النسيب النشبه - الصفحة 2 - منتديات مسك الغلا

**غَـزل ،** · 05-16-24, 02:53 PM

'

وعليكم السلام و الرحمة

هذا والله البلشه
اولاً المَشكلة من عند اختك .. ولان الله يحفظ والديك يحبونهم ويغيرون جوهم
فَ اختك عاجبها كذا ترتاح
رغم ان هالطريقة غلط * غلط لان ما في خصوصية بينها وبين زوجها
وتريح راسها من اشغال البيت
مهما كان عمق العلاقه بين الاهل وزوج الاخت لابد يتمتعو بخصوصية في بيتهم

اذا زوجها كان موجود اعملوا نفسكم مشغولين بجوالاتكم
واختك اذا شفتها من باب الدعابه قولها تجلسين معانا اكثر من جلوسك مع زوجك

صراحةً ماعندي الخبره الكافيه بالامور هذى لان احس هالامور الرجال يقدروا يصرفوا تدبيره

**ألحان** · 05-16-24, 02:54 PM

اول مرة اشوف رجل يغار هههه
ما دام اختك تحبه وهو عازها ومكرمهم وما دام امك تعزه وهو محترمها ومقدرها فهذا ينحط فوق الرأس
عشمه فيكم انكم أهله واخذ راحته على هذا الاحساس
حاول انك تشيل فكرة انه غثيث من فكرك وتتعامل معه وكأنه اخ رابع لكم اذا مو عشانه عشان اختكم

هوس* · 05-16-24, 02:59 PM


	المشاركة الأصلية كتبت بواسطة ألحان


	اول مرة اشوف رجل يغار هههه ما دام اختك تحبه وهو عازها ومكرمهم وما دام امك تعزه وهو محترمها ومقدرها فهذا ينحط فوق الرأس عشمه فيكم انكم أهله واخذ راحته على هذا الاحساس حاول انك تشيل فكرة انه غثيث من فكرك وتتعامل معه وكأنه اخ رابع لكم اذا مو عشانه عشان اختكم

الحان ماعليش بدخل معاك بردك
ترى يمكن مايقصد يغار بالمعنى المفهوم
يقصد انو اخذ حيز كبير

وترى صدقيني مهما كان حبه للاهل
وحضوره وطيبه وخدمته
لكن صعب يكون من اهل البيت
خاصه ان اهلهم يقولوا ليع مانجلسوا معه
وليه كذا وكذا

فيه الخير
لكن اذا احد من اهل البيت نفسه
كان نشبه يتعب فمابالك من خارج البيت
ويظل زوج الاخت زوج اخت
له الاحترام بس موب ينشب
خاصه اذا موب ولد عم
يعني غريب شويات

ماعليه طيب وخدوم ويحبوه الاهل
لكن ماتوصل يقلط ليل نهار

اتكلم من تجربه
ترى تاركه هالقسم والرد فيه من زمان
لكن شدني هالموضوع
لان حسيت فيه وصاير عندنا

وش لك تردي عن الادمي

**ivisibale man** · 05-16-24, 03:02 PM


	المشاركة الأصلية كتبت بواسطة ألحان


	اول مرة اشوف رجل يغار هههه ما دام اختك تحبه وهو عازها ومكرمهم وما دام امك تعزه وهو محترمها ومقدرها فهذا ينحط فوق الرأس عشمه فيكم انكم أهله واخذ راحته على هذا الاحساس حاول انك تشيل فكرة انه غثيث من فكرك وتتعامل معه وكأنه اخ رابع لكم اذا مو عشانه عشان اختكم

انا ما اغار انا اشعر بالاختناق من كثرة الزيارات ، احنا نحترمه ونقدره لكنه هو نشبه مررة اما بالنسبة ان احنا نعده اخ رابع فأبري اصلاً يقول هذا اخوكم الكبير مو نسيبكم وبس

**ivisibale man** · 05-16-24, 03:04 PM


	المشاركة الأصلية كتبت بواسطة غَـزل ،


	' وعليكم السلام و الرحمة هذا والله البلشه اولاً المَشكلة من عند اختك .. ولان الله يحفظ والديك يحبونهم ويغيرون جوهم فَ اختك عاجبها كذا ترتاح رغم ان هالطريقة غلط * غلط لان ما في خصوصية بينها وبين زوجها وتريح راسها من اشغال البيت مهما كان عمق العلاقه بين الاهل وزوج الاخت لابد يتمتعو بخصوصية في بيتهم اذا زوجها كان موجود اعملوا نفسكم مشغولين بجوالاتكم واختك اذا شفتها من باب الدعابه قولها تجلسين معانا اكثر من جلوسك مع زوجك:montaser_163: صراحةً ماعندي الخبره الكافيه بالامور هذى لان احس هالامور الرجال يقدروا يصرفوا تدبيره

ما نقدر بعد نصرف اختنا هذا بيتها متى ما بغت تجي تجي براحتها بس الزوج المفروض من باب الذوق انه ما يجي كل يومين المفروض انه اذا جاب اختنا يقلط ربع ساعة يسىلف شوي ويشرب له فنجان فنجانين ويمشي

**ivisibale man** · 05-16-24, 03:07 PM


	المشاركة الأصلية كتبت بواسطة هوس*


	الحان ماعليش بدخل معاك بردك ترى يمكن مايقصد يغار بالمعنى المفهوم يقصد انو اخذ حيز كبير وترى صدقيني مهما كان حبه للاهل وحضوره وطيبه وخدمته لكن صعب يكون من اهل البيت خاصه ان اهلهم يقولوا ليع مانجلسوا معه وليه كذا وكذا فيه الخير لكن اذا احد من اهل البيت نفسه كان نشبه يتعب فمابالك من خارج البيت ويظل زوج الاخت زوج اخت له الاحترام بس موب ينشب خاصه اذا موب ولد عم يعني غريب شويات ماعليه طيب وخدوم ويحبوه الاهل لكن ماتوصل يقلط ليل نهار اتكلم من تجربه ترى تاركه هالقسم والرد فيه من زمان لكن شدني هالموضوع لان حسيت فيه وصاير عندنا وش لك تردي عن الادمي :montaser_134:

انا احسدك لأنك بنت على الاقل حتى لو زوج اختك نشبه وعنده مفتاح الكراج في النهاية ما راح تضطرين تجلسين وتسولفين معاه ، انا او واحد من اخواني واحياناً كلنا نضطر نقعد عشان ابوي ما يهزأ فينا قدامه فأنتي بالراحة مقارنة فينا بس حاس ان بتصير زوجة اخوك نشبه لك ههههههههه الله يعينك عاد

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال