــون بـــداخل السّـرب وعلى المنوال ؟ وأنـــا خـــارج محيــط السّـرب أسابق ظلّي الممدود ! وحيـــد بمعمعــة ذاتـــي أدوّر للـــوصال ، وصــــال غريــــبٍ لــــو تبنّتني حـــدود الأرض دون حـــدود أنـــا مـــن قبـــل مـــا أنــذرني لعيـــن البارحة موّال أَخَبْر انّ المطـــر وحــــده يقاسمني لحــــون العــــود وأَخَبْـــر انّ العطــــش كــــذبة تقاسَمْهَا عنا التّرحال وعرفـــت انّ السّراب أصدق من الكذّبة بدون شهود / وَهَــج في تحفتها الشعرية إنتفاضة بال هالشاعرة ثورة شعرية | |||||||||||||
| |
|
11-25-22, 11:50 PM
| #17 | |||||||||||||
|
نختم جولتنا الشعرية هالمســاء برائعة المتألق أنا فداهم وحيد رميت صوتي في بير الشعر مثل حجرَّه .....من ضيق بال و هفا صمتي وراه و غدى وحيد واللي بقى لي في الحياة شعرَّه ......لو تنقطع ما علي شرهة ولا لي جدى وحيد ما عندي اللي أكسبه و أخسره ......ولا لي حبايب ولا تفرق لو إن لي عِدى ما عندي إلا الرجا عساي بس أذخره .......والخوف يشعب ضلوعي وإن فقدني هفى ما أظن أحد ذنب تقصيري معاه إغفره .......يا عنكِ يا شيٍ بصدري لا شفت الردى ما يامن الشمس من قيَّل بغصن شجره ........مغروسةٍ كنها حربا بصــدر المــدى وما يامن الدمع من دمعه إلمحته مره ..........صدْ يحبسها ولكن طاحت وما مدى وما يامن الوحدة اللي أصدقاه إعشره ..........يركض وراهم وإليا من غاب ماله صدى واللي تربى غلاه بخافقي وأنكره ...........لو ما ذكرني تراه بحِلْ وأنا فدى محمودة الجمرة اللي شبت المبخره ...........حتى لو تموت ما ينقال راحت سدى والغيم لو كل قاع يمرْ فيه أمطره ..........ما يلحق الورده اللي في وجنها ندى والعشق لو ما يطول الرجل من ثمره ..........يكفيه يتذكر إليا من ضاق لين يهدَى ولا ينكر العشق غير اللي ما جاب اخبره ................رجلٍ ليا مرَّه يمر بخوف وإلا عدى والقلب نطفه يابو قلبٍ تقول حجره ..........وإن كانه أبطى ما حنْ أنشهد إنه غدى | |||||||||||||
| |
|
12-14-22, 06:33 PM
| #18 | |||||||||||||
|
برواز .. ! رائعة المتألق عتيم من المدونة لم تنشر بموضوع مستقل ... تخيّلت الطريق اللي يودّيني لمدري وين يرجّعني إلى أوّل حُبْ : قهويته : شراييني تخيّلته وانا ساهي" حزين " وضيقتي هروين أشد من الرفيق اللي على الضيقه مخاويني خيالٍ ما يجيب إلّا الجروح اللي على السكين ...... وليلٍ ذكرياته تلعن ام الدمع في عيني حزين :إلّا حزين:من أوّل :وهالحين : ولبعدين لك الله حزني أوفا من حلف لي من محبّيني خيالٍ جاب لي طاري عبادي : واغنية تدرين وادري بنفترق : لو ما اتّفقنا انّك تخلّيني قصيدٍ ما وراه إلّا التعب : والعالم الغاويين وقاف يفلسف اوزانه على وينك وانا ويني شعورك يالطريق الي اعرفك طيّب مسكين شعوري قبل اضيّع سكّتك وانسى عناويني طلبتك قفل المشهد : قبل يسقط جدار الطين وقبل لا الصورة الأولى على المقفي تودّيني | |||||||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
135Likes
