|
:: قرار هام :: |
موضوع مُغلق |
| LinkBack | أدوات الموضوع | انواع عرض الموضوع |
03-17-24, 08:03 PM | #7 | |||||||||||||
|
إذا فكيتي الهوايه لتنظيف البوابه إنتبهي تلمسي الدبوس الموجود داخل خرطوش الهوايه لأن هذا الدبوس إذا تعرض لتلف حتى لو كان بسيط ستنجبري تغيري غطى الهوايه كامل وكذلك بعد فكك لخرطوش الهوايه ستجدي فلتر متسخ بالغبار لابد عليك تنظفيه ، وعند تنظيفه لابد تسدين فتحة الخرطوش السفليه بقطعة قماش ثم تنظفين داخل الهوايه من بقايا الغبار تأكدي إذا لم تفعلي ذلك سيدخل الغبار لداخل الماكينه ويمتزج مع الزيت ويتلفها عليك . صدقيني الشغله بسيطه ولا يحتاج لها أي ورشه ودفع فلوس ، وإذا وجدتي صعوبه بإمكانك تبحثي في اليوتيوب لطريقة تنظيف البوابه والهوايه وستجدي شروحات كثيره . أما بخصوص تغيير البواجي فليس ضرورياً لأن السياره لم تمشي الكثير ، لأن حد المشي لتغيير البواجي مابين 80 ألف و 120 ألف كيلو ، ومن إعتقادي ليس وقتاً مناسباً لتغييرها . ولكن أهم شيء مادام السياره صار لها فتره طويله واقفه لابد عليك تغيري لها (( زيت مع سيفون )) ، ولابد تراعين عند تغيير الزيت والسيفون يكون زيت وسيفون أصلي ويستحسن يكون الزيت 50w 20 تظهر داخل غطاه علامة فوكس <<< أقول لك هذا الكلام لأن أغلب محلات البناشر يغشون زباينهم في الزيوت والسيفونات . نصيحتي : ودي سيارتك عند أحد محلات بترومين وقولي لهم (( سيرفس كامل )) ولكن الله يعينك سيكلفك ذلك من 400 إلى 600 ريال لأنهم سيغيرون لك جميع الزيوت والفلاتر وكذلك يعبون لك النواقص مثل زيت الفرامل وزيت الدركسون وموية اللديتر والمساحات لا وكمان يعطونك ميداله أبو ريحه تعلقيها على المرايه ههههههههههههههه عموماً إذا بغيتي تبيعي السياره بـ 30 ألف ريال أنا شراي وكذلك إذا بغيتي البدل بسياره fg أو bmw مع دفع الفرق كذلك ماعندي مانع . | |||||||||||||
|
03-17-24, 08:11 PM | #8 | |||||||||||||||||||||||||||||||||||
.............
|
بالنسبة لتنظيف الهواية. الافظل تشوف فني | |||||||||||||||||||||||||||||||||||
|
03-17-24, 08:14 PM | #9 | ||||||||||||||||||||||||||||||||||
|
أنا أسميه ( جهل إستخدام ) صحيح البنت تكون محافظه على سياقتها بإنضباط على الطريق ولكن المشكله تجهل متى تغير زيوتها وماهي القطع التي تغيرها فدائماً أصحاب الورش والبناشر يستغلون البنات مالياً لهذا السبب ، فتضل السياره مهمله حتى تتوقف عن الشغل تماماً . والله سيارات آخر موديل يجيبها بنات للمركز بعد أن نكشف عليها نجد الأعطال يا المكينه يا القير وكله بسبب إهمال تغيير الزيوت وفلتر القير في الوقت المناسب . | ||||||||||||||||||||||||||||||||||
|
03-17-24, 08:19 PM | #10 | ||||||||||||||||||||||||||||||||||
|
ويصلح للمناطق الحاره التي تكون فيها السياره شغاله لفتره طويله أو تمشي مسافات طويله أما بخصوص الكاتلوج مين اللي فاضي يقرأ كتلوجات قوانين المنتدى ماقروها تبيهم يقرون كتالوج ؟ ولكن مثل ماقلت سابقاً الزيت المغشوش من الزيت الغير مغشوش تعرفه من خلال علامة ( فوكس ) الظاهره داخل الغطاء الداخلي للعلبه . | ||||||||||||||||||||||||||||||||||
|
03-17-24, 11:57 PM | #11 | |||||||||||||
|
قبل حدود سنه من الآن بنت مع والدها جابوا للمركز سياره ( هونداي كاريتا موديل 2020 ) لا تعمل وبعد أن كشفو عليها العمال إتضح لهم بأن المكينه تحتاج لتوضيب أتفقوا العمال مع الزبون على السعر وفعلاً إستقبلوا السياره لإصلاحها وبدأو العمل عليها ( فكوا الماكينه ) وودوها للمخرطه وفي إنتظار قطع الغيار لتركيبها ضلت السياره قرابة الشهر داخل المركز بشكل لفت إنتباهي كل ما أذهب للمركز أشاهدها أمامي رغم أن السياره جاهزه لتركيب اللمسات الأخيره والتشغيل ، مما دعاني ذلك للإستغراب لماذا هذه السياره طولت داخل المركز كل هذي المده ؟!! فستدعيت كبير الفنيين وسألته عن السبب ولكنه صدمني بكلامه قال لي : هذي سياره كانت تحتاج توضيب وهي الآن شبه جاهزه ولكن صاحبة السياره لم تجد وجه للماكينه لعدم توفره في الأسواق السعوديه ، بحثت عنه في جميع محلات قطع الغيار وكذلك طلبته من الوكاله ولكن لم يتوفر فعرضوا عليها العمال عرض شراء السياره بمبلغ زهيد لا يزيد عن 15 ألف ريال وفعلاً وافقت لهم البنت على بيعهم لسياره ولكن بعد أن علمت بالموضوع بالتفصيل في الوقت المناسب كان لي رأي آخر صدم العمال وصدم صاحبة السياره . إتصلت على صاحبة السياره وقلت لها : إذهبي حالاً لمحلات قطع الغيار وإشتري منهم ( وجه مكينة لسياره ألنترا موديل 2020 ) وتعالي إستلمي سيارتك تفاجئت البنت وأبوها من طلبي ولكنه الحقيقه لأن سيارات كاريتا في الأساس ماكينتها هي نفس ماكينة الألنترا بالضبط وفعلاً أشترت الوجه بمبلغ لا يتجاوز 70 ريال من محلات قطع الغيار ، وجابته لنا وركبناه لها في أقل من نصف ساعه ، وعلى طول خذت سيارتها وطلعت . الغريب في الموضوع بأن العمال كانوا ناوين ينصبون عليها يشترون منها السياره بسعر رخيص إستغلالاً لعدم وجود القطعه بأسم السياره في محلات القطع ، ثم يصلحوها بنفس الطريقه التي قلتها لهم ويبيعوها بمبلغ عالي ينتفعون به ولكني خربت عليهم خطتهم اللي كانو ينوون عليها هههههههههههههههههه لذلك صدقوني الصناعيه فيها نصابين لا يخافون الله يطلعون ذهب إذا لم تكون تفهم أعطال وقطع سيارتك فوالله أنها مصيبه إذا صلحت سيارتك عندهم . | |||||||||||||
|
موضوع مُغلق |
مواقع النشر (المفضلة) |
| |
| أصدقاء منتدى مسك الغلا | | |||||