 |  | |  |
| يا جماعه، الدنيا سوداء بعيني، صدمات، قلق، تفكير زائد، اكتئاب، صعوبه اتخاذ القرار، حساسه وام دميعه اي شي يبكيني، شخصية صفر، سهوله تحكم الناس بي، كل حاجه ممله وتافهه بدنيتي، ماعندي إقبال على الحياة، عايشه بقوقعه، افضل اكون وحدي بدون صديقات عن القيل و القال، عايشه بس بعالم النت والتكنلوجيا، اريد اشتغل، عندي امنيات واحلام، كمية كآبه بحياتي اريد ارجع طبيعيه بقواعد حياتيه جديده، اريد اعيش حياتي صح طبيعيه بدون خطايا وخطيئة، اريد الايجابيه بحياتي مو لاقيتها كله هموم وشكاوي ومشاكل، حتى شكلي شكل وحده عجوز حالات سوداء شعر مهمل، تجاعيد وكل المصايب، عقلي تعطل ماعاد يفكر ويخطط بس بحدود يومه هذا اذا خططت وكل خططي تافهه وسطحيه، تفكير بالموت يوميا، ماعندي التزام باي شي ولا امسك مسوليه مالي نفس، جسمي خامل ماودي اتحرك واي حركه تتعبني، دوم ابكي على نفسي، غيري تقدم ووصل فوق فوق وانا تحت تحت من أسوأ لأسوأ، افكر اسوي الغلط والفضيحه بس لاجل يتغير شي بحياتي، اغار من بعض الناس حياتها حلوه وحصلو الي انا ابغاه بس انا مازلت كله من ربي خير، اريد اقرا القرآن، اريد اكون بنت صالحه ما اقدر، اشياء اسويها افتشل اطرحها هنا المهم هي معاصي بنت خالتي تدري وتنصحني بس تكون ردودي غريبه ان لو ما سويت هالمعاصي شلون بعرف العالم وتفكيرها وطباعها
: انا مو طبيعيه نصيحه منكم وافكاركم قد تساعدني لو الشي اليسير: | |
 | |  |
..
شوفي عزيزتي
انتي تحتاجين روتين منظم لحياتك
حاولي تشوفين لك دوام سواء وظيفه او دراسه
راح يساعدك الدوام جدا اسألي مجرب حتى نفسيتك راح تتحسن
وما يمنع تروحين طبيب نفسي حتى لو علاج سلوكي بدون أدويه حتى
الفراغ هو يقتل كل شي جميل اشغلي وقتك وخلي لك روتين نافع
مع احترامي للاعضاء والعضوات اللي ردوا عليك
الوازع الديني مهم ما اختلفنا
لكن الفراغ هو المسبب الأول للاكتئاب والملل
جربي نصيحتي وبإذن الله راح تشوفين فرق كبير
..
9Likes
10-08-23, 04:44 AM
