من الذاكرة 2015

بعض من مقتطفاتي الخاصة أشارككم بها
لحظات تخلد في الذاكرة وتكون الصور متنفسنا للرجوع لتلك الذكريات الجميلة

...



التاريخ
2015/1/11
المكان
جامعتي .. أحلى مكان لي في الجامعة هني
خصوصا هالأيام يكون برد والجو وايد حلو
وفي هالمرحلة كان اخر سميستر لي
اشتقت لشجرتي ما كنا نقعد الإ عندها ...




التاريخ
2015/4/6
المكان
هذا كان جزء من شغلي أيام التدريب (internship)
كانوا يكرفون كرف من 9 الصبح للـــ 6 المسا
بس كانت أيام حلوة .. تعلمت منها الكثير ..
اشتقت لهذه المرحلة وللأشخاص الي كانوا معاي وساعدوني




التاريخ
2015/8/16
المكان
في السماء رايحين لسنغافورة
من أجمل الأيام .. من أجمل الرحلات كانت بالنسبة لي
للحين اتذكر كل لحظة .. كل موقف مررنا فيه .. كل شي يخص هالرحلة
اشتقت لتلك الأيام ما كانت بتكون حلوة لولا وجود أخواني معاي




التاريخ
2015/8/25
المكان
سنغافورة من نافذة فندقنا
كان هذا أخر يوم لنا هناك .. شعوري بالنسبة لهالرحلة ما تنوصف
يمكن لانها أول سفرة لي برا الإمارات مأدري المهم هاليوم ما اشتاق له لان فيها وداع




التاريخ
2015/10/12
المكان
قاعة حفلة التخرج .. من أجمل الأيام يوم تخرجي
كل شي كان حلو من أوله لأخره ...
وكانت هدية أخوي لي هو الفون اليديد وايد فرحت فيه


ختامها مع الحب مالي



التاريخ
غير معلوم
المكان
والله مأدري وين هالمكان لكن إن شاء الله انه قريب
يكون عند باب بيتنا ... لا تدققون المهم هذي سيارتي ^-^

مخرج
ما من أحدٍ منا إلا وسيغادر هذه الحياة يوماً ما
وهناك لن تذهب معنا إلا أعمالنا .. وهنا لن تبقى لنا سوى ذكرانا بين الناس ..