!.. BRB



...

اذا قام أحداً ما بحذفك من حياته بدون سبب
فإعلم بأنك لم تكن سوى " فائض " على حياته


هذا ما علمتني إياه الأيام






...

اشتقت لشخص لم يعد تواصله بي كما كان

ويؤلمني هذا كثيراً ...





...

خاطري انقز من هالإرتفاع وأجرب كيف يكون الشعور
بس المشكلة اني اخاف من المرتفعات فكيف بتمشي مأدري
المهم ... يمكن في يوم من الأيام بتنضرب فيوزاتي وأسويها مع اني أشك

والله انه ضاربني ملل وكسل ومأدري شو قاعدة انقع هني



...

دائماً انبته لنفسك
فهناك قلباً أنت له روح ونبض






...

عندي عادة سيئة مأدري اذا هي سيئة بس تفلس اخواني رسمي ههههه
مرات اتيي في بالي اروح مدينة الألعاب ويوم نروح اتصنم جدام الألعاب
ويقولون لي يلا لعبي واقعد اقول لهم لا لا مابا .. اكثر من مرة سويتها فيهم
وهم مساكين يودوني رغم ان مافي فايدة مرجوة مني .. عندي خوف مو طبيعي

عاد في يوم مادري احسه كان يبي ينتقم او يأدبني او يسكتني المهم
كالعادة رحت وقلت ابا اروح الالعاب الي في دبي مول لان على خبري
رحت له مع ربيعاتي رحلة مدرسة قبل 4 مأدري 5 سنوات
وقعدت امدح نفسي جدام اخواني الصغار واني انا لعبته وما خفت
اذا رحتوا له بيكون هذاك اللعبة مل سونيك الكبير يكون في الظلام << على شرحج محد بيعرفه
ما علينا فقلت لأخوي وقال انزين يلا نسير << أول مرة يقول يلا بدون ما يهاوشني
يوم وصلنا طبعا تصنمت جدام اللعبة وقلت لا لا ما بركب منو قال اني ركبت هذا
بس اخوي قال بتركبين يعني بتركبين يلا جدامي ركبت غصب مع اخواني الصغار
تخيلو طول اللعبة وانا اصارخ وهذا اوني راكبته قبل وما شاء الله اخواني ولا سمعت لهم حس
خفت صاير فيهم شي قلت انتو بخير قالو لي اسكتي فضحتينا اخر مرة نركب معاج انتي مو ويه العاب
مسحوا فيني الأرض والأخ يناظرنا من تحت وميت ضحك علي
يوم نزلنا قال لي ها بتقولين تبين العاب بعد .. قلت له اذا شفتني اقولك ابا لا توديني ابداً

وللحين اقول ابا اروح واسمع كم كلمة من الي يحبه قلبكم وانطب واسكت << راس يابس
للحين ماعرف ليش ابا اروح دامني ما العب شي .. سؤال ابا له جواب الصراحة


وبس هذا سالفتي ... اتمنى ما اكون طولت عليكم





...