مر السحاب وزاد في قلبي الشوق
يمشي على هونه و تلعب مزونه
يا مرحبا بالبارق ٠٠ ألّي لمع فوق
يا سعد حضه من تشوفه عيونه
يفرح بغيمه كل عاشق و معشوق
والروض وأشجاره و زهره و لونه
حب المطر في داخل القلب مخلوق
خصاً ليا هل المطر ٠٠ في سكونه

الوسم

بدأ مشواري اللي كنت أرتب له ثلاث شهور
دعوني وسمحوا لي بس لين الله يزينها
احب ابعد ليا من الفكر قامت رحاه اتدور
ما احب اجلس مع العالم وفكري شارد عنها
كتبت احساسي المسجور فوق اكتابي المسطور
و فضلت الحيادية برغم اني ما واطنها
ما تغرینی عروض المال لو المال يلعب دور
و لا تغريني أصوات الغنادير و مفاتنها
انا اكثر شي يغريني شعار البيرق المنشور
ليامني ذكرت الجنة الخضراء و خازنها
هواجيس القصيد العذب ما تقلط على الميسور
اقلطها على اسمان المعاني و اعتذر منها

الشاعر: فالح ابو عضيدة

لأجل الغلا نطوي البيدا ونقطعها
مشاعر الحب لاعنت تعنيني
لا قلت لبيه من ثغرك وأنا اسمعها
نسيت بعد المسافة بينك وبيني
يا عشقه الروح يا خيره مطامعها
شوفتك عن باقي الدنيا تكفيني
محبتك من ثلاث سنين زارعها
في شهر سبعه سنة خمسه وتسعيني
وداعه منك وأنت اللي مودعها
تجري مع دم قلبي في شراييني
النفس تامر وأنا ماني بطايعها
الله عن النقد والمنقود يحميني
لو أن كبدي هجير الشوق لا يعها
أمر عطشان والشيمة تعديني
أم الدلع في ذرى شيخ مدلعها
زيزوم قوم علي الشدات قاسيني
شيخ ليا كبرت القاله يسنعها
ما هي بشيخة ختم وإلا ملاييني

الشاعر: سلطان الهاجري